ၵဵင်းႁၢႆး (เชียงราย) ၼႆႉ ပဵၼ်ဝဵင်းငဝ်ႈၸိုင်ႈ ၶွင် ၸႄႈမိူင်းၵဵင်းႁၢႆး၊ မိူင်းထႆး ပွတ်းႁွင်ႇ ၼၼ်ႉယဝ်ႉ။

ပွင်ႇၸႂ်

ဝဵင်းၼႆႉ ႁူဝ်ၼပ်ႉၵူၼ်း တေမီးယူႇ 62,000 ႁိမ်းႁွမ်း။ မၼ်းပဵၼ် ဢွင်ႈတီႈၵၢင်ၵႅၼ် ပၢႆးမၢၵ်ႈမီး ၶွင် သၢမ်ၸဵင်ႇၶမ်း ဢၼ်ပဵၼ် ၼႃႈလိၼ် လႅၼ်မိူင်း ၶွင် မိူင်းထႆး၊ မျၢၼ်ႇမႃႇ လႄႈ လၢဝ်း ၼၼ်ႉယဝ်ႉ။ မၼ်းပဵၼ် ဢွင်ႈတီႈၶိုၵ်ႉၶႅမ်ႉ တွၼ်ႈတႃႇ တဝ်တူၺ်း တီႈၼႂ်းၼႃႈလိၼ်။ ၵဵင်းႁၢႆးၼႆႉ မၼ်းပဵၼ် ဝဵင်းပၼ်ၵၢၼ်ၸွႆႈသၢင်ႈ တွၼ်ႈတႃႇ ၸႄႈမိူင်း ၸိူဝ်းမီးႁိမ်းႁွမ်းၼၼ်ႉယဝ်ႉ။ တီႈဢွင်ႈတီႈတိူဝ်းယႂ်ႇၼၼ်ႉ မီးဝႆႉ ႁူဝ်ၼပ်ႉၵူၼ်း 200,000 ၵေႃႉၼႆႉသေတႃႉၵေႃႈ မၼ်းမီးဝႆႉ ၸၼ်ႉၸွမ်ဢၼ်လီၼပ်ႉယမ် လႄႈ ယူင်ႉသၢင်ႈႁၢင်ႈဝဵင်း တၢင်ႇၸိူဝ်း ၼၼ်ႉယဝ်ႉ။

ၽၢင်ႁၢင်ႈမၼ်းတႄႉ ပိူင်ႈၵၼ်တင်း ပွတ်းႁွင်ႇသေ တႄႇဢဝ် ၵဵင်းမႆႇ တေႃႇထိုင် ပွတ်းၸၢၼ်းၼၼ်ႉ မၼ်းၵေႃႈ ပႅၵ်ႇပိူင်ႈၵၼ်ယူႇ လွၵ်ႈလၢႆးၵူႈမဵဝ်းမဵဝ်း။ တၢင်းၵိၼ်ၶဝ် တိူဝ်းဝၢၼ် သေ ၸၢဝ်းၶိူဝ်းၵူၼ်းတႄႉ ႁူဝ်ၼပ်ႉၵူၼ်းၸၢဝ်းၶိူဝ်းၼိူဝ်လွႆ လႄႈ ၵူၼ်းမိူင်းမျၢၼ်ႇမႃႇ ၸိူဝ်းႁွတ်ႈၼွၵ်ႈမိူင်းၼၼ်ႉၵေႃႈ မီးဝႆႉတင်းၼမ်ယူႇ။

ၵႂႃႇၸူး

ၵႂႃႇတင်း ႁိူဝ်းမိၼ်

တႃႈႁိူဝ်းမိၼ် ၵူႈၸိုင်ႈမိူင်း ၵဵင်းႁၢႆး

• 1 တႃႈႁိူဝ်းမိၼ် ၵူႈၸိုင်ႈမိူင်း ၵဵင်းႁၢႆး - မႄႈၾႃႉလႂၢင် (CEI  ^IATA) သဵၼ်ႈတၢင်း ၽႁူၼ်ယူဝ်ထိၼ်း (လုၵ်ႉတီႈ ၵၢင်ဝဵင်းၵဵင်းႁၢႆးသေ ယၢၼ်ႇ 8 ၵမ.)။ ၸွမ်းလူၺ်ႈ မိူဝ်ႈပီ 2022၊ တီႈ တႃႈႁိူဝ်းမိၼ်ၼႆႉ ၵူၺ်းမီးၵၢၼ်ၸွႆႈသၢင်ႈတႃႇၼႂ်းမိူင်း ဢၼ်ၵႂႃႇၸူး ၵုင်းထဵပ်ႈ (တီႈတႃႈႁိူၼ်းမိၼ် တင်းသွင်ဢၼ်၊ ၼိုင်ႈဝၼ်း မီးသၢႆၵၢၼ်မိၼ် လၢႆလၢႆဢၼ်), ႁၢတ်ႇယႂ်ႇ လႄႈ ၽူးၵဵတ်ႇ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)

ၵၢၼ်ၸွႆႈသၢင်ႈ ရူတ်ႉပၢသ်ႉမႂ်ႇ ဢၼ်လႆႈတႄႇမႃး မိူဝ်ႈ ပီ 2018 လိူၼ်ဢွၵ်ႇထူဝ်ႇပႃႇၼၼ်ႉ ယၢမ်းလဵဝ် လုၵ်ႉဢဝ်တီႈ တႃႈႁိူဝ်းမိၼ်သေ ၵွင်ႉသိုပ်ႇၸူး တီႈ ၵၢင်ဝဵင်းယူႇ။ ၸိူဝ်းပဵၼ် ရူတ်ႉပၢသ်ႉ ဢၼ်ပႃးၸၢၵ်ႈလူမ်းၵတ်းၼၼ်ႉၵေႃႈ ၵူႈ 20-40 တႃၼၼ်ႉ လဵၼ်ႈပၼ်ယူႇတႃႇသေႇသေ တွၼ်ႈတႃႇ ၶီႇၼိုင်ႈပွၵ်ႈၼႆႉ တေတူၵ်းၸူဝ်ႈ 20 ဝၢတ်ႇယဝ်ႉ။

လုၵ်ႉတီႈ Avis, Hertz, Sixt လႄႈ Thai Rent A Car သေၵေႃႈ ၸၢင်ႈယိမ်လႆႈ ရူတ်ႉယူႇ။

ၵႃႈတီႈၽိူၼ် တီႈၼႂ်း တႃႈႁိူဝ်းမိၼ်ၼၼ်ႉၵေႃႈ ၸဝ်ႈၵဝ်ႇ ၸၢင်ႈယိမ်လႆႈ ရူတ်ႉထႅၵ်ႇၸီႇ ဢၼ်လႆႈလူင်ႈၼႃႈပၼ်ၵႃႈမၼ်းၼၼ်ႉယဝ်ႉ။ ၵႃႈၶၼ်မၼ်း ၶဝ်ၼႄဝႆႉတီႈ ပႅၼ်ႈၼႄ ၼၼ်ႉယူႇ။ မၼ်းတေတေႃႉဢဝ်ၸဝ်ႈၵဝ်ႇ သူင်ႇထိုင်ပၼ်တီႈ ႁူင်းႁႅမ်းၸဝ်ႈၵဝ်ႇ ဢမ်ႇၼၼ် ၽူႈၶပ်းရူတ်ႉသေ သွၵ်ႈႁႃပၼ်ၸဝ်ႈၵဝ်ႇ သင်ဝႃႈ ၸဝ်ႈၵဝ်ႇ လၢတ်ႈၵႃႈၶၼ် ဢၼ်ၸဝ်ႈၵဝ်ႇ ၶႂ်ႈၸၢႆႇၼၼ်ႉ။

ဢၼ်ပဵၼ် ထႅၵ်ႇၸီႇမီႇတႃႇၼၼ်ႉတႄႉ ဢမ်ႇပေႃး ၵႃႈၶၼ်ထုၵ်ႇထၢၼ်ႇ ထႅၵ်ႇၸီႇ ဢၼ်လူင်ႈၼႃႈပၼ်ငိုၼ်း။ ထႅၵ်ႇၸီႇမီႇတႃႇၼၼ်ႉ ၶဝ်ဢဝ် တဵပ်ႉသေ ႁူမ်ႇဝႆႉမီႇတႃႇၶဝ်သေ ၶဝ်ဢမ်ႇယွမ်းၸႂ်ႉ မီႇတႃႇ၊ ယွၼ်ႉၼၼ်လႄႈ ထႅၵ်ႇၸီႇ ဢၼ်လူင်ႈၼႃႈပၼ်ၵႃႈမၼ်းၼၼ်ႉ ပဵၼ် တၢင်းလိူၵ်ႈ ဢၼ်ၶႅမ်ႉသေပိူၼ်ႈယဝ်ႉ။

ၵႂႃႇတင်း ႁိူဝ်း

ၸဝ်ႈၵဝ်ႇၸၢင်ႈၵႂႃႇၸွမ်း ၼမ်ႉၵွၵ်ႇ လုၵ်ႉတီႈ ပၢၼ်ႈရူမ်ႈမိတ်း တေႃႇ ထႃးတွၼ်ႈ။ တွၼ်ႈတႃႇႁူဝ်ယွႆႈမၼ်းတႄႉ တူၺ်းတီႈ ထႃးတွၼ်ႈ / ၵႂႃႇၸူး ၼၼ်ႉလႄႈ။

ၵႂႃႇတင်း ရူတ်ႉပၢသ်ႉ

တီႈၵဵင်းႁၢႆးၼႆႉ မီးဝႆႉ တႃႈရူတ်ႉပၢသ်ႉ သွင်ဢၼ်။ တႃႈရူတ်ႉပၢသ်ႉမႂ်ႇ လႄႈ တႃႈရူတ်ႉပၢသ်ႉၵဝ်ႇ။ မီးဝႆႉ သွင်ထႅဝ် (ဢၼ်ပဵၼ် မီႇၼီႇပၢသ်ႉ) ဢၼ်ၵပ်းသၢၼ်ၵၼ်ဝႆႉ ပၼ် တႃႈရူတ်ႉပၢသ်ႉ သွင်ဢၼ်ၼၼ်ႉ။ တေႁိုင် 15 တႃ (မိတ်ႉၼိတ်ႉ)။ ႁူမ်ႈဝႃႈ ၵႃႈၶီႇရူတ်ႉသွင်ထႅဝ် ဢၼ်ပဵၼ်တၢင်းၵၢၼ်မၼ်း တိတ်းၸပ်းဝႆႉတီးၼႂ်းရူတ်ႉသေတႃႉၵေႃႈ ၵူၼ်းႁေႃႈရူတ်ႉမၢင်ၸိူဝ်းၼႆႉ သင်ဝႃႈ ၵူၼ်းၶီႇမၼ်း ယွမ်းသေ 10 ၵေႃႉၼႆ ၶဝ်တေတိူဝ်းယွၼ်းၵႃႈမၼ်းယဝ်ႉ။ ပေႃးၼၼ် ၸဝ်ႈၵဝ်ႇ ၸၢင်ႈပႂ်ႉ လမ်းဢၼ်တေဢွၵ်ႇထႅင်ႈ။

• 2 တႃႈရူတ်ႉပၢသ်ႉၵဝ်ႇ (တႃႈရူတ်ႉပၢသ်ႉ 1)။ မီးဝႆႉတီႈၼႂ်းၵၢင်ဝဵင်း။ ရူတ်ႉပၢသ်ႉ ၸိူဝ်းဢၼ်မႃႈတီႈ ၸႄႈမိူင်းၵဵင်းႁၢႆးၼၼ်ႉ မႃးၵိုတ်းတီႈၼႆႈ။ လုၵ်ႉတီႈၼႆႈသေ ၸဝ်ႈၵဝ်ႇ ၸၢင်ႇၶီႇပၢသ်ႉၵႂႃႇၸူး ၽယၢဝ်း ဢၼ်မီးတီႈ ၽၢႆႇၸၢၼ်း လႄႈ မႄႈသၢႆ ဢၼ်မီးတီႈ ၽၢႆႇႁွင်ႇ။ မီးဝႆႉပၢႆႉဢၼ်တႅမ်ႈဝႆႉလိၵ်ႈဢိင်းၵလဵတ်ႈဝႃႈ ရူတ်ႉပၢသ်ႉ တီႈ တႃႈရူတ်ႉၼၼ်ႉ ဝႃႈ တေၵႂႃႇၸူးတီႈလႂ်ဢၼ်ဝႃႈၼၼ်ႉယူႇ။ ပေႃးၸဝ်ႈၵဝ်ႇ ၽႅဝ်ၼိူဝ်ပၢသ်ႉယဝ်ႉ ဢဝ်မႂ်တိုတ်းပၼ် ၽူႈၵဵပ်းမႂ်တိုတ်း (ဢွၼ်တၢင်းသုတ်း ၼႄႉၼွၼ်း ထၢမ်မၼ်းဝႃႈ ၸွင်ႇမၼ်းၸႂ် ပၢသ်ႉ ဢၼ်တေၵႂႃႇတီႈ ဢၼ်ၸဝ်ႈၵဝ်ႇ ၶႂ်ႈၵႂႃႇၼၼ်ႉ)။ ၶဝ်တေၸုၵ်းပႂ်ႉတီႈ ၽၢႆႇၼွၵ်ႈ ၽၵ်းတူၶဝ်ႈပၢသ်ႉသေ တေၸွႆႈထႅမ်ဢဝ် ထူင်ၶူဝ်းၸိူဝ်းၼႆႉ တၢင်ႇတီႈၼိူဝ်ပၢသ်ႉ)။ ပၢသ်ႉပိုၼ်ႉတီႈ ဢၼ်ၵႂႃႇၸူး ၵျွင်းၽြႃးၶၢဝ် ဢမ်ႇၼၼ် ႁိူၼ်းလမ်ၼၼ်ႉၵေႃႈ လုၵ်ႉတီႈၼႆႈသေ ဢွၵ်ႇၼင်ႇၵဝ်ႇ။ 
• 3 တႃႈရူတ်ႉပၢသ်ႉမႂ်ႇ (တႃႈရူတ်ႉပၢသ်ႉ 2) (လုၵ်ႉတီႈဝဵင်း ၵႂႃႇၽၢႆႇၸၢၼ်း 7 ၵမ. မီးတီႈႁိမ်းၶၢင်ႈ သဵၼ်ႈတၢင်းႁၢႆးဝေးလူင်)။ ရူတ်ႉပၢသ်ႉ ၸိူဝ်းလုၵ်ႉတၢင်ႇတီႈ တီႈၼႂ်းမိူင်းထႆးမႃးၼၼ်ႉ မႃးၵိုတ်းတီႈၼႆႈ။ 

လုၵ်ႉတီး ၵဵင်းၶွင် (ဝဵင်းထႆး ဢၼ်မီးတီႈႁိမ်း လႅၼ်လိၼ်လၢဝ်း)

ပၢသ်ႉပိုၼ်ႉတီႈ (သီလႅင်) ၼႆႉ ဢွၵ်ႇယူႇ ၵူႈမူင်း ဢမ်ႇၼၼ် မီးဝႆႉမၢႆၸႅင်ႈၸႅင်ႈလႅင်းလႅင်းဝႃႈ ပၢႆတၢင်း တေႁွတ်ႈထိုင်တီႈလႂ်။ ၶၢဝ်းတၢင်းမၼ်း တေႁိုင်ယူႇ 2½ မူင်း သေ တေတူၵ်းၸူဝ်ႈ 60 ဝၢတ်ႇ။ ၸွမ်းသၢႆတၢင်းပၢသ်ႉၼၼ်ႉ ၸဝ်ႈၵဝ်ႇ ၸၢင်ႈၶိုၼ်ႈ/လူင်းလႆႈ ယူႇ ၵူႈတီႈယဝ်ႉ။

လုၵ်ႉတီႈ ၵဵင်းမႆႇ

ၵရိၼ်းပၢသ်ႉၶဝ်ၵေႃႉ ပၼ်ႇၵၢၼ်၊ လုၵ်ႉတီႈ တႃႈရူတ်ႉ ဢႃးၶၢတ်ႉ 3 ၵဵင်းမႆႇသေ ဢွၵ်ႇပၼ်ယူႇ တႃႇသေႇယဝ်ႉ။ ပၢသ်ႉၶဵဝ်ၼႆႉ ၵိုတ်းတီႈ တႃႈရူတ်ႉပၢသ်ႉ ၵဵင်းႁၢႆး တင်း သွင်တီႈ ယဝ်ႉ။ ၸွမ်းၼင်ႇ မိူဝ်ႈ လိူၼ်မေႇ ပီ 2017သေ မၼ်းတေမီး မဵဝ်းပၢသ်ႉ -

V-Class Bus (VIP) ပဵၼ်ရူတ်ႉပၢသ်ႉ ဢၼ်ပႃးတီႈၼင်ႈ 24 ဢမ်််််ႇၼၼ် 30၊ တီႈၼိူဝ်ရူတ်ႉ ပႃးၶွင်ႉၼမ်ႉၵမ်းလဵဝ်၊ ပၼ်ပႃး တၢင်းၵိၼ် လႄႈ ၽႃႈၸဵတ်ႉမိုဝ်း။ တၢင်းႁိုင်ၶၢဝ်းတၢင်း 3 မူင်း။ 258 ဝၢတ်ႇ။

X-Class Bus (1st class) - ပဵၼ်ရူတ်ႉပၢသ်ႉ ဢၼ်ပႃးတီႈၼင်ႈ 40၊ ပႃးဢႄးၵွၼ်း၊ ၶွင်ႉၼမ်ႉပႃးဝႆႉၼိူဝ်ရူတ်ႉ။ တၢင်းႁိုင်ၶၢဝ်းတၢင်း 3 မူင်း 20 တႃ။ 166 ဝၢတ်ႇ။

A-Class Bus (2nd class) - ပဵၼ်ရူတ်ႉပၢသ်ႉ ဢၼ်ပႃးတီႈၼင်ႈ 48၊ ပႃးဢႄးၵွၼ်း၊ ဢမ်ႇပႃးၶွင်ႉၼမ်ႉ။ တၢင်းႁိုင်ၶၢဝ်းတၢင်း 3 မူင်း 30 တႃ။ 129 ဝၢတ်ႇ။ 129 ဝၢတ်ႇ။

ရူတ်ႉဢမ်ႇမိူၼ်ၵၼ် ၶၢဝ်းယၢမ်းဢွၵ်ႇၵေႃႈ ဢမ်ႇမိူၼ်ၵၼ်။ တွၼ်ႈတႃႇၼႄႉၼွၼ်းၼႆ ၵူတ်ႇတူၺ်း သဵၼ်ႈၶၢဝ်းယၢမ်း ၼႆႉလႄႈ။

လုၵ်ႉတီႈ ႁူၺ်ႈသၢႆ၊ မိူင်းလၢဝ်း

လွင်ႈယူႇတၢင်းသဝ်းတီႈ ႁူၺ်ႈသၢႆ ၵမ်ႉပႃႈၼမ်ၼႆႉ ၶဝ်မီး ၵၢၼ်ၸွႆႈသၢင်ႈ မီႇၼီႇဝႅၼ်ႇ ဢၼ်ၵႂႃႇၸူး ၵဵင်းႁၢႆးယူႇ။ ၵူၼ်းၼိုင်ႈၵေႃႉ တေလႆႈပၼ် 300,00 ၵိပ်ႉ၊ ဢၼ်ၶဝ်ႈပႃး ပၢသ်ႉတေႃႉသူင်ႇ ဢၼ်ၶၢမ်ႈတီႈ ၶူဝ်ဢူၺ်းလီ ထႆး-လၢဝ်း (တီႇသႅမ်ႇပႃႇ 2022)။ မီႇၼီႇပၢသ်ႉၶဝ် လုၵ်ႉတီႈ ႁူၺ်ႈသၢႆ ဢွၵ်ႇ ၶၢဝ်း 7:30 ပၸ. သေ ႁွတ်ႈထိုင်တီႈ ၵဵင်းႁၢႆး မွၵ်ႈ 11:30 ပၸ. ယဝ်ႉ။ ပေႃးထိုင်တီႈ လႅၼ်လိၼ်ၼႆ ၸဝ်ႈၵဝ်ႇ လူဝ်ႇလႆႈ ၶၢႆႉလၢႆႈၶီ ပၢသ်ႉတေႃႉသူင်ႇ ဢၼ်တေလတ်းၶၢမ်ႈၶူဝ်သေ ၶိုၼ်းၶီႇ မီႇၼီႇပၢသ်ႉတၢင်ႇၸိူဝ်း တီႈ ပွတ်းၽၢႆႇထႆးၼၼ်ႉယဝ်ႉ။

တင်း ရူတ်ႉလဵၼ်း

တႃႈရူတ်ႉလဵၼ်း ဢၼ်ၸမ်သေပိူၼ်ႈၼႆႉ မီးတီႈ ၵဵင်းမႆႇယဝ်ႉ။

တင်း ၵႃး

ၵဵင်းႁၢႆးၼႆႉ မီးၽၢႆႇႁွင်ႇ ၵုင်းထဵပ်ႈ ယၢၼ် 820 ၵမ. သေ လုၵ်ႉတီႈ ၵုင်းထဵပ်ႈသေ ပႆၸွမ်း Hwy 1, Hwy 32 သေၵေႃႈ ႁွတ်ႈထိုင်လႆႈငၢႆႈငၢႆႈသေ ပေႃးလုၵ်ႉတီႈ ၵဵင်းမႆႇတႄႉ ၵႂႃႇၸွမ်း Hwy 118 ၵေႃႈ ႁွတ်ႈထိုင်ယဝ်ႉ။

ၸွၼ်ႇ

ၼႂ်းၵၢၼ်တေႃႉသူင်ႇ ဢၼ်ၵဵဝ်ႇလူၺ်ႈ ၵၢင်လၢႆၼၼ်ႉ ပိူင်လူင်မၼ်း ၶဝ်ႈပႃးဝႆႉ တုၵ်ႉတုၵ်ႉ လႄႈ သွင်ထႅဝ်၊ ၶဝ်ႈပႃး ထႅၵ်ႇၸီႇၵမ်ႇၽွင်ႈ။ တီႈတူဝ်ဝဵင်းၼႆႉ ၸၢင်ႈပႆတိၼ်သေၵေႃႈ ၸွၼ်ႇတူၺ်းလႆႈသေတႃႉ တွၼ်ႈတႃႇ ၵႂႃႇၸူးတီႈ ၸႄႈမိူင်းတၢင်ႇဢၼ်တႄႉ လူဝ်ႇလႆႈသွၼ်ႇ တႃႇၶၢတ်ႈၵႃး ဢမ်ႇၼၼ် ရူတ်ႉၶိူင်ႈ။ ၸိူဝ်းပဵၼ်လုမ်း Budget adn Avis ၸိူဝ်းၼႆႉၵေႃႈ မီးဝႆႉတီႈၵဵင်းႁၢႆးသေ တီႈၶဝ်ၼၼ်ႉ မီးဝႆႉ ဢေႇၵျႅၼ်ႇၸီႇပိုၼ်ႉတီႈ လၢႆလၢႆဢၼ်ယဝ်ႉ။ သင်ၸိူဝ်ႉဝႃး ၸဝ်ႈၵဝ်ႇ ဢမ်ႇပေႃးၶႂ်ႈႁေႃႈရူတ်ႉတီႈ သိုင်ႇဝႅတ်ႉလွမ်ႉဢၼ်ပႅၵ်ႇပိူင်ႈၼႆ ၸဝ်ႈၵဝ်ႇ ၸၢင်ႈသွၼ်ႇ တႃႇၶၢတ်ႈ ၵူၼ်းႁေႃႈရူတ်ႉလႆႈယူႇ။ မၼ်းၵေႃႈ ဢမ်ႇပေႃး တူၵ်းၸူဝ်ႈၵႃႈႁႅင်းၼင်ႇၵဝ်ႇ။ လွင်ႈဢၼ်ၶၢတ်ႈ လႅင်တႄႉ မၼ်းတေယၢပ်ႇ တွၼ်ႈတႃႇႁႃႁၼ်လႆႈ။

