Download GPX file for this article
17.01416799.821944Full screen dynamic map
လုၵ်ႉတီႈ ဝီႇၶီႇဝွႆးဢဵတ်ႇꩡ် မႃး
ဢေးသျႃး > ဢေးသျႃး ၸဵင်ႇၸၢၼ်းဝၼ်းဢွၵ်ႇ > မိူင်းထႆး > မိူင်းထႆး ပွတ်းႁွင်ႇ > မိူင်းထႆး ပွတ်းႁွင်ႇ တွၼ်ႈတႂ်ႈ > သုၶူဝ်းထႆး

သုၶူဝ်းထႆး

လမ်းၼႂ်း

သုၶူဝ်းထႆး (สุโขทัย) ၼႆႉ ပဵၼ်ဝဵင်းဢွၼ်ႇ (ႁူဝ်ၼပ်ႉၵူၼ်း 35,713) ဢၼ်မီးတီႈ မိူင်းထႆး ပွတ်းႁွင်ႇ တွၼ်ႈတႂ်ႈ၊ မီးၽၢႆႇႁွင်ႇ ၵုင်းထဵပ်ႈ ယၢၼ် 427 ၵီႇလူဝ်ႇမီႇတႃႇယဝ်ႉ။ လွင်ႈၸၼ်ၸႂ်တီႈဝဵင်းၼၼ်ႉတႄႉ ပဵၼ် ဝဵင်းၵဝ်ႇမွၼ်ႇ သုၶူဝ်းထႆး ဢၼ်လုဢၼ်လႅဝ်၊ ဢၼ်ပဵၼ် ဢွင်ႈတီႈ ၶူဝ်းပူၺ်ႈလူၵ်ႈၵမ်ႇၽႃႇ ယူႇၼႅတ်ႇသၵူဝ်ႇ။ တီႈပွင်ႇၸိုဝ်ႈဝဵင်းမၼ်းတႄႉ ပဵၼ် "လွင်ႈမူၼ်ႈသိူဝ်း ၶွင် ႁူဝ်မိူင်းသႂ်" ၼႆယဝ်ႉ။

ပွင်ႇၸႂ်[မႄးထတ်း]

ႁုၼ်ႇႁၢင်ႈပုတ်ႉထ ဢၼ်မီးမႃးႁူဝ်ပၢၵ်ႇပီ တီႈၼႂ်း သူၼ်ၵိုၵ်းပိုၼ်း
ဝတ်ႉမႁႃႇထၢတ်ႈ ၽွင်းလႆႈႁၼ် ၶၢဝ်းၵၢင်ၶမ်ႈ

ပိုၼ်း[မႄးထတ်း]

သုၶူဝ်းထႆး မိူဝ်ႈၵွၼ်ႇၼႆႉ ပဵꧣ်မႃး ဝဵင်းလူင်ဢွၼ်တၢင်းသုတ်း ၶွင် 'မိူင်းႁေႃၶမ်း သုၶူဝ်းထႆး ပဵၼ် ၼႃႈလိၼ်ယၢဝ်း ဢၼ်လႆလူင်းၵႂႃႇ မိူင်းလၢဝ်း ဝၼ်းမိူဝ်ႈၼႆႉ လႄႈ မိူင်းထႆးပွတ်းတူၵ်း တေႃႇထိုင် မိူင်းမလေး။ ၽေႃႈၶုၼ်သီ ဢိၼ်ႇထရထိတ်ႉ ဢၼ်ပဵၼ် ၽူႈတႄႇတင်ႈ သၢႆၶိူဝ်းၶုၼ် ၽရရုင်းၼၼ်ႉ ၵေႃႉ လႆႈတႄႇတင်ႈ မိူင်းႁေႃၶမ်းမႃး မိူဝ်ႈပီ 1238 ၼၼ်ႉယဝ်ႉ။ မၼ်းပဵၼ် မိူင်း ဢၼ်မီးလွင်ႈႁူမ်ႇငမ်းမႃးၼိူဝ် ၵူၼ်းသယႅမ်ႇဝၢႆးလင် လႄႈ မိူင်းႁေႃၶမ်းထႆး မႃး တႄႉတႄႉဝႃႈဝႃႈယူႇ။ တီႈၼႂ်းပိုၼ်းၽိင်ႈထုင်းထႆး ၼႆႉ မီးမႃး ဝႃႈ ရမ်ၶမ်းႁႅင် ဢၼ်ပဵၼ် ၶုၼ်ႁေႃၶမ်း ထူၼ်ႈသၢမ် ၶွင် သၢႆၶိူဝ်းၶုၼ် ၽရရုင်း ၼၼ်ႉ ၵေႃႉၶိုင်သၢင်ႈ ဝဵင်းလူင် မႃးတီႈ သုၶူဝ်းထႆး ၼႆယဝ်ႉ။ မၼ်းၼႆႉ ပဵၼ်ၵေႃႉဢၼ်ၶူင်သၢင်ႈ တူဝ်မႄႈလိၵ်ႈထႆးမႃးသေ ပဵၼ်ၽူႈဢွၼ်လီ တီႈ ၵၢၼ်မိူင်း မိူင်းထႆး၊ ပိူင်ၶုၼ်ႁေႃၶမ်း လႄႈ တီႈ ၽႃႇသႃႇၵိူဝ်းယမ်လႄႈ ပဵၼ် ဢၼ်ၵူၼ်းထႆးၶဝ် ၼပ်ႉယမ်ဝႆႉၵႃႈၶၼ်မၼ်းယဝ်ႉ။

