Download GPX file for this article
15.8500104.6333Full screen dynamic map
လုၵ်ႉတီႈ ဝီႇၶီႇဝွႆးဢဵတ်ႇꩡ် မႃး

ဢမ်းၼၢတ်ႈၸရိူၼ်း (อำนาจเจริญ) ၼႆႉ ပဵၼ်ဝဵင်းငဝ်ႈၸိုင်ႈ ၶွင် ၸႄႈမိူင်း ဢမ်းၼၢတ်ႈၸရိူၼ်း၊ တီႈၼႂ်းထုင်ႉ ဢီႇသၢၼ် ၶွင် မိူင်းထႆး ယဝ်ႉ။

ပွင်ႇၸႂ်[မႄးထတ်း]

ႁူမ်ႈဝႃႈ မၼ်းပဵၼ် ဝဵင်းဢွၼ်ႇ ဢၼ်ၵတ်းယဵၼ်တဵတ်ႇသဵတ်ႇဝႆႉၼႆသေတႃႉ တီႈ ဢမ်းၼၢတ်ႈၸရိူၼ်းၼႆႉ မီး တီႈၸၼ်ၸႂ်တင်းၼမ်ယဝ်ႉ။ ၵူၼ်းၸိူဝ်းမႃး ဢႅဝ်ႇလႄႇတီႈ ၸရိူၼ်းၼႆႉ တေၸၢင်ႈႁၼ်လႆႈ ႁုၼ်ႇႁၢင်ႈပုတ်ႉထ၊ တူင်ႈၼႃးဢၼ်ႁၢင်ႈလီ လႄႈ သူၼ်မၢၵ်ႇမႆႉၸိူဝ်းၼႆႉ၊ ပေႃးၶၢဝ်းႁႅင်ႈမႃးၼႆ တေလးႁၼ် မၢၵ်ႇႁိၼ် တီႈၼႂ်း ၼမ်ႉမႄႈၶွင် လႄႈ တေလႆႈႁၼ်ပႃး ႁွႆးမိုဝ်းၶိုၵ်ႉၶႅမ်ႉ တၢင်းမေႃမိုဝ်း ဢိၵ်ႇတင်း ၶူဝ်းလၢႆႈ ၸိူဝ်းၼႆႉယဝ်ႉ။

ၵူၼ်း ဢမ်းၼၢတ်ႈၸရိူၼ်းၼႆႉ ၶဝ်ယူႇသဝ်းၸွမ်းလူၺ်ႈ ၽိင်ႈထုင်းပိုၼ်ႉတီႈ လႄႈ ပွႆးလၢမ်း ၸိူဝ်းဢၼ်ႁဵတ်း ဢၼ်မီးဝႆႉ ဢၼ်ၸတ်းႁဵတ်း ၵူႈပီ မိူၼ်ၼင်ႇ ပွႆးၶၢဝ်းဢွၵ်ႇဝႃႇ၊ ပွႆးပွႆႇၼူၽႆး၊ ပွႆတႆႈတဵၼ်းလွင်ႈၼမ်ႉ လႄႈ ပွႆးသၢင်းၵျၢၼ်ႇ ၸိူဝ်းၼႆႉယဝ်ႉ။ လိူဝ်သေၼၼ်ႉဢမ်ႇၵႃး ၶဝ်ၽိုၵ်းၵမ်ပႃး သိၼ်သီႇလ 14 ပႃး မိူၼ်ၼင်ႇ မိူဝ်ႈပႆႇၶဝ်ႈႁိူၼ်း သုၵ်ႈလၢင်ႉတိၼ်၊ ၵၢပ်ႈသွမ်း၊ ဝႄႈၵွင်ႉငဝ်း မုၼ်ႈၸဝ်ႈ၊ ၼပ်ႉယမ်ပေႃႈမႄႈ၊ ဢဝ် မွၵ်ႇ၊ ၽႆးတဵၼ်း၊ တဵၼ်းႁွမ် ၸိူဝ်းၼႆႉ လူႇတၢၼ်းတီႈ ႁုၼ်ႇႁၢင်ႈၽြႃး၊ သေ လဵပ်ႈႁဵၼ်းထမ်းတြႃးၵူႈဝၼ်း ၸၵႂႃႇ ၸိူဝ်းၼႆႉယဝ်ႉ။

