ၵျႅၵ်ႉထီးယူဝ်း ၼႆႉ ပဵၼ် ဝဵင်းဢွၼ်ႇတီႈဝႆႈၽြႃး ဢၼ်မီးတီႈၼိူဝ်လွႆ တင်း တႃႈၵုင်ႈ သေၵႆယၢၼ်ၵၼ် မွၵ်ႈ 200 ၵီႇလူဝ်ႇမီႇတႃႇ ဢၼ်မီးတီႈ ၸဵင်ႇၸၢၼ်းဝၼ်းဢွၵ်ႇ မျၢၼ်ႇမႃႇ၊ ဢၼ်ၸိုဝ်ႈလိုဝ်းလင် ၵွင်းမူး ဢၼ်ႇၵေႃႇတင်ႈဝႆႉတီႈၼိူဝ် မၢၵ်ႇႁိၼ်မိၼ်ႇမီႈ တီႈၽင်ႇႁိုၵ်းလူင်ၼၼ်ႉယဝ်ႉ။

လီႁူႉဝႆႉ

တီႈၼၼ်ႈၼႆႉ တေၸၢင်ႈယုင်ႈယၢင်ႈၵၼ်ၸွမ်း ၸိုဝ်ႈဢွင်ႈတီႈ ၵွင်းမူး လႄႈ ဝဵင်းၸိူဝ်းဢၼ်ၵပ်းၵၢႆႇၵၼ်။ တီႈၽၢႆႇတႂ်ႈၼၼ်ႉ သၢင်းလၢင်းၼႄႇဝႆႉ ၸိူဝ်းသၢမ်တီႈၼၼ်ႉ -

• 1 ၵျႅၵ်ႉထူဝ်ႇ (Burmese ကျိုက်ထိုမြို့)။ ဢၼ်ၼႆႉ ပဵၼ်ဝဵင်း ဢၼ်မီးတီႈၼိူဝ် သဵၼ်ႈတၢင်းလူင်၊ တင်း ၵိၼ်ႇပုၼ်း သေ ယၢၼ်ၵၼ် 14 ၵီႇလူဝ်ႇမီႇတႃႇ လႄႈ တင်း ၵျႅၵ်ႉထီးယူဝ်းသေ ယၢၼ်ၵၼ် 28 ၵီႇလူဝ်ႇမီႇတႃႇ။ 
• 2 ၵိၼ်ႇပုၼ်း (Burmese ကင်မွန်းစခန်း)။ ဢၼ်ၼႆႉ ပဵၼ် ဝဵင်း ဢၼ်မီးတီႈ တိၼ်လွႆ၊ မၢင်ပွၵ်ႈၵေႃႈႁွင်ႉဝႃႈ "ဢွင်ႈတီႈတိၼ်လွႆ" တီႈဢၼ်ၵူၼ်း ဢွၼ်ၵၼ် လိုဝ်ႈသဝ်း ၵၢင်ၶမ်ႈ။ 

မၢၵ်ႇႁိၼ်ၶမ်း

• 3 ၵျႅၵ်ႉထီးယူဝ်း (Burmese ကျိုက်ထီးရိုးဘုရား)။ ဢၼ်ၼႆႉပဵၼ်တီႈ ဢၼ်တေလႆႈႁၼ် မၢၵ်ႇႁိၼ်ၶမ်း တီႈၵွင်းမူးမီးဝႆႉ။ ၵျွင်းၽြႃးလႄႈ ဝဵင်းၸိူဝ်းၼႆႉ လႆႈၵေႃႇသၢင်ႈဝႆႉ ႁိမ်းႁွမ်းမၢၵ်ႇႁိၼ်ၶမ်း တီႈၼိူဝ်ၸိၵ်းလွႆသေ ပေႃးၶၢဝ်းၵူၼ်းၵိုၼ်းၼႆ ၵူၼ်းမႃးလူႇမႃးဝႆႈ မီး ႁူဝ်ႁဵင်မၼ်းယဝ်ႉ။ 

ၵႂႃႇၸူး

ၵူၼ်းၵမ်ႉၼမ်တႄႉ မႃးတွၼ်ႈတႃႇ မႃးလူႇမႃးဝႆႈ ၵွင်းမူးၵျႅၵ်ႉထီးယူဝ်းၵူၺ်းသေ ဢမ်ႇပေႃးမီးလွင်ႈတၢင်းသင်တႄႉတႄႉ တွၼ်ႈတႃႇ လိုဝ်ႈသဝ်းတီႈ ၵျႅၵ်ႉထီးယူဝ်း။ ၵူၼ်းၵမ်ႉၼမ်တႄႉ လိုဝ်ႈသဝ်းတီႈ ၵိၼ်ႇပုၼ်း ဢမ်ႇၼၼ် တီႈၼိူဝ်ၸိၵ်းလွႆ (ၵျႅၵ်ႉထီးယူဝ်း)။ ယွၼ်ႉပဵၼ်တီႈၸိုဝ်ႈလိုဝ်းလင်လႄႈ လုၵ်ႉတီႈၼႂ်း မိူင်းမျၢၼ်ႇမႃႇပတ်ႉပိုၼ်ႉသေ မီးရူတ်ႉပၢတ်ႉသ် ဢၼ်ၽႅဝ် ၵိၼ်ႇပုၼ်ႇ ၵမ်းသိုဝ်ႈယဝ်ႉ။

ၵႂႃႇၸွမ်း ရူတ်ႉပၢတ်ႉသ်

• ပႃႇၵိူဝ် – ရူတ်ႉပၢတ်ႉသ်ၼႆႉ တေၸၢင်ႈႁိုင် 2-3 ၸူဝ်ႈမူင်းသေ တေတူၵ်းၸူၵ်ႈ 4-5,000 ၵျၢပ်ႈ။ ဢၼ်ပဵၼ် ရူတ်ႉဝိၼ်း-ဢဵၵ်ႇသ်ပရႅတ်ႉ ၼၼ်ႉ လႅၼ်ႈၸူး ၵိၼ်ႇပုၼ်းၵမ်းသိုဝ်ႈယဝ်ႉ။
• ၽႃဢၢင်ႇ – ရူတ်ႉပၢတ်ႉသ်ၼႆႉ ဢဝ်ၶၢဝ်းယၢမ်း မွၵ်ႈ 4 ၸူဝ်ႈမူင်းသေ တူၵ်းၸူဝ်ႈ 5,000 ၵျၢပ်ႈ။
• မေႃႇလမႅင်ႇ – 4-5 မူင်း၊ 07:30 & 09:30၊ 7,000 ၵျၢပ်ႈ။
• တႃႈၵုင်ႈ – ရူတ်ႉပၢတ်ႉသ် ဢွၵ်ႇ တႄႇဢဝ် ၵၢင်ၼႂ်ႉၸဝ်ႉ တေႃႇထိုင် 14:30 (ပေႃးပဵၼ်ၶၢဝ်းၵူၼ်းၵိုၼ်းတႄႉ တေၸၢင်ႈၼမ်လိူဝ်ၼၼ်ႉ)။ 4.5 မူင်း၊ 7,000 ၵျၢပ်ႈ။ ဢၼ်ပဵၼ် ရူတ်ႉဝိၼ်း-ဢဵၵ်ႇသ်ပရႅတ်ႉ ၼၼ်ႉၼင်ႇၵဝ်ႇ လႅၼ်ႈၸူး ၵိၼ်ႇပုၼ်းၵမ်းသိုဝ်ႈယဝ်ႉ။

