မေႃႇလမႅင်ႇ (မွၼ်း မတ်မလီု၊ မၢၼ်ႈ မော်လမြိုင်မြို့၊ ဢိင်းၵလဵတ်ႈ Moulmein ဢမ်ႇၼၼ် Mawlamyine ဢမ်ႇၼၼ် Mawlamyaing) ၼႆႉ ပဵၼ် ဝဵင်းငဝ်ႈၸိုင်ႈ ၸႄႈမိူင်းမွၼ်း ဢၼ်မီးတီႈ မျၢၼ်ႇမႃႇ ၸဵင်ႇၸၢၼ်းဝၼ်းဢွၵ်ႇ ၼၼ်ႉယဝ်ႉ။

ပွင်ႇၸႂ်

ၵျွင်းပလီႇၵဝ်ႇ တီႈ မေႃႇလမႅင်ႇ

မေႃႇလမႅင်ႇၼၼ်ႇႉ ပဵၼ်ဝဵင်းယႂ်ႇသေပိူၼ်ႈ ထူၼ်ႈသီႇ တီႈ မိူင်းမျၢၼ်ႇမႃႇ (ႁဝ်ၼပ်ႉၵူၼ်း မွၵ်ႈ 326,000) သေ ၸိုဝ်ႈလိုဝ်းလင် ၸွမ်း လွင်ႈမုင်ႈယဵမ်ႈ လႄႈ လွင်ႈၸၼ်ၸႂ်၊ ပိူင်လူင်မၼ်း ပဵၼ် ႁုၼ်ႁၢင်ႈပုတ်ထ ဢၼ်ၵိင်း ဢၼ်မီးတီႈ ၽၢႆႇၸၢၼ်းဝဵင်း 18 ၵီႇလူဝ်ႇမီႇတႃႇလႄႈ မၢၵ်ႇႁိၼ်ၶမ်း ဢၼ်မီးတီႈ ၽၢႆႇႁွင်ႇဝဵင်း 20 ၵီႇလူဝ်ႇမီႇတႃႇၼၼ်ႉယဝ်ႉ။ ပဵၼ်တီႈၵိုတ်းဢွၼ်တၢင်းသုတ်း တွၼ်ႈတႃႇ ၸိူဝ်းလုၵ်ႉမိူင်းထႆးမႃးသေ မၼ်းပဵၼ် ဢွင်ႈတီႈလီ တႃႇတႄႇၵႂႃႇ ပွတ်းတွၼ်ႈမျၢၼ်ႇမႃႇ ၸိူဝ်းၵိုတ်းဝႆႉၼၼ်ႉ။

ၵႂႃႇၸူး

လုၵ်ႉတီႈ တႃႈၵုင်ႈ၊ ၼေႇပျီႇတေႃႇ၊ တႃႈလိူဝ်ႇ ဢမ်ႇၼၼ် ပူးၵမ်ႇသေၵေႃႈ မႃးၸွမ်းၵၢၼ်တေႃႉသူင်ႇၼင်ႇၽၢႆႇတႂ်ႈၼႆႉ၊ ယႃႇပေၶၢမ်ႈပူၼ်ႉ ပႃႇၵိူဝ် ဢမ်ႇၼၼ် မၢၵ်ႇႁိၼ်ၶမ်း တီႈ ၵျႅၵ်ႉထီးယူဝ်း။ ၵူၼ်းမႃးလူႇမႃးဝႆႈၽြႃး ဢၢၼ်ႇႁူဝ်ႁဵင်မၼ်းၼႆႉ ဢွၼ်ၵၼ်လိုဝ်ႈသဝ်း တီႈၼိူဝ်ၸိၵ်းလွႆ၊ ၼၼ်ႉပဵၼ်တိုဝ်ႉတၢင်းဢၼ်ၼိုင်ႈသေတႃႉ ယႃႇလိုမ်းဢဝ် ဢၼ်တူမ်းႁူ လႄႈ ထူင်ၽႃႈသိူဝ်ႇၼွၼ်း။ ထႅင်ႈလၢႆးၼိုင်ႈတႄႉ လိုဝ်ႈသဝ်းတီႈ ဢွင်ႈလိုဝ်ႈသဝ်း တီႈ ၶိၼ်ႇပုၼ်း၊ တီႈတိၼ်လွႆၼၼ်ႉ။

တင်း ရူတ်ႉပၢတ်ႉသ်

1 တႃႈရူတ်ႉပၢတ်ႉသ်လူင် ၼႆႉ မီးဝႆႉတီႈၼိူဝ်သဵၼ်ႈတၢင်းမွင်း ဢၼ်လႆႈလတ်းဝဵင်းၵႂႃႇၽၢႆႇဢွၵ်ႇ။ ရူတ်ႉပၢတ်ႉသ်ၵမ်ႉၼမ် ၵိုတ်း (လႄႈ တႄႇဢွၵ်ႇ)တီႈၼႆႈ၊ မိူၼ်ၼင်ႇ -

• ၽႃဢၢင်ႇ – ရူတ်ႉပၢတ်ႉသ် လုၵ်ႉတီႈ ၶဵင်ႇယၢမ်းမူင်းသေဢွၵ်ႇ တၢင်းႁိုင် 2 ၸူဝ်ႈမူင်း၊ 1,000 ၵျၢပ်ႈ။
• မျႃႉဝတီႇ – ရူတ်ႉပၢတ်ႉသ် ၼႆႉ တေလႆႈပၼ် မွၵ်ႈ 5,000 ၵျၢပ်ႈ သေ တၢင်းႁိုင် 3-5 ၸူဝ်ႈမူင်း။
• တႃႈၵုင်ႈ – လုၵ်ႉတီႈ တႃႈရူတ်ႉဢွင်ႇမိင်ႇၵလႃႇ ဢၼ်မီးတီႈ ၸဵင်ႇႁွင်ႇဝၼ်းတူၵ်းတႃႈၵုင်ႈၼၼ်ႉသေ ရူတ်ႉပၢတ်ႉသ် ဢွၵ်ႇတင်းၼမ်၊ ဢွၵ်ႇၶၢဝ်း ၼႂ်းၵႄႈ 07:30 လႄႈ 21:00၊ ဢဝ်ၶၢဝ်းယၢမ်း မွၵ်ႈ 5½-7 မူင်းသေ တေတူၵ်းၸူဝ်ႈ 6,000-8,000 ၵျၢပ်ႈ။
• ၼေႇပျီႇတေႃႇ – လုၵ်ႉတီႈ တႃႈရူတ်ႉၽေႃးၵသီႇရိ ဢၼ်မီးတီႈ ၽၢႆႇဢွၵ်ႇၼေႇပျီႇတေႃႇၼၼ်ႉသေ ၸိူဝ်းပဵၼ်ရူတ်ႉပၢတ်ႉသ် သၵႅၼ်ႇၼီးယႃး ဢွၵ်ႇ 19:00 သေ ၽႅဝ်ႁွတ်ႈ 05:00၊ ၵႃႈၶၼ်မၼ်းတႄႉ တေတူၵ်းၸူဝ်ႈ 11,000 ၵျၢပ်ႈ။
• တႃႈလိူဝ်ႇ – မီးရူတ်ႉပၢတ်ႉသ် ဢၼ်လႆႈၶီႇမီးၸေးၸိမ်ႇ ဢၼ်ဢွၵ်ႇၵၢင်ၶမ်ႈ (ၶွမ်ႇပၼီႇ-သူၺ်ႇမၢၼ်ႇတလႃႇ) ၼႆႉ လုၵ်ႉတီႈ တႃႈရူတ်ႉပၢတ်ႉသ် ဢၼ်မီးတီႈ ၽၢႆႇၸၢၼ်း တႃႈလိူဝ်ႇၼၼ်ႉသေ ဢွၵ်ႇ 18:00။ တေၶဝ်ႈပႃး၊ ၽႃႈၸဵတ်ႈ၊ မွၼ်ႁူၼ်၊ ၽႃႈမႆ၊ မႆႉသီၶဵဝ်ႈ လႄႈ ၼမ်ႉ၊ ႁွတ်ႈမေႃႇလမႅင်ႇ ၶၢဝ်း 05:00၊ တီႈဢေႇသုတ်းမၼ်း ၵိုတ်းလိုဝ်ႈသွင်တီႈ။ မၼ်းၵႂႃႇတီႈၼိူဝ် သဵၼ်ႈတၢင်းၽႂ်းလူင် ဢၼ်မီးၼႂ်းၵႄႈ တႃႈလိူဝ်ႇ လႄႈ တႃႈၵုင်ႈ။ ၵႃႈၶၼ်မၼ်းတေမီးတေႃႇထိုင် 15,000 ၵျၢပ်ႈ။
• ထဝႄႇ – ရူတ်ႉပၢတ်ႉသ် လုၵ်ႉတီႈ ထဝႄႇဢွၵ်ႇ ၶၢဝ်း 10:00 လႄႈ 17:00 သေ တေတူၵ်းၸူဝ်ႈ 12,000 ၵျၢပ်ႈ။

တင်း ပိၵ်ႉၵၢပ်ႉ/ ထႅၵ်ႇၸီႇ

ၵၢၼ်တေႃႉသူင်ႇၵမ်ႉၼမ် ဢၼ်ဢမ်ႇၸႂ်ႈ ရူတ်ႉပၢတ်ႉသ် ၸိူဝ်းၶဝ်ႈမႃးတီႈ မေႃႇလမႅင်ႇၼႆႉ လုၵ်ႉတီႈ သဵၼ်ႈတၢင်းလူင် ၸဵင်ႇႁွင်ႇဝၼ်းဢွၵ်ႇသေမႃးယဝ်ႉ မႃးတမ်းပၼ်ၵူၼ်းၶီႇ ၵႃႈတီႈ 2 တီႈတၢင်းၽႄလူင် တီႈဢၼ်ၵူၼ်းၵိုၼ်းၼၼ်ႉယဝ်ႉ။

ၶၢဝ်းတၢင်း ဢၼ်လုၵ်ႉ မျႃႉဝတီႇမႃးတႄႉ တေလႆႈပၼ် မွၵ်ႈ 12,000 ၵျၢပ်ႈ (ထႅၵ်ႇၸီႇၶီႇႁူမ်ႈၵၼ်) သေ သၢႆတၢင်းတႄႉ ၶႅမ်ႉလီၼႃႇယဝ်ႉ။ တေႁိုင်လႆႈ မွၵ်ႈ 2-3 ၸူဝ်ႈမူင်း။ ၸဝ်ႈၵဝ်ႇ ၸၢင်ႈဢဝ် ငိုၼ်းထႆးသေ ပၼ်လႆႈယူႇ (ၵူၺ်းၵႃႈဝႃႈ ၸွမ်းလႅၼ်လိၼ်ၼၼ်ႉ ၸၢၵ်ႈထုၵ်ႈငိုၼ်း ATM ၵေႃႈ လိူင်ႇၼႃႇ ၵူၼ်းလႅၵ်ႈငိုၼ်းၵေႃႈ လိူင်ႇၼႃႇ)။

ပေႃးပဵၼ် ထႅၵ်ႇၸီႇၶီႇႁူမ်ႈၵၼ်တႄႉ တေၵႂႃႇတမ်းပၼ်ထိုင်တီႈ ဢွင်ႈၸဝ်ႈၵဝ်ႇ လိုဝ်ႈသဝ်းၼၼ်ႉယဝ်ႉ။