ၵူၼ်းတီႈ ဢမ်းၼၢတ်ႈၸရိူၼ်း ၵမ်ႉၼမ်ၼႆႉ ပဵၼ် ၸုမ်းၸၢဝ်းၶိူဝ်း ၽူးထႆး ဢၼ်လုၵ်ႉတီႈ မိူင်းလၢဝ်း သေ ၶၢႆႉမႃးယူႇၼၼ်ႉယဝ်ႉ။ လွင်ႈလႅၼ်ႇၶဝ်တႄႉ ပဵၼ် လွင်ႈတေႃးႁုင်ႇ ၽႃႈၽႅၼ်ႇ "ၶိတ်ႉ"၊ ဢၼ်မီးႁွႆးမိုဝ်း ဢၼ်ဢမ်ႇမိူၼ်ပိူၼ်ႈၼၼ်ႉယဝ်ႉ။ ဢၼ်ပဵၼ် လွင်ႈလဝ်ႇမူၼ်ႈၽဵင်းၵႂၢမ်း ၽိင်ႈငႄႈ "မေႃလၢမ်း" ၼၼ်ႉၵေႃႈ ၶဝ်တိုၼ်းၵမ်ႉထႅမ် ပၼ် ပိူင်ၶုၼ်ႁေႃၶမ်း ၸွမ်းမၢႆမီႈ တီႇမူဝ်ႇၶရေႇၸီႇ ၼၼ်ႉယဝ်ႉ။ ၵူၼ်းဢမ်းၼၢတ်ႈၸရိူၼ်းၼႆႉ ၶဝ် ၶတ်းၸႂ် ထိင်းသိမ်း "ယၢဝ်းၶွင်ႇ" ဢၼ်ပဵၼ်ၽိင်ႈထုင်း ဢၼ်ၵူၼ်းၼုမ်ႇၶဝ် ထူပ်ႉၵၼ်သေ ႁူမ်ႈၵၼ်ႁဵတ်းသၢင်ႈၵၢၼ်တူင်ႉၼိုင် မိူၼ်ၼင်ႇ တေႃးႁုၵ်ႇ၊ ပႅၼ်းလၢႆႈ ဢိၵ်ႇတင်း ၽဵင်းၵႂၢမ်းၽိင်ႈငႄႈ ၸိူဝ်းၼၼ်ႉယဝ်ႉ။

ၵႂႃႇၸူး[မႄးထတ်း]

တင်း ၵႃး[မႄးထတ်း]

ပေႃးလုၵ်ႉတီး ၵုင်းထဵပ်ႈမႃး လုၵ်ႉတီႈ သဵၼ်ႈတၢင်းလူင် Hwy 1 သေၵေႃႈ ၵႂႃႇၽၢႆႇႁွင်ႇ၊ ယဝ်ႉၵေႃႈ ၸွမ်းသဵၼ်ႈတၢင်း Hwy 2 သေ ၵႂႃႇၸူး ၶူဝ်ရတ်ႉ။ ဝၢႆးသေၼၼ်ႉ ၸွမ်းသဵၼ်ႈတၢင်း Hwy 226 ၼၶွၼ်းရႃၸသီမႃး-သုရိၼ်း၊ ဝၢႆးသေၼၼ်ႉ ၵႂႃႇၸွမ်း သဵၼ်ႈတၢင်းလူင် Hwy 214၊ သုရိၼ်း-သုဝၼ်ႇၼၽူမ်း။ လုၵ်ႉတီး ယသူဝ်ထွၼ်း သေ ငွၵ်းၶိုၼ်ႈၼိူဝ် သဵၼ်ႈတၢင်းလူင် Hwy 202 သေၵေႃႈ ပႃႇတိဝ်း တေႃႇ ဢမ်းၼၢတ်ႈၸရိူၼ်း။ သဵၼ်ႈတႃး ၼႆႉ မီး 704 ၵီႇလူဝ်ႇမီႇတႃႇယဝ်ႉ။

