ငူၺ်ႇသွင်ႇ (မၢၼ်ႈ - ငွေဆောင်) ၼႆႉ ပဵၼ် ဢွင်ႈတီႈ ဢၼ်မီးတီႈလိုဝ်ႈသဝ်း ၽင်ႇပၢင်ႇလၢႆႇတင်းၼမ် လႄႈ ပဵၼ်ဝၢၼ်ႈဢွၼ်ႇ ဢၼ်မီးတီႈၼႂ်း ထုင်ႉ ဢေႇရႃႇဝတီႇ ၶွင် မျၢၼ်ႇမႃႇ ၼၼ်ႉယဝ်ႉ။

လီႁူႉဝႆႉ

ၽင်ႇပၢင်ႇလၢႆႇ ငူၺ်ႇသွင်ႇ

ငူၺ်ႇသွင်ႇၼႆႉ ပဵၼ်ဝၢၼ်ႈဢွၼ်ႇဢၼ်ၼိုင်ႈ ဢၼ်မီးတီႈၽၢႆႇႁွင်ႇ တီႈဢၼ်မီး ဢွင်ႈလိုဝ်ႈႁိူဝ်ႉလိုဝ်ႈၸႂ် လႄႈ ႁူင်းႁႅမ်း ဢၼ်ယၢၼ်ၵၼ်တင်း ၽင်ႇပၢင်ႇလၢႆႇ 9 ၵီႇလူဝ်ႇမီႇတႃႇၼၼ်ႉယဝ်ႉ။ ယွၼ်ႉပိူဝ်ႈ ရူတ်ႉၶိူင်ႈပိုၼ်ႉတီႈလႄႈ ၽင်ႇပၢင်ႇလၢႆႇၼၼ်ႉ လႆႈလူႉလႅဝ်ဝႆႉ ဢိတ်းဢိတ်းသေ မၢင်ပွၵ်ႈ ၵူၼ်းႁေႃႈ ရူတ်ႉၶိူင်ႈသီႇမၢၵ်ႇ ၵႂႃႇမႃးၸွမ်း ၽင်ႇပၢင်ႇလၢႆႇသေ ပဵၼ်တႃႇၶၢတ်ႈ တႃႇၵႂႃႇလႄႇ လႄႈ ပဵၼ်ဢၼ်တေႃႉသူင်ႇ ထူဝ်းရိတ်ႉၸိူဝ်းၼႆႉယဝ်ႉ။ ဝႃႈၼၼ်သေတႃႉၵေႃႈ ၽင်ႇပၢင်ႇလၢႆႇၼႆႉ ႁၢင်ႈလီသေ သင်ၸိူဝ်ႉဝႃႈ ၸဝ်ႈၵဝ်ႇၼႆႉ ပဵၼ်ၵူၼ်းမေႃလိုဝ်ႈႁိူဝ်ႉလိုဝ်ႈၸႂ် တီႈ ၽင်ႇပၢင်ႇလၢႆ ဢမ်ႇၼၼ် ၶႂ်ႈႁႂ်ႈၶၢဝ်းယၢမ်း သုတ်းသဵင်ႈ တီႈၵၢၼ်ၼမ် မျၢၼ်ႇမႃႇၼႆၸိုင် ဢၼ်ၼႆႉ တေပဵၼ် တီႈလီဢၼ်ၼိုင်ႈ၊ ပေႃးၼိူင်းၵၼ်တူၺ်းတင်း ငပလီႇ ၼႆ ပဵၼ်ဢွင်ႈတီႈ ဢၼ်ၵႃႈၶၼ်သၢင်ႇထုၵ်ႇယဝ်ႉ။

ၵႂႃႇၸူး

ရူတ်ႉပၢသ်ႉ ၸိူဝ်းၼႆႉ မႃးၵိုတ်း လႄႈ တႄႇဢွၵ်ႇ တီႈ 1 တၢင်းၽႄလူင် ဢၼ်မီးတီႈ မိူဝ်ႈပႆႇထိုင် ဝၢၼ်ႈ ၼၼ်ႉယဝ်ႉ။

