သီႇပေႃႉ (Hsipaw) ၼႆႉ ပဵၼ်ဝဵင်း ဢၼ်မီးတီႈၼႂ်း မိူင်းတႆးပွတ်းႁွင်ႇၼၼ်ႉယဝ်ႉ။

ဢၼ်လီႁူႉဝႆႉ

Hsipaw, Myanmar

ၵႂႃႇၸူး

ၸွမ်း ရူတ်ႉလဵၼ်း

Goteik Viaduct

• 1 တႃႈရူတ်ႉလဵၼ်း သီႇပေႃႉ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2019)

ၵူႈဝၼ်းၵူႈဝၼ်းၼႆႉ မီးရူတ်ႉလဵၼ်း ဢၼ်လုၵ်ႉတီႈ ဝဵင်းတႃႈလိူဝ်ႇ လတ်းၶၢမ်ႈႁူၺ်ႈၶၢမ်ႈလွႆသေ ၶိုၼ်ႈမႃး တေႃႇပေႃးထိုင် ၼႂ်းၶူင်ႈဢၼ်လီမူၼ်ႈသိူဝ်းသႃႇၸႂ် ဢၼ်ပဵၼ် ဝဵင်းသီႇပေႃႉၼၼ်ႉယဝ်ႉ (ပေႃးသိုပ်ႇၼႃႈ တေထိုင် လႃႈသဵဝ်ႈ)။ ၼႂ်းၵႃႈ ၶၢဝ်းတၢင်းရူတ်ႉလဵၼ်း ၵမ်ႇၽႃႇၼႆႉ ဢၼ်ပဵၼ်ၶၢဝ်းတၢင်ႈသဵၼ်ႈၼႆႉၼႆႉ တိုၼ်းပဵၼ် ၶၢဝ်းတၢင်း ဢၼ်ၸဝ်ႈၵဝ်ႇ လူဝ်ႇလႆႈ ၵႂႃႇၸၢမ်းတူၺ်းဢၼ်ၼိုင်ႈယဝ်ႉ။ ဝၢႆးသေ ဢိင်းၵလဵတ်ႈၶဝ် သိမ်းဢဝ်လႆး မိူင်းမၢၼ်ႈယဝ်ႉ သဵၼ်ႈသၢႆတၢင်းရူတ်ႉလဵၼ်း ၼႂ်းၵႄႈ ပၢင်ႇဢူး လႄႈ သီႇပေႃႉၼၼ်ႉ တေလႆႈႁၼ် ၶူဝ်ရူတ်ႉလဵၼ်း ၶူဝ်ၵိုတ်ႈ ဢၼ်ပဵၼ် ႁွႆးမိုဝ်းၶိုၵ်ႉတွၼ်း ၶွင် ဢိင်းၵလဵတ်ႈ ဢၼ်ၸၼ်တီႇသၢႆး တႃႇၵႃႉၶၢႆ ၸူး မိူင်းတႆးပွတ်းႁွင်ႇၼၼ်ႉယဝ်ႉ။ ၶေႃႈၸႅင်ႈ တွၼ်ႈတႃႇ ၶၢဝ်းတၢင်းၼႆႉတႄႉ 1 တၢင်းရူတ်ႉလဵၼ်း ႁူဝ်ၵိုတ်ႈ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2019)။ တီႈၼႂ်းၵိုတ်ႈၼၼ်ႉ မီးၶူဝ်လဵၵ်းလူင် ၵၢႆႇဝႆႉယဝ်ႉ။ ပေႃးၸဝ်ႈၵဝ်ႇ ၶႂ်ႈမုင်ႈတူၺ်း တၢင်းႁၢင်ႈလီၼႆႉ ၼင်ႈၽၢႆႇသၢႆႉ (တႃႈလိူဝ်ႇ->သီႇပေႃႉ) ဢမ်ႇၼၼ် ပေႃးလုၵ်ႉတင်း သီႇပေႃႉလူင်း တႃႈလိူဝ်ႇတႄႉ ၼင်ႈၽၢႆႇၶႂႃလႄႈ။ တၢင်းႁိုင်ၶၢဝ်းတၢင်းတႄႉ ႁိုင်ႈ 11½ မူင်းသေ ၵႃႈၶၼ် မိူဝ်ႈပီ 2019 ၼၼ်ႉတႄႉ တူၵ်းၸူဝ်ႈ 4,000 ၵျၢပ်ႈ၊ ၼၼ်ႉပဵၼ် ထၢၼ်ႈသုင်သေ ပေႃးပဵၼ် ထၢၼ်ႈတႅမ်ႇတႄႉ ၵႃႈၶၼ်မၼ်းတေတိူဝ်းသၢင်ႇထုၵ်ႇသေၼႆႉဢိတ်းၼိုင်ႈ။ ႁူမ်ႈဝႃႈၼၼ်ၵေႃႈ ထၢၼ်ႈသုင်ၼၼ်ႉ ၵိုင်ၵႃႈမၼ်းယူႇ၊ ယွၼ်ႉသင်ၼႆ တီႈၼင်ႈမၼ်း ၶႅမ်ႉသေ မၼ်းပဵၼ်တၢင်းၸွႆႈထႅမ် ယွၼ်ႉပိူဝ်ႈ ရူတ်ႉလဵၼ်းမၼ်းၵျွၵ်းၵျွၵ်းဝႅၼ်ဝႅၼ်။ ၵူၼ်းဢွၵ်ႇၶၢဝ်းတၢင်း ၵမ်ႉၼမ်ၼႆႉ ဢွၼ်ၵၼ်ၶီႈ တွၼ်ႈ ပၢင်ႇဢူး (မေႇမျူဝ်ႉ) ၸူး သီႇပေႃႉ တၢင်းသၢႆလဵဝ်သေ ပေႃးၶိုၼ်းပွၵ်ႈတႄႉ ၶိုၼ်းပွၵ်ႈမႃးၸွမ်းတၢင်းရူတ်ႉၵႃးယဝ်ႉ။ ရူတ်ႉလဵၼ်းၼႆႉ ဢွၵ်ႇယၢၼ်တီႈ တႃႈလိူဝ်ႇ 04:00 သေ ႁွတ်ႈၽႅဝ် 14:00 မူင်းယဝ်ႉ။ ရူတ်ႉလဵၼ်းဢၼ်ဢွၵ်ႇတီႈ သီႇပေႃႉ ၸူး တႃႈလိူဝ်ႇတႄႉ ဢွၵ်ႇယၢၼ် 09:30 သေ ႁွတ်ႈၽႅဝ် တီႈတႃႈလိူဝ်ႇ 21:15 ယဝ်ႉ။ ပေႃးလုၵ်ႉတီႈ သီႇပေႃႉ ၵႂႃႇ လႃႈသဵဝ်ႈ တႄႉ တၢင်းႁိုင် မီး 4 ၸူဝ်ႈမူင်းယဝ်ႉ။

ၵႂႃႇၸွမ်း ရူတ်ႉပၢတ်ႉသ်

လုၵ်ႉဢဝ် ဝဵင်းတႃးလိူဝ်ႇ ၵႂႃႇ သီႇပေႃႉ (5,000 ၵျၢပ်ႈ၊ ဢမ်ႇပႃး ၸၢၵ်ႈလူမ်းၵတ်း)၊ ရူတ်ႉပၢတ်ႉသ် ၼၼ်ႉ လုၵ်ႉတီႈ တႃႈရူတ်ႉပျီႇၵျီးမျႅတ်ႉသျိၼ်ႇသေဢွၵ်ႇယဝ်ႉ။ လူတ်ႈလဵၼ်ႈၽႂ်းယီႇသျိၼ်း ၼႆႉ ဢွၵ်ႇရူတ်ႉပၢတ်ႉသ် သွင်လမ်း 05:00 လႄႈ 14:00 မူင်း။ ရူတ်ႉတူၵ်ႉထႃႉဝတီႇ ၼႆႉ ဢွၵ်ႇ 14:00 မူင်း။ ၶၢဝ်းတၢင်းႁိုင် 5-6 မူင်း။ လုၵ်ႉဢဝ်သီႇပေႃႉ ၵႂႃႇၸူး တႃႈလိူဝ်ႇသမ်ႉ ဢွၵ်ႇ 05:30 (6,500 ၵျၢပ်ႈ၊ ပႃးၸၢၵ်ႈလူမ်းၵတ်း၊ 4,000 ၵျၢပ်ႈ ဢမ်ႇပႃးၸၢၵ်ႈလူမ်းၵတ်း)။ လွင်ႈလႆႈတမ်းၸႂ်ၼိူဝ် ရူတ်ႉပၢတ်ႉသ်ၼၼ်ႉတႄႉ ထၢမ်တူၺ်းႁိမ်းႁွမ်းၼႆႉ ၶႅမ်ႉသေပိူၼ်ႈယဝ်ႉ။

