ၵျွၵ်းမႄး

ၵျွၵ်းမႄး ဢမ်ႇၼၼ် ၵျွၵ်ႉမႄး ၼႆႉ ပဵၼ်ဝဵင်း ဢၼ်မီးတီႈၼႂ်း မိူင်းတႆး၊ တီႈ မိူင်းမျၢၼ်ႇမႃႇပွတ်းဢွၵ်ႇၼၼ်ႉယဝ်ႉ။

လီပွင်ၸႂ်ဝႆႉ

ဝဵင်းၵျွၵ်းမႄးၼႆႉ ပဵၼ်ဝဵင်းဢွၼ်ႇဢၼ်ၼိုင်ႈ ဢၼ်လီဢၢမ်းဝႆႉၼၼ်ႉယဝ်ႉ။ ပဵၼ်ဝဵင်းတီႈၵၢတ်ႇ တွၼ်ႈတႃႇတီႈႁိမ်းႁွမ်းၼၼ်ႉသေ ပွၵ်ႉၶႄႇၼၼ်ႉၵေႃႈ ပဵၼ်ပွၵ်ႉဢၼ်ယႂ်ႇထၢၼ်ႇတၢင်ႇဝဵင်းသေ ၶႄႇၸိူဝ်းၶၢႆႉမႃးယူႇၵမ်ႉၼမ်ၼႆႉ ဢွၼ်ၵၼ်ႁဵတ်းၸေႈမႆႉမွင်ယဝ်ႉ။

ၵႂႃႇၸူး

ဢၼ်ပဵၼ်သၢႆၵၢၼ်ရူတ်ႉလဵၼ်း တႃႈလိူဝ်ႇ-လႃႈသဵဝ်ႈၼၼ်ႉ ၵိူတ်းဝႄႉ တီႈ ၵျွၵ်းမႄးယဝ်ႉ။ ၽႅဝ်ႁွတ်ႈတီႈလႃႈသဵဝ်ႈ မွၵ်ႈ 14:00 မူင်း သေ တီႈ ဝဵင်းလိူဝ်ႇတႄႇ 10:30 မူင်းယဝ်ႉ။ လူတ်ႉပၢတ်ႉ ဢၼ်ၵႂႃႇဝဵင်းလိူဝ်ႇၵေႃႈ မီးဝႆႉယူႇၵူႈဝၼ်းသေ လုၵ်ႉတႃႈ တႃႈလူတ်ႉၵျွၵ်းမႄး ဢွၵ်ႇ 05း30 မူင်းသေၵေႃႈ ၵႃႈလူတ်ႉတႄႉ တေမီး 3,500-4,000 ၼႆႉသေ လူတ်ႉဢၼ်ၵႂႃႇၸူးၽၢႆႇ သီႇပေႃႉၼၼ်ႉတႄႉ ဢွၵ်ႇ ၵၢင်ၼႂ် 7:00-14:00 သေ ၵႃႈလူတ်ႉတႄႉ မီးယူႇ 1,000 ၵျၢပ်ႈယဝ်ႉ။ ဢမ်ႇၼၼ်ၵေႃႈ လုၵ်ႉတီႈသဵၼ်ႈတၢင်းလူင် ဢၼ်ၵႆတင်းဝဵင်း 2 km ၼၼ်ႉသေ ပႆႉႁႄႉၵႃး ဢၼ်လုၵ်ႉတီႈ လႃႈသဵဝ်ႈ ဢမ်ႇၼၼ်ႉ သီႇပေႃႉ မႃးၼၼ်ႉသေ ဢၼ်တေၵႂႃႇ တႃႈလိူဝ်ႇ ဢမ်ႇၼၼ် တႃႈၵုင်ႈၼၼ်ႉသေၵေႃႈ ၶီႇၵႂႃႇၸွမ်းလႆႈယူႇ။