• တႃႈၵုင်ႈ – ၼိုင်ႈဝၼ်းၼိုင်ႈဝၼ်းၼႆႉ ရူတ်ႉပၢသ်ႉ ၸိူဝ်းၵႂႃႇၸူး ငူၺ်ႇသွင်ႇၼႆႉ မီးဝႆႉတင်းၼမ်၊ ၵမ်ႉၼမ် ဢွၵ်ႇၵၢင်ၼႂ်၊ ၵႃႈၶၼ်မၼ်းတႄႉ တေမီးၼႂ်းၵႄႈ 7,000 တေႃႇ 12,000 ၵျၢပ်ႈ ၼၼ်ႉတႄႉ ဢိင်ၼိူဝ် ႁူင်းၵၢၼ် ဢၼ်ၸဝ်ႈၵဝ်ႇၵႂႃႇၸွမ်းၼၼ်ႉလႄႈ ဢိင်ၼိူဝ် ဢွင်ႈတီႈ ဢၼ်ၸဝ်ႈၵဝ်ႇ တႄႇဢွၵ်ႇ တူဝ်ယၢင်ႇမၼ်း လုၵ်ႉတီႈ တႃႈရူတ်ႉ ၻၵူင်ႈဢေႇယႃႇ ဢမ်ႇၼၼ် လုၵ်ႉတီႈ ၵၢင်ဝဵင်းသေဢွၵ်ႇ။ ဢၼ်ပဵၼ် သၢႆရူတ်ႉၻၵူင်ႇဢေးသျႃး ဢၼ်ၸၢင်ႈသင်ႇမၢႆ လႆႈတီႈၼႂ်းတႃႈၵုင်ႈ တီႈႁိမ်း ႁူင်းႁႅမ်း ၽၢၵ်ႉရၢႆႇယႄႇ (ဢမ်ႇၸႂ်ႈတီႈၼႂ်း ႁူင်းႁႅမ်း)၊ ၼၼ်ႉ တေတူၵ်းၸူဝ်ႈ 25,000 ၵျၢပ်ႈ ပႃးတႃႇမႂ်တိုတ်း ဢၼ်တႃႇၶိုၼ်းမႃး။ ဢမ်ႇၼၼ် ၸၢမ်းတူၺ်းတီႈ ႁူင်းၵၢၼ်ဢွၵ်ႇၶၢဝ်းတၢင်း သူၺ်ႇပျီႇလႂိၼ်ႇ (09-43040480, -4200319755, -8550147, 042-42202) တေလႆႈပၼ် 10,000 ၵျၢပ်ႈ တႃႇ ၶၢဝ်ႈတၢင်းၼိုင်ႈၽၢႆႇ၊ ဢွၵ်ႇ 06:30 လႄႈ 07:30 ။ လုၵ်ႉတီႈ တႃႈရူတ်ႉၻၵူင်ႇဢေႇယႃႇသေဢွၵ်ႇယဝ်ႉ။ တၢင်းတႄႉၵေႃႈ မၢင်တီႈတႄႉ ပႆႇပေႃးၶႅမ်ႉသေတႃႉ တိုၵ်ႉမႄးယူႇတိၵ်းတိၵ်းၼင်ႇၵဝ်ႇ။ ယွၼ်ႉၼၼ်လႄႈ ၶၢဝ်းတၢင်း ဢၼ်လုၵ်ႉတႃႈၵုင်ႈၵႂႃႇ ငူၺ်ႇသွင်ႇ တႃႇ 222 ၵီႇလူဝ်ႇမီႇတႃႇၼႆႉ တေဢဝ်ၶၢဝ်းယၢမ်း 5-6 ၸူဝ်ႈမူင်း ၶဝ်ႈပႃး လိုဝ်ႈၵိၼ်ၶဝ်ႈဝၼ်း လႄႈ လွင်ႈလိုဝ်ႈရူတ်ႉ။ ပေႃးပဵၼ်ၶၢဝ်းၵူၼ်းၵိုၼ်းတႄႉ မီးပႃးရူတ်ႉၵၢင်ၶမ်ႈ (ဢေးသျႃး ၻၵူင်ႇ၊ ၷူဝ်းတႅၼ်းသတႃး) ဢွၵ်ႇၶၢဝ်း 21:00 မူင်းယဝ်ႉ။ ၶဝ်လုၵ်ႉတီႈ ၵၢင်ဝဵင်း ဢွၵ်ႇသေ ၽႅဝ်ႁွတ်ႈတီႈ ငူၺ်ႇသွင်ႇ ၽွင်းၵၢင်ၶိုၼ်း မွၵ်ႇ 03:00 မူင်းၼၼ်ႉယဝ်ႉ။ တွၼ်ႈတႃႇလႆႈဢွင်ႈတီႈၼွၼ်းတႄႉ သင်ႇမၢႆထႃႈ ႁူင်းႁႅမ်းၼႆႉ လီသေပိူၼ်ႈယဝ်ႉ။ ရူတ်ႉပၢသ်ႉ ၵမ်ႉၼမ်တႄႉ ပႃးဢႄးၵွၼ်း။ မိူဝ်ႈၸမ်ၽႅဝ် လူဝ်ႇထႅင်ႈ 1.5 မူင်းၼၼ်ႉ ပဵၼ် တၢင်းၶိုၼ်ႈလွႆလူင်းလွႆ လႄႈ တေၸၢင်ႈမဝ်းရူတ်ႉၵႃးယူႇ။ သင်ၸိူဝ်ႉဝႃႈ ၸဝ်ႈၵဝ်ႇ မေႃမဝ်းရူတ်ႉၵႃးၼႆတႄႉ လူဝ်ႇၵိၼ်ယႃႈယႃသေ ႁၢင်ႈႁႅၼ်းဝႆႉထႃႈ။
• ပတဵင်ႇ – ရူတ်ႉပၢသ်ႉ မၢင်ၸိူဝ်း လႄႈ ရူတ်ႉသွင်ထႅဝ်ဢွၼ်ႇ/ရူတ်ႉဝႅၼ်ႇ ဢၼ်ၵႂႃႇၸူး ငူၺ်ႇသွင်ႇ ၶၢဝ်းတၢင်း 1.5 မူင်း၊ လႆႈပၼ် 4,000 ၵျၢပ်ႈ။ တႃႈရူတ်ႉပၢသ်ႉ ဢၼ်မီးႁိမ်းၵွင်းမူး သူၺ်ႇမူၵ်ႉတေႃးၼၼ်ႉ မီးရူတ်ႉတူဝ်ႇယူဝ်ႇတႃႇၶဵဝ် ဢၼ်တႅမ်ႈဝႆႉဝႃႈ 'ရူတ်ႉၵႂႃႇၽင်ႇပၢင်ႇလၢႆႇ' ၼၼ်ႉ ဢွၵ်ႇၶၢဝ်း မွၵ်ႇ 09:00 လႄႈ 13:00 ဢမ်ႇၼၼ် ႁႄႉရူတ်ႉ ၸိူဝ်းလတ်းၵႂႃႇ တီႈသုတ်း သဵၼ်ႈတၢင်းမိၼ်းၵျီး ၸိူဝ်းဢၼ်ၵႂႃႇၸူး ငူၺ်ႇသွင်ႇ။ မီးပႃး ထႅၵ်ႇၸီႇ သုၼ်ႇတူဝ်၊ တေလႆႈပၼ် မွၵ်ႈ 30,000 ၵျၢပ်ႈ။ ပေႃးၸဝ်ႈၵဝ်ႇ ဢမ်ႇပႃးတိူၵ်ႈၶူဝ်းယႂ်ႇလူင်လၢင်တႄႉ ၶီႇရူတ်ႉၶိူင်ႈၵႂႃႇၵေႃႈလႆႈသေ ၼိုင်ႈၵေႃႉ တေလႆႈပၼ်ယူႇ 10,000 ၵျၢပ်ႈ။ ပတဵင်ႇၼႆႉ ပဵၼ်ၼင်ႇ ဢွင်ႈတီႈတၢင်းၽႄ တွၼ်ႈတႃႇၶၢဝ်းတၢင်း တႃႈၵုင်ႈ ဢမ်ႇၼၼ် ၵႂႃႇၸူးဝဵင်း ၼင်ႇ ပျီႇ ဢမ်ႇၼၼ် ငပလီႇ။
• ၶျွင်းတႃႇ မီးထႅၵ်ႇၸီႇရူတ်ႉၶိူင်ႈ တႃႇ ၶၢဝ်းတၢင်းၼိုင်ႈၽၢႆႇ တေလႆႈပၼ် 8-13,000 ၵျၢပ်ႈ ။ တီႈသၢႆတၢင်းၼၼ်ႉ တေလႆႈလတ်းၶၢမ်ႈ မႄႈၼမ်ႉသွင်ဢၼ်။