ဝၼ်းမိူဝ်ႈၼႆႉ[မႄးထတ်း]

ၵျွင်းၽြႃး လႄႈ တီႈမၢႆတွင်း ၶွင် ၸႄႈမိူင်း တႄႉ ယၢမ်းလဵဝ် ၶိုၼ်းမႄးၵုမ်းဝႆႉသေ ဢၼ်ပဵၼ် သူၼ်ၵိုၵ်းပိုၼ်း သုၶူဝ်းထႆး ဢၼ်ၶဝ်ႈပႃးဝႆႉ တီႈၼႂ်း သဵၼ်ႈမၢႆ ယူႇၼႅတ်ႇသၵူဝ်ႇ ၼၼ်ႉ မၼ်းႁူမ်ႇငမ်းဝႆႉပၼ် ဢွင်ႈတီႈၵႂၢင်ႈၵႂၢင်ႈ တႃႇ လၢႆႇဢွင်ႈလၢႆတီႈယဝ်ႉ။ ဢၼ်ပဵၼ် ဢွင်ႈတီႈ လီၶဝ်ႈၸႂ်ထႅင်ႈ တၢင်ႇၸိူဝ်းတႄႉ ၶဝ်ႈပႃး ႁွင်ႈၼႄၸိူဝ်ႉၸၢတ်ႈ ရမ်ၶမ်းႁႅင်၊ သူၼ်ၸိူဝ်ႉၸၢတ်ႈ ရမ်ၶမ်းႁႅင်၊ သူၼ်ၸိူဝ်ႉၸၢတ်ႈ သရိသတ်ၶျၼလၢႆး လႄႈ ႁၢင်ႈႁေႃၶမ်း လႄႈ ဝတ်ႉမႁႃႇထၢတ်ႈ။

ရႃႇသီႇၽိင်ႈၾႃႉ[မႄးထတ်း]

တႃႇတင်းပီၼႆႉ ပဵၼ်ဢၼ်လီယူႇယူႇ၊ ပေႃးပဵၼ် ၶၢဝ်းၵတ်း ၼႂ်းလိူၼ် ၼူဝ်ႇဝႅမ်ႇပႃႇ-ၾႅပ်ႇဝႃႇရီႇ ၼၼ်ႉတႄႉ တီႈသုၶူဝ်းထႆး ၼႆႉ တိူဝ်းလီယူႇလူမ်ၸႂ်လီယဝ်ႉ။

ၵႂႃႇၸူး[မႄးထတ်း]

ၵႂႃႇတင်း ႁိူဝ်းမိၼ်[မႄးထတ်း]

သၢႆၵၢၼ်မိၼ် Bangkok Airways လုၵ်ႉဢဝ်တီႈ တႃႈႁိူဝ်းမိၼ် သုဝၼ်ႇၼၽူမ်း (BKK) ၵုင်းထဵပ်ႈ သေ မိၼ်ၸူး တႃႈႁိူဝ်းမိၼ် သုၶူဝ်းထႆး (THS) ၵူႈဝဵင်း၊ ဢၼ်ၶိုၼ်းသိုပ်ႇၵႂႃႇၸူး လမ်းပၢင်း (LPT)။ ပေႃးလုၵ်ႉတီႈ ၵုင်းထဵပ်ႈသေ တႄႇၵႂႃႇၼႆ တေတႄႇတူၵ်းၸူဝ်ႈ 1,700 ဝၢတ်ႇ (1 ၸူဝ်ႈမူင်း 20 မိတ်ႉၼိတ်ႉ)၊ ၵႂႃႇ/မႃး လမ်းပၢင်း တႄႇ 1,100 ဝၢတ်ႇ (မွၵ်ႈ 40 မိတ်ႉၼိတ်ႉ)။