ပေႃးၸဝ်ႈၵဝ်ႇ လူဝ်ႇဢွၵ်ႇၵႂႃႇ ၽၢႆႇၼွၵ်ႈ 1 တႃႈရူတ်ႉပၢတ်ႉသ် ၵျႅၵ်ႉထူဝ်ႇ (တႃႇရူတ်ႉပၢတ်ႉသ် ၸိူဝ်းၵႂႃႇၸူး မေႃႇလမႅင်ႇ၊ ၽႃဢၢင်ႇ၊ ပႃႇၵိူဝ် ဢမ်ႇၼၼ် တႃႈၵုင်ႈ)၊ ယႃႇပေဢဝ် ထႅၵ်ႇၸီႇရူတ်ႉၶိူင်ႈ တႃႇၵႂႃႇ ၵိၼ်ႇပုၼ်း၊ ၶဝ်တေမႃးၵူၼ်းပဵၼ်ၽုင်သေၵေႃႈ တေလိင်ႉၸဝ်ႈၵဝ်ႇယဝ်ႉ။ ၶဝ်တေႁဵတ်းႁႂ်ႈၸဝ်ႈဝၵ်ႇ ယုမ်ႇဝႃႈ ဢမ်ႇမီးရူတ်ႉပိၵ်ႉၵပ်ႉ ဢၼ်ၵႂႃႇၵိၼ်ႇပုၼ်းၼႆသေ ၸဝ်ႈၵဝ်ႇ လူဝ်ႇဢဝ် ထႅၵ်ႇၸီႇရူတ်ႉၶိူင်ႈ ဢၼ်တေလႆႈပၼ် 1,000 ၵျၢပ်ႈ ဢမ်ႇၼၼ် ၼမ်သေၼၼ်ႉ။ ယႃႇပေယုမ်ႇၶဝ်၊ ယႃႇပေပၼ်ၶဝ် ၸွမ်းၽၢႆႇလင်ၸဝ်ႈၵဝ်ႇ၊ ပေႃးၸဝ်ႈၵဝ်ႇ တေဢၢၼ်းၵႂႃႇထၢမ် ၵူၼ်းပိုၼ်ႉတီႈ တၢင်ႇၸိူဝ်းၼႆ ၵူၼ်းႁေႃႈထႅၵ်ႇၸီႇရူတ်ႉၶိူင်ႈ ၸိူဝ်းၼၼ်ႉ တေၵႂႃႇ လၢတ်ႈတေႃႇၶဝ်ဢွၼ်တၢင်းသေ ၵူၼ်းပိုၼ်ႉတီႈၼၼ်ႉၵေႃႈ တေလၢတ်ႈဢွၵ်ႇလၢႆးလဵဝ်ၵၼ်ယဝ်ႉ။ ရူတ်ႉပိၵ်ႉၵပ်ႉ ဢၼ်လႅၼ်ႈ ၵျႅၵ်ႉထူဝ်ႇ တေႃႇ ၵိၼ်ႇပုၼ်းၼၼ်ႉ မီးယူႇတင်းဝၼ်းသေ လႆႈပၼ် 500 ၵျၢပ်ႈ။ ဝႄႈၸိူဝ်းပဵၼ် ၵူၼ်းႁေႃႈထႅၵ်ႇၸီႇရူတ်ႉၶိူင်ႈ ၸိူဝ်းၼၼ်ႉသေ ထၢမ်တူၺ်း ရူတ်ႉပိၵ်ႉၵပ်ႉ ႁၢၼ်ႉတေႃႇႁၼ် ဢၼ်တေၵႂႃႇ ၵိၼ်ႇပုၼ်းၼၼ်ႉလႄႈ။ ထႅင်ႈလၢႆးၼိုင်ႈတႄႉ ပႆၵႂႃႇၽၢႆႇႁွင်ႇသေ ၶၢမ်ႈ 2 တႃႈရူတ်ႉလဵၼ်း ၵျႅၵ်ႉထူဝ်ႇ ႁႂ်ႈႁွတ်ႈထိုင် တၢင်း ဢၼ်မီးၽၢႆႇလင် ဢၼ်ပဵၼ်တၢင်းၵႂႃႇၽၢႆႇႁွင်ႇ ဢၼ်ၵႂႃႇၸူး ၵိၼ်ႇပုၼ်း။ ပေႃးၼၼ် တေၸၢင်ႈႁႄႉရူတ်ႉ လႆႈငၢႆႈငၢႆႈ ၸိူဝ်းဢၼ်လတ်းၶၢမ်ႈၵႂႃႇ။ ပေႃးၸဝ်ႈၵဝ်ႇ သိုဝ်ႉမႂ်တိုတ်း တွၼ်ႈတႃႇ ၵႂႃႇထိုင် ၵိၼ်ႇပုၼ်းၼႆ ၵႃႈၶၼ် တွၼ်ႈတႃႇ ပိၵ်ႉၵပ်ႉၵေႃႈ မၼ်းတေၶဝ်ႈပႃးဝႆႉယဝ်ႉ။

ၵႂႃႇၸွမ်း ရူတ်ႉလဵၼ်း

တီႈ ၵျႅၵ်ႉထူဝ်ႇ ၼႆႉ မီးရူတ်ႉလဵၼ်း သၢမ်လမ်း ဢၼ်လုၵ်ႉတီႈ တႃႈၵုင်ႈ လႄႈ ပႃႇၵိူဝ် မႃး၊ ဢွၵ်ႇတီး တႃႈၵုင်ႈ ၶၢဝ်း 07:15၊ 18:25 လႄႈ 21:00 လႄႈ ၽႅဝ်ႁွတ်ႈ ၶၢဝ်း 11:55, 23:17 လႄႈ 01:27။ ၵေႃႈမိူၼ်ၼၼ်ၼင်ႇၵဝ်ႇ ရူတ်ႉလဵၼ်း ဢၼ်လုၵ်ႉတီႈ မေႃႇလမႅင်ႇမႃးၵေႃႈ မီးသၢမ်လမ်းသေ ဢွၵ်ႇ မႃး 08:00, 19:30 လႄႈ 20:55 ယဝ်ႉ။ တွၼ်ႈတႃႇ တီႈၼင်ႈထၢၼ်ႈသုင် ဢၼ်လုၵ်ႉတီႈ တႃႈၵုင်ႈ ဢမ်ႇၼၼ် မေႃႇလမႅင်ႇမႃးၼၼ်ႉ တေလႆႈပၼ် 2,500 ၵျၢပ်ႈ။ ထၢၼ်ႈယူဝ်းယူဝ်း ၸိူဝ်းလုၵ်ႉတီႈ ပႃႇၵိူဝ် တေႃႇ ၵျႅၵ်ႉထူဝ်ႇၼႆႉ တေလႆႈပၼ် 650 ၵျၢပ်ႈ ယဝ်ႉ။

ၸွၼ်ႇ

ၶၢဝ်းတၢင်း 14 ၵီႇလူဝ်ႇမီႇတႃႇ ဢၼ်ပဵၼ် ၼႂ်းၵႄႈ ၵျႅၵ်ႉထူဝ်ႇ လႄႈ ၵိၼ်ႇပုၼ်း ၼၼ်ႉ ယွၼ်ႉပိူဝ်ႈ ၵူၼ်းမႃးဝႆႈၽြႃး ၼမ်ၼႃႇလႄႈ ၸၢင်ႈၶိုၼ်ႈၸၢင်ႈလူင်း လႆႈတင်း သဵၼ်ႈတၢင်းသွင်ၽၢႆႇယဝ်ႉ။ ပေႃးဝႃႈၸဝ်ႈၵဝ်ႇ ပဵၼ်ၵူၼ်ႈၼွၵ်ႈမိူင်းသေ ပေႃး ၵႂႃႇၸွမ်း ၵူၼ်းပိုၼ်ႉတီႈၼႆ ၽွင်းလတ်းၶၢမ်ႈ ႁူင်းပလိၵ်ႈ ဢၼ်ဢမ်ႇပေႃးၵႆ တင်း ၵိၼ်ႇပုၼ်းၼၼ်ႉၼႆ သိူင်ႇတူဝ်ဝႆႉတႃႉ။

ရူတ်ႉတၢင်ႇ ၵူၼ်းမႃးဝႆႉၽြႃး တႃႇၶိုၼ်ႈၼိူဝ်လွႆ ၵျႅၵ်ႉထီးယူဝ်း

လုၵ်ႉတီႈ ၵိၼ်ႇပုၼ်း သေ မီးရူတ်ႉ ဢၼ်တၢင်ႇလႆႈၵူၼ်း ထိုင် 45 ၵေႃႉ လႆႈၼင်ႈသိပ်ႉၵၼ်သေ ဢၼ်ၶိုၼ်ထိုင် တီႈၼိူဝ်လွႆ ၵျႅၵ်ႉထီးယူဝ်း ၼၼ်ႉယဝ်ႉ။ ပေႃးဝႃႈ ၵူၼ်းတဵမ်ယဝ်ႉၼႆႉ လုၵ်ႉတီႈ 3 တႃႈရူတ်ႉ ၵိၼ်ႇပုၼ်း သေဢွၵ်ႇ၊ ပေႃးပဵၼ်ၶၢဝ်းၵူၼ်းဢမ်ႇပေႃးၼမ်တႄႉ တေလႆႈပႂ်ႉၶၢဝ်းယၢမ်းႁိုင်ႈဝႆႉ။ တွၼ်ႈတႃႇ ၶၢဝ်းတၢင်း ၼိုင်ၽၢႆႇၼႆႉ လႆႈပၼ် 1,500 ၵျၢပ်ႈ (ၶိုင်ႈတၢင်း) ဢမ်ႇၼၼ် 2,000 ၵျၢပ်ႈ (တေႃႇထိုင် ၸိၵ်းလွႆ)။ သင်ၸိူဝ်ႉၵဝ်ႇဝူၼ်ႉဝႃႈ တေလူၵ်းတေၶီႇ ရူတ်ႉၸိူၵ်ႈ ဢၼ်ၵႂႃႇတမ်းပၼ် ၶိုင်ႈတၢင်းသေၼႆတႄႉ ၸဝ်ႈၵဝ်ႇ လူဝ်ႇသိုပ်ႇပႆၶိုၼ်ႈၵႂႃႇ တႃ 45 တႃ ယဝ်ႉ။ ၵူၺ်းၵႃႈဝႃႈ လွင်ႈႁႃရူတ်ႉ ဢၼ်ၵူၼ်းဝႆႉၽြႃး တဵမ် ၼႆႉ မၼ်းတိူဝ်းယၢပ်ႇ တႃႇၵႂႃႇၶၢဝ်းတၢင်းၼိုင်ႈၶိုင်ႈ။