ၸွၼ်ႇ

ၸဝ်ႈၵဝ်ႇ တေၸၢင်ႈ ၶၢတ်ႈ လႅင် ဢမ်ႇၼၼ် ဢဝ် ထႅၵ်ႇၸီႇရူတ်ႉၶိူင်ႈ။ ၵူၺ်းၵႃႈဝႃႈ လွင်ႈၶၢတ်ႈရူတ်ႉၶိူင်ႈၼႆႉ မၼ်းတေဢမ်ႇၸႂ်ႈ ပၢႆးဝူၼ်ႉလီ၊ ပေႃးဢမ်ႇၼၼ်တႄႉ ဢွင်ႈတီႈဢၼ်ဢမ်ႇပႆႇလူႉပႆႇလႅဝ်သင်ၼႆႉ ၵူၼ်းတေၵိုၼ်းဢိုၵ်ႉဢိုၵ်ႉမႃး မိူၼ်ၼင်ႇ ၽင်ႇပၢင်ႇလၢႆႇ မိူင်းထႆးၼၼ်ႉယဝ်ႉ။ ပႆတၢင်းၸွမ်း ၽင်ႇပၢင်ႇလၢႆႇၼႆႉ တေၸၢင်ႈပဵၼ် တၢင်းလိူၵ်ႈဢၼ်ၼိုင်ႈသေတႃႉ မၼ်းတေသဵင်ႈၶၢဝ်းယၢမ်း။ ဢမ်ႇၼၼ် ထႅင်ႈလၢႆးၼိုင်ႈၸမ်ႉ မေႃႇတေႃႇပိုၼ်ႉတီႈ ဢမ်ႇၼၼ် ထႅၵ်ႇၸီႇရူတ်ႉၶိူင်ႈသီႇမၢၵ်ႇ၊ ပေႃးတီႈၼႂ်းဝၢၼ်ႈ 1000 ၵျၢပ်ႈသေ ပေႃးတေႃႇသုတ်းတီႈ ၽင်ႇပၢင်ႇလၢႆႇငူၺ်ႇသွင်ႇတႄႉ 1,500 ၵျၢပ်ႈ။

တူၺ်း

• 1 ၵုၼ်ၵေႃႉႁၵ်ႉ (Bugwe Kyun) (မီးတီႈ ၽၢႆႇၸၢၼ်းသုတ်း ၽင်ႇပၢင်ႇလၢႆႇ). ၽွင်းၼမ်ႉတူၵ်းၼႆ ပႆလတ်းၶၢမ်ႈ ပႅၵ်ႈသၢႆးသေၵေႃႈ ၸၢင်ႈၽႅဝ်ၸူး ၵုၼ်ၵေႃႉႁၵ်ႉလႆႈယူႇ။ ၵုၼ်ဢၼ်ၼႆႉ မၼ်းလဵၵ်ႉလဵၵ်ႉဢွၼ်ႇသေ မၼ်းမီး ႁုၼ်ႇႁၢင်ႈၼၢင်းပႃ လႄႈ တီႈပိုၼ်ႉငဝ်ႈၵုၼ်ၼၼ်ႉ မီးဝႆႉ ဢွင်ႈတီႈလွင်ႈၵိူဝ်းယမ်ဢွၼ်ႇဢၼ်ၼိုင်ႈ။ ယွၼ်ႉပိူဝ်ႈဝႃႈ တႂ်ႈလိၼ်ၼၼ်ႉမီးမၢၵ်ႇႁိၼ်လႄႈ ဢဝ်သွၵ်းတိၼ်/ၶႅပ်းတိၼ်ၵႂႃႇပႃး။ ပေႃးၸဝ်ႈၵဝ်ႇ ၸၢင်ႈဢဝ်လႆႈ ၶိူင်ႈလမ်ၼမ်ႉၼႆ ၽိူဝ်တႃႉဝႃႈ တေၶၢတ်ႈႁိူဝ်းၵႂႃႇၸူး ၵုၼ်ၼူၵ်ႉ တႃႉ လမ်ၼမ်ႉတူၺ်း တီႈၼႆႈ။  

ၵွင်းမူး တီႈ ၽင်ႇပၢင်ႇလၢႆႇ

• 2 ၵွင်းမူး ၽင်ႇပၢင်ႇလၢႆႇ (မိူဝ်ႈပႆႇၽႅဝ် ၵုၼ်ၵေႃႉႁၵ်ႉ 1.5 ၵီႇလူဝ်ႇမီႇတႃႇ). တီႈမျၢၼ်ႇမႃႇၼႆႉ ႁူမ်ႈဝႃႈ ပဵၼ်ဢွင်ႈတီႈ ဢၼ်ၵႆပိူၼ်ႈသေတႃႉ တေၸၢင်ႈႁၼ်လႆႈ ၵွင်းမူးယူႇ၊ ယွၼ်ႉပိူဝ်ႈဝႃႈ ၵူၼ်းၵူႈၵေႃႉၼႆႉ ၶႂ်ႈဢဝ်ငိုၼ်းၸဝ်ႈၵဝ်ႇသေ ၵေႃႇတင်ႈ ဢမ်ႇၼၼ် ပိုၼ်ၽႄၼင်ႇ ပဵၼ်ၶွင်ၸဝ်ႈၵဝ်ႇ။ တီႈၽင်ႇပၢင်ႇလၢႆႇၼၼ်ႉ တေၸၢင်ႈႁၼ်လႆႈ ၵွင်းမူးသွင်သူ ဢၼ်မီးတီႈၼိူဝ် မၢၵ်ႇႁိၼ်။ တွၼ်ႈတႃႇ ၶၢဝ်းတၢင်း ပႃးၶိူင်ႈ လမ်ၼမ်ႉ 25,000 ၵျၢပ်ႈ.  
• ၵုၼ်ၼူၵ်ႉ (Bird Island). ၵုၼ်ဢၼ်ၼႆႉ လုၵ်ႉတီႈ ၽင်ႇပၢင်ႇလၢႆႇသေ လႆႈၵႂႃႇမွၵ်ႈလၢႆၸူဝ်မူင်း မၼ်းပဵၼ် ဢွင်ႈတီႈ တမ်ႇငႃႈၶဝ်ၸႂ်ႉ တႃႇတၢၵ်ႇပႃႇႁႅင်ႈ ၼႆယဝ်ႉ။ မၢၵ်ႇႁိၼ်တီႈၼၼ်ႈၼႆႉ ၽၢႆႁႅင်းသေ ဢမ်ႇပေႃးမီး တႃႇတူၺ်းသင်တႄႉတႄႉဝႃႈဝႃႈ။ ၵူၼ်းႁူႉၼမ်ဝႃ ပဵၼ်ၵုၼ်ဢၼ်ႁၢႆႉသေပိူၼ်ႈ တီႈမျၢၼ်ႇမႃႇ ၼႆယဝ်ႉ။ ၵူၺ်းၵႃႈဝႃႈ တီႈငူၺ်ႇသွင်ႇၼႆႉ ဢမ်ႇပေႃးမီး တႃႇႁဵတ်းသင်တႄႉတႄႉဝႃႈဝႃႈလႄႈ ၼၼ်ႉၵေႃႈ မၼ်းလႆႈပဵၼ် တီႈလိုဝ်းလင် တႃႇၵႂႃႇဢႅဝ်ႇလႄႇ လႄႈ တႃႇတူၺ်းၼူၵ်ႉ။ ၸဝ်ႈၵဝ်ႇ ၸၢင်ႈၶပ်ႉၶိုင် တႃႇ လမ်ၼမ်ႉ ဢၼ်ပႃးၶိူင်ႈ၊ ၵႂႃႇၶၢဝ်းတၢင်းၸွမ်း "လုင်းဝိၼ်း" ဢၼ်ပဵၼ် ၸဝ်ႈႁိူဝ်းပိုၼ်ႉတီႈ။ ယွၼ်ႉပိူဝ်ႈ သၢႆၼမ်ႉၸႅဝ်ႈႁႅင်းၼႃႇလႄႈ ၼုင်ႈပႃးသိူဝ်ႈၽူတ်ႇဢသၢၵ်ႈသေလႄႈ။ 
• ဢွင်ႈတီႈ ၸၢင်ႉ (Elephant camp) (လုၵ်ႉတီႈ ငူၺ်ႇသွင်ႇ ၵႂႃႇၽၢႆႇ ပတဵင်ႇ မွၵ်ႈ ၶၢဝ်းတၢင်း 30 တႃ). ဢၼ်ၼႆႉ မၼ်းပဵၼ်ပႃး ႁူင်းႁဵၼ်း တႃႇ လုၵ်ႈဢွၼ်ႇ လႄႈ မီးလုၵ်ႈႁဵၼ်း 32 ၵေႃႉ ဢႃႇယု ၼႂ်းၵႄႈ 5 ၶူပ်ႇ တေႃႇ 14 ၶူပ်ႇ။ ဢဝ်မႂ်တိုတ်းၸဝ်ႈၵဝ်ႇ တီႈ 2 ၽၢႆႇႁွင်ႇဝဵင်း သုတ်းသုတ်း ဢၼ်မီးတီႈပူၼ်ႉၵႂႃႇ ႁူင်းႁႅမ်း ဢေႃးသီႇသႅၼ်ႇ မီးၽၢႆႇပုၼ်ႉတၢင်းၼၼ်ႉယဝ်ႉ။ US$5. 

