မႄႈသွတ်ႇ (แม่สอด) ၼႆႉ မီးဝႆႉ တီႈၼႂ်း ၸႄႈမိူင်းတၢၵ်ႇ၊ မိူင်းထႆး သေ မီးဝႆႉတီႈ ၼႃႈသုင်ပၢင်ႇလၢႆႇ မွၵ်ႈ 210 မီႇတႃႇၼၼ်ႉယဝ်ႉ။ မၼ်းပဵၼ် ဢွင်ႈတီႈၵၢင်ၵႅၼ် တႃႇၵၢၼ်ၵႃႉၶၢႆသေ ႁူဝ်ၼပ်ႉ ၵူၼ်းၶိူဝ်းမၢၼ်ႈ ၸိူဝ်းၶၢႆႉမႃး လႄႈ ၸိူဝ်းပဵၼ် ၵူၼ်းထူပ်းၽေး မီးဝႆႉတင်းၼမ်ယဝ်ႉ။ ၼႆႉပဵၼ်ႁူးၶဝ်ႈဢွၵ်ႇပိူင်လူင် ဢၼ်ၵႂႃႇၸွမ်းသၢႆတၢင်းလိၼ် တီႈၼႂ်းၵႄႈ မိူင်းထႆး လႄႈ မိူင်းမျၢၼ်ႇမႃႇသေ၊ ဢၼ်ပဵၼ်ၶူဝ်ဢူၺ်းလီၼၼ်ႉၵေႃႈ လုၵ်ႉဢဝ်တီႈ မႄႈသွတ်ႇ ၵွင်ႉသိုပ်ႇဝႆႉၸူးတင်း မျႃႉဝတီႇ တီႈမျၢၼ်ႇမႃႇၼၼ်ႉယူႇ။

ပွင်ႇၸႂ်

ၶူဝ်ဢူၺ်းလီၼၼ်ႉ ပဵၼ်ပွတ်းတွၼ်ႈ ၶွင် သူႇပႃႇႁၢႆးဝေး ဢေးသီးယၼ်း ဢၼ်တိုၵ်ႉၵေႃႇသၢင်ႈ တႃႇၵွင်ႉသူႇ မူဝ်ႇရေး၊ ဢိၼ်းတီးယႃး လႄႈ မႄႈသွတ်ႇ၊ ဢၼ်လႆႈလတ်းၵႂႃႇ တႃႈလိူဝ်ႇ။ ယွၼ်ႉပိူဝ်ႈ လွၵ်းၵၢတ်ႇလမ် ဢၼ်ၵႃႉၶၢႆ ၵႅဝ်ႈသႅင်၊ မႆႉသၵ်းသေဢမ်ႇၵႃး ၶဝ်ႈပႃး ၸိူဝ်းပဵၼ် လွင်ႈၵူၼ်းၵႃႉၵူၼ်း လႄႈ လွင်ႈၵႃႉ ယႃႈမဝ်းၵမ်လႄႈ သဵၼ်ႈတၢင်းၼၼ်ႉ ၸိုဝ်ႈလိုဝ်းလင်မႃးယဝ်ႉ။

ဝဵင်းၼႆႉ ပဵၼ်ပွတ်းတွၼ်ႈ ၶွင် ၸႄႈမိူင်းတၵ်ႉ၊ လုၵ်ႉတီႈ ဝဵင်းတၵ်ႉသေ ယၢၼ် 97 ၵီႇလူဝ်ႇမီႇတႃႇ လႄႈ တင်း မိူင်းၵွၵ်ႇသေတႄႉ ယၢၼ်ၵၼ် 492 ၵီႇလူဝ်ႇမီႇတႃႇယဝ်ႉ။ မၼ်းပဵၼ် ဝဵင်းပၵ်းလုမ်း ၸႄႈတွၼ်ႈမႄႈသွတ်ႇယဝ်ႉ။

ၵႂႃႇၸူး

ၵႂႃႇတင်း ရူတ်ႉပၢသ်ႉ

ဢၼ်လူဝ်ႇလႆႈၽၢင်ႉတႄႉ တီႈ မႄႈသွတ်ႇၼႆႉ မီးဝႆႉ တႃႈရူတ်ႉပၢသ်ႉ သွင်ဢၼ်၊ 1 တႃႈရူတ်ႉပၢသ်ႉ သီးတီး ဢၼ်မီး ၽၢႆႇၸၢၼ်းၵၢတ်ႇ ဢၼ်ဢမ်ႇပေႃးမီး ဢၼ်ၶဝ်ႈဢၼ်ဢွၵ်ႇၼမ် လႄႈ 2 တႃႈရူတ်ႉပၢသ်ႉ ပွတ်းတူၵ်း ဢၼ်ပဵၼ် တႃႈရူတ်ႉပၢသ်ႉ ပိူင်လူင်။ လုၵ်ႉတီႈ တႃႈရူတ်ႉပၢသ်ႉ ပွတ်းတူၵ်းၼၼ်ႉသေ မီးဝႆႉ ရူတ်ႉၶိူင်ႈလႄႈ ထႅၵ်ႇၸီႇတုၵ်ႉတုၵ်ႉ။ မၼ်းလီမီးဝႆႉ တီႈၼိူဝ် ႁၢင်ႈၽႅၼ်ႇလိၼ် လႄႈ ပၢႆတၢင်းၸဝ်ႈၵဝ်ႇ။ ၵႃႈၶၼ် ဢၼ်လုၵ်ႉတီႈၼၼ်ႈ မႃးၼႂ်းဝဵင်း လႄႈ မႃးတီႈ ဢွင်ႈလိုဝ်ႈသဝ်းၼႆႉ မၼ်းတေဢမ်ႇလႆႈ ပၼ်လိူဝ် 20 ဝၢတ်ႇ - မိူဝ်ႈပႆႇဢွၵ်ႇ ၼၼ်ႉ ငူပ်ႉငိၵႃႈၶၼ်ၵၼ်လီလီ။ ပေႃးပဵၼ် ထႅၵ်ႇၸီႇ ဢၼ်ႁွတ်ႈၵမ်းသိုဝ်ႈၼၼ်ႉတႄႉ ၵႃႈၶၼ်မီး တေမီးယူႇ ၼႂ်းၵႄႈ 50 လႄႈ 100 ပၢတ်ႉ။ ဢမ်ႇၼၼ် ၸဝ်ႈၵဝ်ႇ ၸၢင်ႈပႆတိၼ် တႃႇၶၢဝ်းတၢင်း 2.5 ၵီႇလူဝ်ႇမီႇတႃႇ။

တၢၵ်ႇ

လုၵ်ႉတီႈ လွႆမူးသိူဝ်း (ดอยมูเซอ) (870 မီႇတႃႇ) လႄႈ လွႆပႅၵ်ႇ (ดอยสน) (784) သေ ၵႂႃႇၸွမ်း သဵၼ်ႈတၢင်းလူင် ႁၢႆးဝေး 105 ၵႂႃႇတႃႇ 86 ၵီႇလူဝ်ႇမီႇတႃႇၼႆ တေထိုင် တၢၵ်ႇ ယူႇ။ တၢၵ်ႇၼႆႉ မီးဝႆႉတီႈၼိူဝ် သၢႆတၢင်းရူတ်ႉပၢသ်ႉ ဢၼ်လဵၼ်ႈၼႂ်းၵႄး ၵဵင်းမႂ်ႇ လႄႈ မိူင်းၵွၵ်ႇ ၼၼ်ႉယဝ်ႉ။

လုၵ်ႉတီႈ တႃႈရူတ်ႉပၢသ်ႉ တၢၵ်ႇသေ မီး မီႇၼီႇပၢသ်ႉ ဢၼ်လႅၼ်ႈၸူး မႄႈသွတ်ႇ ၵမ်းသိုဝ်ႈ၊ တႄႇဢွၵ်ႇ ၶၢဝ်း 05:30 သေ သုတ်းမွၵ်ႈ 19:00 ၼၼ်ႉ၊ လုၵ်ႉတီႈ ၽၢႆႇၸၢၼ်းသုတ်း ၵၢတ်ႇမၢၼ်ႈသေၵေႃႈ 30 မိတ်ႉၼိတ်ႉ ဢွၵ်ႇၼိုင်ႈၵမ်းယဝ်ႉ။ ၵူၺ်းၵႃႈဝႃႈ ပေႃးဝႃႈ ၵူၼ်းၶီႇရူတ်ႉ တဵမ်ၸဝ်ႉၵေႃႈ ၵေႃႉၸဝ်ႉၸဝ်ႉသေ ပေႃးဝႃႈ ၵူၼ်းၶီႇမၼ်း ပႆႇတဵမ်ၵေႃႈ ဢွၵ်ႇတူၵ်းလိုၼ်းယဝ်ႉ။ ၶၢဝ်းတၢင်းၼႆႉ ႁိုင်မွၵ်ႇ 90 မိတ်ႉၼိတ်ႉသေ တွၼ်ႈတႃႇ ၵူၼ်းၼိုင်ႈၵေႃႉ တေတူၵ်းၸူဝ်ႈ 78 ပၢတ်ႉ။ ပေႃးဢဝ်လႅင် တၢင်ႇတီႈၼိူဝ်မုင်းရူတ်ႉၼႆတႄႉ တေလႆႈပၼ်လိူဝ် ထႅင်ႈ 50 ပၢတ်ႉယဝ်ႉ။

ၵုင်းထဵပ်ႈ

ၶၢဝ်းယၢမ်း ဢွၵ်ႇတၢင်း ၼႂ်းၵႄႈ မႄႈသွတ်ႇ လႄႈ ၵုင်းထဵပ်ႈၼႆႉ မီးမွၵ်ႈ 7-8 မူင်းယဝ်ႉ။ လုၵ်ႉတီႈ တႃႈရူတ်ႉပၢသ်ႉ မူဝ်ၶျိတ်ႉ တီႈ ၵုင်းထဵပ်ႈသေ မီးရူတ်ႉပၢသ်ႉ ဢၼ်ဢွၵ်ႇၸဝ်ႉၸဝ်ႉလႄႈ ဢၼ်ဢွၵ်ႇ တၢမ်းၶမ်ႈ (20:00, 21:00, 22:00) - ပေႃးဝႃႈၸဝ်ႈၵဝ်ႇ ဢမ်ႇလႆႈသင်ႇမၢႆဝႆႉထႃႈၼႆတႄႉ ၵႂႃႇထႃႈမွၵ်ႈ 2 ၸူဝ်ႈမူင်းၼၼ်ႉ။ မႂ်တိုတ်းတႃႇၵူၼ်းၼိုင်ႈၵေႃႉ တႃႇ ရူတ်ႉပၢသ်ႉ ဝီႇဢၢႆႇၽီႇၼႆ တေတူၵ်းၸူဝ်ႈ 613 ပၢတ်ႉ။ ႁႂ်ႈလႆႈတီႈၼင်ႈၽၢႆႇတၢင်းၼႃႈမၼ်း၊ ႁႂ်ႈမၼ်းၵႆၵၼ်တင်း ၶွင်ႉၼမ်ႉ ဢၼ်မီးၽၢႆႇလင်ၼၼ်ႉလႄႈ။ ပေႃးပဵၼ် ရူတ်ႉပၢသ်ႉ ထၢၼ်ႈၼိုင်ႈ ထၢၼ်ႈသွင်တႄႉ ၵႃႈၶၼ်မၼ်းတေတိူဝ်းထုၵ်ႇသေ တေလႆႈယူႇ 382 ဝၢတ်ႇ လႄႈ 306 ပၢတ်ႉ။ ရူတ်ႉပၢသ်ႉ ဢၼ်လုၵ်ႉ မႄႈသွတ်ႇ ဢွၵ်ႇၵႂႃႇၸူး ၵုင်းထဵပ်ႈၼၼ်ႉ ဢွၵ်ႇၶၢဝ်း ၵၢင်ၼႂ်တဵမ်ၸဝ်ႉ လႄႈ တၢမ်းၶမ်ႈ (18:00, 19:00, 20:00, 21:00)။

ပေႃးလုၵ်ႉတီႈ ၵုင်းထဵပ်ႈမႃးၼႆႉတႄႉ ၸဝ်ႈၵဝ်ႇၶဝ် လႅပ်ႈႁွတ်ႈၽႅဝ်တီႈ တႃႈရူတ်ႉပၢသ်ႉ ပွတ်းတူၵ်း၊ ၵူၺ်းၵႃႈ ၽွင်းရူတ်ႉပၢသ်ႉ လတ်းၵႂႃႇတီႈ တႃးရူတ်ႉပၢသ်ႉ သီးတီးၼၼ်ႉ ၸဝ်ႈၵဝ်ႇ ၸၢင်ႈလူင်းလႆႈယူႇ။ ရူတ်ႉပၢသ်ႉ ဢၼလုၵ်ႉတီႈ တႃႈရူတ်ႉပၢသ်ႉ သီးတီးသေ ဢွၵ်ႇၸူး ၵုင်းထဵပ်ႈၼၼ်ႉၵေႃႈ မၼ်းၵိုတ်းတီႈ တႃႈရူတ်ႉပၢသ်ႉ ပွတ်းတူၵ်းယူႇၼင်ႇၵဝ်ႇ။

ၵဵင်းမႂ်ႇ

ရူတ်ႉပၢသ်ႉ သီၶဵဝ် ဢၼ်လုၵ်ႉတီႈ ၵဵင်းမႂ်ႇ ၵႂႃႇၸူး မႄႈသွတ်ႇ ၵူႈဝၼ်းၼၼ်ႉ ဢွၵ်ႇၶၢဝ်း 08:30 လႄႈ 13:10 (ထၢၼ်ႈၼိုင်ႈ)

သုၶူဝ်းထႆး

မီႇၼီႇဝႅၼ်ႇ ဢၼ်လုၵ်ႉတီး တႃႈရူတ်ႉပၢသ်ႉ သုၶူဝ်းထႆးၼၼ်ႉ ဢွၵ်ႇၶၢဝ်း 09:15, 10:15,14:15 လႄႈ 16:15 (ၶၢဝ်းတၢင်း 3 ၸူဝ်ႈမူင်း)

မျၢၼ်ႇမႃႇ

ၸဝ်ႈၵဝ်ႇ ၸၢင်ႈပႆလတ်းၶၢမ်ႈ 3 ၶူဝ်ဢူၺ်းလီ ၼၼ်ႉသေၵေႃႈ ၸဝ်ႈၵဝ်ႇ ၸၢင်ႈလုၵ်ႉတီႈ မျႃႉဝတီႇ ၵႂႃႇၸူး မႄႈသွတ်ႇ လႆႈၵမ်းသိုဝ်ႈယူႇ။ ၶူဝ်ၼၼ်ႉ တၢင်းယၢဝ်းမီး 700 မီႇတႃႇသေ တေလႆႈပႆတၢင်းႁိုင် 10 မိတ်ႉၼိတ်ႉယဝ်ႉ။ ပေႃးဝႃႈ လတ်းၶၢမ်ႈ လုမ်းၵူတ်ႇထတ်း ၵူၼ်းၶဝ်ႈမိူင်းဢွၵ်ႇမိူင်း တီႈပွတ်းၽၢႆႇ မျၢၼ်ႇမႃႇယဝ်ႉၼႆ၊ တေလႆႈၵႂႃႇတီႈ လုမ်းၵူတ်ႇတ်း ၵူၼ်းၶဝ်ႈမိူင်းဢွၵ်ႇမိူင်း ၽၢႆႇပွတ်းထႆး တီႈဢၼ်တေလႆႈဢဝ် ဝီႇသႃႇႁွတ်ႈၽႅဝ် ဢၼ်ဢမ်ႇလႆႈပၼ်ၵႃႈမၼ်း (ဢၼ်ၸႂ်ႉလႆႈ တႃႇ 30 ဝၼ်း) ဢၼ်လႆႈတွၼ်ႈတႃႇ ၵူၼ်းမိူင်းၵမ်ႉၼမ်ၼၼ်ႉယဝ်ႉ။ တီႈႁူဝ်ၶူဝ်တင်းသွင်ၽၢႆႇၼၼ်ႉ မီးဝႆႉ သုမ်ႉ "ၵူၼ်းၼွၵ်ႈမိူင်း" သေ ၶဝ်ပၼ်ၵၢၼ်ၸွႆႈသၢင်ႈ ၼႂ်းၵႄႈ ၵူၼ်းပိုၼ်ႉတီႈ ၸိူဝ်းၵႂႃႇၸိူဝ်းမႃးၼၼ်ႉယူႇ။ ဢၼ်လူဝ်ႇလႆႈတွင်းဝႆႉတႄႉ ၸဝ်ႈၵဝ်ႇ လူဝ်ႇလႆႈ မီးႁဵင်းလိၵ်ႈ တီႈဢၼ်ၸဝ်ႈၵဝ်ႇ တေၵႂႃႇလိုဝ်ႈသဝ်း။ လွင်ႈယွၼ်းလွၼ်ႉၶၢဝ်ႇဢၼ်ၼႆႉၼႆႉ ၽူႈႁၢပ်ႇၵၢၼ်ၵူတ်ႇထတ်း ၵူၼ်းၶဝ်ႈမိူင်းဢွၵ်ႇမိူင်း ထႆး ၶဝ် တိူဝ်းလီသေ ၽၢႆႇမျၢၼ်ႇမႃႇယူႇ ဢိတ်းၼိုင်ႈယဝ်ႉ။

