ၵေႃႉတွင်း (မိူဝ်ႈၵူႈပွၵ်ႈ ႁွင်ႉပႃးဝႃႈ Victoria Point) ၼႆႉ မီးတီႈ ပွတ်းၸၢၼ်း မျၢၼ်ႇမႃႇ တီႈၼိူဝ် လႅၼ်လိၼ်မိူင်း ဢၼ်ၶႅၼ်ႈၵၼ်ဝႆႉတင်း မိူင်းထႆး ၼၼ်ႉယဝ်ႉ။

ပွင်ႇၸႂ်

ႁူးၶဝ်ႈၸူး မျၢၼ်ႇမႃႇ

ၵႂႃႇၸူး

တင်း ႁိူဝ်းမိၼ်

ဢၼ်ပဵၼ် သၢႆၵၢၼ်မိၼ် Myanmar National Airlines ၼႆႉ မီးဝႆႉၵူႈဝၼ်းသေ သၢႆၵၢၼ်မိၼ် Asian Wing Airways တႄႉ ၼိုင်ႈဝူင်ႈ မီး သၢမ်ပွၵ်ႈ။ ဢၼ်ပဵၼ် သၢႆၵၢၼ်မိၼ် မျၢၼ်ႇမႃႇ ဢႄးဝေး (ၵမ်ႉၼမ် ၼိုင်ႈဝူင်ႈၼိုင်ႈပွၵ်ႈ) ၼၼ်ႉ မိၼ်ၸူး မေႃႇလမႅင်ႇ။ ဢၼ်မိၼ်ၸူး ပူၵ်ႉပျိၼ်း လႄႈ မျဵၵ်ႉ ၵေႃႈ မီးဝႆႉယူႇ။

သၢႆၵၢၼ်မိၼ်ၼႆႉ ၸၢင်ႈယႃႉပႅတ်ႈၶၢဝ်းတၢင်း ဢိၵ်ႇတင်း ၶေႃႈပၼ်ၽၢင်ႉ ဢိတ်းဢွတ်း ဢမ်ႇၼၼ် ၶေႃပၼ်ၽၢင်ႉၶိုၵ်ႉတွၼ်း၊ ယွၼ်ႉ ဢမ်ႇမီး ဢၼ်သင်ႇမၢႆဝႆႉ၊ ယွၼ်ႉသၢႆငၢႆၼႃႈၽႃႉ ဢမ်ႇၼၼ် ယွၼ်ႉသၢႆငၢႆ ၸိူဝ်းဢမ်ႇလၢမ်းလႆႈ။

သၢႆၵၢၼ်မိၼ် ဢၼ်လုၵ်ႉ ၵေႃႉတွင်း ၸူး မျဵၵ်ႉ ဢၼ်မီးတၢင်းႁိုင် 30 တႃ ၼႆႉ တေလႆႈပၼ် US$77 (ၸၼ်ႇဝႃႇရီႇ 2014)။ ယွၼ်ႉပိူဝ်ႈမိူင်းမူဝ်းလႄႈ လုၵ်ႉတီႈၼိူဝ် ႁိူဝ်းမိၼ်သေ ဢမ်ႇပေႃးၸၢင်ႈလႆႈႁၼ်သင်။ ပေႃးၶၢဝ်းၽူၼ်ယဝ်ႉ ၼႂ်း ဢွၵ်ႇထူဝ်ႇပႃႇ-ၼူဝ်ႇဝႅမ်ႇပႃႇတႄႉ ၼႃႈၽႃႉပၢင်ႇသႂ်လီယဝ်ႉ။

တင်း ႁိူဝ်း

ၵၢၼ်ၸွႆႈသၢင်ႈႁိူဝ်း ဢၼ်ၵႂႃႇၸူး မျဵၵ်ႉၼၼ်ႉ လႆႈၵိုတ်းပႅတ်ႈ မိူဝ်ႈ ပီ 2016 သဵင်ႈၼၼ်ႉယဝ်ႉ။ ဢၼ်ၼၼ်ႉၼႆႉ မၼ်းႁႂ်ႈ ၵူၼ်းၼွၵ်ႈမိူင်းၶဝ် လုၵ်ႉတီႈ တၢင်းလိၼ်သေ သိုပ်ႇၶၢဝ်းတၢင်းယဝ်ႉ။