ႁဵတ်း

တီႈငူၺ်ႇသွင်ႇၼႆႉ ဢမ်ႇပေႃးမီး တႃႇႁဵတ်းသင်။ ၵူၺ်းလူဝ်ႇလိုဝ်ႈႁိူဝ်ႉလိုဝ်ႈၸႂ် သေ ၼႅၼ်ႈသၢၵ်ႈၸႂ် ၸွမ်း ၶၢဝ်းယၢမ်းတဵတ်ႇသဵတ်ႇ။

သိုဝ်ႉ

သႂ်ႇငိုၼ်းၵႂႃႇ တဵမ်တဵမ်ထူၼ်ႈထူၼ်ႈ ယွၼ်ႉပိူဝ်ႈသင်ၼႆ တီႈၼၼ်ႈၼႆႉ မၼ်းဢမ်ႇမီးတၢင်းလိူၵ်ႈၼမ် တွၼ်ႈတႃႇ ဢဝ်ငိုၼ်း - ၸၢၵ်ႈထွၼ်ငိုၼ်း ဢေႇထီႇဢႅမ်ႇၼႆႉ ၵူၺ်းမီးဢၼ်လဵဝ် တီႈ ရီသွတ်ႉ Yacht ငူၺ်ႇသွင်ႇ၊ တီႈ ႁူင်းႁႅမ်း ယမူင်ႇၼႃႇဢူး မီးဢၼ်ၼိုင်ႈ လႄႈ ထႅင်ႈဢၼ်ၼိုင်ႈၸမ်ႉ မီးတီႈ ရိတ်ႉသွတ်ႉ ပၢင်ႇလၢႆႇဢႅမ်းမရတ်ႉ။ မၢင်ပွၵ်ႈမၢင်လႂ်မႃး တင်းသၢမ်လုၵ်ႈၼၼ်ႉ ဢမ်ႇႁဵတ်းၵၢၼ်သေၵွၼ်ႇ။ ၸိူင်ႉၼင်ႇယၢမ်ႈလၢတ်ႈမႃး၊ ၸိူဝ်းပဵၼ် ဢွင်ႈလိုဝ်ႈသဝ်းၼႆႉ ၶဝ်ႁပ်ႉ ၶရႅတ်ႉတိတ်ႉၵၢတ်ႉ ၸိူဝ်းပိူၼ်ႈၸႂ်ႉၼမ်ၼၼ်ႉ။ ထိုင်ပီ 2016 မႃး ဢၼ်ပဵၼ် ယေးငိုၼ်း ၵမ်ႇပေႃးၸ လႆႈမႃးပိုတ်ႇ လုမ်းယဝ်ႉ။

• ၸွင်ႈ ဢၼ်ႁဵတ်းတီႈ ဝဵင်း ဢမ်ႇၼၼ် တီႈ ပတဵင်ႇ
• ၼမ်ႉမၢၵ်ႇဢုၼ် ဢၼ်မႂ်ႇသႂ် ဢၼ်ၶၢႆတီႈ ၽင်ႇပၢင်ႇလၢႆႇ
• မွၵ်ႇႁူဝ်မႆမၢၵ်ႇဢုၼ် - ၸဝ်ႈၵဝ်ႇ တေလႆႈႁၼ် ၵူၼ်းပိုၼ်ႉတီႈ ၸိူဝ်းပႆႇယူႇတီႈၽၢင်ႇပၢင်ႇလၢႆႇၼၼ်ႉ ဢွၼ်ၵၼ်တိုဝ်းဝႆႉ မွၵ်ႇႁူဝ်ၶဵဝ်ၶဵဝ်။ ၼိုင်ႈလုၵ်ႈ တေလႆႈပၼ် 500 ၵျၢပ်ႈ သေ မၼ်းတေႁႄႉၵင်ႈပၼ်လႅတ်ႇလႆႈယူႇ တႃႇ လၢႆဝၼ်း (မၼ်းဢမ်ႇၸႂ်ႈ မဵဝ်းၸႂ်ႉတိုဝ်းလႆႈ တင်းႁိုင်)။

ၵိၼ်

တီႈတေႃႇၼႃႈၵၼ်တင်း ရီသွတ်ႉ ယုၸၼ လႄႈ ႁူင်းႁႅမ်း ပလႄးၼၼ်ႉ မီးလၢၼ်ႉတၢင်းၵိၼ် ၶၢင်ႈတၢင်း တင်းၼမ်ယဝ်ႉ၊ တီႈၸွမ်းတၢင်း ဢၼ်ၶၢင်းၵၼ်တင်း ၽင်ႇပၢင်ႇလၢႆႇၼၼ်ႉၵေႃႈ မီးဝႆႉလၢၼ်ႉတၢင်းၵိၼ်တင်းၼမ်သေ ၼိုင်ႈမဵဝ်းၼႆႉ လႆႈပၼ်ယူႇ uS$2-4 ။ ၸိူဝ်းပဵၼ် ရီသွတ်ႉၵမ်ႉၼမ် (မိူၼ်ၼင်ႇ သၼ်ႇၼီႇပႃႇရႃႇတၢႆႉ၊ ပေးဢွပ်ႉၾ် ပႅၼ်ႇၷႄႇလ်၊ ဢႅမ်းရႅတ်ႉ သီး ရီသွတ်ႉ) ၸိူဝ်းၼႆႉ ၶဝ်မီးဝႆႉ လၢၼ်ႉတၢင်းၵိၼ်ႁင်းၶဝ်သေ ၶဝ်ႈပိုတ်ႇပၼ်ပႃး တႃႇ ၵူၼ်းၸိူဝ်းဢမ်ႇၸႂ်ႈၶႅၵ်ႇမႃးလိုဝ်ႈတီႈၶဝ်ႈၼၼ်ႉသေ ၵႃႈၶၼ်မၼ်းတႄႉ တေတိူဝ်းသုင်ဢိတ်းဢွတ်းသေတႃႉ ၸွမ်းလူၺ်ႈလွင်ႈႁၢင်ႈၶိူင်ႈ ၸိူဝ်းႁဵတ်းဝႆႉၼၼ်ႉသေတႄႉ မၼ်းၵေႃႈ ၵိုင်ႇယူႇ။ ဢၼ်လမ်ႇလွင်ႈမၼ်းတႄႉ တီႈၼႂ်းဝၢၼ်ႈၶဝ်ၼၼ်ႉၵေႃႈ မီးဝႆႉ လၢၼ်ႉတၢင်းၵိၼ်တင်းၼမ်ယဝ်ႉ။