တွၼ်ႈတႃႇရူတ်ႉပၢတ်ႉသ် ၽၢႆႇၼွၵ်ႈ သီႇပေႃႉ၊ လုမ်းၶၢႆမႂ်တိုတ်း တွၼ်ႈတႃႇ ႁူင်းၵၢၼ်သွင်ဢၼ်ၼၼ်ႉ မီးဝႆႉတီႈၼိူဝ် သဵၼ်ႈတၢင်း ၼမ်ႉတူႈ ဢၼ်တေႃႇၼႃႈ လေႃးၶျုၼ်း (Mr.Food) လႄႈ တွၼ်ႈတႃႇ ရူတ်ႉပၢတ်ႉသ်ၽႂ်းတႄႉ မီးတီႈ ၵၢတ်ႇတႆး။ မႂ်တိုတ်းၸဝ်ႈၵဝ်ႇၼၼ်ႉ လူင်ႈၼႃႈသိုဝ်ႉဝႆႉထႃႈ ဢွၼ်တၢင်းဝၼ်းၼိုင်ႈ (ႁူင်းႁႅမ်းၸဝ်ႈၵဝ်ႇ တေၶပ်ႉၶိုင်ပၼ် ဢမ်ႇဢဝ်ၵႃႈမၼ်း) သေ ဢဝ်တီႈၼင်ႈ တႅဝ်းတၢင်းၼႃႈ ရူတ်ႉပၢတ်ႉသ်သေ ယႃႇပေဢဝ် တီႈၼင်ႈတူပ်ႉ ဢၼ်မီးတီႈၼိူဝ်တၢင်းပႆ (တီႈၼင်ႈ ဢၼ်မီးတီႈၼိူဝ်တၢင်းပႆၼၼ်ႉ မၼ်းႁႄႉလွင်ႈၵႂႃႇမႃး)။ ရူတ်ႉပၢတ်ႉ ဢၼ်သိုပ်ႇၶၢဝ်းတၢင်းၸူး လႃႈသဵဝ်ႈ (800 ၵျၢပ်ႈ) ၼႆႉ ႁိုင် သွင်ၸူဝ်ႈမူင်းသေ ဢွၵ်ႇၵၢင်ၼႂ် တဵမ်ၸဝ်ႉယဝ်ႉ။ ၶွမ်ႇပၼီႇရူတ်ႉပၢတ်ႉသ် တင်းသွင်ဢၼ်ၼႆႉ ၶဝ်တေမႃးႁပ်ႉၸဝ်ႈၵဝ်ႇတီႈ ႁူင်းႁႅမ်း၊ မၢင်ပွၵ်ႈမၢင်လႂ် လူင်ႈၼႃႈမႃးႁၢပ်ႇထႃႈ ၼိုင်ႈၸူဝ်ႈမူင်း မိူဝ်ႈရူတ်ႉပႆႇဢွၵ်ႇ (ရူတ်ႉပၢတ်ႉသ် ဢွၵ်ႇ မွၵ်ႈ 06:00 မူင်း)၊ ယွၼ်ႉၼၼ်လႄႈ ၸဝ်ႈၵဝ်ႇ ပႆတၢင်းၵႂႃႇတီႈရူတ်ႉပၢတ်ႉသ် ႁင်းၸဝ်ႈၵဝ်ႇၼႆႉ တိူဝ်းၶႅမ်ႉယဝ်ႉ။

တီႈ ပၢင်ႇဢူး ၼၼ်ႉ ဢၼ်ပဵၼ် မႂ်တိုတ်းရူတ်ႉပၢတ်ႉသ် ဢၼ်တေၵႂႃႇသီႇပေႃႉၼၼ်ႉ လႆႈပၼ် 4,500 ၵျၢပ်ႈသေ လုၵ်ႉတီႈ လၢၼ်ႉတၢင်းၵိၼ် ၸၢမ်ႇပျႃႉ (မီးၽၢႆႇႁွင်ႇ သဵၼ်ႈတၢင်း တႃႈလိူဝ်ႇ-လႃႈသဵဝ်ႈ ယၢၼ် 2 ၵီႇလူဝ်ႇမီႇတႃႇ၊ ထၢမ်တီႈႁူင်းႁႅမ်း၊ သင်ႇမၢႆဝႆႉၼႆႉ လီသေပိူၼ်ႈ။)

ၵႂႃႇၸွမ်း ရူတ်ႉထႅၵ်ႇၸီႇ ဢၼ်ၶီႇႁူမ်ႈၵၼ်

ၼၼ်ႉတႄႉ မီးတီႈၼိူဝ် ၵူၼ်းတေၵႂႃႇ (ရူတ်ႉၶၢတ်ႇ-ထႅၵ်ႇၸီႇ ၼႆႉ တီႈဢေႇသုတ်း ပေႃးမီး ၵူၼ်းၶီႇ သၢမ်ၵေႃႉၵေႃႈ ၶဝ်ႈလႅၼ်ႈယဝ်ႉ)။ ပေႃးပဵၼ် သၢႆတၢင်း တႃႈလိူဝ်ႇ-သီႇပေႃႉၼႆႉ တေတူၵ်းၸူဝ်ႈ 13,000 ၵျၢပ်ႈသေ ပေႃးဝႃႈ ပဵၼ်သၢႆတၢင်း ပၢင်ႇဢူ လႄႈ သီႇပေႃႉၼႆတႄႉ တေတူၵ်းၸူဝ်ႈ 9,000 ၵျၢပ်ႈ။ တၢင်းႁိုင် 4 ၸူဝ်ႈမူင်း။

ၵႂႃႇၸွမ်း ရူတ်ႉသုၼ်ႇတူဝ်

ပေႃးဝႃႈ တေဢဝ်ရူတ်ႉသုၼ်ႇတူဝ်ၵႂႃႇၼႆ တင်းၵႂႃႇတင်းမႃး ၼႆႉ တေတူၵ်းၸူဝ်ႈမွၵ်ႈ US$100 ၼႆႉယဝ်ႉ။

ၸွၼ်ႇ

တႃႇတေ ၸွၼ်ႇတူၺ်းႁိမ်းႁွမ်းၼႆႉ ပႆသေၵႂႃႇၵေႃႈ ငၢႆႈ ဢမ်ႇၼၼ် ၶၢတ်ႈလႅင် (ၼိုင်ႈဝၼ်း 500 ၵျၢပ်ႈ) ဢမ်ႇၼၼ် ရူတ်ႉၶိူင်ႈ။ ရူတ်ႉသၢမ်မၢၵ်ႇၵေႃႈမီး၊ သင်ၸိူဝ်ႉဝႃႈ ၸဝ်ႈၵဝ်ႇ ဢမ်ႇလႆႈၸႂ် တႃႇပႆၼႆ ရူတ်ႉထႅၵ်ႇၸီႇၸိူဝ်းၼႆႉ တေမီးဝႆႉတီႈၼိူဝ် သဵၼ်ႈတၢင်း လႃႈသဵဝ်ႈ တီႈၼႃႈႁူင်းယႃၼၼ်ႉ။ ဢွင်ႈလိုဝ်ႈသဝ်းၸဝ်ႈၵဝ်ႇၼၼ်ႉ တေၸၢင်ႈၵမ်ႉထႅမ်ပၼ် ႁၢင်ႈၽႅၼ်လိၼ်ပိုၼ်ႉတီႈယူႇ။