ရူတ်ႉပၢသ်ႉ ၸိူဝ်းဢၼ်လုၵ်ႉတီႈ တႃႈၵုင်ႈ တေႃႇ မျႃႉဝတီႇ ၼႆႉ ၼိုင်ႈဝၼ်းဢွၵ်ႇယူႇ သွင်ပွၵ်ႈ၊ ပွတ်းၼႂ် လႄႈ ပွတ်းၶမ်ႈသေ တႃႇလိူၵ်ႈသေၶီႇတႄႉ မီးဝႆႉ ႁူင်းၵၢၼ်ရူတ်ႉပၢသ်ႉ လၢႆဢၼ်ယဝ်ႉ။ 9,000-15,000 ၵျၢပ်ႈ၊ တေၸၢင်ႈၶဝ်ႈပႃး ဢၼ်လုၵ်ႉတီႈ ၼႂ်းဝဵင်း တေႃႉသူင်ႇပၼ်တီႈ တႃႈရူတ်ႉပၢသ်ႉ။ ဢိင်ၼိူဝ်ၶၢဝ်းယၢမ်းၶဝ်ဢွၵ်ႇသေၵေႃႈ တႃႇႁွတ်ႈၽႅဝ်တီႈ လႅၼ်လိၼ်ၼႆႉ တေၸၢင်ႈတူၵ်းလိုၼ်းယူႇ။ ယွၼ်ႉၼၼ်လႄႈ ၵူတ်ႇထတ်းတူၺ်းဢွၼ်တၢင်းလႄႈ။

လုၵ်ႉတီႈ ၽႃဢၢင်ႇ လႄႈ မေႃႇလမႅင်ႇ သေၵေႃႈ မီးရူတ်ႉပၢသ်ႉ လႄႈ ရူတ်ႉထႅၵ်ႇၸီႇ ဢၼ်ၶီႇႁူမ်ႈၵၼ် (5,000 ၵျၢပ်ႈ) ၸိူဝ်းဢၼ်ၽႅဝ်ၵမ်းသိုဝ်ႈသေ။ တီႈၼႂ်းမိူင်းထႆးၼႆႉ ၽႂ်ၵေႃႈ ဢမ်ႇၶႆႈသိုဝ်ႉ ငိုၼ်းမၢၼ်ႈ၊ ယွၼ်ႉၼၼ်လႄႈ မိူဝ်ႈပႆႇၶဝ်ႈၶိုၼ်း တီႈၼႂ်း လႅၼ်လိၼ်မိူင်းထႆးၼၼ်ႉ ငိုၼ်းမၢၼ်ႈ တီႈၼႂ်းမိုဝ်းၸဝ်ႈၵဝ်ႇၼၼ်ႉ လီၸၢႆႇပႅတ်ႈ ဢမ်ႇၼၼ် လီလႅၵ်ႈငိုၼ်းပႅတ်ႈ တင်းသဵင်ႈယူႇ။

ၽွင်းႁွတ်ႈၽႅဝ် ၽၢႆႇထႆးၼႆ ၸဝ်ႈၵဝ်ႇ ၸၢင်ႈၶီႇ ရူတ်ႉသွင်ထႅဝ် ၵႂႃႇၼႂ်းဝဵင်း တေလႆႈပၼ် 20 ပၢတ်ႉ၊ ထႅၵ်ႇၸီႇရူတ်ႉၶိူင်ႈ 60 ဝၢတ်ႇ ဢမ်ႇၼၼ် ယွၼ်းၶီႇရူတ်ႉၵႂႃႇၸွမ်းပိူၼ်ႈၼၼ်ႉ ၵႃႈၶၼ်တေတိူဝ်းထုၵ်ႇလီ၊ ယွၼ်ႉပိူဝ်ႈဝႃႈ ရူတ်ႉၵႂႃႇၵႂႃႇမႃးမႃး ၸူး မႄႈသွတ်ႇၼၼ်ႉ မီးဝႆႉယူႇတင်းၼမ် ၶဝ်ႈပႃး ရူတ်ႉတၢင်ႇၵုၼ်ႇ ၸိူဝ်းၼႆႉယူႇ။

ၸဝ်ႈၵဝ်ႇတေၸၢင်ႈၶိုၼ်း ၶၢမ်ႈလႅၼ်လိၼ်သေၵေႃႈ ၶိုၼ်းပွတ်ႈၽၢႆႇမျၢၼ်ႇမႃႇလႆႈယူႇ ၼႂ်းၵႃႈဝၼ်းလဵဝ်။

ၵႂႃႇတင်း ႁိူဝ်းမိၼ်

• 4 တႃႈႁိူဝ်းမိၼ် မႄႈသွတ်ႇ (MAQ) (မီးၽၢႆႇဢွၵ်ႇ ဝဵင်း ယၢၼ် 1 km (0.62 mi) လႄႈ လုၵ်ႉတီႈ လႅၼ်လိၼ်သေ ယၢၼ် 3 km (1.9 mi))။ Nok Air မီးသၢႆၵၢၼ်မိၼ် ဢၼ်လုၵ်ႉ မိူင်းၵွၵ်ႇ လႄႈ ဢၼ်လုၵ်ႉ တီႈ တႃႈၵုင်ႈ မႃး။ 

ၸွၼ်ႇ

တွၼ်ႈတႃႇ ၸွၼ်ႇတူၺ်းၼႂ်းဝဵင်းတႄႉ ပႆတိၼ်သေၵေႃႈ ၸွၼ်ႇတူၺ်းလႆႈယူႇ။ ပေႃးၸဝ်ႈၵဝ်ႇ မီးၶပ်ႉမၢႆ တႃႇၸွၼ်ႇတဝ်တူၺ်း ဢွင်ႈတီႈႁိမ်းႁွမ်းၼႆတႄႉ တေၸၢင်ႈၶၢတ်ႈလႆႈ လႅင် လႄႈ ရူတ်ႉၶိူင်ႇ ၵႃႈတီႈ ႁူင်းလိုဝ်ႈသဝ်း သေ ၼိုင်ႈဝၼ်းၼႆႉ တေလႆႈပၼ်ယူႇ 50 လႄႈ 150 ပၢသ်ႉ။ ပေႃးၸဝ်ႈၵဝ်ႇ ဢမ်ႇတိုဝ်း မၢၵ်ႇႁိူဝ်ရူတ်ႉၶိူင်ႈၼႆ ပလိၵ်ႈၶဝ် တေပၼ်တၢမ်ႇငိုၼ်းယဝ်ႉ။ ပေႃးတေၶၢတ်ႈၼႆ ၸဝ်ႈၵဝ်ႇတေလႆႈဝႆႉပၼ် ၽၢတ်ႉၽူတ်ႉ (မႂ်ၶၢမ်ႈမိူင်း) သေ ပေႃးဝႃႈ တေၶိုၼ်းပၼ်ၶိုၼ်းၼႆ တေလႆႈထႅမ်ၼမ်ႉမၼ်းပၼ်ၶိုၼ်း တဵမ်တဵမ်။ တီႈၼႂ်းဝဵင်းၼၼ်ႉ ၸိူဝ်းပဵၼ် ၵႃး လႄႈ ၽူဝ်းဝီး ၼၼ်ႉၵေႃႈ ၸၢင်ႈၶၢတ်ႈလႆႈယူႇ ၵႃႈတီႈ ဢွင်ႈတီႈ ၵမ်ႉၼမ်။

ထႅၵ်ႇၸီႇ ဢၼ်ပဵၼ်ၼင်ႇႁၢင်ႈ ရူတ်ႉၶိူင်ႈ ဢမ်ႇၼၼ် တုၵ်ႉတုၵ်ႉၼၼ်ႉ တေၸၢင်ႈႁၼ်လႆႈ တီႈႁိမ်း ၵၢတ်ႇမၢၼ်ႈ လႄႈ ၽၢႆႇၼွၵ်ႈ Tesco။ ၵူၼ်းႁေႃႈထႅၵ်ႇၸီႇၸိူဝ်းၼၼ်ႉ ၶဝ်တေၼုင်ႈဝႆႉ သိုဝ်ႈ ဢၼ်ပႃး မၢႆလၢႆႇၸိၼ်ႇ (မႂ်ၶႂၢင်း) ၶိုၵ်ႉတွၼ်း။ ၵႃႈၶၼ်မၼ်းတႄႉ ဢိင်ၼိူဝ် တၢင်းၵႆဢၼ်တေၵႂႃႇ၊ ဢိင်ၼိူဝ် ႁူဝ်ၼပ်ႉၵူၼ်း ဢၼ်တေၶီႇ၊ ဢိင်ၼိူဝ်ၼမ်ႉၵတ်ႉ ဢၼ်မေႃသဵတ်ႈၼၼ်ႉသေ တႃႇၶၢတ်ႈ ၽူႈၸိၼမ်း တႃႇၼႄၼႂ်းႁိမ်းႁွမ်းဝဵင်းၼၼ်ႉတႄႉ တေလႆႈပၼ်ယူႇ 50-100 ပၢတ်ႉယဝ်ႉ။

တူၺ်း

ၵွင်းမူး တီႈ ဝတ်ႉၶျုမ်ၽွၼ်ၶီႇရိ

တီႈၼႂ်းဝဵင်း

• 1 ဝတ်ႉမၼိ (ซาวน่าสมุนไพรวัดมณี) (တီႈၽၢႆႇပွတ်းဢွၵ်ႇဝဵင်း၊ ၸဵင်ႇႁွင်ႇဝၼ်းတူၵ်း Tesco Lotus၊ ၸဝ်ႈၵဝ်ႇ ၸၢင်ႈပႆၼိူဝ်သဵၼ်ႈတၢင်းလူင် ဢၼ်မီးၽၢႆႇႁွင်ႇသေ ၵႂႃႇတၢင်းဢွၵ်ႇ ပူၼ်ႉလုမ်းတိူၵ်ႈသူင်ႇလိၵ်ႈ မွၵ်ႈ 300 မီႇတႃႇ၊ ၶဝ်ႈၵႂႃႇတီႈၼႂ်း ဝၢင်းၵျွင်းၽြႃး ဢၼ်မီးပၢႆႉ 'ဝတ်ႉမၼိ' ပႆၶဝ်ႈၵႂႃႇသိုဝ်ႈသိုဝ်ႈသေ ငွၵ်းၽၢႆႇၶႂႃႇ တီႈႁိမ်း ယူင်ႉသၢင်ႈလူင်)။ Open afternoons။ ၽွင်းမီးတီႈ မႄႈသွတ်ႇၼႆႉ တိုၼ်းလီၵႂႃႇတီႈၼႆႈယူႇ။ ဢဝ်ၵႂႃႇ ၽႃႈၸဵတ်ႈ လႄႈ တဝ်ႈၼမ်ႉၸဝ်ႈၵဝ်ႇ။ ၼၢင်းယိင်းၶဝ် လီၼုင်ႈၶူဝ်း ႁႂ်ႈမီးလွင်ႈယဵၼ်ႇငႄႈ။ တီႈၼၼ်ႈၼႆႉ မီးဢွင်ႈတီႈ ၶႅၼ်ႈၵၼ် တႃႇ ၵူၼ်းယိင်း ၵူၼ်းၸၢႆး။ ၶွင်ႉဢုပ်ႉႁိူဝ်ႇ မီးယူႇ 3x2 မီႇတႃႇ ၵူၺ်းၵႃႈဝႃႈ တေမီးတိုဝ်ႉတၢင်း တႃႇလေႃးၵၼ်တင်း ၵူၼ်းပိုၼ်ႉတီႈ။ ယႃႇပေၵုမ်ႇယွင်ႇၸွမ်း ႁိမ်းႁွမ်းၼၼ်ႉယူႇၼင်ႇၵဝ်ႇ၊ တီႈၽၢႆႇလင် တီႈႁိမ်းၽႆး ၼၼ်ႉ မီးဝႆႉၼမ်ႉသႂ် လႄႈ ၶိူင်ႈလဵၼ်ႈႁႅင်း။ ဢွင်ႈတီႈဢုပ်ႉႁိူဝ်ႇၼၼ်ႉ ပဵၼ် ဢွင်ႈတီႈ ဢၼ်မီးႁူမ်ႈ ဢၼ်မီးယူႇတီႈ ၽၢႆႇလင် ၵျွင်းၽြႃးလူင်ၼၼ်ႉယဝ်ႉ။ 20 ဝၢတ်ႇ (ဢဝ်မႃးတၢင်းၼမ်ငိုၼ်း ဢၼ်ၼႄႉၼွၼ်း)။ 
• ၵၢတ်ႇဝဵင်း။ ၵၢတ်ႇမၢၼ်ႈ ဢၼ်မီးတီႈၼႂ်း ၵၢင်ဝဵင်း ၼၼ်ႉ ပဵၼ်ၽၢင်ႁၢင်ႈ တီႈၽိင်ႈငႄႈလေႃးလႄးၵၼ်ယဝ်ႉ။ မီးဝႆႉ ၵဵၼ်မၼ်ႈၽႅၼ်ႇ ဢိၼ်းတီးယႃး-မျၢၼ်ႇမႃႇ၊ တၢင်းၵိၼ်တၢင်းယႅမ်ႉ လႄႈ မႆႉသၵ်း၊ မီးပႃး လၢၼ်ႉယၢင်း၊ မွၼ်း၊ မူင်း လႄႈ မၢၼ်ႈ ၸိူဝ်းၼႆႉယူႇ။ ၶၢႆပႃး ၼိူဝ်ႉမူ၊ ၼိူဝ်ႉၵႆ၊ ၽၵ်းလႅင် (ၼိူဝ်ႉဝူဝ်း) လႄႈ ၼိူဝ်ႉၸဵၼ်ၸိူဝ်းၼႆႉသေ တီႈလၢၼ်ႉတၢင်းၵိၼ်ၼႆႉ လႆႈပႃး တဝ်ႇ၊ ပႃယဵၼ်ႇ လႄႈ ၶဵတ်ႇၸိူဝ်းၼႆႉသေၵွၼ်ႇ။ တီႈၼၼ်ႈၼႆႉ မီးပႃးလၢၼ်ႉ ၶၢႆၵႅဝ်ႈသႅင် လႄႈ သႅဝ်ၶဵဝ် - ၵူၺ်းၵႃႈဝႃႈ ၼၼ်ႉတႄႉ မၼ်းဢမ်ႇၸႂ်ႈ တွၼ်ႈတႃႇ ၵူၼ်းဢဝ်တၢင်းၵျေႃႇမၼ်း။ (ပေႃးဝႃႈ ၸဝ်ႈၵဝ်ႇ မီးၶပ်ႉမၢႆ တႃႇသိုဝ်ႉ တီႈၼႆႈၼႆ ၸဝ်ႈၵဝ်ႇ လီလၢတ်ႈလႆႈ လွင်ႈပႅၵ်ႇပိူင်ႈဝႃႈ ဢၼ်လႂ်ပဵၼ်ဢၼ်ပွမ် ဢၼ်လႂ်ပဵၼ်ဢၼ်တႄႉမၼ်း ဢၼ်ဝႃႈၼၼ်ႉ)။ ၵၢတ်ႇထႆး ဢၼ် ပိုတ်ႇၵၢင်ၼႂ် လႄႈ တၢမ်းၶမ်ႈ ၵႃႈတီႈ ပၢၼ်းၼူၼ်း၊ ဢၼ်မီးတီႈၼိူဝ် တၢင်းၵႂႃႇ ႁိူၼ်းလူင်မႄႈသွတ်ႇၼၼ်ႉ မီးၽၵ်းယိူဝ်ႈၼၢင်းၶဵဝ်၊ ၼိူဝ်ႉ လႄႈ တၢင်းၵိၼ်တၢင်းယႅမ်ႉ ဢၼ်တူမ်ႈႁုင်ယဝ်ႉသေ ဢၼ်ၸၢင်ႈဢဝ်ၵႂႃႇၵိၼ်တၢင်ႇတီႈၼၼ်ႉ။ 

