ပတဵင်ႇ (မၢၼ်ႈ ပုသိမ်မြို့) ၼႆႉ ပဵၼ်ဝဵင်း ဝဵင်းၼိုင်ႈ (ႁူဝ်ၼပ်ႉၵူၼ်း 315,600 မိူဝ်ႈပီ 2004) လႄႈ ပဵၼ် ဝဵင်းငဝ်ႈၸိုင်ႈ ၸႄႈတိူင်းဢေႇယႃႇဝတီႇ တီႈ မျၢၼ်ႇမႃႇယဝ်ႉ။

လီႁူႉဝႆႉ

သဵၼ်ႈတၢင်း တီႈ ပတဵင်ႇ

မီးဝႆႉတီႈ ၽင်ႇၽၢႆႇဢွၵ်ႇ ၶွင် ၵုၼ်ပၢၵ်ႇၼမ်ႉ ၼမ်ႉၵဵဝ်၊ တီႈ ၼိူဝ် ၼမ်ႉပတဵင်ႇ (ငဝုၼ်ႇ) ဢၼ်မီးၽၢႆႇတူၵ်း တႃႈၵုင်ႈ ယၢၼ် 190 ၵီႇလူဝ်ႇမီႇတႃႇ၊ ပတဵင်ႇၼႆႉ ႁူမ်ႈဝႃႈ မၼ်းၵႆၵၼ်တင်း ပၢင်လၢႆႇသေတႃႉ ၸၢင်ႈၵပ်းသိုပ်ႇလႆႈတင်း ႁိူဝ်းသၢင်းၽေႃးလူင်လႄႈ ပေႃးၽၢႆႇၼွၵ်ႈတႃႈၵုင်ႈၼႆ မၼ်းၼႆႉပဵၼ် ႁူးၵုၼ်းပၢၵ်ႇၼမ်ႉ ဢၼ်လမ်ႇလွင်ႈဝႆႉယဝ်ႉ။ မၼ်းၼႆႉ ပဵၼ်တီႈ သၢႆတၢင်းရူတ်ႉလဵၼ်းသုတ်းယဝ်ႉ။ ဝဵင်းၼႆႉ မၼ်းပဵၼ်ငဝ်းငုၼ်း ဢၼ်တၢင်ႇ ၶဝ်ႈသၢၼ် ဢွၵ်ႇၼွၵ်ႈမိူင်းယဝ်ႉ။ ၸိုဝ်ႈဝဵင်းၼႆႉ တေဢၢပ်ႈလုၵ်ႉတီႈ ပတီႇ (ဢၼ်ၵႂၢမ်းမၢၼ်ႈႁွင်ႉ "မူႇသလိမ်ႇ")၊ ယွၼ်ႉပိူဝ်ႈႃႈ ၵူၼ်းၵႃႉ ဢႃႇရၢပ်ႉ လႄႈ ဢိၼ်းတီးယႃး ၼႆႉ မီးဝႆႉတင်းၼမ်။ ပၢၼ်ၶူဝ်ႇလူဝ်ႇၼီႇဢိင်းၵလဵတ်ႈမႃး ၸိုဝ်ႈၼၼ်ႉ လႆႈလုၵႂႃႇသေ ပဵၼ်မႃး ပသဵင်ႇ (ဢိင်းၵလဵတ်ႈ Bassein) ၼႆယဝ်ႉ။ ဝၢႆးသေ ပၢင်သိုၵ်း ဢိင်းၵလဵတ်ႈ-မၢၼ်ႈ ပွၵ်ႈၵမ်းၼိုင်ႈယဝ်ႉသေ ၼႂ်းပီ 1826 ၼၼ်ႉ ဢိင်းၵလဵတ်ႈၶဝ် လႆႈၵေႃႇသၢင်ႈ တပ်ႉ လႄႈ တပ်ႉပႂ်ႉဝဵင်းမႃးယဝ်ႉ။ ယၢမ်းလဵဝ်တႄႉ ပတဵင်ႇၼႆႉ ပဵၼ်ဝဵင်းဢၼ်ၵတ်းယဵၼ်လီ ဢၼ်မီး တီႈၽင်ႇၼမ်ႉ၊ ဢၼ်မီးၵျွင်းၽြႃးပုတ်ႉထတင်းၼမ်၊ လႄႈ မီးႁူင်းၵၢၼ် ၸွင်ႈပတဵင်ႇ။ ၸွင်ႈၵူႈသီသီ ဢၼ်ဢဝ်မိုဝ်းႁဵတ်း တီႈပတဵင်ႇၼႆႉ ၸိုဝ်ႈလိုဝ်းလင် တီႈမျၢၼ်ႇမႃႇယဝ်ႉ။ ယွၼ်ႉလႆႈပဵၼ် ပွတ်းတွၼ်ႈဢၼ်ၼိုင်ႈ ၶွင် မိူင်းႁေႃၶမ်းမွၼ်းမႃးလႄႈ တီႈပတဵင်ႇၼႆႉ တေလႆႈႁၼ်ၸၢဝ်းၶိူဝ်းမွၼ်း ယူႇသဝ်းဝႆႉယူႇၵမ်ႇၽွင်ႈ။ တီႈၼၼ်ႈၼၼ်ႉ ၸိူဝ်းပဵၼ် ၵူၼ်းၶိူဝ်းယၢင်း လႄႈ ၵူၼ်းၶိူဝ်းရၶႅင်ႇၶဝ်ၵေႃႈ တေလႆႈႁၼ်မီးဝႆႉၼင်ႇ ၵူၼ်းယူႇဢေႇ တီႈၼၼ်ႈယဝ်ႉ။

ၵႂႃႇၸူး

ၵႂႃႇၸွမ်း ႁိူဝ်းမိၼ်

• 1 တႃႈႁိူဝ်းမိၼ် ပတဵင်ႇ (BSX  ^IATA)။ မီးသၢႆၵၢၼ်မိၼ် Myanmar National Airlines ဢၼ်လုၵ်ႉတီႈ တၢၼ်ႇတွႆး လႄႈ တႃႈၵုင်ႈ မႃး  