ဢႄးဢေးသျႃးၼႆႉ မီးသၢႆၵၢၼ်မိၼ်ၵူႈဝၼ်း ဢၼ်လုၵ်ႉတီႈ တႃႈႁိူဝ်းမိၼ် တွၼ်းမိူင်း ၵုင်းထဵပ်ႈ (DMK) မိၼ်ၸူး တႃႈႁိူဝ်းမိၼ် ၽိသၼုလူၵ်ႈ (PHS)။ ၸဝ်ႈၵဝ်ႇ ၸၢင်ႈသင်ႇမၢႆထႃႈ မႂ်တိုတ်းႁူမ်ႈၵၼ် တင်း ဢႄးဢေးသျႃး တႃႇဢွၵ်ႇၶၢဝ်းတၢင်း လုၵ်ႉဢဝ် DMK တေႃႇ သုၶူဝ်းထႆး။ မၼ်းတေၶဝ်ႈပႃး ၶၢဝ်းယၢမ်းၵၢၼ်မိၼ် (1 ၸူဝ်ႈမူင်း) လႄႈ ၶၢဝ်းယၢမ်း ၵၢၼ်တေႃႉသူင်ႇ ၼိူဝ်လိၼ် (30 မိတ်ႉၼိတ်ႉ) ယဝ်ႉၵေႃႈ ၶဝ်းတၢင်းသဵၼ်ႈတၢင်း ၵႂႃႇၸူး ရီသွတ်ႉ ထရပူးရီး တီႈ သုၶူဝ်းထႆး (1 ၸူဝ်ႈမူင်း 40 မိတ်ႉၼိတ်ႉ)။

ၵႂႃႇတင်း ရူတ်ႉလဵၼ်း[မႄးထတ်း]

ၶီႇရူတ်ႉလဵၼ်း (ဢၼ်ၽႂ်း) (လုၵ်ႉတီႈ ၵုင်းထဵပ်ႈ ဢမ်ႇၼၼ် ၵဵင်းမႂ်ႇ 7 ၸူဝ်ႈမူင်း) ၸူး ၽိသၼုလူၵ်ႈ လႄႈ လုၵ်ႉတီႈၼၼ်ႈ ၶိုၼ်းၶီႇ ရူတ်ႉပၢတ်ႉသ် (1 ၸူဝ်ႈမူင်း)။ ၶီႇတုၵ်ႉတုၵ်ႉ ၵႂႃႇၸူး တႃႈရူတ်ႉပၢတ်ႉသ် တေတူၵ်းၸူဝ်ႈ 60 ဝၢတ်ႇ။

ၵႂႃႇတင်း ရူတ်ႉပၢတ်ႉသ်[မႄးထတ်း]

တီႈသုၶူဝ်းထႆးၼႆႉ ၵူၺ်းမီး တႃႈရူတ်ႉပၢတ်ႉသ်ဢွၼ်ႇ ဢၼ်ၼိုင်ႈ၊ ၵူၺ်းၵႃႈဝႃႈ ဝဵင်းၵဝ်ႇ လႄႈ ဝဵင်းမႂ်ႇၼႆႉၸၢင်ႈႁွတ်ႈၽႅဝ်လႆႈၵူႈတီႈ ငၢႆႈငၢႆႈယဝ်ႉ။ တႃႈရူတ်ႉပၢတ်ႉသ် ၼႆႉ မီးဝႆႉတီႈ ၽၢႆႇၼွၵ်ႈဝဵင်းသေ ပေႃးၶီႇ တုၵ်ႉတုၵ်ႉၵႂႃႇၼႂ်းဝဵင်းတႄႉ တေလႆႈပၼ်ယူႇ 50-60 ဝၢတ်ႇ (ပေႃးပဵၼ် ထႅၵ်ႇၸီႇရူတ်ႉၶိူင်ႈတႄႉ 40)။ လုၵ်ႉတီႈ တႃႈရူတ်ႉပၢတ်ႉသ် ဝဵင်းမႂ်ႇသေ ၶီႇရူတ်ႉတေႃႉသူင်ႇၵၢင်လၢႆ ဢၼ်ႁွတ်ႈထိုင် ၵၢင်ဝဵင်း ဝဵင်းမႂ်ႇၼၼ်ႉ တေလႆႈပၼ် 15 ဝၢတ်ႇ။