ႁိမ်းႁွမ်းဝဵင်း (ၶပ်ႉၸႅၼ်ႇဝႆႉ ၸွမ်းလူၺ်းတၢင်းၵႆ)

• 1 ၽြႃးၵိင်း လႄႈ ႁွႆးၽႃႇတိၼ်ၽြႃး တီႈ ဝတ်ႉထႆး ဝတ်းထၼႃရမ်ႇ (မီးဝႆႉတီႈၼိူဝ်သဵၼ်ႈတၢင်း ၵႂႃႇၸူးလႅၼ်လိၼ်၊ ယၢၼ် 700 မီႇတႃႇ မိူဝ်ႈပႆႇထိုင် လႅၼ်လိၼ်၊ တူၺ်းၵႂႃႇ ၽၢႆႇၶႂႃၸဝ်ႈၵဝ်ႇ။)။ တီႈၼၼ်ႈၼႆႉ မီးဝႆႉ ၵျွင်းၽြႃးပုတ်ႉထ ဢၼ်ႁၢင်ႈလီ ဢၼ်မီး ၽြႃးၵိင်း ဢၼ်သူႇယႂ်ႇယႂ်ႇ။ ပေႃးသိုပ်ႇၵႂႃႇထႅင်ႈၼႆ တေလႆႈႁၼ်ပႃး ႁွႆးၽႃႇတိၼ်ၽြႃးသေ။ 
• 2 ၵၢတ်ႇလႅၼ်လိၼ် ရိမ်းမူၺ်ႊ (Rim Moei Border Market) Kiosks 113, 45, 6 & 24 - ☏ +66 88 007 0991။ ၶူဝ်းၶွင် ဢၼ်ႁဵတ်းတီႈပိုၼ်ႉတီႈ လႄႈ ၶူဝ်းၶွင် ၶႄႇ လႄႈ မၢၼ်ႈ ၸိူဝ်းသႂၢင်းၶဝ်ႈမႃး၊ ၶဝ်ႈပႃး လဝ်ႈယႃႈယႃ၊ လႅၼ်းယႃႈ၊ ဝီႇသၵီႇ လႄႈ ၶူဝ်းၶွင် တီႇသၢႆႇၼႃႇ၊ ဢိၵ်ႇတင်း ၵႅဝ်ႈသႅင် လႄႈ တူၼ်ႈမႆႉတူၼ်ႈတွၵ်ႇ။ 
• 3 ဢွင်ႈတီႈ ၼမ်ႉဢုၼ်ႇ မႄႈၵသ (Mae Kasa Hot Springs) (ၵႂႃႇၸွမ်းသဵၼ်ႈတၢင်းတီႈ ၵီႇလူဝ်ႇမီႇတႃႇ 13-16 ၶွင် ႁၢႆးဝေး 105)။ ၵႂၢမ်းဢပုမ်ႇမီးမႃးဝႃႈတႄႉ ၼမ်ႉဢုၼ်ႇ မႄႈၵသၼႆႉ မႆႈ ပေႃးတူမ်ႈလႆႈ ၶႆႇၵႆႇ ၼႆယဝ်ႉ။ ပႆတူၺ်းၸွမ်းႁိမ်းႁွမ်းၵေႃႈ ၶႅမ်ႉသေ ပဵၼ်ဢွင်ႈတီႈ ဢၼ်လီဢႅဝ်ႇလႄႇတူၺ်းယဝ်ႉ။ 
• ထိူၼ်ႇလွတ်ႈၽေး တႃႇ လိင်ႈၵိပ်ႉပုၼ်ႇ (Gibbon Sanctuary) (ၶီႇရူတ်ႉသွင်ထႅဝ် သီသွမ်ႇၼုမ်ႇ #48 တီႈသဵၼ်ႈတၢင်းလူင်သေ ၵႂႃႇမွၵ်ႈ ၼိုင်ႈၸူဝ်ႈမူင်းၶိုင်ႈ ပေႃးထိုင်တီး ၵီႇလူဝ်ႇမီႇတႃႇ 41.5 ၼၼ်ႉ တွႆႇႁိုင်ႁႂ်ႈရူတ်ႉၵိုတ်းပၼ်လႄႈ)။ တူဝ်သတ်းတၢင်ႇၸိူဝ်းၵေႃႈ ယူႇသဝ်းတီႈၼႆႈ တင်းၼမ်ယဝ်ႉ၊ ပဵၼ်ဢွင်ႈတီႈ လိင်းၵိပ်ႉပုၼ်ႇ ဢၼ်ပိူၼ်ႈၽူတ်ႇၸွႆႈဝႆႉ၊ ဢၼ်ပဵၼ် ၸုမ်းတူဝ်သတ်းလိင်းလူင်၊ ဢၼ်ၵူၼ်းၵႆႉဢဝ် လဵင်ႉပဵၼ်တူဝ်သတ်းတီႈႁိူၼ်းသေ ပေႃးတူဝ်ယႂ်ႇမႃး ဢမ်ႇတူၺ်းထိုင်လႆႈသေ ၸုၼ်ႉပႅတ်ႈၸိူဝ်းၼၼ်ႉယဝ်ႉ။ ပေႃးၸဝ်ႈၵဝ်ႇ ပႆႇၵႂႃႇၸွမ်း သဵၼ်ႈတၢင်းပႆ တီႈႁိမ်း ၶွၵ်ႈ ဢၼ်ၶင်ၶဝ်ဝႆႉသေ ဢဝ်မၢၵ်ႇမႆႉယိုၼ်ႈပၼ်ၶဝ်ၼႆ ၶဝ် လၢတ်ႈတေႃႇၸဝ်ႈၵဝ်ႇယူႇယဝ်ႉ။ 
• 4 ၼမ်ႉတူၵ်းတၢတ်ႇ ထရရၵ်ႉ (မီးၽၢႆႇၸၢၼ်း မႄႈသွတ်ႇ ယၢၼ် 27 km မီးၸွမ်း သဵၼ်ႈတၢင်းလူင် Hwy 1090)။ ထရၵ်ႉ ၼႆႉ ပဵၼ်ပွတ်းတွၼ်ႈၶွင် ၸုမ်းၼမ်ႉတူၵ်းတၢတ်ႇ ထိလေႃးသူႊ လႄႈ ငၢႆးမိူၼ်တင်း ပီႈၼွင်ႉၶႅၼ်ႈတွင်းမၼ်း ၽရၶျရိူၼ်း ဢၼ်မီး တီႈပႆတၢင်းလႄႈ ဢွင်ႈတီႈတႃႇလႄႇလၢဝ်းတင်းၼမ်ၼၼ်ႉယဝ်ႉ။ 
• 5 ၼမ်ႉတူၵ်းတၢတ်ႇ ၽရၶျရိူၼ်း (Phra Charoen Waterfall) (42 km south of Mae Sot on the 'Death Highway' No. 1090)။ မၼ်းမီးဝႆႉ သဵၼ်ႈတၢင်းပႆ ဢၼ်မီးၸွမ်းၶၢင်ႈ 97 ၸၼ်ႉမၼ်းၼၼ်ႉသေ မၼ်းမီး တီႈပႆတၢင်းဢၼ်ႁၢင်ႈလီ ဢၼ်လတ်းၵႂႃႇတီႈၼႂ်း ပႃႇထိူၼ်ႇ။ ဢွၵ်ႇလႄႇတူၺ်းသေ လူဝ်ႇႁၢင်ႈႁႅၼ်းဝႆႉ တႃႇတေယမ်းၼမ်ယဝ်ႉ။ တီႈယၢၼ်ၵႆ ၽၢႆႇၸၢၼ်းၼမ်ႉတူၵ်းတၢတ်ႇ တီႈ ဢုင်းၽိမ်းၼၼ်ႉ မီးဝႆႉ ဢွင်ႈတီႈ ၵူၼ်းၶိူဝ်းမၢၼ်ႈ ၸိူဝ်းပၢႆႈၽေးၶဝ် ယူႇသဝ်း လႄႈ ၸဝ်ႈၵဝ်ႇ လႆႈဝႃႈ မီးဝႆႉတီႈၼႂ်း ပၢႆးမိူင်းပိုၼ်ႉတီႈ လႄႈ တူင်ႇဝိူင်းၵူၼ်းယူႇ။ 

သင်ၸိူဝ်ႉဝႃး ၸဝ်ႈၵဝ်ႇ ဢမ်ႇၶႂ်ႈၶၢတ်ႈ သၵူႇတႃႇ ဢမ်ႇၼၼ် လႅင် ၼႆ ၸိူဝ်းပဵၼ် ရူတ်ႉသွင်ထႅဝ် ၼႆႉ ၵမ်းၵမ်းၵႂႃႇမႃး ၽၢႆႇၸၢၼ်း (Hwy 105) လႄႈ ၽၢႆႇႁွင်ႇ (Hwy 1090)ယူႇ။ ၶဝ်လုၵ်ႉတီး ၵၢတ်ႇသေဢွၵ်ႇ ဢမ်ႇၼၼ် ၸဝ်ႈၵဝ်ႇ ၸၢင်ႈႁႄႉၶဝ် တီႈၼိူဝ်သၢႆတၢင်း၊ ၵူၺ်းၵႃႈ လူဝ်ႇလႆႈၽၢင်ႉဝႆႉ မၢင်ပွၵ်ႈ မၼ်းပဝ်ႇဝႆႉလႄႈ ၶဝ်ႇၶဝ်ႇၶွၼ်းၶွၼ်း၊ မၢင်ပွၵ်ႈသမ်ႉ ၵူၼ်းတဵမ်ၼႃႇဢႃးလႃး။

ႁဵတ်း

• 2 သတူႇတီႇယူဝ်ႇ ယူဝ်းၵႃႉ သူၼ်ၸိူင်ႉႁိူၼ်းလူင် (Gecko Garden Yoga Studio) - ☏ +66 87 7324019။ ၵူႈဝၼ်း 17:00-18:00။ ယူဝ်းၵႃႉၼႆႉ ပဵၼ်ဢွင်ႈတီႈၵတ်းယဵၼ်။ ပၼ်သၢတ်ႇတႃႇၼင်ႈ။ ႁွင်ႈသွၼ်မၼ်းတႄႉ မီးဝၼ်းၸၼ်၊ ဝၼ်းပုတ်ႉ လႄႈ ဝၼ်းသုၵ်း။ ႁွင်ႈသွၼ်ၸၼ်ႉသုင်မၼ်းတႄႉ မီးဝၼ်း ဢင်းၵၢၼ်း လႄႈ ဝၼ်းၽတ်း။ ၼိုင်ႈႁွင်ႈသွၼ် 100 ပၢတ်ႉ။ 
• 3 ၵၢၼ်သွၼ် ပၢႆးမွၼ်း Puzzlebox (Puzzlebox Art Courses) 35 သဵၼ်ႈတၢင်း ဢိၼ်ႇထရၶီႇရီႇ - ☏ +66 8 3163 7537 - ✉ puzzleboxstudio@gmail.com။ Tu-Sa 09:00-17:00။ Puzzlebox ၼႆႉ မၼ်းမီး ၵၢၼ်သွၼ်ႁဵၼ်း တႃႇ ပႃႇတိၵ်ႉ၊ ၶူဝ်းမေႈ၊ လွင်ႈပဝ်ႇသၢႆး လႄႈ ပိုၼ်ႉထၢၼ် ပၢႆမွၼ်း။ ၸိူဝ်းပဵꧣ် ၽူႈမေႃလူင်ႉလႅၼ်ႇၶဝ် သွၼ်ပၼ် လွၵ်းလၢႆးပိုၼ်ႉထၢၼ်၊ လႄႈ ၸဝ်ႈၵဝ်ႇ သၢင်ႈ ဢၼ်ပဵၼ် ၵၢၼ်ၶွင်တူဝ်ၸဝ်ႈၵဝ်ႇ။ ၽွၼ်းလႆႈၵၢၼ်သွၼ်ႁဵၼ်း လိုၼ်ႈသုတ်းမၼ်းတႄႉ ၸဝ်ႈၵဝ်ႇ ၸၢင်ႈဢဝ် ၶူဝ်းၶွင်ၼၼ်ႉ ၵႂႃႇတီႈႁိူၼ်းလႆႈယူႇ။ ၶဝ်ႈႁူမ်ႈၵေႃႉလႂ်ၵေႃႉၼၼ်ႉ ၵေႃႈလႆႈ ဢမ်ႇၼၼ် ၸၼ်ၶပ်ႉမၢႆ ဢၼ်ပဵၼ် ၵၢၼ်သွၼ် ပဵၼ်ၸုမ်းၵေႃႈလႆႈ။ 
• လွင်ႈမိပ်ႇၼူတ်ႈထႆး ဢၼ်ၶႂ်ႈပၼ် တၢင်းၶႆးၸႂ်သေပိူၼ်ႈတႄႉ ပဵၼ်ဢၼ်မီးတီႈ ႁူင်းယႃႈ မႄႈသွတ်ႇ၊ တၢင်းၶဝ်ႈ ၽၢႆႇလင် လႄႈ ဢၼ်မီးမီးဝႆႉတီႈၼိူဝ် သဵၼ်ႈတၢင်းလူင် ဢေးသီးယႅၼ် တီႈ ၽၢႆႇသၢႆႉ ဢၼ်ၵႂႃႇၸူး မႄႈၼမ်ႉ၊ ဢၼ်တေႃႉတႄႉလႆႈပူၼ်ႉ ၽႆးသၢႆရူတ်ႉ ၵႂႃႇၸူး မႄႈရမတ်ႉ ၼၼ်ႉ။
• တီႈၶၢတ်ႈလႅၼ်သွင်မၢၵ်ႇ (Two Wheels Bike Rental) 10/2 သၢမ်ၶၶိပၵွၼ်ႊ၊ ပၢၼ်းမႄႈသွတ်ႇ - ☏ +66 87 200 1495 - ✉ twowheelsthailand@gmail.com။ ၶီလႅင်သေၵေႃႈ တဝ်ယဵမ်ႈတူၺ်း ႁိမ်းႁွမ်း မႄႈသွတ်ႇ။ မီးဝႆႉ လႅင် Trek 3900 ဢၼ်ပႃး disc breaks။ လႅၼ် 216၊ 218 လႄႈ 220 ၼိဝ်ႉၵေႃႈ မီးဝႆႉ။ ၼိုင်ႈဝၼ်း 100 ပၢတ်ႉ၊ ၶိုင်ႈဝၼ်း 50 ပၢတ်ႉ။ 
• ၾွင်ႇတေးသျိၼ်း ၵပ်းသိုပ်ႇ ၵူၼ်းၼုမ်ႇ (Youth Connect Foundation) 10/24 သဵၼ်ႈတၢင်း သၢမ်ၶၶိပၵွၼ်ႊ၊ - ☏ +66 88 278 1834 - ✉ youthconnect.office@gmail.com။ ယွၼ်ႉပိူဝ်ႈ ႁူဝ်ၼပ်ႉ ႁႅင်းႁဵတ်းၵၢၼ် ၸိူဝ်းယၢၼ်မိူင်းမႃးၼၼ်ႉ ၼမ်ၶိုၼ်ႈမႃးသေ ၽွၼ်းမၼ်းတႄႉ ႁူဝ်ၼပ်ႉၵူၼ်းၼုမ်ႇၵေႃႈ ယႂ်ႇၼမ်မႃးယဝ်ႉ။ တွၼ်ႈတႃႇ တုမ်ႉတေႃႇၶိုၼ်း လွင်ႈႁူဝ်ၼပ်ႉၵူၼ်း ယႂ်ႇၼမ်မႃးသေ တီႈၼႂ်းၼႃႈလိၼ် မႄႈသွတ်ႇၵူၺ်း လႆႈတႄႇတင်ႈ ႁူင်းႁဵၼ်းႁႅင်းယၢၼ်မိူင်း ဢၼ်ဢမ်ႇမိူၼ်ၵၼ် တႃႇ 75 ႁူင်းႁဵၼ်းယဝ်ႉ။ ၾွင်ႇတေးသျိၼ်း ၵွင်ႉသိုပ်ႇ ၵူၼ်းၼုမ်ႇၼႆႉ လႆႈႁဵတ်းၵၢၼ်ၸွမ်း ၸိူဝ်းသွၼ်ၵၢၼ် တီႈဢေႇသုတ်းမၼ်း 10 လိူၼ်ယဝ်ႉ။ ၽွင်းၶၢဝ်းယၢမ်းၼၼ်ႉ ၸိူဝ်းပဵၼ် ၵူၼ်းသွၼ်ၵၢၼ်ၼႆႉ တေလႆႈလတ်းၶၢမ်ႈ ၸၼ်ႉ သၢမ်ၸၼ်ႉ - ၶပ်ႉမၢႆ ၵၢၼ်ႁဵၼ်း ၼႂ်းႁူင်းႁဵၼ်း၊ ၶပ်ႉမၢႆ ၵၢၼ်သွၼ် ၶၢဝ်းပွတ်း လႄႈ လွင်ႈတမ်းဝၢၼ်းဢွင်ႈတီႈ တႃႇ ၵူၼ်းသွၼ်ၵၢၼ်လႄႈ သႅၼ်ႇထႃႇ လွင်ႈႁႃလဵင်ႉတွင်ႉ ၼႆယဝ်ႉ။ 
• ၶဝ်ႈၸွႆႈထႅမ်တီႈ ႁူင်းၽၢၼ်ပေႃႈမႄႈ - ✉ volunteeringthailand@gmail.com။ ႁူင်းလုၵ်ႈဢွၼ်ႇၼႆႉ လူဝ်ႇ ၵူၼ်းၶဝ်ႈၸွႆႈ ၶၢဝ်းယၢဝ်း ဢမ်ႇၼၼ် ၶၢဝ်းပွတ်း တွၼ်ႈတႃႇတီႈ ပရေႃးၵျႅတ်ႉ ပိုၼ်ႉထၢၼ် တႃႇ လုၵ်ႈဢွၼ်ႇမၢၼ်ႈ ၸိူဝ်းထုၵ်ႇၸုၼ်ႉပႅတ်ႈၼၼ်ႉ။ ၵူၼ်းၶဝ်ႈၸွႆႈ ၶဝ်ႈႁူမ်ႈလႆႈ တီႈၵၢၼ်တူင်ႉၼိုင်ႈၵူႈဝၼ်းသေ တီႈၼၼ်ႈၼႆႉ မီး ပရေႃးၵျႅတ်ႉၵၢၼ်ၵေႃႇသၢင်ႈ လႄႈ ၵၢၼ်ၶိုၼ်းၶူင်သၢင်ႈ။ ၽူႈၼၢမ်းႁူဝ်ၼႆႉ တေႁွင်ႉ ၵူၼ်းၸိူဝ်းၶဝ်ႈၸွႆႈၶဝ် ၵႂႃႇတီႈၵၢတ်ႇလႄႈ ၵႂႃႇၼႄ ၸိူဝ်းႁိမ်းႁွမ်းယဝ်ႉ။ ပေႃးၸဝ်ႈၵဝ်ႇပၼ် ၼိုင်ႈဝၼ်း 300 ပၢတ်ႉၼႆ တေၶဝ်ႈပႃး ၶဝ်ႈသၢမ်တႃ၊ လွင်ႈၸႂ်ႉဢိၼ်ႇထႃႇၼႅတ်ႉ လႄႈ လႅင်ၶီႇ။။ 