• 1 လၢၼ်ႉတၢင်းၵိၼ် ၷူဝ်းတႅၼ်းမျၢၼ်ႇမႃႇ (မီးတီႈ ၵၢင်ဝဵင်း). 6-10PM. သုမ်ႉတၢင်းၵိၼ်ပၢင်ႇလၢႆႇ ဢၼ်လႆႈ ဢၼ်ၶိုၵ်ႉတွၼ်းပိုၼ်ႉတီႈ။  
• 2 လၢၼ်ႉတၢင်းၵိၼ် ၵျႅတ်ႉသမိၼ်ႇ. တီႈၶဝ်လႆႈ တၢင်းၵိၼ်ပၢင်ႇလၢႆႇ ဢၼ်ပိင်ႈ လႄႈ ၼိူဝ်ႉပိင်ႈ ဢိၵ်ႇတင်း ၽၵ်းယွႆႈယမ်း ဢၼ်ဝၢၼ်ဝၢၼ်။ ၵိုင်ႇၵႃႈမၼ်းယူႇ။ 3-4,000 ၵျၢပ်ႈ.  
• 3 လၢၼ်ႉတၢင်းၵိၼ် ရၢႆႇယႄႇလ် ၾလၢဝ်းဝႃး (မီးတီႈၼႂ်းဝၢၼ်ႈ၊ ၸမ်ၵၼ်တီႈတၢင်းၽႄ လႄႈ ႁူင်းႁဵၼ်း). ၽဵင်းၵႂၢမ်း လၢႆႉၾ် လႄႈ ၶွၵ်ႉတေး။  
• 4 ႁိူၼ်းၽင်ႇပၢင်ႇလၢႆႇ လႄႈ လၢၼ်ႉတၢင်းၵိၼ် သူဝ်းၵူဝ်ႇၵူဝ်ႇ, ပွၵ်ႉ 2၊ သဵၼ်ႈတၢင်းမျူတ်ႉပတ်ႉ (မီးတီႈ ၽၢႆႇႁွင်ႇဝၢၼ်ႈသုတ်းသုတ်း ၵႂႃႇၸွမ်းတၢင်းၽၢႆႇၶႂႃ), ☏ +95 9 5001025, +95 9 5132440. 8 ပၸ တေႃႇ တဵင်ႈၶိုၼ်း. တီႈလၢၼ်ႉတၢင်းၵိၼ်ၼႆႉ လႆႈတၢင်းၵိၼ်ဝၢၼ် ၶွင် မျၢၼ်ႇမႃႇ၊ ထႆး လႄႈ ၽၵ်းၶႄႇ ဢိၵ်ႇတင်း တၢင်းၵိၼ်ပၢင်ႇလၢႆႇ ဢၼ်မႂ်ႇသႂ် တီႈ ဢွင်ႈတီႈလူမ်ၸႂ်၊ တီႈပၢင်ႇ။ တၢင်းၵိၼ်ၵၢင်ၼႂ်၊ ၶဝ်ႈဝၼ်း လႄႈ ၶဝ်ႈၶမ်ႈ။ ၼမ်ႉၼဵင်ႈ၊ ၵေႃႇၾီႇ၊ ပီႇယႃႇ။  
• 5 ပၢင်ႇလၢႆႇ သေးဝႃး ပလူး (Silver Blue Sea) (ထၢမ်ၵူၼ်းပိုၼ်ႉတီႈ ဢမ်ႇၼၼ် ၵူၼ်းႁေႃႈ ထႅၵ်ႇၸီႇ). တီးၼႆႈၼႆႉ ပဵၼ်ဢၼ်လီသိူဝ်းၸႂ် ဢွင်ႈတီႈမၼ်းၵေႃႈၶႅမ်ႉသေ လႆႈတၢင်းၵိၼ် ဢၼ်ၸၢင်ႈလိူၵ်ႈပႃးတႃႇ ၵူၼ်းၵိၼ်ၸၢႆ။ 2-4,000 ၵျၢပ်ႈ.  
• 6 ၵၾေး လႄႈ လၢၼ်ႉတၢင်းၵိၼ် ၵျႃႇပၢၼ်ႇ UME (မီးဝႆႉတီႈၼိူဝ် လွႆဢွၼ်ႇ ဢၼ်မီးတီႈ ပွတ်းၸၢၼ်း ၽင်ႇပၢင်ႇလၢႆႇ). တေႃႇထိုင် 2 ပၸ. မီးပွႆးၽႆး ၵူႈၶမ်ႈ။ တၢင်းၵိၼ် ၵျႃႇပၢၼ်ႇ လႄႈ တၢင်းၵိၼ် မိူင်းဝၼ်းတူၵ်း။ ပီႇယႃႇ လႄႈ ၽဵင်းၵႂၢမ်း။  
• သီးသႃႇ (တီႈၼ်းဝဵင်း). US$2-5. 