တင်း ရူတ်ႉလဵၼ်း

ၼိုင်ႈဝၼ်းၼိုင်ႈဝၼ်း တီႈ 3 တႃႈရူတ်ႉလဵၼ်း ၼႆႉ မီးရူတ်ႉလဵၼ်းသၢမ်လမ်း ဢၼ်လုၵ်ႉတီႈ တႃႈၵုင်ႈ၊ ပႃႇၵိူဝ် လႄႈ ၵျႅၵ်ႉထူဝ်ႇမႃး၊ ၽႅဝ်ႁွတ်ႈ ၶၢဝ်း 04:00၊ 06:00 လႄႈ 16:30 သေ လုၵ်ႉတီႈ တႃႈၵုင်ႈ လႄႈ ပႃႇၵိူဝ် ဢွၵ်ႇထႃႈမွၵ်ႈ 9 ၸူဝ်ႈမူင်း ဢမ်ႇၼၼ် 7 ၸူဝ်ႈမူင်းယဝ်ႉ။ ၵႃႈၶၼ် တွၼ်ႈတႃႇ တီႈၼင်ႈထၢၼ်ႈသုင်ၼႆႉ ၵူၺ်းလႆႈပၼ် 4,250 ၵျၢပ်ႈ တွၼ်ႈတႃႇ ၶၢဝ်းတၢင်း တၢင်းၵႆ 281 ၵီႇလူဝ်ႇမီႇတႃႇ ဢၼ်လုၵ်ႉတီႈ တႃႈၵုင်ႈမႃး။ မႂ်တိုတ်းမၼ်းၼႆႉ လူင်ႈၼႃႈၶၢႆဝႆႉထႃႈ သၢမ်ဝၼ်း၊ ၶၢႆတီႈ လုမ်းမႂ်တိုတ်း ဢၼ်မီးတီႈၼႂ်း ဝဵင်း။

တင်း ႁိူဝ်း

တီႈၼႂ်းၵႄႈ ၽႃဢၢင်ႇ လႄႈ မေႃႇလမႅင်ႇၼၼ်ႉ မီးၶၢဝ်းတၢင်း ႁိူဝ်းသေတႃႉ ၵႃႈၶၼ်မၼ်း ၼမ်ၼိူဝ်သေ ရူတ်ႉပၢတ်ႉသ် လႄႈ ရူတ်ႉလဵၼ်း - 70,000 ၵျၢပ်ႈ (ၶွင်ႉသုၼ်ႇတူဝ်) ဢမ်ႇၼၼ် ၼိုင်ႈၵေႃႉ 10,000 ၵျၢပ်ႈ (ၶီႇႁူမ်ႈၵၼ်၊ ၼႆႉပဵၼ် ၶၼ် မိူဝ်ႈၾႅပ်ႇဝႃႇရီႇ 2019)။ ႁူမ်ႈဝႃႈၼၼ်သေတႃႉ ၶဝ်ၵမ်ႉထႅမ်ပၼ် ၶၢဝ်းတၢင်း ဢၼ်လႆႈႁၼ် တၢင်းႁၢင်ႈလီသၽႃႇဝ ၸွမ်း သၢႆၼမ်ႉ ဢၼ်ၶိုၼ်ႈဢၼ်လူင်း။ Elegant Myanmar ၶၢႆ မႂ်ႇတိုတ်း တွၼ်ႈတႃႇ ၶၢဝ်းတၢင်း 08:30 ၊ ၶၢႆတီႈ လုမ်းၶဝ် ဢၼ်မီးႁိမ်းၶၢင်ႈ YKKO တီႈၽၢႆႇၸၢၼ်း ၵၢတ်ႇၵၢင်ၶမ်ႈ။ ထႅင်ႈလၢႆးၼိုင်ႈတႄႉ ထၢမ် တီႈ ႁူင်းလိုဝ်ႈသဝ်း ဢၼ်ၸဝ်ႈၵဝ်ႇလိုဝ်ႈသဝ်းၼၼ်ႉ ဢမ်ႇၼၼ် တီႈ Breeze Inn Guesthouse ၵေႃႉဢၼ်ႁေႃႈႁိူဝ်း။ တၢင်းႁိုင်ၶၢဝ်းတၢင်းၼႆႉ တေမီး 4 ၸူဝ်ႈမူင်း။ ပေႃးပဵၼ်ၶၢဝ်းႁႅင်ႈတႄႉ တေၸၢင်ႈတိူဝ်းႁိုင်မွၵ်ႈ 2 ၸူဝ်ႈမူင်း ဢမ်ႇၼၼ် 5 ၸူဝ်ႈမူင်း ၶဝ်ႈပႃး ၸိူဝ်းတီႈလႆႈၵိုတ်းၸွမ်း ဝၢၼ်ႈဢွၵ်ႇ တွၼ်ႈတႃႇ ဢႅဝ်ႇလႄႇ ၵျွင်းမုၼ်ၸဝ်ႈ တင်း ၵျွင်းၽြႃး (ၾႅပ်ႇ 2019)။

ၸွၼ်ႇ

ပႆတိၼ်

ပႆတိၼ်လႄႇ ၼႆႉ တေပဵၼ်ၵၢၼ်လိူၵ်ႈသၢင်ႈဢၼ်ၼိုင်ႈ တႃႇတီႈၼႂ်းၵၢင်ဝဵင်း၊ ၵူၺ်းၵႃႈ မေႃႇလမႅင်ႇၼႆႉ မၼ်းပဵၼ် တၢင်းယၢဝ်း ဢၼ်မီး 5.5 ၵီႇလူဝ်ႇမီႇတႃႇ ၸွမ်း သၢႆမႄႈၼမ်ႉ။

တင်း ရူတ်ႉၶိူင်ႈ

တီႈၼႂ်းဝဵင်းၼႆႉ မီး ထႅၵ်ႇၸီႇရူတ်ႉၶိူင်ႈ၊ သၢမ်လေႃႉ၊ ရူတ်ႉပိၵ်ႉၵၢပ်ႉ ၸိူဝ်းၼႆႉသေ၊ ပိူင်လူင်မၼ်း မီးတီႈ ၵၢတ်ႇလူင်။ သေၵေႃႉၵေႃႉ တေမႃးလၢတ်ႈၸဝ်ႈၵဝ်ႇ တႃႇ ၸၢင်ႈရူတ်ႉ၊ ပေႃးပဵၼ်တီႈၼႂ်းဝဵင်းတႄႉ ၵႃႈၶၼ်မၼ်း ဢမ်ႇထုၵ်ႇပၼ်လိူဝ် 350 ၵျၢပ်ႈ။

ပေႃးတေၵႂႃႇတီႈ တႃႈရူတ်ႉပၢတ်ႉသ်၊ တႃႈရူတ်ႉလဵၼ်း ဢမ်ႇၼၼ် တၢင်းၽႄႈ တီႈၵၢင်ဝဵင်း ၼႆႉ တွၼ်ႈတႃႇ ၵၢၼ်တေႃႉသူင်ႇၼႆႉ ယႃႇပေပၼ်လိူဝ် 700 ၵျၢပ်ႈ (ရူတ်ႉၶိူင်ႈ/သၢမ်လေႃႉ)။ ၵူၼ်းႁေႃႈတုၵ်ႉတုၵ်ႉၼႆႉ တွၼ်ႈတႃႇၶၢဝ်းတၢင်း သွင်လၵ်းၼႆႉ ၶဝ်တေယွၼ်းထိုင် 3,000 ၵျၢပ်ႈ၊ မၼ်းၼမ်ၼႃႇဢႃးလႃး။

တင်း ၸုမ်းသူင်ႇလႄႇ

ၸဝ်ႈၵဝ်ႇ ၸၢင်ႈဢဝ် ၸုမ်းသူင်ႇလႄႇ ဢိၵ်ႇတင်းတုၵ်ႉတုၵ်ႉသေ ဢႅဝ်ႇလႄႇႁိမ်းႁွမ်းၼႆ တေလႆႈပၼ် 25,000 ၵျၢပ်ႈ (3-4 ၸူဝ်ႈမူင်း) - ၵူၺ်းၵႃႈဝႃႈ ပေႃးလႆႈပၼ် ၶိုင်ႈၼၼ်ႉတႄႉ တေလႆႈဝႃႈ ပဵၼ်ဢၼ်သၢင်ႇထုၵ်ႇယူႇ။ ၸဝ်ႈၵဝ်ႇ ၶႂ်ႈၵႂႃႇဢႅဝ်ႇလႄႇတီႈလႂ် ဢၼ်ဝႃႈၼၼ်ႉ ၸဝ်ႈၵဝ်ႇၸၢင်ႈလၢတ်ႈ ၵူၼ်းႁေႃႈရူတ်ႉလႆႈယူႇ။

တူၺ်း

ဢွင်ႈတီႈၸိုဝ်ႈလိုဝ်းလင် ဢၼ်ပဵၼ် ႁင်းမေႃႇလမႅင်ႇၼႆႉ ၵမ်ႉၼမ် မီးဝႆႉၽၢႆႇၼွၵ်ႈဝဵင်း၊ ၵူၺ်းၵႃႈဝႃႈ လွင်ႈဢႅဝ်ႇလႄႇဢွင်ႈတီႈ ၸိူဝ်းမီးတီႈၼႂ်းဝဵင်း (ၶဝ်ႈပႃး ၵၢတ်ႇလႄႈ လၢၼ်ႉတၢင်းၵိၼ်)ၼၼ်ႉၵေႃႈ ၶႂ်ႈဝႃႈတင်းဝၼ်းယူႇၼင်ႇၵဝ်ႇ။