သိုဝ်ႉ

လၢၼ်ႉၶၢႆသႅင် တီႈ မႄႈသွတ်ႇ

• 1 ၵၢတ်ႇဝၼ်းတၼ်း (တီႈၼိူဝ်တၢင်း ၵႂႃႇၽၢႆႇဢွၵ်ႇ ႁူင်းပလိၵ်ႈ)။ ၵၢတ်ႇၼႆႉ မၼ်းၸိုဝ်ႈလိုဝ်းလင် ယွၼ်ႉပိူဝ်ႈ တီႈၽၢႆႇႁွင်ႇမၼ်းၼၼ်ႉ မီးလၢၼ်ႉတၢင်းၵိၼ်ပိုၼ်ႉတီႈ တင်းၼမ် ဢၼ်မီးတၢင်းၵိၼ်ၵူႈမဵဝ်းမဵဝ်း။ တီႈၽၢႆႇၸၢၼ်းၼႆႉ တေလႆႈႁၼ် ၽႃႈၽႅၼ်ႇ လႄႈ ၶူဝ်းၶွင် တၢင်းမေႃမိုဝ်း။ 
• ၵၢတ်ႇလူင် ၼႆႉ ပဵၼ်ဢွင်ႈတီႈ ၶိုၵ်ႉၶႅမ်ႉ တွၼ်ႈတႃႇ သိုဝ်ႉ ၶူဝ်းၶွင်မၢၼ်ႈယဝ်ႉ။ ပၼ်ႇၵႂႃႇပၼ်ႇမႃး ႁိမ်းႁွမ်းသေၵေႃႈ ၸဝ်ႈၵဝ်ႇ တေၸၢင်ႈႁၼ်လႆႈ ၵူၼ်းၸၢဝ်းၶိူဝ်း ၸိူဝ်းပႅၵ်ႇပိူင်ႈၵၼ် ၸိူဝ်းမီးတီႈ မႄႈသွတ်ႇၼၼ်ႉယူႇ။ ယဝ်ႉၵေႃႈ မီးပႃး ဢွင်ႈတီႈ တွၼ်ႈတႃႇသိုဝ်ႉ တၢင်းၵိၼ်တၢင်းယႅမ်ႉ ဢၼ်တိုၵ်ႉမႂ်ႇသႅၼ်ႈလီၼၼ်ႉယူႇ။
• တီႈၼၼ်ႈၼႆႉ မီးဝႆႉ လၢၼ်ႉၶၢႆသႅင် တင်းၼမ်သေ လၢၼ်ႉၸိူဝ်းၼၼ်ႉ ၵႆႉပၼ် ၵႃႈၶၼ်ဢၼ်သၢင်ႇထုၵ်ႇ။ လွင်ႈၵႃႉၶၢႆၵမ်ႉၼမ်တႄႉ ပဵၼ်တႃႇၵူၼ်းတေသိုပ်ႇၶၢႆ။ တီႈၼႂ်းမိူင်းထႆး တီႈလႂ်သေဢမ်ႇဝႃႈ ၵူၼ်းၶၢႆၶူဝ်းၶွင်တင်းၼမ်ၼႆႉ ဢမ်ႇလႃႈလီႁဵတ်းသေတႃႉ၊ သင်ၸိူဝ်ႉဝႃႈ ၸဝ်ႈၵဝ်ႇဢွၵ်ႇႁၢင်ႈ ၵူၼ်းမိူင်းဝၼ်းတူၵ်းၼႆတႄႉ သႅင်ၸိူဝ်းဢၼ်ဢမ်ႇပေႃးၶႅမ်ႉၵေႃႈ ၵႃႈၶၼ်မၼ်း တေၸၢင်ႈယႂ်ႇ။ မိူဝ်ႈပႆႇသိုဝ်ႉၼၼ်ႉ ၶူၼ်ႉၶႂႃႉတူၺ်းၵမ်ႈၽွင်ႈလႄႈ။
• တွၼ်ႈတႃႇ ၶူင်းၶွင် တၢင်းမေႃမိုဝ်း ၸၢဝ်းၶိူဝ်း ဢၼ်ႁဵတ်းဢွၵ်ႇပိုၼ်ႉတီႈ၊ ၸၢမ်းသိုဝ်ႉတူၺ်း တီႈတေႃႈႁုၵ်ႇ လႄႈ လၢၼ်ႉ တီႈလႅၼ်လိၼ် ၸိူဝ်းဢၼ်မီး တေႃႇၼႃႈ ၼိူဝ်တၢင်းဢိၼ်ထလၶီရီ ဢၼ်လုၵ်ႉၽၢႆႇတူၵ်း ၵႂႃႇၸူးဝဵင်းၼၼ်ႉ။ တီႈလႅၼ်လိၼ်ၼၼ်ႉမီးပႃး ႁွင်ႈၼႄ လၢႆးမိုဝ်းပၢႆးမွၼ်း၊ လၢၼ်ႉၵႃႇၾီႇ၊ လႄႈ ၸႂ်ႉလႆႈပႃး ဝၢႆႇၾၢႆႇ လၢႆလၢႆယဝ်ႉ။
• တီႈၼၼ်ႈၼႆႉ မီးဝႆႉ ႁူင်းၵၢၼ် ပႆတိၼ်လႄႇ/ထွင်ႈတဵဝ်း လၢႆဢၼ် ဢၼ်ႁဵတ်းၵၢၼ် ၽၢႆႇၼွၵ်ႇမႄႈသွၼ်ႇ၊ ၶၢဝ်းတၢင်းၼႂ်းထိူၼ်ႇ၊ ၶီႇၸၢင်ႉ လႄႈ ၶီႇႁိူဝ်းပေးလွင်ႈလူင်းၸွမ်းၼမ်ႉ ၸၵႂႃႇၸိူဝ်းၼႆႉ။ သိူင်ႇၽႆးဢႅတ်ႉသ်ၽီႇ ဢၼ်မီးတီႈၼိူဝ် သဵၼ်ႈတၢင်းႁၢႆးဝေးၼၼ်ႉၵေႃႈ ပဵၼ်တၢင်းလိူၵ်ႈဢၼ်ၼိုင်ႈ၊ ပႆၽိူၼ်း ဢၼ်မီးတီႈၵၢင် သဵၼ်ႈတၢင်း ဢိၼ်ထလၶီရီ ၼၼ်ႉ ၵေႃႈ ပဵၼ်တၢင်းလိူၵ်ႈထႅင်ႈတၢင်ႇဢၼ်။ သဵၼ်ႈတႃႈမၢင်ႇၸိူဝ်းၼႆႉ မၼ်းၵႂႃႇလႆႈ ၸွမ်းၶၢဝ်းမၼ်းၵူၺ်း၊ ပေႃးပဵၼ်ၶၢဝ်းႁိူဝ်ႉတႄႉ တေဢမ်ႇၸၢင်ႈၵႂႃႇလႆႈ၊ လိူၼ်မေႇ-ဢွၵ်ႇထူဝ်ႇပႃႇ။

ၵိၼ်

ဢၼ်ၶႅမ်ႉသေပိူၼ်ႈ တွၼ်ႈတႃႇ ၸဝ်ႈၵဝ်ႇတႄႉ ပႆတိၼ်ထွင်ႈတဵဝ်းတူၺ်းႁိမ်းႁွမ်းသေ လိူၵ်ႈဢွင်ႈတီႈ ဢၼ်လႅပ်ႈတေမၼ်ႈၸႂ်လႆႈသေပိူၼ်ႈၼၼ်ႉလႄႈ။