ဢွၵ်ႉ

တီႈၼၼ်ႈၼႆႉ ဢမ်ႇမီး ၵလၢပ်ႉ၊ ၵူၺ်းၵႃႈဝႃႈ တီႈ ႁူင်းႁႅမ်း ပေးဢွပ်ႉၾ် ပႅၼ်ႇၵႄႇ (တူၺ်းတီႈၽၢႆႇတႂ်ႈ) ၼၼ်ႉတႄႉ မီးပၢင်ပွႆး မိူၼ်ၼင်ႇ ၵႃႈ တိတ်ႉသၵူဝ်ႇၼၼ်ႉယဝ်ႉ။ ပေႃးဢမ်ႇၼၼ် ၸၢမ်းတူၺ်းတီႈ လၢၼ်ႉတၢင်းၵိၼ် လႄႈ လၢၼ်ႉၼမ်ႉၼဵင်ႈ ၸိူဝ်းမီးတီႈၼႂ်းဝၢၼ်ႈ၊ ဢၼ်လႆႈ ပီႇယႃႇ၊ ၵေႃႇၾီႇ လႄႈ ၼမ်ႉၼဵင်ႈ ၸိူဝ်းၼႆႉ။

ၼွၼ်း

သုမ်ႉဢွပ်း တီႈ ၽင်ႇပၢင်ႇလၢႆႇ

တီႈငူၺ်ႇသွင်ႇၼႆႉတႄႉ တီႈဢၼ်ၵႃႈၶၼ်သၢင်ႇထုၵ်ႇတႄႉ ဢမ်ႇပေႃးမီးၼမ်။ ဢၼ်တေၶႅမ်ႉသေပိူၼ်ႈ တွၼ်ႈတႃႇၸဝ်ႈၵဝ်ႇတႄႉ တေပဵၼ် ႁူင်းႁႅမ်းလိုဝ်ႈသဝ်း ပလႄးငူၺ်ႇသွင်ႇ ဢမ်ႇၼၼ် ႁူင်းလိုဝ်ႈသဝ်း ၸိူဝ်းမီးတီႈႁိမ်း တၢင်းၽႄလူင် တီႈဢၼ်ရူတ်ႉပၢတ်ႉမႃး ၵိုတ်းၼၼ်ႉ။