တင်း ပၢတ်ႉသ်[မႄးထတ်း]

လုၵ်ႉတီႈ တႃႈရူတ်ႉပၢတ်ႉသ် ပွတ်းႁွင်ႇ၊ မူဝ်ၶျိတ်ႉ 2၊ သဵၼ်ႈတၢင်း ၵမ်းၽႅင်းၽဵတ်ႉ ၼၼ်ႉသေၵေႃႈ မီးရူတ်ႉပၢတ်ႉသ်ဢႄးၵွၼ်း ဢၼ်ဢွၵ်ႇၸူး ဢမ်းၼၢတ်ႈၸရိူၼ်း ၼၼ်ႉယူႇၵူႈဝၼ်းယဝ်ႉ။

ထူဝ်းရိတ်ႉ ၸိူဝ်းဢွၵ်ႇၶၢဝ်းတၢင်း တင်း ႁိူဝ်းမိၼ် ဢမ်ႇၼၼ် ရူတ်ႉလဵၼ်းတႄႉ တေႁွတ်ႈၽႅဝ်ၸူး ဢုပူၼ်းရၢတ်ႉၶျ်ထႃးၼီး ဢွၼ်တၢင်းသေ၊ ယဝ်ႉၵေႃႈ ၶိုၼ်းသိုပ်ႇၶီႇ ရူတ်ႉပၢတ်ႉသ် ၵႂႃႇၸူး ဢမ်းၼၢတ်ႈၸရိူၼ်း၊ တၢင်းၵႆ 75 ၵီႇလူဝ်ႇမီႇတႃႇ။

ၸွၼ်ႇ[မႄးထတ်း]

တူၺ်း[မႄးထတ်း]