လုၵ်ႉတီႈ ၵုင်းထဵပ်ႈ[မႄးထတ်း]

ရူတ်ႉပၢတ်ႉသ် ဢၼ်လုၵ်ႉတီႈ ၵုင်းထဵပ်ႈ တႃႈရူတ်ႉပၢတ်ႉသ် မူဝ်ၶျိတ်ႉ (တီႈဢေႇသုတ်းမၼ်း ၼႂ်းၶၢဝ်းၸူဝ်ႈမူင်း 07:00-13:30၊ မၢင်ၸိူဝ်းၵေႃႈ ဢွၵ်ႇဝၢႆးဝၼ်း၊ ယူႇ 30 မိတ်ႉၼိတ်ႉ ဢွၵ်ႇတိၵ်းတိၵ်း 20:00-22:30၊ တူၺ်း ၶပ်ႉမၢႆ)။

ဢၼ်ပဵၼ် ရူတ်ႉပၢတ်ႉသ်ဢႄးၵွၼ်း ထၢၼ်ႈၼိုင်ႈ ၼၼ်ႉ Wintour Travel (378 ဝၢတ်ႉ) လႄႈ Phitsanulok Yanyon Tour (တႄႇ 328 ဝၢတ်ႇ) ၵေႃႉႁဵတ်းၵၢၼ်ယဝ်ႉ။

လုၵ်ႉတီႈ ၵဵင်းမႂ်ႇ[မႄးထတ်း]

ရူတ်ႉပၢတ်ႉသ် ၸိူဝ်းလုၵ်ႉတီႈ တႃႈရူတ်ႉပၢတ်ႉသ်လူင်သေၼၼ်ႉ ဢဝ်ၶၢဝ်းယၢမ်း 4 ၸူဝ်ႈမူင်း။ ဢၼ်ပဵၼ် ရူတ်ႉပၢတ်ႉသ်ထၢၼ်ႈသွင် ဢၼ်တိူဝ်းၶၼ်ထုၵ်ႇၼၼ်ႉတႄႉ ယွၼ်ႉတီႈၵိုတ်းမၼ်း ၼမ်လႄႈ တေႁိုင်ယူႇ မွၵ်ႈ 5 ၸူဝ်ႈမူင်းၶိုင်ႈ။ (ၸွမ်းၼင်ႇ မိူဝ်ႈပီ 2017 လိူၼ်မေႇၼၼ်ႉ ၵႃႈၶၼ်တီႈ Wintour ၼႆႉ လႆႈပၼ် 195 ဝၢတ်ႇ)။

လုၵ်ႉတီႈ မႄႈသွတ်ႇ[မႄးထတ်း]

လုၵ်ႉတီႈ တႃႈရူတ်ႉ ဢၼ်မီးတီႈ ၽၢႆႇလင်ၵၢတ်ႇၼၼ်ႉသေ မီးဝႆႉ မီႇၼီႇပၢတ်ႉသ်ဢွၼ်ႇ ဢၼ်လႅၼ်ႈပၼ်ယူႇ။ ၶၢဝ်းတၢင်းၼႆႉ တေႁိုင် 3 ၸူဝ်ႈမူင်းသေ တီႈၼိူဝ်သၢႆတၢင်းၼၼ်ႉ လႆႈလတ်းၶၢမ်ႈ တၢၵ်ႇ။ 130 ဝၢတ်ႇ။

လုၵ်ႉတီႈ ​ၽိသၼုလူၵ်ႈ[မႄးထတ်း]

ႁဵတ်းႁႂ်ႈၸႅင်ႈလႅင်းဝႃႈ ၸဝ်ႈၵဝ်ႇ တေၶႂ်ႈၵႂႃႇ သုၶူဝ်းထႆးၵဝ်ႇ ဢမ်ႇၼၼ် သုၶူဝ်းထႆးမႂ်ႇ၊ ယွၼ်ႉပိူဝ်ႈဝႃႈ တီႈၼၼ်ႈၼႆႉ မီးဝႆႉ ပၢတ်ႉသ် ဢၼ်ၵႂႃႇတင်းသွင်တီႈ (လႄႈ ၶဝ်ဢမ်ႇၵႂႃႇၸူး ပၢႆတၢင်း တင်းသွင်တီႈ)။