ၵွင်းမူး ၵျႅၵ်ႉတၢၼ်ႇလၢၼ်ႇ ၽွင်းလႆႈႁၼ် ယၢမ်းၶမ်ႈ

• 1 ၵွင်းမူး ၵျႅၵ်ႉတၢၼ်ႇလၢၼ်ႇ။ မီးဝႆႉတီႈၼိူဝ်လွႆသေ ၸိုဝ်ႈလိုဝ်းလင် ၸွမ်း တီႈမုင်ႈယဵမ်ႈၶိုၵ်ႉၶႅမ်ႉမၼ်း လႄႈ ဢွင်ႈတီႈတူၺ်းလႅတ်ႇၶဝ်ႈၼႆႉ မီးဝႆႉတီႈ ၵွင်းမူး တီႈၼိူဝ်လွႆ ဢၼ်မီး ၽၢႆႇ ပွတ်းႁွင်ႇ(ဢွၵ်ႇ)ဝဵင်းၼၼ်ႉယဝ်ႉ။ 
• 2 ၽြႃး မႁႃႇမုၼိ (မီးႁိမ်းၶၢင်ႈ (ၽၢႆႇႁွင်ႇ) ၵွင်းမူးၵျႅၵ်ႉတၢၼ်ႇလၢၼ်ႇ ဢၼ်ၸၢင်ႈမုင်ႈႁၼ်လႆႈ မေႃႇလမႅင်ႇ)။ ၽြႃးၵွင်းမူး ဢၼ်မီးဝႆႉ ႁုၼ်ႁၢင်ႈပုတ်ႉထ ဢၼ်ဢႃႇယုမီး ၼိုင်ႈပီႁူဝ်ပၢၵ်ႇ ဢၼ်ထုတ်ႇမိူၼ်ၵၼ်တင်း ၽြႃးမႁႃႇမုၼိ ဝဵင်းတႃႈလိူဝ်ႇ (ဢၼ်ၸိုဝ်ႈလိုဝ်းလင် လွင်ႈသုၵ်ႈၼႃႈၽြႃး ၵၢင်ၼႂ်တဵမ်ၸဝ်ႉ)။ တီႈၼႆႈၼႆႉၸဝ်ႈၵဝ်ႇ တေၸၢင်ႈတိူဝ်းႁၼ်လႆႈ လွင်ႈမုင်ႈယဵမ်ႈ ႁုၼ်ႁၢင်ႈၽြႃးပုတ်ႉထ၊ ၼၢင်းယိင်းၶဝ်ၵေႃႈ ၸၢင်ႈၵႂႃႇၸူးလႆႈၸမ်ၸမ် သေ မီးထူဝ်းရိတ်ႉၵမ်ႈၽွင်း ၼိူင်းၵၼ်တင်း ဝဵင်းတႃႈလိူဝ်ႇ၊ ၵူၺ်းၵႃႈ တီႈၼႆႈတႄႉ ဢမ်ႇမီး လွင်ႈသုၵ်ႈၼႃႈ ၽြႃးပဵၼ်ၸဝ်ႈ။ ႁူမ်ႈဝႃႈၼၼ်သေတႃႉ ၶမ်း ဢၼ်တဵၵ်းဝႆႉတီႈ တူဝ်ၽြႃးၼႆႉ မၼ်းၵေႃႈ ၶႂ်ႈၼႃထၢၼ်ႇတီႈ ဝဵင်းတႃႈလိူဝ်ႇယူႇၼင်ႇၵဝ်ႇ။ 
• 3 ၵုၼ်ၽီလူး (Bilu Island) (လုၵ်ႉတီႈ ၶူဝ်တႃႈႁိူဝ်းသေ ႁိူဝ်းၾႄႇရီႇဢွၼ်ႇ 10 တႃ ဢွၵ်ႇၼိုင်ႈပွၵ်ႈ၊ ဢၼ်မီးႁိမ်းၶၢင်ႈ လၢၼ်ႉတၢင်းၵိၼ် ႁူင်းႁေႃပူႇၼၢႆး)။ ၵုၼ်ဢၼ်လုၵ်ႉ မေႃႇလမႅင်ႇသေ လႆႈၶၢမ်ႈၼမ်ႉၵႂႃႇၼၼ်ႉ လႆႈႁူႉၸွမ်း ၵၢၼ်ၸၢၵ်ႈ မိူၼ်ၼင်ႇ လွင်ႈၵၢၼ်သၢၼ်၊ ၵၢၼ်တေႃးႁုၵ်ႇ၊ ပႅၼ်ႈလမ်၊ လွတ်ႇ၊ မၢၵ်ႇႁူဝ် လႄႈ ၼင်တူင်ႇ ၸိူဝ်းၼႆႉယဝ်ႉ။ လူဝ်ပႃးၵူၼ်းၽူႈၸိၼမ်း၊ ယွၼ်ႉပိူဝ်ႈဝႃႈ ၵုၼ်ဢၼ်ၼႆႉ မၼ်းၽႄဢွၵ်ႇဝႆႉၼၼ်ႉ ဢွင်ႈတီႈမၼ်း ၶႂ်ႈထၢၼ်ႇ သိင်ႇၵႃႇပူဝ်ႇၼၼ်ႉယဝ်ႉ။ ၸဝ်ႈၵဝ်ႇၸၢင်ႈၶပ်ႉၶိုင် ၶၢဝ်းတၢင်း ၵႃႈတီႈ Breeze Inn Guesthouse (ၼိုင်ႈၵေႃႉ 18,000 ၵျၢပ်ႈ) ဢမ်ႇၼၼ် ၵႂႃႇတီႈ တႃႈၼမ်ႉသေၵေႃႈ ၵႂႃႇထၢမ်ႁိမ်းႁွမ်း တႃႇ ၵူၼ်းၶတ်းႁိူဝ်း ဢၼ်မေႃလၢတ်ႈၵႂၢမ်း ဢိင်းၵလဵတ်ႈၼၼ်ႉ။ ပေႃးၵၢင်ၼႂ်ၼႆႉ ၼမ်ႉယိုင်ႈၶိုၼ်ႈသေ တေလႆႈလူင်းၼႂ်းဢုင်လႄႈ တိုဝ်းၶႅပ်းတိၼ်ဢဝ်ၼႆႉ တိူဝ်းၶႅမ်ႉသေပိူၼ်ႈယဝ်ႉ။ တႃႇၶီႇၾႄႇရီႇ 600 ၵျၢပ်ႈ။ 

ၵုၼ်သုၵ်ႈႁူဝ်

• 4 ၵုၼ်သုၵ်ႈႁူဝ် ဢိၵ်ႇတင်း ၵွင်းမူးသၢၼ်ႇတေႃႇသျိၼ်ႇ (မီးတီႈၼႂ်းၼမ်ႉ၊ မီးၽၢႆႇသၢႆႉၶူဝ် ယၢၼ် 50 မီႇတႃႇ)။ ပဵၼ်ၵုၼ်ဢွၼ်ႇသေ မီးဝႆႉၵွင်းမူး၊ ၸၢင်ႈမုင်ႇတူၺ်းလႆႈ တၢင်းႁၢင်ႈလီ မႄႈၼမ်ႉ။ ၵႃႈႁိူဝ်း 3,000 ၵျၢပ်ႈ၊ ၵူၺ်းၵႃႈ ပေႃးပႂ်ႉၵူၼ်းၼမ်တႄႉ ၵႃႈၶၼ်မၼ်း တေတိူဝ်းသၢင်ႇထုၵ်ႇ။ 
• 5 ၶူဝ်တၢၼ်ႇလႂိၼ်ႇ (မေႃႇလမႅင်ႇ)။ ၶူဝ်ၼႆႉ တၢင်းယၢဝ်းမီး 2 လၵ်းသေ လႆႈၵေႃႇသၢင်ႈမႃး မိူဝ်ႈပီ 2005 သေ ပဵၼ်ၶူဝ်ယၢဝ်းသေပိူၼ်ႈ ထူၼ်ႈသွင် တီႈၼႂ်း မိူင်းမျၢၼ်ႇမႃႇယဝ်ႉ။ (ဢၢပ်ႉတဵတ်ႉဝႆႉ မိူဝ်ႈ ၸူႇ 2020)
• ၶျၢတ်ႉ- သဵင်ႉပႅတ်ႉထရိၵ်ႉ (1829)၊ သဵင်ႉမႅတ်ႉထိဝ်း (1887)၊ ဢၼ်ႁၢမ်း လႄႈ ဢၼ်ၶတ်းသေႃးဝႆႉ - First Baptist (1827); Holy Family (1954)

ၽၢႆႇႁွင်ႇ

• 6 ၵွင်းမူး ၼႂႃးလꧤူဝ်ႉ။ ဢၼ်ပဵၼ် လွင်ႈၸၼ်ၸႂ်ပိူင်လူင် ႁင်းၵွင်းမူးၼႆႉတႄႉ ပိုၼ်ႉမၼ်းၼႆႉ ပဵၼ် မၢၵ်ႇႁိၼ်ၶမ်း၊ ငၢႆးမိူၼ်ၵၼ်တင်း ၵျႅၵ်ႉထီးယူဝ်း၊ ၵူၺ်းၵႃႈ သႅၼ်းမၼ်း လဵၵ်ႉသေၼၼ်ႉ။ ႁူမ်ႈဝႃႈၼၼ်သေတႃႉ ယွၼ်ႉႁၢင်ႈတူဝ် လႄႈ လွင်ႈၽဵင်ႇၶိုင်ႈ (မၢၵ်ႇႁိၼ် 3 လုၵ်ႈတၢင်ႇၼိူဝ်ၵၼ်ဝႆႉ) သေ မၢၵ်ႇႁိၼ်ၶမ်းၼႆႉၵေႃႈ လီဢၢမ်းမိူၼ်ၵၼ်ၼင်ႇၵဝ်ႇ။ ပေႃးၸဝ်ႈၵဝ်ႇၵႂႃႇ ၽွင်းၵူၼ်းဢမ်ႇပေႃးၼမ်ၼႆ လႄႈ ၽွင်းၶၢဝ်းပိူၼ်ႈႁဵတ်းၵၢၼ်ၼႆတႄႉ တီႈၼၼ်ႈၼႆႉ တေမီးတိုဝ်ႉတၢင်းဝႃႈ တေမီးၸဝ်ႈၵဝ်ႇၵေႃႉလဵဝ်ၵူၺ်း ၵႃႈတီႈၼၼ်ႈ။
  တႃႇၵႂႃႇတီႈၼၼ်ႈၼႆႉ ၸဝ်ႈၵဝ်ႇ ၸၢင်ႈဢဝ် ရူတ်ႉပိၵ်ႉၵပ်ႉ ၵႃႈတီႈ တူင်ႇမူင်း ဢၼ်မီးတီႈ ၽၢႆႇၸၢၼ်းၶူဝ်ၼၼ်ႉ။ ၵူၼ်းပိုၼ်ႉတီႈၶဝ်တႄႉ တွၼ်ႈတႃႇ သၢႆတၢင်းၼိုင်ႈဢၼ်ၼႆႉ ၶဝ်ပၼ် မွၵ်ႈ 500 ၵျၢပ်ႈ၊ ၵူၺ်းၵႃႈ ပေႃးပဵၼ် ထူဝ်းရိတ်ႉတႄႉ ၶဝ်တေၸၢင်ႈၵဵပ်း 1,000 ၵျၢပ်ႈ။ ထႅၵ်ႇၸီႇတႄႉ တွၼ်ႈတႃႇၶၢဝ်းတၢင်း မိူၼ်ၵၼ် တႃႇၶိုၼ်းပွၵ်ႈၼႆႉ ၶဝ်တေယွၼ်း 8,000 ၵျၢပ်ႈ၊ ၵူၺ်းၵႃႈ ၸဝ်ႈၵဝ်ႇ ၸၢင်ႈႁႂ်ႈၶဝ်ယွမ်းထိုင် 5,000 ၵျၢပ်ႈ။
  တီႈႁိမ်း ဝၢၼ်ႈၵျုၼ်းၵ ပေႃးလၢတ်ႈႁႂ်ႈၼႄႉၼွၼ်းၼႆတႄႉ မီးၽၢႆႇႁွင်ႇ တူင်ႇမူင်း 19.7 ၵီႇလူဝ်ႇမီႇတႃႇ ၵႂႃႇၸွမ်း 1 တၢင်း ၶွၼ်ႇၵရိ ၽၢႆႇၶႂႃတင်းၼိူဝ် ဢၼ်မီးႁိမ်း ၵွင်းမူး၊ ယၢၼ် 6.7 ၵီႇလူဝ်ႇမီႇတႃႇ ဢမ်ႇၼပ်ႉသွၼ်ႇ ၼႃႈတၢင်းသုင်။ ၸဝ်ႈၵဝ်ႇ ၶိုၼ်ႈ သေ လူင်း ၼႆႉ တီႈဢေႇသုတ်း သၢႆတၢင်းၼိုင်ႈဢၼ်ၼႆႉ တေႁိုင်ယူႇ 1.5-2.5 မူင်း၊ ဢဝ်ၵႂႃႇ ၼမ်ႉ ႁႂ်ႈမၼ်းၵုမ်ႇထူၼ်ႈလီ၊ တိုဝ်းၵႂႃႇ သွၵ်းတိၼ်ၶႅမ်ႉၶႅမ်ႉ လႄႈ ပႃး ဢၼ်ႁႄႉလႅတ်ႇ မၢၵ်ႇႁူဝ် ၸၵႂႃႇၸိူဝ်းၼႆႉ၊ ယွၼ်ႉပိူဝ်ႈဝႃႈ တၢင်းမႆႈ လႄႈ တၢင်းမိုၵ်း ၼႆႉ မၼ်းသုင်ဝႆႉ။ ထႅင်ႈလၢႆးၼိုင်ႈတႄႉ ၸဝ်ႈၵဝ်ႇ ၸၢင်ႈၶီႇ ရူတ်ႉႁဵတ်းၵၢၼ် (တႃႇပွၵ်ႈၶိုၼ်း ၼိုင်ႈၵေႃႉ 2,000 ၵျၢပ်ႈ) ၵူၺ်းၵႃႈ ပေႃးၶၢဝ်းၵူၼ်းဢေႇ တိူဝ်းၶၼ်သုင်ယဝ်ႉ။ လွင်ႈပွၵ်ႈၶိုၼ်းၸူး သဵၼ်ႈတၢင်းလူင်ၼႆႉ မၼ်းငၢႆႈယူႇ၊ ၵူၺ်းလူဝ်ႇႁႄႉ ရူတ်ႉပိၵ်ႉၵပ်ႉ ဢမ်ႇၼၼ် ရူတ်ႉသေလမ်းလမ်း ၸိူဝ်းလတ်းၵႂႃႇၼၼ်ႉ။ ၵႃႈၵွင်ႈထႆႇ 500 ၵျၢပ်ႈ။ 