• ဢႆယႃး သဵၼ်ႈတၢင်း ဢိၼ်ထရၶီရီ (ပေႃးၵႂႃႇတၢင်းၽၢႆႇဢွၵ်ႇ၊ လုၵ်ႉတီႈ ပႆၽိူၼ်းသေ ၶၢမ်းတၢင်းၵႂႃႇ)။ လၢၼ်ႉတၢင်းၵိၼ် ထႆး-မၢၼ်ႈ ဢၼ်ၵႃႈၶၼ်ယႂ်ႇ၊ မႄးၼူးမၼ်း တႅမ်ႈပႃး ဢိင်းၵလဵတ်ႈ။ မေႃမိုတ်ႈၵိုဝ်းသေတႃႉ ၵၢၼ်ၸွႆႈသၢင်ႈၶဝ် ထိူင်းႁႅင်းၼႃႇ။ 
• ၵၽႄး တိူဝ်ႇမူၺ်း (คาเฟ่ เดอ เม่ย) (မီးႁိမ်းၶၢင်ႈ PTT၊ မီးၽၢႆႇသၢႆႉ သဵၼ်ႈတၢင်းလူင် ဢေးသီးယႅၼ်း တီႈၼိူဝ်တၢင်းၵႂႃႇၸူး မႄႈၼမ်ႉမူၺ်း)။ ၽၵ်းၾူသိၼ်းထႆး ၶိုၵ်ႉၶႅမ်ႉ။ 
• ၶႃသႃမီယႃ (ပေႃးလုၵ်ႉတၢင်းဢွၵ်ႇ တႃႈရူတ်ႉပတ်ႉ တီႈ ဢၼ်မီး ၽၢႆႇတူၵ်းသုတ်း ဝဵင်း ၼၼ်ႉမႃးၼႆ မီးၽၢႆႇသၢႆႉ သဵၼ်ႈတၢင်းဢိၼ်ႇထၶီရီ)။ တၢင်းၵိၼ် ထႆး၊ မၢၼ်ႈ လႄႈ တၢင်းၵိၼ် မိူင်းဝၼ်းတူၵ်း။ မေႃမိုတ်ႈၵိုဝ်း၊ ၵူၼ်းႁၢပ်ႇၵၢၼ်ၶဝ် လၢတ်ႈလႆႈ ၵႂၢမ်းဢိင်းၵလဵတ်ႈ၊ မီးၶဝ်ႈမုၼ်းၼုမ်ႇ၊ ပၢတ်ႇသ်တႃႇ လႄႈ ၶဵၵ်ႉ။ 
• ၵေႃႇၾီႇၵေႃႇၼႃႇ (တီႈ ပလႃႇၸႃႇ DK၊ ဢၼ်တေႃႇၼႃႈ ႁူင်းလႅမ်း DK တီႈၼိူဝ် သဵၼ်ႈတၢင်း ဢိၼ်ႇထရၶီရီ)။ လႆႈတၢင်းၵိၼ် ထႆး၊ မၢၼ်ႈ လႄႈ တၢင်းၵိၼ် မိူင်းဝၼ်းတူၵ်း။ လႆႈလူမ်ၸႂ်ၸွမ်း ၵူၼ်းႁဵတ်းၵၢၼ် ဢၼ်မေႃမိုဝ်ႈၵိုဝ်း လႄႈ ပူး ၵေႃႉဢၼ်ပဵၼ် ၸဝ်ႈၶွင်လၢၼ်ႉ ဢၼ်မေႃလၢတ်ႈၵႂၢမ်းဢိင်းၵလဵတ်ႈ။ ၵႃႈၶၼ် တၢင်းၵိၼ်တၢင်းယႅမ်ႉၼႆႉၵေႃႈ ၶၼ်ထုၵ်ႇသေ ၵၢၼ်ၸွႆႈသၢင်ႈၵေႃႈ ၶႅမ်ႉ။ ဢၼ်ၶဝ်ႁဵတ်းလႆႈ ၶႅမ်ႉသေပိူၼ်ႈတႄႉ ပဵၼ် ၵေႃႇၾီႇယဝ်ႉ။ 
• ၵၾႄး ႁႃႇၸႄႇလ် (Hazel Cafe) (မီးၽၢႆႇသၢႆႉ တီႈၶၢင်ႈတၢင်း ဢိၼ်ႇထရၶီႇရီ မိူဝ်ႈပႆႇထိုင် ႁူင်းပလိၵ်ႈ)။ ႁၢင်ႈၶိူင်ႈဝႆႉၶိုၵ်ႉၶႅမ်ႉ ဢိၵ်ႇတင်း ၶဵၵ်ႉ လႄႈ ၶျူဝ်ႇၵူဝ်လဵၵ်ႉ။ မီးပႃး ဢႄးၵွၼ်း လႄႈ ၸႂ်ႉလႆႈဝၢႆႇၾၢႆႇ လၢႆလၢႆ။ 
• ၵၾႄး ၶႅၼ်ႇၼေႇတီႇယႅၼ်ႇ ၶရူႇဝႃႇ (တီႈၵၢင်ဝဵင်း မႄႈသွတ်ႇ၊ တေႃႇၼႃႈၵၼ်တင်း ႁူင်းပလိၵ်ႈ တီႈၼိူဝ်သဵၼ်ႈတၢင်း ဢိၼ်ႇထရၶီရီ)။ 07:00-။ မီးမႄးၼူး တၢင်းၵိၼ် ယူးရူပ်ႉ၊ မႅၵ်ႇသီႇၵၼ် လႄႈ ထႆး။ ၸဝ်ႈၶွင်မၼ်း တူဝ်ႈတၼ်းတႃႇသေ တွၼ်ႈတႃႇ ၸွႆႈထႅမ်ႈ ၵူၼ်းၼွၵ်ႈမိူင်း။ ၵႃႈၶၼ်တၢင်းၵိၼ်ၶဝ်ၵေႃႈ ၶၼ်ထုၵ်ႇသေ ၶိုၵ်ႉၶႅမ်ႉ။ ၶၢႆပႃး ၶဝ်ႈမုၼ်းၼုမ်ႇ၊ ဝၢႆႇ လႄႈ ၵေႃႇၾီႇထႆး ဢၼ်သႂ်ႇၼႂ်းထူင်ၶူဝ်းတွၼ်ႈသေ ဢၼ်ၸၢင်ႈသိုဝ်ႉၵႂႃႇတွၼ်ႈပိူၼ်ႈ။ ၸႂ်ႉလႆႈဝၢႆႇၾၢႆႇ လၢႆလၢႆ။ 
• မႂ်ႇထႆး။ ပဵၼ်ဢွင်ႈတီႈလီႁၵ်ႉ တွၼ်ႈတႃႇၵိၼ်ယႅမ်ႉ။ ၸဝ်ႈၶွင်မၼ်းပဵၼ်ထႆးသေ မေႃတူမ်ႈႁုင်မၼ်း ဢဝ် ႁၢၵ်ႈမႆႉႁၢၵ်ႈတွၵ်ႈ တီႈ မိူင်းထႆးပွတ်းႁွင်ႇသေ တူမ်ႈႁုင်ၽၵ်း။ ပိုတ်ႇပၼ် တွၼ်ႈတႃႇ "ဢိုၵ်ႉဢွၵ်ႉ ဝၢႆးၵၢၼ်" ၸဝ်ႉၸဝ်ႉ ႁၢၼ်ႉတေႃႉထိုင် လိုၵ်း။ တၢင်းၵိၼ်မၼ်း ဝၢၼ်သေတႃႉ လွင်ႈၵဵင်ႈသႂ်သုၼ်ႇတူဝ်တႄႉ ဢမ်ႇပေႃးတဵမ်ထူၼ်ႈ။ 
• တေႃႇၼႃႈ ထီႇၵေႃႇၼႃႇ (ၼွင်ပႃ၊ ယွၼ်ႉပိူဝ်ႈ ဢွင်ႈတီႈမၼ်း မီးႁိမ်း လၢၼ်ႉၶၢႆပႃတၢင်းႁၢင်ႈလီ)။ တၢင်းၵိၼ်ထႆး ၶိုၵ်ႉၶႅမ်ႉ။ ယွၼ်ႉပိူဝ်ႈဝႃႈ မေႃတူမ်ႈႁုင်မၼ်း လုၵ်ႉတီႈ ႁူင်းႁႅမ်းၵုင်းထဵပ်ႈသေ ပွၵ်ႈမႃးလႄႈ မၼ်းတူမ်ႈႁုင် တၢင်းၵိၼ် ဢၼ်တိုၵ်ႉမႂ်ႇသႂ်လီသေ မႃးတမ်းပၼ် ၽၢႆႇၼႃႈၸဝ်ႈၵဝ်ႇ လႄႈ ယႃႇပေၵုမ်ႇႁဵတ်းႁၢင်ႈႁဵတ်းၽၢင်သေ ၵိၼ်ဢဝ်သႅၵ်ႉမၼ်းယူႇလႃႈ။ 
• 1 ပၢသ်ႉၽွတ်ႉ @ HCTC - ☏ +66 83 2147716။ ၵၢင်ၶမ်ႈ ဝၼ်းၽတ်း၊ သုၵ်း၊ သဝ်။ တိတ်းတေႃႇၽူင်းသေ သင်ႇမၢႆဝႆႉထႃႈ။ ပဵၼ်လၢၼ်ႉတၢင်းၵိၼ် ၵၢၼ်ႁႃလဵင်ႉတွင်ႉ ဢၼ်လုၵ်ႉတီႈ သႅၼ်ႇထႃႇၽၢႆႇၽိုၵ်ႉႁဵၼ်း လွင်ႈႁႃလဵင်ႉတွင်ႉ လႄႈ လွင်ႈႁပ်ႉၶၢမ်ႇၶႅၵ်ႇ ဢွၼ်ႁူဝ်ၼမ်းၼႃႈသေ ပိုတ်ႇဝႆႉ၊ ဢဝ်ၼမ်ႉတွၼ်းမၼ်း လူႇတၢၼ်းထိုင် လုၵ်ႈဢွၼ်ႇၸိူဝ်းထုၵ်ႇပၼ်ပႃႇၸႃး ၸိူဝ်းမီးတီႈ လႅၼ်လိၼ် တၢၵ်ႇ-မျၢၼ်ႇမႃႇ။ ၸွမ်းၼင်ႇပွတ်းတွၼ်ႈ ၵၢၼ်သွၼ်ႁဵၼ်းၶဝ် ဢၼ်ပဵၼ် တွၼ်ႈတႃႇ ဝႂ်ယွင်ႈယေႃး ၶွင် ၵၢၼ်ႁပ်ႉတွၼ်ႈ လႄႈ ၵၢၼ်ထွင်ႈတဵဝ်းၼၼ်ႉ လုၵ်ႈႁဵၼ်းၼႆႉ တေလႆႈမီးၼမ်ႉၵတ်ႉ ပိုၼ်ႉထၢၼ် ၵၢၼ်တူမ်ႈႁုင် လႄႈ လွၵ်းလၢႆး ၵၢၼ်ၸွႆႈသၢင်ႈ။ တွၼ်ႈတႃႇ ႁဵတ်းလႆႈၸိူဝ်းၼႆၼႆသေ ၼိုင်ႈဝူင်ႈၼႆႉ 3 ဝၼ်း ၶဝ်ပိုၼ်ႇပၼ် ပၢင်တၢင်းၵိၼ်မဝ်မဝ်မၢင်မၢင် တွၼ်ႈတႃႇ ၵူၼ်းတင်းၼမ်။ မီး ၵွၵ်ႉထေးလ် လႄႈ ဝၢႆႇ ဢၼ်ၵႃႈၶၼ်ယႂ်ႇသေပိူၼ်ႈ တီႈ မႄႈသွတ်ႇ။ လွင်ႈၶိုၵ်ႉတွၼ်း ထႆး - သူမ်ႈတမ်၊ ပေႃပီ၊ တူမ်ႈယမ်းၵုင်း၊ ၽၵ်း၊ ၶွင်ဝၢၼ်။ ၵႃႈၶၼ်မၼ်း သၢင်ႇထုၵ်ႇ တင်းသဵင်ႈယူႇ။ 
• ၵၾႄး ၽိတ်ႉ (Peace Cafe) (သဵၼ်ႈတၢင်း သဝၼ်ဝိထီ တီႈ ၵၢင်ဝဵင်း၊ တီႈ ႁိမ်းၽႆးၽၢင်ႉသၢႆတၢင်း ၶွင် သဵၼ်ႈတၢင်း ဢိၼ်ႇထရၶီရီ၊ မီးတီႈႁိမ်း ၸဵင်ႇ တီႈၵိုတ်းပၢသ်ႉ VIP ဢၼ်ၵႂႃႇၸူး ၵုင်းထဵပ်ႈ)။ 09:00-21:00။ ၵမ်ႉထႅမ်ပၼ် ႁူင်းတူၺ်းလိၵ်ႈ ဢူၺ်းၵေႃႉလီ လႄႈ ၵၢၼ်ပၢႆးပႆႇၺႃႇ။ ပေႃးဝၼ်းဢႃးတိတ်ႉ ၵၢင်ၶမ်ႈ 7 မူင်းၼႆ မီးပၢင်ၼႄ ငဝ်းတူင်ႉသီးရီး မၢၼ်ႈ၊ ဢမ်ႇလႆႈပၼ် ၵႃႈၶဝ်ႈတူၺ်းမၼ်း။ လႆႈတၢင်းၵိၼ် ယူးရူပ်ႉလႄႈ တၢင်းၵိၼ်မၢၼ်ႈ။ ၽၵ်းၸၢႆမီးတင်းၼမ်။ မီးလႅင် တႃႇၶၢတ်ႈပၼ် လႄႈ ၽူႈၼၢမ်းၶၢဝ်းတၢင်းထွင်ႈတဵဝ်း။ 
• သိုင်ႇၽႆး ဢႅတ်ႉသ်ၾီႇ (SP Kitchen) (မီးၽၢႆႇသၢႆႉမိုဝ်း သဵၼ်ႈတၢင်းလူင်ဢေးသီးယႅၼ်း ဢၼ်ၵႂႃႇၸူး လႅၼ်လိၼ် မိူင်းမၢၼ်ႈ)။ လႆႈတၢင်းၵိၼ် မၢၼ်ႈ၊ ထႆး၊ လႄႈ တၢင်းၵိၼ် မိူင်းဝၼ်းတူၵ်း။ 
• လၢၼ်ႉတၢင်းၵိၼ် ဝတီး (လုၵ်ႉတီႈ ၶႃသႃမီႇယႃႇ သေ မီးၼိူဝ်တၢင်း)။ လႆႈတၢင်းၵိၼ် မၢၼ်ႈ ၶိုၵ်ႉၶႅမ်ႉ၊ လႆႈပႃးတၢင်းၵိၼ်ထႆး ၵမ်ႈၽွင်း။ ၵၢၼ်ၸွႆႈသၢင်ႈၶဝ် မေႃမိုဝ်ႈၵိုဝ်းလီၼႃႇ။ 
• လၢၼ်ႉၵႃႇၽီႇ လိူင်ၶဵဝ် 599/1 သဵၼ်ႈတၢင်း ဢိၼ်ႇထရၶီႇရီ (မီးၽၢႆႇတူၵ်း၊ မိူဝ်ႈပႆႇထိုင် ရီသွတ်ႉ ဢီႇရႃႇဝတီႇ)။ ပဵၼ်လၢၼ်ႉ ၶွင် သွင်ပူႇယႃႈ၊ ဢၼ်ႁဵတ်းၶဝ်ႈမုၼ်းၵူႈဝၼ်း။ ဝၢႆႇၾၢႆႇၸႂ်ႉလႆႈလၢႆလၢႆသေ တီႈၸၼ်ႉသွင်ၼၼ်ႉ မီး ၸၢၼ်း ၶိုၵ်ႉၶႅမ်ႉ။ 
• ၸိမ်းတူၺ်း ၵႆႇၶူဝ်ႈၶိုၵ်ႉၶႅမ်ႉ ဢၼ်မီးတီႈ တၢင်းၽႄ ၽၢႆႇၶႂႃ တီႈလွၵ်းၼိုင်ႈ ဝၢႆးသေ တၢင်းၽႄ ဢၼ်ပူၼ်ႉ ၵျွင်းပလီႇမႃးၼၼ်ႉလႄႈ။
• တီႈၼိူဝ် သဵၼ်ႈတၢင်းလူင်ဢေးသီးယႅၼ်းၼၼ်ႉ မီးလၢၼ်ႉၽၵ်းလႅင် သတိၵ်ႉ သွင်လၢၼ်ႉ။ တႃႇဢၼ်ၼိုင်ႈတႄႉ ၸိုဝ်ႈမၼ်းဝႃႈ "Cowboy & Indian" (တႃႇတွင်းမၢႆဝႆႉတႄႉ "Cowboy & Indian" ၼၼ်ႉ ၽႆးမႆႈၵႂႃႇ မိူဝ်ႈ ပီ 2015 ၼၼ်ႉသေ ၶိုၼ်းမႄးသၢင်ႈဝႆႉၶိုၼ်း)။ ထႅင်ႈလၢၼ်ႉၼိုင်ႈတႄႉ မီးၽၢႆႇဢွၵ်ႇ ၵႆတၢၼ်ႇတၢၼ်ႇသေ မီး ပၢႆႉသီလိူင်ႁိူဝ်ႈႁိူဝ်ႈဝႆႉ။
• ၵၢတ်ႇၵၢင်ၶမ်ႈ ၼႆႉ ၶဝ်ပိုတ်ႇလိုၵ်းၼႃႇ တွၼ်ႈတႃႇၵိၼ် ၶဝ်ႈၶမ်ႈ၊ ယွၼ်ႉပိူဝ်ႈဝႃႈ ၵၢတ်ႇပိုတ်ႇၵၢင်ပၢင်ၼႆလႄႈ လႆႈပိုတ်ႇလႃႈ။ တင်းသဵင်ႈၼႆႉ ပဵၼ်တၢင်းၵိၼ်ထႆးသေ မႄးၼူးမၼ်း တႅမ်ႈဝႆႉၼင်ႇ ဢိင်းၵလဵတ်ႈ။

ဢွၵ်ႉ

• EFCC (ExPPACT Foreign Correspondents’ Club) 206 Intarakhiri Rd (opposite Yamaha showroom, near Tesco Lotus)။ ၸိူဝ်းပဵၼ် ၵူၼ်းတူၵ်းၶွၵ်ႈၵၢၼ်မိူင်းၵဝ်ႇ ၵူၼ်းၶိူဝ်းမၢၼ်ႈၶဝ် ၵေႃႉပိုတ်ႇဝႆႉ။ ယၢမ်းလဵဝ်တႄႉ ExPPACT ၼႆႉ လူႉၵႂႃႇယဝ်ႉသေတႃႉ ၵလၢပ်ႉတႄႉ တိုၵ်ႉသိုပ်ႇၵႂႃႇယဝ်ႉ။ ႁၢင်ႈႁႅၼ်းဝႆႉတီႈၼႂ်း သူၼ်ၶိုၵ်ႉၶႅမ်ႉ၊ ဢွင်ႈတီႈၼႆႉ မၼ်းၸၼ်ၸႂ်တွၼ်ႈတႃႇ ၵူၼ်းၸိူဝ်းတေယူႇသဝ်းႁိုင်။ ၵွၵ်ႉထေးလ်၊ တၢင်းၵိၼ်မၢၼ်ႈ လႄႈ လွင်ႈၼႄငဝ်းတူင်ႉ ၵူႈဝူင်ႈ။ 
• လၢၼ်ႉၶဝ်ႈမုၼ်း လႄႈ ၵႃႇၾႄး သႂိတ်ႉႁႃႇမူဝ်ႇၼီႇ 2/3 သဵၼ်ႈတၢင်းသီၽႃႉၼိတ်ႉ - ☏ +66 55 544810, +66 81 9711731။ လႆႈလူမ်းၵတ်းလူမ်းယဵၼ်လီ၊ မီးဝႆႉတီႈ ဢွင်ႈတီၵႅၼ်ၵၢင် ဢိၵ်ႇတင်း တၢင်းၵိၼ်တၢင်းယႅမ်ႉ။ 
• Y2K။ ပဵၼ် ၼၢႆႉၵလၢပ်ႉထႆး။ တီႈၽၢႆႇၼႂ်းမၼ်းတႄႉ ပဵၼ်ဝႆႉ "သတၢႆႇၽိူၼ်" မူႇၽႂ်ၸုမ်းမၼ်း ၼင်ႇတီႈ ၽိူၼ်ၽႂ်မၼ်း။ ပေႃးဝၼ်းသုၵ်း လႄႈ ဝၼ်းသဝ် ၵၢင်ၶမ်ႈၼႆ ၸုမ်းၽူႈမႄႈတင်းၼမ် ႁွင်ႉၵႂၢမ်းၼႄယဝ်ႉ။ ၵႃႈၶဝ်ႈမၼ်း 70 ပၢတ်ႉ၊ ၶဝ်ႈပႃး ပီႇယႃႇလီႇယူဝ်ႇ ဢႅပ်ႇဢွၼ်ႇ။ 