တီႈၵဵင်းႁၢႆးၼႆႉ မီးဝႆႉလႅင်သၢမ်လေႃႉ ၵမ်ႈၽွင်ႈ၊ ပေႃးၸဝ်ႈၵဝ်ႇ ၶႂ်ႈၸွၼ်ႇတူၺ်းၽၢပ်ႈၽိပ်ႈၼႆတႄႉ ၼၼ်ႉမၼ်းပဵၼ် လွၵ်းလၢႆးထုၵ်ႇၸႂ် တွၼ်ႈတႃႇၸွၼ်ႇတူၺ်း တီႈပိူင်လူင်မၼ်း ၸိူဝ်းမီးတီႈၼႂ်းဝဵင်းၼၼ်ႉယူႇ။

တင်း ရူတ်ႉၶိူင်ႈ

ရူတ်ႉၶိူင်ႈၼႆႉမၼ်းပဵၼ်လွၵ်းလၢႆးလီ တွၼ်ႈတႃႇတူၺ်း တီႈတွၼ်ႈၸိူဝ်းၼႆႉ၊ တီႈၼၼ်ႈၼႆႉ မၼ်းမီးတၢင်းလိၼ်ၵဵပ်ႈ ဢွၼ်ႇတၢင်းၼမ်လႄႈ ရူတ်ႉၶိူင်ႈ 250 cc ၼႆႉ မၼ်းတေပဵၼ် လွၵ်းလၢႆးၶႅမ်ႉတီႈသုတ်း တွၼ်ႈတႃႇၸွၼ်ႇတူၺ်း ၸွမ်းဝၢၼ်ႈၼွၵ်ႈယဝ်ႉ။

• ST Motorcycle ၼႆႉ မီးဝႆႉတီႈၼႂ်းၵၢင်ဝဵင်း။ တီႈမၼ်းတႄႉ မီးဝႆႉ ရူတ်ႉၶိူင်ႈ ပရႅၼ်း ၵမ်ႉပႃႈၼမ်ယဝ်ႉ။
• Soon's ၼႆႉ ပဵၼ်ထႅင်ႈတီႈၼိုင်ႈ ဢၼ်ဢဝ် ရူတ်ႉၶိူင်ႈ သူင်ႇပၼ်ထိုင်တီႈ ဢွင်ႈလိုဝ်ႈသဝ်း လႄႈ တေၸၢင်ႈမီး ဢွင်ႈတီႈ တႃႇဢဝ်ရူတ်ႉၶိူင်ႈ။
• Chiang Rai Big Bikes ၼႆႉ မီးဝႆႉႁိမ်း ႁေႃယၢမ်းမူင်း။ သၵူႇတႃႇၼႆႉ ၵႃႈၶၼ်မၼ်းတႄႇ ၼိုင်ႈဝၼ်း 250 ဝၢတ်ႇသေ တေလႆႈပၼ် ငိုၼ်းၽၢၵ်ႇ 5000 ဝၢတ်ႇယဝ်ႉ။

ၶပ်ႉမၢႆ ၶၢဝ်းတၢင်း

တွၼ်ႈတႃႇ ၶပ်ႉမၢႆၶၢဝ်းတၢင်းတႄႉ တူၺ်း ၵဵင်းမႆႇ ၸူး ၵဵင်းႁၢႆး ၼႂ်းၶၢဝ်းတၢင်း 3 ဝၼ်း ၼၼ်ႉလႄႈ။

တူၺ်း

ႁူင်းၼႄ

• 1 ၶူဝ်ပၢႆးမွၼ်း (Kua Sinlapa (ขัวศิลปะ)) - ☏ +66 53 166 623။ ပဵၼ် ႁွင်ႈၼႄပၢႆမွၼ်းၸႄႈမိူင်း ၶွင် ၵဵင်းႁၢႆး။ (ဢၢပ်ႉတဵတ်ႉဝႆႉ မိူဝ်ႈ မေႇ 2023)
• 2 ႁိူၼ်းလမ် - ႁူင်းၼႄႁိူၼ်းလမ် (บ้านดำ) 414 မူ 13 ၼၢင်းလႄႈ (မီးၽၢႆႇႁွင်ႇဝဵင်း ယၢၼ် 10 ၵမ.။ ဝၢႆးသေ ႁေႃႈရူတ်ႉပူၼ်ႉ ၸၼ်ႉၸွမ်ၵဵင်းႁၢႆး ယၢၼ် 1.9 ၵမ. တီႈၼိူဝ် သဵၼ်ႈတၢင်းလူင် မၢႆ 1 ၼၼ်ႉ ၶိုၼ်းငွၵ်းၽၢႆႇသၢႆႉ ၶဝ်ႈၸွႆး သွႆႈ 13 (ပေႃးပူၼ်ႉႁေ ပၢႆလူသီသွမ်ႇယဝ်ႉ တီႈၽၢႆႇသၢႆႉဢွၼ်တၢင်းသုတ်း)) - ☏ +66 53 705834, +66 53 776333 - ✉ info@thawan-duchanee.com။ 09:00-17:00။ ၸိူဝ်းပဵၼ်ၸဝ်ႈပၢႆးမွၼ်း ၸိူဝ်ႉၸၢတ်ႈ ၸိုင်ႈမိူင်းထႆး ထဝၢၼ်တၢတ်ႇၶျၼီး ၵေႃႉလႆႈသၢင်ႈဝႆႉ၊ တီႈလွၵ်းလိၼ်ၼၼ်ႉ ၶဝ်ႈပႃးဝႆႉ ႁိူၼ်းသီလမ်ဢွၼ်ႇ ၶႂ်ႈမီးၸမ် မွၵ်ႈ 40 လင်ၼႆႉသေ ၸိူဝ်းၼၼ်ႉၼႆႉ ဢဝ်တင်း မႆႉ၊ ၵႅဝ်ႈ၊ ၶွၼ်ႇၶရိတ်ႉ၊ မၢၵ်ႇဢုတ်ႇ လႄႈ လိၼ်ၸိူဝ်းၼႆႉသေၵေႃႈ သၢင်ႈဝႆႉမၢၵ်ႇမိူဝ် တီႈၼႂ်းႁိမ်းႁွမ်း ပိုၼ်ႉတီႈၵျွင်းၽြႃးၼၼ်ႉယဝ်ႉ။ ႁိူၼ်းၸိူဝ်းၼၼ်ႉ ဢဝ်ၶိူင်ႈၶူဝ်း ဢၼ်ထဝၢၼ်ၵဵပ်းႁွမ်ဝႆႉ ၸိူဝ်းပဵၼ် ႁၢင်ႈၸၼ်၊ ႁၢင်ႈၶႅၵ်း၊ လုပ်ႇသတ်း၊ ၼင်သတ်း၊ ၶဝ်သတ်း လႄႈ ၶူဝ်းငိုၼ်း ၶူဝ်းၶမ်းၸိူဝ်းလႆႈမႃးၵူႈတီႈတီႈ တီႈၼႂ်းလူၵ်ႈၼႆႉသေ ႁၢင်ႈၶိူင်ႈဝႆႉယဝ်ႉ။ ႁိူၼ်းၵမ်ႉၼမ်ၼႆႉ ၼႄဝႆႉ လၢႆးမိုဝ်း ၸၢဝ်းပႃႇလီ လႄႈ ၸၢဝ်းမၢၼ်ႈ လႄႈ ပၢႆးမွၼ်း ဢၼ်ပဵၼ်ၵၢပ်ႈပၢၼ် ဢယုတ်ႉထယႃးၼၼ်ႉယဝ်ႉ။ မေႃပၢၼ်းသီၼႆႉ ၸႂ်ႉလုပ်ႇသတ်း ႁဵတ်းပဵၼ်ငဝ်ႈ ႁႅင်းၵမ်ႉၸႂ် တႃႇ ၸၼ်ႁၢင်ႈယဝ်ႉ။ တီႈၼႆႈတႄႉ မၼ်းတေဢမ်ႇၸႂ်ႈဢွင်ႈတီႈ တွၼ်ႈတႃႇ ၽူႈသူင်ႁၵ်ႉသႃတူဝ်သတ်း။ ယဝ်ႉၵေႃႈ တီႈၼႆႈ မီးပႃး သႃႉသွင်း လႄႈ ၵွင် လၢႆလၢႆမဵဝ်း ဢၼ်လုၵ်ႉတီႈ လၢႆတီႈ လၢႆမိူင်းမႃးသေ ၼႄဝႆႉတီႈ ႁိူၼ်းလမ်ၼႆႉ။ ပိုတ်ႇဝႆႉပၼ် တႃႇ ၵူႈၵေႃႉယူႇ။ 80 ဝၢတ်ႇ။ (ဢၢပ်ႉတဵတ်ႉဝႆႉ မိူဝ်ႈ မေႇ 2023)
• 3 ႁူင်းႁေႃၼႄ ၽိင်ႈငႄႈ (မီးႁိမ်းတိူၵ်ႈ TAT တီႈၼိူဝ် သဵၼ်ႈတၢင်းသိင်ႁၵ်ႇလၢႆး၊ ပဵၼ် တိူၵ်ႈသီၶၢဝ်လူင်သေ တီႈႁူးၶဝ်ႈမၼ်းၼၼ်ႉ မီးဝႆႉ ႁုၼ်ႇႁၢင်ႈ ၶုၼ်ႁေႃၶမ်း မူင်းၵုတ်ႈ ဢၼ်ယႂ်ယႂ်ႇ။)။ ၶဝ်ႈၵႂႃႇဢႅဝ်ႇလႄႇၶဝ် တေၸၢင်ႈလႆႈႁၼ် ၶိူင်ႈၸႂ်ႉတိုဝ်း မိူဝ်ႈပႆႇတၢင်ႇပိုၼ်း၊ ၵွင်ႈမၢၵ်ႇလူင် သွင်လဝ်း၊ တူဝ်ယၢင်ႇသိူဝ်ႈၶူဝ်း၊ ဢုမ်မိူဝ်ႈၵွၼ်ႇ လႄႈ ပိူင်ယၢင်ႇ လိၵ်ႈလၢၼ်ႉၼႃးမိူဝ်ႈၵွၼ်ႇ ဢၼ်တႅမ်ႈဝႆႉၼင်ႇ လိၵ်ႈထမ်း။ တေမီးပႃး ငဝ်းတူင်ႉ ဢၼ်ၼႄႇ မေႃႇတႄႇဝဵင်းသေ ၼႄဝႆႉ ပိုၼ်ႉတီႈ ႁႃႈဢၼ် ဢၼ်ပဵၼ် ၽိင်ႈငႄႈထႆးၼၼ်ႉယဝ်ႉ။ 
• ဢွင်ႈၼႄပၢႆးမွၼ်း ႁေႃတႆး (မီးၽၢႆႇၼွၵ်ႈ သဵၼ်ႈတၢင်းၼွင်ပေႃ၊ မီးတေႃႇၼႃႈ တိူၵ်ႈၶဝ်ႈမုၼ်း ၾႅမ်ႇမလီႇ)။ ပဵၼ်သုမ်ႁေႃ သတၢႆႇတႆး ဢဝ်တင်း မႆႉသီလမ်သေ ႁဵတ်းဝႆႉ။ ပေႃးမီးပၢင်ပွႆးၼႄၶိုၵ်ႉတွၼ်းတႄႉ တေၸၢင်ႈပိုတ်ႇပၼ်ယူႇ။ 
• 4 ႁူင်းၼႄ ၸၢဝ်းသၼ်လွႆ လႄႈ သႅၼ်ႇတႃႇပၢႆးပႆႇၺႃႇ 620/1 သဵၼ်ႈတၢင်း တၼလၢႆး (မီးဝႆႉတီႈ ၵၢင်ဝဵင်း) - ☏ +66 53 740088။ 08:30-17:00 ဝၼ်းႁဵတ်းၵၢၼ် ၊ 10:00-17:00 ဝၼ်းလိုဝ်ႈၵၢၼ်။ ယိူင်းဢၢၼ်း တွၼ်ႈတႃႇယုၵ်ႉယွင်ႈ ႁႂ်ႈပွင်ႇၸႂ်လီငၢမ်း ၼိူဝ် ၵူၼ်းၸၢဝ်းၶိူဝ်းလွႆ လႄႈ ၽိင်ႈထုင်းၶဝ်။ ၼႂ်းၵႃႈၼႄဝႆႉ ဢၼ်ဢမ်ႇပေႃးထၢင်ႇႁၢင်ႈၼၼ်ႉ တေၶဝ်ႈပႃး ၽၢင်ႁၢင်ႈႁိူၼ်း၊ ၶိူင်ႈယိပ်းတၢင်းတိုဝ်း၊ ၶူဝ်းၸႂ်ႉၶူဝ်းသွႆ လႄႈ လွင်ႈလမ်းတူဝ်ထိူၼ်ႇ ၸွမ်းလူၺ်ႈ ၽိင်ႈထုင်း၊ လွင်ႈမဵတ်းပႃ လႄႈ ၶိူင်ႈၸႂ်ႉတီႈၵၢၼ်ၽုၵ်ႇသွမ်ႈ ၸၵႂႃႇၸိူဝ်းၼႆႉသေတႃႉ မၼ်းၵေႃႈ ၵိုင်ႇတၢင်းလီၵႂႃႇလႄႇတူၺ်းဝႃႈ ၵူၼ်းထႆး လႄႈ တူင်ႇၵၢၼ်ဢႅဝ်ႇလႄႇၶဝ် ႁဵတ်းႁိုဝ် ၵိၼ်ၸိၵ်းၼိူဝ် ၵူၼ်းၶိူဝ်းလွႆၶဝ် ဢၼ်ဝႃႈၼၼ်ႉ။ သႅၼ်ႇတႃႇၼၼ်ႉ ၶဝ်ပၼ်ႇၵၢၼ်ဢႅဝ်ႇလႄႇ ထုင်ႉလွႆႁင်းၶဝ်သေ၊ ငိုၼ်းၸိူဝ်းဢၼ်လႆႈမႃးတီႈၼၼ်ႈၼႆႉ ဢဝ်ၵမ်ႉထႅမ်ပၼ် ၵူၼ်းႁဵတ်းၵၢၼ်ၶဝ် လႄႈ ၸွႆႈထႅမ် ၸၢဝ်းၶိူဝ်းလွႆၶဝ်ယဝ်ႉ။ တီႈၸၼ်ႉတႂ်ႈၼၼ်ႉ မီးဝႆႉ လၢၼ်ႉတၢင်းၵိၼ် ၵိင်ႇၽႄ Bangkok's Cabbages and Condoms သေ ၼမ်ႉတွၼ်းမၼ်း ဢဝ်ၵႂႃႇၵမ်ႉထႅမ်ပၼ် မုင်ႉႁေႃႁိူၼ်း ၶႅၼ်ႈလုၵ်ႈ လႄႈ တူင်ႇၵၢၼ် ပၼ်ပၢႆးႁူႉ လွင်ႈလိင်ႇ တီႈၼႂ်း မိူင်းထႆးယဝ်ႉ။ 50 baht။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)
• ႁူင်းၼႄ လၢၼ်ႉၼႃး (ရူင်းရဵၼ်းပၢၼ်သၢင်ၶူင်ႈယႂ်ႇ၊ မီးတီႈ ၸဵင်ႇၸၢၼ်းဝၼ်းတူၵ်း ႁူင်းယႃၵဵင်းႁၢႆး ၵႃႈတီႈ ႁူင်းႁဵၼ်းၸၼ်ႉငဝ်ႈ)။ ပေႃးမီး လွင်ႈတုၵ်းယွၼ်း ၸင်ႇပိုတ်ႇပၼ်ယဝ်ႉ။ 
• 5 သူၼ်ၽိင်ႈငႄႈ လႄႈ ပၢႆးမွၼ်း မႄႈၾႃႉလႂၢင် (မီးၽၢႆႇတူၵ်းဝဵင်း ယၢၼ် 5 ၵမ.)။ မီးၼွင် သွင်လုၵ်ႈ၊ ၶိူင်ႈၼမ်ႉ လႄႈ ၼွင်ဢွၼ်ႇ ဢၼ်ပဵၼ်သတၢႆႇလၢႆးတႆး။ တီႈၼၼ်ႈၼႆႉ မီးဝႆႉ ၵျွင်းၽြႃးသီၶမ်းႁေႃၵမ်ႇ ဢၼ်လီၶဝ်ႈၸႂ်သေ မီးပႃး ႁွင်ႈလူတ်ႈ ဢၼ်ၶဝ်ႈပႃး ၶိူင်းၶူဝ်ႈၼုင်ႈတၢင်းမႆ ဢၼ် ၸဝ်ႈယိင်း မႁႃႇၶျၵ်ႇၵရီႇ လႆႈၸုႁွမ်ဝႆႉ လႄႈ တူဝ်ယၢင် ၶွင် မေႃမိုဝ်းလၢၼ်ႉၼႃး - လၢၵ်ႈၼၢၵ်ႈၸဵတ်းၵၼ်း၊ ႁုၼ်ႁႃင်ႈပုတ်ႉထ၊ ပလၢင်ႇမႆႉ၊ ထူင်မၼ်ႈ တွၼ်ႈတႃႇသႂ်ႇ လိၵ်ႈထမ်းပိတၵၢတ်ႈသၢမ်ၵွင်၊ ၽႃၵင်ႈမႆႉ၊ လႅဝ်း လႄႈ တႅပ်းဝီးမုၼ်ၸဝ်ႈ ၸၵႂႃႇၸိူဝ်းၼႆႉယဝ်ႉ။ 
• 6 ႁူင်းၼႄဢုပ်းၶမ်း (พิพิธภัณฑ์อูปคำ) 81/1 သဵၼ်ႈတၢင်းၼႃးၶၢႆး (ႁွပ်ႈဝဵင်း မီးၸမ်ၵၼ်တင်း ၵၢတ်ႇတႅၼ်ႇႁႃႈ၊ လုၵ်ႉတီႈၵၢင်ဝဵင်းသေ ယၢၼ်ၵၼ် 1 ၵမ.) - ☏ +66 53 713349။ Daily 09:00-17:00။ ဢွင်ႈတီႈ ဢၼ်ၼႄဝႆႉ ဢၼ်ႁွမ်ဝႆႉၶူဝ်းၶွင် ၸိူဝ်းဢၼ်လႆႈၸႂ်ႉမႃး တီႈ လုမ်းတတ်းသိၼ်ႁၢင်ႈႁေႃ မိူၼ်ၼင်ႇ လၢၼ်ႉၼႃး၊ ႁေႃ ၸဝ်ႈၽရႄႉ၊ လႄႈ ႁေႃ ၸဝ်ႈၵဵင်းမႆ။ မၢင်ၸိူဝ်းၼႆႉ မႃးတီႈ မျၢၼ်ႇမႃႇၸဵင်ႇႁွင်ႇဝၼ်းဢွၵ်ႇ၊ ၸဵင်ႇၸၢၼ်းဝၼ်းတူၵ်း မိူင်းၶႄႇ လႄႈ ဝႅၼ်ႉၼမ်း သေ ဢႃႇယုမၼ်း တေမီးမွၵ်ႇ 500-1,000 ၼႆႉယဝ်ႉ။ ၽူႈမႃးဢႅဝ်ႇလႄႇၶဝ် တေၸၢင်ႈတူၺ်း ၽႅၼ်ႇလၢႆႈမိူဝ်ႈၵွၼ်ႇ ဢၼ်မီး ဢႃႇယု 120 ပီ၊ ၽႅၼ်ႇမႆၶမ်း၊ ၽႅၼ်ႇၽေး ဢၼ်မႃးတီႈ တႃးလိူဝ်ႇ၊ ပလၢင်ႇၶမ်း၊ သိူဝ်ႈၶူဝ်းၶုၼ်းႁေႃၶမ်း လႄႈ ၶူဝ်းငိုၼ်း ၸိူဝ်းၼႆႉယဝ်ႉ။ ဝၢၼ်ႇၶမ်း ၸိူဝ်းဢၼ်ၸႂ်ႉၼႂ်း ႁၢင်ႈႁေႃမႃးၼၼ်ႉ ပဵၼ်ဢၼ်ႁွႆးမိုဝ်းၶိုၵ်ႉတႄႉတႄႉ။ ၸိူဝ်းဢၼ်ၼႄဝႆႉတင်းသဵင်ႈၼႆႉ မၼ်းၼႄဝႆႉ လွင်ႈၽုင်းယႂ်ႇ ၶုၼ်ႁေႃၶမ်း ၸိူဝ်းပူၼ်ႉမႃးၼၼ်ႉယဝ်ႉ။ 
• 7 ႁူင်းၼႄ မႄႈၸဝ်ႈယိင်း '90။ သႃလႃယႂ်ႇ ဢၼ်လီသူၼ်ၸႂ် ဢၼ်ယိူင်းဢၢၼ်းၸူးထိုင် ၸၢတ်ႈပၢၼ် မႄႈၸဝ်ႈယိင်း (ၵေႃႉပဵၼ်ၼၢႆး ၶွင် ၶုၼ်ႁေႃၶမ်း ယၢမ်းလဵဝ်၊ ၶုၼ်ႁေႃၶမ်း ရႃႇမ သိပ်း)။ ၸိူဝ်းၼႄဝႆႉတႄႉ တေၶဝ်ႈပႃး တိူၵ်ႈၶိူင်ႈတႃးႁၢၼ်၊ ပူႇလီႇမႆႉ၊ မေႃႈလိၼ်၊ ၶိူင်ႈတေႃးႁုၵ်ႇ လႄႈ ၽိုၼ်လိၵ်ႈတူပ်ႉ ဢၼ်ဢဝ်မိုဝ်းသေတႅမ်ႈဝႆႉ ၸၵႂႃႇၸိူဝ်းၼႆႉယဝ်ႉ။ Free။ 
• 8 သႅၼ်ႇတႃႇ ၾိင်ႈငႄႈ လႄႈ ၽႃႇသႃႇၵႂၢမ်းၶႄႇ သီရိထွၼ်း (ศูนย์ภาษาวัฒนธรรมจีนสิรินธร) (ၸၼ်ႉၸွမ်မႄႈၾႃႉလႂၢင်) - ☏ +66 53 917093, +66 53 917097။ ပဵၼ်ဢၼ် ၸၼ်ႉၸွမ်မႄႈၾႃႉလႂၢင် လႄႈ မိူင်းၶႄႇၶဝ် ႁူမ်ႈပွင်းၵၼ်သေ တႄႇတင်ႈမႃးယဝ်ႉ။ သႅၼ်ႇတႃႇၼႆႉ လႆႈၵေႃႇသၢင်ႈမႃး ၼင်ႇႁႂ်ႈပဵၼ် တီႈမၢႆတွင်း တွၼ်ႈတႃႇဢဝ် ၵုင်ႇမုၼ် မႄႈၸဝ်ႈယိင်း ပဵၼ်ၼင်ႇ ႁၢင်ႈတၢင် ၶွင် ဢူၺ်းလီ ၼႂ်းၵႄႈ မိူင်းသွင်မိူင်းၼၼ်ႉယဝ်ႉ။ ၵၢၼ်ၵေႃႇသၢင်ႈမၼ်း ႁိုင် 7 လိူၼ်သေ ၵိုင်ႇငိုၼ်း မွၵ်ႈ 60 လၢၼ်ႉဝၢတ်ႇၼႆႉယဝ်ႉ။ လၢႆးမိုဝ်းၵေႃႇသၢင်ႈမၼ်းၼႆႉ လႆႈထုတ်ႇမိူၼ်ၼင်ႇ ယူင်ႉသၢင်ႈၶႄႇ သူးၵျူဝ်း ၸိူဝ်းပဵၼ် လွင်ႈႁၢင်ႈၶိူင်ႈ တိူၵ်ႈ လႄႈ ဢၼ်ႁၢင်ႈၶိူင်ႈ သူၼ်မွၵ်ႇ လႄႈ ၶိူင်ႈၶူဝ်းမၼ်းၸိူဝ်းၼႆႉၵေႃႈ လႆႈသင်ႇဢဝ်တီႈ မိူင်းၶႄႇသေ ႁဵတ်းဝႆႉယဝ်ႉ။ ၶႅပ်းမုင်း၊ ၽၵ်းတူ လႄႈ ႁိၼ်သိူဝ်ႇၸိူဝ်းတီႈ ၽၵ်းတူၶဝ်ႈမၼ်းၼၼ်ႉၵေႃႈ ပဵၼ်တူဝ်ယၢင်ႇ ၵမ်ႈၽွင်ႈ ဢၼ်ဝႃႈဢဝ်ၶူဝ်းၶွင် တီႈမိူင်းၶႄႇမႃးသေ ႁဵတ်းဝႆႉၼၼ်ႉယဝ်ႉ။ 

