မူင်ႇယႂႃႇ (မၢၼ်ႈ-မုံရွာ၊ ဢိင်းၵလဵတ်ႈ-Monywa) ၼႆႉ ပဵၼ်ဝဵင်း ဢၼ်မီးတီႈၼႂ်း ၸႄႈတိူင်းၸႄႈၵႅင်း၊ မိူင်းမျၢၼ်ႇမႃႇ ပွတ်းႁွင်ႇ ၼၼ်ႉယဝ်ႉ။

ၵႂႃႇၸူး

ၽေႃးထိတထွင်ႇ

ႁူၼ်ႁၢင်ႈပုတ်ႉထ တီႈ ၽေႃးထိတထွင်ႇ

ရူတ်ႉပၢတ်ႉသ် ဢၼ်ဢမ်ႇပႃး ၸၢၵ်ႈလူမ်းၵတ်းၼၼ်ႉ ၸၢင်ႈၶီႇလႆႈၵႃႈတီႈ ဝဵင်းလိူဝ်ႇ (သဵၼ်ႈတၢင်း 26, ၸမ်ၵၼ်တင်း သဵၼ်ႈတၢင်း 90)။ ၶၢဝ်းတၢင်းၼႆႉ ႁိုင် မွၵ်ႈ 3 ၸူဝ်ႈမူင်း ၶဝ်ႈပႃး ၶၢဝ်းယၢမ်းလိုဝ်ႈ (20-30 တႃ)ၼႆႉ ၵႃႈၶီႇမၼ်း လႆႈပၼ် 2,000 ၵျၢပ်ႈ။ တွၼ်ႈတႃႇ လႆႈတမ်းၸႂ် တႃႇလႆႈတီႈၼင်ႈၼႆႉ ၵႂႃႇတီႈ တႃႈရူတ်ႉပၢတ်ႉသ်သေ မၢႆတီႈၼင်ႈဝႆႉၼၼ်ႉယဝ်ႉ။ ရူတ်ႉပၢတ်ႉသ်ၸိူဝ်းၼႆႉတႄႉ ၵမ်းၵမ်း ၵႆႉဢွၵ်ႇယူႇ။

ရူတ်ႉပိုတ်ႉတီႈ ဢၼ်ဢမ်ႇပႃး ၸၢၵ်ႈလူမ်းၵတ်း ဢၼ်လုၵ်ႉတီႈ ပူးၵမ်ႇ သေ မႃးၼၼ်ႉ ဢွၵ်ႇ 07:30 သေ ၵေႃႈ ႁိုင် မွၵ်ႈ 3-4 ၸူဝ်ႈမူင်း ၶဝ်းပႃး တီႈၵိုတ်းလိုဝ်ႈ လၢႆႈတီ။ ၸၢင်ႈမၢႆတီႈၼင်ႈ ဝႆႉ ၵႃႈတီႈ တႃႈရူတ်ႉသေ ပေႃးၵႂႃႇမၢႆတီႈၼၼ်ႈ တေလႆႈပၼ်ၼင်ႇၵူၼ်းပိုၼ်ႉတီႈ 3,000 ၵျၢပ်ႈသေ ပေႃးတီႈ ႁူင်းႁႅမ်းမၢႆပၼ်တႄႉ တေတူၵ်းၸူဝ်ႈ 5,000 ၵျၢပ်ႈ။ ရူတ်ႉပၢတ်ႉသ်ၼၼ်ႉ တေၸၢင်ႈႁပ်ႉတၢင်ႇၸဝ်ႈၵဝ်ႇ တီႈသဵၼ်ႈတၢင်းလူင်။

ၸွၼ်ႇ

ၸၢင်ႈၶီႇလႆႈ တုၵ်ႉတုၵ်ႉ။ တုၵ်ႉတုၵ်ႉ ဢၼ်လုၵ်ႉတီႈ တႃႈရူတ်ႉၵႃး ၵႂႃႇတီႈ ၵၢင်ဝဵင်းၼႆႉ တေဢမ်ႇထုၵ်ႇလႆႈပၼ်လိူဝ် 1,000 ၵျၢပ်ႈ။