ၼွၼ်း

တီႈၵႃႈၶၼ်ထုၵ်ႇ

• သႅၼ်ႇထႃႇ တွၼ်ႈတႃႇ လုၵ်ႈဢွၼ်ႇ ၸိူဝ်းဢၼ်လူဝ်ႇ (တီႈပၢၼ်ႈၼွင်ၶိင်းၾႃႉ၊ ၸမ်ၵၼ်တင်း KWO, Backpack, CDC, တႃႈႁိူဝ်းမိၼ် လႄႈ တႃႈရူတ်ႉပၢသ်ႉ)။ ပဵၼ်ၵၢၼ်တမ်းၽႅၼ်ႁိူၼ်းယေး တွၼ်ႈတႃႇ ၵူၼ်းထၢၼ်ႈပိုၼ်ႉထၢၼ်။ မီးဝႆႉ 3 ႁွင်ႈ၊ ဢိၵ်ႇတင်း ၽတ်ႉလူမ်း လႄႈ ႁွင်ႈၼမ်ႉ ၸႂ်ႉႁူမ်ႈၵၼ်။ တီႈဝၢၼ်ႈၼၼ်ႉ မီး ဝၢႆႇၾၢႆႇ၊ ထႅၵ်ႇၸီႇ၊ လၢၼ်ႉတၢင်းၵိၼ် လႄႈ လၢၼ်ႉၶၢႆၶူဝ်းၶွင်။ တႃႇၵႂႃႇၸူး ၵၢင်ဝဵင်း လႆႈၶီႇလႅင်ၵႂႃႇ 25 မိတ်ႉၼိတ်ႉ။ ၵမ်ႉထႅမ်ပၼ် လုၵ်ႈဢွၼ်ႇၽၢၼ်ပေႃႈမႄႈ။ 80 baht။ 
• 1 ဢွင်ႈလိုဝ်ႈသဝ်း သမၢႆး 738 သဵၼ်ႈတၢင်း ဢိၼ်ႇထရၶီရီ (မီးႁိမ်းၶၢင်ႈ ဢွင်ႈလိုဝ်ႈသဝ်းပၢၼ်းထႆး လႄႈ လုၵ်ႉဢဝ်တီႈ လၢၼ်ႉ/ၵၾႄး တီႈလႅၼ်လိၼ်သေ ပႆတၢင်းၵႂႃႇ 5 မိတ်ႉၼိတ်ႉ) - ☏ +66 85 1299293, +66 95 7656576 - ✉ smilemaesot@gmail.com။ Check-out: 12:00။ သႅၼ်ႈသႂ်၊ ယူဝ်းယူဝ်း။ ၵူၼ်းႁဵတ်းၵၢၼ်ၶဝ် လၢတ်ႈလႆႈၵႂၢမ်းဢိင်းၵလဵတ်ႈ လီလီ။ ၸႂ်ႉလႆႈဝၢႆႇၾၢႆႇ ၾရီး။ တွၼ်ႈတႃႇ ႁွင်ႈၵေႃႉလဵဝ်း ပႃး ၽတ်ႉလူမ်းၼၼ်ႉ 100-250 ပၢတ်ႉ၊ တွၼ်ႈတႃႇ ႁွင်ႈသွင်ၵေႃႉ ၽတ်ႉလူမ်း လႄႈ ပႃးၶွင်ႉၼမ်ႉ ဢႅၼ်းသုတ်ႉ ၼၼ်ႉ 180 ပၢတ်ႉ၊ ဢၼ်ပႃးဢႄးၵွၼ်းတႄႉ 250 ပၢတ်ႉ။ 
• 2 ဢွင်ႈလိုဝ်ႈသဝ်း ႁိူၼ်းလူႇသီႇ။ ထီႇဝီႇ၊ ၼမ်ႉဢုၼ်ႇၼမ်ႉမႆႈ၊ ၽတ်ႉလူမ်း လႄႈ ပၼ်ပႃး တဝ်ႈၼမ်ႉ။ 200 ပၢတ်ႉ။ 
• 3 ဢွင်ႈလိုဝ်ႈသဝ်း ၵရိၼ်း (မီးၽၢႆႇၸၢၼ်း တႃႈရူတ်ႉပၢတ်ႉမႄႈသွတ်ႇ (လႄႈ ၵၢတ်ႇ) ယၢၼ် 130 မီႇတႃႇ၊ လႆႈလတ်းၶၢမ်ႈၶူဝ်)။ Check-in: ပေႃးဝႃႈ မီးႁွင်ႈပဝ်ႇဝႆႉ - check-out: 12ː00။ ပဵၼ်ႁွင်ႈဢွၼ်ႇ ဢၼ်ၸၼ်ၸႂ်၊ ဢၼ်တဵတ်ႇယဵၼ် ဢၼ်မုင်ႉႁေႃႁိူၼ်းပိုၼ်ႉတီႈၶဝ် ၵေႃႉပိုတ်ႇဝႆႉ။ မီးၼမ်ႉဢုၼ်ႇ၊ ပၼ်ပႃႈၽႃႈၸဵတ်ႉ၊ ၽတ်ႉလူမ်း ဢမ်ႇၼၼ် ဢႄးၵွၼ်း ဢိၵ်ႇတင်း ဝၢႆႇၾၢႆႇ။ 250 ပၢတ်ႉ။ (ဢၢပ်ႉတဵတ်ႉဝႆႉ မိူဝ်ႈ ၸၼ်ႇ 2017)
• 4 ဢွင်ႈလိုဝ်ႈသဝ်း ၸႄး (Zee Guest House) (မီးႁိမ်းၶၢင်ႈ တႃႈရူတ်ႉပၢသ်ႉဝဵင်းလူင်) - ☏ +66 55-546700။ မီးဝႆႉၵႃႈတီႈ ဢွင်ႈတီႈလူမ်ၸႂ်။ 200/300/400 ဝၢတ်ႇ (ၽတ်ႉလူမ်း/ဢႄးၵွၼ်း/ႁွင်ႈသွင်ၵေႃႉ)။ 
• 5 တီႈလိုဝ်ႈသဝ်း DK 298 သဵၼ်ႈတၢင်းဢိၼ်ထရၶီရီ။ ပဵၼ်တီႈ ထူဝ်းရိတ်ႉၶဝ် ၸႂ်ႉၼမ်၊ ၵမ်းၼမ်တႄႉ ပဵၼ် ၵူၼ်းလူင် ဢႅၼ်ႇၵျီႇဢူဝ်ႇ၊ ၵူၼ်းႁၢပ်ႇၵၢၼ်ပုၼ်ႈၽွၼ်း ၶဝ်ၸိူဝ်းၼႆႉ မႃးသဝ်း။ ႁွင်ႈၼွၼ်းယႂ်ႇ ဢၼ်ပႃး ဢႄးၵွၼ်း၊ ထၢင်မိူင်းဝၼ်းတူၵ်း (ၼမ်ႉဢုၼ်ႇၼမ်ႉမႆႈ)၊ ထီႇဝီႇ လႄႈ ၸၢၼ်း၊ ပေႃးပဵၼ် ၶွင်ႈသွင်ၵေႃႉ ဢၼ်ပႃးၽတ်ႉလူမ်းတႄႉ တိူဝ်းၶၼ်ထုၵ်ႇ။ ယႃႇပေဢဝ် ႁွင်ႈၼွၼ်း ဢၼ်မီးတီႈသုတ်းမၼ်းၼၼ်ႉ၊ ယွၼ်ႉပိူဝ်ႈဝႃႈ ပေႃးၵၢင်ၼႂ်ၸဝ်ႉ ယွၼ်ႉသဵင်ၵႆႇ လႄႈ သဵင်ရူတ်ႉ မေႃးပၼ်း။ ၵူၼ်းႁဵတ်းၵၢၼ်တီႈၼၼ်ႈ ၶႅမ်ႉလႅပ်ႈလီ၊ တီႈႁွင်ႈႁပ်ႉၶႅၵ်ႇၼၼ်ႉ ၸႂ်ႉလႆႈ ဢိၼ်ႇထႃႇၼႅတ်ႉ၊ တီႈၼႂ်း ႁူင်းႁႅမ်းၵေႃႈ ၸႂ်ႉပႃးလႆႈ ဝၢႆႇၾၢႆႇ။ ထီႇဝီႇၼၼ်ႉ လႆႈပႃးၶွင်ႉ BBC, Al Jazeera, MTV, ထႆး၊ မၢၼ်ႈ လႄႈ ၶွင်ႉၶႄႇ။ တၢင်းၶႆႈၸႂ် Tripadvisor လၢဝ် 5 လုၵ်ႈၼႆႉ ပၼ်ဝႆႉ လၢဝ် 3 လုၵ်ႈ။ 250-400 ပၢတ်ႉ။ 
• 6 တီႈလိုဝ်ႈသဝ်း ၶရိတ်ႉသၼ (တီႈလိုဝ်ႈသဝ်း ပၢၼ်းတုင်) 63/4 သဵၼ်ႈတၢင်း ပၢၼ်းတုင် (ထၢမ်တၢင်းၵႂႃႇမၼ်းလႄႈ၊ GPS ၼႆႉ မၼ်းလႅပ်ႈတေၼႄပၼ် သဵၼ်ႈတၢင်းၵူၺ်း) - ☏ +66 55 533277, +66 8 8158 7877 - ✉ baantungguesthouse@gmail.com။ ပဵၼ်သတၢႆႇ တႃႇ ၵူၼ်းထၢၼ်ႈၵၢင်ၶဝ် ယူႇသဝ်း။ ဢွင်ႈတီႈတဵတ်ႇယဵၼ်လီ၊ ၸမ်ၵၼ်တင်းဝဵင်း၊ ၵၢတ်ႇ၊ ဢွင်ႈတီႈၵိၼ်ယႅမ်ႉ လႄႈ သႅၼ်ႈတႃႈ ဢၼ်လုၵ်ႉတီႈ တႃႈရူတ်ႉပၢတ်ႉမႃး။ ယႂ်ႇၵႂၢင်ႈ၊ ၵဵင်ႈသႂ် လႄႈ ၶွင်ႉၼမ်ႉဢႅၼ်းသုတ်ႉ လူမ်ၸႂ်လီတႄႉတႄႉ၊ ႁွင်ႈသွင်ၵေႃႉၼႆႉ မီးပႃးတင်ႇၼင်ႈႁွႆးမိုဝ်းပိုၼ်ႉတီႈ လႄႈ ဢွင်ႈတီႈၼင်ႈႁင်းၶေႃႈ။ မီးပႃး တိူၵ်ႈယဵၼ်၊ ထီႇဝီႇၵိုၵ်းသၢႆ လႄႈ ဝၢႆႇၾၢႆႇ ၾရီး။ ၵိၼ်ၵေႃႇၾီႇတီႈ ၵၢင်ၸၢၼ်း ဢမ်ႇၼၼ် ဢဝ် လွၼ်ႉၶၢဝ်ႇၶိုၵ်ႉၶႅမ်ႉတီႈ ၸဝ်ႈၶွင်ထႆး ၵုင် ဢမ်ႇၼၼ် ၵူၼ်းႁဵတ်းၵၢၼ်မၼ်း ၸိူဝ်းလၢတ်ႈၵႂၢမ်းထႆး၊ ဢိင်းၵလဵတ်ႈ လႄႈ ၵႂၢမ်းမၢၼ်ႈ။ လႆႈတၢင်းၶႆႈၸႂ်သုင် ဝႆႉ တီႈ Booking.com လႄႈ TripAdvisor။ 350-650 ဝၢတ်ႇ (ၽတ်ႉလူမ်း၊ ဢႄးၵွၼ်း၊ တႄႇလတ်ႉသ်)။ 
• 7 The Charm 11/41 သဵၼ်ႈတၢင်းဢိၼ်ထရၶီရီ၊ ၵိဝ်ႇ 3 (မီးၽၢႆႇၼွၵ်ႈ ၵိၵ်ႉဝၢင်းႁိူၼ်းလူင်မႄႈသွတ်ႇ ဢၼ်မီး ၽၢႆႇဢွၵ်ႇဝဵင်း) - ☏ +66 90 6956100, +66 83 4220854။ ပဵၼ်ႁူင်းႁမႄ်း ဢၼ်ၶိုၵ်ႉၶႅမ်ႉ ဢိၵ်ႇတင်း သတၢႆႇ လႄႈ လႆႈလူမ်းလီ။ သႅၼ်ႈသႂ်၊ တဵတ်ႇယဵၼ်၊ ပဵၼ်ဢွင်ႈတီႈလိုဝ်ႈသဝ်း ဢၼ်တၼိုင်ႇၵႃႈမၼ်းလႆႈ။ ႁွင်ႈၼွၼ်းတၢင်ႈသဵင်ႈၼႆႉ ပဵၼ် ဢႅၼ်းသုတ်ႉ ဢိၵ်ႇၵတင်းဢႄးၵွၼ်း၊ ထီႇဝီႇသၢႆ၊ ၼမ်ႉဢုၼ်ႇၼမ်ႉမႆႈ တႃႇဢၢပ်ႇ၊ တဝ်ႈၼမ်ႉၵိၼ် ဢၼ်လႆႈလၢႆ၊ ၸႂ်ႉလႆႈဝၢႆႇၾၢႆႇ ၾရီး ဢၼ်ဢမ်ႇမီး လွင်ႈမၵ်းၶၼ်ႈဝႆႉ။ တွၼ်ႈတႃႇ ၶႅၵ်ႇၸိူဝ်းမႃးလိုဝ်ႈသဝ်း ၶဝ်ပၼ်ၶီႇလႅင် ၾရီး။ ၵၢၼ်ၸွႆႈသၢင်ႈၶဝ်ႈ ၶဝ်ႈပႃး ပိၵ်ႉၵပ်ႉ လႄႈ တေႃႉသူင်ႇပၼ်၊ မိပ်ႇၼူတ်ႈ၊ လွႆးၶူဝ်း၊ ၵၢၼ်ၸွႆႈသၢင်ႈပတ်းၽဵဝ်ႈၼႂ်းႁွင်ႈၼွၼ်း၊ ၶွင်ႉႁဵၼ်း လိၵ်ႈဢိင်းၵလဵတ်ႈ၊ ၶွင်ႉႁဵၼ်း လွင်ႈႁုင်တူမ်ႈ လႄႈ ၶႅပ်းႁၢင်ႈ/ငဝ်းတူင်ႉ။ ၵူၼ်းႁဵတ်းၵၢၼ် ၸိူဝ်းလၢတ်ႈၵႂၢမ်းဢိင်းၵလဵတ်ႈၼၼ်ႉ ၶဝ်တေ ၸၢင်ႈၵမ်ႉထႅမ်ပၼ် လွၼ်ႉၶၢဝ်ႇ လွင်ႈၸိူဝ်းတီႈၼႂ်းၼႃႈလိၼ်လႄႈ တေၸွႆႈထႅမ် တႃႇၶပ်ႉၶိုင်ပၼ် ၶၢဝ်းတၢင်း တႃႇၸွၼ်ႇတူၺ်းတီႈပိုၼ်ႉတီႈ။ ၵႃႈၶၼ် တွၼ်ႈတႃႇ ဢၼ်ယူႇၶၢဝ်းႁိုင်ၵေႃႈ မီးဝႆႉယူႇ။ တီႈၸၼ်ႉပဵင်းလိၼ်ၼၼ်ႉ မီးဝႆႉ လၢၼ်ႉတၢင်းၵိၼ် ဢၼ်မီးၵၢၼ်ၸွႆႈသၢင်ႈတဵမ်ထူၼ်ႈၼၼ်ႉယူႇ။ လုၵ်ႉတီႈ ပႅၼ်ႇႁၢဝ်ႉသေၵေႃႈ တေၸၢင်ႈမုင်ႈႁၼ်တူၺ်း မႄႈသွတ်ႇယူႇ။ ႁွင်ႈပၢင်ၵုမ်ၵေႃႈ မီးဝႆႉ။ တွၼ်ႈတႃႇလူတ်ႇလႅၼ်းယႃႈတႄႉ ၶဝ်ႁႂ်ႈလူတ်ႇတီႈ ၸၢၼ်း လႄႈ တီႈၽၢႆႇၼွၵ်ႈ ဢွင်ႈတီႈ ၵိၼ်ယႅမ် ၶွင် လၢၼ်ႉတၢင်းၵိၼ်ယူႇ။ မီးႁွင်ႈၼွၼ်းၼိုင်ႈၵေႃႉ သွင်ႁွင်ႈ၊ ၼိုင်ႈႁွင်ႈၼႆႉ တေတူၵ်းၸူဝ်ႈ 400 ပၢတ်ႉ၊ ပေႃးပႃးတၢင်းၵိၼ်ၵၢင်ၼႂ် တေတူၵ်းၸူဝ်ႈ 550 ပၢတ်ႉ၊ ပေႃးပဵၼ်ၶၢဝ်းၵူၼ်းၵိုၼ်းတႄႉ တေတူၵ်းၸူဝ်ႈ 650 ပၢတ်ႉ။ ႁွင်ႈၼွၼ်းသွင်ၵေႃႉ မီးဝႆႉ ႁူၵ်းႁွင်ႈ တေတူၵ်း 600-700 ၶဝ်ႈပႃးတၢင်းၵိၼ်ၵၢင်ၼႂ်။ 
• 8 တီႈလိုဝ်ႈသဝ်း Picturebook 125/4-6၊ ၵိဝ်ႇ 19၊ သဵၼ်ႈတၢင်းဢိၼ်ထရၶီရီ၊ မႄႈသွတ်ႇဢႅမ်ႇၽူဝ်း - ☏ +66 90 4596990 - ✉ picturebookguesthouse@gmail.com။ ပဵၼ်ဢွင်ႈတီႈလိုဝ်ႈသဝ်း ဢၼ်ဢမ်ႇဢဝ် ၼမ်ႉမျၢတ်ႈၼမ်ႉတွၼ်းသေ ဢၼ်လုၵ်ႉတီႈ မူႇၸုမ်းပိုၼ်ႉတီႈ ၸိူဝ်းႁဵတ်းၵၢၼ်တီႈ ၵၢၼ်သွၼ် လွင်ႈတၢင်းမေႃ ႁႃလဵင်ႉတွင်ႉ ၼၼ်ႉ လႆႈပိုတ်ႇဝႆႉ။ မၼ်းႁၢင်ႈၶိူင်ႈဝႆႉ ၶႅမ်ႉလႅပ်ႈသေ ႁွင်ႈၼွၼ်းမၼ်း သႅၼ်ႈသႂ်လီ သေ ယူႇလူမ်ၸႂ်ဝႆႉ။ တီႈၼႃႈလိၵ်ႈဝႅပ်ႉသၢႆႉၶဝ် တႅမ်ႈတၢင်ႇဝႆႉဝႃႈ "ၽိမ်းၵိၼ်ၽိမ်းၸၢႆႇတီႈ ၶိုၵ်ႉၶႅမ်ႉ"၊ မၼ်းၶဝ်ႈပႃး သူၼ်ဢူးယဵၼ်ႇဢၼ်ၼိုင်ႈလႄႈ ဢွင်ႈတီႈလိုဝ်ႈႁိူဝ်ႉလိုဝ်ႈၸႂ် ဢၼ်မိူၼ်ႁၢင်ႈတိၼ်မႃႉ လႄႈ ၽိူၼ်ၵိၼ်ပီႇယႃႇ။ ႁွင်ႈတင်းသဵင်ႈၼႆႉၶဝ်ႈပႃး တၢင်းၵိၼ်ၵၢင်ၼႂ်၊ ဢႄးၵွၼ်း၊ ၼမ်ႉဢုၼ်ႇၼမ်ႉမႆႈ တွၼ်ႈတႃႇဢၢပ်ႇ။ ႁွင်ႈတီႈ ၸၼ်ႉတႂ်ႈသုတ်းၼႆႉ လႆႈပၼ် 500 ပၢတ်ႉသေ ႁွင်ႈ ဢၼ်ပႃးၵၢင်ၸၢၼ်ႈၼႆႉ တေလႆႈပၼ် 700 ပၢတ်ႉ။ 
• 9 ဢွင်ႈလိုဝ်ႈသဝ်း မႄႈသွတ်ႇ 208/4 သဵၼ်ႈတၢင်းဢိၼ်ထရၶီရီ - ☏ +66 55-542-634, +66 89-811-6945။ တီႈၼႆႈတႄႉ ၶဝ်လၢတ်ႈၵႂၢမ်းထႆးၵူၺ်း။ မီး ပင်ႇၵလူဝ်ႇ ႁူၵ်းလင် ဢိၵ်ႇတင်း တီႈၵိုတ်းရူတ်ႉ သုၼ်ႇတူဝ်။ ႁွင်ႈၼွၼ်းမၼ်း ပႃးၼမ်ႉဢုၼ်ႇၼမ်ႉမႆႈတႃႇဢၢပ်ႇ၊ ထီႇဝီႇ၊ ဝၢႆႇၾၢႆႇ ၾရီး ဢၼ်ၽႂ်းၽႂ်း လႄႈ ၼမ်ႉၵတ်း တႃႇၵိၼ်။ ၸမ်ၵၼ်တင်း ပလိၵ်ႈထူဝ်းရိတ်ႉ တွၼ်ႈတႃႇ လွၼ်ႉၶၢဝ်ႇ လႄႈ ၽႅၼ်ႇလိၼ်ဝဵင်း။ ပေႃးပဵၼ် ႁွင်ႈဢၼ်ပႃးၽတ်ႉလူမ်း 200 ပၢတ်ႉ၊ ပေႃးပဵၼ် ႁွင်ႈ ဢၼ်ပႃး ဢႄးၵွၼ်း 350 ပၢတ်ႉ။ (ဢၢပ်ႉတဵတ်ႉဝႆႉ မိူဝ်ႈ ဢေႇ 2016)