တူၺ်း

• 1 ၽြႃးပေႃႇၵျူဝ်ႇ (ၽြႃးၵၢင်ႉမေႃႇ) (မီးၽၢႆႇၼွၵ်ႈဝဵင်း ယၢၼ် 8 ၵီႇလူဝ်ႇမီႇတႃႇ မီးၽၢႆႇၵႂႃႇတၢင်း ဝဵင်းတႃႈလိူဝ်ႇ)။ ပဵၼ်ၽြႃးတႆး ဢၼ်သပ်ႉပၢႆႇလီၼၼ်ႉယဝ်ႉ။ ပဵၼ်ၽြႃးမိူဝ်ႈမိုၼ်ႉၵွၼ်ႉ ဢၼ်ၵိုၵ်းပိုၼ်းၼၼ်ႉယဝ်ႉ။ ပေႃးလိူၼ်သီႇမူၼ်းၼႆ တီႈၽြႃးၵၢင်ႉမေႃႇၼၼ်ႉ မီးပွႆးလိူၼ်သီႇ ၵိုၼ်းတႄႉတႄႉ။ ၵူၼ်းၵူႈတီႈၵူႈမိူင်း ဢွၼ်ၵၼ် မႃးလူႇမႃးဝႆႉ။ 
• 2 ၵၢတ်ႇလူင်။ 03:30-06:00။ ၼႂ်းၵႃႈ ၵၢတ်ႇၶိုၵ်ႉၶႅမ်ႉ ဢၼ်လီလႄႇ တင်းသဵင်ႈ တီႈၼႂ်းမိူင်းမျၢၼ်ႇမႃႇၼႆႉ ၵၢတ်ႇဢၼ်ၼႆႉၵေႃႈ ၶဝ်ႈပႃးဢၼ်ၼိုင်ႈယဝ်ႉ။ ၸိူဝ်းပဵၼ် ၵူၼ်းၸၢဝ်းၶိူဝ်းတႆး၊ ၶၢင် လႄႈ ၸၢဝ်းၶိူဝ်းတၢင်ႇၸိူဝ်း ဢွၼ်ၵၼ် မႃးၵႃႉၶၢႆ တီႈၼႆႈယဝ်ႉ။ ယွၼ်ႉပိူဝ်ႈဝႃႈ ၵူၼ်းၼွၵ်ႈမိူင်း ၵႆႉမႃးဢႅဝ်ႇလႄႇ တီႈ သီႇပေႃႉ၊ ၸဝ်ႈၵုၼ်ႈၸိူဝ်းၼႆႉတႄႉ ပိူင်လူင်မၼ်း ယိူင်းဢၢၼ်းတႃႇ ၵူၼ်းဝၢၼ်ႈ ၸိူဝ်းဢၼ်မႃးသိုဝ်ႉၼၼ်ႉယဝ်ႉ။ ဢွမ်လူမ်း၊ ၶိူင်ႈၵႅမ်၊ တၢင်းၵိၼ်တၢင်းယႅမ်ႉ လႄႈ ၶူဝ်းတႆး (ၵူၼ်ယၢဝ်း၊ မွၵ်ႇႁူဝ်၊ ၶႅပ်းတိၼ်) လႄႈ ၽႃႈတူင်ႇ မဵဝ်းလႆႈႁၼ်ယူႇ ၵူႈတီႈၼၼ်ႉ။ ၵၢတ်ႇၼႆႉ တႄႇၸဵမ်ၸဝ်ႉသေ ဝၢႆးၸဝ်ႉယဝ်ႉ။ တႄႇမွၵ်ႈ ၵၢင်ၼႂ် 03:30 ၼႆႉသေ ပေႃး 06:00 ၸိူဝ်းၼႆႉ သိမ်းယဝ်ႉ။ 
• လွႆၽြႃးႁႃႈသူႇ ဢမ်ႇၼၼ် လွႆၽြႃးၵဝ်ႈသူႇ (လွႆတင်းသွင်လုၵ်ႈၼႆႉ မီးၽၢႆႇၼွၵ်ႈဝဵင်း ယၢၼ် 2 ၵီႇလူဝ်ႇမီႇတႃႇသေ ၸၢင်ႈၶီႇလႅင်ႁွတ်ႈၽႅဝ်လႆႈယူႇ။)။ ပဵၼ်တီႈ လီတူၺ်း ၽွင်းလႅတ်ႇၶဝ်ႈ။ 
• 3 ၽြႃးလူင်မႁႃႇမျၢတ်ႈမုၼိ (မီးၽၢႆႇၸၢၼ်းဝဵင်းသုတ်းသုတ်း (ၶၢမ်ႈ သဵၼ်ႈတၢင်းလႃႈသဵဝ်ႈ))။ ပဵၼ်တီႈမႃးလူႇမႃးဝႆႉ ၽြႃးလူင် မႁႃႇမျၢတ်ႈမုၼိ။ တီႈၼႂ်း ဝၢင်းၵျွင်းၼၼ်ႉ မီးပႃး ၼွင်မူဝ်၊ ၼွင်တဝ်ႇ ၸိူဝ်းၼႆႉယဝ်ႉ။ တီႈၽၢႆႇဢွၵ်ႇ ၵျွင်းၽြႃးၼၼ်ႉ မီးပႃး ႁူင်းယႃ ဢၼ်ယူတ်းယႃတႃ၊ ဢၼ်ယူတ်းယႃပၼ်လၢႆလၢႆ။ 
• 4 ႁေႃၸဝ်ႈၾႃႉ (မီးၽၢႆႇႁွင်ႇဝဵင်းသုတ်းသုတ်း)။ 15:00-17:00။ ၸဝ်ႈၾႃႉသီႇပေႃႉၼႆႉ ယူႇသဝ်းတီႈၼႆႈမႃးယဝ်ႉ။ ၸဝ်ႈၾႃႉပႃးလိုၼ်းသုတ်းၼႆႉ လႆႈႁၢႆၵႂႃႇ ၽွင်းသိုၵ်းမၢၼ်ႈၶဝ်သိမ်းဢႃႇၼႃႇ မိူဝ်ႈပီ 1962 သေ ဢၼ်ပဵၼ် ႁၢင်ႈႁေႃၸဝ်ႈၾႃႉၼၼ်ႉၵေႃႈ ဢၼ်ပဵၼ် လၢၼ် မၼ်း ဢိၵ်ႇတင်း မေးလၢၼ်မၼ်း ၵေႃႉလုမ်းလႃးၵုမ်းထိင်းမႃးယဝ်ႉ။ 
• 5 ၼမ်ႉတူၵ်းတၢတ်ႇ ၼမ်ႉတုၵ်း။ ပဵၼ်ၼမ်ႉတူၵ်းတၢၼ်ႇ ဢၼ်ႁၢင်ႈလီၶႅမ်ႉလႅပ်ႈ။ ၸၢင်ႈလုၺ်းၼမ်ႉသေၵွၼ်ႇ။ ပေႃးလုၵ်ႉသီႇပေႃႉသေပႆၵႂႃႇၼႆ တေႁိုင်မွၵ်ႈ 2 ၸူဝ်ႈမူင်းၼႆႉယဝ်ႉ။ ပေႃးၶီႇလႅင်ၵႂႃႇတီႈ တၢင်းတႄႉတႄႉ (ႁိမ်းၵျွင်းမုၼ်ၸဝ်ႈ)ၼၼ်ႉတႄႉ တေဢမ်ႇႁိုင်ထၢၼ်ႇၼၼ်ႉ။ တီႈတၢင်းၼၼ်ႉ တေဢမ်ႇၸၢင်ႈၶီႇလႅင်။ ပေႃးၶၢဝ်းမႆႈတႄႉ ၼမ်ႉဢေႇဢိတ်းဢိတ်းယဝ်ႉ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2019)