တင်း ရူတ်ႉပၢတ်ႉသ်

တႃႈရူတ်ႉပၢတ်ႉသ် ၼႆႉ လုၵ်ႉတီႈ ၵၢင်ဝဵင်းသေ မီးၽၢႆႇၼွၵ်ႈ ယၢၼ် 3 ၵီႇလူဝ်ႇမီႇတႃႇ မီးဝႆႉတီးၼိူဝ် သဵၼ်ႈတၢင်းလူင်။

• မျဵၵ်ႉ – သၢႆၵွင်ႉသိုပ်ႇ ရူတ်ႉပၢတ်ႉသ် လႄႈ ရူတ်ႉဝႅၼ်ႇဢွၼ်ႇ လႆႈပိုတ်ႇပၼ် ၸူး ၵူၼ်းၼွၵ်ႈမိူင်းယဝ်ႉ။ ႁူင်းၵၢၼ် ၵၢၼ်တေႃႉသူင်ႇ မီးဝႆႉလၢႆႇဢၼ် ဢၼ်ပၼ်ၵၢၼ်ၸွႆႈသၢင်ႈ တႃႇ ရူတ်ႉဝႅၼ်ႇဢွၼ်ႇ (ဢၼ်မီးတေႃႇၼႃႈၵၼ်တင်း ၶဵင်ႇယၢမ်းမူင်း)။ ရူတ်ႉပၢတ်ႉသ် ၼႆႉ လတ်းၵႂႃႇ တီႈဝဵင်း ပူၵ်ႉပျိၼ်း ယဝ်ႉ။ ၶၢဝ်း 12:00, 15:00, 17:00 လႄႈ မွၵ်ႈ ၵၢင်ၼႂ်ၼႆႉ။ တႃႇၵႂႃႇၸူး မျဵၵ်ႉၼႆႉ ဢဝ် ၶၢဝ်းယၢမ်း 10-12 မူင်း၊ ဢိင်ၼိူဝ် သၢႆငၢႆတၢင်း (မိူဝ်ႈႁူဝ်ပီ 2017 ၼၼ်ႉ တိုၵ်ႉမီး ဢွင်ႈတီႈႁဵတ်း ၵၢၼ်ၵေႃႇသၢင်ႈတင်းၼမ်)။
• ထဝႄႇ – ရူတ်ႉပၢတ်ႉသ် ဢၼ်ဢွၵ်ႇတီႈထဝႄႇ ၶၢဝ်း 10:00 လႄႈ 17:00 သေ တေတူၵ်းၸူဝ်ႈ 30,000 ၵျၢပ်ႈ။

တင်း လႅင်

သဵၼ်ႈတၢင်း မျဵၵ်ႉ ၵႂႃႇၸူး ၵေႃႉတွင်းၼႆႉ ႁူမ်ႈဝႃႈ သိူဝ်ႇတၢင်းယဝ်ႉလီငၢမ်းၵေႃႈ တၢင်းတိုၵ်ႉမီး လွင်ႈၶဵင်ႇတႃႉ တင်းၼမ်ယဝ်ႉ။ သဵၼ်ႈတၢင်းၼႆႉ ၶိုၼ်ႈၶိုၼ်ႈလူင်းလူင်း ၸၢႆႉၸၢႆႉၸိူၼ်းၸူၼ်း > 10% ယဝ်ႉ။ လိူဝ်သေဝႃႈ ဢွင်ႈလိုဝ်ႈသဝ်း ဢၼ်မီးတီႈ ပူၵ်ႉပျိၼ်းလႄႈ ႁူင်းႁႅမ်း တၼိၼ်းတႃႇယီႇၼၼ်ႉ တီႈၸွမ်းသၢႆတၢင်းၼၼ်ႉ ဢမ်ႇမီး ဢွင်ႈတီႈသဝ်းတႃႇလိူဝ်ႈသင်။ သဵၼ်ႈတၢင်းတႃႇလိူၵ်ႈ ဢၼ်ပဵၼ်ဢၼ်လဵဝ်တႄႉ ပဵၼ် ၵျွင်းမုၼ်ၸဝ်ႈလႄႈ ႁဵတ်းသုမ်ႉၽႃႈယၢင်လိုဝ်ႈၼႂ်းထိူၼ်ႇ ဢၼ်မိူင်းမၢၼ်း ႁႄႉႁၢမ်ႈဝႆႉ ပဵၼ်တၢင်းၵၢၼ်ၼၼ်ႉယဝ်ႉ။