ဢၼ်ပိၼ်ႈၽူၼ်ၵၼ်တင်း ဢၼ်ၼႆႉတႄႉ မၢင်ပွၵ်ႈမၢင်လႂ် ထူဝ်းရိတ်ႉၶဝ်ၼႆႉ ၵူၺ်ႈၵႂႃႇတႃႇၶၢဝ်းတၢင်း ၼိုင်ႈၶိုင်ႈသေ ပဵၼ်တႃႇပၼ်ၽွၼ်းလီ ၸိူဝ်းပဵၼ် ၵူၼ်းတဵင်ႇႁၢပ်ႇ ၼၼ်ႉ ၼႆယဝ်ႉ။ ပဵၼ်ႁိုဝ်ပဵၼ် ၸဝ်ႈၵဝ်ႇလူဝ်ႇလႆႈႁဵတ်ႈ ႁႂ်ႈမၼ်းငမ်ႇမႅၼ်ႈၵၼ်လီ။ တွၼ်ႈတႃႇဝႄႈ လွင်ႈၵိုတ်းၶမ်ဝႆႉတီႈၼိူဝ်လွႆၼၼ်ႉ ၶၢဝ်းယၢမ်းပိုၼ်ႉတီႈ မွၵ်ႈ 6 မူင်း ၼၼ်ႉၼႆ ၸဝ်ႈၵဝ်ႇ လူဝ်ႇၵူတ်ႇတူၺ်း ရူတ်ႉလိုၼ်းသုတ်း ဢၼ်တေလုၵ်ႉတီႈၼိူဝ်လွႆ လူင်းၼၼ်ႉယဝ်ႉ။

ရူတ်ႉၸိူၵ်ႈ (cable car) ၵေႃႈမီးဝႆႉသေ တွၼ်ႈတႃႇ ဢွင်ႈတီႈ ၶိုင်ႈတၢင်းၼိုင်ႈၼႆႉ တေလႆႈပၼ် 10,000 ၵျၢပ်ႈ တႃႇသၢႆလဵဝ် ဢမ်ႇၼၼ် 14,000 တင်းၵႂႃႇတင်းမႃး။ ပေႃးဝႃႈ ၸဝ်ႈၵဝ် ပၼ်ဝႆႉတႃႇၵႂႃႇထိုင်တီႈၸိၵ်းလွႆၼႆတႄႉ ယႃႇပေလူင်ႈတီႈ ၶိုင်ႈတၢင်း။

လုၵ်ႉတီႈၵိၼ်ႇပုၼ်းသေ ၸၢင်ႈပႆတၢင်းၶိုၼ်းလွႆသေ တေဢဝ်ၶၢဝ်းယၢမ်း 4-5 ၸူဝ်းမူင်းၼႆႉယဝ်ႉ။ ၶၢဝ်းၽူၼ်ၵေႃႈ ၸဝ်ႈၵဝ်ႇတိုၵ်ႉၸၢင်ႈပႆၸွမ်းတၢင်းသေ တေလူဝ်ႇတူၺ်ယူႇ။ ပေႃးၼၼ်တႄႉ တေဢၢပ်ႈမီး ၸဝ်ႈၵဝ်ႇၵေႃႉလဵဝ်ၵူၺ်းၵႂႃႈ။ တေလႆႈၵၢၼ်ထူပ်းမိုဝ်းၶိုၵ်ႉၶႅမ်ႉ၊ တေၸၢင်ႈလႆႈႁၼ် ၵူၼ်းၽိတ်ႈမွၵ်ႈၸဝ်ႈၵဝ်ႇ ၵိၼ်ၼမ်ႉၼဵင် ၽွင်းပႂ်ႉ တႃႇဢၢပ်ႇၼမ်ႉ ။

ပေႃးပဵၼ်တၢင်ႇၶၢဝ်းတႄႉ လွင်ႈပႆတၢင်းၶိုၼ်ႈလွႆၼႆႉ ပဵၼ်ၵၢၼ်ထူပ်းမိုဝ်းၶိုၵ်ႉၶႅမ်ႉဢၼ်ၼိုင်ႈသေ ၸဝ်ႈၵဝ်ႇတေၸၢင်ႈလႆႈ ဢူၺ်းၵေႃႉမႂ်ႇ ၸိူဝ်းပႆတၢင်းၶိုၼ်ႈမိူၼ်ၵၼ်ၼၼ်ႉ။ ၸွမ်းသဵၼ်ႈတၢင်းၼၼ်ႉ တေလႆႈႁၼ် လၢၼ်ႉဢွၼ်ႇဢိတ်း ၸိူဝ်းၶၢႆ ၼမ်ႉ လႄႈ ၶူဝ်းတွၼ်ႈၶွင်ၽၢၵ်ႇ (ဢၼ်ဢဝ် မိုဝ်းႁဵတ်းဝႆႉ) လႄႈ ၸဝ်ႈၵဝ်ႇ တေလႆႈႁၼ် မီးဢွင်ႈတီႈ တင်းၼမ် တီႈဢၼ်ၸဝ်ႈၵဝ်ႇ ၸၢင်ႈလိုဝ်ႈၼၼ်ႉ။ တီႈတၢင်းဢၼ်ၸဝ်ႈၵဝ်ႇ လတ်းၵႂႃႇၼၼ်ႉ တေမီး ႁူင်းႁဵၼ်းသေ ၸဝ်ႈၵဝ်ႇ တေၸၢင်ႈမုင်ႈႁၼ်လႆႈ ၸၢတ်ႈပၢၼ် ဢၼ်ဢမ်ႇတဵမ်ထူၼ်ႈၼၼ်ႉယူႇ။ လူဝ်ႇၽၢင်ႉဝႆႉတႄႉ ပႃးၵႂႃႇၼမ်ႉၵိၼ် (တီႈၸွမ်းတၢင်းၵေႃႈ ၸၢင်ႈသိုဝ်ႉလႆႈယူႇ) လႄႈ ဢဝ်ပႃးဝႃႈ ၶရိမ်ႇႁႄႉလႅတ်ႉ၊ ယွၼ်ႉပိူဝ်ႈဝႃႈ မၼ်းမႆႈၼႃႇဢႃးလႃႈ။ ၵိၼ်တူၺ်း ၼမ်ႉၵတ်းၼမ်ႉဝၢၼ် ၸိူဝ်းႁဵတ်းတီႈႁိူၼ်းသေၶၢႆၼၼ်ႉလႄႈ။

ယဝ်ႉၵေႃႈ တေၸၢင်ႈ ၼင်ႈၼိူဝ်တင်ႇဢၼ်ပိူၼ်ႈႁၢမ်ၶိုၼ်ႈလွႆၼၼ်ႉ၊ တေလႆႈပၼ် မွၵ်ႈ $US8 ၼႆႉ။ သင်ၸိူဝ်ႉဝႃး ပဵၼ်ထူဝ်းရိတ်ႉမဵဝ်း ပီးႁႅင်းတႄႉ ၶႂ်ႈပၼ်တၢင်းၶႆႈၸႂ်ဝႃႈ ယႃႇပေၸၢမ်းတူၺ်း၊ ဝူၼ်ႉသွၼ်ႇၼင်ႇတူဝ်ၸဝ်ႈၵဝ်ႇၽွင်ႈလႄႈ။