ႁဵတ်း

ယွၼ်ႉပိူဝ်ႈ မီးဝႆႉတီႈၼႂ်း ၵႄႈလွႆလႄႈ သီႇပေႃႉၼႆႉ မၼ်းပဵၼ် ဢွင်ႈတီႈလီ တွၼ်ႈတႃႇ ၶိုၼ်ႈလွႆ ၶၢဝ်းယၢမ်းၵၢင်ဝၼ်း။ တွၼ်ႈတႃႇတေၵႂႃႇႁိမ်းႁွမ်းတႄႉ မၼ်းတေမီး လွင်ႈမၵ်းၶၢၼ်း ဢိတ်းဢွတ်း၊ ဢမ်ႇမိူၼ်ၼင်ႇ တင်း ထုင်ႉ ၼွင်ႁၢႆးယႃႈ၊ ၸဝ်ႈၵဝ်ႇ ဢမ်ႇတၢပ်ႈလူဝ်ႇၶၢတ်ႈ ၽူႈၸိၼမ်း။ Mr Charles တေၶပ်ႉၶိုင်ပၼ် ၶၢဝ်းတၢင်း ၶီႇႁိူဝ်းၶိုင်ႈဝၼ်း သႄ ၶၢဝ်းတၢင်း ၶိုၼ်ႈလွႆ ၵႂႃႇၸူး ဝၢၼ်ႈတီး ဢၼ်မီးတီႈႁိမ်းႁွမ်း ၼမ်ႉတူၵ်းတၢတ်ႇ၊ ပဵၼ်လွၵ်းလၢႆးလီ တေၸၢင်ႈၵႂႃႇထူပ်းတင်း ၶႅၵ်ႇၼွၵ်ႈမိူင်းတၢင်ႇၸိူဝ်း။

တီႈၼၼ်ႈၼၼ်ႉ ဢေႇၵျႅၼ်ႇၸီႇ ဢၼ်ၶပ်ႉၶိုင်ပၼ် ၵူၼ်းၸိၼမ်းၼႆႉ မီးဝႆႉတင်းၼမ် မိူၼ်ၼင်ႇ Mr.Bike ဢမ်ႇၼၼ် Ko Pee ။ တၢင်းလိူၵ်ႈတႃႇ ဢွၵ်ႇၶၢဝ်းတၢင်းပႆတိၼ် ဢၼ်ၵႂႃႇဝၼ်းမႃးဝၼ်း တေႃႇ ၶၢဝ်းတၢင်းလၢႆဝၼ်း၊ ထင်သဝ်းၼွၼ်းၶိုၼ်း တီႈ ႁိူၼ်းပိုၼ်ႉတီႈ ဢမ်ႇၼၼ် ႁိူၼ်းၼိူဝ်တူၼ်ႈမႆႉ။ ဢၼ်ၵူၼ်းလႆႈၸႂ်ၼမ်တႄႉ ၶၢဝ်းတၢင်းသွင်ဝၼ်း၊ ၼိုင်ႈၶိုၼ်း၊ ဢွၵ်ႇၶၢဝ်းတၢင်း မွၵ်ႈ 08:00 မူင်း တေလႆႈပႆလတ်းၶၢမ်ႈ သူၼ်ၶဝ်ႈၵၢပ်ႇ၊ တူင်ႈၼႃး ဢၼ်ႁၢင်ႈလီ တႃႇ ၶၢဝ်းတၢင်း 7-8 ၸူဝ်ႈမူင်းသေ တေၽႅဝ် ဝၢၼ်ႈတႆး/ဝၢၼ်ႈပလွင်ႈ တီႈဢၼ်ၸဝ်ႈၵဝ်ႇ တေၵႂႃႇထင်သဝ်းၸွမ်း မုင်ႉႁေႃႁိူၼ်းပိုၼ်ႉတီႈ။ တေလႆႈၵိၼ်ပႃး ၽၵ်းပိုၼ်ႉတီႈ ဢၼ်ဢမ်ႇမိူၼ်တၢင်ႇတီႈတၢင်ႇလႅၼ်သေ ၸဝ်ႈၵဝ်ႇ တေလႆႈပႃး ၵၢၼ်ထူပ်းမိုဝ်း ၸၢတ်ႈပၢၼ်ၽိင်ႈထုင်း ဢၼ်ဢမ်ႇမီးၽႆးၾႃႉ။ တဝ်ႈၼမ်ႉ လႄႈ တႃႇဢိုၵ်ႉဢွၵ်ႇတၢင်ႇၸိူဝ်းတႄႉ တေၸၢင်ႈသိုဝ်ႉလႆႈယူႇ။ ယွၼ်ႉပိူဝ်ႈဝႃႈ မႆႈၼႃႇလႄႈ ၶၢဝ်းတၢင်းပႆတိၼ်ၼႆႉ တေႁိူဝ်ႉမွႆႈ၊ မၼ်းၵေႃႈ တေပႃးလူၺ်ႈလွႆၸိူဝ်းၼႆႉယူႇ။ ဢၼ်ပဵၼ်ၶၢဝ်းတၢင်းပႆ သွင်ဝၼ်း ၼိုင်ႈၶိုၼ်းၼႆႉ တေတူၵ်းၸူဝ်ႈ မွၵ်ႈ 35,000 ၵျၢပ်ႈၼႆႉ။

ဢၼ်ပဵၼ်ၶၢဝ်းတၢင်းပႆ 3 ဝၼ်း 2 ၶိုၼ်း ဢၼ်ၵႂႃႇ ၼမ်ႉသၼ်ႇၼၼ်ႉတႄႉ ဢမ်ႇၶႂၢင်းပၼ် ၶႅၵ်ႇၼွၵ်ႈမိူင်းၵႂႃႇတီႈၼၼ်ႈ၊ ယွၼ်ႉပိူဝ်ႈ မီးလွင်ႈသုၵ်ႉယုင်ႈ ၸုမ်းယိပ်းၵွင်ႈၵၢင်ႇ (ဢိုတ်းဝႆႉ ၸဵမ်မိူဝ်ႈ ဢွၵ်ႇထူဝ်ႇပႃႇ 2014)။ မိူဝ်ႈပႆႇၵႂႃႇၼၼ်ႉ ၶူၼ်ႉၶႂႃႉလီလီသေ ပေႃးလူဝ်ႇမႃး ယွၼ်းမႂ်ၶႂၢင်း ပႃႇမိတ်ႉၼႆႉ လီသေပိူၼ်ႈ။

ဢၼ်တေလူဝ်ႇတႄႉ ၶိူင်ႈၶူဝ်းၸႂ်ႉ ဢွၵ်ႇၶၢဝ်းတၢင်းပႆ (သွၵ်းတိၼ်ၶႅမ်ႉၶႅမ်ႉ၊ မွၵ်ႇႁူဝ်၊ ထူဝ်ပႃႉလင်လဵၵ်ႉလဵၵ်ႉဢွၼ်ႇ)၊ ဢမ်ႇလူဝ်ႇ ၶိူင်ႈၶူဝ်းၸႂ်ႉၶိုၵ်ႉတွၼ်းသင်ၼင်ႇၵဝ်ႇ။

သိုဝ်ႉ

ပေႃးၸဝ်ႈၵဝ်ႇ ဢမ်ႇၶဝ်ႈၸႂ် ၶူဝ်းတႆး လႄႈ မွၵ်ႇႁူဝ် ၸိူဝ်းၼႆႉတႄႉ တီႈသီႇပေႃႉၼႆႉ ဢမ်ႇပေႃးမီး တႃႇတေသိုဝ်ႉသင်တႄႉတႄႉဝႃႈဝႃႈ။