ပၢတ်ႉသ်ဢႄးၵွၼ်း ၼႆႉ ၶႂ်ႈဝႃႈ ဢွၵ်ႇၵူႈမူင်း၊ လုၵ်ႉတီႈ တႃႈရူတ်ႉပၢတ်ႉသ်လူင် (မၢႆ 1) သေ ဢွၵ်ႇ ၶၢဝ်း 06:00-18:00သေ တၢင်းႁိုင် 1 ၸူဝ်ႈမူင်း တႃႇၶၢဝ်းတၢင်း 58-ၵီႇလူဝ်ႇမီႇတႃႇ။ ၵူၼ်းၵေႃႈ ၸၢင်ႈသတ်ႉ ဢမ်ႇၼၼ် ၸၢင်ႈပဝ်ႇယူႇ။ 39 ဝၢတ်ႇ။

မီႇၼီႇဝႅၼ်ႇ ဢၼ်လုၵ်ႉတီႈ တႃႈရူတ်ႉပၢတ်ႉသ်လူင် (မၢႆ 1) သေဢွၵ်ႇၵေႃႈ မီးဝႆႉ။ 50 ဝၢတ်ႇ။

သင်ၸိူဝ်ႉဝႃႈ ၸဝ်ႈၵဝ်ႇ ပဵၼ်ၵူၼ်းမၢၵ်ႈၼႆတႄႉ ၸဝ်ႈၵဝ်ႇ ၸၢင်ႈလုၵ်ႉတီႈတီႈ တႃႈရူတ်ႉလဵၼ်းသေၵေႃႈ ၶီႇ တုၵ်ႉတုၵ်ႉၵႂႃႇၵမ်းသိုဝ်ႈသေ တေတူၵ်းၸူဝ်ႈ 1,000 ဝၢတ်ႇ (ၵႃႈၶၼ်ပိူင်တၢႆၼၼ်ႉ တေလႆႈႁၼ် တႅမ်ႈပႃႉဝႆႉတီႈ ၽၢႆႇၼႃႈ တႃႈရူတ်ႉလဵၼ်း)။

ၸွၼ်ႇ[မႄးထတ်း]

Map
ႁၢင်ႈၽႅၼ်ႇလိၼ် ၶွင် သုၶူဝ်းထႆး

လုၵ်ႉတီႈ 1 တႃႈရူတ်ႉပၢတ်ႉသ် သေ ပႆၵႂႃႇၸူး ဝဵင်းသုၶူဝ်းထႆးမႂ်ႇ လႆႈငၢႆႈငၢႆႈ ၼႂ်းၶၢဝ်းတၢင်း 15 မိတ်ႉၼိတ်ႉ၊ ပႆၵႂႃႇၸွမ်း တီႈ သဵၼ်ႈတၢင်းဝူၺ်ႇႁၢင်ႈ ဢၼ်မီးတီႈ ၽၢႆႈၼႃႈ တႃႈရူတ်ႉပၢတ်ႉသ်ၼၼ်ႉ (ၵူၼ်းၶတ်းရူတ်ႉတုၵ်ႉတုၵ်ႉ ၶဝ်တေမွၵ်ႇလၢတ်ႈ ၸဝ်ႈၵဝ်ႇဝႃႈ တႃႇၸဝ်ႈၵဝ်ႇ တေပႆၵႂႃႇ ဢမ်ႇပဵၼ်လႆႈ ၼႆယဝ်ႉ)။ တွၼ်ႈတႃႇႁႃႁၼ်ၼၼ်ႉတႄႉ ဢွၵ်ႇတီႈ ၽၢႆႇၼႃႈ တႃႈရူတ်ႉပၢတ်ႉသ်သေၵေႃႈ ပႆၵႂႃႇသိုဝ်ႈသိုဝ်ႈ (ၽၢႆႇဢွၵ်ႇ) မွၵ်ႈ လၢႆမီႇတႃႇ ႁၢၼ်ႉတေႃႇၸဝ်ႈၵဝ်ႇ ႁွတ်ႈၽႅဝ် တီးလၢၼ်ႉ ဢၼ်မီး ၽၢႆႇၼႃႈ တႃႈရူတ်ႉပၢတ်ႉသ်။ တီႈၼၼ်ႈ တေမီး 2 သဵၼ်ႈတၢင်းဝူၺ်ႇႁင်ႈ ၵႂႃႇၸွမ်းၼင်ႇ ၽၢႆႇသၢႆႉၸဝ်ႈၵဝ်ႇ (ၸၢၼ်း) သေၵေႃႈ တေလႆႈလတ်း တူင်ႈၼႃး လႄႈ ႁိူၼ်းၵမ်ႈၽွင်ႈ။ ၸွမ်းသဵၼ်ႈတၢင်းၼၼ်ႉၵႂႃႇမွၵ်ႈ 350 မ. ၼၼ်ႉၼႆ ၸဝ်ႈၵဝ်ႇတေႁွတ်ႈထိုင် သဵၼ်ႈတၢင်းၶွၼ်ႇၵရိတ်ႉ၊ သိုပ်ႇၵႂႃႇသိုဝ်ႈသိုဝ်ႈ ၸွမ်းသဵၼ်ႈတၢင်းၼႆႉ ၵႂႃႇထႅင်ႈ မွၵ်ႈ 320 မ. ၼၼ်ႉ ၸဝ်ႈၵဝ်ႇ တေႁွတ်ႈထိုင် "ႁူင်းလိုဝ်ႈသိုဝ်ႉ မၢႆ 4"။ ငွၵ်းၽၢႆႇၶႂႃႇသေ ၵႂႃႇမွၵ်ႈ 200 မ. ၼၼ်ႉၼႆ ၸဝ်ႈၵဝ်ႇ တေႁွတ်ႈထိုင် ၸရွတ်ႇဝိထီထွင်း၊ ဢၼ်ပဵၼ် သဵၼ်ႈတၢင်းလူင် ဢၼ်မီး ႁူင်းလိုဝ်ႈသဝ်းတင်းၼမ်ၼၼ်ႉယဝ်ႉ။