ၽၢႆႇၸၢၼ်း

လွၵ်းလၢႆးလီသေပိူၼ်ႈ တႃႇသွၵ်ႇတဝ်တူၺ်း ၸိူဝ်းႁိမ်းႁွမ်း ၼႃႈလိၼ်ၸိူဝ်းမီး ၽၢႆႇၸၢၼ်း ၼၼ်ႉတႄႉ ၶီႇ သၵူႇတႃႇ ဢမ်ႇၼၼ် ၶီႇရူတ်ႉၶိူင်ႈ ၵႂႃႇ။ ၸွမ်းလူၺ်ႈ တၢင်းၵႆတၢင်းၸမ်သေ တီႈ မေႃႇလမႅင်ႇၼႆႉ ဢွင်ႈတီႈပၢႆတၢင်း မီးဝႆႉယူႇ ၼင်ႇၼႆ -

• 7 ၵွင်းမူး သူၺ်ႇၼတ်ႉတွင်ႇ (4.8 km from တၢင်းႁူပ်ႉလူင်)။ တီႈၼိူဝ်ၸိၵ်းလွႆၼႆႉ တေၸၢင်ႈမုင်ႈယဵမ်ႈ တၢင်းႁၢင်ႈလီသေ ၶိုၵ်ႉၶႅမ်ႉတွၼ်ႈတႃႇ ထႆႇၶႅပ်းႁၢင်ႈ။ 
• 8 ၵျွင်းမုၼ်ၸဝ်ႈ ၽႃးဢွၵ်ႉတေႃးယ (မီးၽၢႆႇၸၢၼ်း တၢင်းႁူပ်ႉလူင် ယၢၼ် 10 ၵီႇလူဝ်ႇမီႇတႃႇ၊ ၶီႇရူတ်ႉပိၵ်ႉၵပ်ႉပိုၼ်ႉတီႈၵႂႃႇ)။ ပဵၼ်ဢွင်ႈတီႈ ႁဵတ်းၵၢၼ်တြႃး၊ ၵူၼ်းၼမ်တႄႉၼမ်ႉဝႃႈ မေႃမိုတ်ႈမေႃၵိုဝ်း။ ၽႅဝ်ႁွတ်ႈ 10:00 သေ ပႆႇၵႂႃႇတီႈ ၵျွင်းသွမ်း၊ 11:00 မူင်းမႃး မုၼ်ၸဝ်ႈပၢၵ်ႇပၢႆ လႄႈ ၵူၼ်းၼွၵ်ႈမိူင်းၵမ်ႈၽွင်ႈ ၸိူဝ်းမႃးၽိုၵ်းၵၢၼ်တြႃး ဢွၼ်ၵၼ် ၵိၼ်သွမ်း။ 
• 9 ၵျွင်းၽြႃး ႁိၼ်ႇတူႇ (လွႆဢၼ်မီး ၽၢႆႇဢွၵ်ႇ သဵၼ်ႈတၢင်းလူင်၊ မိူဝ်ႈပႆႇထိုင် ၽြႃးလျွင်းတေႃႇမူႇ)။ 
• 10 ၵျွၵ်ႉတလူင်း (လွႆဢၼ်မီး ၽၢႆႇဢွၵ်ႇ သဵၼ်ႈတၢင်းလူင်၊ မိူဝ်ႈပႆႇထိုင် ၽြႃးလျွင်းတေႃႇမူႇ)။ လွႆဢၼ်ၼႆႉ ပၼ် တီႈမုင်ႈယဵမ်ႈ တၢင်းႁၢင်ႈလီ တႃႇတူၺ်း ဢွင်ႈတီႈႁိမ်းႁွမ်းၼၼ်ႉသေ ပဵၼ်ၸိၵ်းလွႆ ဢၼ်မီးၽြႃးၸိုဝ်ႈလိုဝ်းလင်။ တွၼ်ႈတႃႇတူၺ်း လႅတ်ႇၶဝ်ႈၵေႃႈ ၶိုၵ်ႉၶႅမ်ႉ။ တီႈၼၼ်ႈၼႆႉ မီးဝႆႉ ၸိၵ်းလွႆသွင်ဢၼ်၊ တွၼ်ႈတႃႇ ၼၢင်းယိင်းတႄႉ လႆႈၶိုၼ်ႈဢၼ်လဵဝ်ၵူၺ်း။ တီႈၼၼ်ႈၼႆႉ မီးၸရွပ်ႈပွင်ႇ ဢၼ်ၵဝ်ႇသေ ၸဝ်ႈၵဝ်ႇတေၸၢင်ႈလိုဝ်ႈသဝ်း ၼွၼ်းၶိုၼ်းလႆႈ၊ ၵူၺ်းၵႃႈ လူဝ်ႇပႃးၵႂႃႇ သုတ်း၊ ၽႃႈသိူဝ်ႇ လႄႈ ထူင်ၽႃႈ ၸိူဝ်းၼႆႉ။ ၶၢဝ်းတၢင်းၶိုၼ်ႈလွႆၼႆႉ ႁိုင်မွၵ်ႈ 20-30 တႃ (မိတ်ႉၼိတ်ႉ) ၼႆႉ။ 

ၼႃႈၽြႃးၵိင်း

• 11 ႁုၼ်ႁၢင်ႈၽြႃးၵိင်း ဢၼ်ယႂ်ႇသေပိူၼ်ႈ ၼႂ်းၵမ်ႇၽႃႇ (ဝိၼ်းၸဵင်ႇတေႃးယ) (မီးၽၢႆႇၸၢၼ်း ၵျွင်းမုၼ်ၸဝ်ႈ ၽႃးဢွၵ်ႉတေႃးယ ယၢၼ် 7.8 ၵီႇလူဝ်ႇမီႇတႃႇ၊ မီးတီႈၸွမ်းတၢင်း သဵၼ်ႈတၢင်းလူင်)။ တီႈႁိမ်းၶၢင်ႈ မၢၵ်ႇႁိၼ်ၶမ်း တီႈ ၵျႅၵ်ႉထီးယူဝ်း ၼၼ်ႉ ပဵၼ်တီႈတူၺ်းယဵမ်ႈ ၸိုဝ်ႈသဵင်ယႂ်ႇသေပိူၼ်ႈ တီႈၼႂ်း မိူင်းမွၼ်းယဝ်ႉ။ ႁူမ်ႈဝႃႈ ဢမ်ႇၸႂ်ႈ ဢၼ်ယႂ်ႇသေပိူၼ်ႈ ၼႂ်းၵမ်ႇၽႃႇယဝ်ႉသေတႃႉ တွၼ်ႈတႃႇ ၼႂ်းမိူင်းမျၢၼ်ႇမႃႇတႄႉ တိုၵ်ႉပဵၼ် ၽြႃးၵိင်း ဢၼ်ယႂ်ႇသေပိူၼ်ႈယူႇ။ ႁုၼ်ႁၢင်ႈရႁၢၼ်း ဢၢၼ်သိပ်းမၼ်းၼႆႉ မီးၸွမ်း သၢႆတၢင်း သဵၼ်ႈတၢင်းလူင် ဢၼ်ၵႂႃႇၸူး ၽြႃးၵိင်းၼၼ်ႉယူႇ။ ပေႃးၽႅဝ်ၵႂႃႇတီႈ တူၺ်းယဵမ်ႈၼၼ်ႉၸိုင် တေလႆႈႁၼ် သႅၼ်းၽြႃးၵိင်း (100 မီႇတႃႇပၢႆ)ၼၼ်ႉ ပဵၼ်ဢၼ်လီယွင်ႈဢၢမ်းတႄႉတႄႉ။ တီႈတေႃႇၼႃႈၼၼ်ႉႁူမ်ႈဝႃႈ မီးထႅင်ႈဢၼ်ၼိုင်ႈသေတႃႉ မၼ်းပဵၼ်ဢၼ်ၵဝ်ႇ။ ယွၼ်ႉပိူဝ်ႈသႅၼ်းမၼ်းလႄႈ တွၼ်ႈတႃႇ ၸဝ်ႈၵဝ်ႇ တေထႆႇၶႅပ်းႁၢင်ႈ ဢၼ်လႆႈတင်းမူတ်းၼႆတႄႉ ၸဝ်ႈၵဝ်ႇ တေလႆႈပႆသေ တူၺ်းဢွင်ႈမီးလီလီ။ 

ရူတ်ႉပိၵ်ႉၵပ်ႉ တႃႇသၢႆလဵဝ် ဢၼ်ၵႂႃႇၸူး ၽြႃးၼၼ်ႉ တေလႆႈပၼ်မွၵ်ႈ 500 ၵျၢပ်ႈ၊ တီႈဢေႇသုတ်းမၼ်း တႃႇ ၵူၼ်းပိုၼ်ႉတီႈ။ ပေႃးပဵၼ် ထႅၵ်ႇၸီႇတႄႉ တွၼ်ႈတႃႇ ၶၢဝ်းတၢင်းသၢႆလဵဝ်တႄႉ တေလႆႈပၼ် မွၵ်ႈ 4,000 ၵျၢပ်ႈ ဢမ်ႇၼၼ် ပေႃးတင်းၵႂႃႇတင်းမႃးတႄႉ တေလႆႈပၼ် မွၵ်ႈ 7,000 ၵျၢပ်ႈၼႆႉ။

• 12 ၼွင်ၵၢၼ်ႇၵျီး လႄႈ ၵွင်းမူး (မီးၽၢႆႇၸၢၼ်း မေႃႇလမႅင်ႇ ယၢၼ် 26 ၵီႇလူဝ်ႇမီႇတႃႇ လႄႈ မီးၽၢႆႇၸၢၼ်း မုတူင်ႇ)။ ၵႂၢမ်းၵၢင်လၢႆဝႃႈတႄႉ ၽႂ်ဢမ်ႇႁူႉ တၢင်းလိုၵ်ႉၼွင်ၼႆႉၼႆယဝ်ႉ။ ယႃႇပေယိၼ်းပဵၼ်ၸွမ်း လွင်ႈပိူၼ်ႈၶျေႃး တႃႇႁႃတူၺ်း။ ၼၢင်းယိင်းၶဝ် ဢမ်ႇလႆႈၶႂၢင်းပၼ်ဝႆႉ တႃႇလုၺ်းၼမ်ႉ၊ ၼၼ်ႉပဵၼ် လွင်ႈယုမ်ႇယမ်၊ မေႃပဵၼ်မႃး လွင်ႈႁၢႆႉၸႃႉ သေလွင်ႈလွင်ႈ။ ပႆတိၼ်သေၵေႃႈ ၸၢင်ႈပၼ်ႇလဵပ်ႈၼွင်ၼႆႉ လႆႈငၢႆႈငၢႆႈယူႇ။ 