တေၸၢင်ႈသိုဝ်ႉ ပပ်ႉ တီႈ လၢၼ်ႉၶၢႆပပ်ႉ Mr Book ၼၼ်ႉ။ လႆႈဢုပ်ႇမၼ်းၼႆႉ ပဵၼ်ဢၼ်လီၶဝ်ႈၸႂ်တႃႇသေႇ သေ မၼ်းၵေႃႈ ၸၢင်ႈၶပ်ႉၶိုင်ပၼ် ၶၢဝ်းတၢင်းယူႇသေတႃႉ မၼ်းတေဢမ်ႇပေႃး သူင်ၼင်ႇမိူဝ်ႈဢွၼ်တၢင်းယဝ်ႉ၊ ဢၼ်ပဵၼ်လႆႈတႄႉ ယွၼ်ႉပိူဝ်ႈဝႃႈ ပေႃးၵပ်းၵၢႆႇလူၺ်ႈ တူင်ႇၵၢၼ်လွင်ႈဢႅဝ်ႇလႄႇတႃႇၶႅၵ်ႇၼွၵ်ႈမိူင်းၼႆ Mr Charles လႆႈဝႃႈႁူမ်ႇငမ်းဝႆႉယဝ်ႉ။ တီႈ Mr Charles ၼၼ်ႉၵေႃႈ မၼ်းပိုတ်ႇဝႆႉ တီႈလႅၵ်ႈပပ်ႉ တီႈၽိူၼ်ႁပ်ႉၶႅၵ်ႇၼၼ်ႉသေ ၸဝ်ႈၵဝ်ႇ ၸၢင်ႈသိုဝ်ႉပပ်ႉ ဢမ်ႇၼၼ် ၸၢင်ႈလႅၵ်ႈပပ်ႉတေႃႇပပ်ႉ ဢၼ်လႆႈပၼ် ၵႃႈမၼ်းဢေႇဢေႇ။

ၵိၼ်

တီႈသီႇပေႃႉၼႆႉ တၢင်းၵိၼ် ဢၼ်ႁုင်တူမ်ႈ တၢင်းၼွၵ်ႈသေၶၢႆၼၼ်ႉ ၼမ်သေတႃႉ လၢၼ်ႉတၢင်းၵိၼ်တႄႉ ဢမ်ႇပေႃးမီးၼမ်။ တီႈၼိူဝ်သဵၼ်ႈတၢင်းၼမ်ႉတူ၊ ပေႃးၶၢမ်ႈၶူဝ်သေ သိုပ်ႇၵႂႃႇၼႆ တေလႆႈႁၼ် ဢွင်ႈလိုဝ်ႈသိုဝ်း Mr Charles သေ တီႈၼၼ်ႈၼႆႉ တေလႆႈႁၼ် လၢၼ်ႉတၢင်ႈၵိၼ် ဢၼ်ပိုတ်ႇပၢင်ႇဝႆႉသေ ဢၼ်ၶူဝ်ႈတီႈၼၼ်ႉၼႆႉ ၶႂ်ႈငၢႆးမိူၼ် ပႃၵူဝ်ႇရႃႇ ဢိၼ်းတီးယႃး လႄႈ တမ်ႇပူႇရႃႇ ၵျႃႇပၢၼ်ႇယဝ်ႉ။ ဝၢၼ်တႄႉတႄႉ။ တီႈၵၢတ်ႇၵေႃႈ မီးၶွင်ႉၶၢႆတင်းၼမ်သေ ၶဝ်ၶၢႆ ၶဝ်ႈမုၼ်း (ၵႂႃႇမိူဝ်ႈပႆႇထိုင် တဵင်ႈဝၼ်း) လႄႈ ၶဝ်ႈသွႆးတႆး ဢၼ်ပဵၼ်တၢင်းၵိၼ်ပိူင်လူင် တီႈ မိူင်းတႆး၊ ၶဝ်ႈသွႆးၼၼ်ႉ လႆႈဢၼ်ဝၢၼ်၊ ဢၼ်ၽဵတ်း ဢၼ်သႂ်ႇလေႃး ၽၵ်းၶဵဝ်၊ သႂ်ႇလေႃးၼိူဝ်ႉ။

Maureen ၼႆႉ ပဵၼ်ၼၢင်းယိင်း ဢေႃႉသထေးရီးယႃး သေ တႄႇၼႃႈႁိူၼ်းၸွမ်း တႆး၊ မၼ်းပိုတ်ႇဝႆႉ ၵၾႄး တီႈႁိမ်းၽင်ႇၼမ်ႉတူႈ။ ၵေႃႇၾီႇမၼ်းၵေႃႈ ၶိုၵ်ႉသေ ၸၢင်ႈဢုပ်ႇဢူဝ်းတင်းမၼ်းလႆႈယူႇ။

• Mr Shake/Yuan Yuan (သဵၼ်ႈတၢင်းမိူင်းပွၼ်၊ တီႈႁိမ်းပၢင်ပၢင်ႇၼင်၊ လုၵ်ႉတီႈ Mr. Charles ၵႂႃႇ မွၵ်ႈ 5 တႃ)။ ၶဝ်ၶၢႆ ၼမ်ႉဝၢၼ်၊ ဢိင်ၼိူဝ် ၶႅၵ်ႇတုၵ်းယွၼ်းသေ ၶဝ်ၸၢင်ႈလေႃးပၼ် မိူၼ်ၼင်ႇ ဢဝ် မၢၵ်ႇမႆႉလၢႆမဵဝ်းလေႃးၵၼ် ဢိၵ်ႇတင်း ဢဝ်လဝ်ႈလေႃးၵေႃႈလႆႈ။ ၶႅၵ်ႇၶဝ် လူဝ်ႇတႅမ်ႈပၼ် ဢၼ်ၶဝ်ႈၶႂ်ႈလေႃးၼၼ်ႉၵူၺ်း။ ၼမ်ႉမၢၵ်ႇမႆႉၼၼ်ႉ မၼ်းလႅပ်ႈလွတ်ႈၽေးလီယူႇ။ ၶဝ်ႈမီးပႃး တၢင်းၵိၼ်တၢင်းယႅမ်ႉၽွင်ႈယူႇ။ 1,200-1,400 ၵျၢပ်ႈ။ 
• 1 Mr Food (Law Chun) (သဵၼ်ႈတၢင်း ၼမ်ႉတူႈ)။ တေၸၢင်ႈၵိၼ်လႆႈ တၢင်းၵိၼ်ၶႄႇ လႄႈ တၢင်းၵိၼ်တႆး၊ ပီႇယႃႇ (800 ၵျၢပ်ႈ) ၵေႃႈ ၵိၼ်လႆႈယူႇ။ 
• 2 Unnamed Shack (သဵၼ်ႈတၢင်းၼမ်ႉတူႈ၊ တေႃႈၼႃႈ Mr Food)။ ၶၢႆတၢင်းၵိၼ်မၢၼ်ႈ။ ဢမ်ႇမီးသဵၼ်ႈသင်ႇ၊ ပၢႆႉ၊ ၵူၺ်းၵႃႈဝႃႈ ၸဝ်ႈၵဝ်ႇ တေတွင်းယူႇ ယွၼ်ႉပိူဝ်ႈဝႃႈ ၶဝ်ဢဝ်မေႃႈၽၵ်းၸိူဝ်းၼႆႉ ၶပ်ႉၸႅၼ်ႇဝႆႉ။ တၢင်းၵိၼ်ၶဝ် ဝၢၼ်ယူႇ၊ ၵူၺ်းၵႃႈဝႃႈ ပေႃးၵၢင်ၼႂ်တႄႉ ပဵၼ်ၽွင်းၶဝ်တိုၵ်ႉႁၢင်ႈႁႅၼ်းလႄႈ လီၵႂႃႇၵိၼ်တႃႇၶဝ်ႈဝၼ်း။ US$2။ 
• 3 The Club Terrace။ ပဵၼ်လၢၼ်ႉတၢင်းၵိၼ် ဢၼ်မီးတီႈႁိမ်းၽင်ႇၼမ် သေ မၼ်းမီးတီႈ ဢွင်ႈတီႈ ဢၼ်ၶိုၵ်ႉၶႅမ်ႉ သေ တၢင်းၵိၼ်ၶဝ်ၵေႃႈ ပဵၼ်ဢၼ်ၵိုင်ႇတၢၼ်ႇယူႇ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2015)
• 4 ဢၵွင်းၵျၢႆႉ။ 09:00-20:00။ ပဵၼ်လၢၼ်ႉၶၢႆၶဝ်ႈၽၵ်းမၢၼ်ႈ။ ၽၵ်းယွႆႈမၼ်းပႃးတင်းၼမ်။ ၶဝ်ႈ လႄႈ ၽၵ်းယွႆႈမၼ်းၸိူဝ်းၼႆႉ ပေႃးလူဝ်ႇ ၶဝ်ႈထႅင်ႈပၼ်ယူႇ။ 3,000 ၵျၢပ်ႈ။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2019)