တွၼ်ႈတႃႇ ၶၢဝ်းတၢင်း ၵႂႃႇၸူး ဝဵင်းၵဝ်ႇ ဢၼ်မီး ၽၢႆႇၼွၵ်ႈဝဵင်း ယၢၼ် မွၵ်ႈ 15 ၵမ. ၼၼ်ႉ တုၵ်ႉတုၵ်ႉၶဝ် တေယွၼ်းၸဝ်ႈၵဝ်ႇ 600 ဝၢတ်ႇယဝ်ႉ။ ၵႃႈၶၼ်ဢၼ်မၢၼ်ႇမၼ်းတႄႉ 300 ဝၢတ်ႇ သေ ဢၼ်ၼႆႉ ပဵၼ် တွၼ်ႈတႃႇ ၶၢဝ်းယၢမ်းၸမ်လိုၼ်းသုတ်းၼၼ်ႉယဝ်ႉ။ ပေႃးၸဝ်ႈၵဝ်ႇ ႁွတ်ႈၽႅဝ်ၵႂႃႇတီႈၼၼ်ႈသေ သင်ၸိူဝ်ႉဝႃႈ ၸဝ်ႈၵဝ်ႇ ၶႂ်ႈၵႂႃႇတၢင်ႇတီႈ ဢၼ်ပဵၼ်တီႈၼႂ်း ဢွင်ႈတီႈၼၼ်ႉတႄႉ ၵူၼ်းႁေႃႈရူတ်ႉ တေၵႂႃႇသူင်ႇပၼ်ၸဝ်ႈၵဝ်ႇယူႇ။ ပေႃးဝႃႈ တႃႇတင်းဝၼ်းၼႆတႄႉ 600 ဝၢတ်ႈၵေႃႈ ၵိုင်ႇယူႇၼင်ႇၵဝ်ႇ။

သၵူႇတႃႇ ၸိူဝ်ႈၼႆႉၵေႃႈ ၸၢင်ႈၶၢတ်ႈလႆႈတီႈ သွႆႈပေရဝဵတ်ႉၼၢတ်ႉ၊ ၵူၺ်းမီးတီႈ ၽၢႆႇလင် 3 ပႃး 64000 ဢၼ်မီးႁိမ်းၶူဝ် သုၶူဝ်းထႆးမႂ်ႇ ၼၼ်ႉ။ လႅင် ၸိူဝ်းၼႆႉၵေႃႈ မိူၼ်တၢင်းဢၼ်မႂ်ႇ သေ ၶဝ်တူၺ်းထိုင်လုမ်းလႃးလႆႈလီလီ။ ၵႃႈၶၢတ်ႈမၼ်းတႄႉ 1 ၸူဝ်ႈမူင်း 60 ဝၢတ်ႇ၊ တႃႇတင်းဝၼ်း တႄႉ တေလႆႈပၼ် 250 ဝၢတ်ႇ (တေလႆႈဢၢပ်ႈၶိုၼ်း 20:30)၊ တွၼ်ႈတႃႇ 24 ၸမ. တႄႉ တေလႆႈပၼ် 300 ဝၢတ်ႇယဝ်ႉ။