ႁဵတ်း

• ၶၢတ်ႈ သၵူဝ်ႇတႃႇ ဢမ်ႇၼၼ် ရူတ်ႉၶိူင်ႈသေၵေႃႈ ၸွၼ်ႇတူၺ်း ဢွင်ႈတီႈႁိမ်းႁွမ်း၊ ပိူင်လူင်မၼ်း တီႈ ပွတ်းၸၢၼ်း။
• ၶီႇႁိူဝ်း ၶိုၼ်ႈလူင်း တီႈၼႂ်း မႄႈၼမ်ႉ။

သိုဝ်ႉ

1 ၵၢတ်ႇလူင် လႄႈ 2 ၵတၢ်ႇမႂ်ႇ ဢၼ်မီးတီႈ ပွတ်းႁွင်ႇဝဵင်း၊ မီးႁိမ်းမႄႈၼမ်ႉ။

ၵိၼ်

• 1 ၵၢတ်ႇၵၢင်ၶမ်ႈ လႄႈ လၢၼ်ႉတၢင်းၵိၼ် Strand Rd (ၽၢႆႇႁွင်ႇလၢၼ်ႉတၢင်းၵိၼ် YKKO)။ ဢွင်ႈတီႈၼႆႉ ပဵၼ်တီႈဢၼ်မီးတိုဝ်ႉတၢင်း တႃႇၶဝ်ႈလေႃးၵၼ်တင်း ၵူၼ်းပိုၼ်ႉတီႈ။ တီႈလၢၼ်ႉတၢင်းၵိၼ်ၸိူဝ်ႈၼၼ်ႉ ၸဝ်ႈၵဝ်ႇ ၸၢင်ႈလိူၵ်ႈ တၢင်းၵိၼ်တင်းၼမ်၊ မၢင်ၸိူဝ်းမႃး မီးပႃး လိၵ်ႈဢိင်းၵလဵတ်ႈသေ။ ၵူၺ်းၵႃႈဝႃႈ တူၺ်းၽၵ်းၸိူဝ်းဢၼ်ၶဝ်ႁၢင်ႈႁႅၼ်းဝႆႉၼၼ်ႉ လီသေပိူၼ်ႈယဝ်ႉ။ မၢင်ပွၵ်ႈ ပၢႆမီး ၸိူဝ်းဢၼ်ဢမ်ႇၶဝ်ႈပႃးၼႂ်း သဵၼ်ႈတၢင်းၵိၼ်ၵွၼ်ႇ။ ဢၼ်ပိင်ႈ (ၼိုင်ႈသဵပ်ႇ 100-200 ၵျၢပ်ႈ)၊ တၢင်းၵိၼ်ပၢင်ႇလၢႆႇ ဢၼ်ၵႃႈၶၼ်သၢင်ႇထုၵ်ႇ၊ တၢင်းၵိၼ်ၸၢႆ၊ ၶဝ်ႈ လႄႈ ၼမ်ႉၽၵ်းၸိူဝ်းၼႆႉၵေႃႈ လႆႈယူႇ။ 1,000-2,500 ၵျၢပ်ႈ။ 
• 2 ၶျၢၼ်းတႃႇ (မီးႁိမ်းၶၢင်ႈ ႁူင်းႁႅမ်း Sandalwood)။ လၢၼ်ႉၶဝ်ႈၽၵ်းၶႄႇ ဢၼ်မီး သဵၼ်ႈတၢင်းၵိၼ်တႅမ်ႈဝႆႉၽၢႆႇဢိင်းၵလဵတ်ႈ။ ပၢင်လဵၼ်ႈတီႈလိုဝ်ႈႁိူဝ်ႉၸႂ်/ဢွင်ႈတေႃႇလွင်း ၼမ်လိူဝ်သေလၢၼ်ႉတၢင်းၵိၼ်။ 1,000/2,000/2,500 ၵျၢပ်ႈ (ၸၢႆ/ၼိူဝ်ႉ/တၢင်းၵိၼ်ပၢင်ႇလၢႆႇ), မျၢၼ်ႇမႃႇပီႇယႃႇ ၼိုင်ႈတဝ်ႈ 1,500 ၵျၢပ်ႈ။ 
• 3 ယုၼ်ႇၼၼ်ႇ / လၢၼ်ႉၶဝ်ႈၽၵ်း ယုၼ်ႇၼၼ်ႇပၢၼ်းသေး Strand Rd။ တၢင်းၵိၼ်ထႆး။ မေႃမိုတ်ႈၵိုတ်း သေ သႅၼ်ႈသႂ်လီ။ ၶဝ်ႈၶူဝ်ႈ ဢမ်ႇၼၼ် ၼမ်ႉၽၵ်း 1,500 ၵျၢပ်ႈ။ ၽၵ်းဢၼ်ပႃးၵုင်ႈ 2,200 ၵျၢပ်ႈ။။ 
• 4 လၢၼ်ႉတၢင်းၵိၼ် မျူဝ်ႉမ ရေးဝႃးဝိဝ်း (Myo Ma River View Restaurant) သဵၼ်ႈတၢင်းၽင်ႇၼမ်ႉ (ၸမ်ၵၼ်တင်း ၶူဝ်တႃႈႁိူဝ်း မျူဝ်ႉမ)။ မီးဝႆႉတီႈၼင်ႇ ၵၢတ်ႇၵုၼ်ႇလူင်ဢၼ်ၼိုင်ႈလႄႈ လႅပ်ႈတေၵႃႈၶၼ်ယႂ်ႇသေတႃႉ ၵႃႈၶၼ်သၢင်ႇထုၵ်ႇယူႇ။ မီးသဵၼ်ႈတၢင်းၵိၼ် ဢၼ်ယႂ်ႇ၊ မီးပႃး ၵူၼ်းႁၢပ်ႇၵၢၼ် ဢၼ်တူၺ်းထိုင်ပၼ်လီလီလႄႈ ဢၼ်မေႃမိုတ်ႈၵိုတ်း။ လၢၼ်ႉတၢင်းၵိၼ်ၼႆႉ ယႂ်ႇသွင်ပုၼ်ႈ ပဵၼ်ၼင်ႇ ႁွင်ႈၼႄပၢႆးမွၼ်း။ 2,000+ ၵျၢပ်ႈ၊ ၶဝ်ႈတင်း ၽၵ်းပူပၢင်ႇလၢႆႇ 3,000 ၵျၢပ်ႈ။ 
• 5 လၢၼ်ႉတၢင်းၵိၼ် YKKO။ လႆႈၽၵ်းၶႄႇ လႄႈ ၽၵ်းထႆးသေ ႁၢင်ႈႁႅၼ်းဝႆႉၶႅမ်ႉလႅပ်ႈတႅတ်ႈၼႅတ်ႈ။ 
• 6 သူၺ်ႇၼၢၼ်းတေႃႇ သဵၼ်ႈတၢင်းလူင် ၽၢႆႇတႂ်ႈ (မီးၽၢႆႇႁွင်ႇ ဢွင်ႈလိုဝ်ႈသဝ်း ဢေႃႇရူဝ်ႇရႃႇ ယၢၼ် 600 မီႇတႃႇ)။ ပိုတ်ႇၵၢင်ၼႂ်တဵမ်ၸဝ်ႉ။ လၢၼ်ႉၼမ်ႉၼဵင်ႈပိုၼ်ႉတီႈ ဢၼ်ၶိုၵ်ႉ ဢၼ်မီးပႃး ၸၢၼ်း၊ ၶဝ်ႈမုၼ်းမႂ်ႇသႂ်ႇ၊ ၶဝ်ႈပႃး တႃႇလိူၵ်ႈ ၵိၼ်ၸၢႆ၊ လွင်ႈၶိုၵ်ႉတွၼ်း တၢင်းၵိၼ်ၶႄႇ (ဢၼ်ၶူဝ်ႈ ဢၼ်ၼိုင်ႈ)၊ ၼမ်ႉၼဵင်ႈဝၢၼ်ၽဵတ်း။ ၸဝ်ႈၶွင်မၼ်း မေႃမိုတ်ႈၵိုဝ်းတႄႉတႄႉ။ 
• တေႃႇယီႇ သဵၼ်ႈတၢင်းၵွင်းဢူး ဢူးၸေႇၼ၊ ၸဵင်ႇသဵၼ်ႈတၢင်းပၼ်ႇၼွင် (လုၵ်ႉတီႈ ဢွင်ႈလိုဝ်ႈသဝ်း Breeze Inn သေ ပဵၼ် ၶူဝ်ႈတႃႈၼမ်ႉ ထူၼ်ႈသီႇ၊ လႆႈပႆ 20 တႃ)။ ပဵၼ်လၢၼ်ႉတၢင်းၵိၼ်ပိုၼ်ႉတီႈ ဢၼ်လႆႈ ၽၵ်းမွၼ်းတင်းၼမ်။ ၶဝ်ႈပႃး ၼမ်ႉၼဵင်ႈ၊ ၼမ်ႉၽၵ်း လႄႈ ဢၼ်ၵူဝ်ႈ။ ၽၵ်းသွင်ဝၢၼ်ႇ လႄႈ ၶဝ်ႈၼိုင်ႈဝၢၼ်ႈ လႆႈပၼ် 3,000 ၵျၢပ်ႈ။ 
• Deli France Bakery သဵၼ်ႈတၢင်း ၽင်ႇၼမ်ႉ (မီးၽၢႆႇၸၢၼ်း ဢွင်ႈလိုဝ်ႈသဝ်း Breeze Inn)။ လႆႈၽၵ်း မိူင်းဝၼ်းတူၵ်း၊ ႁၢင်ႈၶိူင်ႈဝႆႉ ၶႅမ်ႉလႅပ်ႈ၊ မီးပႃး ၸၢၵ်ႈလူမ်းၵတ်း။ ၸိုဝ်ႈလိုဝ်းတင်း ၵူပ်ႉၵူႈမၢဝ်ႇသၢဝ် ၼႂ်းပိုၼ်ႉတီႈ။ တွၼ်ႈတႃႇ တၢင်းၵိၼ် တႄႇ 2,000 ၵျၢပ်ႈ၊ တွၼ်ႈတႃႇ ၶဝ်ႈမုၼ်းၵဵၵ်ႉ 500 ၵျၢပ်ႈ၊ ၶဝ်ႈမုၼ်း ၵေႃႇၾီႇ 1,200 ၵျၢပ်ႈ၊ ၵွၵ်ႉတေးလ် 1,700 ၵျၢပ်ႈ။ 
• ၸွႆႈထႅမ် ပူႇ လႄႈ ၼၢႆး (မီးတီႈၸွမ်းတၢင်း တၢင်းၽင်ႇၼမ်ႉ၊ မီးႁိမ်းၶၢင်ႈ ဢွင်ႈလိုဝ်ႈသဝ်း Breeze Inn)။ တႄႇ တၢင်းၵိၼ်ၵၢင်ၼႂ်တေႃႇ ၶဝ်ႈၶမ်ႈ။ လႆႈတၢင်းၵိၼ်ၶႄႇ လႄႈ တၢင်းၵိၼ် ၵိၼ်ၸၢႆ ပဵၼ်မဵဝ်း ႁႅၼ်းၼိုင်ႈပွၵ်ႈ။ ယူင်ႉသၢင်ႈဢၼ်မႂ်ႇ၊ မီးပႃးပၢႆႉ ဢိင်းၵလဵတ်ႈ ဢၼ်ယႂ်ႇယႂ်ႇ၊ တိူဝ်းၵႃႈၶၼ်ယႂ်ႇသေ ဢၼ်ၵဝ်ႇ။ ပဵၼ်ႁိုဝ်ၵေႃႈလီလႂ် မၼ်းၵေႃႈ ၸိုဝ်ႈလိုဝ်းလင် တႃႇ ၵူၼ်းပိုၼ်ႉတီႈ ယွၼ်ႉပိူဝ်ႉ ဢွင်ႈတီႈမီးတီႈႁိမ်းၽင်ႇၼမ်ႉ လႄႈ ၵႃႈၶၼ်မၼ်း။ ၶဝ်လၢတ်ႈတႄႉ မၼ်ႉမျၢတ်ႈၼမ်ႉတွၼ်းမၼ်း ၶဝ်ဢဝ်ၸွႆႈထႅမ် ၵူၼ်းထဝ်ႈ ၸိူဝ်းမီးတီႈ မေႃႇလမႅင်ႇၼႆယဝ်ႉ။ 1,500 ၵျၢပ်ႈ (ၵိၼ်ၸၢႆ)၊ 2,000-2,500 ၵျၢပ်ႈ (ၼိူဝ်ႉ)၊ ၼမ်ႉၼဵင်ႈ လႆႈလၢႆ။ 
• လၢၼ်ႉတၢင်းၵိၼ် ရူႇပီႇ (Ruby Restaurant) (မီးၽၢႆႇႁွင်ႇ ဢွင်ႈလိုဝ်ႈသဝ်း ဢေႃႇရူဝ်ႇရႃႇ ယၢၼ် လွၵ်းၼိုင်း)။ လၢၼ်ႉတၢင်းၵိၼ်ၶႄႇ မီးပႃး သဵၼ်ႈမၢႆတၢင်းၵိၼ် ဢၼ်တႅမ်ႈဝႆႉ ၽၢႆႇဢိင်းၵလဵတ်ႈ။ 

