Download GPX file for this article
14.01944499.531111Full screen dynamic map
လုၵ်ႉတီႈ ဝီႇၶီႇဝွႆးဢဵတ်ႇꩡ် မႃး
ဢေးသျႃး > ဢေးသျႃး ၸဵင်ႇၸၢၼ်းဝၼ်းဢွၵ်ႇ > မိူင်းထႆး > မိူင်းထႆး ပွတ်းၵၢင် > ပွတ်းတူၵ်း ၵုင်းထဵပ်ႈ > ၵၢၼ်ၸၼပူးရီး

ၵၢၼ်ၸၼပူးရီး (ထႆး: กาญจนบุรี) ၼႆႉ ပဵၼ်ဝဵင်း ဢၼ်မီးတီႈ မႄႈၼမ်ႉ ၶႂႄၼွႆႉ လႄႈ ၶႂႄယႂ်ႇ မႃး ႁူပ်ႉၵၼ်ၼၼ်ႉယဝ်ႉ။

ပွင်ႇၸႂ်[မႄးထတ်း]

ရူတ်ႉလဵၼ်း တိုၵ်ႉလတ်းၶၢမ်ႈ ၶူဝ်ဢၼ်မီးတီႈၼိူဝ် မႄႈၼမ်ႉၶႂႆ

ဢွင်ႈတီႈလီၶဝ်ႈၸႂ်ပိူင်လူင် တွၼ်ႈတႃႇ ၶႅၵ်ႇၸိူဝ်းမႃးဢႅဝ်ႇလႄႇၵမ်ႉပႃႈၼမ်ၼႆႉတႄႉ ပဵၼ် ၶူဝ် တီႈၼိူဝ် မႄႈၼမ်ႉၶႂႆ၊ ဢၼ်ပဵၼ် တီႈတႄႇ တၢင်းရူတ်ႉလဵၼ်းၶုၼ်တၢႆ ဢၼ်လႆႈႁဵတ်းမႃး မိူဝ်ႈသိုၵ်းၵမ်ႇၽႃႇပွၵ်ႈသွင် ဢၼ်ႁဵတ်းၵႂႃႇၸူး မိူင်းမၢၼ်ႈ (ယၢမ်းလဵဝ် မျၢၼ်ႇမႃႇ လႄႈ ဢိၵ်ႇတင်း ႁွင်ႈၼႄ ဢၼ်ၵပ်းၵၢႆႇမၼ်းၼၼ်ႉယဝ်ႉ။ တေလႆႈႁၼ် ပႅၵ်ႉၽႅၵ်ႇၵႃႇၶဝ်တင်းၼမ် မႃးယူႇၵတ်းယူႇယဵၼ်တီႈ ၽင်ႇမႄႈၼမ်ႉသေ ၸိူဝ်းၼၼ်ႉၵေႃႈ ပဵၼ်ၸိူဝ်းဢၼ်ၶႂ်ႈပၢႆႈဢွၵ်ႇမႃးတီႈ ၵုင်းထဵပ်ႈၼၼ်ႉယဝ်ႉ။ ၵၢၼ်ၸၼပူးရီး ၼႆႉ ပဵၼ်ႁူးၽၵ်းတူ တွၼ်ႈတႃႇ ၵႂႃႇၸူး ၸႄႈမိူင်း ဢၼ်ၸိုဝ်ႈမိူၼ်ၵၼ်ၼၼ်ႉယဝ်ႉ။ ၵူၼ်းၼွၵ်ႈမိူင်းၶဝ်ၼႆႉ ၶဝ်ၶူၼ်ႉႁႃတူၺ်းဝႃႈ ႁဵတ်းသင်လႄႈ ၵူၼ်းထႆးၶဝ် ႁူႉဝႆႉဝႃႈ ၼႆႉမၼ်းၶဝ်ႈပႃး ပဵၼ် ၸႄႈမိူင်း ဢၼ်ႁၢင်ႈလီပိူၼ်ႈဢၼ်ၼိုင်ႈၼႆ၊ ဢိၵ်ႇတၢင်းဝႃႈ မၼ်းၸၢင်ႈၵႂႃႇ ၼမ်ႉတူၵ်းတၢတ်ႇ လႄႈ သူၼ်ၸိူဝ်ႉၸၢတ်ႈ လႆႈငၢႆႈငၢႆႈ။

မုင်ႈၼႃႈၵႂႃႇၸူး[မႄးထတ်း]

လွင်ႈမုင်ႈၼႃႈၵႂႃႇၸူး တီႈ ၵၢၼ်ၸၼပူးရီးၼႆႉ မၼ်းငၢႆႈၼႃႇတႄႉတႄႉ။ ဢၼ်ပဵၼ်သဵၼ်ႈတၢင်းလူင် သဵၼ်ႈတၢင်း သႅၼ်ၶျူတူဝ်ႇ ဢၼ်ၵၢႆႇဝႆႉ တၢင်းယၢဝ်းဝဵင်း ဢၼ်လုၵ်ႉဢဝ် ၽၢႆႇႁွင်ႇ ထိုင်ၽၢႆႇၸၢၼ်း၊ ၵွင်ႉသိုပ်ႇဝႆႉၶူဝ်မႄႈၼမ်ႉၶႂႆ၊ တႃႈရူတ်ႉလဵၼ်း လႄႈ တႃႈရူတ်ႉဝၢတ်ႇ။ ဢၼ်ၶၢင်းၵၼ်ဝႆႉတင်း သဵၼ်ႈတၢင်းၼႆႉသေ ဢၼ်တိူဝ်းၸမ်မႄႈၼမ်ႉၼႆႉ ပဵၼ် သဵၼ်ႈတၢင်း မႄႈၼမ်ႉၶႂႆ ပဵၼ်ဢၼ်တီႈ ဢွင်ႈလိုဝ်ႈသဝ်း မီးဝႆႉတင်းၼမ်လႄႈ ပဵၼ်တီႈဢၼ်တေလႆႈႁၼ် လၢၼ်ႉၶၢႆလဝ်ႈပိုၼ်ႉတီႈ။

  • ၽူႈမီးပုၼ်ႈၽွၼ်း ၵၢၼ်ထွင်ႈတဵဝ်း ၶွင် မိူင်းထႆး သဵၼ်ႈတၢင်း သႅင်ၶျူတူဝ် (မီးၽၢႆႇၸၢၼ်း တႃႈရူတ်ႉပၢတ်ႉသ်)။ 08:00-16:00 ၵူႈဝၼ်းပိုၼ်ၽႄႈပၼ် ႁၢင်ႈၽႅၼ်ႇလိၼ် ၽရီး ၶွင် ဝဵင်းလူင် လႄႈ ၸႄႈမိူင်း ဢၼ်ၶဝ်ႈတၢင်းတိုဝ်း။

ၵႂႃႇၸူး[မႄးထတ်း]

တင်း ပၢတ်ႉသ်[မႄးထတ်း]

ရူတ်ႉပၢတ်ႉသ် ဢၼ်ၵဵဝ်ႇၵူၼ်းတင်းၼမ် BKS (သၢႆ 81) ၼႆႉ လုၵ်ႉတီႈ တႃႈရူတ်ႉပၢတ်ႉသ် ပွတ်းႁွင်ႇ ၶွင် ၵုင်းထဵပ်ႈ (သၢႆတႆးတလိင်ႇၶျၼ် สายใต้ตลิ่งชัน), ပဵၼ်ဢၼ်မီးၽၢႆႇတူၵ်းသုတ်း ထူၼ်းပူးရီ။ တီႈ ၵၢၼ်ၸၼပူးရီး ၼႆႉ မီးဝႆႉ တႃႈရူတ်ႉပၢတ်ႉသ် သွင်ဢၼ်သေ ဢၼ်ပဵၼ် ရူတ်ႉပၢတ်ႉသ် ထၢၼ်ႈၼိုင်ႈၼၼ်ႉတႄႉ လုၵ်ႉတီႈ လုၵ်း ဢၼ်မီးတီႈ သဵꧣ်ႈတၢင်းသႅင်ၶျူထူဝ် ၼၼ်ႉသေ ဢွၵ်ႇ၊ ဢၼ်ပဵၼ် ရူတ်ႉပၢတ်ႉသ် ထၢၼ်ႈ 2 ၼၼ်ႉတႄႉ လုၵ်ႉတီႈတႃႈရူတ်ႉပၢတ်ႉသ်လူင် ဢၼ်မီးတီႈ ပွတ်းဢွၵ်ႇၼၼ်ႉသေ ဢွၵ်ႇယဝ်ႉ။

  • ရူတ်ႉပၢတ်ႉသ် ထၢၼ်ႈ 1 ၼႆႉ လုၵ်ႉတီႈ ၵုင်းထဵပ်ႈသေ တႄႇဢဝ် 05:00-22:30၊ 15 မိတ်ႉၼိတ်ႉ ဢွၵ်ႇတိၵ်းတိၵ်း သေ တၢင်းႁိုင် 2 ၸူဝ်ႈမူင်း။ တေတူၵ်းၸူဝ်ႈ '110 ဝၢတ်ႇ၊ ၶဝ်ႈပႃး တဝ်ႈၼမ်ႉ။
  • ရူတ်ႉပၢတ်ႉသ် ထၢၼ်ႈ 2 (သဵၼ်ႈတႃႈ မႂ်ႇ) ၼႆႉ လုၵ်ႉတီႈ ၵုင်းထဵပ်ႈသေ တႄႇဢဝ် 03:30-19:00၊ 20 မိတ်ႉၼိတ်ႉ ဢွၵ်ႇၼိုင်ႈပွၵ်ႈ။ တေတူၵ်းၸူဝ်ႈ 110 ဝၢတ်ႇ။ (ယၢမ်းလဵဝ်တႄႉၵေႃႈ ရူတ်ႉပၢတ်ႉသ် ထၢၼ်ႈ 2 ဢၼ်ၵႂႃႇ ၵၢၼ်ႇၸၼပူးရီးၼၼ်ႉ ဢမ်ႇမီးယဝ်ႉ ၼႆသေတႃႉ ၵႃႈၶၼ်မၼ်းတႄႉ မိူၼ်ၵၼ်တင်း ရူတ်ႉပၢတ်ႉသ် ထၢၼ်ႈ 1 ယူႇ။
  • ရူတ်ႉပၢတ်ႉသ် ထၢၼ်ႈ 2 (သႅၼ်ႈတႃႈ ၵဝ်ႇ) ၼႆႉ တႄႇဢဝ် 04:00-18:00၊ 15-30 မိတ်ႉၼိတ်ႉ ဢွၵ်ႇတိၵ်းတိၵ်းသေ ႁိုင် 3 ၸူဝ်ႈမူင်း။

မီးဝႆႉ မီႇၼီႇပၢတ်ႉသ် ထူဝ်းရိတ်ႉ ဢၼ်လဵၼ်ႈၵႂႃႇမႃး သဵၼ်ႈတၢင်းၶဝ်ႈသၢၼ်, ဢၼ်ဢွၵ်ႇယၢၼ် ၵၢၼ်ၸၼပူးရီး ၶၢဝ်း 13:00 လႄႈ 18:30။

လုၵ်ႉတီႈ တႃႈရူတ်ႉပၢတ်ႉသ် မူဝ်ၶျိတ်ႉ ဢၼ်မီး ပွတ်းႁွင်ႇ ၵုင်းထဵပ်ႈၼၼ်ႉသေၵေႃႈ မီးရူတ်ႉပၢတ်ႉသ်ၵမ်ႈၽွင်ႈ ဢွၵ်ႇယူႇ (မၢႆတွင်း - မၼ်းဢမ်ႇမိူၼ်ၵၼ်တင်း တႃႈလူတ်ႈလဵၼ်း မူဝ်ၶျိတ်ႉ BTS၊ မၼ်းဢမ်ႇၸႂ်ႈ ၶၢဝ်းတၢင်း ဢၼ်ပႆသေ ႁွတ်ႈၽႅဝ်လႆႈ၊ ၵႃႈၶၼ် ထႅၵ်ႇၸီႇရူတ်ႉၶိူင်ႈ ၼႆႉ လၵ်းၸဵင်မၼ်း မီး 50 ဝၢတ်ႇ။ ၼၼ်ႉႁွင်ႉဝႃႈ "မူဝ်ၶျိတ်ႉ 2")။ ၶၢဝ်းယၢမ်းမၼ်း မီးဝႆႉၼင်ႇၼႆ (ငၢႆးၸမ်)-

ရူတ်ႉပၢတ်ႉသ်ထၢၼ်ႈၼိုင်ႈ ဢၼ်ပႃး ၶွင်ႉၼမ်ႉ (3 ၸူဝ်ႈမူင်း၊ 122 ဝၢတ်ႇ) - 06:00, 11:00, 14:30 ။

ရူတ်ႉပၢတ်ႉသ်ထၢၼ်ႈသွင် ၵူၺ်းၵႃႈဝႃႈ တီႈၽၢႆႇၼႂ်း ဢမ်ႇပႃႈ ၶွင်ႉၼမ်ႉ (ၵႃႈၶၼ် လႄႈ ၶၢဝ်းယၢမ်းမၼ်း ဢမ်ႇၼႄႉၼွၼ်း၊ ၶၢဝ်းယၢမ်းမၼ်းတႄႉ လႅပ်ႈတေမိူၼ်ၵၼ်ယူႇ) - 05:00, 07:00, 09:30, 12:30, 17:00 ။

လွင်ႈၶီႇရူတ်ႉပၢတ်ႉသ်ၼႆႉ တေၸၢင်ႈမီး ဢမ်ႇၼၼ် တေၸၢင်ႈယႃႉပႅတ်ႉ (တူဝ်ယၢင်ႇမၼ်း ၶၢဝ်း 14:30 ၼႆႉ မၼ်းပဵၼ် ၵမ်းလိုၼ်းသုတ်း တွၼ်ႈတႃႇ ၼိုင်ႈဝၼ်း)။ ၵူၺ်းၵႃႈဝႃႈ တီႈ တႃႈရူတ်ႉပၢတ်ႉသ်ၼၼ်ႉ မီး ရူတ်ႉဝႅၼ်ႇသေ သင်ၸိူဝ်ႉဝႃႈ ဢမ်ႇမီး ရူတ်ႉပၢတ်ႉသ် တႃႇၶီႇယဝ်ႉၼႆတႄႉ ၸၢင်ႈၶဝ်လႆႈယူႇ။ လူဝ်ႇၵႂႃႇဢုပ်ႇတီႈ ၽိူၼ်လွၼ်ႉၶၢဝ်ႇသေၵေႃႈ လၢတ်ႈတႃႇပၼ်ၵႃႈၶၼ်မၼ်း။ ၵႃႈၶၼ်မၼ်းတႄႉ တေမီးမွၵ်ႈ 120 ဝၢတ်ႇသေ တေႁိုင် 2 ၸူဝ်ႈမူင်း။

လုၵ်ႉဢဝ် ၼၶွၼ်းပထူမ်သေ၊ မီး ရူတ်ႉပၢတ်ႉသ် ဢၼ်ၽႅဝ်ၵမ်းသိုဝ်ႈ (ပဵၼ်ရူတ်ႉပၢတ်ႉသ် ထၢၼ်ႈ 2 ၵူၺ်း) ဢၼ်တႄႇ 04:00 လႄႈ 18:00၊ 15 မိတ်ႉၼိတ်ႉ တေႃႇ 30 မိတ်ႉၼိတ်ႉ ဢွၵ်ႇတိၵ်ႈတိၵ်း၊ တၢင်းႁိုင် 2 ၸူဝ်ႈမူင်း။ တၢင်းလိူၵ်ႈထႅင်ႈဢၼ်ၼိုင်ႈတႄႉ ၸဝ်ႈၵဝ်ႇ ၸၢင်ႈလူင်း ရူတ်ႉပၢတ်ႉသ် ထၢၼ်ႈ 1 ၽွင်းၶဝ်လတ်းၶၢမ်ႈၵႂႃႇ တီႈ ၼၶွၼ်းပထူမ်၊ ၵူၺ်းၵႃႈဝႃႈ ထၢမ်တူၺ်း ၵူၼ်းႁဵတ်းၵၢၼ်ၶဝ်ဝႃႈ သႅၼ်ႈတႃႈၼႆႉ ၶႂၢင်းပၼ်ဢၼ်ၼႆႉယူႇ ၼႆသေ ၶဝ်ႁူႉ ၶပ်ႉမၢႆၸဝ်ႈၵဝ်ႇယူႇ။

လုၵ်ႉတီႈ သင်ၶလပူးရီး တေႃႇ ၵၢၼ်ၸၼပူးရီး ၼၼ်ႉ မီးတၢင်းလိူၵ်ႈဝႆႉ -

  • ရူတ်ႉပၢတ်ႉသ် VIP ဢႄးၵွၼ်း ဢွၵ်ႇၶၢဝ်း 08:45, 10:45, လႄႈ 14:30 သေ ႁိုင် 4 ၸူဝ်ႈမူင်း။
  • မီႇၼီႇပၢတ်ႉသ် ဢႄးၵွၼ်း ဢွၵ်ႇၶၢဝ်း 06:30, 07:30, 11:30, 13:00, 15:30 သေ ႁိုင် 3.5 ၸူဝ်ႈမူင်း။
  • ရူတ်ႉပၢတ်ႉသ်ယူဝ်းယူဝ်း ဢွၵ်ႇၶၢဝ်း 06:45, 08:15, 10:15, 13:15 သေ ႁိုင် 5 ၸူဝ်ႈမူင်း။

တင်း ရူတ်ႉလဵၼ်း[မႄးထတ်း]

ရူတ်ႉလဵၼ်း လုၵ်ႉတီႈ တႃႈရူတ်ႉလဵၼ်း ထူၼ်းပူးရီး တီႈ ၵုင်းထဵပ်ႈ သေ ဢွၵ်ႇၶၢဝ်း 07:45 သေ ႁွတ်ႈထိုင် ၵၢၼ်ၸၼပူးရီး ၶၢဝ်း 10:20၊ တၢင်ႇလမ်းတႄႉ ဢွၵ်ႇ ၶၢဝ်း 13:45 သေ ႁွတ်ႈၽႅဝ် 16:35 ယဝ်ႉ။ ရူတ်ႉလဵၼ်းသွင်လမ်းၼႆႉ ပဵၼ်ရူတ်ႉလဵၼ်းဢၼ်လဵဝ် ဢၼ်လႆႈၶၢမ်ႈၶူဝ်ယူႇၵူႈဝၼ်းလႄႈ ၸဝ်ႈၵဝ်ႇ လႅပ်ႈတေၶဝ်ႈၸႂ် တႃႇသိုဝ်ႉမႂ်တိုတ်း တႃႇသၢႆတၢင်းတင်းသဵင်ႈ ဢၼ်တေၵႂႃႇၸူး ၶူဝ်မႄႈၼမ်ႉၶႂႆ ၼၼ်ႉယူႇ။ တွၼ်ႈတႃႇ ၵူၼ်းၼွၵ်ႈမိူင်းတႄႉ တေလႆႈပၼ် 100 ဝၢတ်ႇ (ဢွၵ်ႇ 2018)။