ဢွၵ်ႉ

• 1 Black House Coffee Shop။ ပဵၼ်ဢွင်ႈတီႈ ဢွၼ်တၢင်းသုတ်း ဢၼ်ပိုတ်ႇတီႈ ၽင်ႇၼမ်ႉ ၊ မၼ်းပဵၼ် ၵၾႄး သေ ပဵၼ်ဢွင်ႈတီႈၶိုင်ႇၶမ်ႉ ဢၼ်တႃႇတူၺ်း ၼမ်ႉတူႈၼၼ်ႉယဝ်ႉ။ ၵေႃႇၾီႇၶဝ်တႄႉ ဢမ်ႇပေႃးၶိုၵ်ႉသေတႃႉ ပီႇယႃႇတႄႉ ၵတ်းလီသေ ၶၼ်ထုၵ်ႇယူႇ။ တႃႇၵိၼ်တႄႉ မီးဝႆႉၶဝ်ႈမုၼ်းဢိတ်းဢွတ်း။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2015)

ၼွၼ်း

တီႈၼႂ်းသီႇပေႃႉၼႆႉ တီႈၼွၼ်းတႄႉ ၼမ်လိူင်ႇယူႇ။ ၶဝ်တၢင်းသဵင်ႈၼၼ်ႉၵေႃႈ သၢင်ႇထုၵ်ႇလီ ၵဵင်ႈသႂ်လီယူႇ။ ဢၼ်ၶၼ်ထုၵ်ႇသေပိူၼ်ႈတႄႉ ပဵၼ် ၼမ်ႉၶေးမၢဝ်းသေ၊ ႁူမ်ႈဝႃႈ မၼ်းမီး ယူင်ႉသၢင်ႈဢၼ်ၶႅမ်ႉသေတႃႉ ယွၼ်ႉပိူဝ်ႈဝႃႈ ၵူၼ်းႁဵတ်းၵၢၼ်တီႈၼၼ်ႈ ဢမ်ႇပေႃးမေႃ သိူၵ်ႈသမ်ႇလႄႈသင် ၵၢၼ်ၵမ်ႉထႅမ်မၢင်ၸိူဝ်း လုတ်ႈႁၢမ်းဝႆႉလႄႈသင် ၵူၼ်းမႃးလင်တီႈၼင်ႈ ဢွၼ်ၵၼ် ၶၢႆႉၵႂႃႇၸူး Mr. Charles ပဵၼ်ၸုမ်းယဝ်ႉ။ ဢၼ်ပဵၼ် Mr. Kid's ၼၼ်ႉၵေႃႈ မေႃမိုဝ်ႈၵိုဝ်းတႄႉတႄႉသေ ၸမ်ၵၼ်တင်း တႃႈရူတ်ႉလဵၼ်းယဝ်ႉ။ သင်ၸိူဝ်ႉဝႃႈ ၸဝ်ႈၵဝ်ႇၽႅဝ်ႁွတ်ႈၵႂႃႇတင်း ရူတ်ႉပၢတ်ႉသ်ၵၢင်ၶမ်ႈၼႆ ၵူၼ်းႁၢပ်ႇၵၢၼ်တီႈ ႁူင်းလိုဝ်ႈသဝ်းၵမ်ႈၽွင်ႈ တေမႃးထူပ်းၸဝ်ႈၵဝ်ႇ တီႈ ၵႃးမႃးၵိုတ်းပၼ်ၼၼ်ႉသေ တေႁူၺ်းၸဝ်ႈၵဝ်ႇ တႃႇၵႂႃႇၼွၼ်း တီႈ ႁူင်းလိုဝ်ႈသဝ်းၶဝ်ယဝ်ႉ။