Map
ႁၢင်ႈၽႅၼ်ႇလိၼ် ၶွင် ဢမ်းၼၢတ်ႈၸရိူၼ်း
  • 1 ပုတ်ႉထဢုထယၼ်း လႄႈ ၽရမူင်ၶွၼ်း မိင်းမိူင်း (พุทธอุทยาน และพระมงคลมิ่งเมือง) - +66944211161တီႈဢေႇရိယႃႇပိုၼ်ႉထၢၼ်ႁိၼ် ဢၼ်ၼႆႉၼႆႉ မၼ်းမီးႁူမ်ႈမႆႉလီသေ မၼ်းၵေႃႈမိူၼ်ၼင်ႇ ၸိုဝ်ႈမၼ်းဝႃႈ ပဵၼ် "သူၼ်ပုတ်ႉထ" ၼၼ်ႉယဝ်ႉ။ တီႈၽၢႆႇၼႂ်းသူၼ်မွၵ်ႇၼၼ်ႉ မီးဝႆႉ ႁုၼ်ႇႁၢင်ႈပုတ်ႉထ ဢၼ်ပဵၼ် ႁွႆးမိုဝ်းဢိၼ်းတီးယႅၼ်း ပွတ်းႁွင်ႇ ဢၼ်သူႇယႂ်ႇယႂ်ႇသူႇၼိုင်ႈ ႁွင်ႉဝႃႈ ၽရမူင်ၶွၼ်း မိင်းမိူင်း ဢမ်ႇၼၼ် ၽရယႂ်ႇ၊ မီးဝႆႉယူႇတီႈ ၽၢႆႇၼႃႈ ၵျွင်းၽြႃးယဝ်ႉ။ ႁုၼ်ႇႁၢင်ႈပုတ်ႉထၼႆႉ ယၢမ်းလဵဝ်တႄႉ ပဵၼ်ၼႃႈတႃ ၸႄႈမိူင်းဢမ်းၼၢတ်ႈၸရိူၼ်းဝႆႉယူႇယဝ်ႉ။
  • 2 သူၼ်ၽုၵ်ႇသွမ်ႈ ၶျိတ်ႉသၵူၼ်ႊ (สวนเกษตรชิตสกนต์) - +6645511500မီႈၸမ်ၵၼ်တင်း ရီသွတ်ႉ ၶျိတ်ႉသၵူၼ်ႊ၊ တီႈၼႆႈၼႆႉ ၵူၼ်းႁူႉၼမ်ဝႃႈ ပဵၼ်သူၼ်ၽုၵ်ႇသွမ်ႈ မွၵ်ႇ လႄႈ တူၼ်ႈမႆႉတူၼ်ႈတွၵ်ႇ။ ပႃႇမွၵ်ႇလူင် ဢႃႇၾရီၵၼ်ႇ မရီႇၵူဝ်း ၼႆႉ ပေႃးပဵၼ်ၶိင်ႇၶၢဝ်းမၼ်းမွၵ်ႇၼႆ ပေႃးလိူင်လူင်ၵႂႃႇတၢင်းပႃႇယဝ်ႉ။
  • 3 ဝတ်ႉထမ်ႈသႅင်ႁိူဝ်ႈ (วัดถ้ำแสงเพชร) - +668367947947:30AM–5PMတီႈၵျွင်းၽြႃးထမ်ႈ ဢၼ်မီးဝႆႉတီႈၼိူဝ် ပၢင်ႇႁိၼ်သၢႆးၼၼ်ႉ မီးဝႆႉ ႁေႃယွတ်ႈ၊ ၽြႃးၼိုင်ႈသူႇ လႄႈ မီးပႃး ႁုၼ်ႇႁၢင်ႈပုတ်ႉထ ၵိင်းၸိူဝ်းၼႆႉယဝ်ႉ။ ၼင်ႇၸိုဝ်ႈထမ်ႈၼႆႉဝႃႈ သႅင်ႁိူဝ်ႈ ၼႆႉ မၼ်းပဵၼ်ယွၼ်ႉ မၢၵ်ႇႁိၼ်ႁိူဝ်ႈၼၼ်ႉယဝ်ႉ။ ဝတ်ႉထမ်ႈသႅင်ႁိူဝ်ႈၼႆႉ ပဵၼ်တီႈႁဵတ်းၵၢၼ်တြႃး တွၼ်ႈတႃႇ ၸိူဝ်းၼပ်ႉယမ် ဢႃးၸၢၼ် ၶျႃ သုၽထတူဝ်၊ ဢၼ်ပဵၼ် မုၼ်ၸဝ်ႈတီႈ ဝတ်ႉၼွင်ပႃႇၽူင်း။ မုၼ်ၸဝ်ႈၼွၵ်ႈမိူင်းတင်းၼမ် မႃးဢႅဝ်ႇလႄႇ တွၼ်ႈတႃႇ ႁဵတ်းၵၢၼ်တြႃးယဝ်ႉ။