သိုဝ်ၵမ်ႇမၢၵ်ႇၶိူဝ် #1 သွင်ထႅဝ် ၼၼ်ႉ လႅၼ်ႈဝႆႉယူႇ တီႈၼိူဝ် သဵၼ်ႈတၢင်း ၸရွတ်ႇဝိထီထွင်း လႄႈ လႅၼ်ႈပၼ်ၸူးပႃး တႃႈရူတ်ႉပၢတ်ႉသ်ယူႇယဝ်ႉ။ ပေႃးဢမ်ႇၵႂႃႇတၢင်းလတ်းတႄႉ ၶၢဝ်းတၢင်းၼႆႉ မီး 3 ၵမ. သေ တေထုၵ်ႇတူၵ်းၸူဝ်ႈ 10 ဝၢတ်ႇ။

ၶီႇသွင်ထႅဝ် ၵႂႃႇၸူး ဝဵင်းၵဝ်ႇ[မႄးထတ်း]

သွင်ထႅဝ် သီသွမ်ႇ ဢၼ်ယႂ်ႇ ၼၼ်ႉ ၵႂႃႇၸူး သုၶူဝ်းထႆးၵဝ်ႇ ဢွၵ်ႇတီႈ တႃႈလူတ်ႉပၢတ်ႉသ် (ႁႃတူၺ်းပၢႆႉတမ်း ဢၼ်ဝႃႈ “ၵၢတ်ႇ-ဝဵင်းၵဝ်ႇး“) လႄႈ ဢၼ်တွင်းလႆႈလီတႄႉ မီးတီႈ ၶၢင်ႈတၢင်း 4 တီႈလူတ်ႉပၢတ်ႉသ်ၵိုတ်း ဢၼ်ၵႂႃႇၸူး သုၶူဝ်းထႆးၵဝ်ႇ တီႈၼိူဝ် သဵၼ်ႈတၢင်း ၸရူဝ်တဝိထီထွင်း၊ တေႃႇၼႃႈၵၼ်တင်း 7-Eleven (တီႈၼၼ်ႈၼႆႉ မီးပၢႆႉ တီႈၵိုတ်း လူတ်ႉပၢတ်ႉသ်)မီး ၽၢႆႇတူၵ်းၶူဝ် ယၢၼ် မွၵ်ႈ 200 မ.။ ၶဝ်ၵႂႃႇၵိုတ်းတီႈ ၽၢႆႇၶႂႃ တီႈႁူးၶဝ်ႈၸူး တွၼ်ႈၵၢင် သူၼ်ၵိုၵ်းပိုၼ်းၼၼ်ႉယဝ်ႉ။ သွင်ထႅဝ်ၸိူဝ်းၼႆႉ မီးဝႆႉၼဵၼ်ၵိုတ်း (သဵင်တွႆႇႁိင်ႇ) တီႈၽၢႆႇၼိူဝ် တီႈၼင်ႈၼၼ်ႉသေ ၸဝ်ႈၵဝ်ႇ ၶႂ်ႈလူင်းတီႈႁိမ်းလႂ်ၵေႃႈ မိူဝ်ႈၸမ်ထိုင်တီႈၼၼ်ႉ ၸဝ်ႈၵဝ်ႇ ၸၢင်ႈၼဵၵ်းၼဵၼ်ၼၼ်ႉသေ ၵေႃႈ ႁႂ်ႈၵူၼ်းႁေႃႈလူတ်ႉ လႆႈႁူႉၸွမ်းဝႃႈ တေ လူင်းတီႈလႂ် ၼႆၼၼ်ႉယူႇ။ ၵႃႈၶၼ်မၼ်းတႄႉ 30 ဝၢတ်ႇ (ၸွမ်းၼင်ႇ လိူၼ်မၢတ်ႉၶ်ျ 2024၊ ဢၼ်တႅမ်ႈဝႆႉတီႈ ပႅၼ်ႈ တီႈၼိူဝ် လူတ်ႉပၢတ်ႉသ်)။

ပေႃးၶိုၼ်းၶီႇ သွင်ထႅဝ်သီသွမ်ႇသေ ပွၵ်ႈမႃးၵေႃႈ မွၵ်ႇ/ၵူတ်ႇထတ်း တင်း ၵူၼ်းႁေႃႈလူတ်ႉသေ လၢတ်ႈဝႃႈ ၸဝ်ႈၵဝ်ႇ ၶႂ်ႈလူင်းတီႈလႂ်ၼႆလႄႈ၊ ၵူၼ်းႁေႃႈလူတ်ႉမၢင်ၸိူဝ်း တေ ၶပ်ႉၶိုင်ပၼ် သၢႆတၢင်းၶဝ် ႁႂ်ႈမၼ်းမႅၼ်ႈၵၼ်ယဝ်ႉ။

