ဢမရပူႇရ ၼႆႉ ပဵၼ်ဝဵင်း ဢၼ်ၶဝ်ႈပႃးၼႂ်း ၸႄႈတိူင်းတႃႈလိူဝ်ႇ ဢၼ်မီး တီႈၼႂ်း မိူင်းမျၢၼ်ႇမႃႇ ပွတ်းၵၢင်ၼၼ်ႉယဝ်ႉ။ မၼ်းၼႆႉ လႆႈပဵၼ်မႃး ဝဵင်းငဝ်ႈၸိုင်ႈ ၶွင် မိူင်းမၢၼ်ႈ မိူဝ်ႈပွတ်းၸဝ်ႉ ပီႁူဝ်ပၢၵ်ႇ 19 ၼၼ်ႉသေ မၼ်းပဵၼ်ႁိူၼ်း ၶွင် ၶူဝ်ၸိုဝ်ႈလိုဝ်းလင်ၼၼ်ႉယဝ်ႉ။

တူၺ်း

• ၶူဝ်ဢူးပဵင်ႇ။ ၶူဝ်ဢူးပဵင်ႇၼႆႉ ပဵၼ်ၶူဝ် ဢၼ်ႁဵတ်းဝႆႉတီႈၼႂ်း ၼွင်တွင်ႇတမၢၼ်ႇ ဢၼ်မီးတၢင်းယၢဝ်း 1.2 ၵီႇလူဝ်ႇမီႇတႃႇသေ ဢႃႇယုမၼ်းမီး 200 ပီသေတႃႉ တိုၵ်ႉႁၼ်ၶိုင်ႇၶမ်ႉဝႆႉလႄႈ ၼႆႉ မၼ်းပဵၼ် ၽၢင်ႁၢင်ႈ ၽွၼ်းလီ လွင်ႈၸႂ်ႉမႆႉသၵ်း တီႈၵၢၼ်ၵေႃႇသၢင်ႈၼၼ်ႉယဝ်ႉ။ ၶႅပ်းႁၢင်ႈ ဢၼ်ၸဝ်ႈသင်ႇၶႃႇၶဝ် ပႆတီႈၼိူဝ် ၶူဝ်ဢူးပဵင်ႇၼၼ်ႉ လႆႈႁၼ်တီႈ လွင်ႈပိုၼ်ၽၢဝ်ႇ ၵၢၼ်ထွင်ႈတဵဝ်း ၵမ်ႉၼမ်ယဝ်ႉ။ ၶိင်ႇၶၢဝ်း ဢၼ်လီၵႂႃႇဢႅဝ်ႇလႄႇတူၺ်းတႄႉ ပဵၼ်ၶၢဝ်း လႅတ်ႇၸမ်ၶဝ်ႈသေ ၼင်ႈသေတူၺ်း ၶူဝ်၊ တူၼ်ႈမႆႉ၊ ၼွင် ၼၼ်ႉ ပဵၼ်ဢၼ်ၼႅၼ်ႈသၢၵ်ႈၸႂ်တႄႉတႄႉယဝ်ႉ။ 

ၼွၼ်း

တီႈဢမရပူႇရၼႆႉ ၵမ်ႉၼမ်တႄႉ ၵူၼ်းၼွၼ်းလိုဝ်ႈသဝ်း ဢမ်ႇပေႃးမီး။ ယွၼ်ႉပိူဝ်ႈဝႃႈ တင်းဝဵင်းတႃႈလိူဝ်ႇၼႆႉ ၸပ်းဢိူမ်ႈၵၼ်ဝႆႉလႄႈ ၵူၼ်းထွင်ႈတဵဝ်း ၵူၼ်းလႄႇလၢဝ်းၶဝ်ၼႆႉ လုၵ်ႉတီႈ တႃႈလိူဝ်ႇ မႃးဢႅဝ်ႇလႄႇသေ ပွၵ်ႈၶိုၼ်းမိူဝ်းယဝ်ႉ။