  • 4 ဝၢၼ်ႈမေႃလမ် (หมู่บ้านหมอล)။ ၽိင်ႈထုင်းၸၼ်ၸႂ် ၶွင် ဢမ်းၼၢတ်ႈၸရိူၼ်း၊ မေႃလမ် ၼႆႉ မၼ်းပဵၼ် လွင်ႈလဝ်ႇမူၼ်ႈတူၼ်ႈၸႂ် ၽဵင်းၵႂၢင်းၽိင်ႈထုင်း ဢၼ်ၸိုဝ်ႈလိုုဝ်းလင် ၶွင် ၸဵင်ႇႁွင်ႇဝၼ်းဢွၵ်ႇ မိူင်းထႆး ၼၼ်ႉယဝ်ႉ။ လွင်ႈလဝ်ႇမူၼ်ႈတူၼ်ႈၸႂ်ၼၼ်ႉ ၶဝ်ႈပႃး တၢင်းၵႃႈ လႄႈ ၽဵင်းၵႂၢမ်းၽိင်ႈထုင်းယဝ်ႉ။ မၼ်းပဵၼ် ဝၢၼ်ႈမေႃလမ်ယႂ်ႇတီႈသုတ်း ၶွင် မိူင်းထႆးသေ တီႈၼႂ်းဝၢၼ်ႈၼၼ်ႉၵူၺ်း မီး ၸုမ်းႁႆႇတိုင်ႈမေႃလမ် 20 ၸုမ်းယဝ်ႉ။ ဢၼ်ပဵၼ် လွင်ႈလဝ်ႇမူၼ်ႈမေႃလမ် ၶွင် ဝၢၼ်ႈ ပႃၶၢဝ် ၼၼ်ႉ လႆႈသူး OTOP (One Tambon One Product) ၶွင် ဢမ်းၼၢတ်ႈၸရိူၼ်းဝႆႉယဝ်ႉ။
  • ပွႆးၶေႉၶဵင်ႇႁိူဝ်း (ประเพณีการแข่งเรือยาว)။ ၸတ်းႁဵတ်းၼႂ်း လိူၼ်ဢွၵ်ႇထူဝ်ႇပႃႇ လႄႈ ၼူဝ်ႇဝႅမ်ႇပႃႇ ၵူႈပီပီၼၼ်ႉယဝ်ႉ။ ပၢင်ၶႄႉၶဵင်ႇၼႆႉ မၼ်းပဵၼ် ပၢင်ၶႄႉၶဵင်လူင် တွၼ်ႈတႃႇ ႁိူဝ်း ဢၼ်မႃးတီႈ ၸႄႈတွၼ်ႈ ၶေႇမရၢတ်ႉ၊ (ၸႄႈမိူင်းဢုပူၼ်းရၢတ်ႉၶျ်ထႃးၼီး)၊ ဢမ်းၼၢတ်ႈၸရိူၼ်း (ၸႄႈမိူင်းဢမ်းၼၢတ်ႈၸရိူၼ်း) လႄႈ လၢဝ်း ၸိူဝ်းၼႆႉယဝ်ႉ။ ပၢင်ၶႄႉၶဵင်ႇႁိူဝ်းၼႆႉ ႁဵတ်းတီႈၼႂ်း ၼမ်ႉမႄႈၶွင် တီႈၽၢႆႇၼႃႈ လုမ်း ၸႄႈတွၼ်ႈၶျႃႇၼုမၢၼ်ႊ ၼၼ်ႉယဝ်ႉ။
  • ဢွင်ႈတီႈမေႃမိုဝ်း ပၢၼ်ႊၶမ်းၽရ (ศูนย์จำหน่ายหัตถกรรมบ้านคำพระ) (ၸႄႈတွၼ်ႈ ႁေႃတၽၢၼ်ႊ)။ ဢွင်ႈတီႈ ဢၼ်ၶၢႆပၼ် ၶူဝ်းၶွင် ႁဵတ်းဢွၵ်ႇၼႂ်းႁိူၼ်း ၵူႈမဵဝ်းမဵဝ်း ဢၼ်ပဵၼ် ၼၢင်းယိင်းၼႂ်းထုင်ႉၼႆႉ ႁဵတ်းဢွၵ်ႇဝႆႉ။