• 1 ႁူင်းလိုဝ်ႈသဝ်း ၼိဝ်းသျၢႆး (New Shine Guest House) (တီႈ တၢင်းၽႄလူင်). ပဵၼ်မဵဝ်း လႆႈၸႂ်ႉ ၶွင်ႉၼမ်ႉႁူမ်ႈၵၼ်သေတႃႉ ဢွင်ႈတီႈမၼ်း တူၵ်းတီႈၵၢင်မၼ်းလီ။ 15,000 ၵျၢပ်ႈ.  
• 2 ဢွင်ႈလိုဝ်ႈသဝ်း မိၼ်းၶျၢၼ်းမျေႉ II (တီႈတီႈ တၢင်းၽႄလူင်သေ ၵႂႃႇတီႈၼႂ်းဝဵင်း မွၵ်ႈ 30 မီႇတႃႇ).  
• 3 ႁူင်းႁႅမ်းပလႄးငူၺ်ႇသွင်ႇ (မီးတီႈတွၼ်ႈၵၢင် ၽင်ႇပၢင်ႇလၢႆႇ ဢၼ်ယၢဝ်း 9 ၵီႇလူဝ်ႇမီႇတႃႇ). ၵႃႈၶၼ်မၼ်းတႄႉ ငူပ်ႉငိလႆႈသေ တၢင်းၶႅမ်ႉမၼ်းတႄႉ ၸၢင်ႈပႅၵ်ႇပိူင်ႈၵၼ်ယူႇ။ ၸွမ်းၼင်ႇလၢတ်ႈမႃးၼၼ်ႉယဝ်ႉ တီႈၼႆႈၼႆႉ ပဵၼ်တၢင်းလိူၵ်ႈ တွၼ်ႈတႃႇၵူၼ်းၵူႈၵေႃႉ၊ တႄႇဢဝ် တီႈၵႃႈၶၼ်ထုၵ်ႇ လႄႈ ဝူၺ်ႇႁၢင်ႈ တေႃႇပေႃးထိုင် ၵႃႈၶၼ်သုင် ဢိၵ်ႇတင်း တီႈမုင်ႈတူၺ်း ၽင်ႇပၢင်ႇလၢႆႇ US$25-50.  
• 4 လၢၼ်ႉၵိၼ်ယႅမ်ႉ လႄႈ ႁိူၼ်းၽင်ႇပၢင်ႇလၢႆႇ သူဝ်းၵူဝ်ႇၵူဝ်ႇ, ပွၵ်ႉ 2 သဵတ်းတၢင်းမျူဝ်ႉပတ်ႉ (မီးတီႈ ၽၢႆႇႁွင်ႇသုတ်း တီႈဝၢၼ်ႈသေ ၵႂႃႇၸွမ်းတၢင်းၽၢႆႇၶႂႃ), ☏ +95 9 5001025, +95 9 5132440, ✉ kosoetourguide@gmail.com. Check-in: 1 ပလ, check-out: 11 ပၸ. လႆႈၽႆးၽႃႉ 24 ၸူဝ်ႈမူင်း! ဢွင်ႈၼွၼ်းၸိူဝ်းၼႆႉ သၢင်ႈဝႆႉမႂ်ႇမႂ်ႇ သၢင်ႈဝႆႉတင်း မႆႉမွင်ႇ- တႃႇ 4 ဢွင်ႈၼႆႉ ပဵၼ်ၼင်ႇ ပင်ႇၵလူဝ်ႇၵူပ်ႉၵၼ်၊ 3 သၢမ်ဢွင်ႈၼႆႉ ပဵၼ် ပင်ႇၵလူဝ်ႇသုၼ်ႇတူဝ်၊ တွၼ်ႈတႃႇ ၶႅၵ်ႇၸိူဝ်းဢမ်ႇၶႂ်ႈၸၢႆႇငိုၼ်းၼမ်တႄႉ ၶဝ်မီးဝႆႉ ဢွင်ႈၵႃႈၶၼ်ထုၵ်ႇ 3 ဢွင်ႈ တီႈ ၽၢႆႇၼိူဝ် လၢၼ်ႉတၢင်းၵိၼ်။ ၶဝ်ႈပႃး တၢင်းၵိၼ်ၵၢင်ၼႂ် ဢိၵ်ႇတင်း ၵႃႈၶွၼ်ႇ 10%။ US$13-35.  
• 5 ႁူင်းႁႅမ်း သူၺ်ႇႁိၼ်းတႃႇ (မီးတီႈ ၽၢႆႇၸၢၼ်း ၽင်ႇပၢင်ႇလၢႆႇ), ☏ +95 42 40 340. Check-in: 2 ပလ, check-out: တဵင်ႈဝၼ်း. သုမ်ႉမႆႉမွင် လႄႈ ပင်ႇၵလူဝ်ႇမၢၵ်ႇႁိၼ်။ ဢွင်ႈတီႈမႂ်ႇ ၵူၺ်းၵႃႈ လွင်ႈမူတ်းသႂ်ႇတီႈ သုမ်ႉမႆႉမွင်တႄႉ လႆႈမီး လွင်ႈတိုင်ႇလၢတ်ႈ။ US$30-60.  
• 6 ႁူင်းႁႅမ်း ၽင်ႇပၢင်ႇလၢႆႇ သေးလ်ဝႃးၶူတ်ႉ (Silver Coast Beach Hotel) (လုၵ်ႉတီႈ ႁူင်းႁႅမ်း သူၺ်ႇႁိၼ်းတႃႇသေ လႆႈၵႂႃႇၵႆဢိတ်းၼိုင်ႈ), ☏ +95 42 40 324, +95 42 40 325, ✉ htoo.maw@mptmail.net.mm. တီႈၼၼ်ႈၼႆႉ ၵပ်းၵၢႆႇလူၺ်ႈ ၵႃႈၶၼ် လႄႈ ၼမ်ႉၶႅမ်ႉမၼ်း မီးတႃႇလိူၵ်ႈတင်းၼမ်။ လွင်ႈလိူၵ်ႈဢၼ်ၶၼ်ထုၵ်ႇတႄႉ တေဢမ်ႇပေႃးထုၵ်ႇၸႂ်သေတႃႉ မၼ်းတေပဵၼ် လွၵ်းလၢႆးၵႃႈၶၼ်ထုၵ်ႇ တွၼ်ႈတႃႇသဝ်းတီႈ ငူၺ်ႇသွင်ႇ။ တီႈႁိမ်းၽင်ႇၼမ်ႉ လႄႈ ဢၼ်ဢမ်ႇၸႂ်ႈတီႈႁိမ်းၽင်ႇၼမ်ႉ။ တၢင်းၵိၼ်ၵၢင်ၼႂ်၊ ဝၢႆႇၾၢႆႇ၊ ၼမ်ႉဢုၼ်ႇ ၼမ်ႉၵတ်း၊ ထီႇဝီႇလၢဝ်ထိမ်း၊ ၸၢၵ်ႈပဝ်ႇၶူၼ်ႁူဝ်၊ ဢႄးၵွၼ်း၊ ၵေႃႇၾီႇ လႄႈ ၼမ်ႉၼဵင်ႈ။ US$25-60.  
• 7 ႁူင်းႁႅမ်း ဢေႃးသီႇသႅၼ်ႇ (All Seasons Hotel), ပွၵ်ႉ 3၊ သဵၼ်ႈတၢင်းမျူဝ်ႉပတ်ႉ, ☏ +95 1-538451, +95 9-31 333 555, +95 9-2502 88855. ႁူင်းႁႅမ်း ဢၼ်မီး 5 ၸၼ်ႉသေ မီးဢွင်ႈၼွၼ်း 41 ဢွင်ႈ။ ဢမ်ႇႁွတ်ႈၽႅဝ် တီႈ ပၢင်ႇလၢႆႇၵမ်းသိုဝ်ႈ။ မီး ၵေႃႇၽီႇꧤႃး၊ ၵၢၼ်ၸွႆႈသၢင်ႈ 24 ၸူဝ်ႈမူင်း၊ ဝၢႆႇၾၢႆႇ။ ၵိုင်ႇတင်းၵႃႈၶၼ်မၼ်းယူႇ။ တႄႇ US$3.  
• 8 ႁူင်းႁႅမ်း ယုၸၼ, ☏ +95 1 549600, +95 1 543367, +95 1 581100-03, ✉ YUZANAHOTEL@mptmail.net.mm. မီးဢွင်ႈၼွၼ်း 40 ဢွင်ႈ၊ ၸၢင်ႈၸႅၵ်ႇ သွင်ထၢၼ်ႈ - ဢၼ်ၵႃႈၶၼ်သၢင်ႇထုၵ်ႇ လႄႈ ဢၼ်ၶၢမ်ႇၸေးၸိမ်ႇ။ တီႈဢွင်ႈၼွၼ်းၸိူဝ်းၼၼ်ႉ မီးၸၢၼ်း ဢၼ်ဝၢႆႇၼႃႈတေႃႇ ၽင်ႇပၢင်ႇလၢႆႇ။ ၶႅၵ်ႇၶဝ် ယၢမ်ႈတိူင်ႇလၢတ်ႈ ဢၼ်ၵပ်းၵၢႆႇလူၺ်ႈ လွင်ႈၵဵင်ႈသႂ် တီႈၼွၼ်း လႄႈ ၽၢၵ်ႈ။ တႄႇ 30,000 ၵျၢပ်ႈ.  
• 9 ရီသွတ်ႉ ဢႅမ်းမရတ်ႈ သီး (Emerald Sea Resort) (လုၵ်ႉတီႈဝၢၼ်ႈ ၵႂႃႇၽၢႆႇၸၢၼ်း 2 ၵီႇလူဝ်ႇမီႇတႃႇ), ☏ +95 42 40247, +95 42 40394, +95 42 40395, ✉ info@emeraldseahotel.com. Check-in: 1 ပလ, check-out: တဵင်ႈဝၼ်း. ရီသွတ်ႉ ဢႅမ်းပရတ်ႈ သီး ၼႆႉ လႆႈပိုတ်ႇမႃး မိူဝ်ႈ ပီ 2003 သေ မီးပႃး လၢၼ်ႉၵိၼ်ယႅမ်ႉ လႄႈ သပႃး။ ၸၢင်ႈၵပ်းသိုပ်ႇလႆႈတီႈ reservation@emeraldseahotel.com ။ တႄႇ US$75.  
• 10 ႁူင်းႁႅမ်း ယမူင်ႇၼႃႇဢူး (မီးၽၢႆႇၸၢၼ်း UME ယၢၼ် 100 မီႇတႃႇ), ☏ +95 9 798 451724, +95 1 530 722. ရီသွတ်ႉၼႆႉ မီးဝႆႉ ပင်ႇၵလူဝ်ႇလၢႆဢၼ် ၵႃႈတီႈတေႃႇၼႃႈ ၽင်ႇပၢင်ႇလၢႆႇ ဢၼ်ၸၢင်ႈမုင်ႈႁၼ်လႆႈ ပၢင်ႇလၢႆႇ။ တႄႇ US$60.  
• 11 ရီသွတ်ႉ သၼ်ႇၼီႇပႃႇရႃႇတၢႆႉ (Sunny Paradise Resort), Myo Ma St (မီးၽၢႆႇႁွင်ႇ ဝၢၼ်ႈ), ☏ +95 42 40 340, +95 42 40227, ✉ tmwsp@tmw.com.mm. မီးလၢၼ်ႉၵိၼ်ယႅမ်ႉ တီႈႁိူၼ်း။ ၸၢင်ႈၵပ်းသိုပ်ႇလႆႈတီႈ service@tmw.com.mm ။ တႄႇ US$70.  
• 12 ပေးဢွပ်ႉၾ် ပႅၼ်ႇၵႄႇ (Bay of Bengal), ပွၵ်ႉမၢႆ 1 ၊ သဵၼ်ႈတၢင်းဝၢၼ်ႈ ၸေးမေႃႇ (မီးတီႈ ၽၢႆႇႁွင်ႇသုတ်း တီႈ ၽင်ႇပၢင်ႇလၢႆႇ), ☏ +95 1 667024, +95 1 661577, +95 1 664463, +95 1 650021, +95 1 651990, ✉ info@bobresort.com. ၵေႃႈမီးတွၼ်ႈတႃႇ ႁဵတ်းတင်းၼမ် မိူၼ်ၼင်ႇ ရီသွတ်ႉတၢင်ႇၸိူဝ်း။ ၸၢင်ႈၵပ်းသိုပ်ႇလႆႈတီႈ reservation@bobresort.com လႄႈ sales@bobresort.com ။ တႄႇ US$70.  
• 13 ရီသွတ်ႉ မျၢၼ်ႇမႃႇထရႄးသျႃး (Myanmar Treasure Resort) (မီးတီႈ ၽၢႆႇၸၢၼ်းတၢင်းၽေလူင် ယၢၼ် 100 မီႇတႃႇ), ☏ +95 9 5200 737, ✉ enquiries@htoohospitality.com. From US$70.  
• 14 Ngwe Saung Yacht Club & Marina (မီးတီႈ ၽၢႆႇၸၢၼ်းသုတ်း ၽင်ႇပၢင်ႇလၢႆႇ), ☏ +95 1 539 587, +95 9 4958 7341, +95 9 7325 3967, ✉ info@ngwesaungyachtclub.com. သင်ၸိူဝ်ႉဝႃႈ ငိုၼ်းတွင်းၼႆႉ ဢမ်ႇပဵၼ်လွင်ႈယႂ်ႇၼႆတႄႉ ဢွင်ႈတီႈၼႆႈၼႆႉ ပဵၼ်တီႈဢၼ်ၸဝ်ႈၵဝ်ႇ တေၶႂ်ႈလိုဝ်ႈသဝ်းၼၼ်ႉယဝ်ႉ။ ၶူဝ်းၶွင်လွင်ႈႁၢင်ႈႁႅၼ်း ပဵၼ်မဵဝ်းၶၢမ်ႇၸေးၸိမ်ႇသေ မီးလွင်ႈတူင်ႉၼိုင် လႄႈ ၵၢၼ်ၸွႆႈသၢင်ႈ တႃႇလိူၵ်ႈႁဵတ်းတင်းၼမ်။ US$45/55/120/135/190/230 (tent/std/garden view/sea view/villa/villa suite).  
• ဢေႃးသတႃး ဢွင်ႈလိုဝ်ႈသဝ်း ဢၼ်လီႁၵ်ႉ ဢၼ်မီး ဢွင်ႈၼွၼ်းၶိုတ်းၵၢပ်ႈ ဢိၵ်ႇတင်း ဢႄးၵွၼ်း၊ ၸမ်ၵၼ်တင်း ၽင်ႇပၢင်ႇလၢႆႇ မီးတီႈၼိူဝ် သဵၼ်ႈတၢင်းလူင်။ ၵႃႈၶွင်ႉၼွၼ်းတႄႉ တႄႇတီႈ US$25။ မၢႆၾူင်းတႃႇၵပ်းသိုပ်ႇတႄႉ +959422506097