ဢွင်ႈၵႅဝ်ႈ

• 9 ၶျၢတ်ႉဢွၼ်တၢင်းသုတ်း ၵဵင်းႁၢႆး။ လႆႈၵေႃႇသၢင်ႈမႃး မိူဝ်ႈပီ 1914 တီႈ ၸဵင်ႇပရတူႈသီရိ။ မၼ်းပဵၼ် ပရႅတ်ႉသ်ပထီးရီးယႅၼ်ႇ။ 

• 10 မုၼ်ၼိတိ ၵဵင်းႁၢႆး (တေႃႇၼႃႈၵၼ်တင်း ႁူင်းႁဵၼ်း သႃမၵ်ၶိဝိထယႃၶူမ် တီႈၼိူဝ် သဵၼ်ႈတၢင်း ပၼ်ပပ်ႉပရႃၵၢၼ်)။ ပဵၼ်ၵျွင်းၽြႃး ၸၢဝ်းပုတ်ႉမႁႃႇယႃႇၼ လႄႈ တဝ်၊ ပဵၼ်ဢွင်ႈတီႈတူၺ်းယဵမ်ႈ ဢၼ်ဢမ်ႇသူႈလႆႈႁၼ် တီႈ မိူင်းထႆး ဢၼ်ပဵၼ်ၸၢဝ်းပုတ်ႉထေႇရဝႃႇတ ၼၼ်ႉယဝ်ႉ။ တီႈႁိမ်းႁွမ်းၼၼ်ႉ မီးဝႆႉႁိူၼ်းတႆး။ ယဝ်ႉၵေႃႈ တီႈၼိူဝ် သဵၼ်ႈတၢင်းၵႂႃႇၸူး ပတ်ႉထယႃးၼွႆႉ ၼၼ်ႉ မီးဝႆႉ ၵျွင်းၽြႃး ဢၼ်ယိူင်းၸူး ၼၢင်းၽီၵရုၼႃႇၶႄႇ ဢၼ်ပဵၼ်ႁုၼ်ႇႁၢင်ႈယႂ်ႇၼၼ်ႉယဝ်ႉ။ တီႈပိုၼ်ႉတီႈပၢၼ်းၶဵၵ်ႇၼၼ်ႉၵေႃႈ မီးဝႆႉထႅင်ႈ ၵျွင်းၽြႃး ၼၢင်းၽီၵရုၼႃႇ ထႅင်ႈတၢင်ႇဢၼ်ယူႇ။ 

• 11 ဝတ်ႉၵၢင်ဝဵင်း (วัดกลางเวียง)။ ဝတ်ႉၽြႃးဢၼ်ၶိုၵ်ႉၶႅမ်ႉ ဢၼ်ၵေႃႇတင်ႈမႃး မိူဝ်ႈပီ 1432 သေ ပဵၼ်သတၢႆႇလၢႆးမိုဝ်းလၢၼ်ႉၼႃး ဢၼ်ၶိုၵ်ႉၶႅမ်ႉသေတႃႉ ပဵၼ်ဝတ်ႉ ဢၼ်ၵူၼ်းမႃႈဢႅဝ်ႇလႄႇဢေႇ ၼၼ်ႉယဝ်ႉ။ ဢၼ်ၵိုင်ႇလီတွင်းမၢႆတႄႉ ႁုၼ်ႇႁၢင်ႈပႂ်ႉယၢမ်း ဢၼ်သီၸေး၊ ႁုၼ်ႇႁၢင်ႈၸၢင်ႉ ၸိူဝ်းမီးတီႈၽၢႆႇလင် လႄႈ ၶေႃႈပၼ်ၽၢင်ႉ တီႈႁူးၶဝ်ႈ "ပဵၼ်တီႈ ဢမ်ႇလႆႈဢဝ်သၢႆၸႂ်တၢႆ" ၸၵႂႃႇၸိူဝ်းၼႆႉယဝ်ႉ။ 

• 12 ဝတ်ႉမိင်းမိူင်း (တၢင်းၶွႆႈ ၶွင် သဵၼ်ႈတၢင်း ပၼ်ပပ်ႉပရႃၵၢၼ် လႄႈ တၢင်းတရၢႆးရတ်ႉ)။ ပဵၼ်ၵျွင်းဢွၼ်ႇ ဢၼ်ပဵၼ် ဢွင်ႈတီႈ ၶွၼ်ငဝ်းဝဵင်း (မိင်းမိူင်း) ဢၼ်ႁဵတ်းသၢင်ႈႁၢင်ႈၶိူင်ႈဝႆႉၼင်ႇ လၢႆးမိုဝ်းလၢၼ်ႉၼႃး၊ မိူၼ်ၼင်ႇ ဝိႁၢၼ် ၶွင်ၵူၼ်းလၢဝ်းၶဝ်။ 

• 13 ဝတ်ႉၽရၵႅဝ်ႈ (วัดพระแก้ว) (မီးတီႈၼိူဝ် သဵၼ်ႈတၢင်း On တရၢႆးရတ်ႉ တီႈၼႂ်းဝဵင်း)။ ပဵၼ်ဝတ်ႉၸၢဝ်းပုတ်ႉထ ႁၢင်ႈလီ ၸိုဝ်ႈလိုဝ်းလင် ယွၼ်ႉပဵၼ်ဢွင်ႈတီႈ ၽြႃးၵႅဝ်ႈသႅင်ၶဵဝ် တီႈပီႁူဝ်ပၢၵ်ႇ 14 ၼႂ်းၵႃႈ ႁုၼ်ႁၢင်ႈပုတ်ႉထၸိုဝ်ႈလိုဝ်းလင် ၼႂ်းမိူင်းထႆးၼၼ်ႉ ၶဝ်ႈပႃးသူႇၼိုင်ႈယဝ်ႉ။ ၵႂၢမ်းမိူဝ်ႈၵွၼ်ႇဢွၼ်ၵၼ်လၢတ်ႈဝႃႈတႄႉ ၾႃႉၽႃႇၺႃးၵွင်းမူးသူႇၼိုင်ႈသေ တႅၵ်ႇဢႃႈၵႂႃႇလႄႈ ႁုၼ်ႁၢင်ႈပုတ်ႉထၼႆႉ လႆႈမီးဝႆႉတီႈၽၢႆႇၼႂ်းမၼ်း ဝႃႈၼႆယဝ်ႉ။ ဝၢင်းၵျွင်းၼႆႉ ၶဵဝ်ယမ်းလီသေ ၵျွင်းၽြႃးမၼ်းတႄႉ ဢမ်ႇပေႃးယႂ်ႇသေတႃႉ မၼ်းပဵၼ် မီးဝႆႉႁွင်ႈၼႄ ဢၼ်ပဵၼ်သွင်ၸၼ်ႉ ဢၼ်မီးပႃးၸၢၵ်ႈလူမ်းၵတ်းသေ တီႈၼၼ်ႈၼႆႉ မီးပႃး ႁုၼ်ႇႁၢင်ႈဢၼ်ထုတ်ႇဝႆႉ (တိူဝ်းတႅမ်ႇ 1 မမ.) ၶွင် ႁုၼ်ႇႁၢင်ႈၽြႃးသႅင်ၶဵဝ်ၼၼ်ႉယဝ်ႉ။ ဢၼ်ပဵၼ် ႁုၼ်ႇႁၢင်ႈငဝ်ႈတိုၼ်းမၼ်းတႄႉ ယၢမ်းလဵဝ် မီးဝႆႉတီႈ ၵုင်းထႅပ်ႈ တီႈၵျွင်း ဢၼ်ၸိုဝ်ႈမိူၼ်ၵၼ် ဢၼ်မီးဝႆႉတီႈၼႂ်းဝၢင်းႁေႃၶမ်းၼၼ်ႉယဝ်ႉ။ 

• 14 ဝတ်ႉၽရသိင် (วัดพระสิงห์) (မီးၸမ်ၵၼ်တင်း ႁူင်းႁေႃဝဵင်း) - ☏ +66 53 745038။ ယၢမ်ႈပဵၼ်မႃး ဢွင်ႈတီႈဝႆႉၽရပုတ်ႉထသိင် ဢၼ်မီးယူႇတီႈ ၵဵင်းမႆႇ ယၢမ်းလဵဝ်ၼၼ်ႉယဝ်ႉ။ ၵေႃႈမိူၼ်ၼင်ႇ ဝတ်ႉၽရၵႅဝ်ႈၼင်ႇၵဝ်ႇ တီႈဝတ်ႉၼႆႆႉ မီးဝႆႉႁုၼ်ႇႁၢင်ႈဢၼ်ထုတ်ႇဝႆႉၼင်ႇၵဝ်ႇ။ ဢၼ်လၢၵ်ႇလၢႆးမၼ်းတႄႉ ပဵၼ် ဢူပူဝ်သူတ်ႇ သတၢႆႇလၢၼ်ႉၼႃး လႄႈ ၽၵ်းတူမႆႉ ဢၼ်ၶႅၵ်းဝႆႉၼင်ႇ ႁွႆးမိုဝ်းၵၢပ်ႈပၢၼ် ၵဵင်းႁၢႆးၼၼ်ႉယဝ်ႉ။ free။ 

• 15 ဝတ်ႉၽရထၢတ်ႈလွႆၸွမ်ထွင်း (วัดพระธาตุดอยจอมทอง) (မီးဝႆႉတီႈၼိူဝ် လွႆၸွမ်ထွင်း တီႈၽင်ႇၼင်ၵွၵ်ႇ တီႈၼႂ်းဝဵင်း) - ☏ +66 53 716055။ တီႈၼႆႈ မီးဝႆႉ ထၢတ်ႈဢၼ်ၵဝ်ႇၵႄႇ ၸဵမ်မိူဝ်ႈ ၶုၼ်ႁေႃၶမ်း မႅင်းရၢႆး ပႆႇတႄႇ ၵႅင်းႁၢႆး ၼၼ်ႉၼႆယဝ်ႉ။ ဢၼ်ပဵၼ်ၵွင်းမူးၸေႇတီႇ ၼၼ်ႉၵေႃႈ လႆႈမႄးၵုမ်းမႃး ၸဵမ်မိူဝ်ႈ တႄႇတင်ႈဝဵင်းၼၼ်ႉၼႆယဝ်ႉ။ မၼ်းပဵၼ် ဢွင်ႈတီႈသႃႇသၼႃႇပိူင်လူင် တီႈ ၵဵင်းႁၢႆး၊ လုၵ်ႉဢဝ်တီႈၼႆႈသေ ၶုၼ်ႁေႃၶမ်း မႅင်းရၢႆး လႆႈႁၼ်ဢွင်ႈတီႈ ဢၼ်တႃႇတေတႄႇတင်ႈဝဵင်း ၼႆယဝ်ႉ။ 

• 16 ဝတ်ႉႁွင်ႈသိူဝ်တဵၼ်ႈ (วัดร่องเสือเต้น)။ ႁွင်ႉဝႃႈပဵၼ် ၵျွင်းၽြႃးသွမ်ႇ၊ ဢၼ်ယိူင်ႈဝႆႉၼင်ႇ ၵျွင်းၽြႃးၶၢဝ်။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2023)

• 17 ၵျွင်းၽြႃးၶၢဝ် (วัดร่องขุ่น ဝတ်ႉႁွင်ႈၶုၼ်ႇ) (မီးဝႆႉတီႈဝၢၼ်ႈႁွင်ႈၶုၼ်ႇ၊ ပႃႇဢေႃးတွၼ်ႈၶျၢႆး တီႈ ၸွမ်းၶၢင်ႈတၢင်း ၽႁူဝ်ယူဝ်ထိၼ် တီႈ ၵမ. 816၊ လုၵ်ႉတီႈဝဵင်း ယၢၼ်မွၵ်ႈ 13 ၵမ. ၼၼ်ႉယဝ်ႉ။ ၸႂ်ႉၵၢၼ်တေႃႉသူင်ႇၵၢင်လၢႆသေၵေႃႈ တေၸၢင်ႈႁွတ်ႈထိုင်လႆႈတီႈၵျွင်းၽြႃးၼၼ်ႉ ငၢႆႈငၢႆႈယူႇ။ တီႈၼၼ်ႈၼႆႉ မီးဝႆႉပၢသ်ႉၵၢင်လၢႆ ဢွၼ်လုၵ်ႉတီႈ တႃႈရူတ်ႉပၢသ်ႉၵဵင်းႁၢႆးမႃး (20 ဝၢတ်ႇ၊ 30 မၼ. တီႈတေးတၢင်း 8၊ ၵူၺ်းၵႃႈဝႃႈ ယိုၼ်ယၼ် တီႈ ၵူၼ်းႁေႃႈရူတ်ႉ ဢမ်ႇၼၼ် တီႈ ၶွင်ႇတႃႇ)။ တႃႇတေၶိုၼ်းပွၵ်ႈတႄႉ ပႂ်ႉႁႄႉ ပၢသ်ႉၵၢင်လၢႆ တီႈ ႁူင်းပလိၵ်ႈ တီႈၽၢႆႇသၢႆႉတၢင်း ဢၼ်ၶိုၼ်းၶိုၼ်ႈၸူး သဵၼ်ႈတၢင်းလူင်ၼၼ်ႉတႃႉ) - ☏ +66 53 673579။ 08:00-18:00 ၵူႈဝၼ်း။ ဢၼ်ပဵၼ် ၵျွင်းၽြႃးပၢၼ်မႂ်ႇ လၢၵ်ႇလၢႆးၼႆႉ ၸဝ်ႈပၢႆးမွၼ်း ၶျလိူမ်ၶျႆး ၶူဝ်သိတ်ႇၽိၽတ်ႉ လႆႈတႄႇသၢင်ႈမႃး မိူဝ်ႈပီ 1998 ၼၼ်ႉယဝ်ႉ။ သိမ်ႇႁၢင်ႈလီသီၶၢဝ်၊ ၽရဢုပူဝ်သူတ်ႇ ၼၼ်ႉ ဢဝ်တင်း ၶႅပ်းၵႅဝ်ႈသီငိုၼ်း ဢၼ်လိူမ်ႈလီမၢပ်ႈလီသေ ႁၢင်ႈၶိူင်ႈဝႆႉယဝ်ႉ။ မီးဝႆႉ ႁၢင်ႈပၢၼ်းသီတီႈၽႃ ဢၼ်ၸၼ်ဝႆႉ ၽၢင်ႁၢင်ႈၽြႃးၸဝ်ႈပုတ်ႉထ လၢႆလၢႆမဵဝ်းၼၼ်ႉယဝ်ႉ။ တီႈၸွမ်မၼ်းၸိူဝ်းၼႆႉၵေႃႈ ဢၼ်မွၵ်ႇၶိူဝ်းၸိူဝ်းၼႆႉႁၢင်ႈၶိူင်ႈဝႆႉသေ ဢၼ်ပဵၼ် ႁူဝ်ႉမၼ်းၵေႃႈ ဢဝ်တင်းၼၵႃး ဝႃႇ သတ်းၼႂ်းဢပုမ်ႇ ၸိူဝ်းၼႆႉသေ ႁၢင်ႈၶိူင်ႈဝႆႉပဵၼ် သီၶၢဝ်ယဝ်ႉ။ ယဝ်ႉၵေႃႈ မီးပႃး ဝိႁၢၼ်၊ ႁွင်ႈလူတ်ႈဢွၼ်ႇ တွၼ်ႈတႃႇ လွတ်ႈႁေႃးတီႈႁိမ်းႁွမ်း သိမ်ႇ၊ ႁွင်ႈၼႄ လႄႈ သႃလႃးႁပ်ႉၶႅၵ်ႇ ၸိူဝ်းၼႆႉယဝ်ႉ။ တီႈ ၵႄႇလႃႇရီ ၼၼ်ႉတႄႉ ၼႄဝႆႉ ႁၢင်ႈပၢၼ်းသီ ၶွင် ၶျလိူမ်ၶျႆး ၶူဝ်သိတ်ႇၽိၽတ်ႉယဝ်ႈ။ လွင်ႈၵေႃႇသၢင်ႈၵျွင်းၽြႃးၼၼ်ႉ တိုၵ်ႉသိုပ်ႇႁဵတ်းၵႂႃႇသေ ၼႂ်းထႅင်ႈၶၢဝ်းတၢင်း ႁူဝ်သိပ်းပီၼႆႉ မုင်ႈမွင်းဝႃႈ တေယဝ်ႉတူဝ်ႈယူႇ။ ယွၼ်ႉဢိင်ႇသၼ်ႇ မိူဝ်ႈ လိူၼ်ဢေႇပရႄႇ ပီ 2014 ၼၼ်ႉလႄႈ တီႈၵျွင်းၽြႃး လႄႈ ႁိမ်းႁွမ်းမၼ်းၼၼ်ႉ တေဢမ်ႇၸၢင်ႈၶဝ်ႈၸူးလႆႈ။ ႁူမ်ႈဝႃႈ လႆႈၶိုၼ်းမႄးၵုမ်း လိူၼ်မၢတ်ႉၶျ် 2015 မႃးသေတႃႉ တီႈၵျွင်းၽြႃးၼၼ်ႉ တိုၵ်ႉၸၢင်ႈႁၼ်လႆႈ လွင်ႈလုလႅဝ်ၵမ်ႈၽွင်ႈယူႇ။ ၵူၼ်းၼွၵ်ႈမိူင်း - 50 ဝၢတ်ႇ ၼႆႉ တႃႇၶဝ်ႈၸူး ႁွင်ႈလူတ်ႈ တီႈဝႆႈၽြႃး (ဢူပူဝ်သူတ်ႇ) လႄႈ 50 ဝၢတ်ႇ တွၼ်ႈတႃႇ ႁွင်ႈၼႄပၢႆးမွၼ်း။ 

• 
  ဝတ်ႉၽရၵႅဝ်ႈ
• 
  ႁုၼ်ႁၢင်ႈၽၢႆးလူင်၊ ဝတ်ႉၵၢင်ဝဵင်း
• 
  ဝိႁၢၼ် တီႈ ဝတ်ႉမိင်းမိူင်း
• 
  ႁုၼ်ႇႁၢင်ႈထုတ်ႇ တီႈ ဝတ်ႉၽရၵႅဝ်ႈ
• 
  ၽၵ်းတူၶဝ်ႈၸူး ဝတ်ႉၽရသိင်
• 
  ၵျွင်းၽြႃးၶၢဝ်

တၢင်ႇၸိူဝ်း

ႁေႃယၢမ်းမူင်း ၵဵင်းႁၢႆး

ၽူႇၶျီးၾႃႉ

• 18 ႁေႃယၢမ်းမူင်း။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2023)
• 19 ၼႃႈတူ သယႅမ် (မီးတီႈလႅၼ်လိၼ် တင်း လၢဝ်း)။ ၸဝ်ႈၵဝ်ႇ ၸုၵ်းယုၵ်ႇတီႈသုင်သုင် တီႈၼိူဝ်လွႆလႄႈ။ မိူင်းလၢဝ်း လႄႈ ၼမ်ႉမႄႈၶွင်ၼၼ်ႉ တေမီးဝႆႉယူႇ ၽၢႆႇၼႃႈ ၸဝ်ႈၵဝ်ႇယဝ်ႈ။ 

• ႁုၼ်ႁၢင်ႈမၢႆတွင်း ၶုၼ်ႁေႃၶမ်း မႁႃႇမဵင်းရၢႆး (อนุสาวรีย์พ่อขุนเม็งรายมหาราช) (ၼႂ်းဝဵင်း တီႈသဵၼ်ႈတၢင်းၶႂၢင် ဢၼ်မုင်ႈၼႃႈၸူး မႄႈၸၼ်)။ ၶုၼ်ႁေႃၶမ်း မဵင်းရၢႆးၼႆႉ လႆႈပဵၼ် ၽူႈဢုပ်ႉပိူင်ႇ ၶွင် ၼၶွၼ်းႁီႇရၼ်ႇငိုၼ်းယၢင်း (ဝဵင်းမိူဝ်ႈၵွၼ်ႇ ဢၼ်မီးဝႆႉတီႈ ၽင်ႇ ၼမ်ႉမႄႈၶွင် တီႈႁိမ်းႁွမ်း ၵဵင်းသႅၼ်)၊ မိူဝ်ႈပႆႇလႆႈတႄႇတင်ႈ ၵဵင်းႁၢႆး ပဵၼ်ၼင်ႇ သုၼ်ၵၢင်ၵၢၼ်ဢုပ်ႉပိူင်ႇ မိူဝ်ႈ ပီ 1262 ၼၼ်ႉယဝ်ႉ။ မၼ်းဢဝ်ဝဵင်းလၢႆလၢႆဝဵင်း ႁူမ်ႈၵၼ်သေၵေႃႈ လႆႈႁူမ်ႈဢၢမ်းၼၢတ်ႈမၼ်းမႃးသေ မၼ်းလႆႈတႄႇတင်ႈ မိူင်းႁေႃၶမ်း လၢၼ်ႉၼႃးထႆး မိူဝ်ႈ 1296 ဢဝ်တင်း ၵဵင်းမႆႇ ပဵၼ်ဝဵင်းလူင် ၼၼ်ႉယဝ်ႉ။ 