လုၵ်ႉတီႈ မိူင်းထႆးမႃး

မုင်ႈတူၺ်း တီႈ တႃႈႁိူဝ်း

ႁိူဝ်း တႃႈႁိူဝ်း တီႈ ရယွင်း (မိူင်းထႆး) မႃးၼၼ်ႉ ပဵၼ် တၢင်းဢၼ်ၸႂ်ႉၼမ်သေပိူၼ်ႈ တွၼ်ႈတႃႇ ၶဝ်ႈၸူး ၵေႃႉတွင်း၊ ပဵၼ်ဢၼ် ၵူၼ်းဢွၵ်ႇတၢင်း ဢၼ်လုၵ်ႉတီႈ မိူင်းထႆးသေ တႃႇမႄႇၶႂၢၵ်ႈ ဝီႇသႃႇဢၼ်ယူႇသဝ်းလႆႈလၢႆ တီႈမိူင်းထႆးၼၼ်ႉယဝ်ႉ။ ဢေးၵျႅၼ်ႉဢွၵ်ႇၶၢဝ်းတၢင်း တီႈ ရယွင်းၼၼ်ႉ ၸၢင်ႈၶပ်ႉၶိုင်ပၼ် ၶၢဝ်းတၢင်းၼႆႉ ၵူၼ်းၼိုင်ႈၵေႃႉ မွၵ်ႉ 400 ၿၢတ်ႉ ၶဝ်ႈပႃး ဢၼ်တေႃႉသူင်ႇၸူး တႃႈႁိူဝ်း၊ ၵူၺ်းၵႃႈ ဢမ်ႇၶဝ်ႈပႃး ၵႃႈဝီႇသႃႇ၊ ထုၵ်ႇလီၸႂ်ႉ ငိုၼ်းတေႃႇလႃႇ ဢမ်ႇ ငိုၼ်းၿၢတ်ႉထႆး ဢၼ်ဢမ်ႇမီး ႁွႆးၶၼ်၊ ဢၼ်ပဵၼ်ဢၼ်မႂ်ႇမႂ်ႇၼၼ်ႉ။ ႁူမ်ႈဝႃႈမီး ႁွႆးၶၼ်ႇဢိတ်းဢွတ်း လႄႈ ယွၵ်းဢိတ်းဢွတ်းၵေႃႈ ငိုၼ်းတေ ၶဝ်တေဢမ်ႇဢဝ် သေ လွင်ႈဢၢၼ်းငိုၼ်းတႄႉ ဢမ်ႇသူႈပၼ်တီႈ သုမ်ႉၵဵပ်းၶွၼ်ႇတီႈၵတ်ႉသတမ်ႇ တီႈ ၽၢႆႇပွတ်းၵေႃႉတွင်း။

ၸွၼ်ႇး

လွၵ်းလၢႆးဢၼ်ၸႂ်ႉၼမ်သေပိူၼ်ႈ တႃႇၸွတ်ႇတူၺ်း တီႈၼႂ်းဝဵင်းတႄႉ ပဵၼ် ရူတ်ႉၶိူင်ႈထႅၵ်ႇၸီႇယဝ်ႉ။ ပေႃးတွၼ်ႈတႃႇ ၶၢဝ်းတၢင်း ၸမ်ၸမ်ၼႆ ၼိုင်ႈၵေႃႉ လႆႈပၼ် 200 ၵျၢပ်ႈ။ ပေႃးတေၵႂႃႇတႃႈႁိူဝ်းမိၼ် ဢၼ်မီးတၢင်းၵႆ မွၵ်ႈ 10 ၵီႇလူဝ်ႇမီႇတႃႇၼၼ်ႉတႄႉ တေလႆႈပၼ် မွၵ်ႈ 2,000 ၵျၢပ်ႈၼႆႉယဝ်ႉ။