  • ဢွင်ႈတီႈၽိုၵ်း ၵၢၼ်မေႃမိုဝ်း လႄႈ ပၢႆးမွၼ်း ၸၢဝ်းၸိူဝ်ႉၶုၼ် ပၢၼ်ႊၶျင်းထူဝ် (ศูนย์ศิลปาชีพบ้านสร้าง) (ၸႄႈတွၼ်ႈ ႁေႃတၽၢၼ်ႊ)။ တီႈႁူင်းၵၢင်ၼႆႉ ၽိုၵ်းပၼ်ၵၢၼ်ႁဵၼ်း တွၼ်ႈတႃႇ ၵၢၼ်တေႃးၽႃႈၽႅၼ်ႇ လႄႈ ၵၢၼ်တတ်းၽႃႇသႅင် ၸိူဝ်းၼႆႉယဝ်ႉ။ တီႈႁူင်းၵၢင်ၼႆႉ ၵိူတ်ႇဢွၵ်ႇပၼ် ၽူႈလူင်ႉလႅၼ်ႇ ၽၢႆႇတတ်းၽႃႇသႅင် ဢၼ်ၶိုတ်းၸၼ်ႉၵမ်ႇၽႃႇယဝ်ႉ။
  • 5 ဝတ်ႉၽရလၢဝ်ထဵပ်ႉၼိမိတ်ႉ (วัดพระเหลาเทพนิมิตร) (ၸႄႈတွၼ်ႈ ၽၼႃ)။ ၵျွင်းၽြႃးၼႆႉ ပဵၼ်လၢႆးႁၢင်ႈလၢၼ်ႉၼႃး ဢၼ်ပဵၼ် ဢွင်ႈတီႈမီးႁုၼ်ႁၢင်ႈ "ၽရလၢဝ်ထဵပ်ႉၼိမိတ်ႉ" ၼၼ်ႉယဝ်ႉ။ ႁုၼ်ႁၢင်ႈပုတ်ႉထၼႆႉ လႆႈသၢင်ႈမႃး မိူဝ်ႈပီ 1720 သေ မီးပႃးမွၵ်ႇယွတ်ႈႁၢင်ႈလီ ဢၼ်ဢဝ်တင်း ၶမ်းသေတဵၵ်းဝႆႉလႄႈ တေလႆႈသွၼ်ႇဝႃႈ မၼ်းပဵၼ် ႁုၼ်ႁၢင်ႈပုတ်ႉထ ဢၼ်ႁၢင်ႈလီသေပိူၼ်ႈ တီႈၼႂ်း တူင်ႇလိၼ် ၸဵင်ႇႁွင်ႇဝၼ်းဢွၵ်ႇၼႆႉယဝ်ႉ။ ၽၢင်ႁၢင်ႈမၼ်းတႄႉ ပဵၼ် ႁွႆးမိုဝ်းၵူၼ်းလၢဝ်း ဢၼ်မႃးတီႈ ဝဵင်းၸၼ် ဢၼ်လၢၼ်ႉၼႃးၶဝ် မီးလွင်ႈႁူမ်ႇငမ်းမႃး မိူဝ်ႈၶၢဝ်းၽွင်း 16-17 ပီႁူဝ်ပၢၵ်ႇၼၼ်ႉယဝ်ႉ။
  • 6 သူၼ်မွၵ်ႇမၢၵ်ႇ တွၼ်ႇၸဝ်ႈပူႇ (วนอุทยานดอนเจ้าปู่) (ၸႄႈတွၼ်ႈ ၽၼႃ)။ သူၼ်ဢၼ်ၼႆႉ မၼ်းပဵၼ် ဢွင်ႈတီႈ ဢၼ် တူဝ်သတ်းထိူၼ်ၶဝ်လၢႆလၢႆမဵဝ်း ယူႇသဝ်း၊ ၸိူဝ်းပဵၼ် လိင်းၵိၼ်ပူ ၼၼ်ႉၵေႃႈ တေၸၢင်ႈႁၼ်လႆႈငၢႆႈငၢႆႈယူႇ။ တီႈသူၼ်ၼၼ်ႉ မီးဝႆႉ ၶဵင်ႇယွၼ်းသူးဢၼ်ၼိုင်ႈ ဢိၵ်ႇတင်း ႁုၼ်ႁၢင်ႈၽြႃး ဢၼ်ၼႄဝႆႉ ၽွင်းမိူဝ်ႈၵိူတ်ႇ၊ ၽွင်းမိူဝ်ႈလႆႈၺၢၼ်ႇတြႃး ၊ ၽွင်းတႄႇႁေႃးတြႃး လႄႈ ႁၢင်ႈၽၢင် ၽြႃးၵိင်း ၸိူဝ်းၼႆႉယဝ်ႉ။