• ၵူႇၽရၸဝ်ႈမဵင်းရၢႆး (กู่พระเจ้าเม็งราย) (မီးတီႈၽၢႆႇၼႃႈ ဝတ်ႉငၢမ်းမိူင်း တီႈၸိၵ်းလွႆငၢမ်း)။ ၶုၼ်ႁေႃၶမ်း ၶျႆးသူင်ၶရၢမ် ၵေႃႉလႆႈတႄႇတင်ႈမႃး တႃႇဝႆႉ ၶၢပ်ႈတူဝ် ၸဝ်ႈပေႃးမၼ်း (ၶုၼ်ႁေႃၶမ်း မဵင်းရၢႆး)။ 

• သူၼ်ပႃႇထိူၼ်ႇ ၼမ်ႉတူၵ်းၶုၼ်ၵွၼ် (วนอุทยานน้ำตกขุนกรณ์) (လုၵ်ႉတီႈဝဵင်း ၵႂႃႇၸွမ်း Rte 1211။ ဝၢႆးသေ ၵႂႃႇ 18 ၵမ. ငွၵ်းၽၢႆႇၶႂႃသေ သိုပ်ႇၵႂႃႇထႅင်ႈ 12 ၵမ.။ ဢမ်ႇၼၼ် ၵႂႃႇၸွမ်း သဵၼ်ႈတၢင်းလူင် Hwy 1 (ၵဵင်းႁၢႆး-ၽႃႉယၢဝ်း) မွၵ်ႈ 15 ၵမ.သေ ငွၵ်းၽၢႆႇၶႂႃယဝ်ႉ သိုပ်ႇၵႂႃႇထႅင်ႈ 17 ၵမ. ယဝ်ႉၵေႃႈ တေလႆႈပႆ 30 မဵတ်ႉ ၸူး ၼမ်ႉတူၵ်း)။ ပဵၼ်ၼမ်ႉတူၵ်း ဢၼ်သုင်သုတ်း လႄႈ ဢၼ်မုင်ႁၢင်ႈလီသုတ်း တီႈၼႂ်း ၵဵင်းႁၢႆး၊ ၶုၼ်ၵွၼ် ၼႆႉ တၢင်းသုင် တေမီးယူႇ 70 မ.။ တီႈၸွမ်းတၢင်းၵႂႃႇၸူး ၼမ်ႉတူၵ်းၼၼ်ႉ ၵတ်းလီ၊ မီးႁူမ်ႈသၽႃႇဝ လွမ်ႉႁွပ်ႈဝႆႉသေ ပဵၼ်ဢၼ်သၢင်ႇထုၵ်ႇ တႃႇလိုဝ်ႈႁိူဝ်ႉလိုဝ်ႈၸႂ် လႄႈ ပဵၼ်ဢၼ်ၶႅမ်ႉ တႃႇပႆတိၼ် ၸွမ်းသၽႃႇဝ။ လုၵ်ႉတီႈ တႃႈဝႆႉရူတ်ႉသေ လႆႈပႆတိၼ်ၵႂႃႇ၊ ပေႃးၸဝ်ႈၵဝ်ႇ ဢမ်ႇယၢမ်ႈပႆၼိူဝ် တၢင်းပဵၼ်လုၵ်းပဵၼ်ထၢင် မွၵ်ႈသေ ၶိုင်ႈၸူဝ်ႈမူင်းၼၼ်ႉၼႆတႄႉ ယႃႇပေၸၢမ်းတူၺ်းၼႆႉ တေလီယူႇ။ 

• 20 ၽူႇၶျီးၾႃႉ (ၵႂႃႇၸွမ်း သဵၼ်ႈတၢင်း 1152 မွၵ်ႈ 83 ၵမ.)။ တီႈမုင်ႈသႃႇၶိုၵ်ႉၶႅမ်ႉ တႃႇတူၺ်းၵၢင်ဝၼ်းတူၵ်း။ 

• မၢၵ်ႇၼင် ပရေႃႇၾႅတ်ႇသျိၼ်ႇၼႄႇ ထႆး (ၵဵင်းႁၢႆး ယူႇၼၢႆႉတႅတ်ႉ) ႁူင်းလဵၼ်ႈ သိင်ႁ။ ၵဵင်းႁၢႆးၼႆႉ ပဵၼ်ႁိူၼ်း ၶွင် ၵဵင်းႁၢႆးယူႇၼၢႆႉတႅတ်ႉ၊ ဢၼ်လဵၼ်ႈတီႈၼႆႈ ထႆးလိၵ်ႉ 1 ၼၼ်ႉယဝ်ႉ။ ၶလၢပ်ႉၼႆႉ လႆႈဢွင်ႇပႄႉ တီႈပၢင်ၶႄႉၶဵင်ႇ ၼႂ်းမိူင်း 2 ပွၵ်ႈ ထႆးဢႅပ်ႉၾ်ဢေႇၶၢပ်ႉ၊ ထႆးၶျႅမ်ႇပီႇယႅၼ်ႇၶၢပ်ႉ လႄႈ ထႆးလိၵ်ႉၶၢပ်ႉ ၸိူဝ်းၼၼ်ႉယဝ်ႉ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2023)

• 21 တီႈမုင်ႈသႃႇဝဵင်း (ၵႂႃႇၸွမ်းတၢင်း ဢၼ်ၵႂႃႇၸူး ၵဵင်းမႆႇ၊ ႁွင်ႉဝႃႈ သဵၼ်ႈတၢင်း ရတ်ႉၶျယူဝ်ထႃ။ ဝၢႆးသေၵႂႃႇမွၵ်ႈ လၢႆၵီႇလူဝ်ႇမီႇတႃႇယဝ်ႉ တီႈၽၢႆႇသၢႆႉမိုဝ်းၼၼ်ႉ တေလႆႈႁၼ်မီးလွႆ။ ငွၵ်းၽၢႆႇသၢႆႉ တီႈ ၼွင်ၽိုင်ႈ သွႆႈ 3 သေ ၵႂႃႇၸူးလွႆ လႄႈ ၵျွင်းၽြႃး တီႈၸိၵ်းလွႆ)။ လွႆၶဝ်ၵႂၢႆးၼႆႉ ပဵၼ်တီီႈ ဢၼ်မုင်ႈႁၼ်လႆႈ ၵဵင်းႁၢႆးတင်းဝဵင်းယဝ်ႉ။ တီႈမုင်ႈသႃႇထႅင်ႈတၢင်ႇတီႈ ဢၼ်ၸၢင်ႈႁၼ်လႆႈ မိူၼ်ၼႆတႄႉ ပဵၼ်တီႈ ၸိၵ်းလွႆဢႅပ်ႇၶဝ်၊ ဢၼ်လုၵ်ႉတီႈဝဵင်းသေ လႆႈၵႂႃႇၽၢႆႇတူၵ်း 4 ၵမ. ၼၼ်ႉယဝ်ႉ။ တီႈပွတ်းၽၢႆႇတူၵ်းမၼ်းၼၼ်ႉ မီးဝႆႉ တၢင်းပႆႇယဝ်ႉ။ မၼ်းၵေႃႈ ၵိုင်ႇတၢင်းၵႂႃႇယူႇ၊ ယဝ်ႉၵေႃႈ တီႈၸိၵ်းလွႆၼၼ်ႉ မီးဝႆႉႁုၼ်ႁၢင်ႈပုတ်ႉထၸုၵ်း ဢၼ်မီးတၢင်းသုင် 3 မ. ၼၼ်ႉယဝ်ႉ။ ၸိၵ်းလွႆၼႆႉ မီးဝႆႉတီႈၼိူဝ် ၽင်ႇႁိုၵ်းႁိၼ်ထုၼ် ၵႃႈတီႈ သူၼ်ပူမ်ႇမိူဝ်ႈရႅင် ဢၼ်ၸၢင်ႈမုင်ႈႁၼ်လႇႈ ဝဵင်းလႄႈ သၢႆမႄႈၼမ်ႉ ဢၼ်မီးဝႆႉႁူဝ်လၵ်းမၼ်းၼၼ်ႉယဝ်ႉ၊ 

ႁဵတ်း

• 1 ႁူင်းတူၺ်းငဝ်းတူင်ႉ သႅၼ်ႇထရႄႇလ် ပလႃႇၸႃႇ - ☏ +6625155555။ ႁူင်းတူၺ်းငဝ်းတူင်ႉ ဢၼ်ၼႄ ငဝ်းတူင်ႉ ၽႃႇသႃႇဢိင်းၵလဵတ်ႈ။ 
• 2 လွႆသၢင်ႇသီႈမူပ်ႇ (မီးၽၢႆႇတူၵ်းဝဵင်း 4 ၵမ.၊ လုၵ်ႉတီႈၽင်ႇမႄႈၼမ်ႉၵဵင်းႁၢႆးသေ ၶၢမ်ႈၼမ်ႉမႄႈၶွင်ၵမ်းသိုဝ်ႈ)။ တီႈၽၢႆႇတၢင်းတူၵ်းမၼ်းၼၼ်ႉ မီးဝႆႉ ထမ်ႈပုတ်ႉထဢၼ်ၼိုင်ႈ လႄႈ မၼ်းဢွင်ႈတီႈသူၼ်သိူဝ်းဢၼ်ၼိုင်ႈယဝ်ႉ။ တီႈႁိမ်းၸမ်ပွတ်းဢွၵ်ႇမၼ်းၼၼ်ႉ မီးဝႆႉ ထမ်ႈဢၼ်ပႃး ၶွင်ႉသၢမ်ၶွင်ႉသေ ၼိုင်ႈၶွင်ႉၼိုင်ႈၶွင်ႉၼၼ်ႉ မၼ်းဝႆႉ ႁူးလႅင်းပိဝ်ၾႃႉယဝ်ႉ။ ၶွင်ႉဢၼ်ယႂ်ႇသေပိူၼ်ႈၼၼ်ႉ မီးထၢင်ႇပၢင်ႇလဵၼ်ႈ ပၢတ်ႉသၵႅတ်ႉပေႃးသေ တၢင်းသုင်မၼ်း မီးထၢၼ်ႇ တူၼ်ႈမႆႉယႂ်ႇလူင် ယဝ်ႉ။ ၵူၼ်းပႆတၢင်းၶဝ် ၸၢင်ႈလုၵ်ႉဢဝ်တီႈတီႈၼိူဝ်လွႆသေ မႄႈၼမ်ႉ (ၽၢႆႇၸၢၼ်း) ပႆၸူး ၽၢႆႇသဵၼ်ႈတၢင်း (ၽၢႆႇႁွင်ႇ)ယဝ်ႉ။ ၵူၼ်းႁၢပ်ႇၵၢၼ်တီႈ သူၼ်ပုမ်မိူဝ်ႈရႅင် ၼႆႉ သိုပ်ႇဝႆႉ ႁူးၶဝ်ႈၽၢႆႇၸၢၼ်း ႁႂ်ႈၵဵင်ႈလိူမ်ႈလီသေ တတ်းသဵၼ်ႈတၢင်းမႂ်ႇ ဢၼ်လုၵ်ႉၽၢႆႇၸၢၼ်းမႃးၸူး သဵၼ်ႈတၢင်းၵဝ်ႇ ၼၼ်ႉယဝ်ႉ။ တီႈလွႆၼႆႉ မီးဝႆႉ တူၼ်ႈမၢၵ်ႇၼႃႉလူင်တင်းၼမ် တီႈတႃႇၶိုင်ႈလွႆ တီႈႁိမ်းၽင်ႇၼမ်ႉၼၼ်ႉသေ ပေႃးထိုင်ၶၢဝ်းမႆႈမႃးၼႆ တေလႆႈႁၼ် ၵိင်ႇတူၼ်ႈမၢၵ်ႇၼႃႉ ဢၼ်မၢၵ်ႇမၼ်းပေႃးလႅင်လူင်ၵႂႃႇၼၼ်ႉယဝ်ႉ။ 
• ၵွပ်ႉၾ်ၶႅပ်းမိၼ် (မီးတီႈ ၽၢႆႇတူၵ်း ဝၢၼ်ႈၼမ်ႉလတ်း ယၢၼ် 2 ၵမ. ဢၼ်ပဵၼ် သၢပ်ႇလႅၼ်ဝဵင်း ၶွင် တီႈၸဵင်ႇ ၸဵင်ႇႁွင်ႇဝၼ်းတူၵ်း ၵဵင်းႁၢႆး)။ 9-လုၵ်း (ဢမ်ႇၼၼ် 9-သွင်း) ပၢင်ႇလဵၼ်ႈ ၵွပ်ႉၾ်ၶႅပ်းမိၼ်၊ ဢမ်ႇလႆႈၸၢႆႇၵႃႈမၼ်း။ ၵမ်ႉထႅမ်ဝႆႉပၼ်ပႃႈ ၶႅပ်းမိၼ်။ တီႈၼႂ်းဢွင်ႈလဵဝ်ၵၼ် မၼ်းဝႆႉ ထႅဝ်ၸိပ်ႉ ဢၼ်မီးတၢင်းယၢဝ်း 160 မ. 
• ၵွပ်ႉၾ်။ တီႈၽၢႆႇဢွၵ်ႇ ၵဵင်းႁၢႆးၼၼ်ႉ မီးဝႆႉ ပၢင်ႇလဵၼ်ႈၵွပ်ႉၾ်ၸၼ်ႉသုင် သွင်ဢၼ်။ ဢၼ်ပဵၼ် သၼ်ႇတီႇပူးရီးၼႆႉ မီးဝႆႉ ၽၢႆႇဢွၵ်ႇဝဵင်း ယၢၼ် 10 ၵမ. သေ ဢၼ်ပဵၼ် ဝတ်ႉတႃးၾူတ်ႉဝႄႇလီႇ ၼၼ်ႉတႄႉ မီးတီႈ ၸဵင်ႇႁွင်ႇဝၼ်းဢွၵ်ႇ ဝဵင်း ယၢၼ် 35 ၵမ. ယဝ်ႈ။ တီႈၼႂ်းဝဵင်းတႄႉ တေမီး ပၢင်ႇလဵၼ်ႈၵွပ်ႉၾ် ဢၼ်မီး 9-လုၵ်း သွင်ဢၼ် - ဢၼ်ပဵၼ် ပၢင်ႇလဵၼ်ႈတပ်ႉသိုၵ်းၼၼ်ႉတႄႉ ၸဝ်ႈၵဝ်ႇ တေႁၼ် မီးၸမ်ၵၼ်တင်း ၶူဝ်မႄႈၾႃႉလူင် လႄႈ ဢၼ်ပဵၼ် ပၢင်ႇလဵၼ်ႈတႃႈႁိူဝ်းမိၼ်ၵဝ်ႇ ဢၼ်မီးပႃး တၢင်းၵႂၢင်ႈ ဢၼ်ပေႃးႁေႃႈရူတ်ႉလႆႈၼၼ်ႉယဝ်ႉ။ တီႈၼၼ်ႈၼႆႉ ၸဝ်ႈၵဝ်ႇ တေၸၢင်ႈႁႃပႃးလႆႈ ၶူးသွၼ်ၵွပ်ႉၾ် ယဝ်ႈ။ 

  

  ႁၢတ်ႇ ၵဵင်းႁၢႆး

• 3 ႁၢတ်ႇၵဵင်းႁၢႆး (Pattaya Noi)။ မႄႈၼမ်ႉၵွၵ်ႇ (แม่น้ำกก) ဢၼ်မီးတၢင်းယၢဝ်း 120 ၵမ ၼႆႉ လႆလတ်း ၵဵင်းႁၢႆးၵႂႃႇယဝ်ႉ။ ႁၢတ်ႇၵဵင်းႁၢႆးၼႆႉ မီးဝႆႉတီႈ ၽင်ႇ မႄႈၼမ်ႉၼႆႉသေ ပေႃးၶၢဝ်းမႆႈမႃး ပဵၼ်တီႈၸိုဝ်ႈလိုဝ်းလင် ၵူၼ်းၵိုၼ်းဝႆႉယဝ်ႉ။ ႁိူဝ်းႁၢင်ယၢဝ်းၼႆႉ ပဵၼ်ႁိူဝ်းတေႃႉသူင်ႇ ဢၼ်လုၵ်ႉဢဝ်တီႈ ဝဵင်း သေ ဢႅဝ်ႇလႄႇ တီႈၽင်ႇတၢင်းသွင်ၽၢႆႇယဝ်ႉ။ တီႈၵိုတ်းမၼ်းတႄႉ ပဵၼ်တီႈ ဝၢၼ်ႈၵူၼ်းၶိူဝ်းလွႆ ၸိူဝ်းပဵၼ် ဢႃႇၶႃႇ၊ လီႈသူး၊ လႃးႁူႇ လႄႈ ယၢင်း ၸိူဝ်းၼႆႉယဝ်ႉ။ ၸၢင်ႉၸိူဝ်းၼႆႉၵေႃႈ ၸၢင်ႈၶီႇလႆႈသေတႃႉ ယွၼ်ႉပိူဝ်ႈပဵၼ် လွင်ႈပႄႉၵိၼ်တူဝ်သတ်းလႄႈ ဢမ်ႇပေႃးပၼ်ႁႅင်းတႃႇၶီႇၸၢင်ႉ။ တွၼ်ႈတႃႇ လွၼ်ႉၶၢဝ်ႇထႅင်ႈတႄႉ ၵပ်းသိုပ်ႇတင်း C.R. Pier Tel: +66 53 750009 လႄႈ။ သဵၼ်ႈတႃႈသၢႆတၢင်း မႄႈၼမ်ႉထႅင်ႈတၢင်ႇၸိူဝ်းတႄႉ တႄႇဢဝ်တီႈ သူင်ႇ တီႈ ၸႄႈမိူင်းၵဵင်းမႆႇ ၵႂႃႇၽၢႆႇႁွင်ႇ ၵႂႃႇၸူး ၵဵင်းႁၢႆးၼၼ်ႉယဝ်ႉ။ ၶၢဝ်းတၢင်းၼႆႉ ႁိုင်မွၵ်ႈ သီႇၸူဝ်ႈမူင်း။ ပေႃးၶီႇပေးမႆႉမွင်ၵႂႃႇတႄႉ တေႁိုင် 3 ဝၼ်း 2 ၶိုၼ်း။ ၵပ်းသိုပ်ႇတင်း ၵလၢပ်ႉႁိူဝ်း သထူင်ႇ +66 53 459427၊ ၵၢၼ်ဢႅဝ်ႇလႄႇ ထိပ်ႉ မၢႆၽူင်း : +66 53 459312 လႄႈ။ 
• ၶိုၼ်ႈလွႆႁိၼ် (ၸဵင်ႇႁွင်ႇဝၼ်းတူၵ်း ဝဵင်း)။ တွၼ်ႈတႃႇ ၵၢၼ်ၸုၼ်ႉႁဵတ်း မၢင်ၸိူဝ်းၼႆႉ ပဵၼ် ၾရီးသေ ၵမ်ႉၼမ်ၼႆႉ ၶိူဝ်းၸိူဝ်းၼႆႉ ႁူမ်ႇဝႆႉယဝ်ႉ။ တီႈသူၼ်ပုမ်မိူဝ်ႈရႅင် ၼၼ်ႉ မီးဝႆႉၽႃႇႁိၼ်ၵမ်ႈၽွင်ႈသေ သဵၼ်ႈတၢင်းမၼ်း တီႈဢေႇသုတ်း မီးယူႇ သွင်လူဝ် (တႃႇၸိၼ်ႇ) သေ တင်းသဵင်ႈၼႆႉ ပဵၼ်ၸၼ်ႉမီးၼမ်ႉၵတ်ႉ ဢၼ်ၽဵဝ်ႈဝႆႉ ၶိူဝ်းမၢၵ်ႇဢိတ်ႇ လႄႈ မႄးဝႆႉတင်း ၶေႃဢၼ်ၵႅၼ်ႇၶႅင်လီၼၼ်ႉယဝ်ႉ။ ၵၢၼ်တူင်ႉၼိုင် တၢင်းၼွၵ်ႈ ၼႆႉ ပဵၼ် ၾရီး တွၼ်ႈတႃႇ ဢႃႇယုၵူႈပၢၼ်ယဝ်ႉ။ 
• ၶၢဝ်းတၢင်းပႆတိၼ်။ ႁၢင်ႈႁႅၼ်း ၶၢဝ်းတၢင်းပႆတိၼ် ၵႂႃႇၸူး ၵူၼ်းၶိူဝ်းလွႆ။ ႁူင်းၵၢၼ် လၢႆလၢႆဢၼ် ၸၢင်ႈၸတ်းၵၢၼ်ႁၢင်ႈႁႅၼ်းပၼ် တွၼ်ႈတႃႇၶၢဝ်းတၢင်းၼႆႉယူႇ။ 
• သူၼ်ၼႃး ဝၼ်ႇၼ (မီး ၽၢႆႇဢွၵ်ႇ ၵဵင်းႁၢႆး ယၢၼ် 5 ၵမ. မီးဝႆႉတီႈၼိူဝ် Rte 1020။ ၵႂႃႇၽၢႆႇဢွၵ်ႇ တီႈ ၾႆးၾႃႉလႅင် ဢၼ်မီးတီႈၼိူဝ် သဵၼ်ႈတၢင်းလူင် တီး ၽၢႆႇၸၢၼ်းဝဵင်းၼၼ်ႉ)။ ဢွင်ႈတီႈ ဢၼ်လီၶဝ်ႈၸႂ်၊ တီႈၼႂ်းသူၼ်ၼၼ်ႉ မီးဝႆႉ ၼူၵ်ႉၸၢင်ႉ ဢၼ်ၸဝ်ႈၵဝ်ႇ ၸၢင်ႈလဵင်ႉတၢင်းၵိၼ် လႄႈ ၸၢင်ႈၶီႇ။ မၼ်းမီးဝႆႉ ၵဵမ်းပၢၼ်ၵဝ်ႇ ဢၼ်တႃႇတေလဵၼ်ႈ။ မၼ်းမီးပႃး ပၢင်သုမ်ႉသဝ်း လႄႈ လွင်ႈတူင်ႉၼိုင်တၢင်းၸိူဝ်း။ 
• ၼမ်ႉတူၵ်းတၢတ်ႇ လႄႈ ၼမ်ႉဢုၼ်ႇ။ ၶုၼ်ၼၵ်ႉၵွၼ် ၼႆႉ ပဵၼ် ၼမ်ႉတူၵ်းတၢတ်ႇ ဢၼ်မီးတၢင်းသုင် 70 မ. ဢၼ်မီး ၽၢႆႇၸၢၼ်းဝဵင်း ယၢၼ် 15 ၵမ. ၼၼ်ႉယဝ်ႉ။ ၵႂႃႇၽၢႆႇၶႂႃႇ တီႈ ဢၼ်မီး ပၢႆႉမႆႉ ဢၼ်ၸိုဝ်ႈမိူၼ်ၵၼ်ၼၼ်ႉ။ ၵႂႃႇၸွမ်း သဵၼ်ႈတၢင်း ဢၼ်လူမ်းထူဝ်း ႁၢၼ်ႉတေႃႇပေႃးသုတ်းသၢႆတၢင်း။ ဢၼ်ပဵၼ် ၼမ်ႉတူၵ်းတၢတ်ႇဢွၼ်ႇ ၸိူဝ်းၼၼ်ႉ တေမီး ၸဵင်ႇႁွင်ႇဝၼ်းတူၵ်း ဝဵင်း တီႈ ဝၢၼ်ႈၼိူဝ်လွႆ မႄႈသၢႆ (ဢမ်ႇၸႂ်ႈဝဵင်းလႅၼ်လိၼ်- ၸိုဝ်ႈမိူၼ်ၵၼ်ၵူၺ်း)။ တီႈဝၢၼ်ႈၼၼ်ႉ မီးဝႆႉ ႁွင်ႈၼႄပိုၼ်း ၵူၼ်းၶိူဝ်းလွႆယဝ်ႉ။ တီႈဝၢၼ်ႈဢႃႇၶႃႇ ဢၼ်မီးၽၢႆႇတူၵ်းဝဵင်းၼၼ်ႉၵေႃႈ မီးဝႆႉ ၼမ်ႉတူၵ်းတၢတ်ႇဢၼ်ယႂ်ႇထႅင်ႈၵွၼ်ႇ။ လုၵ်ႉတီႈဝဵင်းၵႂႃႇၽၢႆႇတူၵ်း၊ ၵႂၢမ်းၸွမ်းၽင်ႇၽၢႆႇၸၢၼ်းၼမ်ႉ၊ ၵႂႃႇမွၵ်ႈ 19 ၵမ. ၼၼ်ႉသေ တူၺ်း ပၢႆႉ ဢၼ်တေ ဢဝ်ၸဝ်ႈၵဝ်ႇၵႂႃႇၸူး လွႆသုင်ၸၼ်းၼၼ်ႉ။ ၼမ်ႉဢုၼ်ႇ ပူင်ႇၽရပၢတ်ႇ - ၵႂႃႇၸွမ်း Hwy 1 ဢၼ်မီးၽၢႆႇၸၢၼ်း ၵဵင်းႁၢႆး၊ ၵႂႃႇၸူး ဝၢၼ်ႈဢွၼ်တၢင်းသုတ်း (ပၢၼ်းတူႇ)။ ငွၵ်းၽၢႆႇၶႂႃႇ တီႈဢၼ်ပူၼ်ႉ ၵၢတ်ႇလူင် တီႈၼိူဝ် သဵၼ်ႈတၢင်းလူင်ၼၼ်ႉ။ ၵႂႃႇမွၵ်ႈ 5 ၵမ.။ ပေႃးၸဝ်ႈၵဝ်ႇ သိုပ်ႇၵႂႃႇတၢင်းၼၼ်ႉ တေႃႇပေႃးသုတ်း သဵၼ်ႈတၢင်းၼၼ်ႉၸိုင် ၸဝ်ႈၵဝ်ႇ တေႁွတ်ႈၽႅဝ်ထိုင် ၼမ်ႉတူၵ်းတၢတ်ႇ ပူင်ႇၽရပၢတ်ႇ ဢၼ်ၼမ်ႉတူၵ်းယူႇတင်းပီ ဢၼ်လႆလတ်းမႃးၼႂ်ႈ ပႃႇထိူၼ်ႇၼၼ်ႉယဝ်ႉ။ ၼမ်ႉဢုၼ်ႇ ထႅင်ႈဢၼ်ၼိုင်ႈတႄႉ ပဵၼ် ပဵၼ်ၽႃႇသိူတ်ႇ ဢၼ်မီးၸမ် မႄႈၼမ်ႉၼၼ်ႉယဝ်ႉ။ မၼ်းမီးဝႆႉ တီႈၼိူဝ်တၢင်းလွင်းထွင်း ဢၼ်လုၵ်ႉတီႈ ဝဵင်း ၵႂႃႇၽၢႆႇတူၵ်း ၵမ်းသိုဝ်ႈ ဢၼ်ၵႂႃႇၸွမ်းၽင်ႇၼမ်ႉ၊ ယၢၼ် 29 ၵမ.။ ၼမ်ႉဢုၼ်ႇ ႁူၺ်ႈႁိၼ်ၽူၼ် လႄႈ ၼမ်ႉတူၵ်း ၸိူဝ်းဢၼ်မီးႁိမ်းႁွမ်းၼၼ်ႉ မီးၽၢႆႇတူၵ်း မႄႈၶျၼ် ယၢၼ် 7.5 ၵမ.၊ ဢၼ်မီးတီႈ ၽၢႆႇၸၢၼ်း သဵၼ်ႈတၢင်းၼၼ်ႉယဝ်ႉ။ 