ဢၼ်လူဝ်ႇလႆႈၽၢင်ႉဝႆႉတႄႉ တွၼ်ႈတႃႇ လုၵ်ႉတီႈ သဵၼ်ႈတၢင်းၶဝ်ႈသၢၼ် တေႃႇထိုင် တႃႈရူတ်ႉလဵၼ်း ထူၼ်းပူးရီး ၼႆႉ မၼ်းတိူဝ်းယၢပ်ႇသေ ဢၼ်ထၢင်ႇဝႆႉၼၼ်ႉယဝ်ႉ။ ၵူၼ်းႁေႃႈတုၵ်ႉတုၵ်ႉၵေႃႈ တေၵဵပ်းငိုၼ်းလိူဝ်ၵႃႈၶၼ်မၼ်း၊ သေ တေၶဝ်ႈပႃး လွင်ႈပႆတၢင်း၊ လွင်ႈလႆႈလတ်းၶၢမ်ႈ ၶူဝ်သွင်ဢၼ် လႄႈ တေလႆႈဝၢႆႇတူၺ်းပႃး တၢင်းလင်သေၵွၼ်ႇယဝ်ႉ။ လွၵ်းလၢႆးဢၼ်လီသေပိူၼ်ႈတႄႉ ၶီႇ ႁိူဝ်းသူင်ႇၵူၼ်း ဢၼ်လုၵ်ႉတီႈ ၶူဝ်တႃႈႁိူဝ်း ၽရဢႃးထိတ်ႉ ဢၼ်ၵပ်းၵွင်ႉသိုပ်ႇၸူး ၾႄႇရီႇၶၢမ်ႈမႄႈၼမ်ႉ ဢၼ်ႁွတ်ႈထိုင် ၶူဝ်တႃႈႁိူဝ်း တႃႈရူတ်ႉလဵၼ်းထူၼ်းပူးရီးၼၼ်ႉယဝ်ႉ။ ယဝ်ႉၵေႃႈ ၶိုၼ်းပႆတၢင်း ဢမ်ႇၼၼ် ၶီႇ မီႇၼီႇပၢတ်ႉသ် တီႈၼၼ်ႈလႆႈယူႇ။ ၸဝ်ႈၵဝ်ႇ ၸၢင်ႈလုၵ်ႉတီႈ သဵၼ်ႈတၢင်း ၶဝ်ႈသၢၼ်သေၵေႃႈ ပႆတၢင်း တၢၼ်ႇတၢၼ်ႇသေ ဢဝ် ထႅၵ်ႇၸီႇ ဢၼ်ပႃးမီႇတႃႇၼၼ်ႉၼႆ ၶဝ်တေဢမ်ႇၵဵပ်းငိုၼ်းလိူဝ် ၸဝ်ႈၵဝ်ႇ။ ပေႃးၶီႇ ထႅၵ်ႇၸီႇမီႇတႃႇတီႈ သဵၼ်ႈတၢင်းၶဝ်ႈသၢၼ်တႄႉ ၵႃႈၶၼ်မၼ်း ထုၵ်ႇလီပဵၼ် မွၵ်ႈ 70 ဢမ်ႇၼၼ် 80 ဝၢတ်ႇ။

ရူတ်ႉလဵၼ်း ဢၼ်ပွၵ်ႈၶိုၼ်းတႄႉ လုၵ်ႉတီး တႃႈရူတ်ႉလဵၼ်းလူင်သေ ဢွၵ်ႇၶၢဝ်း 07:25 လႄႈ 14:48 ၼၼ်ႉယဝ်ႉ။ ပေႃးလုၵ်ႉတီႈ ၶူဝ်မႄႈၼမ်ႉၶႂႆၼၼ်ႉတႄႉ ၶဝ်တိူဝ်းဢွၵ်ႇ ၸဝ်ႉထႃႈ 6 မိတ်ႉၼိတ်ႉ။ လွင်ႈၶီႇ ဢၼ်ပဵၼ် ထၢၼ်ႈ 3 ၼၼ်ႉလႄႉ ပဵၼ်လွင်ႈၸုၼ်ႉႁဵတ်း တူဝ်ၵဝ်ႇ လႄႈ ပၼ်တၢင်းၶႆႈၸႂ်ယူႇ တႄႉတႄႉဝႃႈဝႃႈ။

ၵၢၼ်ၸွႆႈသၢင်ႈ ရူတ်ႉလဵၼ်းတင်းသွင်ဢၼ်ၼႆႉ သိုပ်ႇ ၵႂႃႇ/မႃး ၵႃႈတီႈ ၼမ်ႉတူၵ်း၊ ဢၼ်ပဵၼ် သၢႆတၢင်းတီႈသုတ်း ၶွင် သဵၼ်ႈတၢင်းရူတ်ႉလဵၼ်းၶုၼ်တၢႆ။ ပေႃးပဵၼ်ရူတ်ႉသမတႃႇတႄႉ တေၵဵပ်း "ၾရၢင်ႇ" (ၵူၼ်းမိူင်းဝၼ်းတူၵ်း) 100 ဝၢတ်ႇ တွၼ်ႈတႃႇ သၢႆတၢင်းၼိုင်ႈၽၢႆ ဢၼ်လုၵ်ႉတီႈ ၵၢၼ်ၸၼပူးရီး ၵႂႃႇၸူး ဝင်ႈၽူဝ်း၊ ဢၼ်ပဵၼ် တႃႈရူတ်ႉလဵၼ်း လိုၼ်းသုတ်း မိူဝ်ႈပႆႇထိုင် ၼမ်ႉတူၵ်း။ ပေႃးပဵၼ် ၵူၼ်းထႆးတႄႉ ၶၼ်ထုၵ်ႇလိူဝ်ၼႆႉ။

ရူတ်ႉလဵၼ်း ဢၼ်ဢွၵ်ႇ 10:30 ၼၼ်ႉ မၼ်းတွၼ်ႈၶိုၵ်ႉတွၼ်းတႃႇ ထူဝ်းရိတ်ႉ၊ ၶၼ်ထူဝ်းရိတ်ႉၼႆႉ မီး 300 ဝၢတ်ႇ သေ လႆႈယူႇၼႂ်း ဢႄးၵွၼ်း၊ ၼမ်ႉဝၢၼ်ၼမ်ႉၵတ်း လႄႈ မႂ်တိုတ်း တွၼ်ႈတႃႇၶီႇၸူး သၢႆတၢင်း ရူတ်ႉလဵၼ်းၶုၼ်တၢႆ။

သၢႆတၢင်းၵႃႈၶၼ်ထုၵ်ႇသုတ်း ဢၼ်လုၵ်ႉတီႈ ၵုင်းထဵပ်ႈၵႂႃႇ ၵၢၼ်ၸၼပူးရီႈၼႆႉတႄႉ လုၵ်ႉတီး ထူၼ်းပူးရီး ၶီႇရူတ်ႉလဵၼ်း ၵႂႃႇၸူး ပၼ်ပူင်း လႆႈပၼ် 14 ဝၢတ်ႇ (ၵႃႈၶၼ် တႃႇ ၵူၼ်းထႆး လႄႈ ၵူၼ်းၼွၵ်ႈမိူင်း မိူၼ်ၵၼ်)၊ ယဝ်ၵေႃႈ လုၵ်ႉတီႈ ပၼ်ပူင်း ၶိုၼ်းၶီႇ ရူတ်ႉပၢတ်ႉသ်ဢႄးၵွၼ်း ၵႂႃႇၸူး ၵၢၼ်ၸၼပူးရီး လႆႈပၼ် 40 ဝၢတ်ႇ၊ တင်းမူတ်း တေသဵင်ႈ 54 ဝၢတ်ႇ

တင်း ၵႃး[မႄးထတ်း]

ပေႃးလုၵ်ႉတီး ၵုင်းထဵပ်ႈ ႁေႃႈရူတ်ႉၵႂႃႇၸူး ၵၢၼ်ၸၼပူးရီးၼႆႉ တေႁိုင်ယူႇ 3 ၸူဝ်ႈမူင်း၊ လုၵ်ႉတီႈ သဵၼ်ႈတၢင်းလူင် Hwy 4 (ၽဵတ်းၵသဵမ်) ၵုင်းထဵပ်း တေပေႃးထိုင် ဢၼ်ၵႂႃႇၵွင်ႉၸူး သဵၼ်ႈတၢင်းလူင် Hwy 323 ဢၼ်တေဢဝ်ၸဝ်ႈၵဝ်ၵႂႃႇၸူး သဵၼ်ႈတၢင်းၵႂႃႇ ၵၢၼ်ၸၼပူးရီး။

ၸဝ်ႈၵဝ်ႇၸၢင်ႈႁွင်ႉ ထႅၵ်ႇၸီႇ ၵႂႃႇၸူး ၵၢၼ်ၸၼပူးရီးသေ ၶိုၼ်းပွၵ်ႈၸူး ၵုင်းထဵပ်ႈ ၼႂ်းၶၢဝ်းတၢင်းၼိုင်ႈဝၼ်း၊ တေလႆႈပၼ်မွၵ်ႈ 1,700 ဝၢတ်ႇ။ ၼႂ်းၶၢဝ်းတၢင်းၼႆႉ မၼ်းထုၵ်ႇလီၶဝ်ႈပႃး လွင်ႈၵိုတ်းယင်ႉတီႈ ၶူဝ် မႄႈၼမ်ႉၶႂႆ လႄႈ ႁူင်းၼႄ ၊ ၸႄႈဝဵင်းၵၢၼ်ၼပူးရီး၊ ၽၢႆၼမ်ႉ ပိုၼ်ႉတီႈ လႄႈ ၶုမ်ပႃႇႁဵဝ်ႈ POW။ ပေႃးၸဝ်ႈၵဝ်ႇ တေၵႂႃႇဢႅဝ်ႇလႄႇ ၼမ်ႉတူၵ်းတၢတ်ႇ ဢႄႇရဝၢၼ်ႇ လႄႈ ၵျွင်းမုၼ်ၸဝ်ႈ ဢၼ်လဵင်ႉသိူဝ် ဢၼ်မီးၽၢႆႇၼွၵ်ႈဝဵင်း ဢၼ်လႆႈၵႂႃႇမွၵ်ႈ ၸူဝ်ႈမူင်း ၼၼ်ႉတႄႉ ၸဝ်ႈၵဝ်ႇ လႅပ်ႈတေလႆႈပၼ် ငိုၼ်းလိူဝ်ထႅင်ႈယူႇဢိတ်းဢတ်း။

တင်း ထႅၵ်ႇၸီႇ[မႄးထတ်း]

ရူတ်ႉလီမူသိၼ်း တႃႈႁိူဝ်းမိၼ် ၵုင်းထဵပ်ႈၼၼ်ႉ ပဵၼ် လွင်ႈၵၢၼ်တေႃႉသူင်ႇ ဢၼ်ၵႂႃႇမႃးလူမ်ၸႂ် ၼႂ်းၵႃႈ ဝဵင်းငဝ်ႈၸိုင်ႈ မိူင်းထႆး လႄႈ ၵၢၼ်ၸၼပူးရီး။ ၵႃႈၶၼ် ရူတ်ႉသႄႇတၼ်ႇၵျႃႇပၢၼ်ႇၼႆႉ ၵမ်ႉၼမ်တႄႉ တေလႆႈပၼ် 3,000-3,500 ဝၢတ်ႇယဝ်ႉ။

တင်း မီႇၼီႇပၢတ်ႉသ်[မႄးထတ်း]

ဢၼ်ပဵၼ်ၶၢဝ်းတၢင်း လုၵ်ႉတီႈ ၵုင်းထဵပ်ႈ ၵႂႃႇဝၼ်းမႃးဝၼ်းၼၼ်ႉ ၵမ်ႉၼမ် ၶၢႆၵႃႈတီႈ ဢေႇၵျႅၼ်ႇၸီႇ ဢွၵ်ႇၶၢဝ်းတၢင်း ၵုင်းထဵပ်ႈၼၼ်ႉယဝ်ႉ။ ၵမ်ႉၼမ်တႄႉ ၸိူဝ်းၼႆႉ တေၶဝ်ႈပႃး ၵၢၼ်တေႃႉသူင်ႇ မီႇၼီႇပၢတ်ႉသ် တူဝ်ႇယူဝ်ႇတႃႇ ဢၼ်လုၵ်ႉတီႈ ႁူင်းႁႅမ်းလိုဝ်ႈသဝ်း တေႃႇ ၵၢၼ်ၸၼပူးရီး သေ ပွၵ်ႈၶိုၼ်း (တေၵႂႃႇဢႅဝ်ႇလႄႇ ၶူဝ်ၸိုဝ်ႈလိုဝ်းလင်၊ သူၼ်ၸိူဝ်ႉၸၢတ်ႈ ဢႄႇရဝၢၼ်ႇ လႄႈ ၸၵႂႃႇ.. ဢိင်ၼိူဝ် ပႅၵ်ႉၵဵတ်ႉ) လႄႈ တေၸၢင်ႈၶဝ်ႈပႃး ၶဝ်ႈဝၼ်း လႄႈ ၵႃႈၶၼ် ၶဝ်ႈတူၺ်း။ တူဝ်ယၢင်ဢၼ်ၼိုင်ႈတႄႉ 1,100 ဝၢတ်ႇၼႆႉ တေပဵၼ် တွၼ်ႈတႃႇ ၵၢၼ်တေႃႉသူင်ႇ၊ ၶဝ်ႈဝၼ်း၊ ၵႃႈၶဝ်ႈ ၼႂ်းသူၼ်ၸိူဝ်ႉၸၢတ်ႈ ဢႄႇရဝၼ်ႇ လႄႈ ၶူဝ်ၸိုဝ်ႈလိုဝ်းလင်။

ၸွၼ်ႇ[မႄးထတ်း]

Map
ႁၢင်ႈၽႅၼ်ႇလိၼ် ၶွင် ၵၢၼ်ၸၼပူးရီး

တွၼ်ႈတႃႇပႆတိၼ်လႄႇ လူမ်ၸႂ်လူမ်ၶေႃး ၼၼ်ႉ တီႈ ၵၢၼ်ၸၼပူးရီးၼႆႉ မၼ်းတေတိူဝ်းယိုတ်ႈယၢဝ်းဢိတ်းၼိုင်ႈ။ သွင်ထႅဝ် သီမၢၵ်ႇၸွၵ်း ဢၼ်လမ်းဢွၼ်ႇ လႄႈ သီလိူင် ဢၼ်လမ်းယႂ်ႇ ၼၼ်ႉ တေႃႉၶိုၼ်ႈၶိုၼ်ႈလူင်းလူင်း သႅင်ၶျူတူဝ်၊ ၵွင်ႉသိုပ်ႇပၼ်ဝႆႉတင်း တႃႈရူတ်ႉပၢတ်ႉသ်၊ တႃႈရူတ်ႉလဵၼ်း လႄႈ ၶူဝ် သေ တေၵဵပ်း '10 ဝၢတ်ႇ။ ထႅၵ်ႇၸီႇရူတ်ႉၶိူင်ႈ လႄႈ တုၵ်ႉတုၵ်ႉၸိူဝ်းၼႆႉၵေႃႈ မီးဝႆႉသေ ၵႃႈၶၼ်မၼ်းတႄႉ ငူပ်ႉငိဢဝ်လႆႈသေ ဢွင်ႈလိုဝ်ႈသဝ်းမၢင်ဢၼ် ၶဝ်ၶၢတ်ႈပၼ်လႅင်းယူႇ။ တီႈၼႂ်းဝဵင်းၼၼ်ႉ မီးဝႆႉဢွင်ႈတီႈလၢႆတီႈ (ၵမ်ႉၼမ် ၸွမ်းသဵၼ်ႈတၢင်း မႄႈၼမ်ႉၶႂႆ) တီႈဢၼ်ၶၢတ်ႈလႅင် တႃႇတင်းဝၼ်း 50 ဝၢတ်ႇ ဢမ်ႇၼၼ် ရူတ်ႉၶိူင်ႈ 150-200 ဝၢတ်ႇ၊ ၼၼ်ႉတႄႉ ဢိင်ၼိူဝ်ဝႃႈ မၼ်းပဵၼ် ဢေႃႇတူဝ်ႇ ႁိုဝ် ဢမ်ႇပဵၼ် ၼၼ်ႉယဝ်ႉ။ ဢွင်ႈတီႈႁိမ်းႁွမ်း တီႈလိုဝ်ႈသဝ်း/ဢွင်ႈလိုဝ်ႈ ၵႃႈၶၼ်ထုၵ်ႇ မိူၼ်ၼင်ႇ ပလွႆႊ ၼၼ်ႉ ၸဝ်ႈၵဝ်ႇ တေၸၢင်ႈၶၢတ်ႈ လႅင် ဢမ်ႇၼၼ် ရူတ်ႉၶိူင်ႈ တီႈ ယၢၼ်ၼီႈ ၵႃႈတီႈ 197 သဵၼ်ႈတၢင်းမႄႈၼမ်ႉၶႂႆ ၼၼ်ႉ။ လူဝ်ႇတွင်းဝႆႉ တႃႇယွၼ်း ႁၢင်ႈၽႅၼ်လိၼ် သေ လွင်ႈၸိၼႄ တႃႇၵႂႃႇၸူး ဢွင်ႈတီႈတူၺ်း ဢၼ်ၸိုဝ်ႈလိုဝ်းလင်။

တူၺ်း[မႄးထတ်း]

သိုၵ်းၵမ်ႇၽႃႇ ပွၵ်ႈသွင်[မႄးထတ်း]

ဢွင်ႈတီႈတူၺ်းၵမ်ႉၼမ် ၸိူဝ်းမီးတီႈ ၵၢၼ်ၸၼပူးရီးၼႆႉ မၼ်းပဵၼ် ဢၼ်ၵပ်းၵၢႆႇၵမ်းသိုဝ်ႈ တင်း သိုၵ်းပၸိၽိၵ်ႉ ၼၼ်ႉယဝ်ႉ။ ႁွင်ႈၼႄၼၼ်ႉၵေႃႈ ပဵၼ်ၽုၼ်ႇမုၵ်ႉသေ မၼ်းၵေႃႈ ဢမ်ႇၵိုင်ႇတၢင်းၵႂႃႇဢႅဝ်ႇလႄႇ၊ ဢၼ်ပဵၼ် ဢွင်ႈတီႈ သၢႆတၢင်းရူတ်ႉလဵၼ်း ထႆး-မၢၼ်ႈ ၼၼ်ႉတႄႉ မၼ်းပၼ် လွင်ႈသိုပ်ႇမိုတ်ႈလီ ၶွင် သၢႆတၢင်းရူတ်ႉလဵၼ်းၶုၼ်တၢႆ လႄႈ ပိုၼ်းမၼ်း။ တီႈၼၼ်ႈၼႆႉ မီး ပႃႇႁဵဝ်ႈသိုၵ်း သွင်ဢၼ်၊ ဢၼ်ၵူၼ်းၵႂႃႇၼမ်တႄႉ ပဵၼ် ပႃႇႁဵဝ်ႈသိုၵ်း ၵၢၼ်ၸၼပူးရီး။