ၵႂႃႇၸွမ်း ရူတ်ႉပၢသ်ႉ

ရူတ်ႉပိၵ်ႉၵပ်ႉ လႄႈ ရူတ်ႉပၢသ်ႉဢွၼ်ႇ ၵမ်ႉၼမ်ၼႆႉ ၵႂႃႇဝၢင်းၵူၼ်း တီႈႁိမ်း 1 တႃႈရူတ်ႉၵႃးဝဵင်းလူင် ဢၼ်ၸဝ်ႈၵဝ်ႇ တေၸၢင်ႈသိုပ်ႇၶၢဝ်းတၢင်းၵႂႃႇထႅင်ႈ၊ မိူင်ၼင်ႇ ၽၢႆႇႁွင်ႇ ဢမ်ႇၼၼ် ၵႂႃႇၸူးၽၢႆႇၽင်ႇပၢႆႇလၢႆႇ။ သင်ၸိူဝ်ႉဝႃႈ ၸဝ်ႈၵဝ်ႇ ဢမ်ႇၶႂ်ႈလိုဝ်ႈသဝ်းတီႈ ပတဵင်ႇၼႆ ဢဝ် ရူတ်ႉၶိူင်ႈ (2,000 ၵျၢပ်ႈ) ဢမ်ႇၼၼ် ၶီႇရူတ်ႉပိၵ်ႉၵပ်ႉ (1,000 ၵျၢပ်ႈ)သေ ဢွၵ်ႇၵႂႃႇၼွၵ်ႈဝဵင်းၼႆ တေၽႅဝ်ထိုင် 2 တႃႈရူတ်ႉလႅၼ်ႈတီႈၵႆ ဢၼ်တိူဝ်းယႂ်ႇ၊ လုၵ်ႉတီႈၼၼ်ႈသေ ၸဝ်ႈၵဝ်ႇ တေၸၢင်ႈ သိုပ်ႇၶၢဝ်းတၢင်းၵႂႃႇ။ တေႃႈမိူၼ်ၼၼ် သင်ၸိူဝ်ႉဝႃႈ ၸဝ်ႈၵဝ်ႇ ထုၵ်ႇမႃးဝၢင်းတီႈ တႃႈရူတ်ႉလႅၼ်ႈတီႈၵႆၼႆၵေႃႈ ဢဝ်ရူတ်ႉၶိူင်ႈ ဢမ်ႇၼၼ် ပိၵ်ႉၵပ်ႉသေ ၵႂႃႇၸူးတီႈၼႂ်း ဝဵင်းလူင်လႄႈ။

• တႃႈၵုင်ႈ–တီႈၼၼ်ႈၼႆႉ မီးၵၢၼ်ၸွႆႈသၢင်ႈရူတ်ႉပၢသ်ႉ တီႈ တႃႈရူတ်ႉလဵၼ်ႈတီႈၵႆ တၵူင်ႈဢေႇယႃႇ ဢၼ်မီးယၢၼ်ၵႆ တီႈ ၸဵင်ႇႁွင်ႇဝၼ်းတူၵ်း တႃႈၵုင်ႈၼၼ်ႉယဝ်ႉ။ ၶၢဝ်းတၢင်းၼႆႉ တေႁိုင်မွၵ်ႈ 5 ၸူဝ်ႈမူင်း၊ ၶဝ်ႈပႃး ၶၢဝ်းယၢမ်းလိုဝ်ႈၵိၼ်ၶဝ်ႈမုၼ်းၼမ်ႉၼဵင်ႈ တႃႇ 30-တႃ။ ၵႃႈၶၼ်မႂ်တိုတ်းတႃႇ ၵူၼ်းၼိုင်ႈၵေႃႉၼႆႉ တေတူၵ်းၸူဝ်ႈ မွၵ်ႈ 3,700 ၵျၢပ်ႈ။ မႂ်ႇတိုတ်း ဢၼ်တႃႇၵႂႃႇပတဵင်ႇၼႆႉ ၵႃႈၶၼ်မၼ်းသၢင်ႇထုၵ်ႇသေ လုၵ်ႉတီႈၼၼ်ႈသေ ပေႃးၸဝ်ႈၵဝ်ႇ ၶႂ်ႈသိုပ်ႇၵႂႃႇထႅင်ႈၼႆ ၸၢင်ႈၵႂႃႇလႆႈ ၶျွင်းတႃႇ ဢမ်ႇၼၼ် ငူၺ်ႇသွင်ႇ။ ၶီႇတူၺ်း ၶွမ်ႇပၼီႇပၢသ်ႉ သူၺ်ႇမိင်ႇၵလႃႇလႄႈ။
• ၶျွင်းတႃႇ လႄႈ ငူၺ်ႇသွင်ႇ – တႃႇၵႂႃႇတီႈၼၼ်ႈၼႆႉ တီႈပတဵင်ႇမီးရူတ်ႉပၢသ်ႉယူဝ်းယူဝ်း လႄႈ ရူတ်ႉပိၵ်ႉၵပ်ႉယူႇ။ ၶၢဝ်းတၢင်းႁိုင် မွၵ်ႈ 1½-2 ၸူဝ်ႈမူင်းသေ တေလႆႈပၼ် မွၵ်ႈ 3,500 ၵျၢပ်ႈ။ ပေႃးပဵၼ် ထႅၵ်ႇၸီႇသုၼ်ႇတူဝ်တႄႉ တေတူၵ်းၸူဝ်ႈမွၵ်ႈ 30,000 ၵျၢပ်ႈၼႆႉ။
• ငပလီႇ – ၸဝ်ႈၵဝ်ႇတေၸၢင်ႈၶီႇပၢသ်ႉ ၵႃႈတီႈ တႃႈရူတ်ႉပၢသ်ႉ တၢၼ်ႇတွႆး ၵႂႃႇ တႃႈၵုင်ႈ သေ ဢွၵ်ႇၵႂႃႇတီႈ ငတၢႆးၶျွင်း ဢၼ်မီးၶူဝ်ယႂ်ႇယႂ်ႇ၊ လုၵ်ႉတီႈၼၼ်ႉ ၶိုၼ်းၶီႇပၢသ်ႉ ဢမ်ႇၼၼ် ပိၵ်ႉၵပ်ႉသေၵေႃႈ ၵႂႃႇၸူးပတဵင်ႇ။ ဢၼ်ပဵၼ်ၶၢဝ်းတၢင်း ငတၢႆးၶျွင်း တေႃႇ ပတဵင်ႇၼႆႉ တၢင်းႁိုင် တေမီးမွၵ်ႈ 3 ၸူဝ်ႈမူင်းသေ ပေႃးပဵၼ် ရူတ်ႉပၢသ်ႉ ဢၼ်ဢမ်ႇပႃး ၸၢၵ်ႈလူမ်းၵတ်းၼၼ်ႉတႄႉ တေလႆႈပၼ် 1,500 ၵျၢပ်ႈ။ ႁူမ်ႈဝႃႈၼၼ်သေတႃႈ ၶၢဝ်းတၢင်း ငပလီႇ တေႃႇ ငတၢႆးၶျွင်းၼႆႉ တေၸၢင်ႈႁိုင်ႈထိုင် 8 ၸူဝ်ႈမူင်း၊ ယွၼ်ႉၼၼ်ႉ ဢွၵ်ႇတဵမ်ၸဝ်ႉၼႆႉ တိုၵ်ႉထုၵ်ႇဢဝ်ယဝ်ႉ။
• ပျီႇ – ရူတ်ႉပၢသ်ႉ ဢွၵ်ႇ ၶၢဝ်း 06:30 သေ တၢင်းႁိုင် 10 ၸူဝ်ႈမူင်း တေတူၵ်းၸူဝ်ႈ 6-10,000 ၵျၢပ်ႈ။