ပွႆး

• ၵၢတ်ႇ မၢၵ်ႇၶေႃၶႄႇ (งานเทศกาลลิ้นจี่และของดีเมืองเชียงราย)။ ၸတ်းႁဵတ်း တီႈ ၶိုင်ႈပီ ၵူႈပီၵူႈပီ။ မီးပၢင်ႇၶႄႉၶဵင်ႇ ၼိူဝ်ၼမ်ႉ၊ ပၢင်ၶႄႉၶဵင်ႇ တၢင်းႁၢင်ႈလီ မၢၵ်ႇၶေႃၶႄႇ၊ လႄႈ သုမ်ႉၶၢႆ ၶူဝ်းၵုၼ်ႇသိၼ်ဢွၵ်ႇပိုၼ်ႉတီႈ တီႈ ပၢင်ႇလဵၼ်ႈ ၸႄႈတွၼ်ႈၵဵင်းႁၢႆး ၼၼ်ႉယဝ်ႉ။ 
• ပွႆးၶၢႆၵၢတ်ႇ သႅင်လႅတ်ႇ။ ႁဵတ်းတီႈ သူၼ်ႇပူမ်မိူဝ်ႈရႅင်၊ ၼႄ ၶူဝ်းၶွင်ၵုၼ်သိၼ် လႄႈ ၵၢၼ်ၸွႆႈသၢင်ႈ ၸိူဝ်းၵဵဝ်ႇၵပ်းလူၺ်ႈ ၽလင်း(ႁႅင်း) တၢင်ႇဢၼ်၊ သူၼ်ၽိင်ႈတိုၼ်း လႄႈ ယူင်ႉသၢင်ႈတၢင်ႇဢၼ်။ 
• ဝႆႈသႃ ၽယ မိူင်းရၢႆး ဢမ်ႇၼၼ် ပၢင်ပွႆး ၽေႃႈၶုၼ် မိူင်းရၢႆး မႁႃႇရၢတ်ႈ (งานไหว้สาพญาเม็งราย หรือ งานพ่อขุนเม็งรายมหาราช) - ☏ +66 53 711612။ ၸတ်းႁဵတ်း ၸၼ်ႇ 23 တေႃႇ ၾႅပ်ႇ 1 ။ ပဵၼ်ပၢင်ပွႆးလူႇတၢၼ်းမူးၸႃး ပိုင်ႈသုင် ဢၼ်ပဵၼ် တီႈမၢႆတွင်း ၽေႃႈၶုၼ် မိူင်းရၢႆး မႁႃႇရၢတ်ႈ။ ပၢင်ပွႆးၼၼ်ႉ ၸႄႈတွၼ်ႈၵဵင်းႁၢႆး ၵေႃႉ ၶပ်ႉၶိုင်ၸတ်းႁဵတ်းယဝ်ႉ။ 

သိုဝ်ႉ

တီႈ မိူင်းထႆး ပွတ်းႁွင်ႇ ၼႆႉ မၼ်းမီးဝႆႉ ပၢႆးၸၢင်ႈ ဢၼ်လၢၵ်ႇလၢႆး မိူၼ်ၼင်ႇ လေႃႇတွင်း၊ ၶႅၵ်းႁၢင်ႈ၊ ၸေႈ၊ ႁုၼ်ႇႁၢင်ႈၽြႃးပုတ်ႉထ လႄႈ ပၢၼ်းသီပၢႆႉ ၸၵႂႃႇၸိူဝ်းၼႆႉယဝ်ႉ။ ၸိူဝ်းပဵၼ် ၶိူင်ႈၶူဝ်းမေႃမိုဝ်း ၸိူဝ်းၼႆႉၵေႃႈ ပဵၼ်ဢၼ် ၸိုဝ်ႈလိုဝ်းလင် ၼႂ်းၵႄႈ ၵူၼ်းဢႅဝ်ႇလႄႇၶဝ်သေ ၸိူဝ်းၼၼ်ႉတႄႉ ၶဝ်ႈပႃး ၽီးၽႆးလိၼ်ၼဵဝ်၊ ႁေႃႇၼမ်ႉၼဵင်ႈ၊ ယူးပတ်း လႄႈ ၸွင်ႈ ဢၼ်ၸႂ်ႉတႃႇႁၢင်ႈၶိူင်ႈ ၸိူဝ်းၼႆႉယဝ်ႉ။

• 1 သႅၼ်ႇထရႄႇ ပလႃႇၸႃႇ (မီးၽၢႆႇၸၢၼ်း ၵၢင်ဝဵင်း တီႈၼိူဝ် သဵၼ်ႈတၢင်း သူႇပႃႇႁၢႆးဝေး (တၢင်းတူၼ်း))။ သႅၼ်ႇထရႄႇ ပလႃႇၸႃႇ ၼႆႉ ပဵၼ် တီႈသိုဝ်ႉၶွင် ၵဵင်းႁၢႆးယဝ်ႉ။ မၼ်းမီးဝႆႉ ၶွင်ႉၶၢႆ 4 ၸၼ်ႉ လႄႈ မီးဝႆႉ ႁူင်းငဝ်းတူင်ႉ ဢၼ်ၼႄ ၾိမ်း ၽႃႇသႃႇဢိင်းၵလဵတ်ႈ ၼၼ်ႉယဝ်ႉ။ တီႈမၼ်းတႄႉ လုၵ်ႉတီႈ Big C ၶၢမ်ႈသဵၼ်ႈတၢင်းလူင်ၵႂႃႇသေ ဢဝ်တင်း ၶူဝ်ၵူၼ်းတႆႇသေ ၵပ်းသိုပ်ႇဝႆႉယဝ်ႉ။ Big C ၼႆႉ ဢဝ်တင်း လၢၼ်ႉဢွၼ်ႇ ႁွပ်ႈဝႆႉမၼ်းသေ မၼ်းပဵၼ်ၼင်ႇ တီႈသိုဝ်ႉၶူဝ်းၶွင်ႇ ဢၼ်လဵၵ်ႉဢွၼ်ႇ။ တီႈ Big C လႄႈ သႅၼ်ႇထရႄႇ ၼႆႉ မီးဝႆႉ ဢွင်ႈတီႈၶၢႆတၢင်းၵိၼ်တၢင်းယႅမ်ႉယဝ်ႉ။ 
• 2 ၵၢတ်ႇၵၢင်ၼႂ်။ ၶၢဝ်းၵၢင်ၼႂ် တီႈၵဵင်းႁၢႆးၼၼ်ႉ မီးဝႆႉ ၵၢတ်ႇၶိုၵ်ႉၶႅမ်ႉ ဢၼ်ၶၢႆ တၢင်းၵိၼ်ပိုၼ်ႉတီႈ ၶၢဝ်းၸဝ်ႉၸဝ်ႉလႄႈ ၸဝ်ႈၵဝ်ႇ တေၸၢင်ႈၸွၼ်ႇတူၺ်းၵိၼ်တူၺ်း လႆႈယူႇယဝ်ႉ။ 
• 3 ၵၢတ်ႇၵၢင်ၶမ်ႈ လႄႈ လၢၼ်ႉတၢင်းၵိၼ် (เชียงรายไนท์บาร์ซ่า) (မီးဝႆႉ တီႈၼႂ်းၵႄႈ တႃႈရူတ်ႉပၢသ်ႉ လႄႈ သဵၼ်ႈတၢင်းၽႁူဝ်ယူဝ်ထိၼ် တီႈၵၢင်ဝဵင်း)။ 7PM-10PM။ တီႈၵၢတ်ႇၼႆႉ ၶဝ်ႈပႃးလၢၼ်ႉဢွၼ်ႇတင်းၼမ် ဢၼ်ၶပ်ႉၸႅၼ်ႇဝႆႉတီႈ သဵၼ်ႈတၢင်းၵႅပ်ႈၵႅပ်ႈ ဢၼ်မီးဝႆႉ တီႈၼႂ်းၵႄႈ သဵၼ်ႈတၢင်း ၽႁူဝ်ယူဝ်ထိၼ် လႄႈ တႃႈရူတ်ႉပၢသ်ႉ ၼၼ်ႉယဝ်ႉ။ တမ်းၶၢႆၼႄဝႆႉ တႄႇဢဝ် သိုဝ်ႉၶူဝ်းၽႅၼ်ႇမၼ်ႈ တေႃႇ လွင်ႈသမ်းလၢႆး ပႃးၸဵမ် တူဝ်သတ်း မဵဝ်းလဵင်ႉၵိုၵ်းႁိူၼ်း ၸိူဝ်းၼႆႉယဝ်ႉ။ မဵတ်ႉငိုၼ်းမိူဝ်ႈၵွၼ်ႇ ၶွင် ၵူၼ်းၶိူဝ်းလွႆ၊ ၶူဝ်းၶွင်ၵၢၼ်မိုဝ်းသွႆ ဢၼ်ၶိုၵ်ႉၶႅမ်ႉ လႄႈ ၽႃႇသိူဝ်ႇၼွၼ်း ဢၼ်ၶိုၵ်ႉၶိုၵ်ႉၸိူဝ်းၼႆႉၵေႃး တေလႆႈႁၼ်ယူႇ။ 
• 4 သဵၼ်ႈတၢင်းပႆ ဝၼ်းသဝ် (တီႈၼိူဝ် သဵၼ်ႈတၢင်း ထၼလၢၼ်ႊ တီႈၵၢင်ဝဵင်း)။ 18:00-22:00။ ၵၢတ်ႇၼႆႉ တၢင်းယၢဝ်းမၼ်းမီး တႃႇ 4 ၶွင်ႉတိူၵ်ႇ ဢၼ်ၶဝ်ႈပႃးဝႆႉ ဢွင်ႈတီႈ တၢင်းၵိၼ် ဢိၵ်ႇပႃး ၽဵင်းၵႂၢမ်း ဢၼ်မီးဝႆႉ တီႈႁိမ်း တၢင်းဢွၵ်ႇသုတ်းၼၼ်ႉယဝ်ႉ။ 
• 5 သဵၼ်ႈတၢင်းပႆ ဝၼ်းဢႃးတိတ်ႉ (မီးၸွမ်း သၼ်ၶူင်းၼွႆႉ၊ မီးတီႈ ၸဵင်ႇၸၢၼ်းဝၼ်းတူၵ်း ၵၢင်ဝဵင်း)။ ၼႆႉတႄႉ မၼ်းႁၢမ်ႉလဵၵ်ႉသဵ ၵၢတ်ႇဝၼ်းသဝ်၊ သဵၼ်ႈတၢင်းၵျေႃႇ သၼ်ၶူင်းၼွႆႉ ၼႆႉ မၼ်းတိူဝ်းမီးဝႆႉ လွင်ႈလဝ်ႈမူၼ်ႈ လႄႈ လွင်ႈတူင်ႉၼိုင် ၽိင်ႈငႄႈ။ 

ၵိၼ်

သုၼ်တၢင်းၵိၼ် ၵၢတ်ႇၵၢင်ၶမ်ႈ ပိုတ်ႇၶၢဝ်းႁူဝ်ၶမ်ႈ

တၢင်းၵိၼ်ပိူင်လူင် ၵူၼ်းပိုၼ်ႉတီႈၶဝ် ပႃး ၶဝ်ႈၼဵဝ် မၢင်ၸိူဝ်းၵေႃႈ ႁဵတ်းၵွၼ်ႇ မႃးၸိူဝ်းၵေႃႈ ႁဵတ်းပဵၼ်ၶဝ်ႈလၢမ်။ ၶဝ်ႈၼဵဝ်ၼႆႉတႄႉ ၼိုင်ႈသေ မၢင်ၸိူဝ်းၵေႃႈ ၶိုၼ်းသႂ်ႇထႅင်ႈ ဢၼ်ႁွမ်ဢၼ်ဝၢၼ် ႁဵတ်းပဵၼ် ၶဝ်ႈၶွင်ဝၢၼ်။ ၶဝ်ႈၼႆႉ ဢဝ်ဢၢႆၵႂၼ်းသေၼိုင်ႈ၊ ၵမ်ႈၽွင်ႈ ဢဝ်ၼမ်ႉဝၢၼ် သႂ်ႇပၼ် တႃႇႁဵတ်းၶဝ်ႈဝၢၼ်။ တၢင်းၵိၼ်ပိူင်လူင် ဢၼ်ၵႆႉလႆႈႁၼ် ၼႂ်းပိုၼ်ႉတီႈၼၼ်ႉ ပဵၼ်တၢင်းၵိၼ် ဢၼ်ဢဝ် ၼိူဝ်ႉၵႆႇ ဢမ်ႇၼၼ် ဢၼ်ဢဝ် ၵုင်ႈသေ ႁဵတ်းဝႆႉ လႄႈ ပိူင်လူင်မၼ်း ပဵၼ် တၢင်းၵိၼ် ၵႅင်ႇၶၼုမ် (ဢဝ်ၵိူဝ်ဝၢၼ် မၢၵ်ႇၽိတ်ႉ ႁဵတ်း ဢၼ်ႁွမ်ဝႆႉ)၊ ၵႅင်ယွၵ်ႉ (ၵႅင်ၵၢၼ်ၵူၺ်ႈ)၊ သႆႈယဵတ်ႈမူ (ၼိူဝ်ႉမူယွမ်ႉသီ) လႄႈ ၽၵ်းယုၼ်ၼၢၼ် လႄႈ ၶဝ်ႈသွႆးတႆႈ။ ၶၢဝ်သွႆးၼႆႉ ပဵၼ်တၢင်းၵိၼ် ဢၼ်ဢဝ် ၵွၼ်ႈၵႆႇ လႄႈ ၵႆႇ ႁဵတ်းဝႆႉသေ ပဵၼ်ဢၼ် ဢၼ်ၵူၼ်းသူင်ၼၼ်ႉယဝ်ႉ။ ၼမ်ႉၼိဝ်းၼႆႉ ပဵၼ်တၢင်းၵိၼ် ၾိင်ႈထုင်း ဢၼ်ဢဝ် ၼိူဝ်ႉၵႆႇ ဢမ်ႇၼၼ် ၼိူဝ်ႉမူ ႁဵတ်းဝႆႉ။

တီႈဝဵင်းၶျိင်းရၢႆးၼႆႉ တၢင်းၵိၼ်တၢင်းယႅမ်ႉလီ မီးတင်းၼမ်သေတႃႉ ၵူၼ်းမႃးဢႅဝ်ႇလႄႇ ၵမ်ႈၼမ်တႄႉ မိူၼ်ၼင်ႇ ၵိၼ်တၢင်းၵိၼ် တီႈ ပၢင်ႇၵၢတ်ႇၵၢင်ၶမ်ႈ ၼၼ်ႉယဝ်ႉ။ တီႈၼႆႈ မီးတီႈၵိၼ် သွင်တီႈ ဢၼ်ပဵၼ် တီႈႁင်းၽႂ်ႁင်းမၼ်း ဢၼ်ပဵၼ် "Centrepoint" ဢၼ်မီး ႁူင်းၵိၼ်ၶဝ်ႈၽၵ်း ဢၼ်လဵဝ် ဢၼ်မီး တၢင်းၵိၼ် မိူင်းထႆး ပွတ်းတူၵ်း လႄႈ ၵႃႈၶၼ်မၼ်း သုင်လိူဝ် သေ တီႈ ႁူင်းၵိၼ်ၶဝ်ႈၽၵ်း ပၢင်ႇၵၢတ်ႇၵၢင်ၶမ်ႈ "ဢၼ်တႄႉ" ၼၼ်ႉယဝ်ႉ။ တင်းသွင်ဢၼ်ၼႆႉ မီးပၢင်မူၼ်ႈသိူဝ်း ၽဵင်းၵႂၢမ်း လႄႈ တၢင်းၵႃႈ ၶႂ်ႈဝႃႈၵူႈၶမ်ႈ။ တီႈ Centrepoint ၼႆႉ မီးၶိူင်ႈၶူဝ်းမႆႉ ဢၼ်လီၸႂ် ၽွင်းမိူဝ်ႈ တီႈႁူင်းၵိၼ်ၶဝ်ႈၼၼ်ႉ ၸႂ်ႉတိုဝ်း ၽိူၼ် လႄႈ တင်ႇ ဢၼ်ဢဝ်ႁေႈႁဵတ်းဝႆႉ ဢၼ်ပဵၼ် သီလိူင် ဢၼ်ႁၢင်ႈၸႃႉ ဢၼ်ဢမ်ႇပေႃးလီၼၼ်ႉယဝ်ႉ။ ၽွင်းမိူဝ်ႈ မီးႁၢၼ်ႉၶၢႆတၢင်းၵိၼ် 50 လိူဝ်လိူဝ် တႃႇလိူၵ်ႈၼၼ်ႉ ၵႃႈၶၼ်ဢၼ်တမ်းဝႆႉၼၼ်ႉ ၵမ်ႈၼမ် ပဵၼ်တႃႇ ၵူၼ်းမႃးဢႅဝ်ႇလႄႇၶဝ် လႄႈ တၢင်းၵိၼ်ဢၼ် လူတ်းယွမ်းပၼ် တႃႇ တၢင်းၵိၼ် ၽႃႇရၢင်းၶဝ်ၼၼ်ႉယဝ်ႉ။ ႁၢၼ်ႉၶၢႆၶူဝ်း မွၵ်ႈၶိုင်ႈၼိုင်ႈၼႆႉ မိူၼ်ၼင်ႇ ၶၢႆၶူဝ်းၶွင် ဢၼ်ၶူဝ်ႈဝႆႉ (ၽၵ်းၶူဝ်ႈ၊ ဢႃႇလူးၶူဝ်ႈ၊ ၽၵ်းတႅမ်ႇပူႇရႃႇ) တႃႇတေၵိၼ်ၵပ်းၸွမ်း ပီႇယႃႇၼၼ်ႉယဝ်ႉ။ ႁၢၼ်ႉၶၢႆၶူဝ်း ဢၼ်ဢမ်ႇၸႂ်ႈၶွင်မိူင်းထႆး ၵမ်ႈၽွင်ႈၵေႃႈ မီးဝႆႉသေ ၸိူဝ်းၼၼ်ႉတႄႉ ပဵၼ် ႁၢၼ်ႉၶၢႆၶူဝ်း ဢီႇတလီႇ၊ ဢိၼ်းတီးယႃး၊ ၵျႃႇမၢၼ်ႇ လႄႈ ဢိၵ်ႇတင်း ႁၢၼ်ႉၶၢႆ မူင်ႈမႅင်း ဢၼ်လီၽၢၼ်ႈ။