ၸွၼ်ႇ

တွၼ်ႈတႃႇဢႅဝ်ႇလႄႇတူၺ်းၼႂ်းဝဵင်း တႄႉ ၶၢတ်ႇလူတ်ႉၶိူင်ႈထႅၵ်ႇၸီႇ ဢမ်ႇၼၼ် ပႆတၢင်းသေ ဢႅဝ်ႇလႄႇလႆႈယူႇ။

တူၺ်း

တီႈဝဵင်းၵျွၵ်းမႄးတႄႉ တီႈဢၼ်လီၶဝ်ႈၸႂ် ဢမ်ႇပေႃးမီးသင်သေတႃႈ ၸိူဝ်းပဵၼ် ၼိူဝ်လွႆတီႈႁိမ်းႁွမ်း ၼၼ်ႉတႄႉ ပဵၼ်ဢၼ်လီၶဝ်ႈၸႂ်ယူႇ။ ဢၼ်ဢမ်ႇမိူၼ်သီႇပေႃႉတႄႉ မၼ်းပဵၼ် ဢွင်ႈတီႈ ဢၼ်လီၶိုၼ်ႈၼိူဝ်လွႆၼၼ်ႉယဝ်ႉ။ ၽူႈၸိၼၢမ်းသၢႆတၢင်း ၸိူဝ်းပဵၼ်တႆး ၸိူဝ်းပဵၼ်ပလွင်ႈၶဝ်ၸိူဝ်းၼႆႉ ၶိုၼ်ႈလွႆ ၸိူဝ်းမီးႁိမ်းႁွမ်း ဢမ်ႇၼၼ် ဢဝ်လူတ်ႉၶိူင်ႈသေ ၶီႇၵႂႃႇ ၸိူဝ်းမီးတီႈၵႆတၢၼ်ႇတၢၼ်ႇၼၼ်ႉယဝ်ႉ။ ပေႃးပဵၼ် ၽူႈၸိၼၢမ်းသၢႆတၢင်း ဢၼ်မေႃလၢတ်ႈၵႂၢမ်းတႆး ဢမ်ႇၼၼ် ၵႂၢမ်းပလွင်ႈၼႆ တေတိူဝ်းပွင်ႇၸႂ်ၵၼ်တင်း ၵူၼ်းပိုၼ်ႉတီႈယဝ်ႉ။

ႁဵတ်း

တီႈႁဵတ်းၵၢၼ် ဢၼ်ဢဝ်မႆႉမွင်သေ ႁဵတ်းၸေႈၼၼ်ႉ ပဵၼ်ဢၼ်လီၶဝ်ႈၸႂ်ယဝ်ႉ။ တီႈၼၼ်ႈၼၼ်ႉ မီးပႃး ႁူင်းႁဵၼ်းဢိင်းၵလဵတ်ႈ ဢၼ်ႁႃၵူၼ်းၼွၵ်ႈမိူင်း သေ ႁႂ်ႈၸွႆႈပၼ်ၵၢၼ်ႁဵၼ်း။ ပေႃးၸဝ်ႈၵဝ်ႇ ၶီႇရူတ်ႉလဵၼ်းသေ ၽႅဝ်ၵႂႃၼႆတႄႉ ထုၵ်ႇလီၵႂႃႇလဵပ်ႈႁဵၼ်းတူၺ်းယူႇ။

ပေႃးၶႂ်ႈပေႃႉ ၵွပ်ႉၾ် ၵေႃႈ ၶၼ်မၼ်းသၢင်ႇထုၵ်ႇယူႇ။ ၼိုင်ႈႁွပ်ႈၼႆႉ လႆႈပၼ် မွၵ်ႈ 2,000 ၵျၢပ်ႈၼႆႉယဝ်ႉ။