ႁဵတ်း

ႁူင်းႁႅမ်း ဢႅၼ်ႇတမၼ်ႇ ၶလၢပ်ႉ ရီသွတ်ႉ ဢၼ်မီးတီႈၼိူဝ် ၵုၼ်တထေးၵျုၼ်း ပေႃးလုၵ်ႉတီႈ ၵေႃႉတွင်း ဢမ်ႇၼၼ် ရယွင်းသေ ၵႂႃႇမွၵ်ႈ ၶၢဝ်းတၢင်း ၶိုင်ႈၸူဝ်ႈမူင်းၼၼ်ႉ ၸိုဝ်ႈလိုဝ်းလင် တွၼ်ႈတႃႇ လွင်ႈတေႃႇလွင်း ၵႃႇၸီႇၼူဝ်ႇ ဢၼ်ပဵၼ် ၵႃႇၸီႇၼူဝ်ႇဢၼ်လဵဝ် တီႈၼႂ်းမျၢၼ်ႇမႃႇ ဢၼ်မီးတီႈ ၽၢႆႇ ဢႅၼ်ႇတမၼ်ႇ ၼၼ်ႉယဝ်ႉ။

တီႈဢၼ်ဢမ်ႇပေႃးၵႆၵၼ်တင်းဝဵင်းၼၼ်ႉ မီးဝႆႉ ၵုၼ်ၵယိၼ်ၵႂႃႉ ထႅင်ႈတၢင်ႇၸိူဝ်း မိူၼ်ၼင်ႇ မျွၵ်ႉၼီႇ လႄႈ ၵူၼ်သလူင်ႇ ဢၼ်ပဵၼ် ပွတ်းတွၼ်ႈႁင်း မူႇၵုၼ်ႇမျဵၵ်ႉၼၼ်ႉယဝ်ႉ။ တီႈၼၼ်ႈၼႆႉ မီးဢွင်ႈတီႈၶိုၵ်ႉၶႅမ်ႉ တွၼ်ႈတႃႇလမ်ၼမ်ႉ။ တီႈႁိမ်း ၵေႃႉတွင်းၼၼ်ႉ မီးဝႆႉ ၼမ်ႉတူၵ်းတၢတ်ႇဢွၼ်ႇ သေ တီႈဝၢၼ်ႈမလိဝုၼ်ႇ ဢၼ်မီး ၽၢႆႇႁွင်ႇဝဵင်း ယၢၼ် 40 ၵီႇလူဝ်ႇမီႇတႃႇၼၼ်ႉ မီး ၼမ်ႉဢုၼ်ႇယဝ်ႉ။ ယွၼ်ႉပိူဝ်ႈ သိူဝ်ႇတၢင်းဝႆႉ ၶႅမ်ႉလႅပ်ႈယဝ်ႉလႄႈ ပေႃးၶီႇတင်း ရူတ်ႉၵႃးၵႂႃႇၼႆ ၼႂ်းၶၢဝ်းတၢင်း ၶိုင်ႈၸူဝ်ႈမူင်းၼၼ်ႉ ၸၢင်ႈႁွတ်ႈၽႅဝ်လႆႈ တီႈၼၼ်ႈယူႇ။

သိုဝ်ႉ

ၵွင်းမူး ပျီႇတေႃႇဢေး

တီႈၼႂ်းဝဵင်း တီႈလႂ်သေဢမ်ႇဝႃႈ ၸဝ်ႈၵဝ်ႇ ၸၢင်ႈၸႂ်ႉငိုၼ်းၿၢတ်ႉလႆႈယူႇ။ ၶဝ်ၵေႃႈ ဢမ်ႇမီးငိုၼ်းဢၢၼ်းတႃႇသေ လႄႈ ပေႃးဢဝ်တင်း ငိုၼ်းၿၢတ်ႉသေၸၢႆႇၵႃႈမၼ်းၼႆႉ တေတိူဝ်းၵႃႈယႂ်ႇဢိတ်းဢိတ်း။ တီႈၼၼ်ႈၼႆႉ တွၼ်ႈတႃႇလႅၵ်ႈငိုၼ်း မီးဢွင်ႈတီႈတင်းၼမ်။ တူဝ်ယၢင်ႇမၼ်း တီႈလၢၼ်ႉ IP Star ၵမ်ႈၽွင်ႈ ႁဵတ်းၵၢၼ်လႅၵ်ႈငိုၼ်း။ ၶၼ်လႅၵ်ႈငိုၼ်းတႄႉ ပေႃး 100 ၿၢတ်ႉၼႆႉ လႆႈ 3,500 ၵျၢပ်ႈ။ ယေးငိုၼ်းပိုၼ်ႉတီႈ မီးၸၢၵ်ႈဢေႇထီႇဢႅမ်ႇ ဢၼ်ႁပ်ႉ ViSa လႄႈ MasterCard တႃႇထုၵ်ႇဢဝ်ငိုၼ်း။