တီႈၵႃႈၶၼ် ပၢၼ်ၵၢင်

• Auntie's B&B သဵၼ်ႈတၢင်း ဢိၼ်ႇထရၶီရီ၊ မႄႈသွတ်ႇ - ☏ +66 55-531368။ လဵၵ်ႉလဵၵ်ႉဢွၼ်ႇသေ မီးတီႈၼွၼ်း ဢၼ်လူမ်ၸႂ်လႄႈ တၢင်းၵိၼ်ၵၢင်ၼႂ် ဢၼ်တေႁဵတ်းႁႂ်ႈၸဝ်ႈၵဝ်ႇ ယိၼ်းပဵၼ်ဝႃႈ မိူၼ်ၼင်ႇယူႇတီႈ ႁိူၼ်းၸဝ်ႈၵဝ်ႇ။ ၶဝ်ႈမီးပႃး တွၼ်ႈၵၼ် မႄးၼူး တၢင်းၵိၼ်ၵၢင်ၼႂ် ဢၼ်ယႂ်ႇယႂ်ႇ၊ ၵေႃႇၾီႇၵေႃႈၶိုၵ်ႉၶႅမ်ႉ၊ ၼမ်ႉၼဵင်ႈၵေႃႈ လိူၵ်ႈၵိၼ်လႆႈလၢႆမဵဝ်း သေ မီးပႃး ၼမ်ႉဝၢၼ်ၼမ်ႉၼူမ်းသူမ်ႈ။ မီးသူၼ်ႇမွၵ်ႇ ႁၢင်ႈလီလီ၊ ႁွင်ႈၼွၼ်းၵဵင်ႈသႂ်လီ၊ ဢႄးၵွၼ်း/ၽတ်ႉလူမ်း လႄႈ ၼမ်ႉဢုၼ်ႇၼမ်ႉမႆႈတႃႇဢုပ်ႇ၊ ၽႃႈၸဵတ်ႉ လႄႈ ၼမ်ႉသၢႆႁူဝ်ၸိူဝ်းၼႆႉ ၸႂ်ႉဝႆႉဢၼ်ၶႅမ်ႉမၼ်း၊ ဝၢႆႇၾၢႆႇ ၾရီး၊ ၵေႃႇၾီႇ ၾရီး လႄႈ တီႈၶွင်ႉၶၢမ်ႇၶႅၵ်ႇလူင်ၼၼ်ႉ ၼမ်ႉၼဵင်ႈ လႆႈ 24 ၸူဝ်ႈမူင်း၊ တွၼ်ႈတႃႇၶႅၵ်ႇၸိူဝ်းမႃး လိုဝ်ႈၼၼ်ႉ ပၼ်ၶီႇလႅင် ၾရီး။ 
• 10 ႁူင်းႁႅမ်း ၾၢတ်ႉ (First Hotel) 444 သဵၼ်ႈတၢင်း ဢိၼ်ႇထရၶီရီ - ☏ +66 55 531 233။ ၶဝ်ၽင်တိုၼ်းလၢင်း ၶၢဝ်းယၢမ်း လႄႈ ဢဵၼ်ႁႅင်းၶဝ်ဝႆႉ တီႈၼိူဝ် လွင်ႈႁၢင်ႈၶိူင်ႈၽၢႆႇၼႂ်း ဢၼ်ဢဝ် မႆႉသေ ႁဵတ်းဝႆႉ ၽၢၵ်ႈမုင်း၊ သဝ်သုတ်း ၸိူဝ်းၼၼ်ႉသေ တီႈၽၢႆႇၼွၵ်ႈမၼ်းတႄႉ ဝႆႉႁဵတ်းၼၼ်လႄႈ မၼ်းပဵၼ် ဢၼ်လၢၵ်ႇလၢႆးဝႆႉ။ ၵေႃႈမိူၼ်တင်းတၢင်ႇၸိူဝ်းၼင်ႇၵဝ်ႇ၊ ႁွင်ႈၼွၼ်းသွင်ၵေႃႉဢၼ်ပႃး ဢႄးၵွၼ်းၵေႃႈ မီးဝႆႉယူႇ။ 

တီႈၵႃႈၶၼ်ယႂ်ႇ

• 11 ရီသွတ်ႉ ဢီႇရႃႇဝတီႇ 758 / 1-2 သဵၼ်ႈတၢင်း ဢိၼ်ႇထရၶီရီ၊ မႄႈသွတ်ႇ (ပွတ်းတူၵ်း) - ☏ +66 55 535 430, +66 80 771 0938 - ✉ irawadeeresort@gmail.com။ ႁူင်းႁႅမ်း တႅၵ်ႇၶေႃး ၼႆႉ မၼ်းပဵၼ် သတၢႆႇ ထႆး-မၢၼ်ႈ မိူဝ်ႈၵွၼ်ႇ။ ႁွင်ႈၼွၼ်းမၼ်း သႅၼ်ႈသႂ်လီ သေ ထိင်းသိမ်းလႆႈလီၼၼ်ႉ မၼ်းႁဵတ်းႁႂ်ႈၸဝ်ႈၵဝ်ႇ ယိၼ်းပဵၼ် လွင်ႈလိုဝ်ႈသဝ်းတီႈ ႁူင်းႁႅမ်းတႄႉတႄႉၼၼ်ႉယဝ်ႉ၊ ဢမ်ႇၸႂ်ႈဝႃႈ ပဵၼ်ဢွင်ႈတီႈၼွၼ်း တႃႇၼိုင်ႈၶိုၼ်းၵူၺ်း။ ၸႂ်ႉလႆႈ ဝၢႆႇၾၢႆႇ ၾရီႈ သေ တီႈၼႂ်း ၵႃႈၶၼ်ႁူင်းႁႅမ်းၼၼ်ႉ ၶဝ်ႈပႃးတႃႇ တၢင်းၵိၼ်ၵၢင်ၼႂ်ယဝ်ႉ။ တီႈ တေႃႇၼႃႈ လႄႈ ႁိမ်းႁွမ်းၼႆႉ မီးဝႆႉလၢၼ်ႉတၢင်းၵိၼ် လႄႈ လၢၼ်ႉၵေႃႇၾီႇတင်းၼမ် - ပေႃႇၵုင်းၽဝ် တီႈၵိၼ်ၶဝ်ႈၶမ်ႈ ဢိၵ်ႇတင်း တၢင်းၵိၼ်ပၢင်ႇလၢႆႇ ၸိူဝ်းဢဝ်မႃးတီႈ မျၢၼ်ႇမႃႇ၊ ၶရူႉၶုၼ်ဝၢၼ် ၶဝ်ႈဝၼ်း လႄႈ ၶဝ်ႈၶမ်ႈ ဢိၵ်ႇတင်း တၢင်းၵိၼ် သတၢႆႇထႆး၊ လၢၼ်ႉသူမ်ႈတမ်၊ လၢၼ်ႉၶျၼ်သုတ ၶဝ်ႈမုၼ်း လႄႈ တၢင်းၵိၼ်ၶွင်ဝၢၼ် ၽိင်ႈထုင်းထႆး၊ လၢၼ်ႉၵေႃႇၽီႇ လိူင်ၶဵဝ်၊ ၵေႃႇၾီႇ၊ ၼမ်ႉၼဵင်ႈ လႄႈ ၶွင်ၵိၼ်ဢၼ်ၸီႇႁၢင်း၊ ထီႇၵေႃႇၼႃႇ ၵေႃႇၾီႇ လႄႈ တၢင်းၵိၼ်တၢင်းယႅမ်ႉၵမ်ႈၽွင်ႈ။ 850-1,250 ပၢတ်ႉ။ 
• 12 ရီသွတ်ႉ လွႆ သႅၼ်ႇထရႃႇ မႄႈသွတ်ႇ 100 သဵၼ်ႈတၢင်း ဢေးသျႃး - ☏ +66 5553 2601-8 - fax: +66 5553 2600 - ✉ cms@chr.co.th။ 2,000 ပၢတ်ႉ။ 

ၵႂႃႇထႅင်ႈ

တွင်းပၼ်ဝႆႉ၊ တီႈမႄႈသွတ်ႇၼႆႉ မီး တႃႈရူတ်ႉဝၢတ်ႇ သွင်ဢၼ် ၊ ယွၼ်ႉၼၼ်လႄႈ လူဝ်ႇႁႂ်ႈႁူႉၼႄႉၼွၼ်းလီဝႆႉဝႃႈ ရူတ်ႉပၢသ်ႉၸဝ်ႈၵဝ်ႇၼၼ်ႉ တေလုၵ်ႉတီႈ တႃႈရူတ်ႉပၢသ်ႉ ဢၼ်လႂ်သေ ဢွၵ်ႇ ဢၼ်ဝႃႈၼၼ်ႉ။

ႁိမ်းႁွမ်း မႄႈသွတ်ႇ

လွၵ်းလၢႆးတၢင်ႇလၢႆး တွၼ်ႈတႃႇ ဢွၵ်ႇတီႈ မႄႈသွတ်ႇၼႆႉ ပဵၼ်တႃႇပႂ်ႉၶီႇ မီႇၼီႇပၢသ်ႉ ဢၼ်ပွၵ်ႈၶိုၼ်းၸူး တၢၵ်ႇၼၼ်ႉယဝ်ႉ။ မီႇၼီႇပၢသ်ႉ ၸိူဝ်းၼႆႉ လုၵ်ႉတီႈ ၵၢတ်ႇၵဝ်ႇ ဢွၼ်မီးတီႈၼိူဝ် ၶူဝ် ဢၼ်လုၵ်ႉတီႈ ဢွင်ႈလိုဝ်ႈသဝ်း သီၶဵဝ် ၼၼ်ႉသေၵေႃႈ 40 မိတ်ႉၼိတ်ႉၼိုင်ႈပွၵ်ႈ ဢွၵ်ႇပၼ်ယူႇ တိၵ်းတိၵ်းယဝ်ႉ။ ၶၢဝ်းတၢင်း ဢၼ်ၵႂႃႇၸူး တၢၵ်ႇၼႆႉ တေႁိုင် 1½ မူင်းသေ တေတူၵ်းၸူဝ်ႈ 78 ပၢတ်ႉ။

ရူတ်ႉသွင်ထႅဝ်ၵေႃႈ ၵမ်းၵမ်းၵႂႃႇမႃး ၸူး မႄႈသႃႇရဵင်း (ႁွင်ႇ) လႄႈ ဢုမ်းၽၢင် (ၸၢၼ်း)။ ၶဝ်လုၵ်ႉတီႈ ၵၢတ်ႇသေဢွၵ်ႇ ဢမ်ႇၼၼ် ၸဝ်ႈၵဝ်ႇ ၸၢင်ႈႁႄႉသေၶီႇ တီႈ သႅၼ်ႈတႃႈလႆႈယူႇသေတႃႉ ဢၼ်လူဝ်ႇၽၢင်ႉဝႆႉတႄႉ မၼ်းၶဝ်ႇၶဝ်ႇၶွၼ်းၶွၼ်းသေ မၢင်ပွၵ်ႈမၢင်လႂ် မၼ်းတဵမ်သတ်ႉၼႃႇဢႃးလႃး။