ၵႂႃႇၸွမ်း ရူတ်ႉလဵၼ်း

ရူတ်ႉလဵၼ်း ဢၼ်ၵႂႃႇပတဵင်ႇၼႆႉ လုၵ်ႉတီႈ 1 ၵျၢၼ်ႇၶိၼ်း (တင်းပျီႇသေ ယၢၼ်ႇၵၼ် 100 ၵီႇလူဝ်ႇမီႇတႃႇ) ဢမ်ႇၼၼ် လုၵ်ႉတီႈ ႁိၼ်းတတႃႉ သေဢွၵ်ႇ။ ပေႃးတေလုၵ်ႉတီႈ ပျီႇသေမႃး ဢွၼ်တၢင်းသုတ်း ၸဝ်ႈၵဝ်ႇ လူဝ်ႇလႆႈၸႂ်ႉ ၵၢၼ်တေႃႉသူင်ႇပိုၼ်ႉတီႈ ဢမ်ႇၼၼ် ၶီႇႁိူဝ်းၵႂႃႇၸူး ဝဵင်းသွင်ဝဵင်းၼၼ်ႉသေဝဵင်းဝဵင်းယဝ်ႉ။

ၵႂႃႇၸွမ်းႁိူဝ်း

ယွၼ်ႉပိူဝ်ႈ တၢင်းရူတ်ႉလီမႃးလႄႈ ၵၢၼ်ၸွႆႈသၢင်ႈ သၢႆတၢင်းၼမ်ႉ ဢၼ်လုၵ်ႉတီႈ တႃႈၵုင်ႈမႃး ပတဵင်ႇၼၼ်ႉတႄႉ ဢမ်ႇမီးယဝ်ႉ။

ၸွၼ်ႇ

ယွၼ်ႉပိူဝ်ႈဝႃႈ ဝဵင်းၼႆႉ ဢမ်ႇပေႃးယႂ်ႇႁႅင်းလႄႈ ၸဝ်ႈၵဝ်ႇ ၸၢင်ႈပႆတိၼ်သေၵေႃႈ ၸွၼ်ႇတူၺ်းလႆႈယူႇ။ ရူတ်ႉၶိူင်ႈထႅၵ်ႇၸီႇၸိူဝ်းၼႆႉၵေႃႈ ၸၢင်ႈႁွင်ႉလႆႈသေ တွၼ်ႈတႃႇ သၢႆတၢင်းၵႂႃႇမႃးၼိုင်ႈတီႈၼႆႉတႄႉ တေမီးယူႇ 1,000 ၵျၢပ်ႈ။ ဢၼ်ပဵၼ် ၾႄႇရီႇပိုၼ်ႉတီႈၼႆႉ တေၸၢင်ႈသူင်ႇၸဝ်ႈၵဝ်ႇၵႂႃႇ ဝၢၼ်ႈယၢင်း ဢၼ်မီးၽၢႆႇပုၼ်ႉၼမ်ႉၼၼ်ႉယူႇ။

တူၺ်း

• 1 ၵွင်းမူးသူၺ်ႇမူၵ်ႉထေႃး။ ဢၼ်လီလူလီတူၺ်းတီႈ ပတဵင်ႇၼႆႉ ပဵၼ် ၵျွင်းၽြႃးပုတ်ႉထ ဢၼ်ၼႆႉ ၶုၼ်ႁေႃၶမ်း ဢႃႇသေႃးၵ မိူင်းဢိၼ်းတီးယႃး လႆႈတႄႇမႃး မိူဝ်ႈပီ 305 BCE (ၸွမ်းလူၺ်ႈ သိူၵ်ႈပိုၼ်းပိုၼ်ႉတီႈ)ယဝ်ႉ။ မိူဝ်ႈပီ 1115 CE ၼၼ်ႉ ၶုၼ်ႁေႃၶမ်းမိူင်းပူးၵမ်ႇ ဢလွင်းၸီႇတူၺ်ႇ လႆႈၶိုၼ်းမႄးၵုမ်းတၢင်းသုင်မၼ်းထႅင်ႈ 11 မီႇတႃႇ သေ ၶုၼ်ႁေႃၶမ်းသမူၵ်ႉတၵေႃးသ လႆႈၶိုၼ်းၵုမ်းတၢင်းသုင် ထိုင် 40 မီႇတႃႇထႅင်ႈ ၼႂ်းပီ 1263 ၼၼ်ႉယဝ်ႉ။ ယၢမ်းလဵဝ် ၵွင်းမူးၼႆႉ တၢင်းသုင်မၼ်းမီး 46.6 မီႇတႃႇယဝ်ႉ၊ တီႈထီးမၼ်းၼႆႉ ပဵၼ်သႅင်၊ ပဵၼ်ငိၼ်း ပဵၼ်ၶမ်းသေ ဢမ်ႇၵႃး ဢဝ်ၸိင်ႇ 829 လုၵ်ႈ၊ သႅင်လႅင် 843 လုၵ်ႈလႄႈ သႅင် 1,588 လုၵ်ႈသေ သႂ်ႇလူႇပူႇၸေႃႇဝႆႉယဝ်ႉ။ 
• 2 ၵျွင်းၽြႃးၶရိတ်ႉယၢၼ်ႇ သဵင်ႉပီႇတႃႇ (St. Peters Cathedral) သဵၼ်ႈတၢင်း မႅၵ်ႉဝႄးလ်။ 06:00-18:00။ ၵျွင်းၽြႃးၶရိတ်ႉယၢၼ်ႇၼႆႉ လႆႈသၢင်ႈမႃး မိူဝ်ႈပီ 1872 သေ ပဵၼ်ဢွင်ႈတီႈ ၵၢၼ်သွၼ်ပၢႆးပႆႇၺႃႇ ၶႅတ်ႉတလိၵ်ႉယဝ်ႉ။ ဢမ်ႇလႆႈပၼ်ၵႃႈမၼ်း။ 
• 3 တႃႈၼမ်ႉ။ ၵႂႃႇတီႈတႃႈၼမ်ႉသေ တူၺ်းၵူၼ်းဢွၵ်ႇၶၢဝ်းတၢင်းၼမ်ႉ ၸိူဝ်းၶိုၼ်ႈၸိူဝ်းလူင်း တီႈၼိူဝ် ၸိူဝ်းပဵၼ် ႁိူဝ်းတၢင်ႇၵူၼ်း ဢၼ်မီးတီႈ တႃႈၾႄႇရီႇၼၼ်ႉ။ ယူင်ႉသၢင်ႈၵိုၵ်းပိုၼ်းတီႈဝဵင်းၼႆႉၵေႃႈ မီးဝႆႉ ၸွမ်းၽင်ႇၼမ်ႉၼႆႉယဝ်ႉ။ 