တူၺ်း

ၵွင်းမူးသမ်ႇပူၵ်ႉတေႇ

• 1 ၽေႃးထိတထွင်ႇ (ယၢၼ်ၵၼ်တင်း ၵွင်းမူးသမ်ႇပူၵ်ႉတေႇ 4 ၵီႇလူဝ်ႇမီႇတႃႇ)။ ႁူၼ်ႁၢင်ႈၽြႃးလူင်သွင်သူ လႄႈ ၵွင်းမူးၶမ်းၼၼ်ႉ ပဵၼ်တီႈမုင်ႈယဵမ်ႈ ဢၼ်ႁၢင်ႈလီ လီဢၢမ်းၼၼ်ႉယဝ်ႉ။ ႁူၼ်ႁၢင်ႈၽြႃးတႃႇသူႇၼိုင်ႈၼႆႉ ပဵၼ်ၽြႃးၸုၵ်း ၽြႃးမုင်ႈမိူင်းသေ တႃႇသူႇၼိုင်ႈတႄႉ ပဵၼ် ၽြႃးၵိင်း မီးတီႈႁိမ်းၶၢင်ႈၵၼ်ယဝ်ႉ။ ၸဝ်ႈၵဝ်ႇ ၸၢင်ႈၶဝ်ႈတီႈၼႂ်း ႁူၼ်ႁၢင်ႈၽြႃးၸုၵ်း ဢၼ်ၶဝ်ႈပႃးဝႆႉ လၢႆၸၼ်ႉၼၼ်ႉယဝ်ႉ။ ႁၢင်ႈဢၼ်ၸၼ်ဝႆႉတီႈၽႃၼၼ်ႉ ၵမ်ႉၼမ် ပဵၼ်လွင်ႈ လႆႈၶၢမ်ႇတုၵ်ႉၶ တီႈငရၢႆးၼၼ်ႉယဝ်ႉ။ 

• ၵွင်းမူးသမ်ႇပူၵ်ႉတေႇ (မီးတီႈ ၸဵင်ႇၸၢၼ်းဝၼ်းဢွၵ်ႇ မူင်ႇယႂႃႇ မွၵ်ႈ 20 ၵီႇလူဝ်ႇမီႇတႃႇ ဢမ်ႇၼၼ် ပေႃးၶီႇတုၵ်ႉတုၵ်ႉၵႂႃႇ တေႁိုင်မွၵ်ႈ 30-45)။ ၵေႃႇသၢင်ႈမႃး ၼႂ်းၵႄႈ 1939-1952၊ ဢၼ်ပဵၼ် ႁွႆးမိုဝ်းဢၼ်ဢမ်ႇမိူၼ်ပိူၼ်ႈတႄႉ ပဵၼ် ႁူၼ်ႁူင်ႈဢွၼ်ႇပုတ်ႉထ (လၢတ်ႈဝႃႈ မီးၼမ်လိူဝ် 500,000)ၼၼ်ႉယဝ်ႉ။ တီႈတေႃႇၼႃႈ ၵွင်းမူးၼၼ်ႉ မီးဝႆႉ ၶဵင်ႇဢွၼ်ႇဢၼ်ၼိုင်ႈသေ ၸၢင်ႈၶိုၼ်ႈၼိူဝ်မၼ်းလႆႈ။ USD3။ 

သိုဝ်ႉ

• ယႃႈသိတ်းယုင်း, တီႈၼၼ်ႈၼႆႉ မီးယုင်းတင်းၼမ်လႄႈ လူဝ်ႇလႆႈႁၢင်ႈႁႅၼ်းဝႆႉ။ ၸဝ်ႈၵဝ်ႇ ၸၢင်ႈသိုဝ်ႉလႆႈ ယႃႈသိတ်းယုင်း ၵႃႈတီႈ လၢၼ်ႉၸွမ်းတၢင်း ၵူႈတီႈတီႈ။ ယႃႈသိတ်းယုင်း Odomos ၼႆႉ ပဵၼ်ဢၼ်လုၵ်ႉတင်း ဢိၼ်းတီးယႃးမႃးသေ ပေႃးပဵၼ်တဝ်ႈ ဢၼ်မီး 100 ml ၼၼ်ႉ လႆႈပၼ် 700 ၵျၢပ်ႈယဝ်ႉ။