  • 1 ၶူဝ်တီႈၼိူဝ် မႄႈၼမ်ႉၶႂႆ (Saphan Mae Nam Kwae) (မီးတီႈၽၢႆႇႁွင်ႇ ၵၢၼ်ၸၼပူးရီး မွၵ်ႈ 3 ၵီႇလူဝ်ႇမီႇတႃႇ၊ ၽၢႆႇတႂ်ႈ သဵၼ်ႈတၢင်းၼိဝ်းၸီႇလႅၼ်ႇ၊ သဵၼ်ႈတၢင်း သႅင်ၶျူးတူဝ်ႇ)။ ၶူဝ်လဵၵ်းဢၼ် လတ်းၶၢမ်ႈ မႄႈၼမ်ႉၶႂႆ ဢၼ်ၼႆႉ မၼ်းပဵၼ် တီႈၸၼ်ၸႂ်ပိူင်လူင် တွၼ်ႈတႃႇ ၵူၼ်းမႃးဢႅဝ်ႇလႄႇၵမ်ႉၼမ်ယဝ်ႉ။ ယွၼ်ႉပိူဝ်ႈ ငဝ်းတူင်ႈ ၸိုဝ်ႈလိုဝ်းလင် တင်း ပပ်ႉၸိူင်းလႄႈ ၶူဝ်ၼႆႉၵေႃႈ ဢမ်ႇတၢႆသေပွၵ်ႈ၊ မၼ်းပဵၼ် ပွတ်းတွၼ်ႈ ၶွင် တၢင်းရူတ်ႉလဵၼ်း ၶုၼ်တၢႆ ဢၼ်မီးၸိုဝ်ႈသဵင်ႈႁၢႆႉ ဢၼ်ၵၢႆႇၸူး မိူင်းမၢၼ်ႈ၊ ဢၼ်ဢဝ် ဢဵၼ်ႁႅင်းၵူၼ်းတိၺွပ်းလႆႈၼႂ်းသိုၵ်း ဢၼ်ႁဵတ်းၵၢၼ် ပၼ်ၵျႃႇပၢၼ်ႇၶဝ် လႆႈၵေႃႇသၢင်ႈမႃး မိူၼ်ၼင်ႇ မိူင်းငရၢႆး ၽွင်းၼႂ်းသိုၵ်းၵမ်ႇၽႃႇပွၵ်ႈသွင်ၼၼ်ႉယဝ်ႉ။ ႁႅင်းၵၢၼ်ၵူၼ်းတူၵ်းၶွၵ်းၵၢၼ်သိုၵ်း မွၵ်ႈ 16,000 လႄႈ ၵူၼ်းႁဵတ်းၵၢၼ်ဢေးသျႅၼ်း 90,000 (ၵမ်ႉၼမ်ဢၼ်ပဵၼ် ၶႃႈၸႂ်ႉ) ၼႆႉ လႆႈတၢႆၵႂႃႇ ၽွင်းမိူဝ်ႈၵေႃႇသၢင်ႈ တၢင်းရူတ်ႉလဵၼ်းၼႆႉယဝ်ႉ။ ၶူဝ်းလဵၵ်းဝၼ်းမိူဝ်ႈၼႆႉၼႆႉ မၼ်းပဵၼ် ၽၢင်ႁၢင်ႈ ပၢင်သိုၵ်းထူၼ်ႈသွင် (ဢၼ်ပဵၼ်ပွတ်းတွၼ်ႈငဝ်ႈတိုၼ်းမၼ်းတႄႉ တေၸၢင်ႈႁၼ်လႆႈတီႈၼႂ်း ႁွင်ႈၼႄပိုၼ်း သိုၵ်း)၊ ၵူၺ်းၵႃႈဝႃႈ ဢၼ်ပဵၼ် သဝ်သွင်ဢၼ် တီႈဢၼ်မီးတီႈၼႂ်းၵၢၼ်ၼၼ်ႉတႄႉ ၶိုၼ်းၵေႃႇသၢင်ႈ ဝၢႆးသိုၵ်းသေ ပဵၼ်တႃႇ ၶိုၼ်းတႅၼ်ႈတီႈ ဢၼ်ၸုမ်းဢူၺ်းလီၶဝ် ဢဝ်မၢၵ်ႇပွႆႇသႂ်ႇၼၼ်ႉယဝ်ႉ။
    ၸဝ်ႈၵဝ်ႇၸၢင်ႈ ပႆတီႈၼိူဝ် သဵၼ်ႈတၢင်းပႆဢၼ်ဢဝ်လဵၵ်းသိူဝ်ႇဝႆႉ ဢၼ်မီးတီႈၼႂ်းၵၢင်ၼၼ်ႉသေၵေႃး လတ်းၶၢမ်ႈၶူဝ်ၵႂႃႇလႆႈယူႇ။ မီးဝႆႉပႅၵ်ႈတၢင်း တွၼ်ႈတႃႇ ဝႄႈရူတ်ႉလဵၼ်း လႄႈ တွၼ်ႈတႃႇ တိူဝ်းမူင်ႈတူၺ်းလႆႈလီ။ ယွၼ်ႉပိူဝ်ႈဝႃႈ ဢၼ်ႁႄႉမၼ်း ဢမ်ႇမီးတဵမ်ထူၼ်ႈလႄႈ ပေႃးပႃးလုၵ်ႈဢွၼ်ႇၸိူဝ်းၼႆႉတႄႉ လီလႆႈၽၢင်ႉဝႆႉယဝ်ႉ။ တီးသုတ်းၶူဝ်ၼၼ်ႉ ၸဝ်ႈၵဝ်ႇတေၸၢင်ႉလဵင်ႉတၢင်းၵိၼ် ၸၢင်ႉ ဢမ်ႇၼၼ် ၶီႇၸၢင်ႉလႆႈသေ ၵႃႈၶၼ်မၼ်းတႄႉ ငူပ်ႉငိၵၼ်လႆႈသေ ပေႃးၶီႇၼိုင်ႈပွၵ်ႈၼႆႉ တေတူၵ်းၸူဝ်ႈ 600 ဝၢတ်ႇၼႆႉ။ လႆႈငိၼ်းၶၢဝ်ႇဝႃႈတႄႉ ၶဝ်ဢဝ်ႈၸိူၵ်ႈလဵၵ်းပွတ်း မတ်ႉဝႆႉတီႈတိၼ်ၸၢင်ႈသေ မၼ်းၵူၺ်း ၸူၵ်းယူႇတီႈၼႂ်း ပႃႇၶီႈပႃႈယဵဝ်ႈမၼ်းၵူၺ်းၼႆယဝ်ႉ။ တႅပ်းတတ်းဢဝ်ႁင်းၸဝ်ႈၵဝ်ႇလႄႈ။
    ၶူဝ်ၼၼ်ႉတႄႉ တိုၵ်ႉၸႂ်ႉဝႆႉယူႇ တီႈၽၢႆႇပုၼ်ႉမၼ်းၼၼ်ႉ မီးဝႃႈ တႃႈရူတ်ႉလဵၼ်း ဢၼ်ၼိုင်ႈယူႇ။ ရူတ်ႉလဵၼ်းၼႆႉ လုၵ်ႉတီႈ ၼမ်ႉတူၵ်း (တီႈသၢႆတၢင်းရူတ်ႉလဵၼ်းသုတ်း) ၼၼ်ႉ လႅၼ်ႈၸူး တႃႈရူတ်ႉလဵၼ်း ၶူဝ်မႄႈၼမ်ႉၶႂႆ (တၢင်းႁိုင် တေမီးယူႇ 2 ၸူဝ်ႈမူင်းပၢႆ) သိုပ်ႇၵႂႃႇၸူး ၵၢၼ်ၸၼပူးရီး လႄႈ ၵုင်းထဵပ်ႈ။
    တီႈၶူဝ်ၼၼ်ႉ ၸၢင်ႈလႆႈပႃး တၢင်းၵိၼ် လႄႈ ၶူဝ်းတွၼ်ႈ ၸိူဝ်းၼႆႉယူႇ။
    ပႆတၢင်းၵႂႃႇၸူးၶူဝ်းၼႆႉ မၼ်းၵေႃႈဢမ်ႇၸႂ်ႈ ဢၼ်လီသိူဝ်းၸႂ်ဝႆႉၼင်ႇၵဝ်ႇ (ပေႃးၸဝ်ႈၵဝ်ႇ ၶႂ်ႈပႆတၢင်း တၢင်းႁိုင်ၼႆတႄႉ ပႂ်ႉႁၢၼ်ႉတေႃႇ ၽၢႆႇပုၼ်ႉ ၵူၼ်းႁၢင်ႇၵႂႃႇၵွၼ်ႇလႄႈ)၊ ၵူၺ်းၵႃႈဝႃႈ ပေႃးၶီႇ သွင်ထႅဝ် (10 ဝၢတ်ႇ) ၸိူဝ်းဢၼ်လႅၼ်ႈယူႇၸွမ်း သဵၼ်ႈတၢင်းလူင် (တၢင်းသႅၼ်ၶျူးတူဝ်) တီႈ ၵၢင်ဝဵင်းၼၼ်ႉ။ ပေႃးၸဝ်ႈၵဝ်ႇႁၼ် သႅၼ်ႈတၢင်းရူတ်ႉလဵၼ်း ဢၼ်လတ်းၶၢမ်ႈၶူဝ်ၵႂႃႇၼႆ ၸဝ်ႈၵဝ်ႇ လူင်းသေ ၵေႃႈ ပႆၵႂႃႇၸွမ်း တၢင်းၼၼ်ႉလႆႈယူႇ။
  • သဵၼ်ႈတၢင်းရူတ်ႉလဵၼ်း မရၼ (ทางรถไฟสายมรณะ)။ သၢႆတၢင်းရူတ်ႉလဵၼ်းၼႆႉ တႄႇမႃးတီႈ တႃႈရူတ်ႉလဵၼ်း ၼွင်ပလတုၵ်ႉ တီး ဢႅမ်ၽူဝ်းပၢၼ်းပွင်၊ ရတ်ႉၶျႃပူးရီး လႄႈ လုၵ်ႉတီး ၵၢၼ်ၸၼပူးရီးသေ လတ်းၶၢမ်ႈ မႄႈၼမ်ႉၶေးယႂ်ႇ၊ လတ်းၵႂႃႇ ၽၢႆႇတူၵ်း ၽြႃးသၢမ်သူႇသေ သုတ်းတီႈ တၢၼ်ႇၽျူႇၸယႅတ်ႉ တီႈ မိူင်းမၢၼ်ႈယဝ်ႉ။ တီႈၼႂ်းၼႃႈလိၼ်ထႆး ၼႆ တၢင်းယၢဝ်းမၼ်း မီး 300 ၵီႇလူဝ်ႇမီႇတႃႇယဝ်ႉ။ တၢင်းရူတ်ႉလဵၼ်းၼႆႉ ႁဵတ်းဢဝ် ၼႂ်းၶၢဝ်းတၢင်း ၼိုင်ႈပီ တႄႇ ဢွၵ်ႇထူဝ်ႇပႃႇ 1942 တေႃႇ ဢွၵ်ႇထူဝ်ႇပႃႇ 1943 ယဝ်ႉ။ ဝၢႆးသေ ပဵၼ်သိုၵ်းယဝ်ႉ သဵၼ်ႈတၢင်းၵမ်ႈၽွင်ႈၼႆႉ ထုၵ်ႇယႃႉလႅဝ်ပႅတ်ႈသေ ၵမ်ႈၽွင်ႈတႄႉၵေႃႈ ၸူမ်ဝႆႉ တႂ်ႈၽၢႆၶဝ်လႅမ် ဝႆႉယူႇ။
  • 2 ပႃႇႁဵတ်ႈသိုၵ်း ၶျုင်ၶႆး (ၸၢင်ႈၶၢတ်ႈ ထႅၵ်ႇၸီႇ ဢမ်ႇၼၼ် ၶၢတ်ႈ ရူတ်ႉၶိူင်ႈသေၵေႃႈ ၸၢင်ႈႁွတ်ႈၽႅဝ်ထိုင်လႆႈ တီႈၼၼ်ႈယူႇ၊ မၼ်းမီးဝႆႉ ပွတ်းၽၢႆႇတူၵ်း မႄႈၼမ်ႉယဝ်ႉ)။ ပဵၼ်ပႃႇႁဵဝ်ႈဢွၼ်ႇ ဢၼ်လုမ်းလႃးဝႆႉလီလီ ဢၼ်မီးၽၢႆႇၼွၵ်ႈဝဵင်း ယၢၼ် 2 ၵီႇလူဝ်ႇမီႇတႃႇ။
  • 3 ႁွင်ႈၼႄ သိုၵ်း JEATH (พิพิธาพันธุ์สงครามวัดไต้ (ႁွင်ႈၼႄသိုၵ်း ဝတ်ႉတႆး)) သဵၼ်ႈတၢင်းပၢၵ်ႇၽရႅၵ်ႉ (ဢိူမ်ႈၵၼ်ဝႆႉတင်း ဝတ်ႉၶျႆးၶျုမ်ႇၽွၼ်း လုၵ်ႉတီႈၵၢင်ဝဵင်းၵႂႃႇၽၢႆႇၸၢၼ်း ယၢၼ် 1 ၵီႇလူဝ်ႇမီႇတႃႇ)။ 08:30-18:00JEATH ၼႆႉ မၼ်းပဵၼ်တူဝ်ယေႃႈ ၸိုဝ်ႈၵူၼ်းမိူင်း ၸိူဝ်းၶဝ်ႈပႃးတီႈၼႂ်း ၵၢၼ်ၵေႃႇသၢင်ႈ သၢႆတၢင်းရူတ်ႉလဵၼ်း - Japanese, English, Australian, American, Thai လႄႈ Holland ၼႆယဝ်ႉ။ တီႈလိၵ်ႈၸိၼမ်း ဢၼ်ပၼ်ၾရီးၼၼ်ႉ ဢဝ်တင်း လိၵ်ႈယွၼ်းသူး "ႁႂ်ႈလွင်ႈငမ်းယဵၼ် ဢွင်ႇပႄႉ လွင်ႈတဵၵ်းတဵင်" ၼႆယဝ်ႉ။ ဢွင်ႈတီႈၼႄၼၼ်ႉ ႁဵတ်းဝႆႉသုမ်ႉမၢၵ်ႇဢုၼ်ႇ ဢၼ်ပဵၼ်ၼင်ႇ သုမ်ႉမိူဝ်ႈၵူၼ်းႁဵတ်းတၢင်းရူတ်ႉလဵၼ်း မရၼ ၶဝ် ယူႇသဝ်းမႃးၼၼ်ႉယဝ်ႉ။ ယဝ်ႉၵေႃႈ ၼႄဝႆႉ တွၼ်ႈ ၶူဝ်မႆႉ ဢၼ်တႄႇႁဵတ်းမႃးဢွၼ်တၢင်းသုတ်း၊ မီးပႃး ၶိူင်ႈၶူဝ်းသိုၵ်း လႄႈ ႁွင်ႈယၢဝ်း ဢၼ်ၵူၼ်းတူၵ်းၶွၵ်ႈသိုၵ်းၶဝ်ယူႇသဝ်းမႃးၼၼ်ႉယဝ်ႉ။ ႁူမ်ႈဝႃႈ ႁိူဝ်းဢၼ်လတ်းၶၢမ်ႈ မႄႈၼမ်ႉၼၼ်ႉ ယၢၼ်ၽင်မႃးသေတႃႉ မၼ်းတိူဝ်းလီၶဝ်ၸႂ်ယဝ်ႉ။ ႁွင်ႈၼႄၼႆႉ ၶၢဝ်းယၢမ်းႁိုင်မႃးသေ ယွၼ်ႉပိူဝ်ႈရႃႇသီႇၽိင်ႈၾႃႉ လႄႈ မူင်ႈမႅင်းၸိူဝ်းၼႆႉသေ ၸိူဝ်းဢၼ်လူႉလႅဝ်ၵႂႃႇၵေႃႈ မီးဝႆႉတင်းၼမ်ယဝ်ႉ။ ပေႃးမႃးႁုပ်ႈႁူဝ်မၼ်းတူၺ်းတႄႉ ပေႃးဝႃႈ ၸဝ်ႈၵဝ်ႇၵႂႃႇမူၼ်ႈသိူဝ်းႁုၼ်ႉၵျေႃႇတီႈၼၼ်ႈၼႆႉ မၼ်းတေပဵၼ် လွင်ႈလူလၢႆ ၸိူဝ်းဢၼ်လႆႈတုၵ်ႉယၢၵ်ႈမႃးတီႈၼႆႈၼၼ်ႉယဝ်ႉ။ ဢၼ်ၶႅမ်ႉသေပိူၼ်ႈတႄႉ ပဵၼ် ဢွင်ႈတီႈသႅၼ်ႈတၢင်းရူတ်ႉလဵၼ်း ထႆး-မၢၼ်ႈၼၼ်ႉယဝ်ႉ။ 40 baht JEATH War Museum on Wikipedia
ပႃႇႁဵဝ်ႈသိုၵ်း ၵၢၼ်ၸၼပူးရီး
  • 4 ပႃႈႁဵတ်ႈသိုၵ်း ၵၢၼ်ၸၼပူးရီး (สุสานทหารสัมพันธมิตรดอนรัก) Saeng Chuto Rd (တေႃႇၼႃႈၵၼ်တင်း တႃႈရူတ်ႉလဵꧣ်း)။ 07:00-14:00ဢၼ်ၼႆႉၼႆႉ ပဵၼ်ဢွင်ႈတီႈလိုဝ်ႈသဝ်း ၶွင် ၵူၼ်းတူၵ်းၶွၵ်ႈသိုၵ်း 6,982 ၵေႃႉ ပဵၼ်ၵူၼ်းၸိူဝ်းဢၼ်ဢဝ် တူဝ်ၸႂ်ပၼ်ၵႂႃႇ တီႈ ၵၢၼ်ၵေႃႇသၢင်ႈ တၢင်းရူတ်ႉလဵၼ်းမရၼ ဢၼ်ၵႂႃႇၸူး မိူင်းမၢၼ်ႈၼၼ်ႉယဝ်ႉ။ ၵူၼ်းတူၵ်းၶွၵ်ႈသိုၵ်းတင်းသဵင်ႈ တီႈဢွင်ႈတီႈၼႆႉ ပဵၼ်ၸိူဝ်းဢၼ်မႃးတီႈ မိူင်းဢိင်းၵလဵတ်ႈ၊ ၼႄႇတႃႇလႅၼ်ႇ လႄႈ ဢေႃႉသထရေးလီးယႃး ၼၼ်ႉယဝ်ႉ။ ဝၢႆးသိုၵ်းၵမ်ႇၽႃႇပွၵ်ႈသွင်ယဝ်ႉ ၸုမ်းဢူၺ်းလီၶဝ် ၶၢႆႉဢဝ် ဢၼ်ၽင်ဝႆႉ ၵူၼ်းတူၵ်းၶွၵ်ႈသိုၵ်းၸိူဝ်းၼၼ်ႉ မႃးၸွမ်း သဵၼ်ႈတၢင်းရူတ်ႉလဵၼ်းသေ မႃးဝႆႉတီႈ ၵၢၼ်ၸၼပူးရီးသေၵေႃႈ ႁႂ်ႈလုမ်းလႃးငၢႆႈၼႆယဝ်ႉ။ ၶုမ်ၸိူဝ်းၼၼ်ႉၵေႃႈ ၸၼ်ဝႆႉၼင်ႇ သၢႆသိုဝ်ႈသေ ၽုၵ်ႇသွမ်ႈဝႆႉယိူဝ်ႈယႃႈၶဵဝ်၊ မၢင်ၸိူဝ်းၵေႃႈ မီးဝႆႉ ၶႅပ်းႁိၼ်ၶႅၵ်း သုၼ်ႇတူဝ်။ လုၵ်ႉတီႈ Commonwealth War Graves Commission သေ ထိင်းသိမ်းတူၺ်းထိုင်ဝႆႉပၼ်လီလီယူႇ။ ၼႆႉတႄႉ မၼ်းပဵၼ် လွင်ႈပၼ်ၽၢင်ႉဝႃႈ လႆႈပဵၼ်သင်မႃး ဢၼ်ဝႃႈၼၼ်ႉယဝ်ႉ။ ၾရီး
  • 5 ႁွင်ႈၵၢၼ်ရူတ်ႉလဵၼ်း ထႆး-မၢၼ်ႈ 73 သဵၼ်ႈတၢင်း ၸဝ်ႈၶၼ်ၼၼ် (မီးႁိမ်းၶၢင်ႈ ပႃႇႁဵဝ်ႈသိုၵ်း ၵၢၼ်ၸၼပူးရီး၊ မီးၸမ်ၵၼ်တင်း ၽၢႆႇၸၢၼ်း သဵၼ်ႈတၢင်း မႄႈၼမ်ႉၶေႈ) - +66 3 451 272109:00-17:00 dailyၵမ်ႉၼမ်တႄႉဝူၼ်ႉသွၼ်ႇဝႆႉဝႃႈ ပေႃးၵပ်းၵၢႆႇလူၺ်း သိုၵ်းၵမ်ႇၽႃႇပွၵ်ႈသွင် တီႈမိူင်းထႆး၊ လွင်ႈၵေႃႇသၢင်ႈတၢင်းရူတ်ႉလဵၼ်း လႄႈ သဵꧣ်ႈတႃႈ၊ သၢႆငၢႆၵူၼ်းတူၵ်းၶွၵ်ႈသိုၵ်း လႄႈ ႁႅင်းၵၢၼ်ဢေးသျႃးၼႆၸိုင် ၼႆႉပဵၼ်ငဝ်ႈငႃႇလွၼ်ႉၶၢဝ်ႇ ဢၼ်ၶႅမ်ႉသေပိူၼ်ႈၼႆယဝ်ႉ။ ပဵၼ်ၵၢၼ်ၼႄ ဢၼ်တူင်ႉၼိုင်တႄႉတႄႉ၊ ၶဝ်ႈပႃး ငဝ်းတူင်ႉ လႄႈ ၶွင်ၼႄတူဝ်တွပ်ႇ။ လွင်ႈဢႅဝ်ႇလႄႇၼႆႉ တီႇဢေႇသုတ်းမၼ်း တေဢဝ်ၶၢဝ်းယၢမ်း ၼိုင်ႈၸူဝ်ႈမူင်း လႄႈ ပေႃးၸဝ်ႈၵဝ်ႇ ၶႂ်ႈလူတူၺ်း ၵူႈလွင်ႈလွင်ႈတႄႉ တေၸၢင်ႈႁိုင်လိူဝ်ၼၼ်ႉယူႇ။ ၼႂ်းၵႃႈၶဝ်ႈမၼ်းၼၼ်ႉ ၶဝ်ႈပႃး ၵေႃႇၾီႇ လႄႈ ၼမ်ႉၼဵင်ႈ တီႈ လၢၼ်ႉၵၾႄး ၸၼ်ႉၼိူဝ်၊ တီးဢၼ်ၸဝ်ႈၵဝ်ႇ ၸၢင်ႈၼင်ႈတီး ၽၵ်းတူသေ မုင်ႈတူၺ်း ပႃႇႁဵဝ်ႈသိုၵ်း ၵၢၼ်ၸၼပူးရီး။ ပေႃးဝႃႈ ၸဝ်ႈၵဝ်ႇ ၵႂႃႇဢႅဝ်ႇလႄႈတီႈ ႁွင်ႈၵၢၼ်ယဝ်ႉ ၼၼ်ႉပဵၼ် ဢွင်ႈတီႈလီ တွၼ်ႈတႃႇၼင်ႈယဝ်ႉ။ မၼ်းတိူဝ်းၶႅမ်ႉလိူဝ် ႁွင်ႈၼႄသိုၵ်း JEATH ယဝ်ႉ။ 140 baht
  • 6 ႁွင်ႈၼႄ သိုၵ်းၵမ်ႇၽႃႇ ပွၵ်ႈသွင် လႄႈ ႁွင်ႈၼႄၵၢၼ် ပၢႆးမွၼ်း သဵၼ်ႈတၢင်းမႄႈၼမ်ႉၶႂႆ (လုၵ်ႉတီႈၶူဝ်ဢၼ်မီးတီႈၼိူဝ် မႄႈၼမ်ႉၶႂႆသေ ယၢၼ်ၵၼ် 50 မီႇတႃႇ)။ 8:30-17:30 ၵူႈဝၼ်းပဵၼ်ၵၢၼ်ၼႄ လႄႈ ႁွင်ႈၼႄ ဢၼ်ၸုႁွမ်ဝႆႉ ယူင်ႉသၢင်ႈႁိူၼ်းဢၼ်သူၼ်ႈသိၼ်းသၢၼ်သေ ၵမ်ၼမ်ၼႆႉ ဢမ်ႇပႃးၶေႃႈသပ်းလႅင်းဝႆႉသေ လွင်ႈထိင်းသိမ်းၵေႃႈ ႁႅင်းဢေႇၼႃႇ။ ပေႃးၶဝ်ႈၵႂႃႇၼႆ တီႈၽၢႆႇသၢႆႉမိုဝ်းၸဝ်ႈၵဝ်ႇၼၼ်ႉ မီးယူင်ႉသၢင်ႈ 4 ၸၼ်ႉ ဢၼ်မီး ႁုၼ်ႁၢင်ႈလွမ်ႉႁွပ်ႈဝႆႉသေ မီးၶဵင်ႇယွၼ်းသူးမၢၼ်ႈဢိတ်းဢွတ်းသေ တေလႆႈႁၼ် ႁၢင်ႈပၢၼ်သီတီႈၽႃ ဢၼ်ပဵၼ် ႁၢင်ႈ ၶုၼ်ႁေႃၶမ်း ၸိူဝ်းၽင်မႃး ပၢၼ်သိုပ်ႇပၢၼ်ႇ ၸဵမ်မိူဝ်ႈပႆႇထိုင် သိုၵ်းၵမ်ႇၽႃႇပွၵ်ႈသွင်ၼၼ်ႉယဝ်ႉ။ ယဝ်ႉၵေႃႈ တေလႆႈႁၼ် တိူၵ်ႈၵွင်ႈပွတ်း ဢၼ်ႁေႃဝႆႉၼၼ်ႉ။ တီႈၼိူဝ်ၸိၵ်းမုင်းယူင်ႉသၢင်ႈ ဢၼ်မီးႁိမ်းၽင်ႇၼမ်ႉၼၼ်ႉ တေလႆႈႁၼ် တီႈမုင်ႈၶႅမ်ႉ တႃႇတူၺ်းၶူဝ်။ ႁွင်ႈဢၼ်လၢၵ်ႇလၢႆးသေပိူၼ်ႈ တီႈၼႂ်း ႁွင်ႈၼႄ သိုၵ်းၵမ်ႇၽႃႇပွၵ်ႈသွင်ၼႆႉ ပဵၼ် လွင်ႈႁွမ်ၸုမိၵ်ႈသူင်ႇလိၵ်ႈ ဢၼ်ၽုၼ်ႇမုၵ်ႉၵူဝ်ႈဢိူၵ်ႇသေ တေလႆႈႁၼ်ပႃး ႁၢင်ႈပၢၼ်းသီၼိူဝ်ၽႃ ၸိူဝ်းဢၼ်ဝႆႉ ၼၢင်းငၢမ်းထႆး ၸိူဝ်းလႆႈသူးမႃးၼၼ်ႉယဝ်ႉ။ ဢၼ်ပဵၼ် ႁွင်ႈၼႄ သိုၵ်းၵမ်ႇၽႃႇပွၵ်ႈသွင် လႄႈ ႁွင်ႈၼႄ JEATH ၼၼ်ႉတႄႉ ပႅပ်ႉတူဝ်ဝႆႉယူႇတီႈ ၸၼ်ႉတႂ်ႈသုတ်းၼၼ်ႉယဝ်ႉ။ 40 ဝၢတ်ႇ
  • ႁွင်ႈၼႄ တီႈမၢႆတွင်း သဵၼ်ႈတၢင်းၽႆးငရၢႆး (ช่องเขาขาดพิพิธภัณฑสถานแห่งความทรงจำ)။ လုၵ်ႉတီႈ လူင်ပွင်ၸိုင်ႈ ဢေႃႉသထရေးလီးယႃး ၵေႃႉတႄႇတင်ႈဝႆႉ၊ မၼ်းပဵၼ် တီႈ ဢၼ်ႁွမ်ၸုဝႆႉ ၶႅပ်းႁၢင်ႈ၊ ၶိူင်ႈၶူဝ်းၸႂ်ႉ လႄႈ ၶိူင်ႈၶုတ်းၵေႃႇ ၸိူဝ်းဢၼ်ၸႂ်ႉမႃး တီႈ လွင်ႈၵေႃႇသၢင်ႈ သဵၼ်ႈတၢင်းရူတ်ႉလဵၼ်းမရၼ ၼၼ်ႉယဝ်ႉ။