ၸွင်ႈပတဵင်ႇ

• တီႈၼၼ်ႈၼႆႉ မီးဝႆႉ ဢွင်ႈႁဵတ်းၵၢၼ်ဢွၼ်ႇ ဢၼ်ႁဵတ်ႈဢွၵ်ႇ ၸွင်ႈပတဵင်ႇ ပဵၼ်လၢႆတီႈ၊ ၼႃႈၵၢၼ်ဢၼ်ၼႆႉ ႁဵတ်းမႃး မီး 200 ပီလိူဝ်ယဝ်ႉ။ ဢၼ်ပဵၼ် သီ လႄႈ မွၵ်ႇမႆ တီႈၸွင်ႈၸိူဝ်းၼႆႉ ဢဝ်မိုဝ်းသေ ၸၼ်ဢဝ်ၵူၺ်းသေ ၵႃႈၶၼ်မၼ်းၵေႃႈ ဢမ်ႇၵႃႈၶၼ်ယႂ်ႇ။ တွၼ်ႈတႃႇ ၸွင်ႈၼၼ်ႉ တေၶၢမ်ႇၼမ်ႉၽူၼ်ႉယမ်းလႆႈၼႆႉ တေလႆႈ တၢၵ်ႇလႅတ်ႇ ႁႂ်ႈႁႅင်ႈလၢႆဝၼ်းယဝ်ႉ။ ယွၼ်ႉၼၼ်လႄႈ ပေႃးၶၢဝ်းၽူၼ်ၼႆ ၸွင်ႈၸိူဝ်းၼႆႉ တေလႆႈႁၼ်ႁၢမ်ႉဢေႇ ၵူၺ်းၵႃႈ ၶဝ်တေၼႄၸဝ်ႈၵဝ်ႇ တီႈလၢၼ်ႉမၼ်းယူႇ။
• ႁွင်ႈၼႄၽိင်ႈငႄႈ ၵုၼ်တီႈႁိမ်းၽင်ႇၼမ်ႉ ဢေႇရႃႇဝတီႇ သဵၼ်ႈတၢင်း မႁႃႇပၼ်ႇတုလ (ပေႃးၵႂႃႇတႃႈၼမ်ႉ မီးၽၢႆႇသၢႆႉမိုဝ်း)။ 10:00-16:30။ ပဵၼ်ႁွင်ႈၼႄဢွၼ်ႇ သေ ၼႄဝႆႉ ၸိူဝ်းပဵၼ် ၵၢၼ်မေႃမိုဝ်း ဢၼ်ႁဵတ်းတီႈၼႂ်း ထုင်ႉၼႆႉယဝ်ႉ။ ပေႃးပဵၼ် ၵူၼ်းၼွၵ်ႈမိူင်း 2,000 ၵျၢပ်ႈ၊ ပေႃးပဵၼ် ၵူၼ်းယိပ်း ၶႅပ်း FRC ၼႆ 200 ၵျၢပ်ႈ။ 

ႁဵတ်း

• 1 မျွင်းမျႃႉ (ရူတ်ႉပၢသ်ႉ ဢၼ်ဢွၵ်ႇတီႈပတဵင်ႇၼႆႉ လုၵ်ႉတီႈ တေႃႇၼႃႈႁူင်းၶႄႇၽႆး ဢၼ်ယၢၼ်ၶိုင်ႈလွၵ်းတင်း မႄႈၼမ်ႉၼၼ်ႉသေ ဢွၵ်ႇ)။ ရူတ်ႉပၢသ်ႉၼႆႉ ဝႃႈတႄႉ တေဢွၵ်ႇ 06:30 ၼႆသေတႃႉ 09:30 ၸင်ႇတေဢွၵ်ယဝ်ႉ။ သိုဝ်ႉမႂ်တိုတ်း မိူဝ်ႈရူတ်ႉပႆႇဢွၵ်ႇ လူင်ႈၼႃႈ မွၵ်ႈ 30 တႃၼၼ်ႉ။ ၶၢဝ်းတၢင်းၼႆႉ တေႁိုင် သွင်ၸူဝ်မူင်း။ ရူတ်ႉပၢသ်ႉ ဢၼ်ၶိုၼ်းပွၵ်ႈတႄႉ ဢွၵ်ႇ 15:00 ၊ သိုဝ်ႉမႂ်တိုတ်းဝႆႉ ၸဝ်ႉၸဝ်ႉၸဵဝ်းၸဵဝ်း၊ ပေႃးဢမ်ႇၼၼ်တႄႉ တေၺႃးတင်ႇၼင်ႈယၢင် ဢၼ်တမ်းတီႈၼႂ်းၵၢင်တၢင်း တီႈပႆၼၼ်ႉ။။ ၶၢဝ်းတၢင်းမျွင်းမျႃႉၼႆႉ ၵႂႃႇဝၼ်းမႃးဝၼ်းလႆႈ၊ ၵူၼ်းၵိုၼ်း၊ ဝဵင်းဢၼ်မီးမႄႈၼမ်ႉသႅၼ်ႈသႂ်၊ မီးၵွင်းမူး ဢၼ်မုင်ႈတူၺ်းလႆႈ မႄႈၼမ်ႉ။ တီႈဝဵင်းၼႆႉ မီးပႃး ၵျွင်းၽြႃးၶရိတ်ႉယၢၼ်ႇ လႄႈ ၵျွင်းပလီႇ။ ၸဝ်ႈၵဝ်ႇ တေၸၢင်ႈဢဝ် ထႅၵ်ႇၸီႇရူတ်ႉၶိူင်ႈသေၵႂႃႇလႆႈယူႇ။ တႃႇၵႂႃႇ သၢႆတၢင်းၼိုင်ႈၽၢႆႇၼႆႉ တေတူၵ်းၸူဝ်ႈ 7,000 ၵျၢပ်ႈ။ 