တူၺ်း

ဢဝ်ၶမ်း တဵၵ်းဝႆႉတီႈ မၢၵ်ႇႁိၼ်

• 1 မၢၵ်ႇႁိၼ်ၶမ်း။ ယွၼ်ႉ သီ မၢၵ်ႇႁိၼ် လႄႈ ၵူၼ်းမႃးလူႇမႃးဝႆႈ ဢၢၼ်ႇႁူဝ်ႁဵင်မၼ်း တဵမ်ဝႆႉယူႇ တီႈၸိၵ်းလွႆၼၼ်ႉၵူၺ်း ပေႃးလီထၢင်ႇယႂ်ႇၼႃႇယဝ်ႉ။ ၵႂၢမ်းဢပုမ်ႇလၢတ်ႈဝႃႈတႄႉ ဢဝ်သဵၼ်ႈၶူၼ်ႁူဝ် ၽြႃးပဵၼ်ၸဝ်ႈ သွင်သဵၼ်ႈသေ ထိင်းဝႆႉပၼ် ႁႂ်ႈမၢၵ်ႇႁိၼ်ၼၼ်ႉ ၼိမ်မၼ်ႈလီ ဝႃႈၼႆယဝ်ႉ။ တီႈႁိမ်းမၢၵ်ႇႁိၼ်ၼၼ်ႉ ၸဝ်ႈၵဝ်ႇ တေၸၢင်ႈသိုဝ်ႉလႆႈ မႆၶႅပ်းၶမ်း တႃႇၵႂႃႇတဵၵ်းၶမ်းတီႈ မၢၵ်ႇႁိၼ်းၶမ်းၼၼ်ႉ၊ ၵူၺ်းၵႃႈ ၼၢင်းယိင်းတႄႉ ဢမ်ႇလႆႈၵႂႃႇတဵၵ်း၊ ၶမ်း တႃႇ 5 ၶႅပ်း ၼႆႉ လႆႈပၼ် 1,800 ၵျၢပ်ႈ။ ဢမ်ႇပၼ်ဢဝ် ၵွင်ႈထႆႇၵႂႃႇ။ ၶႂ်ႈပၼ်တၢင်းၶႆႈၸႂ် ႁႂ်ႈႁွတ်ႈၽႅဝ်ၸဝ်ႉၸဝ်ႉသေ တူၺ်း ၽွင်းလႅတ်ႇဢွၵ်ႇ၊ တီႈ ၵိၼ်ႇပုၼ်းတႄႉ တေဢမ်ႇၸၢင်ႈႁၼ်လႆႈ။ ပေႃးဝႃႈ ၵႂႃႇၺႃး ၶၢဝ်းၽူၼ်တႄႉ ၵူၺ်းတေလႆႈႁၼ် ႁၢင်ႈငဝ်း မၢၵ်ႇႁိၼ် တီႈၼႂ်း မွၵ်ႇၵုမ်ႈ။ 10,000 ၵျၢပ်ႈ (ၸႂ်ႉလႆႈ တႃႇ 1 ဝၼ်း)။ (ဢၢပ်ႉတဵတ်ႉဝႆႉ မိူဝ်ႈ သႅပ်ႇ 2018)

ဝၢၼ်ႈၵျႅၵ်ႉထီးယူဝ်း

• 2 ဝၢၼ်ႈၵျႅၵ်ႉထီးယူဝ်း။ ဝၢၼ်ႈ ဢၼ်မီးတီႈ ၽၢႆႇလင် မၢၵ်ႇႁိၼ်ၶမ်းၼၼ်ႉ ပဵၼ်ဢၼ်လီၶဝ်ႈၸႂ် သေ ၸၢင်ႈလိုဝ်ႈႁိူဝ်ႉလိုဝ်ႈၸႂ် သေတႃႉ ၸွမ်းသၼ်လွႆၼၼ်ႉ မီးဝႆႉ ၶူဝ်လႆႈ ဢၼ်ၶိုၼ်ႈဢၼ်လူင်းယူႇယဝ်ႉ။ ၸဝ်ႈၵဝ်ႇၸၢင်ႈသိုဝ်ႉလႆႈ တိပ်းတိပ်းတွပ်းတွပ်း၊ ၸၢင်ႈၵိၼ်လႆႈ ၵေႃႇၾီႇ၊ ၼမ်ႉမၢၵ်ႇဢုၼ် ဢမ်ႇၼၼ် တၢင်းၵိၼ်မၢၵ်ႈ၊ တေလႆႈႁၼ် တူဝ်တၢႆသတ်း ဢၼ်ၽႅၼ်ႁွႆႈဝႆႉ ဢၼ်တေၸၢင်ႈတူၵ်းၸႂ်။ ဢၼ်ၼႆႉၼႆႉ ပဵၼ်တေႃႇၼႃႈၵၼ်တင်း ဢွင်ႈတီႈၵွင်းမူး၊ ပေႃးၸဝ်ႈၵဝ်ႇ ၶႂ်ႈပႆတၢင်းထႅင်ႈၼႆတႄႉ ယႃႇပေဢဝ် ၶႅပ်းတိၼ်သွၵ်းတိၼ်ၸဝ်ႈၵဝ်ႇဝႆႉတီႈၼႂ်း တိူၵ်ႈဝႆႉ တီႈတႄႇမၼ်းၼၼ်ႉ။ ပေႃးၸဝ်ႈၵဝ်ႇ ဢမ်ႇပေႃးၵၢၼ်သုၵ်ႉၼႆတႄႉ ထၢမ်တူၺ်း တၢင်းၵႂႃႇ ၼမ်ႉတူၵ်းတၢတ်ႇလႄႈ။ 

ႁဵတ်း

• 1 ပီႇယႃႇ ရေးဝႃး (Beer River) (ပႆလူင်းၵႂႃႇၸွမ်း သဵၼ်ႈတၢင်းလွႆၵျႅၵ်ႉထီးယူဝ်း တီႈၵိၼ်ႇပုၼ်း၊ တေႃႇၸဝ်ႈၵဝ်ႇပေႃးထိုင် မႄႈၼမ်ႉ။ မီးဝႆႉတီႈႁိမ်း ႁူင်းႁႅမ်း လူတ်းတတ်းတတႃး။)။ ပီႇယႃႇရေးဝႃး ၼႆႉ ပဵၼ် ဢွင်ႈတီႈလုၺ်းၼမ်ႉဢွၼ်ႇ ဢၼ်ၼိုင်ႈသေ မီးဝႆႉ လၢၼ်ႉတၢင်းၵိၼ် လႄႈ ၿႃး ၸိူဝ်းၼႆႉယဝ်ႉ။ ၸဝ်ႈၵဝ်ႇ ၸၢင်ႈၼင်ႈတီးၽိူၼ် ဢၼ်ၼမ်ႉပဵင်းႁူဝ်ၶဝ်ႇ၊ မၢင်ၸိူဝ်းတႄႉ မီးၼႂ်းႁူမ်ႈ။ ၼမ်ႉတီႈၼၼ်ႈ သႅၼ်ႈသႂ်လီသေ ပဵၼ် ဢွင်ႈတီႈလီ တီႈၵတ်းယဵၼ် တွၼ်ႈတႃႇ ဝၼ်းဢၼ်မႆႈႁွၼ်ႉၼၼ်ႉယဝ်ႉ။ 

သိုဝ်ႉ

တီႈဢွင်ႈတီႈ ၽၢႆႇၼႃႈ လႄႈ ၽႃႇလင် ၵွင်းမူးၼၼ်ႉ မီးဝႆႉ ဢွင်ႈၶၢႆ၊ လၢၼ်ႉၶၢင်ႈတၢင်းတင်းၼမ်သေ ၶၢႆတိပ်းတိပ်းတွပ်းတွပ်း တွၼ်ႈတႃႇ ၵူၼ်းမႃးဝႆႉၽြႃး၊ ၸိူဝ်းလူဝ်ႇၵေႃႈၶၢႆ ဢမ်ႇလူဝ်ႇၵေႃႈၶၢႆယဝ်ႉ။

ဢွင်ႈတီႈၸၢႆႇၵၢတ်ႇ တီႈ ၵိၼ်ႇပုၼ်းၼၼ်ႉတႄႉ ပဵၼ်တီႈၶၢမ်ႇၶႅၵ်ႇ တွၼ်ႈတႃႇ ၵူၼ်းမႃးဝႆႈၽြႃး လႄႈ ထူဝ်းရိတ်ႉၶဝ်ယဝ်ႉ။ ၶူဝ်းတွၼ်ႈတႃႇဢွၵ်ႇၶၢဝ်းတၢင်း လႄႈ ၾႅတ်ႇသျိၼ်ႇ၊ တၢင်းလိၼ်ႈ ဢၼ်ဢဝ်မႆႉႁဵတ်း၊ ၶူဝ်းတွၼ်ႈ ဢၼ်ဢဝ်ၽႅၼ်ႇမၼ်ႈႁဵတ်း (ထူင်၊ မၢၵ်ႇၼင် ၸၵႂႃႇၸိူဝ်းၼႆႉ)။

