ဝဵင်းၵျွၵ်ႉပတွင်းၼႆႉ ယၢၼ်ၵႆႇၵၼ်တင်း ဝဵင်းမျိၼ်းၶျၢၼ်ႇ 59 လၵ်းယဝ်ႉ။ တၢင်းၵႂၢင်ႈဝဵင်းၼႆႉ မီး 2 လၵ်းပၼ်ႇမူၼ်းသေ သဵၼ်ႈမၢႆႁူဝ်ၼပ်ႉၵူၼ်း ဢၼ်ၵဵပ်းမိူဝ်ႈ ပီ 2014 ၼၼ်ႉ မီးမႃး ႁူဝ်ၼပ်ႉၵူၼ်း 42,817 ယဝ်ႉ။ ၵူၼ်းၸိူဝ်းတီႈဝဵင်းၼႆ့ ပိူင်လူင် ႁဵတ်းၵၢၼ်ႁႆႈၼႃးသေ ႁႃလဵင်ႉတွင်ႉယဝ်ႉ။ လုၵ်ႉတီႈ ၸႄႈဝဵင်းၼၼ်ႉသေ ဢွၵ်ႇ ၼမ်ႉထၢၼ်၊ ထူဝ်ႇလိၼ်၊ ငႃး၊ ၼမ်ႉမၼ်း၊ မၢၵ်ႇၵႅင်း၊ ၶွၵ်ႇသၼၢၵ်ႈၶႃး ၸၵႂႃႇၸိူဝ်းၼႆႉယဝ်ႉ။

လီပွင်ၸႂ်ဝႆႉ

လုၵ်ႉတီႈ ဝဵင်းပၢင်မၢၵ်ႇၼႃႉသေ မီးတၢင်းလူတ်ႉလဵၼ်း ဢၼ်ၽႄၵႂႃႇၸူး ၵျွၵ်းပတွင်းသေ မီးသၢႆတၢင်းလူတ်ႉၵႃး ဢၼ်ၵပ်းသိုပ်ႇဝႆႉတင်း ၺွင်ႇဢူး၊ မျိၼ်းၶျၢၼ်ႇ၊ မဵၵ်ႉထီႇလႃႇ၊ မၵူၺ်း ၸိူဝ်းၼႆႉယဝ်ႉ။ ယၢမ်းလဵဝ်တႄႉ လုၵ်ႉတီႈ ၵျွၵ်ႉပတွင်းသေ မီးသၢႆၵၢၼ်လူတ်ႉၸၼ်ႉသုင် (Express) ဢၼ်လဵၼ်ႈၸူး တႃႈၵုင်ႈ၊ ဝဵင်းလိူဝ်ႇ၊ ငတယွၵ်ႉ ၸိူဝ်းၼႆႉယဝ်ႉ။