သိုဝ်ႉ

• 1 ယေးငိုၼ်း ၸီႇပီႇ (CB Bank) ၸဵင်ႇ သဵၼ်ႈတၢင်းၵၢတ်ႇလႄႈ သဵၼ်ႈတၢင်းၽြႃး (တီႈပွၵ်ႉၵၢၼ်ပၢႆးမၢၵ်ႈမီး၊ မီးပွၵ်ႉလဵဝ်ၵၼ်တင်း ႁူင်းႁႅမ်းထူဝ်းရိတ်ႉတင်းသဵင်ႈ)။ ယေးငိုၼ်းၸီႇပီႇ ဢၼ်ယႂ်ႇၼၼ်ႉ လႅၵ်ႈပၼ်ငိုၼ်း တႄႇဢဝ် ဝၼ်းၸၼ်တေႃႇ ဝၼ်းသုၵ်း ၶၢဝ်းယၢဝ်း 09:00 တေႃႇ 15:00 သေ မၼ်းမီးပၢႆး ၸၢၵ်ႈထွၼ်ငိုၼ်း ဢေႇထီႇဢႅမ်ႇ။ ၵၢၼ်ၸွႆႈသၢင်ႈ ၶႅပ်းၶရႅတ်ႉတိတ်ႉတႄႉ တေဢမ်ႇၸႂ်ႉလႆႈ၊ ယွၼ်ႉၼၼ်လႄႈ ထၢမ်ႁူင်းႁႅမ်းၸဝ်ႈၵဝ်ႇ ဝႃႈ ၶၢဝ်းလႂ်တေပဵၼ်ၶၢဝ်းယၢမ်းလီ တွၼ်ႈတႃႇၵႂႃႇ။ 
• 2 ၵၢတ်ႇလူင်။ ဝၼ်းၸၼ် တေႃႇ ဝၼ်းသဝ်။ ပဵၼ်ၵၢတ်ႇ မဵဝ်းလႆႈႁၼ်တီႈ ဝဵင်းဢွၼ်ႇ တီႈမျၢၼ်ႇမႃႇ။ ၸဝ်ႈၵဝ်ႇ တေၸၢင်ႈသိုဝ်ႉလႆႈ တၢင်းၵိၼ်တၢင်းယႅမ်ႉ၊ ၽႅၼ်ႇမၼ် လႄႈ ၽႃႈမႆၽႃႈၸွင်ႇ ၸၵႂႃႇၸိူဝ်းၼႆႉ 
• သူၺ်ႇသႃႇ 653 သဵၼ်ႈတၢင်းၵျွင်းတေႃးယ - ✉ moemoe@carefreight.com.mm။ ပဵၼ်ဢွင်ႈတီႈလီ တွၼ်ႈတႃႇ သိုဝ်ႉၸွင်ႈ ဢၼ်ဢဝ်မိုဝ်းႁဵတ်း။ ၸွင်ႈဢၼ်လူင်ႇလဵၵ်ႉၼႆႉ ၵႃႈၶၼ်မၼ်းမီး 8,000 ၵျၢပ်ႈသေ ပေႃးပဵၼ် သႅၼ်းၵၢင်တႄႉ တေလႆႈပၼ်ယူႇ 20,000 ၵျၢပ်ႈ။ ပေႃးၸဝ်ႈၵဝ်ႇ သဵတ်ႈတႄႉၵေႃႈ တေယွမ်းပၼ်ယူႇ 1,000 ၵျၢပ်ႈ။ ပေႃးၸဝ်ႈပႆၵႂႃႇၸူး ဢွင်ႈတီႈႁဵတ်းၵၢၼ်တၢင်ႇဢၼ်ၼႆၸိုင် ၶၼ်မၼ်းတေတိူဝ်းယွမ်းပၼ်ယဝ်ႉ။ 

ၵိၼ်

• 1 ၽၵ်းမၢၼ်ႈ ၼိၼ်းဝူၺ်ႇလႂိၼ်ႇ။ ၵိၼ်ၸၢမ်းတူၺ်း တၢင်းၵိၼ်မၢၼ်ႈ မဵဝ်းဢမ်ႇမိူၼ်ႈပိူၼ်ႈၼၼ်ႉလႄႈ။ 
• 2 ၵၢတ်ႇၵၢင်ၶမ်ႈ (Ayeyarwady)။ 17:00 - 22:00။ ပေႃးဝႃႈ လႅတ်ႇၶဝ်ႈၵႂႃႇယဝ်ႉၼႆၵေႃႈ ၵၢတ်ႇၵၢင်ၶမ်ႈ ဢွၵ်ႇမႃးယဝ်ႉ။ ယိပ်းၶဝ်ႈမုၼ်း သေ တူၺ်းၵူၼ်း။ ႁၢၼ်ႉတၢင်းၵိၼ်ၸိူဝ်းၼႆႉ မီးၸွမ်းၽင်ႇၼမ်ႉ၊ တီႈၸွမ်းတၢင်းၼၼ်ႉၵေႃႈ မီးၵူၼ်းၶၢႆတၢင်းၶၢႆ ဢၼ်ထွင်းလေႃႉသေ ၶၢႆ ဢၼ်ပိင်ႈ တီႈၼႂ်း ဢွင်ႈတီႈ ႁူင်းႁႅမ်း။ 
• 3 မီးမီးလေး (မီးႁိမ်းၶၢင်ႈ ဢွင်ႈလိုဝ်ႈသဝ်း တၢၼ်းတၢၼ်းတ)။ မီးတၢင်းၵိၼ်ၵၢင်ၼႂ် ဢၼ်သၢင်ႇထုၵ်ႇ သေ ဢၼ်ဢိုၵ်ႉဢွၵ်ႉ ဢၼ်ၶိုၵ်ႉၶႅမ်ႉ။ 
• 4 လၢၼ်ႉတၢင်းၵိၼ် သူႇပႃႇၶူး (ဢၼ်ပဵၼ် ၵူဝ်ႇဢေႃးတိၼဵတ်ႉ GPS ၼၼ်ႉ တေၸၢင်ႈၽိတ်းပိူင်ႈဝႆႉ၊ ထၢမ်ၵူၼ်းတီႈၶဝ်လႄႈ)။ ၸိုဝ်ႈသဵင်ယႂ်ႇၸွမ်း ပီႇယႃႇ လႄႈ သိၵ်ႈၶူဝ်လႆ။ 2-3,500 ၵျၢပ်ႈ။ 