ၵျွင်းၽြႃး ဢၼ်လၢၵ်ႇလၢႆး[မႄးထတ်း]

ဝတ်ႉပၢၼ်းထမ်ႈ
  • 7 ဝတ်ႉပၢၼ်းထမ်း (ၵျွင်းၽြႃးၼၵႃးၶမ်း)။
  • ဢွင်ႈတီႈၵဝ်ႇၸေႇတီႇ
  • တူၼ်ႈမႆႉလူင်
  • ၶုၼ်ယုမ်
  • ဝတ်ႉထမ်ႈၶဝ်ႈၼွႆႉ
  • ဝတ်ႉထမ်ႈၶဝ်ႈၽုၼ်၊ မီးၽၢႆႇၼွၵ်ႈဝဵင်း ယၢၼ် 5 ၵီႇလူဝ်ႇမီႇတႃႇ (ပူၼ်ႉ ပႃႇႁဵဝ်ႈသိုၵ်း ၶျူင်ၶႆး)။ ၵႃႈၶဝ်ႈၸူး တီႈၼႂ်းထမ်ႈ ဢၼ်မီးႁုၼ်ႇႁၢင်ႈၽြႃးၼၼ်ႉ လႆႈပၼ် 20 ဝၢတ်ႇ။
  • ဝတ်ႉထမ်ႈ မင်ၵွၼ်ထွင်း
  • ဝတ်ႉထမ်ႈသိူဝ်

ႁိမ်းႁွမ်းၵၢၼ်ၸၼပူးရီး[မႄးထတ်း]

ဢွင်ႈတီႈ ၸဵင်ႇႁွင်ႇဝၼ်းတူၵ်း ၵၢၼ်ၸၼပူးရီး ၼႆႉ ဢၼ်ပဵၼ် ဝင်ႇလွႆမႄႈၼမ်ႉၶႂႆ ဢၼ်ႁၢင်ႈလီၼၼ်ႉ ဢဝ်တီႈယူႇဝႆႉယဝ်ႉ။ ၼၼ်ႉ မၼ်းပဵၼ် ဢွင်ႈတီႈ သၽႃႇဝ ဢၼ်ႁၢင်ႈလီသေ မီးဝႆႉ ၼမ်ႉတူၵ်းတၢတ်ႇ၊ ထၢမ်ႈ၊ ၼွင် လႄႈ သၼ်လွႆ တီႈမုင်ႈသႃႇၼၼ်ႉယဝ်ႉ။ ဢွင်ႈတီႈၸၼ်ၸႂ်ၵမ်ႉၼမ်ၼႆႉ လုၵ်ႉတီး ၵၢၼ်ၸၼပူးရီးသေ ၵႂႃႇဢႅဝ်ႇလႆႈ ၵႂႃႇဝၼ်းမႃးဝၼ်း။ လွင်ႈဢွၵ်ႇၶၢဝ်းတၢင်း လွတ်ႈလွတ်ႈလႅဝ်းလႅဝ်းၵေႃႈ ၸၢင်ႈၵႂႃႇလႆႈတွၼ်ႈတႃႇ တီႈၸၼ်ၸႂ်ၵမ်ႉၼမ်သေတႃႉ ၸိူဝ်းပဵၼ် ရူတ်ႉလဵၼ်း လႄႈ ရူတ်ႉပၢတ်ႉသ် ပိုၼ်ႉတီႈၼႆႉ မၼ်းတေထိုင်ႈသေ တေဢမ်ႇပေႃးလူမ်ၸႂ်။ သင်ၸိူဝ်ႉဝႃႈ ၸဝ်ႈၵဝ်ႇ ၶႂ်ႈၵႂႃႇတူၺ်း တၢင်းရူတ်ႉလဵၼ်းမရၼ လႄႈ ၼမ်ႉတူၵ်းတၢတ်ႇဢႄႇရဝၢၼ်ႇ ၼႂ်းၶၢဝ်းတၢင်း ၼိုင်ႈဝၼ်းၼႆၸိုင်၊ ယွၼ်ႉပိူဝ်ႈဝႃး တီႈၼႂ်းၵႄႈၶဝ်ႈၼၼ်ႉ ဢမ်ႇမီး ၵၢၼ်တေႃႉသူင်ႇၵၢင်လၢႆလႄႈ ၸဝ်ႈၵဝ်ႇ လူဝ်ႇလႆႈဢဝ် ၵၢၼ်ၸွႆႈသၢင်ႈၸိၼမ်းၶၢဝ်းတၢင်းယူႇ။

  • 8 ႁွင်ႈၼႄ ရူတ်ႉၶိူင်ႈ LHM (မီးၸမ်ၵၼ်တင်း ဝတ်ႉထႃးရိူဝ်၊ တီႈၼႂ်း ၸႄႈတွၼ်ႈထႃးမၵႃႊ) - +66 34 561 028M-Sa, 08:00-17:00ပဵၼ်ႁွင်ႈၼႄ ဢၼ်ဢမ်ႇသူႈၵႆႉလႆႈႁၼ်သေ ပဵၼ်ၶွင် လၢၼ်ႉရူတ်ႉၶိူင်ႈ လူဝ်ႁဵင်မွင် ယဝ်ႉ။ ၼႃႈၵၢၼ်ပၢႆးမၢၵ်ႈမီးၶဝ်ၼႆႉ ႁို်မႃး 50 ပီပၢႆသေ တီႈ ၵၢၼ်ၶဝ်ၼၼ်ႉ ၶဝ်ၼႄဝႆႉ တူဝ်ယၢင်ႇရူတ်ႉၶိူင်ႈ ၸိူဝ်းဢၼ်ၶဝ် လႆႈၶၢႆႇမႃး ၼၼ်ႉယဝ်ႉ။ ရူတ်ႉၶိူင်ႈၵမ်ႉၼမ်တႄႉ ပဵၼ် ရူတ်ႉၶိူင်ႈသတူႇတႃႇဢွၼ်ႇယဝ်ႉ။ ฿80/50 ၵူၼ်းၼွၵ်ႈမိူင်း/ၵူၼ်းထႆး
  • သူၼ်ၸိူဝ်ႉၸၢတ်ႈ သႆယူတ်ႈ (อุทยานแห่งชาติไทรโยค)။ သူၼ်မွၵ်ႇၼႆႉ မီးမႃး ၸဵမ်မိူဝ်ႈ 1980 သေ ဢွင်ႈတီႈၵမ်ႉပႃႈၼမ်ၼႆႉ မီးႁိၼ်ထုၼ် ဢိၵ်ႇတင်း ပႃႇထိူၼ်မႆႁူင်ႈ ၸိူဝ်းၼႆႉယဝ်ႉ။ မၼ်းပဵၼ် ဢွင်ႈတီႈသဝ်းၵဝ်ႇ ၶွင် ၵျႃႇပၢၼ်ႇ မိူဝ်ႈၽွင်းၶၢဝ်း သိုၵ်းၵမ်ႇၽႃႇပွၵ်ႈသွင်ၼႆ လႆႈႁၼ်သၢၵ်ႈသေႇၸွမ်းႁွႆးမၼ်းယူႇ။ သူၼ်ၼႆႉ ပဵၼ်ဢွင်ႈတီႈႁိူၼ်း မိင်ႇ ဢၼ်လဵၵ်ႉသေပိူၼ်ႈ တီႈၼႂ်းလူၵ်ႈၼႆႉယဝ်ႉ။
  • သူၼ်ၵိုၵ်းပိုၼ်း မိူင်းသိင် ဢမ်ႇၼၼ် ပရသၢတ်ႇမိူင်းသိင် (อุทยานประวัติศาสตร์เมืองสิงห์ or ปราสาทเมืองสิงห์)။ ယူင်ႉသၢင်ႈမၢၵ်ႇႁိၼ် ၼႆႉ လႆႈၵေႃႇသၢင်ႈမႃး ဝၢႆးပၢၼ်လူပ်ႉပူးရီး၊ ပီႁူဝ်ပၢၵ်ႇ CE c.11–13 ၼၼ်ႉယဝ်ႉ။ ၽိင်ႈထုင်း ၶမႃႇမိူဝ်ႈၵွၼ်ႇၶဝ် လႆႈမီးလွင်ႈႁူမ်ႇငမ်းမႃး၊ ၶဵင်ႇမုင်ႈယဵမ်ႈလူင်ၼၼ်ႉ ဢဝ်တင်း ၽႃႁိၼ်၊ ၶူးဝဵင်း လႄႈ တႅၼ်ႈ ၸိူဝ်းၼႆႉ လွမ်ႉႁွပ်ႈဝႆႉယဝ်ႉ။ ဢဝ်တၢင်းႁွႆးမိုဝ်း ႁူင်းႁဵၼ်းပၢႆးမွၼ်းလႄႈ ၽၢင်ႁၢင်ႈ ပယွၼ်း ၶွင် ၶုၼ်ႁေႃၶမ်း ၵျယဝႃႇမႅၼ်ႇ ၸဵတ်း ပၢၼ်ၵမ်ႇပေႃးတီးယႃးသေ ၵေႃႇသၢင်ႈမႃးယဝ်ႉ။

ၸွမ်းတၢင်း တၢင်းရူတ်ႉလဵၼ်းမရၼ[မႄးထတ်း]

ၼမ်ႉတူၵ်းတၢတ်ႇ သႂ်ယူၵ်းၼွႆႉ

ၽွင်းၶႅၵ်ႇၵမ်ႉပႃႈၼမ် ဢွၼ်ၵၼ်ၵႂႃႇတူၺ်း ၼမ်ႉတူၵ်းတႃႇ ဢႄႇရဝၢၼ်ႇ ဢၼ်ၶိုၵ်ႉၶႅမ်ႉၼၼ်ႉသေတႃႉ ဢၼ်ပဵၼ် ၼမ်ႉတူၵ်းတၢတ်ႇ သႂ်ယူၵ်းၼွႆႉ ၼၼ်ႉၵေႃႈ တိူဝ်းႁွတ်ႈၽႅဝ်လႆႈၼမ်ယူႇ၊ ယွၼ်ႉပိူဝ်ႈဝႃႈ ၶဝ်ၸိူဝ်းၼၼ်ႉ မီးဝႆႉတီႈၼိူဝ် သဵၼ်ႈတၢင်း ၵႂႃႇၸူး သင်ၶလပူးရီးၼၼ်ႉယဝ်ႉ။ ပေႃးလုၵ်ႉတီႈ ၵၢၼ်ၸၼပူးရီး တီႈတၢင်းလဵဝ်ၵၼ်ၼႆသေတႃႉ ၼမ်ႉတူၵ်းတၢတ်ႇ သႂ်ယူၵ်းၼွႆႉ ၼႆႉ တိူဝ်းၵႆယဝ်ႉ။ ၵူၺ်းၵႃႈဝႃႈ ဢၼ်ပဵၼ် သူၼ်ၸိူဝ်ႉၸၢတ်ႈ ဢၼ်မီး တီႈႁိမ်းၶၢင်ႈ ၼမ်ႉတူၵ်းတၢတ်ႇၼၼ်ႉ ပဵၼ်ဢွင်ႈတီႈ ထမ်ႁိၼ်ထုၼ် လႄႈ ဢွင်ႈတီး မီးမေႃႇၼမ်ႉဢုၼ်ႇယဝ်ႉ။ မၼ်းတေၸၢင်ႈႁူမ်ႈၵၼ်ၵႂႃႇဢႅဝ်ႇလႆႈတင်း တီႈမၢႆတွင်း သဵၼ်ႈတၢင်းရူတ်ႉလဵၼ်း မရၼၼၼ်ႉယူႇ။