တီး ၵႃႈၶၼ်ထုၵ်ႇ

ၵၢင်ဝဵင်း

• 1 ၼၶွၼ်းပထူမ် (นครปฐม) 869/25-26 သဵၼ်ႈတၢင်း ပႁူၼ်ယူဝ်ထိၼ်ႊ (သဵၼ်ႈတၢင်းပႁူၼ်ယူဝ်ထိၼ်ႊ ႁိမ်းသဵၼ်ႈတၢင်းၶွႆႈ ပၼ်ႇၽႃႇပရႃႇၵၼ်ႇ။ ဢမ်ႇမီးပၢႆႉဢိင်းၵလဵတ်ႈသေတႃႉ ႁႃတူၺ်းပၢႆႉသီလႅင် ဢၼ်မီးတူဝ်လိၵ်ႈထႆး သီလိူင်ယႂ်ႇၼၼ်ႉ။ တေႃႇၼႃႈႁၢၼ်ႉၶၢႆၶူဝ်းလႅပ်ႈ။)။ ၶၢဝ်မူတဵင်း ဢၼ်ၸိုဝ်ႈသဵင်ယႂ်ႇ (ၶဝ်ႈဢၼ်ဢဝ်ၼိူဝ်ႉမူလႅင် ဢၼ်ၽဝ်ဝႆႉ ဢမ်ႇၼၼ် မိူၼ်ၼင်ႇၼႄဝႆႉ ၼႂ်းမႄးၼူးၼၼ်ႉ - ၶဝ်ႈ တင်း မူပိင်ႈ) ၼၼ်ႉ မၼ်းၵိၼ်လႆႈလီသေပိူၼ်ႈ တီႈႁူင်းၵိၼ်ၶႄႇလူင်ၼႆႉ။ ၶိူင်ႈၵေႃႇၾီႇလၢင်ႈလူင် ၸၼ်ၸႂ်ၵူၼ်းပိုၼ်ႉတီႈ တႃႇမႃးၵိၼ်ၶဝ်ႈဝၼ်းတီႈၼၼ်ႈ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2024)

ၶဝ်ႈသွႆး တီး ၽေႃးၸႂ်

• 2 ၶဝ်ႈသွႆးၽေႃးၸႂ် (ร้านพอใจ ข้าวซอยไก่) သဵၼ်ႈတၢင်းၸဵတ်းယွတ်ႈ 1023/2 (တေႃႇၼႃႈႁူင်းႁႅမ်းဝၢင်းၶွမ်း)။ 07:00-16:00။ ၸိုဝ်ႈသဵင်လိုဝ်းလင် ၵွပ်ႈပိူဝ်ႈ ၶၢဝ်သွႆး (ข้าวซอย) (ႁွႆးမိုဝ်းတႆး ဢၼ်ပဵၼ်ၶေးၼိူဝ်ႉၵႆႇ 40 ဝၢတ်ႇ၊ မိူဝ်ႈလိူၼ်မေႇ 2017) လႄႈ တၢင်းၵိၼ်ပွတ်းႁွင်ႇ မိူၼ်ၼင်ႇ သႆႈယဵတ်ႈ ပွတ်းႁွင်ႇ (25 ဝၢတ်ႇ)၊ လႄႈ ၼမ်ႉၽိတ်ႉၼုမ်ႇ ၸိူဝ်းၼႆႉ။ ဢမ်ႇမီးပၢႆႉဢိင်းၵလဵတ်ႈ ဢမ်ႇၼၼ် မႄးၼူး ၵူၺ်းၵႃႈ လၢတ်ႈၵႂၢမ်းဢိင်းၵလဵတ်ႈၵမ်ႈၽွင်ႈ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2024)
• 3 ၸဵင်ႇၶရဵပ်ႉ (ၿူၼ်းၿုၼ်တၢၼ်းဢိၼ်း) 1019/69 ၸဵတ်းယွတ်ႈ သွႆႈ 3 - ☏ +66 83 4707755။ 08:00-21:00။ ၶရဵပ်ႉၾရၢင်ႇသဵတ်ႈ ဢၼ်ဢမ်ႇၵႃႈၶၼ်ယႂ်ႇ (80-110 ဝၢတ်ႇ) လႄႈ တၢင်းၵိၼ်ထႆး။ ၵိၼ်ၶဝ်ႈၼႂ် 50 ဝၢတ်ႇ တႃႇမူသလီႊ တေႃႇထိုင် 110 ဝၢတ်ႇ တႃႇၵိၼ်ၶဝ်ႈၼႂ် ဢမႄႇရီႇၵၼ်ႇ။ ၼၢင်းယိင်းထႆး ဢၼ်ႁၢင်ႈလီၶဝ် ႁပ်ႉၶႅၵ်ႇ။ 45-130 ဝၢတ်ႇ (မေႇ 2017)။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2024)

တၢင်ႇတီႈ

• 4 ၽင်ႇပၢင်ႇလၢႆႇၵဵင်းႁၢႆး (လႆႈဢွၵ်ႇဝဵင်းဢိတ်းၼိုင်ႈ။ ၵႂႃႇလူၺ်ႈတုၵ်ႉတုၵ်ႉ ဢမ်ႇၼၼ် ရူတ်ႉၶိူင်ႈ)။ ၵၢင်ဝၼ်း ဢမ်ႇၼၼ် တၢမ်းၶမ်ႈၼႆႉ ပဵၼ်တီႈဢၼ်လီတႄႉတႄႉ။ ႁၢၼ်ႉၵေႃႇၾီႇ လႄႈ ႁၢၼ်ႉၵိၼ်ၶဝ်ႈၽၵ်း ဢၼ်တူၺ်းမုင်ႈႁၼ်လႆႈ မႄႈၼမ်ႉၵွၵ်ႇၼၼ်ႉ မီး 20 ပၢႆ။ ဢဝ်ပပ်ႉပိုတ်ႇတႅတ်ႈ မႃးၸွမ်း ယွၼ်ႉဝႃႈ ဢမ်ႇမီး မႄးၼူး ၽႃႇသႃႇဢိင်းၵလဵတ်ႈ ဢၼ်တေလႆႈႁၼ်။ 
• 5 ၼမ်ႉၼိဝ်းပႃသုၵ်း 197 သဵၼ်ႈတၢင်း သၼ်ၶူင်းၼွႆႉ။ 09:00-15:00။ တီႈၵိၼ်ၶဝ်ႈဝၼ်း ဢၼ်ၵူၼ်းၼႂ်းပိုၼ်ႉတီႈ သူင်ၸႂ်တႄႉတႄႉ။ ႁၢပ်ႇပၼ် ၼမ်ႉငိဝ်း ၶဝ်ႈသွႆး ၼမ်ႉၽၵ်း/ၶေး ဢၼ်လီ ဢၼ်လုၵ်ႉမိူင်းတႆးပွတ်းႁွင်ႇ မႃး ၵႃႈၶၼ် 35 ဝၢတ်ႇ (လိူၼ်မေႇ 2017)။ ဢမ်ႇမီး မႄးၼူး ဢိင်းၵလဵတ်ႈ လႄႈ လၢတ်ႈၵႂၢမ်းဢိင်းၵလဵတ်ႈဢေႇၼႃႇ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2024)
• 6 လၢၼ်ႉၶဝ်ႈသွႆးသၢဝ်ဝၢတ်ႇ 74/4 ၸုမ်း 15, ၵိင်ႇၸႄႈဝဵင်းရူပ်ႉဝဵင်း၊ ၸႄႈတွၼ်ႈ မိူင်းၵဵင်းႁၢႆး၊ ၵဵင်းႁၢႆး 57000, မိူင်းထႆး။ 8တၸ-6တလ။ ပဵၼ်ဢၼ် ၵႃႈၶၼ်ထုၵ်ႇတႄႉတႄႉ လႄႈ ၶဝ်ႈသွႆး တင်း သူမ်ႈတမ် ဢၼ်လီ ဢၼ်မီး တူင်ႇဝူင်းၵိၼ်ၶဝ်ႈ ဢၼ်လီမူၼ်ႈသိူဝ်း။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2024)
• 7 လၢၼ်ႉတၢင်းၵိၼ် တူင်းတုင် 1, သဵၼ်ႈတၢင်း သၼၢမ်ပိၼ် (ၽၢႆႇတူၵ်း သဵၼ်ႈတၢင်း မွၵ်ႈ 1 ၵမ. ၽၢႆႇၸၢၼ်း သဵၼ်ႈတၢင်းပၼ်ႇၽႃႇပရႃႇၵၼ်ႇ ၼိူဝ်သဵၼ်ႈတၢင်း 1/1 သႃႇၼမ်ႇပိၼ်ႇ သဵၼ်ႈတၢင်းတႃႈႁိူဝ်းမိၼ်ၵဝ်ႇ။ ဢမ်ႇမီးပၢႆႉဢိင်းၵလဵတ်ႈ)။ ႁၢပ်ႇပၼ်တၢင်းၵိၼ်ထႆးပွတ်းႁွင်ႇ။ တၢင်းၵိၼ် ၵႅင်ႁုင်းလႄႇ ၶဝ်ၼၼ်ႉ ထုၵ်ႇလီၵိၼ်။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2024)

ၸၼ်ႉၵၢင်

• လွႆၸၢင်ႉ မၢႆ 559 ထၼလၢႆး (ၸဵင်ႇရတၼၵဵတ်ႉ လႄႈ ၽယူၼ်ယူဝ်ႈထိၼ် (ၾႆးလူင် တီႈႁိမ်း ပၢင်ၵၢတ်ႇၵၢင်ၶမ်ႈ))။ ႁၢၼ်ႉၵေႃႇၾီႇ ဢၼ်ၵူၼ်းသူင် ဢၼ်ၵႆႉႁေႃႇၵႂႃႇ။ ၸဝ်ႈၶွင်မၼ်း လႆႈၶိုၼ်ႈၵႃႈၶၼ်မၼ်းမႃးတိၵ်းတိၵ်းသေတႃႉ ၾႃႇရၢင်းၶဝ် တိုၵ်ႉမႃးယူႇ။ ၵေႃႇၾီႇၶဝ်ၼႆႉ ၸိုဝ်ႈသဵင်ယႂ်ႇ ၼႂ်းမိူင်းထႆး လႄႈ ၶဝ်မီး တၢင်းၵိၼ် မိူင်းဝၼ်းတူၵ်း လႄႈ မိူင်းဝၼ်းဢွၵ်ႇၵၢင် တီႈၶၢမ်ႈၵၼ် လီလီၼၼ်ႉယဝ်ႉ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2024)
• Hungry Wolf's 1131 ၶရၢႆႇသူဝ်ႇရႃႇသိတ်ႉ (လုၵ်ႉတီႈ Night Bazaar ၶိုၼ်ႈၵႂႃႇသွင်ပွၵ်ႉ ၽၢႆႇၽႆးမုင်ႈ တီႈၽၢႆႇသၢႆႉ။) - ☏ +66 94 717 6165။ W-M 11:00 - 21:30။ တၢင်းၵိၼ်ဢမႄႇရိၵၢၼ်ႇ ဢၼ်ပဵၼ်ၸႅတ်ႈၸၢင်ႇ ဢၼ်ၶႅမ်ႉလႅပ်ႈ ဢၼ်ပႃး ၽိတ်ႉၸႃႇ (ၶဝ်မီး ၽိတ်ႉၸႃႇ 25 ၼိဝ်ႉ)၊ မီးၿႃႇၵႃႇ၊ ပၢသ်ႉတႃႇ၊ ပိၵ်ႇၵႆႇ၊ ၽၵ်းသႃႈ ၸၵႂႃႇလႄႈ မဵဝ်းၸၸႃးၸၢင်ႈသူင်ႇထိုင်ပၼ်ပႃးလႆႈ။ မီးပီႇယႃႇ ဢၼ်လိူၵ်ႈလႆႈၼမ်။ ၸဝ်ႈၶွင်မၼ်းပဵၼ် ဢမႄႇရီႇၵၼ်ႇ လႄႈ ဢေႃးသထရေးလျႃးယႃး။ (ဢၢပ်ႉတဵတ်ႉဝႆႉ မိူဝ်ႈ ၸူႇ 2024)
• ဢူဝ်ႇဢေႇသိသ်ႉ ၶျၼ်ဢၢင်း (ၽၢႆႇလင်ၶဵင်ႇလူင် တီႈ ၵၢတ်ႇၵၢင်ၶမ်ႈ ၼၼ်ႉ တေလႆႈႁၼ် ႁူင်းႁေႃသုင် ဢၼ်မီးၽၢႆႇလင် ႁၢၼ်ႉၵေႃႇၾီႇဢွၼ်ႇ ဢၼ်ပဵၼ်ၶွင်ၵၢတ်ႇၼၼ်ႉယူႇ။ မၼ်းမီးတီႈၸဵင်ႇတၢင်း ဢၼ်ၵႂႃႇၸူးၵၢတ်ႇမၢၵ်ႇမႆႉ)။ Till 20:00။ ႁူင်းၵိၼ်ၽၵ်းယိူဝ်ႈၼၢင်းၶဵဝ် ဢၼ်ႁဵတ်းပၼ်တၢင်းၵိၼ် ဢၼ်ႁွမ်ႁွမ်။ (ဢၢပ်ႉတဵတ်ႉဝႆႉ မိူဝ်ႈ ၸူႇ 2024)
• သယၢမ်ၵေႃႇၼႃႇ Jet Yod Rd။ တၢင်းၵိၼ်ထႆးလီတႄႉတႄႉ တၢင်းၵိၼ်မိူင်းဝၼ်းတူၵ်းၵမ်ႈၽွင်ႈၵေႃႈမီးပႃးဝႆႉယူႇ။ (ဢၢပ်ႉတဵတ်ႉဝႆႉ မိူဝ်ႈ ၸူႇ 2024)
• The North (တီႈႁူင်းႁႅမ်း The North ။ ႁူင်းႁႅမ်း North Hotel ၼႆႉ မီးႁိမ်း Oasis ၵၢင်သဵၼ်ႈတၢင်းဢွၼ်ႇ ဢၼ်မီးၼႂ်းၵႄႈ ၵၢတ်ႇၵၢင်ၶမ်ႈ လႄႈ ၵၢတ်ႇမၢၵ်ႇမႆႉ/မွၵ်ႇ)။ ၶိုၵ်ႉတွၼ်း တၢင်းၵိၼ် ဢၼ်ႁဵတ်းႁင်းၵူၺ်း ၾိင်ႈမိူင်းထႆးပွတ်းႁွင်ႇ။ တီႈၼႆႈ တေလႆႈႁၼ် သႆႈယဵတ်ႈထႆးပွတ်းႁွင်ႇ ၵႅင်ႁင်းးလေး (ၽၵ်းၼိူဝ်ႉမူပွတ်းႁွင်ႇ) လႄႈ တၢင်းၵိၼ် ဢၼ်မႄႈၸဝ်ႈၶွင်မၼ်း ႁဵတ်းဝႆႉ ၸွမ်းလၢႆးမိူင်းပွတ်းႁွင်ႇ လၢႆလၢႆမဵဝ်း။ လၢႆးႁဵတ်းတၢင်းၵိၼ် ၼႂ်းၼႃႈႁိူၼ်းၶဝ်ၼႆႉ ႁဵတ်းႁႂ်ႈ ၸဝ်ႈၵဝ်ႇ လႆႈၵိၼ် တၢင်းၵိၼ် မိူင်းထႆးပွတ်းႁွင်ႇ တႄႉတႄႉ။ 
• 8 FIN: friends.family 711, 5 သဵၼ်ႈတၢင်း သီရိၵိူတ်ႇ။ 08:30-17:30။ ႁၢၼ်ႉၵေႇၾီႇ ဢၼ်ႁၢင်ႈလီ ဢၼ်ၶိုတ်းၵၢပ်ႈ ဢၼ်မီး ၶၢဝ်သွႆး ဢၼ်လီ ၼမ်ႉသူဝ်ႇတႃႇယႃႈယႃ လႄႈ ၵႃႈၵိၼ်ၶဝ်ႈၼႂ် မိူင်းဝၼ်းတူၵ်း ၶၼ်ထုၵ်ႇ။ (ဢၢပ်ႉတဵတ်ႉဝႆႉ မိူဝ်ႈ ၸူႇ 2024)

တီႈ ၵႃႈၶၼ်ယႂ်ႇ

• 9 Cabbages and Condoms (ซี แอนด์ ซี) 620/25 သဵၼ်ႈတၢင်း ထၼလၢႆး - ☏ +66 53 719167။ 10:00-24:00 ၵူႈဝၼ်း။ တၢင်းၵိၼ်ထႆး ဢၼ်ၶႅမ်ႉလႅပ်ႈ (ပေႃးဝႃႈ မၼ်းယွမ်းလူင်းဢိတ်းဢွတ်း) ၼႂ်းတီႈဢၼ်ၶႅမ်ႉလႅပ်ႈ ဢၼ်မီး ၶွၼ်ႇတမ်ႊ ဢၼ်ဢွၵ်ႇမႃး တီႈဢၼ်ဢမ်ႇထၢင်ႇၼၼ်ႉ ၵူႈတီႈတီႈ။ ၼမ်ႉတွၼ်းမၼ်း ၵႂႃႇၵမ်ႉၸွႆႈ ၵၢၼ်ဝၢင်းၽႅၼ်ၼႃႈႁိူၼ်း လႄႈ ပၢႆးပၺ်ႇၺႃႇ ၵဵဝ်ႇလူၺ်ႈ လွင်ႈၵႃႇမ ၼႂ်းမိူင်းထႆး။ 

ဢွၵ်ႉ

ပႃးရ်

• ၶႅတ်ႉပႃးရ် သဵၼ်ႈတၢင်းၸဵတ်းယွတ်ႈ။ ပၢင်ႁွင်ႉၽဵင်း ၶႂ်ႈဝႃႈမီးၵူႈဝၼ်း လႄႈ ၽိူၼ်ၽူးလ်။ 
• ဢီးသီးလ်ပႃးရ် သဵၼ်ႈတၢင်းၸဵတ်းယွတ်ႈ။ ပိုတ်ႇတင်းဝၼ်း။ ၵိၼ်ၶဝ်ႈတီႈၼႆႈ ဢၢၼ်ႇၽိုၼ်ၶၢဝ်ႇ Bangkok Post တူၺ်းငဝ်းတူင်ႉ ဢၼ်ၸႂ်ႉသၢႆၾႆးၾႃႉ လႆႈယူႇ။ 
• ပႃးရ် ရႅၵ်ႉၵေႇ (Reggae Bar) (သေတီႈတီႈ ၼႂ်းသဵၼ်ႈတၢင်းဢွၼ်ႇ Night Bazaar ၽၢႆႇလင်ၶဵင်ႇသီငိုၼ်း)။ 20:00-။ ၽဵင်းၵႂၢမ်း လႄႈ ၼမ်ႉၵိၼ်လၢႆလၢႆမဵဝ်းလီ။ ဝၢႆးမႃး ၾရၢင်ႇၼႂ်းပိုၼ်ႉတီႈ ႁူပ်ႉၵၼ်တီႈၼႆႈ။ 
• ပႃးရ် သိတ်ႉသိပ်ႉ လႄႈ ၵေႃႇၾီႇႁၢဝ်ႉ (SiTSip Bar&Coffee House) (ၸၼ်ႉတႂ်ႈ ႁူင်းႁႅမ်းဝင်းၵွမ်) - ☏ +66 53 711800။ ဢွင်ႈတီႈၼႆႉ ႁၢင်ႈၶိူင်ႈဝႆႉ ၸွမ်းၾၢင်ႁၢင်ႈပၢၼ်မႂ်ႇ။ ႁၢပ်ႇပၼ် ၼမ်ႉၵိၼ်၊ တၢင်းၵိၼ်ယႅမ်ႉ လႄႈ ၵွၵ်ႉတေးလ် တင်းၼမ်။ 
• ပႃးရ်ထီးပီး 542/4 သဵၼ်ႈတၢင်း ၽႃႁူဝ်ယူဝ်းထိၼ်။ လွင်ႈႁၢင်ႈလီ လႄႈ လွင်ႈၵဵပ်းႁွမ် ၶူဝ်းၶွင်ၵဝ်ႇၵႄႇ ဢၼ်ၶိုၵ်ႉၶႅမ်ႉ ၵူၼ်းႁဵတ်းၵၢၼ် ဢၼ်မေႃႁၵ်ႉသႃ လႄႈ ၼမ်ႉၵိၼ် ဢၼ်ၵႃႈၶၼ်ဢေႇ။ ယဝ်ႉၵေႃႈ ပဵၼ်တီႈလီ တႃႇထႆႇၶႅပ်းႁၢင်ႈ ဢၼ်မီး ၶူၼ်ႁူဝ် ဢၼ်ပဵၼ် ၽၢင်ႁၢင်ႈ ရွၵ်ႉၶ်ၼၼ်ႉ လႄႈ ၵီႇတႃႇ သေ မီးၽဵင်းၵႂၢမ်း ဢၼ်လိူၵ်ႈဝႆႉ လီလီၼၼ်ႉယဝ်ႉ။ 
• ႁူင်းႁႅမ်း တီႇၼွတ်ႉ၊ ပႃးရ် ထၼ်းထေႇပႄႇလ်ၸႅꩡ်ႉ (Turntable Jazz Bar, the North Hotel) (ၼႂ်းၵႄႈ ၵၢတ်ႇၵၢင်ၶမ်ႈ လႄႈ ၵၢတ်ႇသီႇရိၵူၼ်ႇ (မွၵ်ႇလႄႈ မၢၵ်ႇမႆႉ)) - ☏ +66 53 719873။ ၽဵင်းၵႂၢမ်း ၸႅꩡ်ႉ ဢၼ်ၵႂၢင်ႈၶႂၢင် ဢၼ်လုၵ်ႉတီႈ ႁူင်းႁႅမ်း ၸဝ်ႈၶွင်ႁူင်းႁႅမ်း မိူင်းၼေႃႇဝူၺ်း ၵဵပ်းဝႆႉ ၶၢဝ်းတၢင်း 40 ပီႊၼၼ်ႉယဝ်ႉ။ ပပ်ႉဢၼ်ၵဵဝ်ႇလူၺ်ႈ Jazz ၵေႃႈပႃး။ တီႈႁၢၼ်ႉလဝ်ႈၼၼ်ႉ မီးပီႇယႃႇ လႄႈ ၼမ်ႉဢွၵ်ႉ ဢၼ်ၵႃႈၶၼ်ထုၵ်ႇ လႄႈ မီးလွင်ႈမိုတ်ႈၵိုဝ်းၸမ်ၸႂ်ၵၼ်။ 

ၵေႃႇၾီႇ

ၼမ်ႉၼဵင်ႈ လႄႈ ၶဝ်ႈမုၼ်း တီႈ ၵၾႄး ဝတ်ႉၶႅတ်ႉ (WhatCat Cafe)