ဢွၵ်ႉ

• ပီႇယႃႇၷႃးတႅၼ်း ဢိၵ်ႇတင်း တၢင်းၵိၼ်တင်းယႅမ်ႉ 2,000-4,000 ၵျၢပ်ႈ၊ မုင်ႈတူၺ်း မႄႈၼမ်ႉ။
• လၢၼ်ႉၼမ်ႉၼဵင်ႈတႄႉ မီးၵႂႃႇၵူႈတီႈ ႁႃလႆႈငၢႆႈငၢႆႈ။ ၼမ်ႉၼဵင်ႈၼိုင်ႈၵွၵ်း 300 ၵျၢပ်ႈ၊ ၶဝ်ႈသွႆးၵူဝ်ႈ ၼိုင်ႈဝၢၼ်ႇ 800 ၵျၢပ်ႈ။

• လၢၼ်ႉၼမ်ႉၼဵင်ႇ လႄႈ ၵေႃႇၾီႇ ၼိဝ်းသီးတီး (မီးတီႈ ၽၢႆႇၸၢၼ်း လႄႈ ႁိမ်းၶၢင်ႈ ႁူင်းႁႅမ်း ၸိူဝ်းမီးတီႈၵၢင်ဝဵင်း)။ ဢၼ်ၼႆႉ ၸိုဝ်ႈသဵင်ယႂ်ႇ ၼႂ်းၵႄႈ ၵူၼ်းပိုၼ်ႉတီႈသေ ပဵၼ်တီႈတႄႇၶိုၵ်ႉၶႅမ်ႉ တွၼ်ႈတႃႇ ၵၢင်ၼႂ်ၸဝ်ႈၵဝ်ႇယူႇ။ 