  • သဵၼ်ႈတၢင်း ၽႆးငရၢႆးထိုင် ပီ 1980 ၼႆႉ ၼင်ႇၵွႆႈ ၶိုၼ်းၶၢႆႉဢွင်ႈတီႈမႃးသေ တီႈၽႃႇတတ်း ၶွၼ်ယူႇ (ဢၼ်ႁူႉဝႃႈပဵၼ် သဵၼ်ႈတၢင်းၽႆးငရၢႆး ၼႆႉ မၼ်းပဵၼ်တီႈ ဢၼ် ၵူၼ်းတူၵ်းၶွၵ်ႈၵၢၼ်သိုၵ်း လႄႈ ၵူၼ်းႁဵတ်းၵၢၼ်ဢေးသျႃးၶဝ် လႆႈၽႃႇတတ်းလွႆမၢၵ်ႇႁိၼ် တႃႇႁဵတ်းသဵၼ်ႈတၢင်း တၢင်းရူတ်ႉလဵၼ်းၶုၼ်တၢႆ) ၼႆႉ လုၵ်ႉတီႈ လူင်ပွင်ၸိုင်ႈ ဢေႃႉသထရေးလီးယႃး ၶဝ် ၵမ်ႉထႅမ်ငိုၼ်းသေ ႁဵတ်းပဵၼ် တီႈမၢႆတွင်းသိုၵ်းသေ လုၵ်ႉတီႈၼႂ်းထိူၼ်ႇ ၶၢႆႉၶဝ်ႈမႃးၼၼ်ႉယဝ်ႉ။ ပဵၼ်ဢွင်ႈၼႄ ဢၼ်ၶိုၵ်ႉၶႅမ်ႉသေ တေၸၢင်ႈဢဝ်လႆႈပႃး ၶိူင်ႈၵမ်ႉၸွႆႈ ဢၼ်ၸိၼမ်းၸွၼ်ႇတူၺ်း (ငိုၼ်းလူႇတၢၼ်းၵေႃႈ ႁပ်ႉတွၼ်ႈယူႇ)။ ပဵၼ်ဢၼ်ပၼ်တၢင်းၶႆႈၸႂ်တႄႉတႄႉ။ လုၵ်ႉဢဝ်တီႈၼႂ်းထိူၼ်ႇ လူင်းမႃႈၸူး သဵၼ်ႈတၢင်းၼႆႉ (တင်းထွမ်ႇ ပိုၼ်းဢၼ်ဢဝ်သဵင်လၢတ်ႈ ဢၼ်လႆႈသႂ်ႇၶိူင်ႈထွမ်ႇႁူသေထွမ်ႇ) ၼၼ်ႉ မၼ်းလႆႈ တူဝ်ထူပ်းလွင်ႈတူင်ႉၼိုင်ယဝ်ႉ။ မိူဝ်ႈပႆႇဢွၵ်ႇမိူဝ်းၼၼ်ႉ ဢဝ်ၶၢဝ်းယၢမ်းဢိတ်းၼိုင်ႈသေ လုၵ်ႉတီႈၼိူဝ် မုင်ႈတူၺ်း ဝင်ႇလွႆၶႂႆၼွႆႉ ၵႂႃႇလႄႈ။ ၵၢၼ်လိူၵ်ႈလွင်ႈပႆတၢင်း ဢၼ်မီး လွင်ႈၶဵင်ႇတၼၼ်ႉၵေႃႈ မီးဝႆႉယူႇ။ Anzac Day Dawn Service ၼၼ်ႉၵေႃႈ ၸတ်းႁဵတ်းတီႈၼႆႈ ၵူႈပီယဝ်ႉ။ မီး ၸဵင်ႇႁွင်ႇဝၼ်းဢွၵ်ႇ ၵၢၼ်ၸၼပူးရီး ယၢၼ် 80 ၵီႇလူဝ်ႇမီႇတႃႇယဝ်ႉ။ တွၼ်ႈတႃႇ ၶၢဝ်းတၢင်း ၵႂႃႇဝၼ်းမႃးဝၼ်းတႄႉ လူဝ်ႇဝူၼ်ႉၶီႇ ရူတ်ႉလဵၼ်းၵၢင်ၼႂ် ဢၼ်လုၵ်ႉတီႈ ၵၢၼ်ၸၼပူးရီး ၵႂႃႇ ၼမ်ႉတူၵ်း (2.5 မူင်း)၊ ယဝ်ႉၵေႃႈ ၶီႇသၢမ်လေႃႉ ၵႂႃႇၸူး ဢွင်ႈတီႈမၢႆတွင်း (20 မိတ်ႉၼိတ်ႉ)၊ ပွၵ်ႈၶိုၼ်းမႃး ၶီႇရူတ်ႉပၢတ်ႉ (1 ၸူဝ်ႈမူင်း) ဢမ်ႇၼၼ် ၶီႇရူတ်ႉလဵၼ်း ဝၢႆးဝၼ်း။ လုၵ်ႉဢဝ် ၼမ်ႉတူၵ်း ၵႂႃႇၸူး ႁွင်ႈၼႄၼၼ်ႉ ၶႂ်ႈၵႆဝႆႉတၢၼ်ႇတၢၼ်ႇ။ တၢင်းလိူၵ်ႈဢၼ်လဵဝ် တွၼ်ႈတႃႇၸဝ်ႈၵဝ်ႇတႄႉ လူဝ်ႇၶီႇရူတ်ႉပၢတ်ႉသ် တီႈ သဵၼ်ႈတၢင်းလူင်၊ ၶႂ်ႈဝႃႈတႄႉ လုၵ်ႉဢဝ်တီႈ တႃးရူတ်ႉလဵၼ်း တေႃႇတီႈၼႆႈတႄႉ ပႆတိၼ်ဢဝ်။ ရူတ်ႉသွင်ထႅဝ်ၵေႃႈ လႅပ်ႈတေမီးယူႇၼင်ႇၵဝ်ႇ။
  • ၵျွင်းၽြႃး သိူဝ် (Wat Pa Luangta Bua Yanasampanno (วัดป่าหลวงตาบัว ญาณสัมปันโน))။ ဢၼ်ၸိုဝ်ႈလိုဝ်းလင် ဝႃႈ ၵျွင်းၽြႃး သိူဝ် ၼႆႉ ပဵၼ် ၶိုမ်းထွင်ႈတဵဝ်း ဢၼ်ယႂ်ႇသေပိူၼ်ႈ တီႈၼႂ်း တူင်ႇလိၼ်ယဝ်ႉ။ ၵႃႈၶဝ်ႈမၼ်းၼႆႉ ၵူၼ်းၼိုင်ႈၵေႃႉ တႄႇ 600 ဝၢတ်ႇ၊ ၵူၺ်းၵႃႈဝႃႈ ဢိင်ၼိူဝ် ၵၢၼ်တူဝ်ထူပ်း ဢၼ်ၸဝ်ႈၵဝ်ႇ လႆႈၸႂ်ၼၼ်ႉသေ တေၸၢင်ႈသုင်ထိုင် 5,000 ဝၢတ်ႇယဝ်ႉ။ ၵျွင်းၽြႃးတႄႉ တေဢမ်ႇႁၼ်မီးတီႈလႂ်သေတႃႉ သိူဝ်ၸိူဝ်းၼႆႉတႄႉ မီးဝႆႉတီႈၼႂ်း ဝင်ႇလွႆတီႈဢၼ်ၽုၼ်ႇမုၵ်ႉၼႃႇသေ မီးၵူၼ်းပႂ်ႉတူၺ်းၶဝ် ဢၼ်ၼုင်ႈသိူဝ်ႈလိူင်ဝႆႉၼၼ်ႉ လွမ်ႉႁွပ်ႈၶဝ်ဝႆႉသေယဝ်ႉၵေႃႈ တီႈၸဵင်ႇမၼ်းၼၼ်ႉတႄႉ မီးမုၼ်ၸဝ်ႈပႃးၼိုင်ႈ မုင်ႈပႂ်ႉတူၺ်းၶဝ်ယူႇ။

ၶၢဝ်းတၢင်း[မႄးထတ်း]

ၵူၼ်းဢွၵ်ႇၶၢဝ်းတၢင်း ၸိူဝ်းမီးၸႂ်လွတ်ႈလႅဝ်းၼၼ်ႉတႄႉ ၶဝ်လႅပ်ႈမီးမီးၵၢင်ၸႂ် တႃႇၶၢတ်ႈထႃႈ သွင်ထႅဝ် ၵႃႈတီႈ တႃႈရူတ်ႉပၢတ်ႉသ် လူင်ႈၼႃႈဝၼ်း မိူဝ်ႈပႆႇဢွၵ်ႇၶၢဝ်းတၢင်းၼၼ်ႉယဝ်ႉ။ မၼ်းတေတူၵ်းၸူဝ်ႈ 1,500-2,000 ဝၢတ်ႇသေ ၸဝ်ႈၵဝ်ႇ လူဝ်ႇလၢတ်ႈ ၵူၼ်းၶတ်းရူတ်ႉဝႃႈ ၸဝ်ႈၵဝ်ႇ တေၶႂ်ႈၵႂႃႇတီႈလႂ်။ ပေႃးထိုင်ၵၢင်ၼႂ်မၼ်း မၼ်းတေမႃး ႁပ်ႉၸဝ်ႈၵဝ်ႇ တီႈႁူင်းႁႅမ်းသေ ၸွမ်းၼင်ႇ ၽွမ်ႉၸႂ်ၵၼ်ဝႆႉၼၼ်ႉလႄႈ ပေႃးဝႃႈယဝ်ႉၵေႃႈ မၼ်းတေၶိုၼ်းမႃးသူင်ႇၸဝ်ႈၵဝ်ႇထိုင်တီႈယူႇ။

တွၼ်ႈတႃႇၶၢဝ်းတၢင်းၼိုင်ႈဝၼ်းၸဝ်ႈၵဝ်ႇၼၼ်ႉ ၵႂႃႇတူၺ်း တၢင်းလတ်းၽႆးငရၢႆး လႄႈ ႁွင်ႈၼႄ ဢၼ်ယၢၼ်ၵႆတင်း ၵၢၼ်ၸၼပူးရီး 80 ၵီႇလူဝ်ႇမီႇတႃႇၼၼ်ႉ။ ဢဝ်ၶၢဝ်းယၢမ်းလၢႆၸူဝ်ႈမူင်းသေၵေႃႈ ဢႅဝ်ႇတူၺ်းတီႈၼၼ်ႈ၊ ယဝ်ႉၵေႃႈ ၶိုၼ်းပွၵ်ႈမႃးၸွမ်း သဵၼ်ႈတၢင်းၼၼ်ႉသေ ၶဝ်ႈၸူး ၼမ်ႉတူၵ်း သႆယူၵ်ႇၼွႆႉ။ ၼမ်ႉတူၵ်းတၢတ်ႇ ဢႄႇရႃႇဝၢၼ်ႇၵေႃႈ ဢမ်ႇပေႃးၵႆၵၼ်တင်း ၶၢဝ်းတၢင်းဢၼ်ၼႆႉ ၵူၺ်းၵႃႈဝႃႈ မၼ်းၵိုင်ႇတၢင်းၵႂႃႇတူၺ်းယူႇ၊ တီႈၼၼ်ႈၼႆႉ မၼ်းမီး ႁူဝ်ၸၢၵ်ႈဢၼ်ဢဝ် ဢၢႆၼမ်ႉမႆႈသေ ပၼ် ဢၼ်ထိင်းသိမ်းဝႆႉၼၼ်ႉယဝ်ႉ။ လုၵ်ႉတီႈၼၼ်ႈ တွင်ႈထၢမ်တႃႇၵႂႃႇ ဝၢၼ်ႈဝင်ႇၽူဝ်း သေ လၢတ်ႈပၼ် ၵူၼ်းၶတ်းလူတ်ႉ ႁႂ်းၶဝ်ၵိုတ်းပၼ် ၸွမ်းၵၢတ်ႇ တီးတၢင်းၵႂႃႇၼၼ်ႉသေ ၵေႃႈ သိုဝ်ႉ ထူဝ်ႇလိၼ်၊ ၵူၺ်ႈ ၸိူဝ်းၼႆႉၵႂႃႇ၊ ယွၼ်ႉပိူဝ်ႈဝႃႈ ၸဝ်ႈၵဝ်ႇတေၶႂ်ႈႁၼ် "လိင်းလိင်း" တီႈၼိူဝ်တၢင်းလူင်းၸူး ဝင်ၽူဝ်း။ တီႈတၢင်းတႂ်ႈ သဵၼ်ႈတၢင်းငွၵ်းငွၵ်းၼၼ်ႉ ၵူၼ်းၶတ်းလူတ်ႉၼႆႉ ထုၵ်ႇလီငွၵ်းၵႂႃႇတၢင်း ၽၢႆႇသၢႆႉသေၵေႃႈ လီၵႂႃႇၸူး တႃႈၼမ်မႄႈၶႂႆယူႇ။ တီႈၼၼ်ႈၼႆႉ တေလႆႈႁၼ် လိင်းၼႂ်းထိူၼ်ႇ မီးဢၢၼ်ႇႁူဝ်လၢၼ်ႉမၼ်းယဝ်ႉ။ ဢဝ် ထူဝ်ႇလိၼ်၊ ၵူၺ်ႈ ၸိူဝ်းၸဝ်ႈၵဝ်ႇ သိုဝ်ႉမႃးၼၼ်ႉသေ လဵင်ႉလူၶဝ်လႆႈယူႇ၊ ၶဝ် ဢမ်ႇႁဵတ်းတီႈတေႃႇၵူၼ်းၼင်ႇၵဝ်ႇ။ ၸဝ်ႈၵဝ်ႇ တေလႆႈႁၼ် ရူတ်ႉပၢတ်ႉသ်ထွင်ႈတဵဝ်းၶဝ် ႁေႃႈၶၢမ်ႈၵႂႃႇ တီႈၸၼ်ၸႂ် ဢၼ်ၵူၼ်း ဢမ်ႇပေႃးႁူႉၼမ်ၼႆႉယူႇ။ ႁူမ်ႈဝႃႈၼၼ်သေတႃႉၵေႃႈ လွင်ႈၵႂႃႇလဵင်ႉလူလိင်းၸိူင်ႉၼႆၼႆႉ မၼ်းတေပဵၼ် လွင်ႈယႃႉၽိင်ႈဢၼ်ၶဝ်ႁႃၵိၼ်ႁင်းၶဝ် ၼႂ်းထိူၼ်ႇ တေၸၢင်ႈႁဵတ်းႁႂ်ႈၶဝ် လႆႈပိုင်ႈဢိင်ၼိူဝ် ၵူၼ်းၵႂႃႇ။ ယွၼ်ႉၼၼ်လႄႈ ဢၼ်လီသေပိူၼ်ႈတႄႉ ၵူၺ်းၵႂႃႇတူၺ်းလိင်း ၸွမ်းၼင်ႇ ၽိင်ႈ ဢၼ်ၶဝ်ယူႇၸွမ်းသၽႃႇဝႃႉၼၼ်ႉၵူၺ်းလႄႈ။

ပၢင်တူင်ႉၼိုင် လႄႈ ပွႆး[မႄးထတ်း]

ပွႆးဢၢပ်ႇၼမ်ႉ တီႈ ၼမ်ႉတူၵ်းတၢတ်ႇ (งานวันอาบน้ำแร่แช่น้ำตก) ၼႆႉ ႁဵတ်းတီႈ ၼမ်ႉဢုၼ်ႇ ႁိၼ်တၢတ်ႇ၊ ႁဵတ်းၶၢဝ်း ႁူဝ်လိူၼ်ၼူဝ်ဝႅမ်ႇပႃႇၼၼ်ႉယဝ်ႉ။ တီႈၼႂ်းပၢင်ပွႆးၼႆႉ မီးပႃး ဢွင်ႈတီႈသုမ်ႉ ဢၼ်ၼႄ ၶူဝ်းၶွင်ၵၢၼ်ၽုၵ်ႇသွမ်ႈ လႄႈ ပၢင်ပွႆးၼႄ ၵူၼ်းထွင်ႈတဵဝ်း ၶွင် ၸႄႈတွၼ်ႈ ထွင်းၽႃၽုမ်းယဝ်ႉ။ ၵူၼ်းဢႅဝ်ႇလႄႇၶဝ် မီးသုၼ်ႇ တႃႇဢၢပ်ႇၼမ်ႉ တီႈ တႃႈၼမ်ႉဢုၼ်ႇႁိတ်းတၢတ်ႇသေ မူၼ်ႈသိူဝ်းလူၺ်ႈ လွင်ႈမုင်ႈယဵမ် တၢင်းႁၢင်ႈလီ ၼမ်ႉတူၵ်း ၽႃႇတၢတ်ႇ ၼၼ်ႉယဝ်ႉ။

ဝၼ်းၸဝ်ႈႁိူဝ်း လႄႈ ၸဝ်ႈပေး (งานเทศกาลชาวเรือชาวแพ) ၸတ်းႁဵတ်း တီႈ ႁူဝ်လိူၼ်ၼူဝ်ႇဝႅမ်ႇပႃႇ ၵူႈပီပီ ၵႃႈတီႈ သဵၼ်ႈတၢင်းသွင်ၶႂႄ ဢၼ်ၸမ်ၵၼ်တင်း ၽင်ႇၼမ်ႉ တီႈ ၽၢႆႇၼႃႈ ဝဵင်းလူင် ၵၢၼ်ၸၼပူးရီး ၼၼ်ႉယဝ်ႉ။ ၵၢၼ်တူင်ႉၼိုင်တႄႉ မီး လွင်ႈလဝ်ႈမူၼ်ႈၽိင်ႈထုင်း၊ လွင်ႈလဝ်ႇမူၼ်ႈ ၽဵင်းၵႂၢမ်းထႆး၊ ပၢင်ပွႆးၼႄ တၢင်းမေႃ ဢၼ်ၵဵဝ်ႇလူၺ်ႈ လွင်ႈထိင်းသိမ်း မႄႈၼမ်ႉ ႁွင်ႈၼမ်ႉ၊ ၵၢၼ်လဵၼ်ႈႁႅင်း ၼႂ်းၼမ်ႉ မိူၼ်ၼင်ႇ လွင်ႈၶီႇႁိူဝ်းယၢဝ်း၊ ႁိူဝ်းလႅၼ်ႈၽႂ်း လႄႈ ၵျႅတ်ႉသၵီႇ ၸိူဝ်းၼႆႉယဝ်ႉ။

ဝူင်ႈၶူဝ်ႈမႄႈၼမ်ႉၶႂႄ (งานสัปดาห์สะพานข้ามแม่น้ำแคว) ၼႆႉ ၸတ်းႁဵတ်း လိူၼ်ၼူဝ်ႇဝႅမ်ႇပႃႇသဵင်ႈ တေႃႇ ႁူဝ်လိူၼ် တီႇသႅမ်ႇပႃႇ ၵူႈပီပီ၊ ပဵၼ် ၶုၵ်ႉၶူၼ်ႉဝူၼ်ႉထိုင် တၢင်းလမ်ႇလွင်ႈ သဵၼ်ႈတၢင်းရူတ်ႉလဵၼ်း မရၼ လႄႈ ၶူဝ် ဢၼ်မီးတီႈၼိူဝ် မႄႈၼမ်ႉၶႂႄ ဢၼ်မီးမႃး မိူဝ်ႈ သိုၵ်းၵမ်ႇၽႃႇ ပွၵ်ႈသွင် ၼၼ်ႉယဝ်ႉ။ ၵူၼ်းမႃးလႄႇၶဝ် တေ ၸၢင်ႈတူၺ်းလႆႈ ဢွင်ႈတီႈၼႄ ဢၼ်ၵိုၵ်းပိုၼ်း လႄႈ ဢွင်ႈတီႈမိူဝ်ႈမိုၼ်ႉၵွၼ်ႇ၊ လွင်ႈလဝ်ႈမူၼ်ႈၽိင်ႈထုင်း၊ ဢွင်ႈတီႈၼႄဝႆႉ ၶူဝ်းၶွင်ႁဵတ်းဢွၵ်ႇ၊ ၵၢၼ်တူင်ႉၼိုင် လွင်ႈလဝ်ႇမူၼ်ႈ၊ လႄႈ ပၢင်ၼႄ ၽႆး လႄႈ သဵင် ၸိူဝ်းၼႆႉယဝ်ႉ။

ႁဵတ်း[မႄးထတ်း]

ဝိႁၢၼ် ၵွၼ်းဢိၼ်းသုထမ်း

မိပ်ႇၼူတ်ႈ[မႄးထတ်း]

တီႈၸွမ်းတၢင်း မႄႈၼမ်ႉၶႂႄ တီႈ ၵၢၼ်ၸၼပူးရီးၼၼ်ႉ မၼ်းဝႆႉ တီႈမိပ်ႇၼူတ်ႈ တင်းၼမ်ယဝ်ႉ။

  • 1 သပႃး လႄႈ ရီသွတ်ႉ ၶမ်းသႅတ်ႇရေးဝႃး - +66 34 631443 - fax: +66 34 589094
  • 2 သပႃးၾၢႆးၵတ်ႉ (FicusSpa) ရီသွတ်ႉ ၾရိတ်ႉ ရေးဝႃး ၶႂႄ၊ ပွၵ်ႉ C, 9/1 မူဝ် 3, ထႃႈမၶၢမ် ဢမ်းၽိူဝ်းမိူင် (at ရီသွတ်ႉ ၾရိတ်ႉ ရေးဝႃး ၶႂႄ၊ လုၵ်ႉတီႈၶူဝ်သေ ပႆၵႂႃႇတၢၼ်ႇတၢၼ်ႇ၊ မီးတေႃႇၼႃႈ ပွတ်းၽၢႆႇ ဢွင်ႈတီႈထွင်ႈတဵဝ်း) - +66 34 551 137 - 10:00-22:00ပဵၼ်သပႃးၶိုတ်းၵၢပ်ႈ ဢၼ်မီးဝႆႉ တီႈၼႂ်းၵႄႈ သူၼ်မွၵ်ႇၶဵဝ်လီ ဢၼ်မီးဝႆႉ တီႈႁိမ်းၽင်ႇမႄႈၼမ်ႉၶႂႄ (မီးႁိမ်းၶၢင်ႈ ၶူဝ်)။ တီႈသပႃးၼၼ်ႉ မီးဝႆႉ တီႈၼွၼ်း 16 ဢၼ် ဢိၵ်ႇတင်း ႁွင်ႈသုၼ်ႇတူဝ်၊ ၶွင်ႉၼမ်ႉ တႃႇၶႅၵ်ႇၶဝ် ဢၢပ်ႇၼမ်ႉ လႄႈ ၽူႈလူင်ႉလႅၼ်ႇ ၽၢႆႇယူတ်းယႃ ဢၼ်လဵပ်ႈႁဵၼ်းဝႆႉလီလီၼၼ်ႉယဝ်ႉ။ 560 baht
  • ၵၢၼ်မိပ်ႇၼူတ်ႈ ထႆး လႄႈ တိၼ် 228/2 သဵၼ်ႈတၢင်း ထႃႈမၶၢမ် (မီးတေႃႇၼႃႈ ၸၢႆႉ ၵၼ်တင်း ယႃႇၼီႇ (လႅင် လႄႈ ရူတ်ႉၶိူင်ႈၸိူဝ်းၵေႃႈၵေႃႈ ၶၢတ်ႈလႆႈ)) - +66 87 1666381
  • သပႃး လႄႈ ရီသွတ်ႉ ၽိုင်ႈဝၢၼ် 72/1 မူဝ် 2၊ ထႃႈမၶၢမ် - +66 34 514792-5 - fax: +66 34 515830
  • ၵၢၼ်မိပ်ႇၼူတ်ႈ ရႅတ်ႉ လႄႈ ရီႇလႅသ်ႉ (Rest & Relax Massage) (သဵၼ်ႈတၢင်း မႄႈၼမ်ႉၶႂႄ ဢၼ်မီးႁိမ်းၶၢင်ႈ Bell's Pizza)။ တီႈၽၢႆႇၼႂ်းမၼ်း လူမ်ၸႂ်လီ လႄႈ ယူႇသႃႇၸႂ်လီ။ ဢွင်ႈတီႈမၼ်းၵေႃႈ ပဵၼ်တီႈ ငၢႆႈၸႂ်။ ၵၢၼ်ၸွႆႈသၢင်ႈ ဢၼ်ၸၢင်ႈဢဝ်လႆႈၼၼ်ႉ မီးဝႆႉပဵၼ် လၢႆလၢႆမဵဝ်း။ လွင်ႈမိပ်ႇၼူတ်ႈ ၵႃႈၶၼ်မၼ်း တႄႇ 150 ဝၢတ်ႇ ယၸမ.