• 1 ႁူင်းႁဵတ်းၶဝ်ႈမုၼ်း ပၢၼ်ႇၶျီႇဝိတ်ႉမေႇ (ร้าน บ้านชีวิตใหม่เบเกอรี่) (တေႃႇၼႃႈၵၼ်တင်း တႃႈလူတ်ႉၵဝ်ႇ)။ 08:00-19:00။ ႁၢၼ်ႉၵေႃႇၾီႇ / ႁၢၼ်ႉႁဵတ်းၶဝ်ႈမုၼ်း လႄႈ ႁၢၼ်ႉၵိၼ်ၶဝ်ႈၽၵ်း ၽၢင်ႁၢင်ႈ သၵႅၼ်ႇတီႇၼီႇဝီႇယႅၼ်ႇ။ ၵႃႈၶၼ်မၼ်းသုင်သေတႃႉ ၵႂႃႇတီႈ ပၢၼ်ႇၶျီႇဝိတ်ႉမေႇ ဢၼ်ပဵၼ်ၸုမ်း NGO ဢၼ်ၸွႆႈထႅမ်ပၼ် တူင်ႇဝူင်းၵူၼ်း ၸၢဝ်းၶိူဝ်းလွႆ ၼႂ်းပိုၼ်ႉတီႈၼၼ်ႉ။ (ဢၢပ်ႉတဵတ်ႉဝႆႉ မိူဝ်ႈ ၸူႇ 2024)
• 2 ၵၾႄး Cat 'n' A Cup Cat 430, သဵၼ်ႈတၢင်း ပရႃႇသူပ်ႈသုပ်ႇ။ 08:00-21:00။ ၽၢႆႇၵႃႈၶၼ်ယႂ်ႇဢိတ်းၼိုင်ႈ (50-100 ဝၢတ်ႇ) ၵူၺ်းၵႃႈ ပဵၼ်တီႈလီ တႃႇၵူၼ်းႁၵ်ႉတူဝ်သတ်းၶဝ် တေၵႂႃႇလႄႇ။ မူတ်းသႂ်လီ လႄႈ တူဝ်သတ်းၵေႃႈ ထုၵ်ႇတူၺ်းထိုင်လီလီ။ (ဢၢပ်ႉတဵတ်ႉဝႆႉ မိူဝ်ႈ ၸူႇ 2024)

• 3 ပႃးရ် ၵေႃႇၾီႇ ဢူၵ်ႉ & ဢေႃး (Oak & Awe Coffee Bar) သဵၼ်ႈတၢင်း ၸဵတ်းယွတ်ႈ။ 09:00-22:30။ ၵေႃႇၾီႇဢွၼ်ႇ ဢၼ်ၵူၼ်းသူင်။ ႁၢပ်ႇပၼ်ပႃး တၢင်းၵိၼ်တၢင်းယႅမ်ႉ လႄႈ လဝ်ႈ။ ၶမ်ႈဝၼ်းဢႃးတိတ်ႉ မီးပၢင်ႁွင်ႉ ၽဵင်းၵႂၢမ်း Live။ (ဢၢပ်ႉတဵတ်ႉဝႆႉ မိူဝ်ႈ ၸူႇ 2024)
• 4 ၵၾႄးဝတ်ႉၶႅတ်ႉ (What Cat Café) (Tanalai Rd.) - ☏ +66845047446။ 08.00 - 17.00။ ၵၾႄးမႅဝ်းထႅင်ႈတီႈၼိုင်ႈ ၼႂ်းဝဵင်း။ မႅဝ်းတီႈၼႆႈ ၵမ်ႈၼမ်ပဵၼ်မႅဝ်းၼႂ်းပိုၼ်ႉတီႈ။ လႆႈၵိၼ်ၵေႃႇၾီႇ လႄႈ ၼမ်ႉၼဵင်ႈ လီလီ မိူဝ်ႈလိူၼ်ဢေႃးၵၢတ်ႉ 2021 ၼၼ်ႉသေ မီးလွင်ႈလီၸႂ်လီ။ (ဢၢပ်ႉတဵတ်ႉဝႆႉ မိူဝ်ႈ ၸူႇ 2024)

ၼမ်ႉၵိၼ်

ၸႂ်ႉၸၢၵ်ႈၶၢႆၼမ်ႉသီသွမ်ႇသေ ၸၢင်ႈၶိုၼ်းထႅမ်ၼမ်ႉသႂ်ႇၼႂ်း တဝ်ႈပဝ်ႇ ၸဝ်ႈၵဝ်ႇလႆႈယူႇ။ ပေႃးၼိုင်ႈဝၢတ်ႇၼႆႉ ထႅမ်လႆႈမွၵ်ႈ ၼိုင်ႈလီႇတႃႇၼၼ်ႉယဝ်ႉ။ ပေႃးၸႂ်ႉလၢႆးၼႆႉ ပဵၼ်ဢၼ်ၽိမ်းၸႂ်ႉ ငိုၼ်းလႄႈ ၶူဝ်းပလၢတ်ႉသတိၵ်ႉၸိူဝ်းၼႆႉယဝ်ႉ။

• 5 ႁူင်းသႂ်ႇၼမ်ႉၵိၼ် တီႈသဵၼ်ႈတၢင်းၸဵတ်းယွတ်ႈ သဵၼ်ႈတၢင်းၸဵတ်းယွတ်ႈ (ႁိမ်းႁွင်ႈလွႆးၶူဝ်း)။ 

• 6 ႁူင်းသႂ်ႇၼမ်ႉၵိၼ်ႈ တီႈသၼူၼ်းထႆးဝိဝၢတ်ႈ သဵၼ်ႈတၢင်းၸဵတ်းယွတ်ႈ (ၽၢႆႇၼႃႈ ရႅၵ်ႉၵေႉ ႁူမ်း & ပႃးရ်)။ 

• 7 ႁူင်းသႂ်ႇၼမ်ႉၵိၼ် တရႆရဵတ်ႇ သဵၼ်ႈတၢင်း ၸဵတ်းယွတ်ႈ (ဢိူမ်ႈၵၼ်ၶၢင်ႈတၢင်း ဢၼ်မီးႁိမ်း သဵၼ်ႈတၢင်း တရႆရဵတ်ႇ လႄႈ သဵၼ်ႈတၢင်း ဢုတ်ႉတရႃႇၵိတ်ႉ ၶွႆႈၵၼ်)။ 

ၼွၼ်း

တီႈ ၵႃႈၶၼ်ထုၵ်ႇ

• 1 ႁိူၼ်းလွႆဢႃးၶႃႇ (ႁပ်ႉဢဝ်ဢမ်ႇလႆႈသဵင်ႈငိုၼ်းတီႈႁူင်းႁႅမ်းပီႈၼွင်ႉ ႁိူၼ်းမႄႈၼမ်ႉဢႃးၶႃႇ) - ☏ +66 89 7775505။ မီးတီႈ ၽၢႆႇတူၵ်းဝဵင်းၵဵင်းႁၢႆး ယၢၼ် 23 ၵီႇလူဝ်ႇမီႇတႃႇ ၼႂ်းထိူၼ်ႇပႃႇ ဢၼ်လွႆဢၼ်ႁူမ်ႇငမ်းဝႆႉၼၼ်ႉ ပဵၼ်တီႈလိုဝ်ႈသဝ်း ဢၼ်လီ တီႈဝႄႈလွင်ႈသုၵ်ႉသၵ်ႉ ၼႂ်းဝဵင်းၼၼ်ႉယဝ်ႉ။ ႁွင်ႈၸိူဝ်းၼၼ်ႉ တေလႆႈႁၼ် ထိူၼ်ႇပႃႇ လႄႈ တႃဝၼ်း ဢၼ်ဢွၵ်ႇမႃး ၼိူဝ်လွႆ ဢၼ်မီး ၽုင်မူၺ်ၼၼ်ႉသေ တီႈႁိမ်းႁွမ်း မီးၼမ်ႉတူၵ်းတၢတ်ႇ လႄႈ ၼမ်ႉမႆႈ ဢၼ်မီးႁိမ်းႁွမ်းၼၼ်ႉ ထုၵ်ႇလီၵႂႃႇလႄႇ ၼႆယဝ်ႉ။ ၵူၼ်းႁဵတ်းၵၢၼ်ၶဝ် လႆႈထုၵ်ႇမွၵ်ႇၼေဝႆႉဝႃႈ "မေႃမိုတ်ႈၵိုဝ်းၵၼ်လႄႈ ၶႂ်ႈလဵပ်ႈႁဵၼ်း ဢမ်ႇၼၼ် ၽိုၵ်းၽွၼ်ႉ ၽႃႇသႃႇဢိင်းၵလဵတ်ႈၶဝ်" လႄႈ "ၵူၼ်းမဝ်မၢင်လႄႈ ၵမ်ႈၼမ်ၶဝ် ဢမ်ႇထၢင်ႇဝႃႈ ၶဝ်တေသူၼ်ၸႂ် တႃႇတေၵပ်းသိုပ်ႇ ၶႅၵ်ႇၶဝ်" ၼႆယဝ်ႉ။ ႁူင်းၵိၼ်ၶဝ်ႈၽၵ်း ဢၼ်ပိုတ်ႇၽုၺ်ႇလူမ်း ပိုတ်ႇဝႆႉတီႈ ၵၢင်ပၢင်ႇ (တၢင်းၵိၼ်လီ၊ တၢင်းယႂ်ႇၽႅၼ်ႇ ဢၼ်ဢမ်ႇပေႃးၶႅမ်ႉ၊ ၵႃႈၶၼ်ယႂ်ႇလိူဝ် ၼႂ်းဝဵင်းဢိတ်းၼိုင်ႈ၊ ၵူၺ်းၵႃႈ တိုၵ်ႉလီယူႇ တႃႇဢွၵ်ႇၼႂ်းထိူၼ်ႇ 20 ၵီႇလူဝ်ႇမီႇတႃႇ)၊ ၼမ်ႉမႆႈၾႆးၾႃႉ၊ Wi-Fi ဢၼ်ဢမ်ႇလႆႈသဵင်ႈငိုၼ်း၊ ႁပ်ႉဢဝ် (ၵူႈဝၼ်း 16: 30 တီႈႁိူၼ်းမႄႈၼမ်ႉဢႃႇၶႃႇ) လႄႈ လူင်း (ၵူႈဝၼ်း 09:30 မူင်း ပွၵ်ႈမိူဝ်းဝဵင်းၵဵင်းႁၢႆး မုင်ႈမွင်းဝႆႉဝႃႈ တေလႆႈၼင်ႈၽၢႆႇလင်ၵႃးပိၵ်ႉၵၢပ်ႉ)။ 
• 2 ႁူင်းႁႅမ်း ပုၼ်ႊပၼ်ႊတၼ်ႊ 1005 ၸဵတ်းယွတ်ႈ သွႆႈ 3 - ☏ +66 53 717040။ ႁူင်းလိုဝ်ႈသဝ်း ဢၼ်မီးၵႃႈၶၼ်လီ ဢၼ်ၵႃႈၶၼ်ထုၵ်ႇသေပိူၼ်ႈ ၼႂ်းဝဵင်း - 200 ဝၢတ်ႇ တႃႇႁွင်ႈသွင်ႁွင်ႈ ဢၼ်မီးၽတ်ႉလူမ်း လႄႈ ႁွင်ႈဢၢပ်ႇၼမ်ႉမႆႈ။ ႁွင်ႈ ဢႄးၵွၼ်း လႄႈ ဢၢပ်ႇၼမ်ႉမႆႈ 300 ဝၢတ်ႇ။ 200-300 ဝၢတ်ႇ။ 
• ၶျႅတ်ႉႁၢဝ်ႉ (မီးႁိမ် ႁိမ်း ဝတ်ႉၽရၵႅဝ်ႈ)။ ႁူင်းၵိၼ်ၶဝ်ႈၽၵ်း ဢၼ်ၸပ်းၵၼ်လီ လႄႈ ၵူၼ်းႁဵတ်းၵၢၼ် ဢၼ်မေႃႁၵ်ႉသႃတူၺ်းထိုင်ၶႅၵ်ႇ။ Wi-Fi ဢမ်ႇလႆႈသဵင်ႈငိုၼ်း။ မီးပႃး ၵၢၼ်သၵ်ႉၶူဝ်း။ 
• ဢီးသီးႁၢဝ်ႉ 869/163-4 ပရီးမႃႇဝီႇၽတ်ႉ Rd - ☏ +66 53 600963။ ႁွင်ႈၽတ်ႉလူမ်း ဢၼ်ငၢႆႈငၢႆႈ ဢၼ်မီးႁွင်ႈဢၢပ်ႇၼမ်ႉ ၽႄၵၼ်။ ပိၵ်ႉသမ်ႉဝႃႈ ၽႃႈၼွၼ်း ဢမ်ႇပေႃးမႂ်ႇသႂ်လီသေတႃႉ ႁွင်ႈဢၢပ်ႇၼမ်ႉ လႄႈ ႁွင်ႈၸိူဝ်းၼၼ်ႉ မူတ်းသႂ်ယူႇ။ ႁူင်းၵိၼ်/ႁူင်းၵိၼ် ဢၼ်လီ မီးတီႈၸၼ်ႉတႂ်ႈ။ ဢမ်ႇမီးႁွင်ႈသၵ်ႉၶူဝ်း ၵူၺ်းၵႃႈ တီႈႁိမ်းႁွမ်း မီးလၢၼ်ႉသၵ်ႉၶူဝ်း ဢၼ်ၶိုၵ်ႉၶႅမ်ႉယူႇ။ 
• 3 ႁိူၼ်းၸၢၼ်ႇသွမ်ႇ 897/2 သဵၼ်ႈတၢင်းၸဵတ်းယွတ်ႈ (လုၵ်ႉတီႈ တႃႈရူတ်ႉပၢသ်ႉ 1 ပႆတၢင်း 5 မိၼိတ်ႉ သေဢမ်ႇၵႃး မီးတီႈႁိမ်းၵျွင်းၽြႃး ဢၼ်ထုၵ်ႇလီၵႂႃႇလႄႇ)။ ႁိူၼ်းၶႅၵ်ႇလီ ဢၼ်မီးၼႂ်းၵၢင်ဝဵင်း။ ႁွင်ႈမူတ်းသႂ် မီး ဢႄးၵွၼ်း ထီႇဝီႇ ႁွင်ႈဢၢပ်ႇၼမ်ႉ မီးမူၵ်ႇၼမ်ႉသိတ်း လႄႈ ၼမ်ႉၼႂ်းတူႈယဵၼ် ဢၼ်ဢမ်ႇလႆႈသဵင်ႈငိုၼ်း။ လိူၵ်ႈလႆႈ ႁွင်ႈၼွၼ်းသွင်ၵူပ်ႉ ဢမ်ႇၼၼ် ႁွင်ႈၼွၼ်းလဵဝ် ႁွင်ႈၼွၼ်းသၢမ်ၵေႃႉၵေႃႈမီး။ ၶဝ်ႈၼႂ်ငၢႆႈငၢႆႈ ၵေႃႈပႃး။ ၼႂ်းသဵၼ်ႈတၢင်းလဵဝ်ၵၼ် (သဵၼ်ႈတၢင်းၸဵတ်းယွတ်ႈ) ၼၼ်ႉ မီးႁၢၼ်ႉလဝ်ႈၵမ်ႈၽွင်ႈ ဢၼ်ပဵၼ်လွင်ႈၵၢင်ၶမ်ႈ ၵမ်ႈၼမ်။ မီး WiFi လူၺ်ႈဢမ်ႇလႆႈသဵင်ႈငိုၼ်း။ 450 ဝၢတ်ႇ။ (ဢၢပ်ႉတဵတ်ႉဝႆႉ မိူဝ်ႈ ဢေႃး 2024)
• ႁိူၼ်းၶႅၵ်ႇၸိတႃႇရီႇ (ႁိမ်းႁိူၼ်းၶႅၵ်ႇမႄႈႁွင်ႈသွၼ်)။ သွင်ၵူႇ /သွင်ၵေႃႉ ဢၼ်မီးႁွင်ႈဢၢပ်ႇၼမ်ႉႁင်းၶေႃ။ 250/300 ဝၢတ်ႇ တွၼ်ႈတႃႇ 1/2 ၵေႃႉ။ (ဢၢပ်ႉတဵတ်ႉဝႆႉ မိူဝ်ႈ ဢေႃး 2024)
• 4 ႁူင်းၶႅၵ်ႇမႄႈႁွင်ႈသွၼ် 126 သဵၼ်ႈတၢင်း သိင်ႇၵႃႇလၢႆႇ (လုၵ်ႉတီႈ တႃႈရူတ်ႉပၢသ်ႉ ပႆၵႂႃႇ မွၵ်ႈ ~1 ၵမ. ~14 မၼ.၊ မီးတီႈ ၽၢႆႇႁွင်ႇဝဵင်း၊ ပူၼ်ႉ ႁူင်းပလိၵ်ႈၵႂႃႇ။ ပဵၼ်သဵၼ်ႈတၢင်းမၢႆသွင် ၽၢႆႇၶႂႃ မိူဝ်ႈပႆႇထိုင် ၶူဝ်မႂ်ႇ။) - ☏ +66 53 715367, +66 86 5864764။ Check-out: 11:00။ ႁွင်ႈၸိူဝ်းၼႆႉ ပဵၼ်ပိုၼ်ႉထၢၼ် ၵူၺ်းၵႃႈ မူတ်းသႂ်လႄႈ ၵူၼ်းႁဵတ်းၵၢၼ်ၶဝ် မေႃမိုတ်ႈၵူၼ်းတႄႉတႄႉ။ Wi-Fi ဢမ်ႇလႆႈသဵင်ႈငိုၼ်း။ ႁူင်းၵိၼ် & ပႃးရ် ဢၼ်လီ၊ ပၼ်ၶၢတ်ႇလူတ်ႉၶိူင်ႈ/လႅင်၊ မီးလွင်ႈႁပ်ႉၵၢၼ်လွႆးၶူဝ်း (40 ဝၢတ်ႇ/ၵီႇလူဝ်ႇၵရမ်ႇ) လႄႈ ၵၢၼ်ႁပ်ႉသၢင်ႈ ဢႅဝ်ႇလႄႇ။ 
• 5 ႁူင်းႁႅမ်းမႃႇလီႇၼႃႇ 863 သဵၼ်ႈတၢင်း ဝတ်ႉပရၼွမ်း။ ႁိူၼ်းႁေႃ ႁူၵ်းထတ်း ဢၼ်မီး ဢၼ်ဢမ်ႇမီးႁွႆးၸဵပ်း။ ႁိူၼ်းဢွၼ်ႇၸိူဝ်းၼၼ်ႉ မီးႁွင်ႈဢၢပ်ႇၼမ်ႉ ဢၼ်ၸပ်းၵၼ်ဝႆႉ ဢၼ်မီး ႁွင်ႈဢၢပ်ႇၼမ်ႉမႆႈ၊ ဢႄးၵွၼ်း၊ တီႇဝီႇ၊ ၽိူၼ်ဢွၼ်ႇ၊ ၵႅဝ်ႈမၢၼ်ႇ၊ တေႃႇထိုင် တူႈယဵၼ်ႈ လႄႈ တင်ႇၼင်ႈဢွၼ်ႇ ၽၢႆႇၼႃႈၽႂ်မၼ်း။ ၼမ်ႉၼဵင်ႈ လႄႈ ၵေႃႇၾီႇ တီႈႁပ်ႉၶႅၵ်ႇ ဢမ်ႇလႆႈသဵင်ႈငိုၼ်း။ ဝၢႆႇၾၢႆႇ ဢမ်ႇလႆႈသဵင်ႈငိုၼ်း (ၶႅမ်ႉလႅပ်ႈ)။ 340 ဝၢတ်ႇ (ဢွၼ်ႇလၢႆး), 400 baht (ပႆၶဝ်ႈ)။ (ဢၢပ်ႉတဵတ်ႉဝႆႉ မိူဝ်ႈ ဢေႃး 2024)
• ႁိူၼ်းၶႅၵ်ႇဢေႃးၶိတ်ႉ 1012/3 သဵၼ်ႈတၢင်း ၸဵတ်းယွတ်ႈ (လုၵ်ႉတီႈ တၢင်းၸဵတ်းယွတ်ႈ) - ☏ +66 53 718361။ ႁွင်ႈမႂ်ႇ 15 ႁွင်ႈ ဢၼ်မူတ်းသႂ်လီ ဢမ်ႇမီးတီႈမၢင်ႈတီႈပွင်ႇသင် မီး ဢႄးၵွၼ်း၊ ထီႇဝီႇ၊ ဝၢႆႇၾၢႆႇ ဢမ်ႇလႆႈသဵင်ႈငိုၼ်း၊ ၵေႃႇၾီ/ၼမ်ႉၼဵင်ႈ ၵေႃႈပႃးဝႆႉ။ တီႈယူႇၵၢင် ႁွင်ႈဢၼ်ယဵၼ်သီႇသီႇ (မိူဝ်ႈလိူၼ်မၢတ်ႉၶျ် 2017 ႁဵတ်းၵၢၼ်လူင် ၽၢႆႇၼွၵ်ႈ) သဵင်မေႃးပၼ်၊ ၶဝ်ၵေႃႈ ၶၢတ်ႇပၼ်လူတ်ႉၵႃး၊ လူတ်ႉၶိူင်ႈ ဢမ်ႇၼၼ် လႅင် လႄႈ တၢင်းလိူၵ်ႈ တႃႇပႆလွႆ ဢၼ်မီးၽူႈၼမ်း ဢၼ်မီးဝႂ်ၶႂၢင်ႉ။ 450-600 ဝၢတ်ႇ။ 
• ႁူင်းႁႅမ်း ရူင်းၼၵွၼ်း (ႁိမ်းႁူင်းပလိၵ်ႈ)။ 
• ႁူင်းႁႅမ်း သပွတ်ႉဢိၼ်း 557 သဵၼ်ႈတၢင်း ပရၶျႃသၼ်တိ (လုၵ်ႉတီႈၵၢင်ဝဵင်း 5 မိၼိတ်ႉ) - ☏ +66 53 756959 - fax: +66 53 756156။ ႁူင်းႁႅမ်းၶႅမ်ႉလီတႄႉတႄႉ ဝၢႆႇၾၢႆႇ ဢမ်ႇလႆႈသဵင်ႈၵႃႈၶၼ်။ 
• ႁူင်းႁႅမ်းၵူႈမိူင်းမိူင်း YMCA 70 သဵၼ်ႈတၢင်းၽႁူဝ်ယူဝ်းထိၼ်ႊ - ☏ +66 53 713785, +66 53 702763 - ✉ ymcawf@loxinfo.co.th။ 
• ႁူင်းလိုဝ်ႈသဝ်း မႃႇသီႇ 1005/22 သဵၼ်ႈတၢင်း ၸဵတ်းယွတ်ႈ။ ႁွင်ႈၼွၼ်း 4 တီႈၼွၼ်း။ ၶႅမ်ႉလီ၊ မူတ်းသႂ် လႄႈ ဢွင်ႈတီႈတူင်ႇဝူင်းၵူၼ်း ဢၼ်လီ ၾၢင်ႁၢင်ႈၶိုတ်းၵၢပ်ႈ။ 250 ဝၢတ်ႇ။ (ဢၢပ်ႉတဵတ်ႉဝႆႉ မိူဝ်ႈ ဢေႃး 2024)