ၵိၼ်

လၢၼ်ႉတၢင်းၵိၼ် ၸိူဝ်းမီးဝႆႉႁိမ်းႁွမ်း ၵိၼ်ႇပုၼ်း လႄႈ ၵျႅၵ်ႉထီးယူဝ်းၼၼ်ႉ ၵမ်ႉၼမ်တႄႉ ၶႂ်ႈငၢႆးမိူၼ်ၵၼ်သေ မီးဝႆႉၵူႈမဵဝ်းမဵဝ်း တေဢဝ် ဢၼ်ၶၢမ်ႇၸေးၸိမ်ႇ တေႃႇ ဢၼ်ၵိၼ်ဝၢၼ်မီးဢရသႃႇ။ လၢၼ်ႉတၢင်းၵိၼ် ၵမ်ႉၼမ် တီႈ ၵျႅၵ်ႉထီးယူဝ်းၼႆႉ မီးဝႆႉ ထႅင်ႈၽၢႆႇပုၼ်ႉ ဢွင်ႈတီႈၵွင်းမူးလႄႈ ယႃႇဝႆႉ ၶႅပ်းတိၼ်/သွၵ်းတိၼ်မႃး တီႈ ႁူးၶဝ်ႈ ဢွင်ႈတီႈၵွင်းမူးၼၼ်ႉ။

တီႈၵိၼ်ႇပုၼ်းၵေႃႈ မီးဝႆႉ လၢၼ်ႉတၢင်းၵိၼ်ၶိုၵ်ႉၶႅမ်ႉ ဢၼ်တႃႇလိူၵ်ႈၵိၼ် ဢၼ်မီးၸမ်ၵၼ်တင်း တီႈၵိုတ်းရူတ်ႉတၢင်ႇၵူၼ်း။ ၵမ်ႉၼမ်တႄႉ လႆႈတၢင်းၵိၼ်ၶႄႇ လႄႈ တၢင်းၵိၼ် တႃႈလိူဝ်ႇ။ တီႈႁိမ်း ရူတ်ႉၵိုတ်းၼၼ်ႉ မီးဝႆႉ KFC ။

ဢွၵ်ႉ

ပေႃးပဵၼ်တီႈ ၵိၼ်ႇပုၼ်းတႄႉ ၸၢမ်းတူၺ်းတီႈ လၢၼ်ႉတၢင်းၵိၼ် ဢၼ်ၵူၼ်းၵိုၼ်းၼၼ်ႉလႄႈ။ တီႈၼိူဝ်ၵျႅၵ်ႉထီးယူဝ်းတႄႉ ၶႂ်ႈပၼ်တၢင်းၶႆႈၸႂ် ၸူး ႁူင်းႁႅမ်းၸိၵ်းလွႆ ယူႇ။

ၼွၼ်း

ၸဝ်ႈၵဝ်ႇ တေၸၢင်ႈၼွၼ်းလႆႈတီႈ ၵျွင်းၽြႃး တီႈၵျႅၵ်ႉထီးယူဝ်း ဢိၵ်ႇတင်း ၵူၼ်းမႃးဝႆႈၽြႃး ဢၢၼ်ႇႁူဝ်ႁဵင်မၼ်းၼၼ်ႉ။ ၵူၺ်းၵႃႈဝႃႈ ယွၼ်ႉပိူဝ်ႈ မၼ်းၵတ်းလႄႈ လူဝ်ႇဢဝ်ၵႂႃႇၽႃႈသိူဝ်ႇ၊ ထူင်ၽႃႈၼွၼ်း ၸိူဝ်းၼႆႉယဝ်ႉ။ သုတ်းၸိူဝ်းၼႆႉၵေႃႈ ၸၢင်ႈလူဝ်ႇယူႇ။ လူဝ်ႇႁၢင်ႈႁႅၼ်းဝႆႉတႃႇ ပေႃးၽူၼ်မႃး။ ၽွင်းၶၢဝ်းၵူၼ်းမႃးလူႇမႃးဝႆႈၼမ်ၼၼ်ႉ တွၼ်ႈတႃႇႁႃတီႈၼွၼ်း ဢၼ်ဢမ်ႇၸႂ်ႈတီႈ ၵူၼ်းပႆဢမ်ႇထၢတ်ႇၼၼ်ႉတႄႉ တေၶႂ်ႈယၢပ်ႇယဵၼ်းဝႆႉယူႇ။ ပေႃးဝႃႈ သၢႆငၢႆၽူၼ်လူမ်းလီတႄႉ ၼွၼ်းတီႈၽၢႆႇၼွၵ်ႈ တီႈ ပၢင်ႇၽၢၵ်ႈၵွင်းမူးၼၼ်ႉၵေႃႈ လႆႈသေ တေၸၢင်ႈတူၺ်းလႆႈ တၢင်းႁၢင်ႈလီ ၵွင်းမူး လႄႈ ႁိမ်းႁွမ်းယူႇ။ တေလႆႈယူႇဢိူမ်ႈၸမ်ၵၼ်တင်း ၵူၼ်းၶိူဝ်းမျၢၼ်ႇမႃႇသေ မၢင်ၸိူဝ်းၼႆႉ မေႃမိုတ်ႈၵိုတ်း သေ ပဵၼ်ဢၼ်ႁူမ်ႇလူမ်ႈလီယူႇ။

ၵျႅၵ်ႉထူဝ်ႇ

• 1 ႁူင်းႁႅမ်း ၷူဝ်းတႅၼ်းပလိတ်ႉသ် (Golden Bliss Hotel) - ☏ +95 9 8723172, +95 9 8723272။ ပဵၼ်ဢွင်ႈတီႈလိုဝ်ႈသဝ်း ဢၼ်မႂ်ႇ၊ ဢၼ်လိုဝ်ႈႁိူဝ်ႉလိုဝ်ႈၸႂ်လႆႈ ဢၼ်ယဵၼ်လီ တႃႇတေ ဝႄႈၽုင်ၵူၼ်း တီႈ ၵိၼ်ႇပုၼ်း။ မၼ်းမီးဝႆႉ ဢွင်ႈၼွၼ်းၵႂၢင်ႈ မွၵ်ႈ 20 ဢွင်ႈ လႄႈ တင်း ပင်ႇၵလူဝ်ႇ၊ ပဵၼ်ဢၼ်လူမ်ၸႂ်လီ သေ တူၺ်းထိုင်လုမ်းလႃးဝႆႉလီလီ။ တၢင်းၵိၼ်ၵၢင်ၼႂ်တႄႉ ယူဝ်းယူဝ်းသေ၊ ၸႂ်ႉလႆႈ ဝၢႆႇၾၢႆႇ၊ ၼမ်ႉဢုၼ်ႇ လႄႈ ထီႇဝီႇ သေ တီႈပင်ႇၵလူဝ်ႇ မီးဝႆႉ မီႇၼီႇၿႃး။ မီးပႃး သူၼ်မၢၵ်ႇဢူဝ်းလူင် သေၵွၼ်ႇ။ ၵူၼ်းႁဵတ်းၵၢၼ်တီႈၼၼ်ႈ မေႃမိုတ်ႈၵိုဝ်း မေႃၸွႆႈထႅမ်။ ၸိမ်းတူၺ်း ၼဵင်ႈၵူဝ်ႈတီႈၼၼ်ႈလႄႈ။ $20/25/30 (sgl/1 nite/2 nites)။ 