ဢွၵ်ႉ

ၽလူႇတႃႇ ဢၼ်ဢဝ်တင်း ၶဝ်ႈမုၼ်း၊ ၵျွၵ်ႉၵျေႃး၊ တႃႇၵူႇ၊ ၼမ်ႉၼူမ်း၊ မၢၵ်ႇဢုၼ်၊ ပၵ်ႉမူၼ်ႇယႅၼ်ႈ၊ မၢၵ်ႇၵဵင်းယႅၼ် ၸိူဝ်းၼႆႉ ႁဵတ်းဝႆႉ။ တေၸၢင်ႈႁၼ်လႆႈတီႈ ၵၢတ်ႇၵၢင်ၶမ် ဢမ်ႇၼၼ် တီႈ လၢၼ်ႉၶဝ်ႈမုၼ်း တႄႇလီႇၾရႅၼ်ႉ။

• 1 ႁူင်းႁႅမ်း ဢူဝ်ႇၶေႇ (မီးတီႈ ၸဵင်ႇတၢင်း တၢင်းၽင်ႇၼမ်ႉ လႄႈ တၢင်းတထူင်ႇတတႃး)။ ၸိုဝ်ႈသဵင်ယႂ်ႇတင်း ၵူၼ်းၼွၵ်ႈမိူင်း။ တၢင်းၵိၼ်တႄႉ ၵႃႈယႂ်ႇဢိတ်းဢိတ်း ၵူၺ်းၵႃႈ ၼမ်ႉၵတ်းၼမ်ႉဝၢၼ်ၶဝ်တႄႉ ၶႅမ်ႉလႅပ်ႈယူႇare OK။ 
• 2 လၢၼ်ႉတၢင်းၵိၼ် Strand View သဵၼ်ႈတၢင်းၽင်ႇၼမ်ႉ (မီးတီႈ ၽၢႆႇႁွင်ႇသုတ်းသုတ်း တီႈ သဵၼ်ႈတၢင်းၽင်ႇၼမ်ႉ)။ မီးသူၼ်မွၵ်ႇတၢင်းၼွၵ်ႈ တီႈဢၼ် ႁိမ်းႁွမ်းၶႅမ်ႉလႅပ်ႈ။ ၵွၵ်ႉတေးလ် 3-4,000 ၵျၢပ်ႈ၊ ၼိုင်ႈတဝ်ႈ 25,000 ၵျၢပ်ႈ။ 
• မျႃႉၼၢၼ်းတီႇတႃႇ (မီးၽၢႆႇႁွင်ႇ ဢေႃႇရူဝ်ႇရႃႇ)။ မိတ်ႉသျဵၵ်ႉ၊ ၽွင်မူၺ်၊ ၽလူႇတႃႇ လႄႈ ၵူလ်ၾီး။ ၽလူႇတႃႇ ၼိုင်ႈၵွၵ်း 1,000 ၵျၢပ်ႈ။ 

ၼွၼ်း

တီႈ မေႃႇလမႅင်ႇၼႆႉ ဢွင်ႈတီႈ တႃႇလိုဝ်ႈသဝ်းတႄႉ လိူင်ႇၼႃႇၼႃႇ။

တီႈၶၼ်ထုၵ်ႇ

• 1 ဢွင်ႈလိုဝ်ႈသဝ်း ဢေးၶျၢၼ်းမျႃႉ မၢႆ- 680၊ သဵၼ်ႈတၢင်းလူင်း ပွတ်းတႂ်း၊ ပွၵ်ႉမွင်းငၢၼ်ႇ - ☏ +95 9253433643။ ဢွင်ႈလိုဝ်ႈသဝ်း ဢၼ်မႂ်ႇ၊ ပေႃးလုၵ်ႉတီႈၵၢင်ဝဵင်းသေၼႆႉတႄႉ ၵႆဢိတ်းဢိတ်းသေတႃႉ ၵိုင်ၵႃႈမၼ်းယူႇ။ 5/10-20,000 ၵျၢပ်ႈ (ၵူႈၵေႃႉလဵဝ် ၽတ်ႉလူမ်းႁူမ်ႈၵၼ်/ၵူႇသွင်ၵေႃႉ ပႃးၸၢၵ်ႈလူမ်းၵတ်း ဢႅၼ်းသုတ်ႉ)။ 
• 2 ဢွင်ႈလိုဝ်ႈသဝ်း ဢေႃႇရူဝ်ႇရႃႇ 277 သဵၼ်ႈတၢင်းလူင် ၽၢႆႇတႂ်ႈ (လုၵ်ႉတီႈ ၼၢမ်ႇသႃႇၽိူၵ်ႇသေ မီးမွၵ်ႇႁိမ်းၸဵင်ႇမၼ်း) - ☏ +95 57-22785။ မီး ဝၢႆႇၾၢႆႇ။ ဢမ်ႇပႃး တၢင်းၵိၼ်ၵၢင်ၼႂ်။ ၵႃႈၶၼ်မၼ်း မိူၼ်ၵၼ်တင်း ဢွင်ႈလိုဝ်ႈသဝ်း Breeze Inn ၵူၺ်းၵႃႈ ဢွင်ႈၼွၼ်းမၼ်း တိူဝ်းၶိုၵ်ႉသေၼၼ်ႉ။ ၸဝ်ႈၶွင်မၼ်းၼႆႉ ပေႃးမိူဝ်ႈတႄႇမၼ်း လႅပ်ႈဢွၵ်ႇႁၢင်ႈၸႂ်လမ်ဝႆႉသေတႃႉ ပေႃးၸဝ်ႈၵဝ် ဢဝ်ၶၢဝ်းယၢမ်းသေ လၢတ်ႈတေႃႇမၼ်းၼႆ မၼ်းမေႃမိုတ်ႈ မေႃၸွႆႈထႅမ်ယူႇ။ သင်ၸိူဝ်ႉဝႃႈ ၸဝ်ႈၵဝ်ႇပဵၼ်ၵေႃႉလဵဝ်သေ သမ်ႉမီး ဢွင်ႈတႃႇ သွင်ၵေႃႉၵူၺ်းၼႆ မၼ်းတေဢဝ်ၵႃႈမၼ်း ၼင်ႇယူႇဢွင်ႈၼိုင်ႈၵေႃႉၼၼ်ႉၵူၺ်း။ ပေႃးပဵၼ်ၶွင်ႉ ဢၼ်ပႃးၽတ်ႉလူမ်း ဢၼ်လႆႈၸႂ်ႉ ၶွင်ႉၼမ်ႉႁူမ်ႈၵၼ် ၵူႈၼိုင်ႈၵေႃႉ/သွင်ၵေႃႉ US$7/14၊ ပေႃးပဵၼ် ၶွင်ႉ ဢၼ်ပႃး ၸၢၵ်ႈလူမ်းၵတ်း ပႃး ၶွင်ႉၼမ်ႉဢႅၼ်းသုတ်ႉ US$15/25 (ဢေႇပရႄႇ 2015)။ 
• 3 ဢွင်ႈလိုဝ်ႈသဝ်း ပၢၼ်းသုဝူၺ်ႇ မၢႆ 333/ၵ၊ သဵၼ်ႈတၢင်းလူင် ၽၢႆႇတႂ်ႈ (ၸဵင်ႇတၢင်း ၵူၼ်းၵႃႉထဝႄႇ လႄႈ သဵၼ်ႈတၢင်းလူင် ၽၢႆႇတႂ်ႈ) - ☏ +95 9 2525(2) 4837, +95 9 2525(2) 4838။ ဢွင်ႈလိုဝ်ႈသဝ်း ဢၼ်မီး ၶွင်ႉ ဢၼ်ပႃး ၽတ်ႉလူမ်း လႄႈ ၸၢၵ်ႈလူမ်းၵတ်း၊ ၼမ်ႉဢုၼ်ႇ၊ ဝၢႆႇၾၢႆႇ။ ၶွင်ႉၼမ်ႉဢႅၼ်းသုတ်ႉ။ ဢမ်ႇၸႂ်ႈ ဢၼ်ၶၢမ်ႇၸေးၸိမ်ႇသေတႃႉ မၼ်းႁပ်ႉၶၢမ်ႇလႆႈယူႇ။ 13,000/26,000 ၵျၢပ်ႈ (ဢွင်ႈၵေႃႉလဵဝ်/သွင်ၵေႃႉ)။ 
• 4 ဢွင်ႈလိုဝ်ႈသဝ်း လေႇၺိၼ်းတႃႇ (Breeze Inn Guesthouse) သဵၼ်ႈတၢင်း ၽင်ႇၼမ်ႉ 6 - ☏ +95 57 21450, +855 98 701180 - ✉ breeze.guesthouse@gmail.com။ ဢွင်ႈလိုဝ်ႈသဝ်း ဢၼ်ၵူၼ်းႁူႉၼမ် ဢၼ်ၵူၼ်းႁၢပ်ႇၵၢၼ်မၼ်း မေႃမိုတ်ႈၵိုတ်း။ မိတ်ႇသတႃႇ ဢႅၼ်ႇထူဝ်ႇၼႆႉ ၼႆႉ ပဵၼ် ၵူၼ်းထဝ်ႈ သေ မၼ်းလႆႈၸႂ် လၢတ်ႈၵႂၢမ်း ဢိၵ်ႇတင်း တၢင်းၶႆႈၸႂ် ဢပုမ်ႇ ၸၵႂႃႇၸိူဝ်းၼႆႉ။ ဢွင်ႈတီႈမၼ်းတႄႉ ၵဝ်ႇ သေ မၢၵ်ႇမိူဝ်ဝႆႉ။ ဢွင်ႈၼွၼ်းမၼ်းတႄႉ ႁူမ်ႈဝႃႈ မီးႁူးလႅင်းသေတႃႉ ဢွၵ်ႇဢၢႆဝႆႉ။ ၽႃၵေႃႈ မၢင်မၢင်၊ ၽႃႈသိူဝ်ႇၵေႃႈ ၵႅၼ်ႇၵႅၼ်ႇ၊ ပွတ်းပွတ်း။ ဢွင်ႈၼွၼ်း ၸိူဝ်းမီး ၽၢႆႇလင်ၼၼ်ႉတႄႉ တေတိူဝ်းၶႅမ်ႉသေ ၵႃႈမၼ်းၵေႃႈ တေၼမ်လိူဝ်ၼႆႉ၊ ပိူင်လူင်မၼ်း မီးၶွင်ႉ ဢၼ်ပဵၼ်သတၢႆႇ ပၢၼ်ဢိင်းၵလဵတ်ႈသေ ၼၼ်ႉ တေလႆႈပၼ် US$40။ တၢင်းၵိၼ်ၵၢင်ၼႂ်ၵေႃႈ ၶဝ်ႈပႃးဝႆႉသေ (ၵေႃႇၾီႇ ဢမ်ႇၼၼ် ၼမ်ႉၼဵင်ႈ၊ ၶႆၼမ်ႉၼူမ်း လႄႈ ယႅၼ်ႈ၊ ၶႆႇတူမ်ႈ၊ ၵူၺ်ႈ) သေ ႁႅၼ်းလဵင်ႉပၼ်တီႈ တၢင်ႉၶူဝ်လႂ် ဢၼ်တေႃႇၼႃႈၼမ်ႉ။ ဝၢႆႇၾၢႆႇတႄႉၵေႃႈ ပဵၼ်ဢၼ်ၸႂ်ႉၼမ်ယူႇ။ US$8 ၵေႃႉလဵဝ်၊ သွင်ၵေႃႉ တႄႇ US$14။ 
• 5 ႁူင်းႁႅမ်း ဢူဝ်ႇၶေႇ သဵၼ်ႈတၢင်းၽင်ႇၼမ်ႉ (မီးတီႈ ၸဵင်ႇတၢင်း သဵၼ်ႈတၢင်းၽင်ႇၼမ်ႉ လႄႈ သဵၼ်ႈတၢင်းၶူဝ်းတထူင်ႇ)။ ပဵၼ်ႁူင်းႁႅမ်းဢွၼ်ႇ ၵူၺ်းၵႃႈ ၵဵင်ႈသႂ်လီ။ မေႃမိုတ်ႈၵိုတ်း။ မီးဝၢႆႇၾၢႆႇ။ US$10/12။ 