ၼွၼ်း

• ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2017)
• 2 ႁူင်းႁႅမ်း သူၺ်ႇတွင်ႇတၢၼ်း ၽင်ႇၼွင် (Shwe Taung Tan Lake View Hotel) ဢွင်ႇၶျၢၼ်းတႃႇ၊ ဝဵင်းမူင်ႇယႂႃႇ MM 11181, သဵၼ်ႈတၢင်း မူင်ႇယႂႃႇ - ☏ +959425068833။ ယွၼ်ႉမီးဝႆႉ တီႈႁိမ်းၽင်ႇၼွင်သေ ၽၢင်မုင်ႈယဵမ်ႈ ၶႅမ်ႉလႅပ်ႈ ၊ ယဵၼ်ၸႂ်။ ၶဝ်ႈပႃး ၼွင်လုၺ်းၼမ်ႉ၊ တီႈၵိုတ်းရူတ်ႉၵႃး၊ လၢၼ်ႉတၢင်းၵိၼ်၊ တီႈလဵၼ်ႈႁႅင်း လႄႈ တၢင်းၵိၼ်ၵၢင်ၼႂ်ၶႅမ်ႉလႅပ်ႈ။ =ၶွင်ႉၼွၼ်းသွင်ၵေႃႉ ၶဝ်ႈပႃးၶွင်ႉၼမ်ႉသုၼ်ႇတူဝ် ဢိၵ်ႇတင်းၸၢၵ်ႈလူမ်းၵတ်း ၼႆႉ ၶၼ်မၼ်းမီး USD50 (မေႇ 2021)။ 
• 3 ႁူင်းႁႅမ်းမူင်ႇယႂႃႇ (Monywa Hotel) သဵၼ်ႈတၢင်း ပူဝ်ႇၶျူၵ်ႉဢွင်ႇသၢၼ်း၊ မူင်ႇယႂႃႇ - ☏ +95712021581။ ဢွင်ႈၶၢၼ်းတႄႉ ဢမ်ႇပေႃးမႂ်ႇသႂ်၊ ႁူမ်ႈဝႃႈၼၼ်သေတႃႉ ၶိူင်ႈၶူဝ်း လႄႈ ၸၢၵ်ႈလူမ်းၵတ်းတႄႉ ပဵၼ်ဢၼ်မႂ်ႇ။ ၶွင်ႉၼမ်ႉၵေႃႈ မူတ်းသႂ်လီ။ ၵူၼ်းႁဵတ်းၵၢၼ်တီႈၼၼ်ႈ မေႃမိုတ်ႈၵိုတ်း လႄႈ မေႃၸွႆႈထႅမ်။ ပေႃးလုၵ်ႉတီႈ တႃႈရူတ်ႉၵႃးသေ ၶီႇတုၵ်ႉတုၵ်ႉ ၵႂႃႇၸူး ႁူင်းႁႅမ်းၼႆႉ တေတူၵ်းၸူဝ်ႈ 2,000 ၵျၢပ်ႈ။ USD35 ၶဝ်ႈပႃးတၢင်းၵိၼ် ၵၢင်ၼႂ် (ၾႅပ်ႇဝႃႇရီႇ 2013)။ 
• ႁူင်းႁႅမ်းမႂ်ႇ တီႈၼႂ်းၵႄႈ ၶဵင်ႇယၢမ်းမူင်း လႄႈ ႁူၼ်ႁၢင်ႈပူဝ်ႇၶျူၵ်ႉ။ ဢၼ်မႂ်ႇ (မေႇ 2013)၊ ၽူႈႁၢပ်ႇၵၢၼ် တီႈၼၼ်ႈ မေႃမိုတ်ႈၵိုဝ်း ၸွႆႈထႅမ်။ ၶၼ်ၶွင်ႉၼွၼ်း သွင်ၵေႃႉ USD20။