ၼွၼ်း

• 1 ၸဵင်ႇပျေႉဝီႇယၢၼ်ႇ (Golden Diamond) သဵၼ်ႈတၢင်း မိၼ်းၵျီး (တေႃႇၼႃႈၵၼ်တင်း ၼိဝ်းပမ်ႇမဝတီႇ)။ တီႈ ၶွင်ႉၶၢမ်ႇၶႅၵ်ႇၼၼ်ႉ ၸႂ်ႉလႆႈဝၢႆႇၾၢႆႇလၢႆလၢႆ (လႅင်းမၼ်းထိူင်း)။ တီႈထင်သဝ်းတႄႉ ပဵၼ်ပိုၼ်ႉထၢၼ်မၼ်း၊ မီးၽတ်ႉလူမ်း၊ ၶွင်ႉၼမ်ႉ ၸႂ်ႉႁူမ်ႈၵၼ် US$8-9။ 
• 2 ဢွင်ႈလိုဝ်ႈသဝ်း တၢၼ်းတၢၼ်းတ 7 သဵၼ်ႈတၢင်းၵၢတ်ႇ - ☏ +95 42 22290, +95 42 24502 - ✉ taantaanta25@gmail.com။ ၸၼ်ႉသွင်ၸၼ်ႉ ဢွၼ်တၢင်းသုတ်းၼၼ်ႉ ဢမ်ႇပေႃးလူမ်ၸႂ်လီ ဢိၵ်ႇတင်း ၶွင်ႉၼမ်ႉၸႂ်ႉႁူမ်ႈၵၼ်။ ၵူၺ်းၵႃႈဝႃႈ ဢွင်ႈတီႈ ၸၼ်ႉ 3 လႄႈ 4 ၼၼ်ႉတႄႉ တိူဝ်းဢွင်ႈယႂ်ႇသေ မီးၶွင်ႉၼမ်ႉသုၼ်ႇတူဝ်။ ပေႃးတွၼ်ႈတႃႇ ဢွင်ႈလိုဝ်ႈသဝ်း တီႈၶၼ်ထုၵ်ႇတႄႉၵေႃႈ ပဵၼ်ဢၼ်လီလိူၵ်ႈယူႇ။ Less than 20,000 kyat။ 
• 3 ပမ်မဝတီ (ဢၼ်မႂ်ႇ) မၢႆ- 14/ၵ၊ သဵၼ်ႈတၢင်း မိၼ်းၵျီး (မီးတီႈၵၢင်ဝဵင်း လုၵ်ႉတီႈၵၢတ်ႇလူင်သေ ၵႂႃႇၽၢႆႇဢွၵ်ႇ မွၵ်ႈ လွၵ်းၼိုင်ႈ)။ မီးဝၢႆႇၾၢႆႇဢၼ် လႅင်းမၼ်းၶႅမ်ႉလီ။ ဢမ်ႇၸႂ်ႈဝႃႈ ဢၼ်ၵိုင်ႇၵႃႈမၼ်းသေတႃႉ တၢင်းၶႆႈၸႂ် လွင်ႈဢွၵ်ႇၶၢဝ်းတၢင်းတႄႉၵေႃႈ ၶႅမ်ႉဝႆႉၼင်ႇၵဝ်ႇ။ 25-30,000 ၵျၢပ်ႈ။ 
• 4 ႁူင်းႁႅမ်း ပႃႇရႃႇတၢႆႉ မၢႆ- 14၊ သဵၼ်ႈတၢင်းၸေးၵျွင်း (မီးၽၢႆႇႁွင်ႇ လၢၼ်ႉၵေႃႇၾီႇ ၼိဝ်းသီးတီး) - ☏ +95 42 25055။ မီးဝႆႉဢွင်ႈၼွၼ်း 20 ဢွင်ႈ ၵႃႈၶၼ်သၢင်ႇထုၵ်ႇ လႄႈ ဢၼ်ပဵၼ်ဢွင်ႈၼွၼ်းလူမ်ၸႂ်။ ယွၼ်ႉပိူဝ်ႈမၼ်းမီးတီႈဢၼ်ၵႆၵၼ်တင်း သဵၼ်ႈတၢင်းလူင်လႄႈ တေတိူဝ်းယဵၼ်လီသေ ပပ်မဝတီ လႄႈ ၸဵင်ႇပျေႇဝီႇယၼ်ႇ ၼၼ်ႉယဝ်ႉ။ 10,000 ၵျၢပ်ႈ။ 
• 5 လႃႉပျေႉဝုၼ်း မၢႆ - 30၊ သဵၼ်ႈတၢင်း မိၼ်းၵျီး (မီးဝႆႉ တီႈၼႂ်းၵႄႈ ႁူင်းႁႅမ်းတၢင်ႇၸိူဝ်း) - ☏ +95 42 -25592။ မီး ထၢၼ်ႈသုင် ထၢၼ်ႈတႅမ်ႇ၊ ၵူၺ်းၵႃႈဝႃႈ ၵႃႈၶၼ်မၼ်းတႄႉ ယွမ်းႁပ်ႉလႆႈယူႇ။ ပဵၼ်ယူင်ႉသၢင်ႈ သီႇၸၼ်ႉ မီးတင်း ဢႄးၵွၼ်း။ ဝၢႆႇၾၢႆႇ လႄႈ ထီႇဝီႇ။ 25-35,000 ၵျၢပ်ႈ။ 
• 6 ႁူင်းႁႅမ်း ထၢႆႉမျႅတ်ႉၸၢမ်ႇ မၢႆ- 8၊ သဵၼ်ႈတၢင်း မႁႃႇပၼ်ႇတုလ (မီးတီႈ တၢင်းၽႄ သဵၼ်ႈတၢင်းၶွၵ်ႈ) - ☏ +95 42 22742။ Check-in: 13:00 - check-out: 12:00။ မီးဝႆႉ ဢွင်ႈၼွၼ်းဢၼ်သႅၼ်ႈသႂ် 26 ဢွင်ႈသေ ၵႃႈၶၼ်မၼ်းၵေႃႈ ၵိုင်ႇယူႇ။ ၸဝ်ႈၶွင်မၼ်း ၸွႆႈထႅမ်ၸတ်းၵၢၼ်ပၼ် မႂ်တိုတ်းရူတ်ႉပၢသ်ႉ တွၼ်ႈတႃႇၸဝ်ႈၵဝ်ႇ။ ၶဝ်ႈပႃး တၢင်းၵိၼ်ၵၢင်ၼႂ် ဢၼ်လႆႈၵိၼ်တီႈၼိူဝ် ၸိၵ်းႁူင်းႁႅမ်း။ ၸႂ်ႉလႆႈဝၢႆႇၾၢႆႇလၢႆလၢႆ။ ဢႄးၵွၼ်း ဢၼ်တဵတ်ႇယဵၼ်။ ပေႃးလုၵ်ႉတီႈ ၵၢတ်ႇၵၢင်ၶမ်ႈၵႂႃႇၼႆ လႆႈၵႂႃႇမွၵ်ႈ လၢႆတႃၼႆႉၵူၺ်း။ ၵူၼ်းႁဵတ်းၵၢၼ်တီႈၼၼ်ႈ မေႃၸွႆႈထႅမ် မေႃမိုတ်ႈၵိုဝ်း။ လႅင်တႃႇၶီႇ ပၼ်ဝႆႉလၢႆလၢႆ။ မီးၼမ်ႉဢုၼ်ႇ တႃႇဢၢပ်ႇ။ US$20/30 (ၸႂ်ႉႁူႉၵၼ်/ၶွင်ႉၼမ်ႉ ဢႅၼ်းသုတ်ႉ)။ 
• 7 ႁူင်းႁႅမ်း ၵုၼ်ၽင်ႇၼမ်ႉ 101 သဵၼ်ႈတၢင်း တႃႈၼမ်ႉ (မီးတေႃႇၼႃႈ ၵွင်းမူးဢွင်ႇ ဢၼ်မီးၽၢႆႇႁွင်ႇ တီႈ မႄႈၼမ်ႉ) - ☏ +95 42 23418, +95 9-422480780, +95 9-422450101 - ✉ info@deltahotelpathein.com။ ၶဝ်ႈပႃး ၵၢၼ်ၸွႆႈသၢင်ႈတင်းသဵင်ႈ ၸိူဝ်းဢၼ်လူဝ်ႇ၊ ဢႄးၵွၼ်း၊ ဝၢႆႇၾၢႆႇ၊ ၾူင်း၊ ထီႇဝီႇ၊ ၶွင်ႉၼမ်ႉ သႅၼ်ႈသႂ်၊ မီႇၼီႇꧤႃး။ ဢၼ်ၶႅမ်ႉမၼ်းတႄႉ မၼ်းမီးဝႆႉတီႈ ပွတ်းဝဵင်း ဢၼ်တဵတ်ႇယဵၼ် တီႈဢၼ် သဵၼ်ႈတၢင်းလူင် ပႆႇၽႅဝ်ႁွတ်ႈၼၼ်ႉ။ ၵူၼ်းႁဵတ်းၵၢၼ်တီႈၼၼ်ႈ မေႃမိုတ်ႈၵိုတ်းသေ လၢတ်ႈလႆႈၵႂၢမ်းဢိင်းၵလဵတ်ႈ။ 20-40,000 ၵျၢပ်ႈ။ 

ၵႂႃႇထႅင်ႈ

ရူတ်ႉပၢတ်ႉၸ်

ရူတ်ႉပၢသ်ႉ ၵမ်ႉပႃႈၼမ်ၼႆႉ လုၵ်ႉတီႈ တႃႈရူတ်ႉပၢသ်ႉ သဵၼ်ႈတၢင်းလူင်၊ ဢမ်ႇၼၼ်ၵေႃႈ ၵႂႃႇတီႈ တႃႈရူတ်ႉပၢသ်ႉ ဝဵင်းလူင် (တူၺ်းတီႈ ၶဝ်ႈၸူး)။