• 1 ႁူင်းလိုဝ်ႈသဝ်း မိတ်ႇသတႃႇၶျႃႇလီႇ (Mr Charles Guest House) (Awtha St)။ ႁၢမ်ႉဢမ်ႇပေႃးဢုၼ်ႇဢူၵ်းဢုၼ်ႇၸႂ်။ ယူင်ႉသၢင်ႈၵဝ်ႇၼၼ်ႉ ၸိုဝ်ႈလိုဝ်းလင် တႃႇ ၵူၼ်းဢွၵ်ႇၶၢဝ်းတၢင်း ဢၼ်ပႃးထူင်ပႃႉလင်ၼၼ်ႉသေ တီႈၵၢင်ၸၢၼ်းၼၼ်ႉတႄႉ ႁၢမ်ႉတေပၼ်းဝႆႉဢိတ်းၼိုင်ႈ၊ ၵူၺ်းၵႃႈဝႃႈ ပေႃးထိုင် 22:00 မူင်းၼႆတႄႉ ႁႄႉႁၢမ်ႈလၢတ်ႈၵႂၢမ်းလင်လင်။ ၽႃဢၼ်ၵင်ႈဝႆႉၼၼ်ႉၵေႃႈ မၢင်ဝႆႉ။ ဢၼ်ပဵၼ်ယူင်ႉသၢင်ႈမႂ်ႇၼၼ်ႉ တေတိူဝ်းၵႃႈယႂ်ႇဢိတ်းၼိုင်ႈသေ တေတူၵ်းၸူဝ်ႈ US$30 ၼႆႉသေ ယိူင်းဢၢၼ်းတႃႇ ၶႅၵ်ႇၼွၵ်ႈမိူင်း ဢၼ်မႃးပဵၼ်ၸုမ်းၼၼ်ႉယဝ်ႉ။ ၶဝ်တေၸၢင်ႈၶပ်ႉၶိုင်ပၼ် မႂ်တိုတ်းရူတ်ႉပၢတ်ႉသ်၊ ထႅၵ်ႇၸီႇဢၼ်ၶီႇၸွမ်းၵၼ်၊ ၶၢဝ်းတၢင်းပႆတိၼ်၊ ၶၢဝ်းတၢင်းၵႂႃႇ ၼမ်ႉသၼ်ႇ။ ဝၢႆႇၾၢႆႇၵေႃႈ ၸၢင်ႈၸႂ်ႉလႆႈ၊ တီႈႁိမ်းၶၢင်ႈၼၼ်ႉၵေႃႈ မီးဝႆႉ ဢိၼ်ႇထႃႇၼႅတ်ႉၵၾႄး။ မီးရူတ်ႉပိၵ်ႉၵၢပ်ႉ ဢၼ်ၵႂႃႇႁပ်ႉပၼ်တီႈ တႃႈရူတ်ႉလဵၼ်း (ရူတ်ႉလဵၼ်း တႃႈလိူဝ်ႇ-သီႇပေႃႉ) ႁပ်ႉပၼ်လၢႆလၢႆ။ ဢၼ်ပႃးၶွင်ႉၼမ်ႉသုၼ်ႇတူဝ် US$22; ဢၼ်ၸႂ်ႉၶွင်ႉၼမ်ႉ ၸွမ်းပိူၼ်ႈ US$7။ 
• ႁူင်းလိုဝ်ႈသဝ်း မိတ်ႇသတႃႇၵိတ်ႉ (Mr Kid Guest House) (သဵၼ်ႈတၢင်းပူဝ်ႇၶျူၵ်ႉ၊ တၢင်းၵႂႃႇၸူး တႃႈရူတ်ႉလဵၼ်း)။ ပဵၼ်တီႈလီသိူဝ်းၸႂ် ၼင်ႇႁိူၼ်းၸဝ်ႈၵဝ်ႇ၊ မုင်ႉႁေႃႁိူၼ်းတီႈၼၼ်ႈ မေႃၶၢမ်ႇၶႅၵ်ႇၼႃႇ၊ ၼမ်ႉၼဵင်ႈၼိုင်ႈၵွၵ်းတႄႉ တိုၼ်းမီးဝႆႉသေႇသေႇယဝ်ႉ။ တၢင်းၵိၼ်ၵၢင်ၼႂ်တႄႉ ဢမ်ႇပႃး။ ထၢင်ၶဝ်ပဵၼ် ထၢင်ႈၼင်ႈ ၼင်ႇမိူင်းဝၼ်းတူၵ်း တႄႇ 5,000 ၵျၢပ်ႈ။ 
• 2 ႁူင်းလိုဝ်ႈသဝ်း ၼမ်ႉၶေးမၢဝ်း / Lily The Home (Nam Khae Mao Guest House / Lily The Home) 134 သဵၼ်ႈတၢင်းပူဝ်ႇၶျူၵ်ႉ - ☏ +95 82 80077, +95 82 80088, +95 82 80316 - ✉ namkhaomaoguesthouse@gmail.com။ ဢဝ်ႁူင်းလိုဝ်ႈသဝ်း 3 ဢၼ် ဢၼ်မီးႁိမ်းၵၼ်။ သႅၼ်ႈသႂ် လႄႈ ၵူၼ်းႁၢပ်ႇၵၢၼ် မေႃမိုတ်ႈၵိုဝ်း။ ၸၢင်ႈၶပ်ႉၶိုင် တႃႇႁပ်ႉပၼ်တီႈ တႃႈရူတ်ႉလဵၼ်း၊ မႂ်တိုတ်း ရူတ်ႉပၢတ်ႉသ်၊ ရူတ်ႉထႅၵ်ႇၸီႇ ၶီႇႁူမ်ႈၵၼ်၊ ၶၢဝ်းတၢင်းပႆ လႄႈ ၶၢဝ်းတၢင်းၶီႇရူတ်ႉၶိူင်ႈ။ ၸႂ်ႉလႆႈဝၢႆႇၾၢႆႇလၢႆလၢႆ၊ ပေႃးတေၸႂ်ႉၸွမ်းၶွမ်း ၼိုင်ႈၸူဝ်ႈမူင်း 500 ၵျၢပ်ႈ။ ၼမ်ႉဢုၼ်ႇ လႆႈ 24 ၸူဝ်ႈမူင်း။ ပေႃးပဵၼ် ဢၼ်ၸႂ်ႉၶွင်ႉၼမ်ႉႁူမ်ႈၵၼ် US$5 (တွၼ်ႈတႃႇ ၵူၼ်းၼိုင်ႈၵေႃႉ); ပေႃးပဵၼ် ဢၼ်ပႃးၶွင်ႉၼမ်ႉသုၼ်ႇတူဝ် US$7-10; ဢမ်ႇပႃးတၢင်းၵိၼ်ၵၢင်ၼႂ်။ Lily The Home ၼႆႉ တႄႇ $20။ 
• Red Dragon Hotel သဵၼ်ႈတၢင်းမႁေႃႇၵၼီႇ (လုၵ်ႉတီႈ ႁူင်းလိုဝ်ႈသဝ်း Mr.Charles သေ ၶၢမ်ႈတၢင်းၵႂႃႇ) - ☏ +95 9258910822, +95 93 3036700 - ✉ reddragonhotelhsipaw@gmail.com။ Check-in: ၶၢဝ်းၶဝ်ႈၶွင်ႉ (ပဵၼ်တၢင်းၵၢၼ်တႄႉ) 14:00 သေတႃႉ ပေႃးဝႃႈ မီးၶွင်ႉပဝ်ႇယူႇတႄႉ တေႁႂ်ႈၶဝ်ႈတဵမ်ၸဝ်ႉယူႇ။ - check-out: 12:00။ ႁူင်းႁႅမ်း ဢၼ်ၵႃႈၶၼ်ထုၵ်ႇ (ဢၼ်ၸႂ်ႉၶွင်ႉၼမ်ႉႁူမ်ႈၵၼ်)၊ ၶွင်ႉၼွၼ်းၵေႃႈ ၶႅမ်ႉယူႇ၊ ဢၼ်ၵိုင်ႇသေပိူၼ်ႈတႄႉ ပဵၼ် ၶွင်ႉလၵ်းၸဵင် (en-suite)ယဝ်ႉ။ ၶဝ်တေၸၢင်ႈ ၶပ်ႉၶိုင်ပၼ် မႂ်တိုတ်းရူတ်ႉပၢတ်ႉသ်၊ ထႅၵ်ႇၸီႇ၊ ၶၢတ်ႈပၼ် လႅင် လႄႈ ၶၢဝ်းတၢင်းဢႅဝ်ႇလႄႇ။ ၶဝ်ႈပႃး ဝၢႆႇၾၢႆႇ လႄႈ တၢင်းၵိၼ်ၵၢင်ၼႂ်။ လွင်ႈလူၺ်းၶူဝ်း လႄႈ ဢွင်ႈတီႈသိမ်းၶူဝ်းၶွင်ၵေႃႈ မီးဝႆႉ။ ၵၢၼ်ႁပ်ႉၶႅၵ်ႇ 24 ၸူဝ်ႈမူင်း သေ ပေႃးၶီႇရူတ်ႉပၢတ်ႉသ်ၵၢင်ၶမ်ႈမႃးလူင်း (ရူတ်ႉပၢတ်ႉသ် ၼွင်ႁၢႆးယႃႈ-သီႇပေႃႉ) ၼႆ ၶဝ်တေမႃးႁပ်ႉပၼ် လၢႆလၢႆ။ ပေႃးၶၢဝ်းၵူၼ်းႁၢင်ႇတႄႉ ၶဝ်တေယွမ်းပၼ်ၵႃႈမၼ်း၊ ၵူၺ်းၵႃႈဝႃႈ တေပဵၼ်ဢၼ် ပႆၶဝ်ႈၵႂႃႇၵူၺ်း (တႄႇ US$12)။ ပေႃႈဝႃႈ ပဵၼ်ဢၼ် သင်ႇမၢႆဝႆႉၼႆတႄႉ တိူဝ်းၵႃႈလိူဝ် (US$20-30)။ ဢၼ်ၸႂ်ႉၶွင်ႉၼမ်ႉႁူမ်ႈၵၼ် US$14၊ ဢၼ်ပႃးၶွင်ႉၼမ်ႉသုၼ်ႇတူဝ် US$26။ 

ယူႇသဝ်း ႁႂ်ႈပၢႆးယူႇလီၶႅမ်ႉလႅပ်ႈ

တီႈသီႇပေႃႉၼႆႉ မီႈဝႆႉ 2 ႁူင်းယႃၵူၼ်းမိူင်း။ Always Open။ (ဢၢပ်ႉတဵတ်ႉဝႆႉ မိူဝ်ႈ ၸုၼ်ႇ 2019) ဢၼ်ပဵၼ် ႁူင်းယႃ လူင်ပွင်ၸိုင်ႈ။ တီႈၼၼ်ႈၼႆႉ မီႈဝႆႉ ယႃႈယႃ လႄႈ မေႃယႃ ဢၼ်မေႃလၢတ်ႈၵႂၢမ်းဢိင်းၵလဵတ်ႈ။