  • ၽူႈသတွၵ်ႇပႂႃး (ภูสระดอกบัว) (ၸႄႈတွၼ်ႈ သႄၼၢင်းၶၼိၶူမ်)။ တီႈၼိူဝ်ၸိၵ်းလွႆ မီးဝႆႉ ၼွင်မၢၵ်ႇႁိၼ် 11 ၼွၼ် ဢၼ်မီးတၢင်းၵႂၢင်ႈ မီႇတႃႇတၢၼ်ႇတၢၼ်ႇ။ တီႈၼၼ်ႈၼႆႉ တေလႆႈႁၼ် ၸိူဝ်ႉငဝ်ႈမွၵ်ႇမူဝ် လၢႆလၢႆမဵဝ်းသေ ၸိူဝ်းၼၼ်ႉၼႆႉ ၵမ်ႈၼမ်တႄႉ ပဵၼ်မဵဝ်းလႆႈႁၼ် တီႈ လိၼ်မိုၵ်းယမ်းၼၼ်ႉၵူၺ်း။ ၵူၼ်းပိုၼ်ႉတီႈၶဝ် ဢွၼ်ၵၼ်လၢတ်ႈဝႃႈတႄႉ မွၵ်ႇမူဝ်ၸိူဝ်းၼၼ်ႉ ဢမ်ႇမီးၽႂ် ၽုၵ်ႇသေ မၼ်းတိုၼ်း ဢွၵ်ႇဝႆႉၸွမ်း သၽႃႇဝမၼ်းဝႃႈၼႆယဝ်ႉ။ ယွၼ်ႉၼၼ်လႄႈ ၶဝ်တၢင်ႇၸိုဝ်ႈဝႃႈ "ၽူႈသတွၵ်ႇပႂႃး" ဢၼ်ပွင်ႇဝႃႈ "လွႆၼွင်မူဝ်" ၼၼ်ႉယဝ်ႉ။ တီႈႁိမ်းၼၼ်ႉ မီးထမ်ႈလူင် ဢၼ်ၵူၼ်းၸၢင်ႈယူႇသဝ်း မွၵ်ႈႁူဝ်ပၢၵ်ႇမၼ်းၼၼ်ႉယဝ်ႉ။ မၼ်းယၢမ်ႈပဵၼ်မႃး ဢွင်ႈတီႈၼႃႈလိၼ် ၶွမ်ႇမိဝ်ႇၼိတ်ႉထႆးၼၼ်ႉယဝ်ႉ။
  • တီႈမုင်ႈသႃႇ ၼမ်ႉမႄႈၶွင် (ทิวทัศน์ริมฝั่งโขง) (ၸႄႈတွၼ်ႈ ၶျၼူးမႅၼ်း)။ တီႈၽၢႆႇၼႃႈ လုမ်းၸႄႈတွၼ်ႈ ၶျၼူးမႅၼ်းၼၼ်ႉ မီး သဵၼ်ႈတၢင်းပႆတၢင်း တီႈႁိမ်းၽင်ႇၼမ်ႉ ဢၼ်ႁဵတ်းႁႂ်ႈ ၵူၼ်းၶဝ် တူၺ်းမုင်ႈလႆႈ မႄႈၼမ်ႉၼၼ်ႉယဝ်ႉ။ ပေႃးၶၢဝ်းႁႅင်ႈ တႄႇဢဝ် လိူၼ်ၾႅပ်ႇဝႃႇရီႇ တေႃႇ လိူၼ်မေႇ ၼႆ ၼမ်ႉ တီႈၼႂ်း ၼမ်ႉမႄႈၶွင်ၼႆႉ မၼ်းတိူဝ်းယွမ်းလူင်ၵႂႃႇသေ မိူၼ်ၼင်ႇ မူႇၵုၼ် ၵႅင်းတင်လင် လႄႈ ၵႅင်းႁိၼ် ၸိူဝ်းၼႆႉၵေႃႈ ဢွၵ်ႇမႃးၼိူဝ် ၼႃႈၼမ်ႉၼၼ်ႉယဝ်ႉ။