တီႈၽၢႆႇဢွၵ်ႇ ဢုမ်းၽၢင် ၼၼ်ႉ မီးဝႆႉ သူၼ်ၸိူဝ်ႉၸၢတ်ႈ ၶလွင်ႈလၢၼ်။ သူၼ်ဢၼ်ၼႆႉတၢင်းၵႂၢင်ႈ မီး 300 ၵီႇလူဝ်ႇမီႇတႃႇပၼ်ႇမူၼ်း ဢိၵ်ႇတၢင်း ဢွင်ႈတီႈသုင်သုတ်း 1440 မီႇတႃႇ ၶုၼ်ၶလွင်ႈလၢၼ်။ တူဝ်သတ်းတႄႉၵေႃႈ မီးဝႆႉ တိုင်၊ မူထိူၼ်ႇ လႄႈ လိင်း ၸိူဝ်းၼႆႉ။ တီႈၼၼ်ႈၼႆႉ မီးဝႆႉ ၼမ်ႉတူၵ်းတၢတ်ႇ လၢႆဢၼ်၊ ၶဝ်ႈပႃး ၼမ်ႉတူၵ်းတၢတ်ႇ ၶလွင်ႈလၢၼ် ဢၼ်လႆလူင်ၸွမ်း ၼႃႈမၢၵ်ႇႁိၼ် တၢင်းသုင် 100 မီႇတႃႇသေ လႆလူင်း ပဵၼ်ၸၼ်ႉပဵၼ်ၸၼ်ႉ။ ၼမ်ႉတူၵ်းတၢတ်ႇ ၶလွင်ႈၼမ်ႉလႆ ၼႆႉ ပဵၼ် တီႈၶိုၵ်ႉၶႅမ်ႉ တႃႇလုၺ်းၼမ်ႉ။

ၽၢႆႇႁွင်ႇ

လိူဝ်သေ သဵꧣ်ႈတႃႈ မႄႈသွတ်ႇ ၸူး မူဝ်ၶျိတ်ႉ (ၵုင်းထဵပ်ႈ)ၼၼ်ႉ ရူတ်ႉပၢသ်ႉ ၼႆႉ ဢွၵ်ႇၶၢဝ်းတၢင်းႁွတ်ႈထိုင်ၵမ်းသိုဝ်ႈ ၸူး ၵဵင်းမႂ်ႇ လႄႈ ၵဵင်းႁၢႆး။ ၶၢဝ်းယၢမ်း ဢၼ်လုၵ်ႉတီႈ မႄႈသွတ်ႇသေဢွၵ်ႇတႄႉ 06:00 လႄႈ 08:00၊ လုၵ်ႉတီႈ တႃႈရူတ်ႉပၢသ်ႉလူင်သေဢွၵ်ႇ။ မႂ်တိုတ်းမၼ်းတႄႉ ၸၢင်ႈသိုဝ်ႉဢဝ်လႆႈတီႈ တႃႈရူတ်ႉ၊ တီႈၼႂ်ဝၼ်းတေဢွၵ်ႇၼၼ်ႉသေ တေတူၵ်းၸူဝ်ႈ 50-350 ဝၢတ်ႇ ဢမ်ႇၼၼ် 350-500 ပၢတ်ႉ၊ ၼၼ်ႉတႄႉၵေႃႈ ဢိင်ၼိူဝ် ထၢၼ်ႈၵၢၼ်ၸွႆႈသၢင်ႈသေ ၵႃႈၶၼ်မၼ်း ဢမ်ႇမိူၼ်ၵၼ်။ ထၢမ်တူၺ်းတီႈ ဢွင်ႈလိုဝ်ႈသဝ်းၸဝ်ႈၵဝ်ႇ တႃႇႁႂ်ႈၶဝ် ၶပ်ႉၶိုင်ပၼ် တုၵ်ႉတုၵ်ႉ ၸဵမ်ၸဝ်ႉ တွၼ်ႈတႃႇၵႂႃႇၸူး တႃႈရူတ်ႉပၢသ်ႉ။ ႁွင်ႈၶၢႆမႂ်တိုတ်းၼႆႉ ပေႃး 05:30 ၼႆ ပိုတ်ႇပၼ်ယဝ်ႉ။ ရူတ်ႉပၢသ်ႉသီၶဵဝ် ဢၼ်လဵၼ်ႈၸူး ၵဵင်းမႂ်ႇၵမ်းသိုဝ်ႈၼၼ်ႉ လႆႈၶၢႆႉ လုမ်းမႂ်တိုတ်းမၼ်းၵႂႃႇၸူးတီႈ ယူင်ႉသၢင်ႈ ဢၼ်မီးတီႈၼိူဝ် သဵၼ်ႈတၢင်းလူင်ဢေးသျႃး ဢၼ်မီးၽၢႆႇတူၵ်း သဵၼ်ႈတၢင်းလူင် 105 ပွတ်းႁွင်ႇၼၼ်ႉယဝ်ႉ။ ၶၢဝ်းယၢမ်းဢွၵ်ႇၶၢဝ်းတၢင်း ၸူး ၵဵင်းမႂ်ႇၼႆႉ တေႁိုင် မွၵ်ႈ 6 ၸူဝ်ႈမူင်းသေ ပေႃးၵႂႃႇၸူး ၵဵင်းႁၢႆးတႄႉ တေႁိုင်ယူႇ 9 ၸူဝ်ႈမူင်း။

မႄႈႁွင်ႈသွၼ် ဢၼ်မီႈ လႅၼ်လိၼ်မျၢၼ်ႇမႃႇၼၼ်ႉၵေႃႈ ပဵၼ်ပၢႆတၢင်းထႅင်ႈဢၼ်ၼိုင်ႈသေ မီးတီႈ ၽၢႆႇႁွင်ႇ မႄႈသွတ်ႇၼၼ်ႉယဝ်ႉ။

ၽၢႆႇၸၢၼ်း

ၵၢၼ်ၸွႆႈသၢင်ႈ ရူတ်ႉပၢသ်ႉ လႅမ်ငွပ်ႈ၊ (ၵူဝ်ၶျၼ်), လႄႈ မုၵ်ႉတႃႁၢၼ် ၼၼ်ႉ မီးဝႆႉၵူႈဝၼ်းယဝ်ႉ။ ၶွမ်ႇပၼီႇ ဢၼ်ပၼ် ၵၢၼ်ၸွႆႈသၢင်ႈ ဢၼ်ၼႆႉတႄႉ ပဵၼ် ၽဵတ်ႉပရသိူတ်ႇ ယဝ်ႉ။ ဢၼ်ပဵၼ် ရူတ်ႉဝၢတ်ႇ လႅမ်ငွပ်ႈ ၼႆႉ ဢွၵ်ႇၶၢဝ်းတၢင်း ၵႂႃႇ ၽၢႆႇၸၢၼ်း ၵႂႃႇၸူး ၵုင်းထဵပ်ႈ၊ မိူဝ်ႈပႆႇၶဝ်ႈဝဵင်းၼၼ်ႉ ငွၵ်းၵႂႃႇၽၢႆႇဢွၵ်ႇသေ လုၵ်ႉတီႈ ၶျုၼ်းပူးရီး လႄႈ ရယွင်း သေၵေႃႈ ဢွၵ်ႇၶၢဝ်းတၢင်းၵႂႃႇၸွမ်း ၽင်ႇပၢင်ႇလၢႆႇယဝ်ႉ။ ၶၢဝ်းယၢမ်းဢွၵ်ႇၶၢဝ်းတၢင်း ဢၼ်လုၵ်ႉတီႈ​ မႄႈသွတ်ႇ ၵႂႃႇၸူး ဢွင်ႈတီႈၾႄႇရီႇဢွၵ်ႇ တွၼ်ႈတႃႇ ၵူဝ်ၶျၼ်ၼၼ်ႉ တေႁိုင်မွၵ်ႈ 16 ၸူဝ်ႈမူင်းသေ ၵႃႈၶၼ်မႂ်တိုတ်းတႄႉ တေတူၵ်းၸူဝ်ႈ 750 ဝၢတ်ႇယဝ်ႉ။ ရူတ်ႉဝၢတ်ႇ မုၵ်ႉတႃႁၢၼ် ၼႆႉ ၵိုတ်းတီႈ တႃႈရူတ်ႉၵူၺ်းသေ ၶဝ်ႈပႃး သုၶူဝ်းထႆး၊ ၽိသၼုလူၵ်ႈ လႄႈ ၶွၼ်ၵႅၼ်ႇ။ ၶွမ်ႇပၼီႇလၢတ်ႈဝႃႈတႄႉ တၢင်းႁိုင်ၶၢဝ်းတၢင်းၼႆႉ မီးယူႇ 12-14 ၸူဝ်ႈမူင်းၼႆႉယဝ်ႉ။

ၽၢႆႇဢွၵ်ႇ

မၼ်းၸိုဝ်ႈလိုဝ်းလင် တွၼ်ႈတႃႇ ဝဵင်းၵဝ်ႇမွၼ်ႇ သုၶူဝ်းထႆး၊ ဢၼ်ပဵၼ် ဢွင်ႈတီႈ ၶူဝ်းပူၺ်ႈလူၵ်ႈၵမ်ႇၽႃႇ ယူႇၼႅတ်ႇသၵူဝ်ႇ ၼၼ်ႉယဝ်ႉ။ လုၵ်ႉတီႈ မႄႈသွတ်ႇသေ ၵႆယၢၼ် မွၵ်ႈ 170 ၵီႇလူဝ်ႇမီႇတႃႇၼၼ်ယဝ်ႉ။ ၸွမ်းၼင်ႇ မိူဝ်ႈ လိူၼ်ၵျုၼ်ႇ 2019 ၼၼ်ႉ ဢမ်ႇပႆႇမီး သဵၼ်ႈတႃႈၵပ်းသိုပ်ႇ ထိုင်ၵမ်းသိုဝ်ႈ ၸူး သုၶူဝ်းထႆး။ ဝႃႈၼၼ်သေတႃႉ ၸဝ်ႈၵဝ်ႇ ၸၢင်ႈဢဝ် မီႇၼီႇဝႅၼ်ႇ ဢမ်ႇၼၼ် မီႇၼီႇပၢသ်ႉ ၵႃႈတီႈ တႃႈရူတ်ႉပၢသ်ႉဢွၼ်ႇ ဢၼ်မီး ၽၢႆႇၸၢၼ်းၵၢတ်ႇၼၼ်ႉ ၵႂႃႇၸူး တၢၵ်ႇ (78 ဝၢတ်ႇ)။ လုၵ်ႉတီႈ တၢၵ်ႇသေ မီးရူတ်ႉပၢသ်ႉ ဢၼ်ၵွင်ႉသိုပ်ႇဝႆႉတင်း သုၶူဝ်းထႆး (58 ဝၢတ်ႇ) ၼၼ်ႉယူႇ။ ၶၢဝ်းတၢင်းတင်းသွင်ဢၼ်ၼႆႉ ပေႃးႁူမ်ႈၵၼ်ၼႆ တေႁိုင်ယူႇမွၵ်ႈ 3 ၸူဝ်ႈမူင်းၼႆႉယဝ်ႉ။

မျၢၼ်ႇမႃႇ

လုၵ်ႉတီႈ ပွတ်းၽၢႆႇ ၵၢတ်ႇမၢၼ်ႈၼၼ်ႉသေ မီးရူတ်ႉသွင်ထႅဝ် ၵႆႉဢွၵ်ႇၵႂႃႇၸူး ၶူဝ်ဢူၺ်းလီၼၼ်ႉယူႇ။ ၵူၼ်းပိုၼ်ႉတီႈၶဝ် တေၸၢင်ႈၸီႉၼႄတၢင်းၸဝ်ႈၵဝ်ႇ ႁႂ်ႈမႅၼ်ႈၽၢႆႇမၼ်းယူႇ။ ရူတ်ႉတႄႉၵေႃႈ ဢွၵ်ႇယူႇတင်းဝၼ်းၼႆသေတႃႉ ပေႃးရူတ်ႉတဵမ် ၸင်ႇၵႆႈဢွၵ်ႇ၊ ယွၼ်ၼၼ်ႉလႄႈ ၶၢဝ်းယၢမ်း ဢၼ်လႆႈပႂ်ႉတႄႉ တေၸၢင်ႈႁိုင်ယူႇ ၼိုင်ႈၸူဝ်ႈမူင်း မွၵ်ႈၼႆႉယဝ်ႉ။ ဢၼ်လီၵႂႃႇတႄႉၵေႃႈ ပဵၼ်ၵၢင်ၼႂ်တဵမ်ၸဝ်ႉ ၽွင်း ၵူၼ်းပိုၼ်ႉတီႈၶဝ်ၵႂႃႇၼၼ်ႉယဝ်ႉ။ ၼိုင်ႈၵေႃႉ တေလႆႈပၼ် 20 ဝၢတ်ႇ သေ ၵူၼ်းတႄႉ တေသတ်ႉတဵမ်ဝႆႉ။ ထႅၵ်ႇၸီႇရူတ်ႉၶိူင်တႄႉ တေတူၵ်းၸူဝ်ႈ 60 ဝၢတ်ႇ။

ဢၼ်လူဝ်ႇၽၢင်ႉဝႆႉတႄႉ တီႈၽၢႆႇမျၢၼ်ႇမႃႇၼၼ်ႉ ဢမ်ႇမီး ဝီႇသႃႇႁွတ်ႈၽႅဝ်၊ ယွၼ်ႉၼၼ်လႄႈ ၸဝ်ႈၵဝ်ႇလူဝ်ႇလႆႈဢဝ်ဝီႇသႃႇဝႆႉထႃႈဢွၼ်တၢင်း။ တီႈလႅၼ်လိၼ်ၼၼ်ႉ ႁပ်ႉပၼ် ဢီးဝီႇသႃႇယူႇ။ ဝၢႆးသေ လတ်းၶၢမ်ႈ ၵႃႇသတမ်ႇ တီႈ ၽၢႆႇထႆးယဝ်ႉ ၸဝ်ႈၵဝ်ႇ တေၸၢင်ႈပႆတၢင်းၶၢမ်ႈၶူဝ်ၵႂႃႇ (10-15 မိတ်ႉၼိတ်ႉ) သေၵေႃႈ ပႆၶဝ်ႈၵႂႃႇၸူး ၵႃႇသတမ်ႇ ၽၢႆႇမျၢၼ်ႇမႃႇ။ တီႈလုမ်းၵႃႇသတမ်ႇ တင်ႈသွင်ၽၢႆႇၼၼ်ႉ မီးသုမ်ႉတွၼ်ႈတႃႇ ၵူၼ်းၼွၵ်ႈမိူင်း၊ ဢၼ်ႁဵတ်းၵၢၼ်ပၼ် ၽႂ်းၽႂ်း။ လုၵ်ႉဢဝ် မျႃႉဝတီႇ သေၵေႃႈ ၸၢင်ႈဢဝ် ၵၢၼ်တေႃႉသူင်ႇ ၵႂႃႇၸူးလႆႈ တီႈၼႂ်းမျၢၼ်ႇမႃႇ ၽႃဢၢင်ႇ လႄႈ မေႃႇလမႅင်ႇ လႆႈ ငၢႆႈငၢႆႈ၊ ၵမ်ႉၼမ်တႄႉ ပေႃးၵၢင်ၼႂ်ၸဝ်ႉ ၶၢဝ်း 06:00 မိူဝ်ႈလႅၼ်လိၼ်ပႆႇပိုတ်ႇၼၼ်ႉ တိူဝ်းငၢႆႈငႅမ်ႈ တွၼ်ႈတႃႇ ၵူၼ်းထႆးသေ မိူဝ်ႈပႆႇလတ်းၶၢမ်ႈမိူင်းၼၼ်ႉ ယႃႇပေလိုမ်း တွၼ်ႈတႃႇဢဝ် ဝီႇသႃႇ တႃႇၶိုၼ်းၶဝ်ႈၸူးမိူင်းထႆး။