ၵပ်းသိုပ်ႇ

တီႈသီႇပေႃႉၼႆႉ ဢမ်ႇမီးတီႈဢၼ်တေၸၢင်ႈ ၵပ်းသိုပ်ႇတိတ်းတေႃႇလႆႈ ၵူႈၸိုင်ႈမိူင်း။ တီႈလၢၼ်ႉသတူဝ်း လႄႈ တီႈႁွင်ႉၾူင်းၵမ်ႉၼမ်ၵေႃႈ ပဵၼ်တႃႇ ပိုၼ်ႉတီႈ လႄႈ ၵၢၼ်ၸွႆႈသၢင်ႈႁွင်ႉၾူင်းၼႂ်းမိူင်းၵူၺ်း။ လုမ်းၾူင်းၼႆႉ မီးဝႆႉတီႈႁိမ်း ႁေႃၸဝ်ႈၾႃႉၼၼ်ႉယဝ်ႉ၊ ၵူၺ်းၵႃႈဝႃႈ ဢမ်ႇသူႈပိုတ်ႇသေ မၼ်းၵေႃႈ တေဢမ်ႇၸၢင်ႈပၼ် ၵၢၼ်ၸွႆႈသၢင်ႈ တႃႇႁွင်ႉၾူင်းၸူး ၵူႈၸိုင်ႈမိူင်းၼင်ႇၵဝ်ႇ။

• Memory Computer Training Center (မီးတီႈႁိမ်း ႁူင်းပလိၵ်ႈ လုၵ်ႉတီႈ သဵၼ်ႈတၢင်းလူင်သေ မီးတၢင်းဢွၼ်ႇ ၶဝ်ႈၵႂႃႇၽၢႆႇႁွင်ႇဝဵင်း၊ မီးဝႆႉပၢႆႉ "Memory")။ ၵေႃႈမိူၼ်ၼင်ႇ တၢင်ႇတီႈ တီႈၼႂ်းမိူင်းမျၢၼ်ႇမႃႇယူႇ။ လႅင်းဢိၼ်ႇထႃႇၼႅတ်ႉတႄႉ ဢမ်ႇပေႃးၽႂ်း။ ပေႃးၵႂႃႇဝၢႆးဝၼ်းတႄႉ ၵူၼ်းဢမ်ႇပေႃးၼမ်။ ၼိုင်ႈၸူဝ်ႈမူင်း 400 ၵျၢပ်ႈ။ 
• Net City Internet Cafe (သဵၼ်ႈတၢင်းဢေႃးသ)။ ႁူမ်ႈဝႃႈၶဝ်မီး ၶွင်ႉသၢႆဢိၼ်ႇထႃႇၼႅတ်ႉ သီႇဢၼ်သေတႃႉ ၶဝ်ဢမ်ႇၽွမ်ႉ တႃႇပၼ် ၵူၼ်းၼွၵ်ႈမိူင်းၸႂ်ႉ ဝၢႆႇၾၢႆႇ။ ၶဝ်လၢတ်ႈတႄႉ ဝၢႆႇၾၢႆႇၸိူဝ်းၼၼ်ႉ ပဵၼ်တႃႇ ၵူၼ်းပၼ်ငိုၼ်းႁူဝ်လိူၼ်သေ ၸႂ်ႉၵူၺ်းၼႆယဝ်ႉ။ ၼိုင်ႈၸူဝ်ႈမူင်း 500 ၵျၢပ်ႈ။ 

သိုပ်ႇၵႂႃႇထႅင်ႈ

• လႃႈသဵဝ်ႈ – ပဵၼ်ဝဵင်းၵႃႉၶၢႆ သေ မီးဝႆႉ ႁူင်းႁႅမ်းၶႄႇၶိုတ်းၵၢပ်ႈတင်းၼမ်။ လႃႈသဵဝ်ႈၼႆႉ ပဵၼ်ဝဵင်းၵိုတ်းယင်ႉလိုၼ်းသုတ်း ဢၼ်မီးတီႈၼိူဝ် ၶၢဝ်းတၢင်းၵႂႃႇ မိူင်းၶႄႇ
• ၵျွၵ်းမႄး – ပဵၼ်ဝဵင်းဢွၼ်ႇ လႄႈ ဝဵင်းလီမူၼ်ႈသိူဝ်းၸႂ် ဢၼ်မီးတီႈၼိူဝ်သဵၼ်ႈတၢင်း ပၢင်ႇဢူး တေႃႇ သီႇပေႃႉ၊ ၵျွၵ်းမႄးၼႆႉ ပဵၼ် ဢွင်ႈတီႈၶိုၵ်ႉၶႅမ်ႉ တွၼ်ႈတႃႇ ဢွၵ်ႇၶၢဝ်းတၢင်းၸူး ဝၢၼ်ႈတႆး။
• ၼမ်ႉသၼ်ႇ – ပေႃးၵႂႃႇမွၵ်ႈ 80 ၵီႇလူဝ်ႇမီႇတႃႇၼႆ တေလႆႈႁၼ် ဝဵင်း ၼမ်ႉသၼ်ႇ ဢၼ်မီးတီႈၼိူဝ်လွႆ၊ ၵူၼ်းဢၼ်ၵႂႃႇလႆႈ ၵႆၵႆတႄႉ တေၸၢင်ႈၽႅဝ်တီႈလွႆၼၼ်ႉသေ ဢမ်ႇႁၢင်ႈႁႅၼ်းၶၢဝ်းတၢင်း ဢမ်ႇပႃးၽူႈၸိၼမ်းသၢႆတၢင်းၵေႃႈ တေၸၢင်ႈၵႂႃႇလိုဝ်ႈသဝ်းၼွၼ်းၶိုၼ်း တီႈၼၼ်ႉ။ တွၼ်ႈတႃႇၵႂႃႇတီႈၼၼ်ႉၼႆႉ လၢႆးဢၼ်ငၢႆႈသေပိူၼ်ႈတႄႉ ၶၢတ်ႈရူတ်ႉၶိူင်ႈ သေ ၸွမ်းလင်ၵႂႃႇ (တွၼ်ႈတႃ ၶၢဝ်းတၢင်းသွင်ဝၼ်းၼႆႉ တေလႆႈပၼ်ယူႇ 15,000 ၵျၢပ်ႈ) ဢမ်ႇၼၼ် ၶၢတ်ႈရူတ်ႉပိၵ်ႉၵၢပ်ႉ (30,000 ၵျၢပ်ႈ) တီႈ သီႇပေႃႉၵႂႃႇလႄႈ။ Mr Book ၸၢင်ႈၶပ်ႉၶိုင်ပၼ် ၵၢၼ်တေႃႉသူင်ႇ လႄႈ တေၸၢင်ႈလၢတ်ႈပၼ် Mr Charles တႃႇႁႂ်ႈ ၶပ်ႉၶိုင်ပၼ် တႃႇလုၵ်ႉတီႈ ႁူင်းလိုဝ်ႈသဝ်းမၼ်း ဢွၵ်ႇၶၢဝ်းတၢင်း ၵႂႃႇၸူး ၼမ်ႉသၼ်ႇ။ တီႈၼမ်ႉသၼ်ႇၼႆႉ ဢမ်ႇမီးယူင်ႉသၢင်ႈပဵၼ်တၢင်းၵၢၼ် ဢၼ်တႃႇလိုဝ်ႈသဝ်းလႆႈ၊ ၵူၺ်းၵႃႈဝႃႈ ဢွင်ႈတီႈလၢႆတီႈတႄႉ တေပၼ်ႁႂ်ႈၸဝ်ႈၵဝ်ႇလိုဝ်ႈသဝ်းသေ ၊ တေၸၢင်ႈပၼ်လႆႈ ၸဝ်ႈၵဝ်ႇၼွၼ်းၼိူဝ်ၽၢၵ်ႈ (ၽႃႈမႆၸိူဝ်းၼႆႉတႄႉ တေပၼ်ယူႇ)။ မိူဝ်ႈ ၵျူႇလၢႆႇ 2019 ၼၼ်ႉတႄႉ လႅပ်ႈႁႄႉႁၢမ်ႈ တႃႇၵႂႃႇတီႈၼၼ်ႈယဝ်ႉ။