ၵိၼ်ႇပုၼ်း

တီႈၵႃႈၶၼ် သၢင်ႇထုၵ်ႇ

• 2 ဢိၼ်း ပၢၼ်းမျူဝ်ႉတူႇ (Pann Myo Thu Inn) (ပႆႇၵႂႃႇၸွမ်းသဵၼ်ႈတၢင်းလူင် ၵူၺ်းၵႃႈ ဢမ်ႇၸႂ်ႈသဵၼ်ႈတၢင်း ဢၼ်ၵႂႃႇၸူး တႃႈရူတ်ႉထရၢၵ်ႉ)။ ၵူၼ်းႁဵတ်းၵၢၼ်ၶဝ် မေႃမိုတ်ႈၵိုဝ်း လႄႈ မေႃၸွႆႈထႅမ်၊ လၢတ်ႈလႆႈၵႂၢမ်းဢိင်းၵလဵတ်ႈ၊ ၵႃႈၶၼ်ၵေႃႈ သင်ႇထုၵ်ႇ။ တၢင်းၵိၼ်ၵၢင်ၼႂ်၊ ၶဝ်ႈမုၼ်း၊ ၶႆႇၵႆႇ လႄႈ ၵေႃႇၾီႇ၊ တွၼ်ႈတႃႇၵူၼ်းၼိုင်ႈၵေႃႉ တေလႆႈပၼ်ထႅင်ႈ 1 USD ။ ပေႃးပဵၼ်ၶၢဝ်းၽူၼ်ၼႆတႄႉ ၶႅၵ်ႇဢၼ်မႃးၼႆႉ တေလႅပ်ႈမီးၸဝ်ႈၵဝ်ႇသေ ၵႃႈၶၼ်မၼ်းတႄႉ ငူပ်ႉငိဢဝ်လႆႈယူႇ။ ဢွင်ႈၼွၼ်း ဢၼ်မီးၽၢႆႇၼႂ်း ယူင်ႉသၢင်ႈလူင်ၼႆႉ လပ်းသိင်ႇဝႆႉ၊ ပႃးၽႃႈသိူဝ်ႇ ဢၼ်မၢင်ႇထႅပ်ႇယႅပ်ႉ လႄႈ ဢၼ်မီးဢၢႆသႅဝ်၊ တီႈၼွၼ်းပွတ်းပွတ်း၊ ၶွင်ႉၼမ်ႉဢၼ်ၸႂ်ႉႁူမ်ႈၵၼ်ၵေႃႈ ဝူၺ်ႇႁၢင်ႈ သေ တေလႆႈငိၼ်းမႃး ၵႂၢမ်းၵူႈၶေႃႈ တီႈဢၼ်ၶွင်ႉဢိူမ်ႈၵၼ် လၢတ်ႈယူႇၼၼ်ႉ။ ႁူမ်ႈဝႃႈၼၼ်သေတႃႉ ဢွင်ႈဢၼ်မီးတီႈ ယူင်ႉသၢင်ႈထူၼ်ႈသွင်ၼၼ်ႉတႄႉ တိူဝ်းၵဵင်ႈသႂ်လီ၊ တီႈယႂ်ႇလီ (တွၼ်ႈတႃႇ ၵူၼ်းသီႇၵေႃႉ) လႄႈ မီးပႃး ၽႃႈသိူဝ်ႇ လႄႈ ၶွင်ႉၼမ်ႉ ဢၼ်တိူဝ်းလူမ်ၸႂ် ၶိုတ်းၵၢပ်ႈ။ မီးပႃး ဝၢႆႇၾၢႆႇ။ တႄႇ 9,000 ၵျၢပ်ႈ၊ တႃႇ ၶွင်ႉဢၼ်ပႃး တီႈၼွၼ်း သီႇဢၼ် တီႈ ယူင်ႉသၢင်ႈ မၢႆ 2 ၼၼ်ႉ လႆႈပၼ် 40 USD ။ တွၼ်ႈတႃႇ ၵူၼ်းၼိုင်ႈၵေႃႉ 8 USD ဢမ်ႇပႃး တၢင်းၵိၼ်ၵၢင်ၼႂ်။။ 
• 3 ဢွင်ႈလိုဝ်ႈသဝ်း ꧡီးꧡႃႇ (Sea Sar Guesthouse) (မီးႁိမ်းၶၢင်ႈ တီႈဢၼ်ရူတ်ႉထရၢၵ်ႉ ဢွၵ်ႇ ၵႂႃႇၸူး ၵွင်းမူး ၵျႅၵ်ႉထီးယူဝ်း)။ မီးဝႆႉ ဢွင်ႈၼွၼ်းၵူႈမဵဝ်းမဵဝ်း၊ တႄႇဢဝ် ဢွင်ႈလပ်းသိုင်ႇ ၵဝ်ႇယွၵ်း တေႃႇထိုင် ဢွင်ႈၶိုၵ်ႉၶႅမ်ႉ လႄႈ ပင်ႇၵလူဝ်ႇသႅၼ်ႈသႂ်။ ၶဝ်မီးဝႆႉၵူႈမဵဝ်း တွၼ်ႈတႃႇ ၵူၼ်းဢမ်ႇၶႂ်ႈၸၢႆႇငိုၼ်းၼမ်၊ ထၢမ်တူၺ်း ဢၼ်ယွၼ်ႇပၼ်ၵႃႈမၼ်းလႄႈ။ ယွၼ်ႉပိူဝ်ႈ မီးႁိမ်းတႃႈရူတ်ႉထရၢၵ်ႉလႄႈ သဵင်ၵူၼ်းမႃးဝႆႈၽြႃး တႄႉ တေမႃးပၼ်လင်ဝႆႉယဝ်ႉ။ ၼႂ်းၵႃႈၶၼ်မၼ်းၼၼ်ႉ ၶဝ်ႈပႃးတႃႇ တၢင်းၵိၼ်ၵၢင်ၼႂ်၊ လႄႈ ဢိၼ်ႇထႃႇၼႅတ်ႉ။ ၵူၼ်းႁဵတ်းၵၢၼ်တီႈၼၼ်ႈ မေႃမိုတ်ႈၵိုဝ်း မေႃၸွႆႈထႅမ်။ $8/15-22 (sgl/dbl w. AC)။ 
• 4 ဢွင်ႈလိုဝ်ႈသဝ်း ၻၢႆးမုၼ်းၷူဝ်းတႅၼ်းလႅၼ်း (Diamond Golden Land Guest House) (လုၵ်ႉတီႈ တၢင်းၽႄလူင် ဢၼ်မီးၽၢႆႇႁွင်ႇ သဵၼ်ႈတၢင်းၵႂႃႇ ၵျႅၵ်ႉထီးယူဝ်းသေ ယၢၼ်ၵႆ 100 မီႇတႃႇ)။ 
• 5 ဢွင်ႈလိုဝ်ႈသဝ်း ၽၢႆႉသတႃး (5Star Guest House) (လုၵ်ႉတီႈ တၢင်းၽႄလူင် ဢၼ်မီးၽၢႆႇႁွင်ႇ သဵၼ်ႈတၢင်းၵႂႃႇ ၵျႅၵ်ႉထီးယူဝ်းသေ ယၢၼ်ၵႆ မွၵ်ႈ 130 မီႇတႃႇ)။ 

တီးၵႃႈၶၼ် ပၢၼ်ၵၢင်

• 6 ꧤေႃးၵတဵၵ်ႉၻိ သဵၼ်ႈတၢင်းလွႆၵျႅၵ်ႉထီးယူဝ်း၊ ၵိၼ်ႇပုၼ်း - ☏ +95 9 492 99899။ တီႈသင်ႇမၢႆထႃႈမၼ်းတႄႉ ႁၼ်လွင်ႈမၵ်းမၼ်ႈၸၼ်ႉထၢၼ်ႈမၼ်းသုင်ဝႆႉသေ ၼႂ်းၵႃႈ ၵႃႈၶၼ်ပၢၼ်ၵၢင်ၼၼ်ႉ ပဵၼ်ဢၼ်ၵႃႈၶၼ်သၢင်ႇထုၵ်ႇသေ တၢင်ႇၸိူဝ်း။ ယွၼ်ႉပိူဝ်ႈဢွင်ႈတီႈမၼ်း မီးၸမ်တီႈႁိမ်းတၢင်းၽႄ လႄႈ သဵင်ႈတႄႉၸၢင်ႈလင်မေႃးပၼ်း။ တႄႇ 40,000 ၵျၢပ်ႈ တွၼ်ႈတႃႇ တီႈၼွၼ်းသွင်ၵေႃႉ။ 
• 7 ႁူင်းႁႅမ်း ၷူဝ်းတႅၼ်းသၢၼ်းသျၢႆး (Golden Sunrise Hotel) (တင်း တီႈၵၢင်ၵိၼ်ႇပုၼ်း တီႈၼိူဝ်တၢင်းၵႂႃႇၵျႅၵ်ႉထီးယူဝ်းၼၼ်ႉသေ ယၢၼ်ၵၼ် 1 ၵီႇလူဝ်ႇမီႇတႃႇ၊ တေႃႇၼႃႈၵၼ်တင်း ဢွင်ႈတီႈပလိၵ်ႈၵူတ်ႇထတ်း) - ☏ +95 9 8723301, +95 9 500351, +95 9 701027, +95 9 2305559 - ✉ sales.gsrhotel@gmail.com။ ပင်ၵလူဝ်ႇ ၵႃႈၶၼ်ပၢၼ်ၵၢင် ပဵၼ်ဢၼ်ႁၢင်ႈႁႅၼ်းဝႆႉထုၵ်ႇၸႂ် ဢၼ်မီးတီႈ ၽၢႆႇၼွၵ်ႈဝဵင်း (ၵူၺ်းၵႃႈ ၸၢင်ႈပႆၵႂႃႇလႆႈငၢႆႈငၢႆႈ)။ တီႈၼႂ်း သူၼ်ၶဵဝ်ၶဵဝ်ၼၼ်ႉ မီးဝႆႉ ဢွင်ႈၵႂၢင်ႈလီ 12 ဢွင်ႈ၊ ဢႄးၵွၼ်း၊ ၶွင်ႉဢၢပ်ႇၼမ်ႉယႂ်ႇၵႂၢင်ႈ ပႃး ၼမ်ႉဢုၼ်ႇၼမ်ႉၵတ်း ဢမ်ႇၼၼ် မူၵ်ႇသိတ်းၼမ်ႉဢၢပ်ႇ၊ ထီႇဝီႇလၢဝ်ထိမ်း၊ မီႇၼီႇꧤႃး၊ ၵၢၼ်ၸွႆႈသၢင်ႈ လွႆးၶူဝ်း။ လၢၼ်ႉတၢင်းၵိၼ် လႄႈ ꧤႃး ဢိၵ်ႇတင်း တၢင်းၵိၼ် ဢေးသျႃး လႄႈ မိူင်းဝၼ်းတူၵ်း၊ ၶဝ်ႈမုၼ်း လႄႈ ၼမ်ႉၵတ်းၼမ်ႉဝၢၼ်။ $50/55 (sgl/dbl)။ 
• 8 ၶူဝ်မွၵ်ႇမူဝ် (Lotus Da Dar) သဵၼ်တၢင်းလွႆၵျႅၵ်ႉထီးယူဝ်း၊ ၵိၼ်ႇပုၼ်း (လုၵ်ႉတီး တႃႈရူတ်ႉထရၢၵ်ႉသေ ၸွမ်းသဵၼ်ႈတၢင်း လွႆၵျႅၵ်ႉထီးယူဝ်း ၵႂႃႇမွၵ်ႈ 600 မီႇတႃႇၼၼ်ႉၼႆ ၸဝ်ႈၵဝ်ႇ တေလႆႈႁၼ် မၼ်းမီးဝႆႉ ၽၢႆႇသၢႆႉၸဝ်ႈၵဝ်ႇ) - ✉ reservations@lotusdadar.com။ Check-in: 14:00 - check-out: 12:00။ ၶူဝ်မွၵ်ႇမူဝ်ၼႆႉ ပဵၼ်ပင်ႇၵလူဝ်ႇ ဢၼ်လၢၵ်ႇလၢႆးဝႆႉ ဢၼ်လႆႈ တၢင်းၵိၼ်ၶိုၵ်ႉၶႅမ်ႉ၊ ဝၢႆႇၾၢႆႇ (ပေႃးဢဝ်လၵ်းၸဵင်မၢၼ်ႈဝႃႈတႄႉ ၶိုၵ်ႉၶႅမ်ႉ)၊ လႄႈ မီးဝႆႉတီႈ တိၼ်လွႆလႄႈ ဢွင်ႈတီႈမၼ်း လူမ်ၸႂ်။ ဢွင်ႈၼွၼ်းၸိူဝ်းၼႆႉ ၵဵင်ႈသႂ်လီလႄႈ ၶၼ်ထုၵ်ႇ။ တီႈႁိမ်းၶၢင်ႈမၼ်း မီး "ပီႇယႃႇ ရေးဝႃး"။ 50,000 ၵျၢပ်ႈ။ 