ၵိၼ်

တီႈၼႂ်းဝဵင်းၼႆႉ လၢၼ်ႉၶဝ်ႈၽၵ်း မီးဝႆႉတင်းၼမ်။ ဢၼ်ၶၼ်ထုၵ်ႇသေပိူၼ်ႈတႄႉ ၶဝ်ႈသွႆးၼိုင်ႈဝၢၼ်ႇ 400 ၵျၢပ်ႈ။

ဢွၵ်ႉ

မျၢၼ်ႇမႃႇ ပီႇယႃႇ ၵေႃႈမီးဝႆႉယူႇ။ ၼိုင်ႈၵွၵ်းတေလႆႈပၼ်မွၵ်ႈ 20 ၿၢတ်ႉၼႆႉ။ တီႈၼၼ်ႈၼႆႉ ၼမ်ႉမၢၵ်ႇဢၼ်မႂ်ႇသႂ်ႇလီၵေႃႈမီး (မိူၼ်ၼင်ႇ ၵူၺ်ႈ၊ မၢၵ်ႇမူင်ႈ၊ မၢၵ်ႇၵႅမ်ႈၶွင်ႇ၊ မၢၵ်ႇသၢင်းၽေႃး ၸၵႂႃႇၸိူဝ်းၼႆႉ..)။

ၼွၼ်း

ၸဝ်ႈၵဝ်ႇ တေၸၢင်ႈၼွၼ်းလႆႈတီႈ ႁူင်းႁႅမ်း သၢမ်ဢၼ်ၵူၺ်း။ ၸိူဝ်းၼၼ်ႉတႄႉ ပဵၼ် ႁူင်းႁႅမ်း ႁၢၼ်ႇၼီႇပႄး လႆႈပၼ် 800 ၿၢတ်ႉ၊ ဢွင်ႈလိုဝ်ႈသဝ်း လႆႈပၼ် 400 ၿၢတ်ႉ လႄႈ ထႅင်ႈတၢင်ႇတီႈတႄႉ တိူဝ်းၵႃႈၶၼ်ယႂ်ႇ။

ဢၼ်ပဵၼ် ဢွင်ႈလိုဝ်ႈသဝ်းၼၼ်ႉတႄႉ ယဵၼ်လီသေ မီးပႃး တီႈၸွမ်။ ၶိူင်ႈၶူဝ်းမၼ်းတႄႉ ယူဝ်းယူဝ်းဢွၼ်ႇၵူၺ်း။ ထၢင်တႄႉ မီးၽၢႆႇၼွၵ်ႈ ၶွင်ႉၼွၼ်း။ ၶဝ်မီး ၽႆးၽႃႉ လႄႈ ၼမ်ႉ ဢၼ်မႃးၵိုတ်းမႃးၵိုတ်းၼၼ်ႉယဝ်ႉ။

ၵႂႃႇထႅင်ႈ

မျၢၼ်ႇမႃႇ (ပွတ်းၸၢၼ်း ၸူး ပွတ်းႁွင်ႇ):

• မျဵၵ်ႉ – ၵႂႃႇၸွမ်းလႆႈတင်း ႁိူဝ်းမိၼ် ဢမ်ႇၼၼ် ရူတ်ႉပၢတ်ႉသ်/ရူတ်ႉဝႅၼ်ႇဢွၼ်ႇ
• ထဝႄႇ – လုၵ်ႉတီႈ မျဵၵ်ႉသေၵႂႃႇ
• တႃႈၵုင်ႈ – ၵႂႃႇတင်း ႁိူဝ်း (ဢမ်ႇသူႇမီး) ဢမ်ႇၼၼ် ၵႂႃႇတင်း ႁိူဝ်းမိၼ်

မိူင်းထႆး:

• ရယွင်း – တင်း ႁိူဝ်းႁၢင်ယၢဝ်း