ႁဵတ်း[မႄးထတ်း]

သိုဝ်ႉ[မႄးထတ်း]

ၵိၼ်[မႄးထတ်း]

ၼွၼ်း[မႄးထတ်း]

  • 1 ႁူင်းႁႅမ်းၾၢႆးၶိတ်ႇ 449 မူဝ် 12 သွႆႉသမရၼ်ရတ်ႉ၊ သဵၼ်ႈတၢင်း ဢရုၼ်ပရႃႇသၢတ်ႈ၊ တမ်ပူၼ်ႈပိုင်ႊ (လုၵ်ႉဢဝ်တီႈ တၢင်းႁူပ်ႉမိင်းမူင်ႈၶူၼ်ႊသေ သိုပ်ႈႁေႃႈၵႂႃၸူး ယသူဝ်ထွၼ်း တႃႇ 1 ၵမ. ယဝ်ႉၵေႃႈ ငွၵ်းၽၢႆႇသၢႆႉ ၶိုၼ်ႈၸူး သွႆႈသမရၼ်ရတ်ႉ။ သိုပ်ႇၵႂႃႇသိုဝ်ႈသိုဝ်ႈ မွၵ်ႈ 50 မ. ၼႆ ႁူင်းႁႅမ်း ၾႆးၶိတ်ႉ ၼၼ်ႉ တေမီး ၽၢႆႇသၢႆႉၸဝ်ႈၵဝ်ႇ။) - +6645511999မီးဝႆႉ ႁူၵ်းသိပ်းဢဵတ်းႁွင်ႈ တႄႇဢဝ် ဢွင်ႈၵႃႈၶၼ်ထုၵ်ႇ တေႃႇထိုင် ႁွင်ႈသဝိတ်ႉ။ မီးတီႈ ၵၢင်ဝဵင်း။ မီးပႃး တီႈႁဵတ်းပၢင်ၵုမ်။ 450-1,200 ဝၢတ်ႇ
  • 2 ပၢၼ်းသူၼ်ၾႃႉသၢႆ (โรงแรมบ้านสวนฟ้าใส) - +6645512022ႁူင်းႁႅမ်း ပၢၼ်းသူၼ်ၾႃႉသၢႆ ၼႆႉ ပဵၼ် ႁူင်းႁႅမ်း ပဵၼ် သွင်ၸၼ်ႉ လႄႈ သၢမ်ၸၼ်ႉ၊ ဝၢင်းၵႂၢင်ႈ၊ မီးတီႈၵိုတ်းလူတ်ႉလႆႈလီ။ ႁွင်ႈၼွၼ်း ပႃးၶွင်ႉၼမ်ႉ လႄႈ ဢႄးၵွၼ်း၊ ထီႇဝီႇ။ သႅၼ်ႈသႂ် လီ သေ ၵႃႈၶၼ် ၵေႃႈထုၵ်ႇယဝ်ႉ။.
  • 3 ႁူင်းႁႅမ်း ၼၶရိၼ် (โรงแรมนครินทร์) - +6645511226ႁူင်းႁႅမ်းမႂ်ႇ၊ ဝၢင်းၵႂၢင်ႈလီ၊ လူမ်ၸႂ်၊ သႅၼ်ႈသႂ်။ ၵႃႈၶၼ်ထုၵ်ႇသေ ၶဝ်ႈပႃးတၢင်းၵိၼ်ၵၢင်ၼႂ်။ တီႈၵိုတ်းလူတ်ႉၵေႃႈ ၵႂၢင်ႈလီသေ ႁဵတ်းပၼ်ပႃး ဢၼ်မုင်းလူတ်ႉ။ ၼႂ်းၶွင်ႉပႃး ဢႄးၵွၼ်း၊ ထီႇဝီႇ၊ ၶွင်ႉၼမ်ႉ။.

သိုပ်ႇၵႂႃႇထႅင်ႈ[မႄးထတ်း]



ၽိုၼ်ၵႅမ်မိုဝ်းၶၢဝ်းတၢင်း ဝဵင်း ဢမ်းၼၢတ်ႈၸရိူၼ်း ၼႆႉ ပဵၼ် ပိူင်လိူင်း လႄႈ လူဝ်ႇ လမ်းၼႂ်းမၼ်းထႅင်ႈ။ မၼ်းမီးဝႆႉ ထႅမ်းပလဵတ်ႉ သေတႃႉ လွၼ်ႉၶၢဝ်ႇ ဢၼ်မီးဝႆႉယူႇ ယၢမ်းလဵဝ်ၼႆႉ မၼ်းပႆႇၵုမ်ႇထူၼ်ႈ။ ၶႅၼ်းတေႃႈ ၶိုပ်ႈၼႃႈ သေ ၸွႆႈထႅမ်ပၼ် ႁႂ်ႈမၼ်း မုၼ်းယႂ်ႇမႃးသေၵမ်း !