တူၺ်း[မႄးထတ်း]

ႁုၼ်ႇႁၢင်ႈပုတ်ႉထ တီႈ ဝတ်ႉမႁႃထၢတ်ႈ
ၼိူၼ်းပရသၢတ်ႇ
ဝတ်ႉသီသဝၢႆ
ဝတ်ႉသီသီ
ၸုမ်းလုၵ်ႈႁဵၼ်း ထႆႇၶႅပ်းႁၢင်ႈႁူမ်ႈၵၼ် တီႈ ၽၢႆႇၼႃႈ တီႈမၢႆတွင်း ၶုၼ်ႁေႃၶမ်း ရမ်ၶမ်းႁႅင်
ဝတ်ႉသေရသၵ်ႇ
ဝတ်ႉသူၼ်ၶၢဝ်

သူၼ်ၵိုၵ်းပိုၼ်း သုၶူဝ်းထႆး (တွၼ်ႈၵၢင်)[မႄးထတ်း]

သူၼ်ၵိုၵ်းပိုၼ်း သုၶူဝ်းထႆး (တွၼ်ႈႁွင်ႇ)[မႄးထတ်း]

သူၼ်ၵိုၵ်းပိုၼ်း သုၶူဝ်းထႆး (တွၼ်ႈတူၵ်း)[မႄးထတ်း]

သူၼ်ၵိုၵ်းပိုၼ်း သုၶူဝ်းထႆး (တွၼ်ႈၸၢၼ်း)[မႄးထတ်း]

သူၼ်ၵိုၵ်းပိုၼ်း သုၶူဝ်းထႆး (တွၼ်ႈဢွၵ်ႇ)[မႄးထတ်း]

ၽၢႆႇၼွၵ်ႈ သူၼ်ၵိုၵ်းပိုၼ်း သုၶူဝ်းထႆး[မႄးထတ်း]

ပွႆးလၢမ်း[မႄးထတ်း]

ႁဵတ်း[မႄးထတ်း]

သိုဝ်ႉ[မႄးထတ်း]

ၵိၼ်[မႄးထတ်း]

သုၶူဝ်းထႆးမႂ်ႇ[မႄးထတ်း]

ဢွၵ်ႉ[မႄးထတ်း]

ၼွၼ်း[မႄးထတ်း]

တီႈၵႃႈၶၼ်ထုၵ်ႇ[မႄးထတ်း]

တီႈၵႃႈၶၼ်ပၢၼ်ၵၢင်[မႄးထတ်း]

ပွင်ပဵၼ်ပၼ်လႆႈ[မႄးထတ်း]

လွင်ႈယူတ်းယႃ[မႄးထတ်း]

ၵပ်းသိုပ်ႇ[မႄးထတ်း]

သိုပ်ႇၵႂႃႇထႅင်ႈ[မႄးထတ်း]


ၽိုၼ်ၵႅမ်မိုဝ်းၶၢဝ်းတၢင်း ဝဵင်း သုၶူဝ်းထႆး ၼႆႉ ပဵၼ် လိၵ်ႈႁွမ်တွမ် ဢၼ်ၸႂ်ႉလႆႈ။ မၼ်းမီးဝႆႉ လွၼ်ႉၶၢဝ်ႇ လွင်ႈဝႃႈ တေႁဵတ်းႁိုဝ်ၵႂႃႇတီႈၼၼ်ႈ လႄႈ တေႁဵတ်းႁိုဝ် ၵႂႃႇၸူး လၢၼ်ႉတၢင်းၵိၼ် ဢိၵ်ႇတင်း ႁူင်းလႅမ်း။ ၵူၼ်းဢႅဝ်ႇလႄႇၶဝ် တေၸၢင်ႈၸႂ်ႉ လိၵ်ႈႁွမ်တွမ်ဢၼ်ၼႆႉ ၵူၺ်းၵႃႈဝႃႈ ၶႅၼ်းတေႃႈ မႄးထတ်းၼႃႈလိၵ်ႈ ၼႆႉလွတ်ႈလွတ်ႈလႅဝ်းလႅဝ်းသေ ႁဵတ်ႈႁႂ်ႈ လိၵ်ႈႁွမ်တွမ်ၼႆႉ ၶိုၼ်ႈယႂ်ႇ ၵႂႃႇသေၵမ်း။