ၵျႅၵ်ႉထီးယူဝ်း

• 9 ဢွင်ႈလိုဝ်ႈသဝ်း ယူဝ်းယူဝ်းလေး (မီးတီႈၼိူဝ် တၢင်းၵႂႃႇ ၵွင်းမူးၵျႅၵ်ႉထီးယူဝ်း၊ ပူၼ်ႉ ဢွင်ႈတီႈၵူတ်ႇထတ်း) - ☏ +95 9 8625177, +95 9 425316888, +95 9 32559394။ ၵႃႈၶၼ်မၼ်း သၢင်ႇထုၵ်ႇလိူဝ်သေ ႁူင်းႁႅမ်းမၼ်း ဢိတ်းဢွၼ်ႇၼိုင်ႈ၊ ၵူၺ်းၵႃႈဝႃႈ ဢမ်ႇပေႃးၵိုင်ႇၵႃႈမၼ်းၼင်ႇၵဝ်ႇ။ တႄႇ 40,000 ၵျၢပ်ႈ။ 
• 10 ႁူင်းႁႅမ်း ယူဝ်းယူဝ်းလေး (မီးၽၢႆႇလင် ၵွင်းမူးၵျႅၵ်ႉထီးယူဝ်း) - ☏ +95 9 8723082, +95 9 8625144, +95 9 49576444, +95 9 261531238 - ✉ yoeyoelayhotel3.reservation@gmail.com။ ပေႃးဢဝ်တီႈၼိူဝ်လွႆဝႃႈတႄႉ ပဵၼ်ဢၼ်ၶႅမ်ႉသေပိူၼ်ႈ ၶၼ်ထုၵ်ႇသေပိူၼ်ႈ (ၶႅမ်ႉလိူဝ် ႁူင်းလိုဝ်ႈသဝ်းမၼ်းၵွၼ်ႇ) လႄႈ မၼ်းၸမ်ႁိၼ်း ၵွင်းမူးၵျႅၵ်ႉထီးယူဝ်း။ ၶဝ်မီး ဢွင်ႈၼွၼ်း 4 ဢွင်ႈ တွၼ်ႈတႃႇ ၸုမ်းယႂ်ႇ။ ၶဝ်ႈပႃး ဝၢႆႇၾၢႆႇ လႄႈ တၢင်းၵိၼ်ၵၢင်ၼႂ်။ ႁူင်းႁႅမ်းၼႆႉ မုင်ႈဝႆႉတီႈၼိူဝ်ဝၢၼ်ႈသေ မီးတီႈပူၼ်ႉၼႃႈလိၼ် ၽြႃးယဝ်ႉ။ တႄႇ 50,000 ၵျၢပ်ႈ။ 
• 11 ႁူင်းႁႅမ်း ၸိၵ်းလွႆ (Mountain Top Hotel) (မီးတီႈ တၢင်းပႆၵႂႃႇၸူး ၵွင်းမူးၵျႅၵ်ႉထီးယူဝ်း) - ☏ +95 1 502 479။ ဢွင်ႈၼွၼ်းၶိုၵ်ႉၶႅမ်ႉ၊ ၶဝ်ႈပႃး ၼမ်ႉဢုၼ်ႇ တႃႇဢၢပ်ႇ လႄႈ တၢင်းၵိၼ်ၵၢင်ၼႂ်၊ ႁူင်းႁႅမ်း လႄႈ လၢၼ်ႉတၢင်းၵိၼ်ၼႆႉ ၵႃႈၶၼ်ယႂ်ႇဝႆႉတၢၼ်ႇတၢၼ်ႇ။ ၵူၼ်းႁဵတ်းၵၢၼ်တီႈၼၼ်ႈ မေႃၸွႆႈထႅမ် လႄႈ မေႃမိုတ်ႈၵိုဝ်း။ တႄႇ 120,000 ၵျၢပ်ႈ။ 
• 12 ႁူင်းႁႅမ်း ၵျႅၵ်ႉထူဝ်ႇ (Kyaik Hto Hotel) (မီးတီႈ တၢင်းပႆၵႂႃႇၸူး ၵွင်းမူးၵျႅၵ်ႉထီးယူဝ်း၊ ဝၢႆးသေပူၼ်ႉ ႁူင်းႁႅမ်းၸိၵ်းလွႆ ၵႂႃႇ) - ☏ +95 1 536 003။ ဢွင်ႈၼွၼ်း ယမ်းမိုၵ်း။ ၵႃႈၶၼ်မၼ်း ဢမ်ႇငူပ်ႉငိလႆႈ လႄႈ ဢမ်ႇႁၼ်မီး ၽၢင်ႁၢင်ႈ ၶိုၵ်ႉၶႅမ်ႉ၊ ၵျူးလႅၵ်ႉသ် ၼင်ႇပိုၼ်ၽၢဝ်ႇဝႆႉ ၸွမ်းၵႃႈၶၼ်မၼ်းၼၼ်ႉ။ တီႈသင်ႇမၢႆၼၼ်ႉတႄႉ ႁၼ်ပၼ်ၸွၼ်ႉမၼ်းဝႆႉ 5.9 ။ 110/135/164,000 ၵျၢပ်ႈ (ၶိုၵ်ႉသုတ်း၊ ၵျူးလႅၵ်ႉသ်၊ ပင်ႇၵလူဝ်ႇ)။ 