သိုပ်ႇၵႂႃႇထႅင်ႈ

• ၶျွင်းတႃႇ – မိူၼ်ၼင်ႇငူၺ်ႇသွင်ႇ၊ ၸိုဝ်ႈလိုဝ်းလင် ၸွမ်း ယွၼ်ႉမီး ၽင်ႇပၢင်ႇလၢႆႇ ဢၼ်ႁၢင်ႈလီ။ လုၵ်ႉတီႈ ပတဵင်ႇ ၶီႇရူတ်ႉပၢသ်ႉသေၵေႃႈ ၸၢင်ႈၽႅဝ်လႆႈသေ တေလႆႈပၼ် 7-8,000၊ တၢင်းႁိုင် 3-4 ၸူဝ်ႈမူင်း။ ဢမ်ႇၼၼ် ၸဝ်ႈၵဝ်ႇ တေၸၢင်ႈၶၢတ်ႈရူတ်ႉၶိူင်ႈထႅၵ်ႇၸီႇ ၸိူဝ်းမီးၸွမ်းတီႈ ၽင်ႇပၢင်ႇလၢႆႇၼၼ်ႉ တေလႆႈပၼ် 8-13,000၊ ၼၼ်ႉ တေတိူဝ်းလႆႈၸႂ်တိုၼ်ႇတဵၼ်ႈသေ လူဝ်ႇႁၢင်ႈႁႅၼ်း ႁူင်းၶဝ်ႈၸဝ်ႈၵဝ်ႇဝႆႉလီလီ။ မၼ်းတေလႆႈၶၢမ်ႈ မႄႈၼမ်ႉသွင်ဢၼ်။
• ပတဵင်ႇ – ၸိုဝ်ႈလိုဝ်းလင်ၸွမ်း ၸွင်ႈႁဵတ်းဢွၵ်ႇတီႈပတဵင်ႇ။ ရူတ်ႉသွင်ထႅဝ်လႄႈ ရူတ်ႉပၢသ်ႉ ၼႆႉ ႁိုင် 1.5 မူင်းသေ တေတူၵ်းၸူဝ်ႈ 3,500 ၵျၢပ်ႈ။ ပေႃးပဵၼ် ရူတ်ႉထႅၵ်ႇၸီႇၼႆတႄႉ တေတူၵ်းၸူဝ်ႈ 30,000 ၵျၢပ်ႈ။ တေမႃးတမ်းပၼ်ၸဝ်ႈၵဝ်ႇ တီႈ တႃႈရူတ်ႉပၢသ်ႉ ဢၼ်မီးတီႈ ၵၢင်ဝဵင်း။ ဢဝ် ရူတ်ႉၶိူင်ႈထႅၵ်ႇၸီႇ ၸူး တႃႈရူတ်ႉပၢသ်ႉ တီႈၵႆ ဢမ်ႇၼၼ် တႄႇဢွၵ်ႇတီႈၼၼ်ႉ၊ ၼၼ်ႉတႄႉ ဢိင်ၼိူဝ် ၸဝ်ႈၵဝ်ႇ တေၶႂ်ႈၵႂႃႇလႂ်ၼၼ်ႉယဝ်ႉ။ ပၢႆတၢင်း ဢၼ်လုၵ်ႉတီႈ ပတဵင်ႇသေ တေၸၢင်ႈၵႂႃႇလႆႈၼႆႉတႄႉ ငပလီႇ လႄႈ ပျီႇ၊ ဢမ်ႇၼၼ် တႃႈၵုင်ႈ။
• တႃႈၵုင်ႈ – ရူတ်ႉပၢသ်ႉ ဢၼ်တႄႇဢွၵ်ႇ 06:30၊ 07:00၊ 08:00 လႄႈ 10:00 ။ 8-12,000 ၵျၢပ်ႈ။ တွၼ်ႈတႃႇ မႂ်တိုတ်းမၼ်းတႄႉ ထၢမ်တူၺ်းတီႈႁိမ်းႁွမ်း ဢွင်ႈလိုဝ်ႈသဝ်း ဢမ်ႇၼၼ် တီႈၼႂ်းဝၢၼ်ႈ။