ပၢၼ်ၵၢင်

• 6 ႁူင်းႁႅမ်း ၸိၼ်ႇတရႄးလႃး (Cinderella Hotel) 21 သဵၼ်ႈတၢင်းၿႁူဝ်ႇ (တင်းတိူၵ်ႈသူင်ႇလိၵ်ႈသေ ယၢၼ်ၵၼ် 100 မီႇတႃႇ) - ☏ +95-57-24411, +95-57-24860, +95-9-8703610, +95-9-8703611 - ✉ hotel.cinderella@gmail.com။ ႁၢင်ႈၶိူင်ႈဝႆႉ ႁၢင်ႈလီႁၢင်ႈငၢမ်းသေ ၵဵင်ႈသႂ်လီ၊ ၼႂ်းၵႃႈၶၼ်မၼ်းၼႆႉ ၶဝ်ႈပႃး တၢင်းၵိၼ်ၵၢင်ၼႂ်၊ တီႈၼွင်းၶွင်ႉ ပႃးထီႇဝီႇ၊ ဝၢႆႇၾၢႆႇ၊ ဢႄးၵွၼ်း။ တီႈႁိမ်းၶၢင်ႈၶွင်ႉၶႅၵ်ႇလူင်ၼၼ်ႉ မီးပႃး ၶွင်ႉၼွၼ်းလၢႆၶွင်ႉ။ တီႈလၢၼ်ႉၵိၼ်ယႅမ်ႉၼၼ်ႉ လႆႈတၢင်းၵိၼ်တၢင်းယႅမ်ႉ ဢၼ်ဝႃႈဢၼ်မၼ်း။ ၵူၼ်းႁဵတ်းၵၢၼ်တီႈၼၼ်ႈ မေႃမိုတ်ႈၵိုတ်း မေႃၸွႆႈထႅမ်တႄႉတႄႉ။ လႆႈဝႆႉ တၢင်းၶႆႈၸႂ်လီ တီႈၼိူဝ်ဢွၼ်ႇလၢႆး။ သင်ၸိူဝ်ႉဝႃႈ ၸဝ်ႈၵဝ်ႇ ဢမ်ႇပႄႉၵႃႈၼွၼ်းမၼ်းၼႆၵေႃႈ ၸဝ်ႈၵဝ်ႇၸၢင်ႈၵႂႃႇၵိၼ်တၢင်းၵိၼ်ၵၢင်ၼႂ်တီႈၼၼ်ႈ၊ တေလႆႈပၼ် 3,500 ၵျၢပ်ႈ။ ၶဝ်မၼ်းပႃး ဢွင်ႈၵူႇသွင်ၸၼ်ႉ ဢၼ်ပဵၼ် တွၼ်ႈတႃႇ ၵူၼ်းပိူဝ်ႉလင်လႄႇလၢဝ်း။ US$15-80။ (ဢၢပ်ႉတဵတ်ႉဝႆႉ မိူဝ်ႈ ၾႅပ်ႇ 2017)
• 7 ႁူင်းႁႅမ်း ၼၢင်းႁေႃၶမ်း ၸမႃးတေႇဝီႇ (Hotel Queen Jamadevi) 127၊ သဵၼ်ႈတၢင်း ယႃႇၸႃႇတရိတ်ႉ၊ မျႅင်ႇတႃႇယႃႇ (ၼႂ်းၵႄႈ ၵၢင်ဝဵင်း (လုၵ်ႉတီႈ တႃႈရူတ်ႉလဵၼ်း သေ ယၢၼ် 3.5 ၵီႇလူဝ်ႇမီႇတႃႇ)၊ တင်း တႃႈႁိူဝ်ႈမိၼ် (ယၢၼ် 2.5 ၵီႇလူဝ်ႇမီႇတႃႇ) လႄႈ တင်းၸၼ်ႉၸွမ် (ယၢၼ် 3 ၵီႇလူဝ်ႇမီႇတႃႇ)) - ☏ +95572030526 - ✉ hotelqueenjamadevi@gmail.com။ Check-in: 14:00 - check-out: noon။ ပိုတ်ႇမိူဝ်ႈပီ 2016 သေ ပဵၼ်တီႈ ဢၼ်ယဵၼ်လီ။ ၶွင်ႉတၢင်းသဵင်ႈၼႆႉ မီးၶွင်ႉၼမ်ႉသုၼ်ႇတူဝ်၊ ဢိၵ်ႇပႃး ၼမ်ႉဢုၼ်ႇ၊ ထီႇဝီႇလၢဝ်ႇထိမ်း၊ တိူၵ်ႈလၢင်ႈ/မီႇၼီႇၿႃး၊ တဝ်ႈထၢတ်ႈ၊ ၽၢၵ်ႈသိူဝ်ႇမႆႉ။ တၢင်းၵိၼ်ၵၢင်ၼႂ် ပူႇၽေး ဢဝ်ၸိူဝ်းပဵၼ်လွင်ႈၶိုၵ်ႉတွၼ်း ၸႄႈမိူင်းမွၼ်း ႁႅၼ်းဝႆႉ။ ၸၢင်ႈလိူၵ်ႈလႆႈ ဢွင်ႈတီႈၵိၼ်။ သူၼ်မွၵ်ႇ။ ဝၢႆႇၾၢႆႇၸႂ်ႉလႆႈလၢႆလၢႆ။ လွင်ႈႁပ်ႉသူင်ႇလၢႆလၢႆ ဢၼ် ၵႂႃႇ/မႃး တႃးႁိူဝ်းမိၼ်။ ပဵၼ်ၵၢၼ်မုင်ႉႁေႃႁိူၼ်းၵေႃႉႁဵတ်း။ မီးပႃး လွင်ႈသင်ႇမၢႆထႃႈ ၵၢၼ်တေႃႉသူင်ႇ (ဢမ်ႇမီးၵႃႈဢၼ်လူဝ်ႇလႆႈတိူဝ်းပၼ်ထႅင်ႈၼိူဝ် ၵႃႈမႂ်တိုတ်း)။ လႅင် လႄႈ ရူတ်ႉၶိူင်ႈၵေႃႈ ၸၢင်ႈၶၢတ်ႈလႆႈ။ တွၼ်ႈတႃႇ ၶွင်ႈ delux US$40 ၊ တွၼ်ႈတႃႇ ပင်ႇၷလူဝ်ႇ US$60။ (ဢၢပ်ႉတဵတ်ႉဝႆႉ မိူဝ်ႈ မေႇ 2018)
• 8 ႁူင်းႁႅမ်း ၽင်ႇၼမ်ႉ မေႃႇလမႅင်ႇ (Mawlamyine Strand Hotel) သဵၼ်ႈတၢင်း ၽင်ႇၼမ်ႉ ၊ ပွၵ်ႉၽႅတ်ႉတၢၼ်း - ☏ +95 32-22560။ မီး 24 ၶွင်ႉ၊ ၶဝ်ႈပႃး ဢႄးၵွၼ်း လႄႈ ၶွင်ႉၼမ်ႉ။ ၵူႇၵေႃႉလဵဝ် US$36၊ ၵူႇသွင်ၵေႃႉ US$48။ 
• 9 ႁူင်းႁႅမ်း သႅၼ်ႇတႄႇလ်ဝုတ်ႉ (Sandalwood Hotel) 278 သဵၼ်ႈတၢင်းၶူဝ်မျူဝ်ႉမ - ☏ +95 57 27253, +95 57 21185, +95 98 702511။ Check-out: တဵင်ႈဝၼ်း။ မိူဝ်ႈပီ 2018 ၼၼ်ႉတႄႉ ပဵၼ်ႁူင်းႁႅမ်းဢၼ်မႂ်ႇ၊ သိူဝ်ႇၶႅပ်းႁိၼ်ဝႆႉတဵမ်တဵမ် သေ ၵဵင်ႈသႂ်လီ၊ ၵူၼ်းႁဵတ်းၵၢၼ်မၼ်း မေႃမိုတ်ႈၵိုဝ်း၊ တီႈၼႂ်းၵႃႈၶၼ်မၼ်းၼၼ်ႉ ၶဝ်ႈပႃး တၢင်းၵိၼ်ၵၢင်ၼႂ်၊ ၼႂ်းၶွင်ႉ ပႃးထီႇဝီႇ လႄႈ တီႈၶွင်ႉၶၢမ်ႇၶႅၵ်ႇ မီးပႃး ဝၢႆႇၾၢႆႇ။ ၸၢင်ႈယိမ်လႆႈ ၶဵင်ႇတၢင်ႇၶူဝ်း လႄႈ ၸွင်ႈ ၸိူဝ်းၼႆႉ။ ဢၼ်ပဵၼ် ၶွင်ႉပိူင်ၵႅဝ်ႈၼႆႉ ၵူၺ်းၸၢင်ႈလႆႈ တႃႇ သွင်ၶွင်ႉၵူၺ်းလႄႈ တႃႇလႆႈၶွင်ႉၼၼ်ႉၵေႃႈယၢပ်ႇဝႆႉ၊ ယွၼ်ႉၼၼ်လႄႈ ၵပ်းသိုပ်ႇဝႆႉထႃႈ ဢွၼ်တၢင်း။ 20,000/25,000 ၵျၢပ်ႈ (ၵေႃႉလဵဝ်/သွင်ၵေႃႉ) ပိူင်ၵႅဝ်ႈ၊ တႄႇ 30,000/35,000 ၵျၢပ်ႈ (ၼိုင်ႈၵေႃႉ/သွင်ၵေႃႉ) ၶိုၵ်ႉတွၼ်း။ 
• မူဝ်ႇတႄႇ ပိၼ်ႇလူင်းပၢၼ်း 22B၊ သဵၼ်ႈတၢင်းမျူဝ်ႉသျွင်ႇ (ၸမ်ၵၼ်တင်း တႃႈရူတ်ႉပၢတ်ႉသ်) - ☏ +95 9 43116366 - ✉ sale.pinlonpann@gmail.com။ Check-in: 12:00 - check-out: 12:00။ ၶႅမ်ႉလႅပ်ႈ လႄႈ ယဵၼ်လီ၊ မီးဝၢႆႇၾၢႆႇဢၼ်ၽႂ်းၽႂ်းသေ မီးပႃးၸၢၵ်ႈထွၼ်ငိုၼ်း ဢေႇထီႇဢႅမ်ႇ 24 ၸူဝ်ႈမူင်း။ ၵူၼ်းႁဵတ်းၵၢၼ်မၼ်း မေႃၸွႆႈထႅမ်တႄႉတႄႉ။ ၵၢၼ်တေႃႉသူင်ႇတႄႉ ဢမ်ႇၸႂ်ႉ ဢၼ်မူဝ်ႇတႄႇၵေႃႉႁဵတ်း။ ထႅၵ်ႇၸီႇတႄႉၵႃႈၶၼ်ယႂ်ႇၼႃႇဢႃးလႃး၊ ၵူၺ်းၵႃႈဝႃႈ တုၵ်ႉတုၵ်ႉတႄႉၵေႃႈ ၶႂ်ႈပၼ်တၢင်းၶႆႈၸႂ်ယူႇ။ ဢွင်ႈၼွၼ်းၵေႃႈ ၵဵင်ႈၵဵင်ႈသႂ်သႂ် သေ တၢင်းၵိၼ်ၵၢင်ၼႂ်ၵေႃႈ ၶႅမ်ႉ လႄႈ မီးပႃး သိုင်ႇၽႆးသူး။ US$20–25။ (ဢၢပ်ႉတဵတ်ႉဝႆႉ မိူဝ်ႈ တီႇ 2018)