ထွင်ႈတဵဝ်း[မႄးထတ်း]

  • 3 သၾႃးရိ သတ်း (သူၼ်သတ်း) (Animal Safari) 40/2 မူႇ 5၊ ၼွင်ၵုမ်ႇ - +66 34 678 225 - တူၺ်း သိူဝ်၊ သၢင်ႇသီႈ၊ သိူဝ်ၸုမ်ႈလူင်၊ ယီးလၢႆး၊ မႃႉလၢႆး၊ လိင်း၊ ပိၼ်ႇတူရွင်ႇ (မဵဝ်းမီ)။ ၵူၼ်းၸွႆႈထႅမ် မိူင်းဝၼ်းတူၵ်းၶဝ် မၼ်ႈၸႂ်ဝႃႈ လွင်ႈတူၺ်းထိုင် တႃႇ တူဝ်သတ်းၶဝ် ယူႇငၢႆႈလူမ်ၸႂ်ၼၼ်ႉ ၶိုၼ်ႈယႂ်ႇမႃးယူႇ ၶိူဝ်းၶိူဝ်းယႂ်းယႂ်း။ ယူႇသဝ်း တီႈဢေႇသုတ်း 1 ဝူင်ႈ။ ပၼ် ၵူၼ်းၸွႆႈထႅမ် €140 ၼိုင်ႈဝူင်ႈ (5,356 ဝၢတ်ႇ)
  • 4 ႁိူဝ်းၶႅၼ်ႇၼူး မႄႈၼမ်ႉၶႂႄ (Kayaking) 11 သဵၼ်ႈတၢင်း မႄႈၼမ်ႉၶႂႄ၊ ထႃႈမၶၢမ်၊ မိူင်းၵၢၼ်ၸၼပူးရီး - +66 87 001 9137 - ၼမ်းတၢင်း လႄႈ ၼမ်းတၢင်းတူဝ်ၸဝ်ႈၵဝ်ႇ တီႈ ၶၢဝ်းတၢင်း ႁိူဝ်းၶႅၼ်ႇၼူး တီႈ ၼႃႈလိၼ် ၵၢၼ်ၸၼပူးရီး။ ၶၢဝ်းတၢင်းၼၼ်ႉ ၸၢင်ႈၶပ်ႉၶိုင်ပၼ်လႆႈယူႇ။

သိုဝ်ႉ[မႄးထတ်း]

  • တီႈၵၢၼ်ၸၼပူးရီးၼႆႉ မီးဢေႇထီႇဢႅမ်ႇ လိူင်ႇလိူင်ႇယဝ်ႉ။ ပေႃးဝႃႈတေၸႂ်ႉ ၵၢတ်ႉၼွၵ်ႈမိူင်းသေ ထွၼ်ငိုၼ်းၼႆတႄႉ ၵႃႈမၼ်း တေၵဵပ်းယူႇ 150-200 ဝၢတ်ႇ။
  • ၵၢတ်ႇၵၢင်ၶမ်ႈ (ၵူၼ်းႁူႉၼမ်ဝႃႈ JJ's) (မီးတီႈ ၽၢႆႇၼႃႈ တႃႈရူတ်ႉလဵၼ်း တီႈၼိူဝ် သဵၼ်ႈတၢင်း သႅၼ်ၶျူတူဝ်ႇ)။ မၼ်းၵေႃႈ ဢမ်ႇမီး ဢၼ်လၢၵ်ႇလၢႆးသင်တႄႉတႄႉၼင်ႇၵဝ်ႇ၊ ၵူၺ်းၵႃႈ ယိူင်းဢၢၼ်း တွၼ်ႈတႃႇ ၵူၼ်းပိုၼ်ႉတီႈၶဝ်သေ မီးတၢင်းၵိၼ်တၢင်းယႅမ်ႉ ဢၼ်ၵႃႈၶၼ်ထုၵ်ႇ။
  • လၢၼ်ႉပပ်ႉ မႄႈၼမ်ႉၶႂႄ 293 သဵၼ်ႈတၢင်း မႄႈၼမ်ႉၶႂႄ (တေႃႇၼႃႈၵၼ်တင်း လၢၼ်ႉၵိၼ်ယႅမ်ႉ ပိုတ်ႇပၢင်ႇ Im-Jung) - +66 34 51181912:30–21:00၊ ဢိုတ်း ဝၼ်းပုတ်ႉပပ်ႉၵဝ်ႇ ပပ်ႉမႂ်ႇ မီးဝႆႉ ႁူဝ်ႁဵင်မၼ်း၊ ၶပ်ႉဝႆႉၸွမ်း ပိူင်ထၢၼ်ႈလႂ် ပိူင်ထၢၼ်ႈၼၼ်ႉလႄႈ ၸၢင်ႈၶူၼ်ႉႁႃလႆႈ ငၢႆႈငၢႆႈ၊ ၶဝ်ႈပႃး ႁူဝ်ၶေႃႈ လၢႆးမိုဝ်း ၽူႈတႅမ်ႈလိၵ်ႈ။ သိုဝ်ႉပပ်ႉ၊ ၶၢႆပပ်ႉ၊ လႅၵ်ႈပပ်ႉ။ မီးၵၢၼ်ၸွႆႈသၢင်ႈ တႃႇသင်ႇပပ်ႉ။ မီးပႃး ႁိူဝ်းမုင်းလူင် သွင်လမ်း တီႈၼႂ်း မႄႈၼမ်ႉၶႂႄ တွၼ်ႈတႃႇ ၼွၼ်းၶိုၼ်း (ၼွၼ်းၼိူဝ်ႁိူဝ်း ဢမ်ႇၼၼ် တီႈ ၽင်ႇ)၊ ၸၢင်ႈၶၢတ်ႈသုၼ်ႇတူဝ် တႃႇတင်းဝၼ်း ဢမ်ႇၼၼ် ၶိုင်ႈဝၼ်း။ ၶဝ်ႈပႃး ၶဝ်ႈၶမ််ႈ၊ တၢင်းၵႃႈတိတ်ႉသ်ၵူဝ်ႇ၊ ၶႃႇရႃႇဢူဝ်ႇၶေႇ၊ ၶၢဝ်းတၢင်းလဵပ်ႈႁဵၼ်း ပၢႆးပႆႇၺႃႇ၊ လွင်ႈတူၺ်းယဵမ်ႈ၊ ၼွၼ်းလဵၼ်ႈ တီႈၼိူဝ်ဢူႇၽႅၼ် ဢိၵ်ႇတင်း ပပ်ႉလိၵ်ႈၶႅမ်ႉ၊ ၼႂ်းၵႄႈ မႄႈၼမ်ႉ လႄႈ သၼ်လွႆ ဢၼ်ႁၢင်ႈလီၵတ်းယဵၼ်။
  • ၵၢတ်ႇသူၼ်မႄႈၼမ်ႉၶႂႄ (မီးတီႈႁိမ်းၶၢင်ႈ ၶူဝ်)။ မီးလၢၼ်ႉဢွၼ်ႇတင်းၼမ် ဢၼ်ၶၢႆတေႃႇ ၵူၼ်းၼွၵ်ႈမိူင်းထွင်ႈတဵဝ်းၶဝ်သေတႃႉ၊ ၵူၼ်းထႆးၵမ်ႈၽွင်ႈၵေႃႈ မႃးတီႈၼႆႈ တွၼ်ႈတႃႇ သိုဝ်ႉ ၶူဝ်းတိုဝ်းၶူဝ်းႁွႆႈ ၼင်ႇၵဝ်ႇ။

သတူဝ်း လႄႈ သူႇပႃႇမႃးၵႅတ်ႉ[မႄးထတ်း]

  • 1 Big C Super Center သဵၼ်ႈတၢင်း သႅင်ၶျူတူဝ် (မီးတီႈ ပွတ်းႁွင်ႇ ဝဵင်း) - +6634602800မီးဝႆႉ လၢၼ်ႉသတူဝ်းယႂ်ႇယႂ်ႇ လႄႈ သူႇပႃႇမႃးၵႅတ်ႉ
  • 2 Tesco Lotus (သဵၼ်ႈတၢင်း သႅင်ၶျူတူဝ်၊ ၵႂႃႇၽၢႆႇၸၢၼ်းဝဵင်း)။ 08:00-23:00ၵၢတ်ႇယႂ်ႇယႂ်ႇလူင်လူင်။ တီႈသဵၼ်ႈတၢင်း မႄႈၼမ်ႉၶႂႄၼၼ်ႉၵေႃႈ မီးဝႆႉ Tesco Express ယူႇၼင်ႇၵဝ်ႇ။
  • 3 Tops Market Robinson 110 ပၢၵ်ႇၽရႅၵ်ႉ - +6634603227Daily 10:00-21:00

ၵိၼ်[မႄးထတ်း]

ႁွင်ႈၼႄပိုၼ်း သိုၵ်းၵမ်ႇၽႃႇ ပွၵ်ႈသွင် ၵၢၼ်ႇၸၼပူးရီး

တီႈၶၼ်ထုၵ်ႇ[မႄးထတ်း]

တွၼ်ႈတႃႇ တၢင်းၵိၼ် ၸွမ်းၶၢင်ႈတၢင်း ဢၼ်ၵႃႈၶၼ်သၢင်ႇထုၵ်ႇၼၼ်ႉ မီးဝႆႉတီႈ ၽၢႆႇၼႃႈ တႃႈရူတ်ႉလဵၼ်း သေၵေႃႈ ပတ်ႉထႆး ဢၼ်လႆႈပၼ် 10 ဝၢတ်ႇၼၼ်ႉ တေထႅမ်ပၼ်လႆႈ လွင်ႈတၢင်းလူဝ်ႇၸဝ်ႈၵဝ်ႇယူႇ။ ၸဝ်ႈတၢင်းၶၢႆ ၸွမ်းၶၢင်ႈတၢင်းၶဝ်ၼႆႉ တေထဝ်ႇၶိုၼ်ႈထဝ်ႇလူင်း တီႈၼိူဝ် သဵၼ်ႈတၢင်း မႄႈၼမ်ႉၶႂေယူႇ တင်းဝၼ်း တင်းၶိုၼ်းယဝ်ႉ။ ၼိူင်ႈမဵဝ်းၼႆႉ တေလႆႈပၼ်ယူႇ 20 ဝၢတ်ႇ။ ၵမ်ႉၼမ်တႄႉ ၶဝ်ၵိုတ်းတီႈ ၽၢႆႇၼွၵ်ႈ 7-Eleven သေ ၶၢႆ သႆႈယဵတ်ႈ၊ ရူဝ်ႇတီႇ လႄႈ ၶဝ်ႈမုၼ်းတၢင်ႇၸိူဝ်း။ ပေႃးပဵၼ်ၶၢဝ်းၵၢင်ဝၼ်းတႄႉ လႆႈပႃး ဢၢႆႉသၶရိမ်ႇ လႄႈ ၶဝ်ႈမုၼ်း ၸိူဝ်းၼႆႉယဝ်ႉ။

  • တၢင်းၵိၼ်ထႆး ၸူၵ်းဢီသၢၼ်ဢွင်ႈတီႈဢွၼ်ႇၸိူဝ်းၼႆႉ ႁူမ်ႈဝႃႈ မၼ်းဢမ်ႇမီး ၸိုဝ်ႈတႄႉတႄႉသေတႃႉ ၵူၼ်းပိုၼ်ႉတီႈၶဝ်တႄႉ ႁူႉဝႃႈ ၸူၵ်းၼႆႉ ႁဵတ်းလႆႈ တၢင်းၵိၼ်ဢၼ်ၶိုၵ်ႉသုတ်း။ ဢွင်ႈတီႈမၼ်းၼၢင်းၼႆႉ လႆႈလႅၵ်ႈလၢႆႈမႃး မိူဝ်ႈ ပွတ်းၸဝ်ႉ ပီ 2011 ၼၼ်ႉသေ ၶၢႆႉၵႂႃႇၸူး တီႈယူင်ႉသၢင်ႈ ဢၼ်လဵၵ်ႉ၊ ဢၼ်သႅၼ်ႈသႂ်လီ ဢၼ်မီးဝႆႉ တီႈႁိမ်းၶၢင်ႈ ရႅၵ်ႉၵေးပႃးယႂ်ႇ၊ လႅၼ်းပူဝ်း ၼၼ်ႉယဝ်ႉ။ ႁွႆးမိုဝ်းၶိုၵ်ႉ မၼ်းၼၢင်းတႄႉ ပဵၼ် တၢင်းၵိၼ်ဢီႇသၢၼ် မိူၼ်ၼၼင်ႇ လႅပ်ႉ၊ သူမ်ႈတမ်၊ ၵႆႇပိင်ႈ လႄႈ ၶဝ်ႈၼဵဝ် ၸိူဝ်းၼႆႉယဝ်ႉ။
  • 1 Jolly Frog Restaurant 286 Maenamkwai Rd - +66 93 232 150107:00-22:00မေးၼူးမီးၼမ်တႄႉတႄႉ။ တၢင်းၵိၼ် ထႆး လႄႈ တၢင်းၵိၼ်မိူင်းဝၼ်းတူၵ်း ၵႃႈၶၼ်ဢမ်ႇပေႃးယႂ်ႇ။ ၶဝ်ႈၶူဝ်ႈ ၽၵ်းလႅင် ဢမ်ႇၼၼ် ၼိူဝ်ႉမူ 40 ဝၢတ်ႇ၊ ၶႆႇသႃႈ 40 ဝၢတ်ႇ၊ ပီႇၸႃႇ၊ ၽၵ်းၸၢႆ၊ ပီႇယႃႇ တႄႇ 45 ဝၢတ်ႇ

ၵႃႈၶၼ်ပၢၼ်ၵၢင်[မႄးထတ်း]

  • 2 Bell's Pizzeria 24/5 သဵၼ်ႈတၢင်းမႄႈၼမ်ႉၶႂေ - +66 81 010 661416:00-23:00တၢင်းၵိၼ် ဢီႇတႃႇလီ လႄႈ ထႆး။ ပေႃးဝႃး တၢမ်းၶမ်ႈမႃး ပဵၼ် ပႃး။ တွၼ်ႈတႃ ပီႇၸႃႇ 170-220 ဝၢတ်ႇ
  • 3 လၢၼ်ႉတၢင်းၵိၼ် ၼိူဝ်ၼမ်ႉ (แพอาหารโฟลทติง - Floating restaurants) (မီးဢဝ် တီႈႁိမ်းၶၢင်ႈ ၶူဝ် မႄႈၼမ်ႉၶႂေ) - +6634512595တၢင်းၵိၼ်ၵေႃႈၶိုၵ်ႉ ၵႃႈၶၼ်ၵေႃႈထုၵ်ႇ။ တီႈမုင်ႈယဵမ်ႈၵေႃႈ ၶႅမ်ႉ၊ ႁိမ်းႁွမ်းၵေႃႈ ၵတ်းယဵၼ်လီ။ ပေႃးၸဝ်ႈၵဝ်ႇ လိုဝ်ႈတီႈၼႆႉၼႆ ပၼ်ႁႃပိူင်လူင်တႄႉ ပဵၼ် ၵၢၼ်တေႃႉသူင်ႇ တႃႇၶိုၼ်းပွၵ်ႈၸူး တီႈၼႂ်းဝဵင်း ၼၼ်ႉယဝ်ႉ။ ၶူဝ်လႄႈ မႄႈၼမ်ႉၼႆႉ မၼ်းႁႅင်ႈၶႂ်ႈၵႆဝႆႉလႄႈ ပေႃးၸဝ်ႈၵဝ်ႇ ဢမ်ႇၶႂ်ႈပႆတၢင်းတႄႉ သွင်ထႅဝ်ၵေႃႈမီးဝႆႉယူႇ ၼင်ႇၵဝ်ႇ။
  • လၢၼ်ႉတၢင်းၵိၼ် Good Times။ လၢၼ်ႉတၢင်းၵိၼ် ၵုတ်ႉထၢႆးမ် ၼႆႉ ပိုတ်ႇၵူႈဝၼ်း တႄႇ 10:00 တေႃႇ 22:00 ပိုတ်ႇ တွၼ်ႈတႃႇ ၶဝ်ႈဝၼ်း လႄႈ ၶဝ်ႈၶမ်ႈ။ လၢၼ်ႉတၢင်းၵိၼ်ၼႆႉ မုင်ႈႁၼ်တူၺ်းလႆႈ မႄႈၼမ်ႉၶႂေ ဢိၵ်ႇတင်း တီႈမုင်ႈသႃႇ ၶၢဝ်းလႅတ်ႇၶဝ်ႈ ၼၼ်ႉ မၼ်းၸိုဝ်ႈလိုဝ်းလင် တွၼ်ႈတႃႇ ၵူၼ်းပိုၼ်ႉတီႈ ဢိၵ်ႇတင်း ၶႅၵ်ႇၼွၵ်ႈမိူင်း၊ ၽၵ်းထႆး လႄႈ ၽၵ်းၵူႈၸိုင်ႈမိူင်းၵေႃႈ ၸိုဝ်ႈလိုဝ်းလင်ဝႆႉၼင်ႇၵဝ်ႇ။ မီးပႃႈ မေးၼူး ၶွၵ်ႉတေး လႄႈ ၶွင်ဝၢၼ် ထႆး။ ၽၵ်းဢၼ်လၢၵ်ႇလၢႆး တီႈၶဝ်တႄႉ မီး ပႃၶူဝ်ႈ ဢၼ်သႂ်ႇၼမ်ႉၽိတ်ႉထႆး ဢၼ်ႁုင်ဝႆႉၼင်ႇ လၢႆးမိုဝ်းထႆး၊ တုမ်ႈယမ်းၵုင်ႈ လႄႈ ၵူၺ်ႈၶူဝ်ႈ။ တီႈၽၢႆႇၼႂ်းမၼ်း မီးၶွင်ႉၵိၼ် 40 ၶွင်ႉ ဢိၵ်ႇတင်း သူၼ်မွၵ်ႇ လႄႈ ၼွင်ဢွၼ်ႇ။ ၵႃႈၶၼ်ၶွင်ႉၼႆႉ မီး 1,500 ဝၢတ်ႇ တေႃႇ 2,300 ဝၢတ်ႇ။
  • 4 ပပ်ႉ လႄႈ ၵၾႄး မင်းၶုတ်း 13 Maenamkwai Rd - +66 63 639 6536Daily 08:30-17:00လႆႈတၢင်းၵိၼ် ထႆး လႄႈ တၢင်းၵိၼ် မိူင်းဝၼ်းတူၵ်း။ ၵေႃႇၾီႇ ၶိုၵ်ႉၶႅမ်ႉ၊ ၶဝ်ႈမုၼ်းမၢၵ်ႇၵႅမ်ႈၶွင်ႇ၊ ၶွၵ်ႉတေး လႄႈ ၼမ်ႉမၢၵ်ႇမႆႉ ဢၼ်မႂ်ႇသႂ်လီ။ ပဵꧣ်ဢွင်ႈတီႈ ဢၼ်သႅၼ်ႈသႂ်လီ။ ယဝ်ႉၵေႃႈ မီး ပပ်ႉၽႃႇသႃႇဢိင်းၵလဵတ်ႈ 1,000 ပပ်ႉ တွၼ်ႈတႃႇၶၢႆ သေ မီးပႃး ႁူင်းတူၺ်းလိၵ်ႈ ဢၢင်ႈဢိင် တွၼ်ႈတႃႇ ၶႅၵ်ႇမႃးၼင်ႇ ၵၾႄး။
  • 5 သျလၵ်ႉ (Schluck) 222 သဵၼ်ႈတၢင်းမႁၢတ်ႇထႆး - +66 81 355 9477Daily 17:00-23:00လႆႈတၢင်းၵိၼ််််ထႆး လႄႈ တၢင်းၵိၼ် မိူင်းဝၼ်းတူၵ်း။ ပီႇၸႃႇ လႄႈ ၼိူဝ်ႉသတိၵ်ႉ (ၼိူဝ်ႉဝူဝ်းပိင်ႈ) ဢၼ်ႁဵတ်းတီႈႁိူၼ်း။ လၢႆးႁၢင်ႈႁႅၼ်း ၼင်ႇ ယူးရႊပ်ႉ လႄႈ ၽဵင်းၸႅၵ်ႉ။ တၢင်းၵိၼ်ထႆး ၵႃႈၶၼ်မၼ်း တႄႇ 40 ဝၢတ်ႇ၊ တၢင်းၵိၼ် ယူးရူပ်ႉ တႄႇ 90 ဝၢတ်ႇ