သိုဝ်ႉ

ၵိၼ်

Thiripyitsayn Food & Drink 4/54 သဵၼ်ႈတၢင်း သူၺ်ႇၽီႇဢူး (လုၵ်ႉတီႈ ႁူင်းလႅမ်းမဵင်းသေၶၢမ်ႈတၢင်းၵႂႃႇ) - ☏ +95 8240340။ ၵိၼ်လႆႈၶဝ်ႈသွႆးတႆး ၼိုင်ႈဝၢၼ်ႈ 500 ၵျၢပ်ႈ လႄႈ ၼမ်ႉမၢၵ်ႇၶႆ ၼိုင်ႈၵွၵ်း 500 ၵျၢပ်ႈ

ဢွၵ်ႉ

ၼွၼ်း

တီႈလိုဝ်ႈသဝ်း ဢႃႇယူင်ႇဢူး။ ၶွင်လူင်ပွင်ၸိုင်ႈ။ ၶွင်ႉၼွၼ်းၵဵင်ႈသႂ် သေ ၵႃႈၶၼ်ထုၵ်ႇ။ တၢင်းၵိၼ်ၵၢင်ၼႂ်တႄႉ သမတႃႇ။ US$5-8။
Northern Rock (လုၵ်ႉတီႈဢႃႇယူင်ႇဢူး ၶၢမ်ႈတၢင်းၵႂႃႇ)။ ၵူၼ်းႁၢပ်ႇၵၢၼ် လီမိုတ်ႈသေ ၶွင်ႉၼွၼ်းတႄႉ ပဵၼ်သမတႃႇ။ ႁွင်ႈဢၢပ်ႇၼမ်ႉ ႁူမ်ႈၵၼ်ၸႂ်ႉ။ တၢင်းၵိၼ်ၵၢင်ၼႂ် မိူၼ်မိူင်းဝၼ်းတူၵ်း လႆႈပၼ် 2,500 ၵျၢပ်ႈ။ 6,000 ၵျၢပ်ႈ။ (ဢၢပ်ႉတဵတ်ႉဝႆႉ မိူဝ်ႈ မေႇ 2015)

ယူႇသဝ်းႁႂ်ႈလွတ်ႈၽေး

ၵူၼ်းပိုၼ်ႉတီႈလႄႈ ၵူၼ်းထွင်ႈတဵဝ်းၶဝ် ယၢမ်ႈတိူဝ်ႉၺႃးမၢၵ်ႇတႅၵ်ႇ တီႈၼႂ်းၼႃႈလိၼ်ၼႆႉ။

ၵပ်းသိုပ်ႇ

ယၢမ်းလဵဝ် ဢိၼ်ႇထႃႇၼႅတ်ႉမူဝ်ႇပၢႆး ၸႂ်ႉလႆႈၵူႈတီႈယဝ်ႉလႄႈ လွင်ႈၵွင်ႉသိုပ်ႇဢိၼ်ႇထႃႇၼႅတ်ႉတႄႉ ၶႅမ်ႉယူႇ။

သိုပ်ႇၵႂႃႇထႅင်ႈ

ၽိုၼ်ၵႅမ်မိုဝ်းၶၢဝ်းတၢင်း ဝဵင်း ၵျွၵ်းမႄး ၼႆႉ ပဵၼ် ပိူင်လိူင်း လႄႈ လူဝ်ႇ လမ်းၼႂ်းမၼ်းထႅင်ႈ။ မၼ်းမီးဝႆႉ ထႅမ်းပလဵတ်ႉ သေတႃႉ လွၼ်ႉၶၢဝ်ႇ ဢၼ်မီးဝႆႉယူႇ ယၢမ်းလဵဝ်ၼႆႉ မၼ်းပႆႇၵုမ်ႇထူၼ်ႈ။ ၶႅၼ်းတေႃႈ ၶိုပ်ႈၼႃႈ သေ ၸွႆႈထႅမ်ပၼ် ႁႂ်ႈမၼ်း မုၼ်းယႂ်ႇမႃးသေၵမ်း !