တီႈ ၵႃႈၶၼ်ပၢၼ်ၵၢင်

• ႁိူၼ်းသဝ်း ပၢၼ်းပူဝ်း 1047/2 Jet ယွတ်ႈသွႆး 3 - ☏ +66 53 717952, +66 84 9506304 - ✉ baanbuahomestay@gmail.com။ Check-in: 14:00 - check-out: 12:00။ ႁွင်ႈပၢင်ႇလႅင်းလီ ဢၼ်ၵႃႈၶၼ်ထုၵ်ႇ လႄႈ ဢၼ်မူၼ်ႈသိူဝ်း ဢွင်ႈတီႈလီ။ 400 ဝၢတ်ႇ +။ (ဢၢပ်ႉတဵတ်ႉဝႆႉ မိူဝ်ႈ ဢေႃး 2024)
• ႁူင်းႁႅမ်း ပၢၼ်းလၢၼ်ႉၼႃး 395 မူႇ 2, ရိမ်းၵွၵ်ႇ - ☏ +66 53 712555 - ✉ manager@baanlaana.com။ ႁွင်ႈဢႄးၵွၼ်း ဢၼ်မူတ်းသႂ်လီ၊ ပႃးရ်ဢွၼ်ႇ လႄႈ ၵူၼ်းႁဵတ်းၵၢၼ် ဢၼ်မေႃႁၵ်ႉသႃမိုတ်ႈၵိုဝ်း။ 
• ပၢၼ်းဝႃႇရႃႇပူဝ်ႇတီႇ 59/1 သဵၼ်ႈတၢင်းသၼ်ႇပၢၼ်ႇၼတ်ႉ မူႇ 18 (ၼိူဝ်သဵၼ်ႈတၢင်းဢၼ်ယဵၼ်သီႇ ႁိမ်းၵၢင်ဝဵင်း ၼိူဝ်သဵၼ်ႈတၢင်းၽၢႆႇလင်ဝဵင်းဢိၼ်း) - ☏ +66 53 754488 - fax: +66 53 719293။ ႁွင်ႈႁၢင်ႈလီ မူတ်းသႂ် မီးဢႄးၵွၼ်း ႁၢင်ႈၶိူင်ႈဝႆႉလီလီ။ လၢတ်ႈလႆႈ ၽႃႇသႃႇဢိင်းၵလဵတ်ႈ လီလီ။ ပႆတၢင်း 300 မီႇတႃႇ တေႃႇထိုင် သဵၼ်ႈတၢင်းလူင် သေ ၸမ်ၵၼ်တင်း တႃႈရူတ်ႉပၢသ်ႉ လႄႈ ၵၢတ်ႇၵၢင်ၶမ်ႈ။ ၸဝ်ႈၵဝ်ႇၸၢင်ႈလွႆးၶူဝ်း ၵႂႃႇ 300 မီႇတႃႇ ၶိုၼ်ႈၼိူဝ်တၢင်းသေ ပၼ်ၶေႃႈမုၼ်းႁူင်းႁႅမ်းၸဝ်ႈၵဝ်ႇ လႄႈ သင်ဝႃႈ ၸဝ်ႈၵဝ်ႇပၼ်ၶဝ်ဝႆႉ မိူဝ်ႈပႆႇထိုင် 09:00 မူင်းၼႆ ၶဝ်တေသူင်ႇၶိုၼ်း တၢမ်းၶမ်ႈ (ၶဝ်ဢမ်ႇမေႃလၢတ်ႈၵႂၢမ်းဢိင်းၵလဵတ်ႈ)။ ထႅင်ႈ 50 မီႇတႃႇ တီႈသဵၼ်ႈတၢင်းၶွႆႈလူင်ၼၼ်ႉ မီးႁူင်းၵိၼ်ၶဝ်ႈၽၵ်း ဢၼ်ၸဝ်ႈၵဝ်ႇ တေၸၢင်ႈ ၵိၼ်ၶဝ်ႈၼႂ်ထႆးလီလီ ၵႃႈၶၼ် 100 ဝၢတ်ႇ လူင်းတႂ်ႈသေဢမ်ႇၵႃး ၵိၼ်ၶဝ်ႈၶမ်ႈ ဢၼ်ၵႃႈၶၼ်ထုၵ်ႇ ဢၼ်ပႃးပီႇယႃႇ ၼင်ႇၵဝ်ႇ။ 
• ပၢၼ်းၶုၼ်ယူမ်ႊ (บ้านขุนยม) 155 သဵၼ်ႈတၢင်း ထၼလၢႆႊ - ☏ +66 53 716216။ မီးဝႆႉ 42 ႁွင်ႈ။ 
• ပၢၼ်းသိလ်ႊပိူဝ်ႊ (บ้านศิลป์) 260/44 မူႇ 15 သဵၼ်ႈတၢင်း သၼ်ၵွင်းၼွႆႉ - ☏ +66 53 756335-6။ မီးဝႆႉ 27 ႁွင်ႈ။ 300-600 ဝၢတ်ႇ။ 
• ႁူင်းလိုဝ်ႈသဝ်း ပၢၼ်းသုၼ်ႇၼၢင်းလႄး (บ้านสวนนางแล รีสอร์ท) 298 Moo 5 သဵၼ်ႈတၢင်း ၽႁူဝ်ယူဝ်းထိၼ်ႊ (km851) - ☏ +66 53 772490-1။ မီးဝႆႉ 60 ႁွင်ႈ။ 
• ႁိူၼ်းၶႅၵ်ႇ သီးၻီးႁူမ်း 868 သဵၼ်ႈတၢင်း ၽႁူဝ်ယူဝ်းထိၼ်ႊ (ႁိမ်းၵၢတ်ႇၵၢင်ၶမ်ႈ လႄႈ တႃႈလူတ်ႉပၢသ်ႉ) - ☏ +66 53 600155 - ✉ Cityhome.chiangrai@yahoo.com။ Check-out: 12:00။ 20 ႁွင်ႈ၊ ၽတ်ႉလူမ်း/ဢႄးၵွၼ်း၊ ထီႇဝီႇ၊ တီႈယူႇၵၢင်ဢၼ်လီဢၢမ်း။ ႁွင်ႈမူတ်းသႂ် ၵိုင်ႇၵၼ်တင်း ၵႃႈၶၼ်လီ။ 700 ဝၢတ်ႇ + သႂ်ႇငိုၼ်းၵၢၵ်ႇသေႃး။ (ဢၢပ်ႉတဵတ်ႉဝႆႉ မိူဝ်ႈ သႅပ်ႇ 2024)
• ႁိူၼ်းလႅၵ်း 95 သဵၼ်ႈတၢင်း ရၶျယူဝ်ထႃႊ - ☏ +66 53 711550, +66 86 2831868 - ✉ lekhousehotel@live.co.uk။ ႁွင်ႈ 4 ႁွင်ႈ တႃႇၵူၼ်းပႃးထူင်ႉပႃႉလင်၊ 8 ႁွင်ႈ တႃႇ ႁွင်ႈၶိုၵ်ႉၶႅမ်ႉ ဢၼ်ပႃးတင်း ထီႇဝီႇ၊ ပႃးရ်ဢွၼ်ႇ၊ ၼမ်ႇဢုၼ်ႇ၊ ဢၢင်ႇၸေႈၼမ်ႉ ဢၼ်ၼိုင်ႈ။ ႁွင်ႈတၢင်းသဵင်ႈ ၶဝ်ႈပႃး တၢင်းၵိၼ်ၵၢင်ၼႂ်။ ၵူၼ်းႁဵတ်းၵၢၼ် ဢၼ်မေႃႁၵ်ႉသႃၶႅၵ်ႇ၊ ၼွင်လုၺ်းၼမ်ႉ၊ ႁွင်ႈတၢင်းၵိၼ်ထႆး ဢၼ်ၸႅတ်ႈၸၢင်ႇ၊ ပႃးရ် ဢၼ်ၵႃႈၶၼ်ထုၵ်ႇ၊ ဝၢႆႇၾၢႆႇ ဢမ်ႇလႆႈသဵင်ႈငိုၼ်း။ 

လွင်ႈၸႂ်ႉၸၢႆႇငိုၼ်းလူၼ်ႉလိူဝ်

• ရီသွတ်ႉ လႄႈ သပႃး လၵ်းၵီးသႂၼ်း 499 မူႇ 4, ရိမ်းၵူၵ်ႉမိူင်းၶျိင်းရၢႆး - ☏ +66 53 750855 - fax: +66 53 750857။ ႁူင်းႁႅမ်း ဢၼ်မီးတၢင်းၵိၼ်ထႆး လႄႈ တၢင်းၵိၼ်မိူင်းဝၼ်းတူၵ်း။ ႁွင်ႈ ဢႄးၵွၼ်း။ ႁူင်းႁႅမ်းမီးသူၼ်မွၵ်ႇ လႄႈ ၵၸီႇပူဝ်ႇ ဢၼ်လီ။ ၼႂ်းႁွင်ႈႁပ်ႉၶႅၵ်ႇ ၸႂ်ႉလႆႈဢိၼ်ႇတႃႇၼႅတ်ႉ လူၺ်ႈဢမ်ႇလႆႈသဵင်ႈငိုၼ်း။ 
• လလုၼ်း (လုၵ်ႉတီႈၵၢတ်ႇၵၢင်ၼႂ် ၵဵင်းႁၢႆး ၶီႇလူတ်ႉၶိူင်ႈၵႂႃႇဢိတ်းၼိုင်ႈ)။ ထီႇဝီႇ ၸၢၵ်ႈယႂ်ႇ ၼႂ်းႁွင်ႈ ႁူမ်ႈတင်း ၼွင်လုၺ်းၼမ်ႉ ဢၼ်လီ။ သူၼ်မွၵ်ႇၸိူဝ်းၼႆႉ ပဵၼ်ဢၼ်လီသုတ်း။ တူၼ်ႈမႆႉ တီႈမႆႈ ဢၼ်လႆႈ ၵုမ်းထိင်းဝႆႉ လီလီ ၼႂ်းႁွင်ႈ ၶႅၵ်ႇလီပၢင်ၸႃႉ တင်းၼမ်။ ႁွင်ႈၸိူဝ်းၼၼ်ႉ ပဵၼ်ႁွင်ႈဢၼ်သမတႃႇ လႄႈ ဢမ်ႇပေႃးလႅၼ်ႇလွင်ႈလႅၼ်၊ တူဝ်ယင်ႇ မိူၼ်ၼင်ႇ ၽိူၼ်ပလၢတ်ႉသတိတ်ႉ ၸိူဝ်းၼႆႉ ဢမ်ႇမီးလွင်ႈငၢႆႈလူမ်ၸႂ် တႃႇၶႅၵ်ႇ။ ႁူင်းၵိၼ်ၶဝ်ႈၽၵ်းၼႆႉ ပေႃးမႃးၼိူင်းၵၼ် ၵႃႈၶၼ်မၼ်းယႂ်ႇ။ တၢင်းၵိၼ်ပိုၼ်ႉထၢၼ်ၼႆႉ လူဝ်ႇလႆႈသႂ်ႇထႅင်ႈ မိူၼ်ၼင်ႇ ၼမ်ႉၵိၼ်၊ ဢမ်ႇၼၼ် ဢၢင်ႇၶဝ်ႈဢွၼ်ႇ။ တၢင်းၵိၼ်ၶဝ်ႈၼႂ် ဢၼ်ဢမ်ႇပေႃးၶႅမ်ႉလႅပ်ႈ မီး ၶႆႇၵႆႇ ဢၼ်ၶူဝ်းၶူၼ်းသေ ႁဵတ်းဝႆႉၼၼ်ႉ လႄႈ တၢင်းၵိၼ်လၢႆလၢႆမဵဝ်း မီးဢွၼ်ႇဢိတ်း။ ဢမ်ႇမီးႁူဝ်မေႃႈ၊ ပေႃးဢဝ်တင်းမူတ်းဝႃႈၸိုင် တီႈၼႆႉ လီတူၺ်းယူႇ ၵူၺ်းၵႃႈ မၼ်းၵႃႈၶၼ်ယႂ်ႇ လိူဝ်သေ လွင်ႈလူမ်ၸႂ်ၶႅၵ်ႇ ဢၼ်ဝႃႈၼၼ်ႉတႄႉ ပဵၼ်ဢၼ်ၸႅင်ႈလႅင်းလီယူႇ။ 
• ႁူင်းလိုဝ်ႈသဝ်း လႄႈ သပႃး မွၵ်ႇမူႇၸေႈ 159/1 မူႇ 1 ပၢၼ်းသႃႇမၼ်ႇမိတ်ႉ၊ ၵိင်ႇၸႄႈတွၼ်ႈ တွၼ်းသီလႃး၊ ၸႄႈတွၼ်ႈဝဵင်းၶျၢႆး (လုၵ်ႉတီႈဝဵင်းမွၵ်ႈ 17km ၸွမ်းသဵၼ်ႈတၢင်း 1/AH2 တေႃႇထိုင်သဵၼ်ႈတၢင်း 1020 တေႃႇထိုင်သဵၼ်ႈတၢင်း 1152 တေႃႇထိုင် ၽယႃးမဵင်းၵရၢႆး) - ☏ +66 931370414 - ✉ retreat@museflower.com။ ႁူင်းလိုဝ်ႈသဝ်း ဢၼ်မီးလွင်ႈႁူမ်ၸူမ်း ဢၼ်ပၼ်လွင်ႈယူတ်းယႃ လွင်ႈႁဵၼ်းႁူႉ လႄႈ လွင်ႈယူႇသဝ်းၸွမ်းသၽႃႇဝ။ ႁိူၼ်းပင်ႇၷလူဝ်ႇ ဢၼ်မူတ်းသႂ် လႄႈ ဢၼ်မီးၽတ်ႉၽဵင်ႇၵၼ်တင်း ၼႃႈလိၼ်၊ တီႈၽႃ ႁွင်ႈဢၢပ်ႇၼမ်ႉဢုၼ်ႇ ဢၼ်ၸႂ်ႉသၢႆလႅတ်ႇ ဢၼ်ဝၢႆႇၼႃႈၸူး ၼွင်သုၼ်ႇတူဝ် လႄႈ သူၼ်ၽုၵ်ႇသွမ်ႈ ဢၼ်ၸႂ်ႉတိုဝ်း ဢေႃႇၵႅၼ်းၼိၵ်ႉ။ ၵႃႈၶၼ်ႁွင်ႈ ဢၼ်ပႃး တၢင်းၵိၼ် ဢၼ်ဢမ်ႇပႃးထၢတ်ႈ ဢၼ်ပဵၼ်ဢေႃႇၵႅၼ်းၼိၵ်ႉ ၼိုင်ႈဝၼ်း သၢမ်ပွၵ်ႈ လႄႈ ပၢင်သွၼ် လွင်ႈယူႇလီ မိူၼ်ၼင်ႇ ပူဝ်းၷ၊ ထၢႆႉၶျိ ဝၼ်းလႂ်ဝၼ်းၼၼ်ႉ၊ ႁွင်ႈလဵၼ်ႈၼမ်ႉ Museflower Spa ႁွင်ႈလဵၼ်ႈၼမ်ႉၵိူဝ် ႁွင်ႈၼမ်ႉယႃႈယႃ ႁွင်ႈလႆၼိူဝ်ၼမ်ႉ၊ လူတ်ႉၵႃး တႃႇပၼ်ၶၢတ်ႇ၊ ႁွင်ႈၽုၵ်ႇသွမ်ႈ ၼႂ်းၼမ်ႉ၊ ဝၢႆႇၾၢႆႇ ဢၼ်ဢမ်ႇလႆႈသဵင်ႈငိုၼ်း တီႈၵူၼ်းၼမ် ၵူႈတီႈတီႈ။ ၶူဝ်းၶွင် ၸိူဝ်းၼႆႉၵေႃႈ ပၼ်ၶၢတ်ႇ တႃႇၸုမ်း တေႃႇထိုင် 36 ၵေႃႉ။ 
• ႁူင်းလိုဝ်ႈသဝ်း ၽူၺ်းၶျႆး 388 မူႇ 4၊ ပၢၼ်းမႄႈသလွင်းၼၢႆး၊ မႄႈၸၢၼ်း - ☏ +6653910500။ Check-in: 14:00 - check-out: 12:00။ ႁူင်းလိုဝ်ႈသဝ်း ၸၼ်ႉသုင် တီႈၼိူဝ်လွႆလူင်။ လုၵ်ႉတီႈ ၼိုင်ႈၶိုၼ်း 2500 ဝၢတ်ႇ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)
• ႁူင်းႁႅမ်းဝႂင်းၶမ်း 69/90 သဵၼ်ႈတၢင်း ပေမဝိပႃတ (ၶၢမ်ႈတၢင်း ၵၢတ်ႇၵၢင်ၶမ်ႈ လႄႈ တႃႈလူတ်ႉ) - ☏ +66 53 711800။ ႁူင်းႁႅမ်းၵဝ်ႇ ဢၼ်ယႂ်ႇလူင် တီႈဝဵင်းၵဵင်းႁၢႆး မိူဝ်ႈပၢၼ် 1970 ၼၼ်ႉ ယၢမ်းလဵဝ် လႆႈၶိုၼ်ႈယႂ်ႇမႃး ၼႂ်းၶၢဝ်းတၢင်း ပီႊယၢဝ်းၶၢဝ်းႁိုင်သေတႃႉ ႁွင်ႈမၢင်ႁွင်ႈ လႆႈမႄးၵုမ်းလုမ်းလႃး လႄႈ ႁၢင်ႈၽၢင်မၼ်း ၶိုတ်းၵၢပ်ႈၶိုတ်းပၢၼ် ၼႆယဝ်ႉ။ တီႈယူႇ ဢၼ်သၢင်ႇထုၵ်ႇတႄႉတႄႉ ၵူၺ်းၵႃႈ ဢမ်ႇၸႂ်ႈႁူင်းႁႅမ်း ဢၼ်ထုၵ်ႇမႅၼ်ႈ တႃႇမုင်ႉႁိူၼ်း ယွၼ်ႉပိူဝ်ႈဝႃႈ တီႈႁိမ်းႁွမ်း ၸိူဝ်းပဵၼ် ဢွင်ႈမိပ်ႇၼူတ်ႈ လႄႈ ပႃးရ် ၸိူဝ်းၼႆႉ လွမ်ႉႁွပ်ႈဝႆႉ ။ ႁွင်ႈၼမ်ႉဢၼ်မီးႁွမ်ႁွမ်၊ ၵိၼ်ၶဝ်ႈၼႂ် ပူႇၽေး၊ ႁွင်ႈဢၼ်မီးႁူးလႅင်း။ ႁွင်ႈဢၼ်ၵႃႈၶၼ်ထုၵ်ႇသုတ်းၼၼ်ႉ ဢမ်ႇပိုၼ်ၽၢဝ်ႇဝႆႉ တေလႆႈယွၼ်းထၢမ် "ၵႃႈၶၼ်ထုၵ်ႇသုတ်းမီးသင်?" တီႈၽိူၼ်ၼႃႈ။ 900/1,400/2,900 ဝၢတ်ႇ။ 

ၵႄႈၶႆ လွင်ႈၶွင်ႉၶမ်

ႁူင်းယႃ

ႁူင်းႁေႃ ၻွၵ်ႇတႃႇ ပရိၵ်ႉ ႁူင်းယႃ ဢူဝ်ႇဝႃႇပရူၵ်ႉ

• ႁူင်းယႃ Overbrook (ပဵၼ်ႁူင်းယႃသုၼ်ႇတူဝ် ၶိုင်ႈၼိုင်ႈ) ဢၼ် ၻွၵ်ႉတႃႇ ဝီႇလီႇယမ်ႇ ဢႄး ပရိၵ်ႉ ၵေႃႇတင်ႈမႃး မိူဝ်ႈပီ 1903 ၼၼ်ႉ ပဵၼ်ႁူင်းယႃ ၽူႈႁေႃးတြႃး ၸၢဝ်းၶရိတ်ႉ။
• ႁူင်းယႃလူင် ၵႃႇသႅမ်ႇမရတ်ႉ သီႇရိပူႇရိၼ်ႇ၊ ႁူင်းယႃသုၼ်ႇတူဝ်။
• ႁူင်းယႃ ၶျိင်းရၢႆး ပရႃႇၸၼူၵ်ႉရူဝ်ႇ၊ ႁူင်းယႃၵူၼ်းမိူင်း။
• ႁူင်းယႃတပ်ႉမဵင်းၵရၢႆးမႁႃႇရႃႇၸ်ႉ၊ ႁူင်းယႃၵူၼ်းမိူင်းသိုၵ်း
• ႁူင်းယႃ ၶျိင်းရၢႆး ဢိၼ်ႇတႃႇ ႁူင်းယႃသုၼ်ႇတူဝ်။
• ႁူင်းယႃၵုင်းထဵပ်ႈ - ဝဵင်းၶျိင်းရၢႆး ႁူင်းယႃသုၼ်ႇတူဝ် ဢၼ် BDMS chain ႁဵတ်းဝႆႉ။

သိုပ်ႇၵႂႃႇထႅင်ႈ

• ႁိူၼ်းၸဝ်ႈၾႃႉၶိူဝ်းၶုၼ် လႄႈ ဝိဝ်းမုင်ႈယဵမ်ႈၵျွင်းၽြႃး ၼိူဝ်လွႆ တီႈ လွႆတူင်း ၼၼ်ႉ ၸၢင်ႈလူတ်ႉၵႃး ဢၼ်မီးၵူၼ်းႁေႃႈ ၼိုင်ႈဝၼ်း မွၵ်ႈ 1,600 ဝၢတ်ႇ သႂ်ႇၼမ်ႉမၼ်းၸၢၵ်ႈသေ ၵႂႃႇတီႈဢၼ်ၸဝ်ႈၵဝ်ႇၶႂ်ႈၵႂႃႇၼၼ်ႉ။
• ဢႅဝ်ႇလႄႇ ဝဵင်းပွတ်းႁွင်ႇသုတ်း မိူင်းထႆး တီႈ မႄႈသၢႆ သေ ၶၢမ်ႈလႅၼ်လိၼ် ၵႂႃႇတီႈ တႃႈၶီႈလဵၵ်း၊မျၢၼ်ႇမႃႇ (ဢမ်ႇလူဝ်ႇဝီႇသႃႇ)
• ဢၼ်ၵိုတ်းဝႆႉ ၼႂ်းတပ်ႉသိုၵ်းၵူဝ်ႇမိၼ်ႇတၢၼ်ႇၶႄႇ ဢၼ်ယၢမ်းလဵဝ် ၵႃႉၶၢႆ ၼဵင်ႈႁႅင်ႈ တႅၼ်းတၢင် ယႃႈမဝ်းၵမ် တီႈ မႄႈသလွင်။
• ၵႂႃႇၸဵင်ႇႁွင်ႇဝၼ်းဢွၵ်ႇ တီႈ သၢမ်ၸဵင်ႇၶမ်း တီႈဢၼ် မိူင်းလၢဝ်း၊ မျၢၼ်ႇမႃႇ လႄႈ မိူင်းထႆး ႁူပ်ႉၵၼ်၊ လႄႈ ပဵၼ်ၼႃႈလိၼ်ဢၼ် ယႃႈမဝ်းၵမ် ယၢမ်ႈယိုင်ႈယႂ်ႇၼၼ်ႉ။
• ၵႂႃႇတၢင်းဢွၵ်ႇ ၶျိင်းၶူင်း သေ ၶၢမ်ႈၼမ်ႉမႄႈၶွင် သေ ၵႂႃႇတီႈ ႁူၺ်ႈသျႆး၊လၢဝ်း။
• ၵႂႃႇတၢင်းၸၢၼ်း ၵဵင်းမႆႇ။

သၢႆတၢင်း ၵဵင်းႁၢႆး

မႄႈသၢႆ ←

ႁ  ၸ

→ ၽႃႉယဝ်း → ၵုင်းထဵပ်ႈ