ဢွၵ်ႉ[မႄးထတ်း]

တီႈဢွၵ်ႉတႄႉၵေႃႈ ဢွင်ႈတီႈမၼ်း မီးၼမ်ၼႃႇ၊ ၵူၺ်းၵႃႈဝႃႈ ၸိူဝ်းပဵၼ်ပႃးတႄႉ မီးဝႆႉ တီႈႁိမ်းၸမ်ၵၼ်တင်း ဢွင်ႈလိုဝ်ႈသဝ်း ၸိူဝ်းမီးၸွမ်း သဵၼ်ႈတၢင်းမႄႈၼမ်ႉၶႂေ။ ပႃးၵမ်ႉပႃႈၼမ်ၼႆႉ ပဵၼ်ပႃး ၶႃႇလႃႇဢူဝ်ႇၶေႇ ဢၼ်သဵင်မေႃးပၼ် ဢၼ်ၸိုဝ်ႈလိုဝ်းလင် ၼႂ်းၵႄႈ ၵူၼ်းပိုၼ်ႉတီႈ ဢမ်ႇၼၼ် ပဵၼ်လၢၼ်ႉလဝ်ႈၼင်ႇ ဢိင်းၵလဵတ်ႈ ဢၼ်ဢွၼ်ၵၼ်တူၺ်း ပွႆးမၢၵ်ႇၼင် တီႈ ထီႇဝီႇ။ ပႃးမၢင်ဢၼ်တႄႉၵေႃႈ မီးသၢဝ်သၢဝ်ထႆးဢွၼ်ႇ ဢၼ်လႄႇႁႃ ငမ်းငွႆး ၶႅၵ်ႇၼွၵ်ႈမိူင်းၸိူဝ်းမၢၵ်ႈမီးၼၼ်ႉယဝ်ႉ။

ၼွၼ်း[မႄးထတ်း]

ၵူႈမိုဝ်းဢၼ်ၼႆႉ ၸႂ်ႉဝႆႉ ၶွပ်ႇၵႃႈၶၼ် တွၼ်ႈတႃႇ ႁွင်ႈ သွင်ၵေႃႉ ဢၼ်ပဵၼ် လၵ်းၸဵင်:
ၶၼ်ထုၵ်ႇ ယွမ်းသေ 500 ဝၢတ်ႇ
ပၢၼ်ၵၢင် 500 ဝၢတ်ႇ တေႃႇ 1,500 ဝၢတ်ႇ
ၵႃႈယႂ်ႇ လိူဝ်သေ 1,500 ဝၢတ်ႇ

တီႈၼၼ်ႈၼႆႉ ဢွင်ႈလိုဝ်ႈသဝ်း၊ ရီသွတ်ႉ လႄႈ ႁူင်းႁႅမ်း မီးဝႆႉတင်းၼမ်။ တီႈႁိမ်းတၢင်းၵႂႃႇၶူဝ် ၼၼ်ႉ ယိုင်ႈၶႅၼ်းမီးၼမ်ယဝ်ႉ။ ၵေႃႈမိူၼ်ၼင်ႇ ၵူႈတီႈၼင်ႇၵဝ်ႇ ပေႃးၸဝ်ႈၵဝ်ႇ သင်ႇမၢႆဝႆႉထႃးၼႆတႄႉ ၶဝ်တေၶပ်ႉၶိုင်ပၼ် ၵၢၼ်ႈၸွႆႈသၢင်ႈ တႃႇႁပ်ႉသူင်ႇ တွၼ်ႈတႃႇၸဝ်ႈၵဝ်ႇယူႇ။ ပေၢးၸဝ်ႈၵဝ်ႇ ဢမ်ႇပႆႇလႆႈသင်ႇမၢႆဝႆႉထႃႈၼႆတႄႉ ၸဝ်ႈၵဝ်ႇ ထုၵ်ႇလီ ၸၢမ်းတူၺ်း တီႈ ႁွင်ႈၼွၼ်းၼိူဝ်ပေး ဢၼ်မီးဝႆႉတီႈၼႂ်း မႄႈၼမ်ႉ ၼၼ်ႉသေ ၶိုၼ်းၼိုင်ႈယူႇ။

တီႈၶၼ်ထုၵ်ႇ[မႄးထတ်း]

  • 1 ႁူင်းလိုဝ်ႈသဝ်း ဢႅပ်ႉပႄးလ် 153/4 153/4 ၶူဝ်သုတ်ႇၸႂ် မူႇ 4 တႃႈမၶၢမ် (မီးတီႈ ၽၢႆႇၸၢၼ်း တီႈတၢင်းသုတ်း သဵၼ်ႈတၢင်း မႄႈၼမ်ႉၶႂေ) - +66 34 512 017တီႈႁူင်းလိုဝ်ႈသဝ်းဢၼ်ၼႆႉ မီးဝႆႉ ႁွင်ႈၼွၼ်း ဢၼ်ဢိူမ်ႈၵၼ်ဝႆႉ တင်းၼမ်သေ မီးပႃႈ သူၼ်ႇမွၵ်ႇဢၼ်ႁၢင်ႈလီ။ ႁွင်ႈၼွၼ်းၸိူဝ်းၼႆႉ ၵႂၢင်ႈလီ ၶိုၵ်ႉလီသေ မီးပႃး မူၵ်ႇၼမ်ႉဢၢပ်ႇ ဢၼ်ပႃး ၼမ်ႉဢုၼ်ႇယဝ်ႉ။ ႁွင်ႈၼွၼ်းၼႆႉ မီးဝႆႉ ဢၼ်ပဵၼ်ႁွင်ႉပႃး ၽတ်ႉလူမ်း ဢမ်ႇၼၼ် ႁွင်ႈ ဢၼ်ပႃး ဢႄးၵွၼ်း၊ ပေႃးပဵၼ် ႁွင်ႈ ဢၼ်ပႃး ၽတ်ႉလူမ်းတႄႉ ၵႃႈၶၼ်မၼ်း တိူဝ်းထုၵ်ႇယဝ်ႉ။ ၼႂ်းႁွင်ႈၼွၼ်းၼႆႉ ဢမ်ႇၶဝ်ႈပႃး ထီႇဝီႇ၊ ယွၼ်ႉပိူဝ်ႈဝႃႈ ၸဝ်ႈၶွင်မၼ်း မႆႈၸႂ် ၵူဝ်မေႃးပၼ် ႁိမ်းႁွမ်း။ ယဝ်ႉၵေႃႈ လၢၼ်ႉတၢင်းၵိၼ် ဢၼ်ၶိုၵ်ႉၶႅမ်ႉၵေႃႈ ၵိုၵ်းဝႆႉယူႇ။ ၵူၺ်းၵႃႈဝႃႈ တၢင်းၵိၼ်ၵၢင်ၼႂ်တႄႉ ဢမ်ႇၶဝ်ႈပႃး။ ဝၢၼ်ႇတၢင်းၵိၼ်တၢင်းယႅမ်ႉတႄႉ လဵၵ်ႉၼွႆႉသေ မၼ်းၵႆႉလႆႈလႃႈ (ပေႃးပႆႇထိုင် 07:30 ပႆႇၸၢင်ႈလႆႈသင်) သေ ၸိူဝ်းၵိၼ်ၸိူဝ်းယႅမ်ႉၼၼ်ႉ မၼ်းဢမ်ႇၶဝ်ႈပႃး ၼႂ်းၵႃႈတီႈၼွၼ်းၵူၺ်း။ 490-690 ဝၢတ်ႇ
  • 2 ႁူင်းလိုဝ်ႈသဝ်း ပလူးသတႃး (Bluestar Guesthouse) 241 သဵၼ်ႈတၢင်း မႄႈၼမ်ႉၶႂေ၊ တႃႈမၶၢမ် (မီးဝႆႉ ၼႂ်းၵႄႈ 7-Elevens သွင်ဢၼ်) - +66 64 984 4329မီးၸမ်ၵၼ်တင်း ၶူဝ်သုတ်ႇၸႂ်၊ ႁွင်ႈၼွၼ်းတၢင်းသဵင်ႈ ၶဝ်ႈပႃးဝႆႉ ၶွင်ႉၼမ်ႉသုၼ်ႇတူဝ်။ လုၵ်ႉတီႈ ၶွင်ႉႁပ်ႉၶႅၵ်ႇလူင်သေ ပိုၼ်ပၼ် ဝၢႆႇၾၢႆႇ။ ႁွင်ႈၼွၼ်း မွၵ်ႈၶိုင်ႈၼိုင်ႈၼႆႉတႄႉ ၶဝ်ႈပႃႈၼႂ်းတူင်ႇမၼ်းယူႇ။ 200-450-550-750 ဝၢတ်ႇ
  • 3 ႁိူၼ်းပေး ၼိတႃ 27/1 သဵၼ်ႈတၢင်းပၢၵ်ႇပဵတ်ႇ - +66 34 514521Check-out: 12:00ႁွင်ႈၼွၼ်းၵေႃႉလဵဝ် ဢၼ်ပႃးၽတ်ႉလူမ်း လႄႈ ႁွင်ႈၼွၼ်းသွင်ၵေႃႉ၊ ၶွင်ႉၼမ်ႉ ၸႂ်ႉႁူမ်ႈၵၼ်။ ၵေႃႉလဵဝ် 150၊ သွင်ၵေႃႉ 200။
  • 4 ရီသွတ်ႉ ၽလွႆး 79/2 သဵၼ်ႈတၢင်း မႄႈၼမ်ႉၶႂေ - +66 90 964 2653ႁွင်ႈတင်းသဵင်ႈၼႆႉ ပဵၼ် လၢႆးသယႅမ်ႇ၊ ပႃး ဢႄးၵွၼ်း၊ ႁွင်ႈၼမ်ႉသုၼ်ႇတူဝ် လႄႈ ၼမ်ႉဢုၼ်ႇၼမ်ႉၵတ်း။ လၢၼ်ႉတၢင်းၵိၼ်/ပႃး ဢၼ်ၸၢင်ႈ မုင်ႈယဵမ်ႈတူၺ်း မႄႈၼမ်ႉ။ တီႈၽၢႆႇၼွၵ်ႈႁွင်ႈၼွၼ်း မီးပႃး သူၼ်မွၵ်ႇႁၢင်ႈလီ၊ ဢိၵ်ႇတင်း ၼွင်ၼမ်ႉတႃႇဢၢပ်ႇ ဢၼ်မီးတီႈၵၢင်ပၢင်၊ ႁိမ်းၽင်ႇမႄႈၼမ်ႉ။ ႁွင်ႈသွင်ၵေႃႉ ၼႆႉ တႄႇ 550 ဝၢတ်ႇ (ၶၼ်တီႈ ဢိၼ်ႇထႃႇၼႅတ်ႉ) ဢမ်ႇၼၼ် 650 ဝၢတ်ႇ၊ ၶဝ်ႈပႃး တၢင်းၵိၼ်ၵၢင်ၼႂ် ၵေႃႇၾီႇ လႄႈ ၶဝ်ႈမုၼ်း
  • 5 ႁူင်းလိုဝ်ႈသဝ်း ၽူင်ႈၽဵၼ်ႈ (พงษ์เพ็ญ) သွႆႈပၢင်ၵလၢတ်ႇ၊ သဵၼ်ႈတၢင်း မႄႈၼမ်ႉၶႂေ - +66 34 512 981 - မီးၼွင်လုၺ်းၼမ်ႉ၊ ၶၢတ်ႈလႆႈ လူတ်ႉၶိူင်ႈ၊ ၵၢၼ်သွႆႈၸၢင်ႈ လူတ်ႉၸၢင်ႈ/လူတ်ႉထႅၵ်ႇၸီႇ ဢၼ်ၵႂႃႇၸူး ၵုင်းထဵပ်ႈ လႄႈ ဢွင်ႈတီႈ ၼႂ်းပိုၼ်ႉတီႈ လႄႈ ၵၢၼ်ထွင်ႈတဵဝ်း တူၺ်းၸွၼ်ႇ ၼႂ်းပိုၼ်ႉတီႈ။ ၵူၼ်းႁၢပ်ႇၵၢၼ်တီႈၼၼ်ႈ မေႃမိုတ်ႈၵိုဝ်းမေႃၸွႆႈထႅမ်၊ ဝၢႆႇၾၢႆႇ၊ ပေႃးၶၢဝ်း 18:00 မႃး ၼႄငဝ်းတူင်ႉ တီႈ ထီႇဝီႇ ဢၼ်ၼႃႈၸေႃး ယႂ်ႇယႂ်ႇ။ ဢွင်ႈႁပ်ႉၶႅၵ်ႇ လႄႈ လၢၼ်ႉတၢင်းၵိၼ် မီးတီႈလဵဝ်ၵၼ် သေ ပဵၼ်ဢွင်ႈတီႈလီ တွၼ်ႈတႃႇ ႁူပ်ႉထူပ်းၶႅၵ်ႇ။ 400-950 ဝၢတ်ႇ
  • 6 လွတ်ႉ ရဵၼ်းပူဝ်း 48/5 သွႆႈရူင်းၵဵပ်ႇဢွႆႈ၊ သဵၼ်ႈတၢင်း ၸဝ်ႈၶုၼ်ၼၼ် (လုမ်းငဝ်ႈၸိုင်ႈ တီႈ ၵၢၼ်ႈထွင်ႈတူၺ်း သီး ထၢႆးလႅၼ်း ဢၼ်မီးႁိမ်း 7-Eleven တီႈ သဵၼ်ႈတၢင်း မႄႈၼမ်ႉၶႂေ) - +66 81 763 0116 - ႁွင်ႈၼွၼ်း ဢၼ်ပႃး ၽတ်ႉလူမ်း၊ ၶွင်ႉၼမ်ႉ မီးၽၢႆႇၼွၵ်ႈ။ ႁွင်ႈၼွၼ်းသွင်ၵေႃႉ ပႃး ၽတ်ႉလူမ်း ၊ ၶွင်ႉၼမ်ႉ မီးၽၢႆႇၼွၵ်ႈ။ မီးဝႆႉတီႈ ဢွင်ႈတီႈယဵၼ်ၸႂ် တီႈ ၽင်ႇမႄႈၼမ်ႉၶႂေ ၽၢႆႇၶႂႃ။ လုၵ်ႉတီႈ သဵၼ်ႈတၢင်းလူင် တူဝ်းရိတ်ႉသေၵေႃႈ ၵႂႃႇမွၵ်ႈ 5 မိတ်ႉၼိတ်ႉ။ တွၼ်ႈတႃႇ မႃးႁပ်ႉႁဝ်းၼၼ်ႉ ပေႃးႁွတ်ႈၽႅဝ်ၵေႃႈ ထူဝ်းႁႃၶဝ်လႆႈယူႇ။ ၵေႃႉလဵဝ် 100၊ သွင်ၵေႃႉ 200 ဝၢတ်ႇ
  • 7 ႁူင်းလိုဝ်ႈသဝ်း သႅမ်ႇ 14/2 မူႇ 1 သဵၼ်ႈတၢင်း မႄႈၼမ်ႉၶႂေ - +66 95 931 6193 - ႁွင်ႈၼွၼ်းတၢင်းသဵင်ႈၼႆႉ ၶဝ်ႈပႃးဝႆႉ ဢႄးၵွၼ်း၊ ၵမ်ႉၼမ်တႄႉ ပဵၼ် ပင်ႇၵလူဝ်ႇသေ မီးဝႆႉ ၵႃႈတီႈ ဢွင်ႈတီႈ ယဵၼ်လီ တီႈ မႄႈၼမ်ႉၶႂေ။ 400-1,000 ဝၢတ်ႇ
  • 8 ႁူင်းလိုဝ်ႈသဝ်း တမရိၼ်း (Tamarind Guesthouse) 29/1 သဵၼ်ႈတၢင်း တႃႈမၶၢမ် (ၸမ်ၵၼ်တင်း ၵၢတ်ႇၵၢင်ၶမ်ႈ) - +66 34 518 790 - ႁွင်ႈၼွၼ်း ဢၼ်ၸၢင်ႈမုင်ႈတူၺ်း မႄႈၼမ်ႉၶႂေ။ မီး ႁိူၼ်းပေး လႄႈ တိူၵ်ႈမႂ်ႇ။ ဢိၼ်ႇထႃႇၼႅတ်ႉ လႄႈ ဝၢႆႇၾၢႆႇ၊ တၢင်းၶႆႈၸႂ် တႃႇထွင်ႈတဵဝ်း၊ သူင်ႇၸူးပၼ်ၸူး ဢွင်ႈတီႈတၢင်ႇၸိူဝ်း တီႈၼႂ်း မိူင်းထႆး။ ၵူၼ်းႁၢပ်ႇၵၢၼ်ၶဝ် မေႃမိုတ်ႈၵိုဝ်း မေႃၸွႆႈထႅမ်။ ႁွင်ႈသွင်ၵေႃႉ ပႃးၽတ်ႉလူမ်း 350 ဝၢတ်ႇ၊ ဢၼ်ပႃး ဢႄးၵွၼ်း 500 ဝၢတ်ႇ
  • 9 ႁွင်ႈလိုဝ်ႈသဝ်း ဝီႇဢႅၼ်ႇ (VN Guesthouse) 44 သဵၼ်ႈတၢင်း ၼမ်ႉမၼ်း ရူင်ႁိပ်ႉ - +66 34 514 082 - ႁွင်ႈၼွၼ်းတင်းသဵင်ႈ ၶဝ်ႈပႃး ၶွင်ႉၼမ်ႉသုၼ်ႇတူဝ်၊ ဝၢႆႇၾၢႆႇၾရီး။ ပေႃးပဵၼ်ႁွင်ႈၼွၼ်း ဢၼ်ၸၢင်ႈမုင်ႈတူၺ်းလႆႈ မႄႈၼမ်ႉ ၼႆ တေလႆႈတိူဝ်းပၼ် 75 ဝၢတ်ႇ။ ႁွင်ႈသွင်ၵေႃႉ ပႃးၽတ်ႉလူမ်း 350 ဝၢတ်ႇ၊ ႁွင်ႈဢၼ်ပႃး ဢႄးၵွၼ်း 450 ဝၢတ်ႇ
  • 10 ႁူင်းလိုဝ်ႈသဝ်း ထီႇ ဢႅၼ်ႇ ထီႇ (T and T Guest house) 1/14 သဵၼ်ႈတၢင်း မႄးၼမ်ႉၶႂေ (ၵူၺ်းမီးဢဝ် ၽၢႆႇၸၢၼ်း the Jolly frog။) - +66 34 514 846ႁွင်ႈၵေႃႉလဵဝ်/သွင်ၵေႃႉ ဢၼ်ပႃးၽတ်ႉလူမ်း၊ ၶွင်ႉၼမ်ႉ ၸႂ်ႈႁူမ်ႈၵၼ်။ ႁွင်ႈၵေႃႉလဵဝ် 150 ဝၢတ်ႇ၊ ႁွင်ႈသွင်ၵေႃႉ 250 ဝၢတ်ႇ