• ၶျွင်းတႃႇ လႄႈ ငူၺ်ႇသွင်ႇ – ၸိုဝ်ႈသဵင်ယႂ်ႇ ယွၼ်ႉလူၺ်ႈ ၽင်ႇပၢင်ႇလၢႆႇမၼ်း။ ရူတ်ႉသွင်ထႅဝ်လႄႈ ရူတ်ႉပၢသ်ႉ ၼႆႉ ဢဝ်ၶၢဝ်းယၢမ်း 1½ မူင်းသေ တေတူၵ်းၸူဝ်ႈ 3,500 ၵျၢပ်ႈ။ ၽင်ႇပၢင်ႇလၢႆႇ ငူၺ်ႇသွင်ႇၼႆႉ ၶိုၵ်ႉၶႅမ်ႉသေတႃႉ ၵူၼ်းပိုၼ်ႉတီႈ ဢၼ်ဢဝ် ရူတ်ႉၶိူင်ႈ တေႃႉသူင်ႇၶႅၵ်ႇၼၼ်ႉတႄႉ ဢမ်ႇပေႃးၶႅမ်ႉလႅပ်ႈ။ ယႃႇပေမုင်ႈမွင်းဝႆႉ တွၼ်ႈတႃႇ ပႅၵ်ႉၽႅၵ်ႇၵႃႇ ဢမ်ႇၼၼ် တၢင်းလိူၵ်ႈ ဢၼ်ၵႃႈၶၼ်ထုၵ်ႇ။
• ငပလီႇ – တႃႇၵႂႃႇတီႈၼၼ်ႈၼႆႉ ၶီႇရူတ်ႉပၢသ်ႉ ၵႂႃႇၸူး ငတၢႆးၶျွင်း ဢၼ်လုၵ်ႉတီႈ တႃႈရူတ်ႉပၢသ်ႉ သဵၼ်ႈတၢင်းလူင်သေ လႆႈၵႂႃႇမွၵ်ႈ 3 ၸူဝ်ႈမူင်း ဢၼ်ဢွၵ်ႇၶၢဝ်း 09:30 ၼၼ်ႉသေ တေတူၵ်းၸူဝ်ႈ 1,500 ၵျၢပ်ႈ။ လုၵ်ႉတီႈ 3 တီႈရူတ်ႉပၢသ်ႉ ၵိုတ်း ဢၼ် မီးၽၢႆႇဢွၵ်ႇ ႁူင်းႁႅမ်း ပႃႇရႃႇတၢႆႉ ဢၼ်မီးတီႈၼႂ်းၵႄႈ သဵၼ်ႈတၢင်း ၸေးၶျွင်း လႄႈ သဵၼ်ႈတၢင်း မျေႇၼု ၼၼ်ႉ မီးရူတ်ႉသွင်ထႅဝ် ဢၼ်တေႃႉၵူၼ်း ၵႂႃႇၸူး တႃႈရူတ်ႉပၢသ်ႉ တီႈၵႆ ဢၼ်တွၼ်ႈတႃႇ ရူတ်ႉပၢသ်ႉ ငတၢႆးၶျွင်းၼၼ်ႉယဝ်ႉ။ တီႈငတၢႆးၶျွင်းၼၼ်ႉ ပႆၶၢမ်ႈၶူဝ်လူင် ၵႂႃႇၽၢႆႇတူၵ်း မွၵ်ႈ 300 မီႇတႃႇ တေႃႇပေႃးၽႅဝ်တီႈသုတ်းဝဵင်းၼၼ်ႉၼႆ ၸဝ်ႈၵဝ်ႇ တေၸၢင်ႈႁႄႉရူတ်ႉပၢသ်ႉ ဢႄးၵွၼ်း ဢၼ်ၵႂႃႇ ငပလီႇၼၼ်ႉ။ ရူတ်ႉပၢသ်ႉ ၸိူဝ်းလုၵ်ႉ တႃႈၵုင်ႈ မႃးၼၼ်ႉ လတ်းၵႂႃႇ တင်းၼမ်ယဝ်ႉ။ ၵူၺ်းလူဝ်ႇ ႁႄႉ ၶဝ်သေ ၶီႇၵႂႃႇ။ ၶၢဝ်းတၢင်း ဢၼ်သိုပ်ႇၵႂႃႇၽင်ႇပၢင်ႇလၢႆႇၼၼ်ႉ ယွၼ်ႉပိူဝ်ႈသၢႆတၢင်း ဢၼ်ၵဵပ်ႈ ဢၼ်လူမ်းပဝ်ႇသေ တေၸၢင်ႈႁိူဝ်ႉၸႂ်ႁိူဝ်ႉၶေႃးယူႇ။ တေၽႅဝ်ၵႂႃႇ ၼႂ်းၵႄႈ 19:00 လႄႈ 21:00 မူင်းၼၼ်ႉသေ ၸဝ်ႈၵဝ်ႇ လူဝ်ႇသင်ႇမၢႆထႃႈ ႁူင်းႁႅမ်း တႃႇလိုဝ်ႈသဝ်းယဝ်ႉ။ တီႈႁၢႆးဝေး ဢၼ်မီးတီႈ တၢၼ်ႇတွႆးၼၼ်ႉ ဢမ်ႇမီးဢွင်ႈလိုဝ်ႈသဝ်းတႃႇ ထူဝ်းရိတ်ႉၶဝ်၊ ၵူၺ်းၵႂႃႇမီးတီႈ တွင်ႇၵူၵ်ႉ ဢၼ်မီး ၽၢႆႇႁွင်ႇ ယၢၼ် 85 ၵီႇလူဝ်ႇမီႇတႃႇၼၼ်ႉၵူၺ်း။
• ပျီႇ – ၸိုဝ်ႈသဵင်ယႂ်ၸွမ်း ယွၼ်ႉပိူဝ်ႈမီးၸမ်ၵၼ်တင်း ဝဵင်းၵဝ်ႇမွၼ်ႇပိဝ်ႇ။ ရူတ်ႉပၢသ်ႉၵမ်ႉၼမ်တႄႉ ဢွၵ်ႇၵၢင်ၼႂ်တဵမ်ၸဝ်ႉ။ တၢင်းႁိုင် 10 ၸူဝ်ႈမူင်း၊ 6-10,000 ၵျၢပ်ႈ။
• တႃႈၵုင်ႈ – ၼိုင်ႈဝၼ်းၼႆႉ ရူတ်ႉပၢသ်ႉ ဢွၵ်ႇယူႇ မွၵ်ႈ 7 လမ်း။ 5 ၸူဝ်ႈမူင်း၊ 3,500-5,000 ၵျၢပ်ႈ။

ရူတ်ႉလဵၼ်း

4 တႃႈရူတ်ႉလဵၼ်း ၼႆႉ မီးတီႈ ပွတ်း ဢွၵ်ႇ/ၸဵင်ႇၸၢၼ်းဝၼ်းဢွၵ်ႇ ဝဵင်းၼၼ်ႉယဝ်ႉ။ မီးရူတ်ႉလဵၼ်း ဢၼ်ၵႂႃႇၸူး ႁိၼ်းတတႃႉ ဢၼ်ဢွၵ်ႇၶၢဝ်း 05:30 ဢဝ်ႁိုင် 6 ၸူဝ်ႈမူင်း ၊ တူၵ်းၸူဝ်ႈ 2,000 ၵျၢပ်ႈ တွၼ်ႈတႃႇ တီႈၼင်ႈထၢၼ်ႈသုင်။ ဢၼ်ၵႂႃႇ ၵျၢၼ်ႇၶိၼ်း ၵေႃႈမီးဝႆႉယူႇ။