သိုပ်ႇၵႂႃႇထႅင်ႈ

ၽွင်းၸဝ်ႈၵဝ်ႇ ဢဝ်ထႅၵ်ႇၸီႇသေ ၵႂႃႇတီႈ တႃႈရူတ်ႉပၢတ်ႉသ် ၼႆ လၢတ်ႈၶဝ်ဝႃႈ တေၵႂႃႇလူင်းတီႈ တႃႈရူတ်ႉပၢတ်ႉသ် ဢမ်ႇၼၼ် ၵႃႈတီႈ 2 ဢွင်ႈၶၢႆမႂ်တိုတ်း ရူတ်ႉပၢတ်ႉသ် (တႃႈရူတ်ႉပၢတ်ႉသ်ၵဝ်ႇ) တီႈၼႂ်း ဝဵင်း ဢၼ်မီးၸွမ်း သဵၼ်ႈတၢင်း ဢၼွၵ်ႉတၢတ်ႉမျီး တီႈဢၼ်မီး ၾေႇရီႇ ဢၼ်တေႃႉသူင်ႇပၼ်လၢႆလၢႆ ၸူး တႃႈရူတ်ႉပၢတ်ႉသ်၊ တီႈဢေႇသုတ်း တွၼ်ႈတႃႇ ပၢတ်ႉသ် ၸိူဝ်းၵႂႃႇ ၽႃဢၢင်ႇ။ ပႆၵႂႃႇၸူး တီႈ ဢွင်ႈတီႈၶၢႆ မႂ်တိုတ်းၼၼ်ႉလႄႈ။

• ၽႃဢၢင်ႇ – ၸိုဝ်ႈလိုဝ်းလင်ၸွမ်း ထမ်ႈ ၸိူဝ်းမီးတီႈၼၼ်ႈ လႄႈ ပၢင်ႇပႃႇၶဵဝ်။ ရူတ်ႉပၢတ်ႉသ် ဢၼ်ၵဝ်ႇ၊ ဢၼ်ဢမ်ႇပႃး ၸၢၵ်ႈလူမ်းၵတ်း ၼၼ်ႉ ၼိုင်ႈဝၼ်း ဢွၵ်ႇပဵၼ်လၢႆလမ်းသေ 1000 ၵျၢပ်ႈ၊ ႁိုင် 2 ၸူဝ်ႈမူင်း။ မီးပႃး ႁိူဝ်းသေ (ပေႃးၶၢတ်ႈသုၼ်ႇတူဝ်ႈ 70,000 ၵျၢပ်ႈသေ ပေႃးၶီႇႁူမ်ႈၵၼ်တႄႉ ၼိုင်ႈၵေႃႉ 8,000 ၵျၢပ်ႈ၊ တၢင်းႁိုင် 5 ၸူဝ်ႈမူင်း)။
• မျႃႉဝတီႇ – တႃႇ မႄႈသွတ်ႇ (မိူင်းထႆး)၊ ရူတ်ႉပၢတ်ႉသ် (5,000 ၵျၢပ်ႈ) ဢမ်ႇၼၼ် ဢဝ် ထႅၵ်ႇၸီႇႁူမ်ႈၵၼ် (10,000 ၵျၢပ်ႈ)၊ တၢင်းႁိုင် 3-5 ၸူဝ်ႈမူင်း။ ၵမ်ႉၼမ် ဢွၵ်ႇၵၢင်ၼႂ်။
• ၵျႅၵ်ႉထီးယူဝ်း – ၸိုဝ်းလိုဝ်းလင် တွၼ်ႈတႃႇ ၵွင်းမူးမၢၵ်ႇႁိၼ်ၶမ်း၊ ပဵၼ်ဢွင်ႈတီႈယဵမ်တူၺ်း ဢၼ်လိုဝ်းလင် တီႈၼႂ်း ၸႄႈမိူင်းမွၼ်း။ 07:30 & 09:30၊ 7,000 ၵျၢပ်ႈ၊ 3-4 ၸူဝ်ႈမူင်း။ မီးရူတ်ႉပၢတ်ႉသ် ၽႅဝ်တီႈ ပၢင်လိုဝ်ႈသဝ်း ၵိၼ်ႇပုၼ်း ဢၼ်ပဵၼ်တီႈ တိၼ်လွႆ။
• ပႃႇၵိူဝ် – ၸိုဝ်ႈလိုဝ်းလင် တွၼ်ႈတႃႇ ၵွင်းမူးသုင်သုတ်း တီႈၼႂ်းၵမ်ႇၽႃႇ၊ ဢၼ်ပဵၼ်ၵွင်းမူး သူၺ်ႇမေႃႇၻေႃး။ ရူတ်ႉပၢတ်ႉဢွၵ်ႇ 07:00/08:00/09:00 လႄႈ 12:30၊ 5-10,000 ၵျၢပ်ႈ။
• တႃႈလိူဝ်ႇ – လိုဝ်းလင် တႃႇ ၶူဝ်ဢူးပဵင်ႇ၊ လွင်ႈသုၵ်ႈၼႃႈၽြႃးလူင် လႄႈ ၶီႇရူတ်ႉလဵၼ်းၶိုၼ်ႈလွႆ။ ရူတ်ႉပၢတ်ႉသ် ဢၼ်ၶိုၵ်ႉၶႅမ်ႉ ဢၼ်ဢွၵ်ႇၵၢင်ၶမ်ႈ (ႁူင်းၵၢၼ်ရူတ်ႉ - သူၺ်ႇမၢၼ်ႇတလႃႇ)။ ၵႃႈၶီႇမၼ်း မီးတေႃႇထိုင် 15,000 ၵျၢပ်ႈ။ ၶဝ်ႈပႃး ၽႃႈၸဵတ်ႉ၊ မွၼ်ႁူဝ်၊ ၽႃႈမႆ၊ မႆႉသီၶဵဝ်ႈ လႄႈ ၼမ်ႉ။
• တႃႈၵုင်ႈ – လိုဝ်းလင် တႃႇ ၵွင်းမူးသူၺ်ႇတၵူင်ႇ လႄႈ ဝဵင်း။ ၼိုင်ႈဝၼ်းၼိုင်ႈဝၼ်း ရူတ်ႉပၢတ်ႉသ်ဢွၵ်ႇပဵၼ်လၢႆလမ်း။
• ယေး – ရူတ်ႉပၢတ်ႉသ် ဢွၵ်ႇ 06:30/09:15/11:45 & 15:30, 4-5 ၸူဝ်ႈမူင်း၊ 6,000 ၵျၢပ်ႈ။ ပေႃးပဵၼ် ရူတ်ႉပၢတ်ႉသ်ဢွၼ်ႇတႄႉ 4,000 ၵျၢပ်ႈ။
• ထဝႄႇ – ၸိုဝ်ႈလိုဝ်းလင် ဢၼ်ၸႅတ်ႈဢၼ်မၢၼ်ႇ မၼ်းလႄႈ ဢၼ်ပႆႇပေႃးၶိုၼ်ႈယႂ်ႇ၊ ၽြႃးဢၼ်သူႇယႂ်ႇ လႄႈ ၽင်ႇပၢင်ႇလၢႆႇ ဢၼ်မီးတီႈၵႆ (မွင်းမၵၢၼ်ႇ)။ ရူတ်ႉပၢတ်ႉသ် ဢွၵ်ႇ 05:00 13:00/14:00/16:00, 8-10 မူင်း၊ 12,000 ၵျၢပ်ႈ။

ရူတ်ႉလဵၼ်း တႃႇၵႂႃႇတႃႈၵုင်ႈၼႆႉ ဢွၵ်ႇၶၢဝ်း 08:00၊ 19:30 လႄႈ 20:55။ လႆႈလတ်းၶၢမ်ႈ ၵျႅၵ်ႉထူဝ်ႇ ဢၼ်မီးၸမ်ၵၼ်တင်း ၵျႅၵ်ႉထီးယူဝ်း လႄႈ ပႃႇၵိူဝ် သေ ဝၢႆးႁိုင် 9 ၸူဝ်ႈမူင်းသေၵေႃႈ ႁွတ်ႈၽႅဝ်ယဝ်ႉ။ ၶၢဝ်းတၢင်း ဢၼ်ၵႂႃႇတႃႈၵုင်ႈၼႆႉ 2,150/5,500 ၵျၢပ်ႈ (တီႈၼင်ႈယူဝ်းယူဝ်း/ထၢၼ်ႈသုင်)။ တွၼ်ႈတႃႇ လွၼ်ႉၶၢဝ်ႇထႅင်ႈတႄႉ Seat61.com ဢမ်ႇၼၼ် သင်ႇမၢႆထႃႈ တီႈ တႃႈရူတ်ႉလဵၼ်း။

ရူတ်ႉလဵၼ်းဢၼ်ၵႂႃႇ တႃႈႁိူဝ်းထဝႄႇ ၼၼ်ႉတႄႉ ဢွၵ်ႇၶၢဝ်း 04:00 မူင်း သေ ဝၢႆးႁိုင် 15 ၸူဝ်ႈမူင်းၼႆၵေႃႈ ႁွတ်ႈၽႅဝ်ယဝ်ႉ။