တီႈၵႃႈၶၼ်ပၢၼ်ၵၢင်[မႄးထတ်း]

  • 11 ရီသွတ်ႉ ၵုၼ်ၵသဵမ် 44-48 သဵၼ်ႈတၢင်း ၶျႆးၶျုမ်းၽွၼ်း ၊ ၶူဝ်ႈတႃႈၼမ်ႉ ၶျုၵ်ႉၵတူၼ်ႈ မႄႈၼမ်ႉၶႂေ - +66 88 336 8822ႁွင်ႈပေး ဢၼ်ပႃးၽတ်ႉလူမ်း ဢမ်ႇၼၼ် ႁွင်ႈဢႄးၵွၼ်း ဢိၵ်ႇတင်း ၸၢၼ်းသုၼ်ႇတူဝ် တီႈဢၼ်မုင်ႈတူၺ်းလႆႈ မႄႈၼမ်ႉၶႂေ။ ပဵၼ် ရီသွတ်ႉၼိူဝ်ၵုၼ် ဢၼ်မီးဝႆႉတီႈၼႂ်း မႄႈၼမ်ႉꧠႂေ။ ႁွင်ႈၼွၼ်းတႄႉ ပဵၼ်ႁွင်ႈ တွၼ်ႈတႃႇ ၵူၼ်း 2 ၵေႃႉ ႁွင်ႈၼွၼ်း တႃႇ ၵူၼ်း 3 ၵေႃႉ။
  • 12 ႁူင်းႁႅမ်း မႄႈၼမ်ႉၶႂေ 284/15-16 သဵၼ်ႈတၢင်း သႅင်ၶျူတူဝ် (မီးဝႆႉတီႈၼႂ်း ၵႄႈၵၢင် တႃႈရူတ်ႉပၢတ်ႉသ် လႄႈ တႃႈရူတ်ႉလဵၼ်း) - +66 34 510 111ႁူင်းႁႅမ်း ဢၼ်မီးဝႆႉ တီႈၼႂ်းၵၢင်ဝဵင်းသေ တၢင်းၵိၼ်ၵၢင်ၼႂ်း ၸိူဝ်းပဵၼ် တၢင်းၵိၼ်ထႆး ဢမ်ႇၼၼ် တၢင်းၵိၼ် မိူင်းဝၼ်းတူၵ်း ၸိူဝ်းၼႆႉၵေႃႈ ၶႅမ်ႉတႄႉတႄႉ။ မၼ်းၵေႃႈ ယၢမ်ႈပဵၼ်မႃး ႁူင်းႁႅမ်း ဢၼ်ပၢႆးဝူၼ်ႉလီသေပိူၼ်ႈ ၶွင် ဝဵင်းၼႆႉသေတႃႉ ယၢမ်းလဵဝ်တႄႉၵေႃႈ မၼ်းၵေႃႈ ၶႂ်ႈၵဝ်ႇမႃးယဝ်ႉၼင်ႇၵဝ်ႇ။ မီးဝႆႉ ၼွင်လုၺ်းၼမ်ႉ ဢၼ်ယႂ်ႇယႂ်ႇ လႄႈ လၢၼ်ႉတၢင်းၵိၼ် ဢၼ်ၶႅမ်ႉလႅပ်ႈ။ သင်ၸိူဝ်ႉဝႃႈ ၸဝ်ႈၵဝ်ႇပဵၼ် ၵူၼ်းၸုၼ်ႉထဝ်ႇ ၼႆတႄႉ ပႆၵႂႃႇၸူး တႃႈရူတ်ႉလဵၼ်း တၢင်းၵႆတေမီး မွၵ်ႈ 600 မ.၊ ငွၵ်းၽၢႆႇၶႂႃႇ မိူၼ်ၼင်ႇၸဝ်ႈၵဝ်ႇ ဢွၵ်ႇတီႈ ႁူင်းႁႅမ်းမႃးၼၼ်ႉသေ ၸွၼ်ႇတူၺ်း ၵၢတ်ႇၵၢင်ၶမ်ႈသေ ၵိၼ်တၢင်းၵိၼ်တီႈၼၼ်ႈၼႆႉ တိူဝ်းၵႃႈၶၼ်ထုၵ်ႇလီ၊ ယွၼ်ႉပိူဝ်ႈသင်ၼႆ တီႈၼၼ်ႈၼၼ်ႉ ပဵၼ်တီႈ ၵူၼ်းပိုၼ်ႉတီႈၶဝ် သိုဝ်ႉၶူဝ်းၶွင် လႄႈ ၵိၼ်ယႅမ်ႉၼၼ်ႉယဝ်ႉ။ တီႈႁိမ်းႁွမ်းၼၼ်ႉ မီးဝႆႉ ၵၾႄး၊ သူၼ်ပီႇယႃႇ၊ တီးမိပ်ႇၼူတ်ႈ/ ပႃး ၶႃႇရႃႇဢူဝ်ႇၶေႇ လႄႈ တိတ်ႇသ်ၵူဝ်ႇ ၸိူဝ်းၼႆႉယဝ်ႉ။ 1,000 ဝၢတ်ႇ
  • 13 ပေးပႃႇထိူၼ်ႇ မႄႈၼမ်ႉၶႂေ (เเพจังเกิ้ลราฟท์) - +6626425497ႁွင်ႈၼွၼ်း ၼိူဝ်ၼမ်ႉ ဢၼ်မီးတီႈၼႂ်းၵၢင် ပႃႇၶိူၼ်ႇ ဢၼ်ၸမ်ၵၼ်တင်း သႂ်ယူၵ်း ၵၢၼ်ၸၼပူးရီး။
  • 14 ႁိူၼ်း မႄႈၼမ်ႉ သႂ်ယူၵ်း (Saiyok River House) - +66 34 591 050ႁွင်ႈၼွၼ်းၼႆႉ ပဵၼ်တွၼ်ႈတႃႇ ၵူၼ်းသွင်ၵေႃႉ၊ သၢမ်ၵေႃႉ လႄႈ ႁူၵ်းၵေႃႉ။ တီႈႁိူၼ်းၼၼ်ႉ မီးဝႆႉ ႁွင်ႈၼွၼ်း သၢမ်ႁွင်ႈ တွၼ်ႈတႃႇ ၵေႃႉၵူႈၵၼ် ဢမ်ႇၼၼ် မုင်ႉႁိူၼ်း။


တီႈၵႃႈၶၼ်ယႂ်ႇ[မႄးထတ်း]

  • 15 Felix River Kwai Resort 9/1 မူႇ 3၊ တႃႈမၶၢမ် - +66 34 551 000လုၵ်ႉတီႈ ၶူဝ်သေ ပႆၵႂႃႇမွၵ်ႈတၢၼ်ႇတၢၼ်ႇ၊ မီးဝႆႉတီႈ တေႃႇၼႃႈၵၼ်တင်း ဢွင်ႈတီႈၵၢၼ်ထွင်ႈတဵဝ်းပိူင်လူင်။ ၶိုၵ်ႉၶႅမ်ႉ၊ လွင်ႈၵမ်ႉၵႅမ် ႁၢင်ႈႁႅၼ်းဝႆႉလီလီ၊ မီးဝႆႉ လၢၼ်ႉတၢင်းၵိၼ် ပဵၼ်လၢႆလၢႆဢၼ်၊ တီႈႁွင်ႈႁပ်ႉၶႅၵ်ႇ ၸႂ်ႉလႆႈ ဢိၼ်ႇထႃႇၼႅတ်ႉ၊ မီးပႃး တီႈမိပ်ႇၼူတ်ႈ၊ ႁွင်ႈၼွၼ်း ပႃး ဢႄးၵွၼ်း။ မီႈပႃး ၼွင်လုၺ်းၼမ်ႉ။ တႄႇ 1,418 ဝၢတ်ႇ
  • 16 ရီသွတ်ႉ ၼႃၵႃၵိရိ မႄႈၼမ်ႉၶႂေ (Nakakiri River Kwai Resort) ႁိၼ်တၢတ်ႇ၊ ထွင်းၽၽုမ်း - +66 83 113 8763ၼႂ်းၵႃႈ ရီသွတ်ႉ မႄႈၼမ်ႉၶႂေ ဢၼ်ယႂ်ႇသေပိူၼ်ႈၼၼ်ႉ ၼႃၵႃၵိရိ ၼႆႉ ၶဝ်ႈပႃးဢၼ်ၼိုင်ႈယဝ်ႉ။ ၸဝ်ႈၵဝ်ႇတေၸၢင်ႈလႆႈၸႂ် ၼမ်ႉဢုၼ်ႇၶဝ်၊ သၢႆတၢင်း ATV ဢၼ်ယႂ်ႇယႂ်ႇ၊ ၼွင်လုၺ်းၼမ်ႉ ယႂ်ႇယႂ်ႇ၊ လႄႈ ပေႃး သဝ်းတီႈ ႁိူၼ်းပေး ဢၼ်မီးတီႈၼႂ်း ပႃႇထိူၼ်ႇၼႆ ၸမ်ၵၼ်တင်း ၼမ်ႉတူၵ်းတၢတ်ႇ၊ ၼႂ်းၵႃႈ ႁွင်ႈၼွၼ်း ႁူင်းႁႅမ်းၶိုတ်းၵၢပ်ႈလိူဝ် ဢၼ်ၸၢင်ႈမုင်ႈတူၺ်း မႄႈၼမ်ႉၶႂေၼၼ်ႉ ၶဝ်ႈပႃး တီႈၼႆႈ တီႈၼိုင်ႈ ဢမ်ႇၼၼ် ပဵၼ် တီႈထႅၼ်ႈ - ပဵၼ် မူႇႁိူၼ်း ဢၼ်ၸၢင်ႈမုင်ႈတူၺ်း ၼွင်လုၺ်းၼမ်ႉ ဢမ်ႇၼၼ် မႄႈၼမ်ႉ။ တႄႇ 1,350 ဝၢတ်ႇ
  • 17 ၽႃဝီလဵၼ်းရိမ်းၶႂေ (Pavilion Rim Kwai) 234 ထၼူၼ်ႇ လၢတ်ႉယဢႄႇရႃဝၼ်ႇ - +66 34 513 800ႁူင်းႁႅမ်းၵႂၢင်ႈလူင် ဢၼ်မီးၼႂ်း သူၼ်ႇမွၵ်ႇႁၢင်ႈလီ တီႈႁိမ်းၽင်ႇၼမ်ႉ မႄႈၼမ်ႉၶႂေ။ မီးပႃး ႁွင်ႈႁဵတ်းပၢင်ပွႆး၊ ႁွင်ႈႁဵတ်းၶွၼ်ႇၾရႅၼ်ႉ၊ မီးပႃး ၼွင်လုၺ်းၼမ်ႉသွင်ဢၼ်၊ လုၵ်ႉတီႈၼိူဝ်ႁူင်းႁႅမ်းသေ ၸၢင်ႈမုင်ႈတူၺ်းလႆႈ မႄႈၼမ်ႉၶႂေ လႄႈ သၼ်လွႆ ပႃႇထိူၼ်ႇၸိူဝ်းၼႆႉ။
  • 18 ရီသွတ်ႉ လႄႈ သပႃး ရၢႆႇယႄႇ မႄႈၼမ်ႉၶႂေ (Royal River Kwai Resort and Spa) 88 Moo 2 သဵၼ်ႈတၢင်း ၵဵင်းသီယႅၼ် - +66 34 670 621တီႈမုင်ႈယဵမ်ႈၶိုၵ်ႉၶႅမ်ႉ၊ တၢင်းၵိၼ်ၵၢင်ၼႂ်ၵေႃႈ လႅပ်ႈရွႆႉ၊ ၵူၼ်းႁဵတ်းၵၢၼ်တီႈၼၼ်ႈၵေႃႈ မေႃၸွႆႈထႅမ်၊ ၵူၺ်းၵႃႈဝႃႈ တင်းၼႂ်းဝဵင်းသေတႄႉ ႁၢမ်ႉယၢၼ်ၵႆၵၼ်ဢိတ်းၼိုင်ႈ။ ႁိမ်းႁွမ်း ပဵၼ်ဢၼ် ၵတ်းယဵၼ်လီ၊ ၵၢၼ်ၸွႆးသၢင်ႈ တႃႇတေႃႉသူင်ႇ ၼိုင်ႈဝၼ်း မီးသွင်ပွၵ်ႈ (10:30 လႄႈ 14း30)၊ ဝၢႆးဝၼ်းၵေႃႈ ၸဝ်ႈၵဝ်ႇ ၸၢင်ႈသင်ႇမၢႆဝႆႉလႆး။ တႄႇ 3409 ဝၢတ်ႇ
  • 19 ရီသွတ်ႉ ယူႇဢိၼ်ၸၼ်သီ ၵၢၼ်ႇၸၼပူးရီး (U Inchantree Resort Kanchanaburi) 443 သဵၼ်ႈတၢင်း မႄႈၼမ်ႉၶႂေ တႃႈမၶၢမ် (လုၵ်ႉတီးၶူဝ်သေ ပႆတၢင်းၵႂႃႇ မွၵ်ႈ 5 မိတ်ႉၼိတ်ႉ) - +66 34 521 584ႁွင်ႈၼွၼ်း 26 ႁွင်ႈ၊ လဵၵ်ႉသေတႃႉ ပဵၼ်ႁွင်ႈ ဢၼ်ၶိုတ်းၵၢပ်ႈ ဢၼ်ႁဵတ်းဝႆႉ ၶႅမ်ႉၶႅမ်ႉ။ တီႈၼွၼ်း လႄႈ ၽႃႈႁူမ်ႇ ဢူၼ်ႈယုမ်ႈလီ၊ ထီႇဝီႇၽႅပ်ႉ၊ iPod ၸိူဝ်းၼႆႉၵေႃႈ မီး။ ၵူၼ်းႁဵတ်းၵၢၼ်မၼ်း မေႃမိုတ်ႈၵိုဝ်းၸွႆႈထႅမ်၊ လၢၼ်ႉတၢင်းၵိၼ်ၵေႃႈမီးသေ မီးဝႆႉတီႈႁိမ်း ၽင်ႇမႄႈၼမ်ႉ။ မီးပႃး ႁွင်ႈ လဵၼ်ႈႁႅင်း လႄႈ ဝၢႆႇၾၢႆႇၵေႃႈ ၸႂ်ႉလႆႈ ၾရီး။ ယွၼ်ႉပိူဝ်ႈ မီးဝႆႉတီႈ ၽင်ႇမႄႈၼမ်ႉလႄႈ တေၸၢင်ႈမုၼ်ႈတူၺ်းလႆႈ သၼ်လွႆ ၸိူဝ်းမီးဝႆႉတီႈၵႆၵႆ။ တႄႇ 3500 ဝၢတ်ႇ၊ ၶဝ်ႈပႃး ပူႇၽေး continental လႄႈ တၢင်းၵိၼ်ၵၢင်ၼႂ် ဢၼ်လႆႈၸႂ် 2 မဵဝ်း

ၵပ်းသိုပ်ႇ[မႄးထတ်း]

တီႈႁူင်းလိုဝ်ႈသဝ်း ၸိူဝ်းမီးၸွမ်း သဵၼ်ႈတၢင်း မႄႈၼမ်ႉၶႂေ ၼၼ်ႉ ၶႂ်ႈဝႃႈ မီးဝၢႆႇၾၢႆႇ ၵမ်ႉၼမ်ယဝ်ႉ။ တေႃႈ ၸိူဝ်းပဵၼ် ပႃး ၵမ်ႈၽွင်ႈ ဢၼ်မီးဝႆႉၸွမႂ်းတၢင်းၼၼ်ႉ ယင်းမီးပႃး ဝၢႆႇၾၢႆႇလူးၵွၼ်ႇ။

  • 1 ႁူင်းတူၺ်းလိၵ်ႈ ၵၢၼ်ၸၼပူးရီး Saeng Chuto road (တင်း ပႃႇႁဵဝ်ႈသိုၵ်းသေ ယၢၼ်ၵၼ် 300 မ.)။ မီးဝႆႉ ဢိၼ်ႇထႃႇၼႅတ်ႉ ဢၼ်ၸႂ်ႉလႆႈ ၾရီး။ တီႈၼၼ်ႈၼႆႉ မီးဝႆႉ ၶွမ်း 10 လုၵ်ႈ။ ယဝ်ႉၵေႃႈ မီးပႃး လိၵ်ႈၽိုၼ်ၶၢဝ်ႇ ထႆး ဢိင်းၵလဵတ်ႈယဝ်ႉ။

သိုပ်ႇၵႂႃႇထႅင်ႈ[မႄးထတ်း]

  • ၵုင်းထဵပ်ႈ — ၶႅၵ်ႇထွင်ႈတဵဝ်း ၵမ်ႉၼမ်ၼႆႉ ၶိုၼ်းၵႂႃႇၸူး တီႈဢၼ်ၶဝ်ႈ မႃးၼၼ်ႉယဝ်ႉ
  • ၼၶွၼ်းပထူမ် — ၵွင်းမူး ဢၼ်သူႇယႂ်ႇသုတ်း တီႈၼႂ်းလူၵ်ႈ ၼႆႉ မၼ်းပဵၼ် တီႈလီၵိုတ်းဝႄႉ ဢၼ်မီးတီႈၼိူဝ် သဵၼ်ႈတၢင်းၵႂႃႇ ၵုင်းထဵပ်ႈ
  • သင်ၶလပူးရီး — ဝဵင်းလိုၼ်းသုတ်း မိူဝ်ႈပႆႇ လတ်း လႅၼ်လိၼ် ၵွင်းမူးသၢမ်သူႇ သေ ၶဝ်ႈၸူး မျၢၼ်ႇမႃႇ
  • တီႈၶၢမ်ႈလႅၼ်လိၼ် ၵွင်းမူးသၢမ်သူႇ — ပဵၼ် လႅၼ်လိၼ် ၼႂ်းၵႄႈ မိူင်းထႆး လႄႈ မိူင်းမျၢၼ်ႇမႃႇ၊ ပေႃးၶီႇရူတ်ႉပၢတ်ႉသ်ၵႂႃႇ ၶၢဝ်းတၢင်း 4 ၸူဝ်ႈမူင်း
သၢႆတၢင်း ၵၢၼ်ၸၼပူးရီး
ၵုင်းထဵပ်ႈၼၶွၼ်းပထူမ်      ၶူဝ်ၼမ်ႉၶႂႄၼမ်ႉတူၵ်း



ၽိုၼ်ၵႅမ်မိုဝ်းၶၢဝ်းတၢင်း ဝဵင်း ၵၢၼ်ၸၼပူးရီး ၼႆႉ ပဵၼ် လိၵ်ႈႁွမ်တွမ် ဢၼ်ၸႂ်ႉလႆႈ။ မၼ်းမီးဝႆႉ လွၼ်ႉၶၢဝ်ႇ လွင်ႈဝႃႈ တေႁဵတ်းႁိုဝ်ၵႂႃႇတီႈၼၼ်ႈ လႄႈ တေႁဵတ်းႁိုဝ် ၵႂႃႇၸူး လၢၼ်ႉတၢင်းၵိၼ် ဢိၵ်ႇတင်း ႁူင်းလႅမ်း။ ၵူၼ်းဢႅဝ်ႇလႄႇၶဝ် တေၸၢင်ႈၸႂ်ႉ လိၵ်ႈႁွမ်တွမ်ဢၼ်ၼႆႉ ၵူၺ်းၵႃႈဝႃႈ ၶႅၼ်းတေႃႈ မႄးထတ်းၼႃႈလိၵ်ႈ ၼႆႉလွတ်ႈလွတ်ႈလႅဝ်းလႅဝ်းသေ ႁဵတ်ႈႁႂ်ႈ လိၵ်ႈႁွမ်တွမ်ၼႆႉ ၶိုၼ်ႈယႂ်ႇ ၵႂႃႇသေၵမ်း။