ၵႂႃႇထႅင်ႈ

• ပႃႇၵိူဝ် – ၸိုဝ်ႈလိုဝ်းလင် ၵွင်းမူးသုင်သုတ်း တီႈၼႂ်းၵမ်ႇၽႃႇ၊ ဢၼ်ပဵၼ် ၵွင်းမူး သူၺ်ႇမေႃႇၻေႃး။ ရူတ်ႉပၢတ်ႉသ် မိူၼ်ၵၼ်တင်း ဢၼ်ၵႂႃႇတႃႈၵုင်ႈ၊ မႂ်တိုတ်း 5,000 ၵျၢပ်ႈ၊ ၵူၺ်းၵႃႈ ၸၢင်ႈသဵတ်ႈလႆႈ ႁႂ်ႈဝႆႉပၼ် 4,000 ၵျၢပ်ႈ။
• ၽႃဢၢင်ႇ – ၸိုဝ်ႈလိုဝ်းလင် ယွၼ်ႉမီးဝႆႉ ထမ်ႈပဵၼ်လၢႆထမ်ႈ လႄႈ သိုင်ႇဝႅတ်ႉလွမ်ႉၶဵဝ်။ လုၵ်ႉတီႈၵိၼ်ႇပုၼ်းသေ မီးရူတ်ႉပၢတ်ႉသ် ဢၼ်ၽႅဝ်ၵမ်းသိုဝ်ႈ၊ ထၢမ်ႈပိူၼ်ႈတူၺ်းလႄႈ။ ၵမ်ႉၼမ်တႄႉ (လုၵ်ႉတီႈ ၵျႅၵ်ႉထီးယူဝ်း)သေ၊ ရူတ်ႉပၢတ်ႉသ် ဢၼ်ပႃး ဢႄးၵွၼ်းၼႆႉ ဢဝ်ၶၢဝ်းယၢမ်း 4 ၸူဝ်ႈမူင်း လႆႈပၼ် 5-7,000 ၵျၢပ်ႈ။ သင်ၸိူဝ်ႉဝႃႈ ၸဝ်ႈၵဝ်ႇ ဢမ်ႇတၼ်းလႆႈ ရူတ်ႉပၢတ်ႉသ် ဢၼ်ၽႅဝ် ၽႃဢၢင်ႇၵမ်းသိုဝ်ႈၼႆ ၶီႇ ရူတ်ႉပၢတ်ႉသ် မေႃႇလမႅင်ႇသေ လူင်ႈတီႈ သထူင်ႇ လုၵ်ႉတီႈၼၼ်ႈသေ ၸၢင်ႈႁႄႉၶီႇ ရူတ်ႉသွင်ထႅဝ် ဢမ်ႇၼၼ် ရူတ်ႉပၢတ်ႉသ် ၸိူဝ်းဢၼ်လူင်ႉတီႈ ၵျႅၵ်ႉထီးယူဝ်းမႃး ဢၼ်တေၵႂႃႇၸူး ၽႃဢၢင်ႇၼၼ်ႉ။
• မေႃႇလမႅင်ႇ – ၸိုဝ်ႈလိုဝ်းလင် တွၼ်ႈတႃႇ ႁုၼ်ႁၢင်ႈၽြႃးၵိင်း ဢၼ်ယႂ်ႇသေပိူၼ်ႈ ၶွင် မျၢၼ်ႇမႃႇ၊ လႄႈ မၼ်းပဵၼ်ဝဵင်းယႂ်ႇသုတ်း ထူၼ်ႈ 3 တီႈမျၢၼ်ႇမႃႇ။ 7,000 ၵျၢပ်ႈ၊ 3-4 ၸူဝ်ႈမူင်း။
• တႃႈၵုင်ႈ – ရူတ်ႉဢၼ်လုၵ်ႉၵိၼ်ႇပုၼ်းသေဢွၵ်ႇၵမ်းသိုဝ်ႈၼႆႉ ဢွၵ်ႇၶၢဝ်း 06:00၊ 08:00၊ 09:00၊ 12:00 လႄႈ 16:00 ။ ၶၢဝ်းတၢင်းၼႆႉ ႁိုင် မွၵ်ႈ 5 ၸူဝ်ႈမူင်းသေ တေတူၵ်းၸူဝ်ႈ 7-8000 ၵျၢပ်ႈ။ လုၵ်ႉတီႈ ႁူင်းႁႅမ်းသေၵေႃႈ ၸၢင်ႈသင်ႇမၢႆထႃႈဝႆႉလႆႈယူႇ။
• ၸဝ်ႈၵဝ်ႇ လႅပ်ႈတေၸၢင်ႈၶႂ်ႈဝူၼ်ႉ တႃႇၵႂႃႇၸူး လွႆၶေႃ ၵႂႃႇၸွမ်းတၢင်းၽၢႆႇႁွင်ႇ ဢၼ်လုၵ်ႉတီႈ 1 ꧤီးလိၼ်း၊ ဢၼ်မီးၽၢႆႇဢွၵ်ႇ ၵျႅၵ်ႉထီးယူဝ်း ယၢၼ် 29 ၵီႇလူဝ်ႇမီႇတႃႇ။ တီႈၽၢႆႇၸၢၼ်းလွႆၶေႃ လႄႈ ၽၢႆႇတူၵ်းၼမ်ႉၶူင်း၊ တီႈလွႆ ဢၼ်မီးတၢင်းသုင် ၼႂ်းၵႄႈ 1,000 မီႇတႃႇ လႄႈ 1,500 မီႇတႃႇၼၼ်ႉ မီးၵူၼ်းၶိူဝ်းၵယၢၼ်းၶဝ်ယူႇ၊ ၶဝ်ႈပႃး ၼၢင်းယိင်းပတွင်ႇ ဢၼ်ၸိုဝ်ႈလိုဝ်းလင် ဢၼ်ဢဝ်ဝႅၼ်တွင်းသုပ်းၶေႃး ဢၼ်ၸၼ်ႁႂ်ႈၶေႃးယၢဝ်းၼၼ်ႉ။ လုၵ်ႉဢဝ် ၵျႅၵ်ႉထီးယူဝ်း ၵႂႃႇ လွႆၶေႃၼႆႉ မီး မွၵ်ႈ 350 ၵီႇလူဝ်ႇမီႇတႃႇၼၼ်ႉသေ လုၵ်ႉတီႈ တွင်ႇငူႇ ဢမ်ႇၼၼ် လုၵ်ႉတီး တူၼ်ႈတီး သေၵႂႃႇၼႆႉ တိူဝ်းၶႅမ်ႉယဝ်ႉ။
• တႃႈလိူဝ်ႇ – ၸိုဝ်ႈလိုဝ်းလင် တႃႇၵႂႃႇဢႅဝ်ႇလႄႇ ၶူဝ်ဢူးပဵင်ႇ လႄႈ သုၵ်ႈၼႃႈၽြႃးလူင်၊ ဢိၵ်ႇတင်း ၶီႇရူတ်ႉလဵၼ်းၶိုၼ်ႈလွႆ။ တၢင်းႁိုင် 8 ၸူဝ်ႈမူင်း။ တႄႇ 10,000 ၵျၢပ်ႈ။
• ပူးၵမ်ႇ – ပဵၼ်တီႈဢၼ်ၸိုဝ်ႈလိုဝ်းလင်သေပိူၼ်ႈ တီႈၼႂ်း မျၢၼ်ႇမႃႇ၊ မီးႁိမ်းၶၢင်ႈ ၼမ်ႉၵဵဝ်။ ရူတ်ႉပၢတ်ႉၼႆႉ တေဢဝ်ၶၢဝ်းယၢမ်း မွၵ်ႈ 10-11 ၸူဝ်ႈမူင်းသေ တေတူၵ်းၸူဝ်ႈ 15,000 ၵျၢပ်ႈ။

ရူတ်ႉလဵၼ်း ဢၼ်လုၵ်ႉ ၵျႅၵ်ႉထူဝ်ႇ ၵႂႃႇ ပႃႇၵိူဝ် (7 ၸူဝ်ႈမူင်း) လႄႈ တႃႈၵုင်ႈ (9 ၸူဝ်ႈမူင်း) ၼႆႉ ဢွၵ်ႇၶၢဝ်း 12:33၊ 23:55 လႄႈ 01:30 ယဝ်ႉ။ ရူတ်ႉလဵၼ်း မေႃႇလမႅင်ႇ ဢၼ်ႁိုင် 5 ၸူဝ်ႈမူင်းၼၼ်ႉ ဢွၵ်ႇၶၢဝ်း 11:57၊ 23:20 လႄႈ 01:30။ တင်းသွင်ၽၢႆႇၼႆႉ တႃႇ တီႈၼင်ႈ ထၢၼ်ႈသုင် တေလႆႈပၼ် 2,500 ၵျၢပ်ႈ။ တွၼ်ႈတႃႇ လွင်ႈတၢင်းႁူဝ်ယွႆႈမၼ်းတႄႉ တူၺ်းတီႈ Seat61.com ဢမ်ႇၼၼ် ၵႂႃႇတီႈ တႃႈရူတ်ႉလဵၼ်း တီႈဢၼ်ၸဝ်ႈၵဝ်ႇ လူဝ်ႇလႆႈသိုဝ်ႉ မႂ်တိုတ်းၼၼ်ႉလႄႈ။